Ka Nupepa Kuokoa, Volume XXII, Number 13, 31 March 1883 — HAAWINA KULA SABATI. [ARTICLE]

HAAWINA KULA SABATI.

Kumuhana Kalhuli ana o Saulo. - Pauku B*lb*U. Oihp: 1-18.

E ha aku ana o Saulo i ka olelo hooweiiweli, a me ka luku aku i na haumana a ka Haku, hele aku la ia i kekahuna nui. 2 Nonoi aku la i mau palapala no na halehalawai ma Damaseko, i na loaa ia--1.1 kekahi mau mea no keia aoao, nakane paha, na wahine paha, e alakai mai | no oia ia lakou me ka nakinakiia ma lerusa]ema. 3 A ī kona hele ana aku, a kokoke ma I >amaseko, anapu koke mai a puni iho la ia i ka malamalama mai ka lani mai. 4 Hina iho la i ka honua, a loheaku la ia i ka leo, i ka i ana mai iaia, E Saulo, e Saulo, no ke aha la oe e hoomaau mai nei ia'u ? 5 I aku la ia, Owai oe, e ka Haku? I mai la ka Haku, O lesu no wau ka mea au e hoomaau mai nei. O ke keehi ana i na mea oioi, he mea ia e eha ai nou. | 6 I aku la ia me ka hopohopo a me ka haalulu, e ka Haku, heaha kou makemake e hana aku ai au? I mai la ka Haku īaia, K ala oe iluna, a e hele ike kulanakauhale, a e haiia no ia oe ka mea pono nau e hana aku ai. 7 A o na kanaka e hele pu ana me ia, ku iho la lakou me ka leo paa, ua lohe no lakou i ka leo, aole nae i ike aku i kekahi mea. S Ala mai la o Saulo, mai ka honua mai, oaka ae la kona mau maka, aole nae ia i ike i kekahi mea. Alakai lima aku la lakou iaia a hiki aku i Damaseko. 9 Ekolu la o kona ike ole ana, aole ia i ai, aole no hoi i inu. i o Aia no ma Damaseko, kekahi hauinana, o Anania kona inoa. I mai la ka Haku laia ma ka hihio, E Anania. I aku la kela, Eia no wau, e ka Haku. 11 I mai la ka Haku iaia, R ku, a e hele ma ke kuamoo, i kapaia o Pololei, ma ka hale o luda, e imi i ka mea i kapaia o Saulo, no Tareso, no kamea, aia hoi, ke pule la ia. i ? A ma ka hihio oia i ike aku ai i kekahi kanaka, o Anania kona inoa, e hele mai ana, a kau i ka lima maluna ona, i ike ia. 13 I aku la o Anania, E ka Hakue, ua nui loa na mea a'u i lohe ai i ua kanaka la, i ka nui o ka hewa ana i hana aku ai i kou poe haipule ma lerttsalema. 14 Ua loaa no hoi iaia ka mana na ke kahuna nui mai, e hoopM. i na mea a pau i hea aku i kou inoa. 15 I mai la ka Haku iaia, O hele: no ka mea, he ipu i kohoia na'uoia nei. e lawe aku ai i ko'u inoa imua o ko na aina e, a me na 'lii, a me na mamo o ka lsaraela, ! 16 No ka mea, e hoike aku ana au | aia i ka nui o kona ehaeha ana no ko'u ! nei inoa. 17 Hele aku la o Anania a komoaku la i ka hale; a kau aku la i kona mau lima inaluna ona, i aku la, E Saulo, e ke kaikaina, ua hoouna inai nei ka Haku ia'u, o lesu, ka mea au i ike ai ma ke ala au i hel« mai ai; i ike oe, a i piha hoi i ka Uhane Hemoiele. 18 Haule koke iho la mai kona mau maka mai me he mau unahi la, a ike koke iho la ia, a ku mai la, bapetkoia iho'la. Pauku Gulx P, 18. Hoopaa. Manao rul Ma ka mana o lesu e ano hou ai ka naau. Na heluheiu la. 1. Oih. 9: I—iS. 2 Oih. aa: I—l6. 4. Oih. 26: 9 —ao 4. Qal. 1; I—l4.1 —14. 5. 10. 3: I—l i. 6.

Rom. 10: I—l3.1 —13. 7- 3 : 1 Ka manawa A. D. 40 paha. Ua 35 j na mak. o Saula j Kahi i hanaia'L Mawaena o lenisale-1 ma me Damaseka Na lii Ca!igula, &c Mele. "Oli e inaluna." Hoku Ao Nani. p. 92. Pule i makaukau e oli me lakou maluna. KA VkXHEWEHE ME KA NINAU ANANa Mahele. I. Ka hoomaau ana oSaulo. P I—2.1 —2. Owai keia mea hoomaau? Heaha ka oukou i lohe e ai mamua no Saulo? Mok. 7:58. S: 1, x Owaikekahiinoa 0 Saulo? Saulo ka inoa iwaena o na | ludaio. Paulo ka inoa iwaena o ko Roma poe. E aha ana oia i na haumana a ka Haku? Heaha ke kumu o kana hana ana pela? Ka naaupo, wahi ana, 2Tim. r:l3* I owai la kona hele ana? Owai ke kahuna nuL' lonetana. No ke aha kona hele ana i o na la? I loaa ka mana e aha ai? Aia a loaa mai ka palapala hopu mai ka Aha Lunakanawai mai, alaiia, ua mana Saulo, a hiki ke hopu, a hoopaa, a alakai i lerusalema ia wai? I na haumana 1 lesu, na kane, na wahine, na keiki E aha ia ana lakou ma lerusalema? E lukuia ana. Aloha ole. No na halehalawai mahea keia palapala hopu? Heaha, a mahea Damaseko? E nana ma ka Buke Wehewehe hua Baibala i maopopo. I na ua nele | ia buke, e kuai me Ka Papa HawaiL He Buke hoonaauao loa ia. No ke aha ka nele? j 11. Ka halawai ana 0 lesu me Sau-1 10, ma ke alanui. P. 3 —9. P, 3. A hele Saulo, a kokoke i Damaseko, heaha ka mea i keakea i kona hele ana? He malamalama mai hea mai, me he anapu uila. * P. 4. Pehea iho la Saulo? A lohe oia ia leo e hea ana pehea? 5 A ninau Saulo pehea? A pehea lesu i pane aku ai? O ka hoomaau ana i na haumana, oia anei ka hoomaau ana ia lesu? Mat. 25, 40. Heaha ka mea e loaa ana i ka mea i keehi aku i na mea oioi? Ka eha paha. lesu ka mea oioL Saulo ka mea e keehi ana ia lesu. Makehewa ia keehi ana. Ka eha ka mea e loaa ana ia Saulo. He eha make kē hoomau ia keehi ana, ka hana ino ana ia lesu. P. 6. Hopohopo, a haalulu nui o Saulo no ke aha? A heaha kana i ninau aku ai? A pane lesu pehea? P. 7. Na kanaka e hele pu ana me Saulo e hopu i na haumana a lesu, j)ehea lakou? Pilipu, pihoihoi loa. He leo wale no ka i loheia. Aole nae he mea i ikemakaia. P. 8. Ala no Saulo e like me ke kauoha, me ka manao e hele. Aole nae 1 hiki. Ua nana na maka. Aole nae i īke. Ua makapo. Na ka olinolino loa paha 0 ka malanialama i hoomakapo iaia. Ua awakea. Aole pouli maoli. He pouli no ke Akua mai. Auhea ke ala e hele ai i I)amaseko, a e hoi ai paha i lerusalema? Aole akaka ka hikina, ke koniohana, ka akau, ka hema. Aloha ino. He alakai oia mamua no ka poe e hele pu ana me ia. Ano, ua lilo lakou i alakai nona a hiki ihea? P. 9. A hiki Saulo i Damaseko, hoike anei oia i kana palapala hopu i na luna aupuni? Auhea ia palapala? Aole paha ona manao ma ia palapala. E moe ana oia me ka makapo me ka haohao ana no keia mea hou. Ehia la oia iloko o ka makapo, me ka ai ole, a me ka inu ole? E noonoo ana, e mihi ana, e pule ana, e nalu ana. Heaha la ka inea e hana ia'na ia'u, ke kanaka hewa loa, ke kanaka i hoomaau ia lesu, a i luku i kana mau haumana ? Auwe kuu make! Aole paha hiki ke kalaia kuu hewa. Owau ka i 01 ma ka hana hewa ana. j 111 Ka hala%vai ana o Anania me Paulo, P 10 —iS. P. 10. Owai ka haumana ma Damaseko ? Owai ka i hea iaia ma ka hihio ? A aha oia ? P. u, 12. Heaha ka ka Haku oielo ia ia ? E hele i hea ? Ma ke ala hea ? I ka hale owai ? E imi ia wai ? No hea Paulo ? Mahea Toreso ? E aha ana oia ? Owai kana i ike ai ma ka hihio e hele mai ana e aha ? j P. 13, 14. A pane aku Anania peI hea ? He kanaka aha o Paulo ma kana lohe ana ? A ua loaa ia ia ke aha na ke Kahuna nui mai ? Kanalua loa ea, Anania. Ane ae ole e hooko i ke kauoha a ka Haku. P. 15, 16. Pane aku ka Haku, o hele, no ke aha ? He ipu aha oia ? Nawai i koho? E aha 1 kona inoa? I mua owai ? E hoike ana ka Haku ia ia i ke aha ? I ka nui o kona ehaeha, hoomaauia, hana ino ia mai no ka inoa owai ? No ka hai ana i ka euanelio. P. 17. O ka hele no ia o Anania, a komo iloko o ka hale o luda, a aha ia Paulo? Kau kona mau lima maluna ona, a olelo pehea? I aha oe ? I piha hoi i ke aha ? Maha paha Paula Ao* le e niake ana. P. 18. A pehea kona mau maka ? Ka mea i haule, me he aha la ia ? Ka pau no ia o kona maka po ana. A ua ahaia oia? Noke aha oia i bapetiso ial ? I nuopopo, ua liio oia i hauma* na na lesu. Oia ka hoailona o na haumana a fccu. Ua ku oia iluna. Me

—— he la, ua kapipiia ka wai maluna o ko>Jl na poo. Aole akaka he kahunapuie j i I Anania. Maiia paha he diakoaa haio-1 i Ilelo oia e like me Pilipa A hiki iaia j< ke bapetiso i ka poe mihi a manaoio ia 1 lesu. 1 Na iMNAU mawaho. 1 1. Owai keliimuaoka Isaraeia? Ma ke aha oia i like ai me keia Sau!o ? 2. He kanaka naauao Saulo, naauao ma ka olelo o ke Akua iioko o ke Kauoha Kahika Owai kana kumu ? 3. Heaha kona hoomana ? 4. He lala anei oia no ka Sanedenma? 5. Heaha kekahi pono aupuni i loaa iaia ? 6. Owai kekahi kaula i keakeaia ma ke alanui e kekahi anela ma o kahi j holoholona nae? Ka hoopili ana. 1. Nani ka mana me ke aloha o lesu. Hiki iaia ke hoohuli koke ika poe naauao, a hoomaau ina haipule. 2. Ka poe hoomaau a hana ino i na haipule, hoomaau a hana ino lakou ia lesu. Mai hana ino, mai hoowahawaha, mai henehene i na kauwa a ke Akua. 3. Hoomaka ke Akua e hoohuli, e hoala i ka noonoo, i ka hopohopo, i ka haalulu. Waiho nae i ke kuhikuhi ana ike koena ia haL E hele a ninau. Heaha ka'u e hana'i i ola au ? 4. Hana naaupo kekahi i ka hewa me ko maopopo olehe hewa. Pela ka nui o ko na aina e. Ahonui ke Akua ia lakou, a makaukau no e kala i ko lakou hewa ke mihi. 5. Aia a akaka ka hana, e hana koke no, mihi koke, huli koke, bapetiso kokeia. 6. E hoohana koke i ka poe huli mai. Haawi koke ika pule, ika haiolelo &c. 7. Pule i hoonuiia na Paulo e hele i ko na aina e, e hoomalamalama ia lakou. Mele. "Na ouli oka manawa." Hoku Ao Nani. p. 108. Pule i nanaia na ouli, a ala a hana. &. Haawina no Ap. 22. Oih. 9; 19 —31.