Ka Nupepa Kuokoa, Volume XXII, Number 8, 24 February 1883 — NAWAI E UKU NA LILO. [ARTICLE]

NAWAI E UKU NA LILO.

I ka po oka la 17 o kela pule aku nei, oia no ka po i ho-a ia ai na kukui no ka hoohonohano ana i ka la Poni Moi; ia'u eku ana a nana ma ke kahua ho-a kukui—oiai e lele ana na kao iluna lilo, a e lele onionio ana na haluna, alaila, wehe ae la au i ke poi o ko'u ipu noonoo kanaka makua, a hoakea i kona mau alanui a ninau iho, "Nawai e uku na lilo o keia ma\#*mea a pnu ?" Iloko oia mau minute a'u e noonoo ana, hu ae la na manao aloha a walohia iloko lilo o ko'u waihona ike, |no ka puai ana ae o na hoomanao ana no na wahi kenikeni auhau a ka luahine, a me ka elemakule, na wahine kanemake a me na keiki makua ole, a me ka lahui holookoa e uhauha a e kiolaia nei ma na mea lapuwale a kupono ole. Aloha wale ka luhi a me ka hou o ka lae o na makaainana ! Nawai la e uku keia mau lilo a pau ? Aole no anei na keia poe a pau a'u i hoike ae la maluna ? Eia lakou a pau iloko ona hana hahana e lawelawe nei, a e hooikaika nei, a pela iho la ka e hana uhauha ia ai na kenikeni ? Aioha wale kakou ! Aloha ka luhi!! Heaha la auanei ka ho\)ena o keia mau hana? Ea, e na makamaka, e nana pu mai kakou a pau i keia hana laimwale. [. N.