Ka Nupepa Kuokoa, Volume XXII, Number 19, 12 May 1883 — PAKELE MA O KA MOE UHANE. [ARTICLE]

PAKELE MA O KA MOE UHANE.

Ua pakele mai nei ke ola o kekahi haole mai make, ma ke kulanakauhale o Masekuseta. Ua hele ua haole la e makaikai i kona pahu hau nui. laia nae i konio aku ai iloko o ua pahu hau la, upa mai la ka puka o ua pahu la a paa iho la oia iloko. He |)ani puka ia aia mawaho aku ka hemo. Pilikia loa oia, aole wahi e hemo ai—kokoke loa ka make imua o kona mau maka. Uwa oia, kuikui, aka, he makehewa ia mau hana. Alaila, maanei kahi kuj>aianaha o ka moeuhane. I ka po ana iho, moeuhane iho la ka na keiki, ua ike aku oia i kona makuakane ua make oia, a e waiho ana kona kino make iloko o kekahi pahu hau. A ao, ala ae la ua keiki nei a noonoo no kana moeuhane. Hoao iho la oia e hoo|xiu aku ia mau noonoo, aka, aole he hiki. Nolaila, hele hoomaauea aku la oia a wehe aku la i ka puka o ua i>ahu la, a he mea e kona puiwa ma kona ike ana aku i ke kino o kona makuakane e waiho a make ana. Aole i lele kona hanu, aka, e kamau iki ana no. Ua pakele kona ola ma o ka moeuhane a ke keiki. He j>akele kupaianaha keia. Ua oleloia, ina i hala he mau minute inahoj>e iho o ka loaa ana aku i kana keiki, ina ua make.