Ka Nupepa Kuokoa, Volume XXII, Number 19, 12 Mei 1883 — Page 4
| This text was transcribed by: | Robyn Kalahiki |
| This work is dedicated to: | In loving memory of Richard John Cummings Sr. |
Kuokoa Me Ke Au Okoa
I Huiia
No ka Makahiki $2.00
Eono Mahina $1.00
Dala Kuike ka Rula
POAONO. Mei, 12, 1883
Paiia e Thos. G. thrum, ma ka Halepai o ka Nupepa Saturday “Press”
Anthem
Praise God from who all blessing flow,
Hoonani ae I ke Akua e,
Hoonani ae ko lalo nei,
Hoonani ae ko lalo nei,
Hoonani ae Hoonani ae;
Hoonani ae ko luna e,
Hoonai ka Makua no
Ke Keiki me ka Makua no
Ke Kahi Kolu oia mau.
Haleluia Haleluia,
Haleluia Amene – Amene Haleluia
Duo. Haleluia Haleluia Haleluia.
Hoi. - Haleluia Haleluia,
Haleluia Amene – Amen
Haleluia Amene – Haleluia Amene.
HAWAII.
__________________.________________
KE KULANAKAUHALE O KE AKUA.
Bro. Perry Churchd Prayer Meeting Songs.
No.58
1
Ma o ma o ae, ma ke kahakai,
Ke kahakai lani e,
Ke ku he kauhale I imiia’e,
Maiaila e paa mau ai.
Cho. Ka home lai nei no ka poe maikai,
Kahi o ka wai e ola’I,
Lini makou e pii ae I o.
Kahi noho a malu e.
2
Kauhale Alii, ke ku nani e
Ma o ma ka puu laelae,
Aohe he hewa, aohe uwe.
Ka pono ka hana e.
Cho. Ka home lai nei, Ae.
3
Kauhale olino iluna e,
A lai lua ole no.
Malaila me Iesu ka poe maemae,
A oli, aloha mau.
Cho. Ka home lai, Ae.
4
Ziona, Ziona, I paa a mau,
A mau loa kona lailai.
O Kona mau pa he Iasepa ao,
He gula na ala e.
Cho. Ka home lai nei, Ae.
5
Ka home maikai , a po ole no,
Aohe mahina ao.
O Iesu ka la. Ka mahina pu
Ka hale hoano mau.
Cho. Ka home lai nei, Ae.
6
Ku no a poai na puali lai
Na kiai anela no.
A wehe lakou I ka puka e
No kakou ke makaukau.
Cho. Ka home lai nei, Ae.
HAWAII.
HAAWINA KULA SABATI.
HELU 9, SABATI, MEI 27.
______
Kumuhana – Paulo me Barenaba ma Kupero, -
Pauku Baibala Oih. 13, 1 12
1 Maloko noi o ka ekalesia, ma Aneuoka. Kekahi mau kaula, a me na kumu, o Barenaba kekahi, a me Simeona I kapaia o Nigera, a me loukio no Kuiene, a me Manaena I hanai pu ia me Herode ke kiaaina, a me Saulo.
2 I ko lakou hoomana ana I ka Haku, a me ka hookeai ana, I mai la ka Uhane Hemolele, E hookawale oukou ia Barenaba laua me Saulo na’u, no ka hana a’u I hea aku ai ia laua.
3 Alaila hookeai iho la lakou, pule alu la. Kau iho la na lima maluna o laua, a hookuu aku ka ia laua.
4 Na ka Uhane Hemolele laua I hoouna ae, a hele ae la laua i Seleukia; a mailaila aku laua I holo ai a hiki I Kupero.
5 Ahiki laua I Salami, hai mai la la, ua I ka olelo a ke Akua maloko o na halehalawai o na Iudaio; o Ioane no hoi kekahi hoalawehana no laua.
6 Kaahele aku la lakou i ka mokupuni a hiki i Papo, loaa ia lakou kekahi kilo, he kaula wahahee hoi ia, he Iudaio o Bariesu kona inoa.
7 Aia no ia me Seregio Paulo, ke kiaaina, he kanaka Akamai: a kii aku la oia ia Barenaba a me Saulo, makemake iho la ia, e lohe i ka olelo a ke Akua.
8 Aka, o Eluma, ke kilo (o kopna inoa ia i ka hookike ana) kue aku la oia ia laua, manao iho la e hoohuli I ke kiaaina, mai ka manaoio aku.
9 Aka, o Saulo, (o Paulo no ia,) ua piha oia in ka Uhana Hemolele, haka pono mai la oia iaia.
10 I mai la, auwe oe ka mea i piha i ka wahahee a me ka hewa a pau, he keiki n aka diabolo, he enemi no ka pono a pau, aole anei e hooki oe i kou keakea ana i na aoao pono o ka haku?
11 Eia hoi, ano la e kau mai an aka lima o ka Haku maluna ou, a e makapo moo e, aole e ike aku i ka la a hiki i kekahi Manawa. Haule koke mai la maluna on aka pouli a me ka moowini. Holoholo ae la ia e imi i mea alakai.
12 Alaila, ike ae la ke kiaaina i ka mea i hanaia mai ai, manaoio aku la ia me ka mahalo aku I kea o ana a ka Haku.
Pauku Gula. P.z.
Manao nui. E hooikaika e hoohuli I na kanaka mamuli o Iesu.
Na heluhelu la.
1. Oih. 13: 1-12.
2. Mareko 16: 9-20.
3. Oih. 16: 16-29.
4. Ep. 3: 1-21
5. 1 Tim. 4: 1-16.
6. 1 Tes. 2: 7-20.
7. Io. 8: 38-52
Ka Manawa.
Mawaena o ka A. D. 45-48
Kahi i hanaia’i. Anetioka me Ku pero.
Na lii. Kelaudio ka Emepera o Roma. Kumena ke kiaaina
O Iudea. Ana nia ke Kahunanui.
Mele. “E ala na moku. “ Hoku Ao Nani. P. 45.
Pule I ala na moku a huli mamuli o Iesu.
Ka wehewehe me ka ninau ana.
Na Mahele
I Na Misionari mua. P. 1-3.
Ihea Saulo me Barenaba mamua a
Hoi mai? I ka hoi ana I Anetioka
Owai ka I lawe pu ia e laua? Mok. 12:25
Owai ka i loko o ka ekalesia o Anetioka?
Na kumu, he poe haiolelo lakou.
Na kaula, he poe haiolelo no,
Me ka wanana kekahi. Nui lakou me
Na hoahanau I akoakoa ma Anetioka.
Me kekahi hui ana e hoomana, a haipule,
A hookeai, heaha ke kauoha a ka
Uhane Hemolele? Ma ka leo paha ia
Kauoh; ma ka Uhane paha. Ua Akaka
Nae, na ke Akua mai ia kauoha.
Akahi no a hookaawaleia eka ekalesia
Kekahi mau mea no ka oihana Misionari
No na aina e.
3. Ua hookaawaleia Saulo me Barenaba,
Me ke kuhikuhi ana a ka Uhane
Hemolele. Ua kahea no Iesu ia Saulo
Mamua no keai oihana. Ua hana
No oia, ua haiolelo no ma na aina e.
Ua hala na mak. he io paha. Ua kokua
pu Barenaba iaia ma ka haiolelo ana.
Aka, o keia hookaawale ana, na
Ka ekalesia ia ma ke kauoha a ka Uhane
Hemolele. Ua ai ka ekalesia. Ua
Hookeai ma ia la paha, ma kekahi la
mahope iho paha. Ua pule. A ma ka
pule ana ua aha lakou i ko lakou mau
lima? Ma ke kau ana o na lima maluna
o laua, ua hoapono ia ko laua lilo
ana I mau Misionair no na aina e, a ma
ia hana hoi ua pule lakou no laua, a ae
e kokua I ka laua hana.
Heaha ka hana hope ma keia halawai?
Ka hookuu aku ia laua e hele
mai o lakou aku, mai Anetioka aku a i
kahi a ka Uhane Hemolele e kuhikuhi
mai ai.
II Ka hele mua ana o Saulo me Barenaba.
P. 4-6.
4. Owai ka I kuhikuhi i kahi e hele
ai? A hele mua ihea? Seleukia, ke
awa ia no Anetioka, he 16 ½ mile ka
loihi mai Anetioka aku, e pilo ana no
i ke Kaiwaenahonua. Malaila e loaa’i
ka moku e holo aku ai. A holo mua
laua ihea? Kupero kahi hanau owai?
Nana ma ka Palapala Aina, a ma na
hoakaka mua.
5. A ku ka moku mahea? Salami,
Oia ke kulanakauhale nui o Kupero.
Heaha ka laua hana malaila? Maloko
o ke aha? He mau Iudaio maoli kekahi
malaila.
A he ma Iudaio Helene kekahi. He
Poe pegana no mamua. A lilo I poe
Iudaio ma ke okipoepoe ana, no ko lakou
Makemake e loaa ko na Iudaio
mau pono.
Ua hoowahawaha I na hana pegana.
Owai kekahi hoalawehana na laua? Ioane
Mareko keia ka mea nana I kakau
ia Mareko.
6. Mai Salemi aku laua a hiki ihea?
Papo, ma ka aoao komahana ia, 100
Mile mai ia Salami aku.
He kulanakauhale nui no. Owai kekahi
kilo malaila? He kaula aha?
III Ke keakea ana o Bariesu oia
hoi Eluma. P. 7-10.
7. Owai ke kiaaina? He kanaka aha
Ia? Kii oia ia wai? No ke aha? Maikai
Kona manao. Makemake oia e lohe
i keia olelo hou, i ka olelo e ola’i.
8. Pehea noe o Eluma? No ke aha
kona inoa Roma. Akahi no oia a kapaia
ma keia inoa. Paulo. Kona inoa
paa ia mahope iho. I kona ike ana i
ka hana a Eluma, ua piha oia i ke aha?
A aha kona maka?
10 Heaha na olelo hooweliweli, a
hookaumaha a Paulo? Heaha hoi ka
ninau?
11 Heaha ka hoopai? Nawai mai?
Heaha ka like ole o keia makapo ana
me ko Saulo mamua aku? Ua mihi
nui Saulo, a pule nui. Pehea Eluma?
Aole Akaka. Ua mihi paha, aole paha.
Ka hana mana mua keia a Paulo
i hana’i. Na ka Uhane Hemolele i
kauoha e hana pela, aole nana iho.
IV Ka hope o keia hana mana.
P. 12.
I ka ike ana o ke kiaaina i keia hana
Mana, pehea poa? Manaoio, mahalo,
huli i haumana na Iesu. Oia wale no
anei ka hua maikai I loaa ia Paulo ma
ma Kupero? Pele paha.
Aka, he waiwai nui loa ia , ka Uhane
hookahi i hoopakeleia i ka make mau
loa. Ua oi aku mamua o ke gula a
pau o keia ao.
Ka Hoopili Ana
1 Kahiko ka Oihana Misinonari. Ehia
la mak. mai ka wa i hooliloia i Paulo
me BarenabaiI mau Misionari a hiki ia
nei? 1836 makahiki.
2 Ua lohe anei ko na aina e a pau i
ka Iesu olelo? Ehia miliona I koe aole
i lohe?
3 Nolaila, heaha ka pono o na ekalesia
i keia Manawa? E hoohalike me ka
ekalesia o Anetioka.
Aole anei e kauoha mai ana ka Uhane
Hemolole i na ekalesia a pau, e hookaawale
i mau Paulo, i mau Barenaba,
no ka oihana Misionari, a e hoouna aku
ia lakou i ko na aina e me na Mareko
pu kekahi? Auhea na Paulo na Barenaba
na Mareko ma keia Pae Aina?
E wiki e hai aku I ka Papa Hawaii.
Eia makou, ke makemake nei e hele i
ko na aina e, i Maikonisia, i Fatuiva, e
lawe i ka berena o ke ola.
Kokoke ka Manawa e holo ai o Hoku
Ao, i Maikonisia.
E pule nui no na Misionari, a e kokua
ma ke dala kekahi.
4 E na kiaaina, me na luna aupuni a
Pau, e hoohalike me Seregio Paulo, e
hoolohe, a manaoio ia Iesu ka mea wale
no e ola’i.
5 E na Eluma, ka poe keakea, a imi
e hoolalau I na luna, na kanaka, na kamalii
na lii, e makau oukou, a hooma-
kapoia elike me Eluma, a paholo iloko
o ka puali o ka po.
E mihi, e hoopau i ka hoolalau ana,
oiai e kali ana Iesu no ko oukou mihi
ana.
5 Nui wale ka peo keakea, alakai hewa.
Auwe ko lakou hopena ke mihi
ole.
Mele. “Auwe na hoa.” Hoku Ao
Nani. P. 43.
Pule i mihi lakou nei pakele I ka
make.
Haawaina no Iune 3, Ohi. 13:13-16,
43-52.
HE MOOLELO EEHIA
NO NA
HANA HOOWELIWELI
O KE
TOWERA O LADANA
[Mai ka peni a ka mea unuhi moolelo o “Beriana
Ka Wiwo Ole, a me Mahone ke Koa”]
“A no ia mea, ano,” i hoomau aku
ai ke Duke I ke kamailio ana I kekahi
Aliikoa: “e pani ia na ipuka pa a pau o
ke Towera, e kaikai ia iluna na alaha
ka huki, a aole loa e puka aku kekahi
mea me ka loaa ole o ke kauoha I kakau
ia mai ia’u aku.”
“Heaha keai.” I hooho ae ai a De
Noailles me ka huki ana ae i kona mau
poohiwi iluna.
“He poe paahao!” I hooho ae ai na
leo he lehulehu o ka aha kanaka.
“O oukou e na malihini a ka Moiwahine,
e o’u mau haku;” wahi a ke Duke.
“E hilinai anei oukou i ka’u kahua
hana ano?” i pane aku ai o Renada me
ka leo hawanawana. “Ua hole aku
anei oukou i na manao hoala kipu a
Northumberland?
“Ae, ua hole aku au,” i pane aku
ai o Pemeberoke. “Aka, nawai auanei
e o-u mua I ka maka o ka wauke?”
“Na’u e huli I ke kanaka,” wahi a
Renada.
I keia mau mamala olelo i puana ia
ae ai, ua haule aku la ia iloko o na pe-
peiao lolohe o Kuilipeka Kolomonakela.
Mahope koke iho o keia wa, hookuu
ia ae la keia kuka ana, a hoihoi ia
aku la o Jane me ka hanohano I kona
keena.
MOKUNA III
I kekahi po, ua ua hoounauna ia
o Guilafoda Dudele, ma kekahi kumu-
hana huna, e kona makuakane ka Duke
Northumberland: a no kona hoi ole
mai a aumoe wale, ua hoike ae ka Lede
Hastings I ka manao, oiai ia ma ke
ano ukali no ka moiwahine ia wa, no
ka hoohala ana ae i kekahi manawa,
ma ke kipa ana aku e makaikai i ka
Luakini o Sana Ioane, ilklo o ka Towera
Keokeo, ka mea a lakou i lohe
wale ai i ka nani a me ka maikai, aole
nae he mea hookahi o lakou i ike
maka.
Kokua aku la o Jane i ke noi, me
ke kokua pu ia mai e kona kaikaina,
ke Lede Herbert: a o ke alakai ana
o ka huakai malalo o Lede Hastings.
He elua mau alakai i hele pu me lakou
mawaena o na papa noho loloa o ka
aoao a me na ala ololi a lakou e hele
aku ai, mamua o ko lakou hiki ana
Aku I ka Towera Keokeo; aka, ia lakou
i hiki aku ai i ke keena e pili pu
ana me ke keena kukakuka, i hele hoi
a le-i ia ahiahi me na kanaka i lako i
na mea kaua, ia manawa nae hoi ua
neoneo; ninau aku la o Jane i na ukali
e hele pu ana me ia, I ke alanui e hiki
aku ai I ka luakini; a I ko lakou hoo-
maopopo ana iaia, kauoha aku la oia
I kahi huakai uuku, e kali iaia ilaila a
Huli hoi mai oia, oiai, ua hooholo oia
E hele hookah a komo iloko o kahi
Hoano.
Kanalua iho la kona mau kaikaina,
Me ka hoolana ana e hele pu, a hoike
Pu mai la hoi na kanaka alakai, malia
Paha e loohia aku he popilikia ma ka
Ae ana aku iaia e hele no keia wahi
Ma keia wa o ka po me ke kokua ole
Aka, aole oia I loli, ua kupaa-a ae mai
La e huli hoi mai iloko o na minute
Pokole, a mahope aku olaila, hele hou
Aku lakou I ka luakini.
Lawe ae la ia he kukui mai kekahi
ukali mai. a hele aku la ma kea la i
kuhikuhi ia aku ai iaia: hele aku la oia
ma kekahi ala ololi. i like me ke ala
ana i hele ai i ke kakahiaka iho me ke
Duke. a aole i emo komo aku la oia
Ma ka aoao maluna o ka luakini. A
iaia e maalo ana mawaena o kahi ha
mama o ka paia. e hiki aku ai i na noho
o ka aoao me he mea la, ua hoo-
maopopo aku oia i ka ike ana i kekahi
mea kino kanaka I ka emi ana aku, ua
pulou ia me ke koloka: ku iho la ioa
no ka Manawa me ka manao e huli hoi
ihope.
Hilahila nae oia no ke kupaa ole o
kona manao, me ka hoomaopopo iho
he akau wale no keia mau mea a pau,
nolaila, hoomau aku la oia i ka hele
ana imua. Iaia e iho ana ma kekahi
alapii, ike iho la oia aia ia ma kekahi
o na alahele o ka luakini, a iaia e maalo
ana mawaena o kela a me keia
kolamu noho, komo aku la oia I ke kino
o ka luakini.
Oiai oia ma keia wahi, me he la, e
Maalo ana i kona maka ke kino wailua
Ana i ike ai mahope ae o kekahi o na
Pou o loko o ua keena la. Piha mai
La oia i ka maka, me ka neane e hoaui
Ae i kona mau kapuai mai ka hele
Ana aku imua; aka, haule aku la ka ike
A kona maka i kekahi mea e waiho ana
i ka papakele, mamua iki aku ona.
Ala mai la ka manao iloko ona e ike,
Nolaila, awiwi aku la oia imua e hala
Wai me keia mea kamahao, hoomala-
Malama aku la I ke kukui, aia hoi, holo
Koke ae la kea no maeele i kona kino
a puni: iaia I hoomaopopo ai i kekahi
mea e waiho ana ma kona mau
kapuai, oia hoi, he koi lipi. O keia
no hoi ka waiwai punahele i milikaa
mau ia e ka mea oki poo. Ma keia
wa i pio koke ai kona kukui.
MOKUNA IV
Kakali iho la na kaikaina o Jane
no kona hoi mai, aka, ua loihi wale
ka manawa aole oia i hoi mai; nolaila,
ua hoopioloke koke ia ko lakou manao
nona me ke kaumaha, me ka maopopo
ole o ke kumu o kona kaulua
ana; no ia mea, hooholo iho la lakou
e huli iaia. Noi aku la lakou i na alakai
e kokua ia lakou no ka hele ana
aku i ka luakini; a ia lakou i hiki ai
ilaila, ua hooauhee koke ia ko lakou
mau manao pihoihoi, ma ko lakou ike
ana. e halii ana ke eheu o ka pouli ia
loko o ka luakini, a ua hooneoeneo ia
me ke kanaka ole.
Ia lakou e halo ana ma o a maanei
Iloko o ka pouli, me ka nalu ana iwaena
o lakou iho me ke kahaha, lohe
aku la nae lakou I ka hoho ana mai o
ka hanu o kekahi mea, ma kekahi o na
papa noho ma ka aoao akau; awiwi koke
aku la lakou ilaila, loaa iho la ka
mea a lakou e imi ana; e waiho ana oia
iluna o ka noho me ka maha, mai ke
poniuniu o kona haule ana ilalo i ka wa
one I loaa ai i ka mai kuhewa. ia lakou
imua ona, ua hiki iaia ke kamailio,
a o kana mea mua i pane mai ai,
he kauoha paa, aole e hoike ia kekahi
mea hoolele hauli e pili ana nona, aole
hoi mau kokua e kauoha ia.
“Ua maikai pono au ano” wahi ana,
“me ke ake ole i mea kokua. Mai ninau
mai ia’u no na ouli i kau mai iluna
o’u. Ua inoino loa ia ko’u poo
ke noonoo ai au ia mea; a e kapae loa
aku ana au ia mea mai ko’u hoomanao
ana. Nolaila, ke kauoha paa nei au
ia oukou, mao ko oukou mau manao
pilipaa e hooko ia, aole loa oukou e
hoike aku i kekahi mea hookah; aole
loa hoi imua o kuu haku kane aloha,
ke hoomaoe mai oia i ka ninau me keia
mea; pehea la au i loaa ai ia oukou.
a ina o ko’u kipa ana ianei, aole e
ninau ia mai e ia, oiai, malia paha, aia
no oia e hooko ana i na kauoha a me
ka pulama ana a kona luaui ke Duke
Northumberland, alaila, o ko’u manao
a me ka’u kauoha paa loa, aole loa e
hoomakili ia kekahi mea e pilo ana no’u
iaia. He mea makehewa ka hoike ana
aku imua o olua e o’u mau pokii aloha,
oiai, ua loaa ia’u he kumu kupono e
hamau ai. ia olua hoi e na mea alakai,
ke kauoha pu aku nei au ia olua, e huna
kele loa ia keia mea e olua, a pela
auanei e pono ai olua.
O keia mau olelo hoalohaloha me ke
anoano a ko lakou kahu alii i kauoha
mai ai ia lakou, ua lilo ia i mea e makau-a
ai no laua; a o ka nana wale aku
no i kekahi a me kekahi ka hana oia
manawa, me ka maopopo ole ia laua o
ka mea pono e hana ai; aka, ua ae aku
la nae laua e malama i ke kauoha, a
pela pu hoi me na kanaka alakai.
Kaukoo aku la oia iaia iho iloko o
na lima o Lede Herbert, a ku ae la
oia iluna a hele aku la lakou me ka
malie no ke alapii ma ka hikina o ka
hale. A ia lakou e kaalo ana i ka po
poiwi o ke alahele papa noho, haliu aku
la oia a hawanawana aku la ia Lede
Hastings, ka mea e kui lima pu ana
me ia ma ka hema. “E nana aku
mahope ou e Katarina. Aole anei he
mea au i ike e waiho la i ka papahele?”
“Aole, e kou kiekie,” wahi ana, iaia i
alawa aku ai a nana mahope ona me
ke ano hopohopo. “Aole loa he mea
a’u e ike nei, koe wale no na aka loloa
eleele o kakou.”
“E hookaikai ia na Lani; ua nalohia
aku la,” wahi a Jane i puana ae ai
Me ka leo mohala, me he la, ua hoomama
ia oia mai ke kaumaha e haawe ana.
iluna ona.
“Heaha ia mea I nalohia aku, e ka
Hoahanau haku lani o maua?” wahi a
Lede Herbert i ninau aku ai.
“Mai ninua mai ia’u no ia mea,” wahi
a Jane me ka leo e kaulona ana e
kapae i na kamailio ana no ia mea. “O
ka mea a’u i ike a i lohe ai hoi, e waiho
mau loa aku ia me ka huna kele iloko
o keia umauma wale no.”
“Ke manao nei au. He kino wailua
Uhane kai halawai pu mai me oe e kuu
haku lani.” Wahi a Lede Herbert, me
kona piha I ka pihopiho no ka mea ana
i lohe ai: a oiai hoi, ua hooiaio oia. E
like me kekahi poe kanaka oia au. I ka
oiaio o na mea i ike ia ma o na kino
wailua la.
“O na keena a pau o ke Towera. Ua
olelo ia i lapu, a peahe hoi o loko
o keia keena luakini e nele ai I ka lapu
ole. Nona ka nanaina me he le ua
piha i na akaku o kela a me keia ano
kanaka? Ua kaumaha ia au no ke noi
ana e kipa kakou ianei. Aka, he uku
paha ko’u loaa hou iloko o keia wahi.
koe wale no i ka wa ao, me na kokua
kupono, a kou hanohano alii e hoouna
hou ai ia’u e launa pu me na eepa o kela
ao no keia mua aku. E hoike aku
au i kekahi mea ike maka e like me
kau i ike ai. Malia o ke kino wailua
a Ane Bolena, ka mea i ike mau ia ka
hele ma keia mau wahi; a i ole, o
Katrina Howard, a i ole, o ke Cauna
Wahine o Salisbury. E hai mai ia’u,
owai la o keia mau mea, a i ole, o ka
mea au i ike ai, e hali ana paha oia i
kona poo malalo ae o kona peaeae.”
“E kapae I keia mau olelo,” wahi a
Jane, “E hele mai me a’u i ke kuahu.”
“Aole paha kou kiekie e noho loa
Ana ma keia wahi?” wahi a Lede Hastings.
“Ke olelo aku nei au, aole au
E noho ana ianei.”
“Aole au e hookaulua loihi ia oe
Maanei, aka, ua ake au e haawi aku i
Mau hua pule kanaenae i na lani,” wahi
A ke aliiwahine. “Mai hopohopo,
aole mea nana e hoopilikia a hoopuiwa
mai ia oe.”
Aole i pau
NA UI MISIONARI
(Koena)
11 Oluolu anei ke Akua i ka poe a
pau e kokua manawalea ana?
Aole. “E lawe oukou na’u I ka mohair
Makana o kela kanaka o keia kanaka
i haawi oluolu mai me kona naau.”
Puk. 25.2.
12 Pehea ka makana i haawi ia me
ka naau pi, naau minamina e aua malu
ana?
Ua makemake ole ia, ua hoopailua ia.
13 E haawi hebedoma anei? E haawi
malama paha?
E haawi hebedoma paha. “I ka la
mua o ka hebedoma e hoano e kela
mea keia mea o oukou I kona iho e like
me kona hoopomaikai ia mai.” I Kor.
16:2.
14 Ina aole oe ia hoopomaikaiia, aole
loaa ka waiwai, heaha ka pono?
E imi i kahi e loaa ai. Mai pee maloko
O kou ilihune, o kou nele. Malia
paha o oe no ke kumu, o kou nele. No
kou imi ole, hana ole.
15 Heaha ka olelo hoolana I ka mea
i kokua i poe pililia? Oia hoi ka poe
ilihune.
Pomaikai ke kanaka i manao i ka
mea pilikia.
E hoakea mai Iehova ia ia ka wa
Ino. Hal. 41:1.
16 Heaha ke ano no ka haawi ana?
“E haawi aku, a e haawi ia a mai ai
Oukou, me kea no pono I kaomi ia iho,
i pili pu i ka hooluliluli ia a hanini iwa-
ho, e haawi mai ai lakou iloko o ko ou-
kou poli. No ka mea me ke ana a ou-
kou e ana aku ai, pela no e anaia mai
ai no oukou.” Luk. 16:38.
17 Heaha kea no maopopo o keia
Pauku?
Eia; o ka mea i lulu liilii e hoiliili lii-
lii no ia, a o ka mea I lulu nui, e hoilii
li nui no hoi oi.” IIKor. 9:6.
18 Pehea nae ke nui ka waiwai, a
haawi pikanele no ka pi? E nele loa
ana paha. Sol. II: 12.
19 Heaha ka .Isaua olelo no ka loko-
maikai?
“O ka mea lokomaikai, imi no ia i
ka lokomaikai, a ka lokomaikai oia e
kupaa ai.” Isa. 32:8.
20 Heaha ka ke Akua kauoha no ka
poe ilihune?
“Aole e pau ka poe ilihune ma ka
honua. Nolaila, e wehe loa ae I kou
lima i koa hoahanau, i kou poe ilihune
a me kou poe nele ma ka aina.” Kan.
15:11.
21 Heaha ke kauoha no ka mua o
na hua mua?
“E lawe mai no oe iloko o ka hale o
Iehova kou Akua, i ka mua o na hua
mua o ka aina.” Puk. 23:19.
Pili keia I na hua mua a pau, i ke
dala mua, i ka holoholona, i na keiki.
22 Ua malamaia anei keia kauoha?
Aole. Ua aua ia ka nui. Ua aua ia
ka e Akua. Heaha la ka hope?
23 Heaha ke noi ana a Paulo i ko-
Roma poe?
“E haawi i ko oukou mau kino i mo-
Haiola, hemolele hooluolu I ke Akua.
Rom. 12.1.
24 Heaha ke kumukuai i kuaiia ai
oukou?
Ke koko mana o Iesu. “No ia mea
e hoonani aku oukou i ke Akua me ko
oukou kino, a me ko oukou uhane.”
1 Kor. 6:20.
25 Heaha ko ke Akua makana nui
I keia ao?
“Ua aloha nui mai ke Akua I ko ke
ao nei, nolaila, ua haawi mai oia I kana
Keiki Hiwahiwa, i ole e make ka mea
manaoio ia ia, aka, e loaa ia ia ke ola
mau loa.” Io. 3; 16.
26 Nolaila, heaha ko kakou pono?
“E aloha aku I ke Akua no kona ma
Kana nui, aole e hiki ke haiia aku.”
II Kor. 8: 15.
A e kokua nui i ka hoolaha aku i ko
Na aina e i ka nu maikai e ola ai. Mat.
28: 19, 20.
(THE CHRISTIAN GIVER.)
NA HOOLAHA KUMAU.
ASA KAULIA,
LOIO A KOKUA MA KEKANAWAI
Jno. Lota Kaulukou, LOIO A HE KOKUA.
Ua makaukau oia e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i Kekahi manawa. 901 - tf
W. R. KAKELA,
He Loio a he Kokua ma ke Kanawai. He Luna Hooiaio Palapala.
W. L. HOLOKAHIKI.
He Loio a he Luna Hooiaio Palapala.Keena Wehekealaula Alanui Betera. 1121
SAM. L. KAWELO
LOIO! LOIO~
E noho mau ana ma ke kulanakauhale o
Honolulu Oahu.
SAML. K. KAEO
LOIOI LOIO
E loaa no ia ma ke Keena Loio o L.L. Kaaulukou mauka iho o ka Haleiwa. Honolulu
1195 1 yr.
S. B. DOLE,
He Loio a he Luna Hooiaio Palapala
Keena Hana-Ma Alanui Kaahumanu.
CECIL BROWN.Loio a he Kokua ma ke Kanawai.
A he Agena no ka Hooiaio ana i na Palapala no ka Mokupuni o Oahu. Helu 8 Kaahumanu, Honolulu, H. P. A. 1y
Richard F. Bickerton,[Peketona.]
Loio a he Kokua ma ke Kanawai.
Keena hana Helu 23 Alanui Kalepa,
Elua puka ma o aku o ka hale kauka o Kauka Minuteole.
E hele ana oia imua o na Ahahookolokolo a pau o keia Aupuni ma na ano hihia a pau, ina paha ma Oahu nei, a ma na Mokupuni e ae. Ua makaukau mau oia i ka hana ana i na Palapala pili kanawai o kela a me keia ano. Ua hiki no hoi laia ke hoaie dala aku ma ka moraki ana i na aina ma ka ukupanee haahaa loa.
E hanaia na hana me ka hikiwawe a me ka uku haahaa.
JAMES M. MONSARRAT,[MAUNAKEA] Loio o he Kokua ma ke Kanawai.
Imua o na aha Hookolokolo a pau o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.
A HE LUNA HOOIAIO PALAPALAKeena hana alanui Kalepa.
Jan. 31, 1880. 944-1y
KALE KULIKA,
Luna hooiaio
PALAPALA KUAI, MOLAKI
A ME NA PALAPALA OIA ANO.
Luna Hooiaio Palapala Aelike mawaena o na
Haku a me na Kauwa. Luna Haawi
Palapala Mare.
Ma ke kihi o ke Alanui Moiwahine me Kaahumanu,
Kulanakaauhale o Honolulu, ko Hawaii Pae Aina.
150-tf
C. C. COLEMAN,Amara a he mea hana MekinaKapili Kapuai hao lio.A ME KA
Hana ana Kaa Lio, etc., Hale Hana ma Alanui Alii, E kokoke la i ke Alanui Papu.905-tf
S. H: MEEKAPU.
June 22, 1882
ANA AINA! ANA AINA!!
Frank Pahia a me
Samuel M. Kaaukai.
KEENA HANA-Aia ma Alanui Moi, koko
Ke lo aka Uwapo o Hooliliamanu.
1096 tf.
MAKEMAKEIA.
Ua makemake ia ka poe mea ILI KAO
MALOO a me na ILI BIBI, a pela hoi me
Na ILI MIKO o na ano a pau, e kuai mai i ko
Lakou mau ILI me makou, a e haawi no makou
I ke KUMUKUAI KIEKIE LOA o ko
Kakou Makeke.
C. BREWER & CO. (Buraa Ma._
Joseph E. Wiseman,
LUNAHOOPONOPONO O NA WAIWAI PAA
A ME
Luna Imi Hana,
Helu 27 Alanui Kalena Honolulu
Luna Hoolimalima no na Rumi, na Hale, a me
Luna Kuai me Hoolimalima o na Waiwai
Paa ma na wahi a pau o ka Paemoku.
Luna imi Hana no ka poe a pau i nele
i ka hana ole ma na wahi a pau i make
makeia ma kekahi mokupuni o
ka Paeain.
N. B.-Na Palapala Hoolimalima e hanaia
me ke eleu: e ohii na Bila Aie a me na
hana e ae a pau e pili ana I na hana Oihana
Kalepa me ke eleu a me ka pololei. O na
Unuhiolelo a me na Maheleolelo ana, e hookoia
me ka maikai. O na kauoha a me na
kamailio ana maloko o na leta no kekahi o na
hana maluna ae, e hookoia me ka eleu loa.
1076-1y
UA MAKEMAKE IA
NA ILI BIPI,
NA KIWI BIPI, NA IWI BIPI,
E haawi ia no ke kumukuai kiekie o ko kakou
makeke nei e
H. HACKFELD & CO.
NA HOOLAHA KUMAU.
KA MIKINIHUMUHUMU LOLEMAIKAI
ST. JOHN.
E LOAA NO MA KA HALEKUAI O
MR. GEO. F. WELLS.
O ka Mikini Humuhumu Lole Maikailoa keia, i hiki ke @hope, a i ikeia ma ka @Hawaii nei. He Mikini maikai loa no na kanaka Hawaii,he mikini luhi ole.KUMUKUAI $55.00me Hookahi Gita (Kika)hookani maikailoa makana.O ka poe ma na kuaaina e ake @ keia ano mikini humuhumu, e hoaie @ kou i ke dala ia
GEO. F. WELLS
ma Honolulu, a nana no e hoouna @ i makemakeia, me na mea a pau @ ka mikini, a nana e hookau aku @ moku, me ke kaki ole ia o ka @ mekini la.O ka poe a pau e holo mai ana ia Honolulu nei, mai poina lakou i ke kipa aku i ka halekuai o
GEO. F. WELLS
Ma alanui Papu, a e kiloha iho @ humuhumu la, oia ka
Royal St. John.
Eia pu no me ia na pila hookahi @ pau, o ka loaa koke ana @ no ia mai Amerikaa me Europa mai, oia
Na Pila Guitar (Kika), he @ mai ka $5 a hiki i ka $125 ke kumukuai o ka pila hookahi
200 Koliana mai ka $2 a hiki i ka @ ke kumukuai o ka pila hookahi100 Ohe Puluka, $2.50 a hiki i ka $10ke kumukuai o ka ohe hookahi12 Pahu Hookani nunui, a me @Hookani liilii, a me na ano @keleawe a pau, e loaa no ma keiahalekuai i hoikeia maluna me ke
KUMUKUAI EMI WAIPAHE.
Na Piano maikai, @me ke Kumukuai Emi Loa iike ole ia ma Hawaii neiHe nui aku no na mea i koe, @la a me keia e kilohi @ iho, @ae ma ko‘u halekuai ma Alanui Papu.
E hookoia ka makemake o kela a mekeia me ka eleu.
GEO. F. WELLS.
1006 tf. Alanui Papu.