Ka Nupepa Kuokoa, Volume XXII, Number 8, 24 Pepeluali 1883 — KA HOOPAU KUMU OLE IA. [ARTICLE]

KA HOOPAU KUMU OLE IA.

(Kakau īa no ke Kuokoa.) He mea haohao iwaena o ka lahui i keia mau la, o na luna aupuni ame ka lakou mau hana. Oiai iloko o keia mau la e hele nei. ua ike ia kekahi hana e manao ia aku ai he hana maikai ole, a ku ole i ka naauao ; oiai, ma ka Poalua nei, ua hoo|)au ia na hoa i a pau o ka Papa Hoonaauao me ke i akaka ole o ko lakou hewa, aka, ua ma-' nao ia, o ke kumu o ko lakou pau, oia hoi ko lakou hoopau ole ana i na kumu kula haole, oia no ke kumu kula o ke Alanui Papu a me ke kumu o Keoneula. No ka mea, ua loaa mai i keia poe ke kauoha mai na Kuhina mai, e hoopau ia mau kumu kula ; a i ko lakou noho ana e noonoo i keia mea, ua hoole lakou aohe kumu kupono e hoopau ia ai, a hala ae nei na la he nui, hiki kino mai nei ka palapala e hai mai ana ua hoopau ia iakou. Aka, aole o lakou wale nei ka poe i loaa ia haawina, aka, o ke kakauolelo o ke Keena Waiwai kekahi; o keia kakauolelo, he kanaka oluolu, he launa nui me na kanaka Hawaii. O kekahi keia o na kanaka i malama i ka oihana me ka hoopono, a ua ike ka lahui ia mea, no ka mea, ma ke kau Ahaolelo iho nei o 1882, ua huli ia na keena oihana e ke Komite o ka Ahaole- i 10, o kana buke kaj mahalo ia no ka pololei, 0 na keena e ae, ua hauhili kamana. Ua like laua me Keo Kaaka ka hoopono, aka, heaha ke kumu o ka hoopauia ana ? Ua like ka hana ana ana Kuhina i keia manawa me na wahine i ■ vhaawi ia aku ke aniani la lakou he mea kilohi, ike nae lakou iko lakou aka iloko o ke aniani a manao - lakou he mea ino ia, nolaila, holoi lakou i ka heu o ke aniani, i ka nana hou ana, aole ko lakou aka, minamina loa lakou ia mea. Pela no keia ; nana iho nei paha na Kuhina 0 keia wa oka pololei loa o ka hana a keia kanaka, manao lakou nei he ino ia hana, e hoopau ka poiio, o ike ia auanei ko kakou lawe lima nui ana i ke dala oka lahui; nolaila, koho lakou la i ke kanaka lima nui, i hui pu me lakou ia papapau kakou he aa ko ka hale. Nolaila, ke hiki mai nei na hiona i hoolalaia mamua, oia hoi na hiona o ka manao lokahi ole iwaena o ka lahui. Nolaila, ke komo aku nei ke aupuni iloko o ka pilikia maopopo loa, oiai, o ka poe kuonoono a hoopono, ke hoopau ia nei a o ka poe i ike ia ko lakou aao uono ole, oia ma kahi o ka oihana ; ali, na ke Akua no e kiai ia Hawaii. He mea maopopo nae, ua ala mai keia hana no na mea pili wale no i ka Poni Ālii. Oia ka na Hoahanau Kawainui i hoike ai mamua; "o keia Poni Alii, ina he mea ia e hookuikahKia ai ka manao oka lahui, alaiia, ua pono ; a ina he mea ia e kuee ai ka lahui, alaila, aole i |X>no ka Poni Alii." Aka, i keia mau la, he nui ka huhu o na makaainana, ame na Komite i koho ia mai na apana mai, a ua hoi huhu lakou 1 ko lakou mau home me ka manao oluolu ole. Heaha la ka pono i keia wa ? Oke kuikahi oia ka mea pono loa.