Ka Nupepa Kuokoa, Volume XXII, Number 7, 17 February 1883 — KUU MAMA KEALO UA HALA, MA KA MULIWAI ELEELE O KE OLA HANU ANA. [ARTICLE]

KUU MAMA KEALO UA HALA, MA KA MULIWAI ELEELE O KE OLA HANU ANA.

E ka Nupepa Kuokoa e: Aloha oe: Me ka haalulu a me ke kaumaha o ka'u maka peni e kakau nei no kuu mama ua hala e aku, ma ka wanaao o ka la 24 o lanuan aku nei, ua pau ka luhi, ua pau ka inea maluna o ke ao nei, ua hoi ka uhane i ka mea nana i haawi mai. Auwe! Aloha ino kuu mama. Oiai au e noho ana ma ke alo alii o ke kulanakauhale alii, he lono kai halia mai (leta) ua hala, ua kuu ka luhi o kuu mama; o kuu naau ua mokumokuahua nona, ua ehaeha ka manao; auwe kuu mama e-kuu ike ole hoi. He 40 a oi kona mau makahiki maluna o keia ao mauleule, a kii ia mai la e ka mea nana ia i hana, eia oia iloko o ka puali o ka lani, e hosana mau ana oia ike Akua. Eia au ke ike nei i ko'u wahi luaui makuakane me ka naau ehaeha, ke uwe nei no kuu mama i nalo e aku la, me keia mau wahi manao pokole e like me kana i olelo mai ai. "He mahu ke ola o ke kanaka i pu-a iki ae a nalowale aku." KEIKI