Ka Nupepa Kuokoa, Volume XXII, Number 11, 17 Malaki 1883 — KA LOAA ANA O KA HOOILINA OIAIO. [ARTICLE]

KA LOAA ANA O KA HOOILINA OIAIO.

I ka aneane ana o kekahi makuakane e make ma Hinedu, ua hoike aku la oia imua o kana mau keiki ekolu, he hookahi wale no o lakou kana keiki ponoi, a o kekahi mau keiki, he mau keiki hanai wale no nana, a o kona mau waiwai a pau loa no kana keiki ponoi, aole nae oia i kuhikuhi aku i kana keiki ponoi; a make e aku la oia, me ka maopopo ole o kana keiki Ua nui kahoopaapaa ana o keia mau keiki, a no ka hoio pono ole, ua lawe ia imua o kekahi alii o ia kulanakauhale e hooponopono ai, a i kona lohe ana i ka moolelo, ua lilo ia i mea pohihihi i kona manao, oiai, aole i kuhikuhi pono ka makuakane i kana keiki ponoi, hooho-, lo iho Ia nae ia i kana mea e hana al Kauoha aku la oia i ke kino kupapau o ko lakou makuakane e lawe ia mai imua ona, ua lawe ia mai la, a nakii ia i ke kumu o kekahi laau me ka hooku pololei ana iluna, me he mea ola la no, a ua hilinai i ke kumu laau. Haawi ia aku la he mau pua me na na kakaka i na keiki; me ke kauoha aku o ua alii nei, o ka mea o lakou e pana pololei arta a ku ma ka puuwai o ko lakou makuakane, oia ke keiki ponoi a me ka hooilina oka waiwai. Ua ki aku la ke keiki mua a ua kokoke loa ma ka puuwai o ua makuakane nei o lakou. Pela no hoi ke kokoolua, ua aneane no e ku ma kahi kokoke i ka pua a ka mea mua. O ke kolu hoi o ke keiki, huli ae la oia me na waimaka helelei a hakihaki ae la i kana paiia a me ka pua, a hoolei iho la ma kona mau wawae, me ka hoopuka ana i keia mau olelo. "Aole loa au e aa e hoouna aku i keia pua aloha maikaT ia T u ma keia ano hoomainoino, i na no e nele au i ka waiwai, ua hiki no, mamua o ka hoomainoino ana i ke kino kupapau o ka mea nana i hanai ia'u." Ua hooholo koke iho la ua alii nei, o ke keiki hope loa ka mea i aa ole e ki i ka pua i ke kino kupapau, oia ke keiki ponoi, a o ka hooilina hoi o ka waiwal Kohu Solomona hoi keia alii. N. P. M. I.