Ka Nupepa Kuokoa, Volume XXII, Number 6, 10 February 1883 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

POAONO, FEBERUARI 10 1883.

 

O.D.W. Aiwohi wale no ka i aeia e kakau inoa no na dala i hookaaia mai ma keena o ka nupepa Kuokoa.

 

LANAKILA AUANEI

(We Shall do it.) - Temper@me Song, No. 7

Eia hoi ha hana nui,

He hana maikai nae,

Hui cela âme keia,

A olu like e.

 

CH@ -- Alu like, hana like, lanakila auanei

Alu like, hana like, lanakila auanei.

Auanei, auanei.

Lanakila auanei

Auanei, auanei.

Lanakila auanei.

 

2

Puni kakou i ka ino,

Na ka ino ona nei.

Hikaka ka poe ona.

Paapu na ala e.

 

Cho -- Alu like, hana like. &c.

 

3

Aia hoi he uwe ana

He uwe hune nei.

Nele i ka lole ole,

Ame ka home e.

 

Cho -- Alu like, Hana like. &c.

 

4

Haunaele na ohana,

Kue na lala,

Kui kui na makua,

Uwe na kamalii,

Cho -- Alu like, hana like. &c.

 

5

Nohea mai ua hana ino?

Ka Rama, nona mai.

Alu na puali koa,

A luku ia Alii.

 

Cho -- Alu like, hana like. &c.

 

Hawaii

 

HAAWINA KULA SABATI

 

HELU 8, SABATI, FEB 25

 

Kumuhana -- Anania ma Sapeire -- Pauku Baibala -- Oih. 5: 1-11

O kekahi kanaka, o Anania kona inoa, me Sapeire kana wahine, kuai lilo aku la i ka aina.

       2. A hoana e iho la ia i kauwahi o ka uku, ua ike no hoi kana wahine, a lawe mai la i kekahi, a waiho iho la ma na wawae o ka poe lunaolelo.

       3. I aku la o Petero, E Anania, no ke aha la i hoopiha mai ai o Sanata i kou naau e wahahee aku i ka Uhane Hemolele, a e hoana e i kekahi mea i loaa mai ai no ka aina?

       4.I wa e waiho wale ana, aole anei nouponoi ia? a pau i ke kuai ia, aole aneo ia oe ka malama? No ke aha la i komo ai keia mea maloko o kou naau? Aole oe i wahahee aku i kanaka, i ke Akua no.

       5. A lohe iho la o Anania i keia olelo, hina iho la ia ilalo, a lele ae la ke aho. Kau iho la ka makau nui maluna iho o ka poe a pau i lohe i keia mau mea.

       6.Ku ae la na kanaka ui, wahi iho la iaia, lawe aku la iwaho, a kanu iho la.

       7. A mahope iho ekolu paha hora, komo mai la kana wahine, me ka ike ole i ka mea i hanaiaʻi.

       8. I aku la o Petero iaia, E hai mai oe iaʻu, ua kuai anei olua i ka aina pela? I mai la kela, Ae, pela no.

       9. Alaila, i aku la i Petero iaia Pehea la i hui pu ai ko olua manao, e hoa@ aku i ka uhane o ka Haku? aia hoi ma ka ipuka na wawae o ka poe nana i kanu kau kane: e lawe aku no hoi lakou ia oe iho.

       10. Alaila, hina iho la ia ma kona mau wawae, a lele aku la ke aho ; a komo mai la wa poe ui la, a loaa iho la ia ua make, a lawe aku la lakou iaia, a kanu aku la ma kahio kana kane.

       11.A kau mai ka makau nui maluna o ka Ekalesia a pau, a me ka poe a pau i lohe i keia mau mea.

Pauku Gula -- He mea hoopailua ia Iehova na lehelehe hoopunipuni. -- Sol. 12:22

Mele. "Mele e," Hoku Ao Nani, Aoao 31.

Pule i ala a mele pu me ka naau ia Iase.

Ka wehewehe me ka ninau ana.

 

EKOLU MAHELE

1 Ka wahahee ana o Anania me Sapeine. p. 1-4

       1. Owai keia mau mea elua? He mau hoahanau ekalesia no paha laua. He mau inoa maikai; Anania, lokomaikai. Sapeine, Nani. Maikai na inoa. ino na hana. Meia no keia wa. He aina ko laua, he aina nui paha, he aina uuku paha. Ua aha laua i ka aina? Ua hewa anei ko laua kuai ana? Aole paha: ina makemake laua e kuai, hiki no ke kuai. He hewa nae i pili i keia kuai ana.

       2. Ua kuai lilo aku laua: ua kuaka pu laua i mahele i ka uku i loaa mai no laua kekahi hapa, a no ke Akua kekahi hapa. Ua hewa anei ia? Aole paha. Aia mahea ka hewa? Ua Anania i ko ke Akua hapa a waiho mahea? Aia no na lunaolelo Petero ma me kekahi poe haipule e halawaiana ma Ierusale ma , e haipule ana, e lawe ana i ke kalakokua. Ilaila no paha Basenaba, mok. 4:36.37 Ua lawe mai i ka uku a pau i loaa iaia no ka aina; he kanaka oiaio ia, aole hookamani. Aka, o keia kanaka o Anania, he kanaka okoa ia; he kanaka hookamani, a hele mai me kekahi puu dala, me he mea la, oia wale no ke dala i loaa iaia no kona aina. Oiai, aia kekahi hapa ma kona hale, ua hoana e ia nona iho me kana wahine, o pilikia paha auanei laua mahope.

       3. Ua hoike mai nae ka Uhane Hemolele ia Petero, aole pela; E hoopunipuni ana Anania; ulaula mai paha ko Anania papalina, a hoomaka e haalulu. He aha ka ninau? Ke ano paha keia. No ke aha kou ae ana ia Satana e hoopiha i kou naau e wahahee ia wai? I ka Uhane Hemolele, aole iaʻu, aka, i ka mea maloko oʻu, nona mai koʻu ike i kou wahahee ana. Aole o keia ka loaa a pau no kou aina; ua hoana e oe i kekahi hapa nou iho.

       4.Iaia e haalulu ana, heaha ka Petero ninau? Aole anei nou ponoi ka aina mamua? Aohe mea i koi ia oe e kuai i kou aina, nou wale no ka manao e kuai aku. A kuai aku a loaa mai ka uku, aole anei ia oe ka malama ia uku a nuo iho? Aole oe i koi ia e lawe mai i kekahi hapa no ke Akua; nou no ka manao e lawe mai i keia hapa, me he mea la , ka pau no keia o ka uku i loaa ia oe, oiai, ua aua oe i kekahi hapa. No keaha la i komo ai keia mea iloko o kou naau? Aole oe i wahahee i ke kanaka; ia wai la? E haikea ana aona aapalina, e kapalili ana ka houpo.

II Ka hoopaiia ana o Anania ma. p. 5 -- 10.

       5. I ka lohe ana Anania i keia mau olelo a Petero, pehea iho la Anania? Ko ke Akua hoopai weliweli keia, aole ko Petero. Aia ka kupapau iloko o ia halawai haipule. Pehea ka poe i ike a i lohe? Makau paha. E makau ka poe e halawai ana e pule ana e mihi ana e kokua ana o hoopunipuni, hookamani, hoohiki wahahee, pule wahahee, kokua hoopunipuni, a hoopai kokemai ke Akua, a hoopiha i ka halawai i na kupapau. 

       6. Nawai i kanu i keia kupapau? Ka poe iu iloko oia halawai. He mea maa i na Iudaio, wikiwiki e kanu i ka poe make. He mea haumia ke pili aku i ke kupapau. O keia kupapau, aole paha i holoi ia, aole i poni ia, aole ia wahi ia i ka lole kupapau, ikona aahu wale no paha. He make kupanaha ia mai ke Akua mai; pono ke hoonalo koke.

       7. A hala na hora ekolu paha, owai kai hoea a komo iloko o ka halawai? Ua kali loihi ka wahine i ka hoi mai o kana kane, aole nae i hoi mai, ua loohia paha ia i ka pilikia; aohe mea i hai aku, ua make kuu kane. Makau paha i ka hai aku. Ike ole paha i kona wahi.

       8. Ua ike Petero i ka wahine, maila paha na Petero laua i bapetizo, ua paa ko laua inoa iaia, ua akaka ko laua helehelena. Nana pono Petero iaia, a olelo, E ka wahine, e Sepeire, ka uku anei keia no ko olua aina? E wahio ana paha ia puu dala imua o Petero. O keia puu dala wale no anei ka loaa no ia aina? A oia pehea? Ae, oia wale no. Auwe! Ka makau ole i ke Akua! Ekolu hora i haawi ia i ka wahine e noonoo i ka pono i ka hewa o ko laua kuka pu anae hoopunipuni ia Petero ma. Paa no ka manao mua, aole loli iki, aole makau iki; oiai, in a ua mihi koke oia mahope o ka hele ana o ke kane, a hahai a hai aku i ke kane paha, ia Petero paha, ua hewa kaua, ua hewa maua; pakele paha laua a elua i ka make. A in a ua mihi ka wahine ia Petero, e hai aku ana i ko lauahui e hoopunnipuni, pakele paha oia i ka make.

       9. Pehea ko Petero ninau ana, me ka olelo hooweliweli i ka wahine? Ua hui laua e hoao ia wai? Me keia: E hoao kaua ia Petero, e ike ann paha  oia o ko kaua hoopunipuni ana, aole paha. A lilo ia i hoao i ka Uhane o ka Haku, ka mea iloko o Petero nona mai kona ike. Ua kanu na ui i ke kupapau o ke kane, ke hoi mai la, e komo hou ana iloko o ka halawai.

       10. A aha iho la ka wahine? Ua hele oia a kokoke loa ia Petero, me he la, ua aloha nui oia ia Petero. Aia hoi, ua hina oia ilalo, a lele ke aho. Ke komo ana no ia o ua poe ui la, a aha lakou i kona papau? Hewa like, make like, kanu like ia, a ke uwe like la ma ke ahi pio ole mai ia wa mai a mai keia wa aku a mau loa no.

III Ka makau o ka poe i lohe i keia mau mea.

       11. Kau mai ka makau maluna owai? Akahi no a hanaia iloko o ke aupuni o Iesu kekahi hana mana e make ai ke kanaka. Ua hanaia keia i mea e makau ai ka poe e koma ana iloko o ka ekalesia. Mai komo hookamani, mai noho kamanai, mai hoike wahahee, mai hoohiki e haalele i na hewa a pau, a haalele ole, mai hoohiki e haawi i na mea a pau i ke Akua, a aua i kekahi hapa. Mai olelo ua haawi pau loa i ke Akua, aohe waiwai i koe e haawi aku ai. Nui loa ka wahahee, ka hoopunipuni, ka hookamani iweana o na makua, o na keiki, o na hoalauna, o na hoahanau. Lau ole ke ahonui o ke Akua; aka, aole e mau ana ia ahonui. E wiki e mihi, oiai e kali ana ke Akua.

Mele. "Ke kali nei Iesu." Hoku Ao Nani, aoao 66.

Pule i wiki e mihi o pau e ka wa.

Haawina no Mar. 4, Oih. 5:17---32.

 

LIIA NO KA NUI O KANA HANA KARAIMA PEPEHI KANAKA I HANA AI.

       Ma ka la 30 o ka mahina o Sepatemapa o keia makahiki aku nei, liia maluna o ka amana li kanaka kekahi wahine o Kate Nagy kona inoa, no ka nui hewahewa o kana mau hana karaima pepehi kanaka i lawelawe ai ma kona lima ponoi. Ua olelo ia ma na moolelo a pau o keia mea he pepehi kanaka, na ku ekahi o ka ua mea o ka nui o ka poe i make ma kona lima ponoi, mamua o kekahi mea e ae a puni ka honua nei: oiai he wahine wale no oia, aka o kana mau hana karaima i hana ai, ua oi ae ia mamua o na hana karaima i hanaia e kekahi kanaka.

       Ua  hoikeia no hoi he iwakalua kumamaono poe i make i keia wahine iloko o kekahi manawa, aka, ua koho waleia oiai mamuli o ka hana karaima a keia wahine i hana ai, ua oi loa aku maluna oia heluna. Ua hele aku keia wahine i na hale kauka kuai liilii a hoopunipuni aku la he nui loa ka Iole o kena hale a ua makemake oia i wahi laau make i mea e hoomake aku ai ia lakou---Ua haawiia mai ka laau make a ua hoiliili oia i ka huna laau make i loaa iaia i kela a me keia manawa e loaa ana iaia a hiki i ka mahuahua ana o kona waihona laau make. Alaila ua kuai aku la oia he wahi huna iki o ua laau make la ana i hoopulapula ai i ka poe a pau e makemake ana e lawe maoli i ko lakou mau ola ponoi me ka hoohuoi oleia, no laila ua komo kino aku la oia e lawelawe ponoi i keia hana karaima weliweli. Ua koho waleia aku no o kana kane ma@e kai haule mua he luahi na keia wahine. O na kane, wahine, na keiki, ka poe ui a me ka poe kahiko, ua pau loa lakoa i make ma ka lima ponoi o keia wahine.

       O kona mau makamaka ponoi a me na hoaʻloha. Ua haule lakou he luahi na keia wahine. O kana mau hana a pau ua hanaia eia me ke akamai a me ka maalea a no kekahi manawa loihi aole he hiki i kekahi mea ke hoakaka pono a kuhikuhi pono hoi i ke kumu e make mau ai o na kanaka o ke kulanakauhale kahi a keia wahine e noho ana. Ua manao waleia na keia wahine no e hana nei ua hana kairaima la, aka, aole he mea nana e hiki ke hooiaio. I kekahi manawa hoolimalima  oia e kekahi mau mea e haawi aku i ka laau make i ka mea a ia mau mea i ukiuki ai; ua ae no keia wahine me ke kaulua ole O kekahi hana akamai a keia wahine, oia no kona hoomika nele ana a oia kekahi hana ana i hiki ole i kekahi mea ke kuhi pono aku iaia; aka, mahope lao mai nei ua ikena kana mau hana a ua liia oia elike me ka makou i hoike ai maluna. Alaila, ke hoomanao nei makou i keia huaolelo kaulana e pili ana i ka poe pepehi kanaka e i ana, "aole no e nele ka ike ia o ka mea pepehi kanaka, mahope;" a ma ka name ana,"murder will out."

 

NA HOOMAKEAKA

       Ua mai loa ia anei oe? wahi a kekahi kauka i ninau aku ai i kekahi o kona mea mai. Ae, wahi a ka pane. Oil ana ka alelo? i pane hou aku ai ke kauka. Aole he hiki iaʻu ke hoike aku, wahi a ka pane, no ka mea, aole he hiki i kekahi alelo ke hoike ae i ka nui o ka ehaeha e kau mai ana maluna oʻu. O "hemoke alelo" ka inoa kapakapa o kekahi kauka kahiko o ke kulanakauhale nei. Ua kamaaina ia kauka i ko Honolulu nei poe. Penei ke kumu o ka loaa ana iaia ia inoa.

       I ka makahiki 52 a 53 paha, i ka wa i anai mua ai ka mai Kamola Poki ma ke kulanakauhale nei, e noho ana oia make ano he kauka Aupuni ia wa.

       I kekahi la ua hele aku oia i ka hale koa e nana i kekahi poe kanaka i manao waleia ua loaa na hoailona o ua mai la maluna o lakou, a iaia i hiki aku ai ilaila, ua ku mai la oia ma kekahi wahi kaawale a kuhea aku la "hemo ke alelo," a mai ia wa a hiki loa i keia wa ua paa loa ia mau olelo ana. Ua alelo ia he hopohopo loa oia ke hookokoke aku i kanaka, a nolaila oia i ka kaawale ai a kuhea wale aku no.

       Ua ai no oe, wahi a kekahi makuakane i ninau aku ai i kana keiki. U wahi a ka pane. He wa mahope iho ua ninau hou kona makuakane, e Keoni, aole oe i ai? U wahi a ka pane. Hu ae la ka aka. I kekahi mau la aku nei, lawe ae la kekahi makuakane i kana wahi keiki uuku hanai, a hoikeike aku la imua o kekahi o kona hoaʻloha ma ke ano hooio, a haawi aku la i kekahi ninau i ua wahi keiki uuku nei penei: E Davida, ehia manamanalima o kuu lima akua? He umi, wahi a ka pane. Pii ae la ka ula ma na papalina o ua makuakane nei a ninau hou aku la me ka leo huhu, e Divida, ehia ou lima? He umi wahi hou no a ka pane. Ukiuki loa iho la ka makuakane a hehe iho la ka aka a kona hoaʻloha.

 

PANE IA W S KIHIKIHI.

       E ka Nupepa Kuokoa: aloha oe:---

E oluolu oe, e pahola aku i keia mau hua e kau ae la maluna. O ka pane au, e W. S. K. ma ka helu 50

ka Paeaina, ia L. P, ua ike au, aia oe i Kapaau, kahi i noho ai, nona ka inoa kaulana. "Hapuku hewa ka wahie o Kapaau." pela no au i ike ai i kou pane ike ole; oiai hoi, e helu mai ana oe, i kou loaa o na omole kini au i kuai, aia ia L. P.

       E W. S. K. Ua ike anei oe i ka pane, a L. P. ma ka helu 30 Ian. 20 o ke KUOKOA elike me kela i hoike ia maluna? aole. O ka puali o ko a-i i ke kaulahao, kaʻu i hoike ma na ano nui, ma ia helu, me ka oiaio.

       A nau no i hoike mai nei ma ka Paeaina helu 5, ua hemo ua kaulahao la koe no ke alina a me ke kolekole. I pane mai nae paha oe i ka pawahi olohe---nukuloa hou ana, oia ka mea i hookae hewaʻi i ka Pepa. E W. S. K. Ke hoike aku nei au ia oe, e hoi oe i kai o "Kahua" e ao ai i ke kula, aia no ke kumu ilaila e ao mai ai ia oe, o Kaalahekili ka inoa; Pau na kaina wawae. Malama o ke ao ana ia ou, pau loa na omole Barani au i ka lilo i ke kuai.

       Me ke aloha no i ka L. Hooponopono a me ka poe Pai. L. P.

       Honolulu, Feb. 5, 1883

 

PANE IA S. P. KEANIANI HUNA INOA.

       E KA NUPEPA KUOKOA E: Aloha oe: Ua ike au i ka pane a Keaniani huna inoa ma ka Elele Poakolu o ka la 17 o Inauari e pili ana noʻu a me Lililehua, no kuu hoolaha ana ia Keaniani ma ka NUPEPA KUOKOA.

       E like me koʻu haohao, pela au i ninau akea ai, no ka mea, ua ike no hoi ua i kana hoolaha ma ka NUPEPA KUOKOA, helu 50 o kela makahiki i hala. E like me kana hoike ia Lililehua, "aole, aka, i na e ninau pono i na kanaka o Molokai nei, e loaa ana no ua o Keaniani kilohi ma ka aina hanau on a ma Manawainui.

       Ke olelo aku nei au ia oe e Keaniani me ka oiaio, aole oe no laila, oiaio, owau ko Manawainui, a mahea iho la hoi oe kahi i pee ai? E like anei me kou pee iaʻu, pela oe e pee nei ia Lililehua? Ea! I mau no nae paha ko wahi oihana hoopunipuni (loio,) nolaila oe i huna ai i ko inoa, i maikai ai ma waena ou a me ka Luna Makai o Molokai nei ea? A no ko ike ua hewa kau mea i hoolaha ai, nolaila, lawe hou mai oe o ka inoa o ko apana aina a hoike o Manowai, a pehea iho la ka hoi ko apana aina mua o Manawainui? E halele loa ana ka paha oe e Keaniani ke haalele wale ia apana aina ou? Aloha ole no oe, oiai, o kou aina hanau hoi ia, haalele ka hoi. Ua lilo nae paha i ka hoolimalima ia a loaa mai ia mau dala, hoolimalima hou ia Manowai? Ea! Pela paha?

       Eia ka ka Baibala, "E ka poe hookamani, pono io ka Isaia i olelo mai ai no oukou, i ka i ana, O keia poe kanaka, ke hookokoke mai nei lakou iaʻu me ko lakou waha, a ke hoomaikai mai nei iaʻu me na lehelehe; aka o ko lakou naau, he mamao loa ia mai iaʻu aku." Oia aneiko mea i huna ai i ko inoa, i mau ai ko mahalo ia e ko kakou Luna Makai? Aka, o kou manao, he mamao loa ia mai kau mea e lili nei.

       Eia kaʻu ia oe e S. P. Keaniani, mai wehe hou oe i ka apana papa o hope o ko aniani, mahope pau ka heu, alaila, o ka pau ana no ia o ka waiwai o ke aniani ke pau ia mea o ka heu, e like me ka pau o ka heu o ko aniani, pela e pau ai kau kamailio ana ma ke ano he paio. E noho malia loa ka pono; a i ole no hoi e hai mai i ko inoa, no ka mea, mahope au olelo ua like oe me kekahi o na pupule, a i ole me kekahi o na eepa, ka paio ana o kekahi mea kino i ike ole ia me ke kanaka i hai pololei i kona inoa.

       "Hewa iho la no oe i keia la

I ka lawelawe malie wale aku no.

Hoike ia mai ko inoa

E like me koʻu makemake,

E hoike i ke akea

Hai ia ka la e hui ai

I ike ia e ka lehulehu o Molokai.

       Owau no me ka wiwo ole.

                                         J. N. Uahinui.

 

UA HALA AIA I O.

       E na makaainana aloha Alii o ka Apana o "Waialua aina Ku-polua i ka lai." O ka oukou mau makana a pau i haawi lokahi mai ai, ua loaa aku i ka lima o ka Ilamukn Nui o ka la Poni Moi Hon Jho. A. Cummins a me kona hope. Elike me keia. 3 puaa, 107 moa, 3 kaka. Owau no ka oukou paahana.

                                                       E. S. Timoteo.

 

CALIFORNIA

FURNITURE CO

 

O KEIA HUI A HALEKUAI O

 

NA LAKO HOONANI O NA HALE

 

I ike mua ia iho nei ma kona kahua mua iho nei ma ke alanui Papu, ma kai iho o ka

 

Halekuai o na Mea Kani o Geo. F. Wells

 

Ua hooneeia ai Nei a i na

 

Helu 56 me 58 Alanui Moiwahine.

 

He hookahi Ipuka ka mamao mai ka Hale Mu,

 

A malaila e loaa ai na Lako Hale Emi Loa.

       Eia iho ka inoa o ia mau Lako Hale:

Na Moe maikai loa,

Noho o na ano a pau

Noho koki, Pakaukau,

Noho huleilua,

A HE NUI AKU.

 

EIA PU NO HOI ME MAKOU,

Na Uluna,

Na Bela Moe

Na Kihei Moe,

A me na Pale Uluna.

 

A oiai na makou iho no e hana keia mau mea maluna ae nolaila e kuaiia aku ana me ke

 

Kumukuai Haahaa loa

E. P. Adamu, Agena

 

AUHEA O M ANO LA?

O na Aahu Kakimia huluhulu nani

Koiawe o Kane,

 

NA PAA PIHA,

KUKA, PALIKI,

LOLEWAWAE,

 

O KA PAIKINI IWAIWA HOU LOA

 

-------NO-------

 

$6.00

 

WALE NO!

 

------MA KA------

 

HALEKUAI KAULANA O

 

CHAS. J. FISHEL,

Kihi o Alanui Papu me Hotele

1106 tf.

 

HE NUI ANEI KOU MAKEMAKE I NA

 

MIKINI HUMUHUMU LOLE !

 

Ina pela, e kipa mai no ma ka halekuai o

 

KAKELA & KUKE!

 

A malaila oukou e ike ai a makaikai i na ano

 

Mekini a WHEELER a me WILSON

 

mai ke $40 a hiki i ke $50 ke kumukuai

ka mea hookahi

 

NA MIKINI A SINGER !

 

ma ke $50 pakahi me ke ano

 

MIKINI A WIILCOX ME GIBBS

 

ma ke $30 a i ke $50 ke kumukuai.

I mea e pau ai ko oukou kanalua e na makamaka no ke kuponoo keia mau Mekini, e naue mai no me ke kuiha ole, a e ike no oukou iho

@@ tf

 

JAMES KEAU.

He loio a he kokua ma ke kanawai i mai o na Aha Apana a me na aha Hoomalu a pau i keia Aupuni.                   1104 3 ts

 

Hoolaha Pa Aupuni.

       E kuai kudala ia ana 4 lio ke hiki aku i ka la 6 o Feberuari, hora 12 awakea Poalua, ma ka Pa Aupuni o Koholaloa, o Honolulu. Lio k ulaula @@kea loihi a hiki i ka ihu me na kamaa hao mamua alua. Lio k ulaula hapala ke kuni. Kao k keokeo me na opea no.

A. B. KAAUKUU,

Luna Pa Aupuni o Koholaloa.

Koholaloa, Feb. 1883                  1105 @@

 

NA HOOLAHA.

 

S. B. DOLE,

He loio a he luna hooiaio Palapala.

 

E hiki no iaia ke lawelawe i na hihia i kela a me keia ano imua o na Ahahookolokolo a pau o keia Aupuni.

 

KEENA HALE - Ma Alanui Kaahumanu.

 

PAPA! PAPA!

AIA MA KAHI O

LEWERS & COOKE

(O LUI MA)

ma ke kahua kahiko ma alanui Papu a me Moi.

E loaa ai na

PAPA NOUAIKI.

o kela a me keia ano

 

Na Pani Puka, Na Puka Aniani, Na Olepelepe, Na pou, Na O@, Na Papa hele, Na Papu Ku, A me na Papa Moe nui loa

 

Na Pili o na hale o na Ano a Pau.

 

Na Pepa Hoonani, Na Pena o na Wai e pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano pau.

NA WAI VANIKI

-----A ME NA-----

WAI HOOHINUHINU NANI!

O NA ANO A PAU LOA.

NA BALAKI ANP NUI WALE.

A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pua e pili ana ma ka laua oihana

-----NO KA-----

UKU HAAHAA LOA.

E like me ka mea e holo ana mawaena o LAUA a me ka MEA KUAI.

E Hele mai! E na Makamaka!!

A e lawa no hoi ko oukou makemake me ka oluolu a me ka maikai.

 

MAKANA LA KULAIA

 

KUAI!

 

MA KA

 

HALEKUAI LOLE NUI O

 

HONOLULU NEI.

 

E makana waleia aku ana he

mau kii pena i ka mea kuai mai

a hiki aku i ka $1.00 a oi aku ka

lilo i ka wa hookahi.

 

EWEHE MUAIA ANA IKEIA LA

 

MA KA HALEKUAI LOLE NUI

 

O

 

HONOLULU

 

He Kuai Manuahi Launa ole.

He Kuai Hoopoho a Hoopakika.

E hele nui mai e na makamaka.

E awe oukou e like me

ko oukou makemae

iho i na

waiwai o kela a me

keia ano he nui

wale.

A. M. MELEKI.

HELU 104 ALANUI PAPU.

 

LOLE MAKEPONO

Ke kuike e loaa no ia ma kahi o

Kakela me Kuke.

---E laa na---

AHINAHINA, KALAKOA. KEOKEO, LEPONALO. PENA, AILA, AILA HONUA, ANIANI.

NA MEA PIULA,

Kopa, Aila Hoomaloo, Kui Kakia, Pakeke, Tabu Kaula, Noho Lio, Hulu Palahi, na Palumi, ahe agena

no na mokupuni o Hawaii neino na Lainakini-nao

Lainakini Maoli, Ki-lika, Palule Kalakoa, Alapia, Kelepa, Na Lole kupono i ka Wawae, Palule Huluhulu,

Na Lole Huluhulu, Na ka hoohelo ana, Li Lole no oini, Lihilihi, ect.

A ME NA

Mikini Humuhumu

MAKEPONO LOA.

A he mau

MEA AI KAHI:

KA PALAOA, KOPAA RAIKI, PIA, HOOHU PAAKAI, HUAALA, PIA KULINA, KOPE,

 

---A HE---

Laau Lapaau Kaulana loa

A DR. JAYNE,

LAAU HOOMAEMAE KOKO

LAAU HOOPAUNAIO,

PENIKILA, HUAALE, LAAU KUNU,

 

Me na Laau Hamo, a Pela ʻku.

840-tf

 

ANA AINA! ANA AINA!!

 

Frank Pahia a me Samuel M. Kaaukai.

 

KEENA HANA --- Aia ma alanui Moi, koko ke loa i ka uwapo o Hooliliamanu

1096 tf

 

HOOLAHA HOU.

 

KA MIKINI

 

HUMUHUMU LOLE

 

MAIKAI

 

ST. JOHN.

 

E LOAA NO MA KA HALEKUAI O

 

MR. GEO. F. WELLS.

 

O ka Mikini Humuhumu Lole Maikai loa keia, i hiki ke huila imua a i hope, a i ikeia ma ka Pae Aina Hawaii nei. He Mikini maikai loa no na kanaka Hawaii, he mikini luhi ole

 

KUMUKUAI $55.00

me Hookahi Gita (Kika) hookani maikai loa makana.

 

O ka poe ma na kuaaina e ake ana e loaa keia ano mikini humuhumu, e hoouna mai la kou i ke dala ia

 

 

GEO. F. WELLS

 

ma Honolulu, a nana no e hoouna aku ma kahi i makemakeia, me na mea a pau e pili ana i ka mikini, a na ae hookau anu maluna o ka mikou, me ke kaki ole ia o ka mea nona ua mekini la.

 

       O ka põe a pau e holo mai ana no Honolulu nei, mai poina lakou i ke kipa ana ae i ka halekuai o

 

GEO. F. WELLS

Ma Alanui Papu, a e kilohi iho i ua mikini humuhumu la, oia ka

 

ROYAL St. John.

 

Eia pu no me ia na pila hookani o na ano a pau, o ka loaa koke ana mai nei no ia mai Amerika a me Europa mai, oia

 

Na Pila Guitar (Kika), he 150 ka nui, mai ka $5 a hiki i ka $125 ke kumukuai o ka pila hookahi.

 

200 Koliana ma ka $2 a hiki i ka $200 ke kumukuai o ka Pila hookahi.

 

100 Ohe Puluka, $2.50 a hiki i ka $15 ke kumukuai o ka ohe hookahi.

 

12 Pahu Hookahi nunui, a me 25 Pahu Hookahi liilii, a me na ano mea kani keleawe apau, e loaa no ma keia halekuai i hoikeia maluna me ke

KUMUKUAI EMI WAIPAHE.

 Na Piano nunui maikai, e loaa no me ke Kumukuai Emi Loa i ike ole ia ma Hawaii nei.

 

       He nui aku no na mea i koe, na kela a me keia e kilohi nona iho, ke naue ae ma koʻu halekuai ma Alanui Papu.

 

       E hookoia ka makemake o kela a me keia me ka eleu.

 

1094 tf                                                                       Alanui Papu.

 

 

NA HOOLAHA.

 

NA WAIWAI HOU LOA

 

O NA ANO A PAU.

 

E LOAA NO MA NA HALEKUAI O

 

WALAKAHAUKI MA

 

MA ALANUI

 

Papu, Moi a me Moiwahine

 

OIA HOI:

 

Na Noho Lio hou

loa o na ano a pau,

Na Palule Keokeo,

Huluhulu, o na ano

a pau, Na @@

Ahinahina P@@

kane hou loa o na

ano a pau, N@

Pena Kuk@@@@

 

 

Na Kopa Bulu, Na

Lole o na Wahine o

na ano a pau. Na

Pahu Aila Mahu

maikai loa. Na Silika,

Pahoehoe, o na ano a pau

Kihei o na ano a pau.

 

HAINAAKA LAU NUNUI SILIKA O NA ANO A PAU.

 

He nu aku no i koe, ke piha pono na Koluma o ka pepa, in a e kuai pau ia aku nei.

 

Eia hou ae hoea mai i keia mau @@

iho ke Lako Wafwai hoi loa o na ano

a pau, a he lako hou loa i wae p@@

ia e J.T. WATERHOUSE, Jr. @@

Enelani, a he mau waiwai hoi i kup@

no loa no ko kakou mau kaiaulu. No

laila, e eleu mai e na makamaka a

me na hoaʻloha e hoonuu i keia mau

lako waiwai hou loa.                                               1070 @m

 

NU HOU! NU HOU!

 

Na waiwai Hou loa!

 

NA PAIKINI O KEIA AU

 

E loaa no ma ka ha Halekuai o

 

DILINGHAMA MA.

 

Ma Alanui Papu.

 

Oia na waiwai malalo iho nei:

 

Na Palau, Kaa Huilapalala, Kopala,

Piki, Oo, Koi, Koilipi, Na Hamare Kamana o na ano a pau,

Na mea Hana a na Kamana, Poe Hamo Puna, na Amara a me na mea hana o ka Poe Akeakamai a pau. Pena Aila,

Vaniki a me na Palaki, Pauda, Poka a me na Kukae pele, Palaki Hamo Puna, Pulumi, Pakeke, Kapu Holoi Lole a me na Pa@@

Holoi Lole, na Ipuli,

na Pa Palai, na Makau

Lawaia, Na Aho Lawaia o

na ano a pau, na Kaula

o na ano a pau, na Pahi, O, a

me na Puna, a he nui aku

no na mea i koe

 

I KUPONO NO KA HOOHIWAHIWA A@A!

 

NA HALE

 

 

I hiki ole ia makou ke huai pau aku, aka, na oukou no e hele mai a e hoonuu iho. O keia maluna ae, e loaa no maka halekuai o

 

Dilinahama Ma,

 

1036-3m] Ma ka helu 37, Alanui Papu.