Ka Nupepa Kuokoa, Volume XXII, Number 5, 3 February 1883 — NUHOU O KO NA AINA E. [ARTICLE]

NUHOU O KO NA AINA E.

Ua pau mai nei i ke ahi kekahi hale keaka nui ma ke kulakauhale o Sana Petereboro ma Rusia. He eha haneri poe i make ma ka wela ana i ke ahi. Ua aneane e pau na hana keaka i ka \va i hoomaka ai ke ahi e a, mamuli o ka lawelawe hemahema ia ana o ke ahi maluna o kahi hana keaka, a o ka wa no ia i ioaa koke ai ka paku lole i ke ahi a o ka hoomaka aku la no ia e palahalaha ma o a maanei o ka rumi hana keaka. Oka poe hookani ohe ka poe i loaa mua i na ula o ke ahi, a o lakou no ka poe i make mua. He 800 poe i akoakoa ae maloko o ua hale hana keaka nei, a ika wa i hoomaka ai ke ahi e a, ua holo aku la lakou 1 ka piīka nui o waho; aka, o kahi i pilikia ai, he wehe aku ka puka iloko o ka hale, a i keia poe e akoakoa nei ma ka puka me ka hookeke nui ana, aole he hiki ke wehe ia o ka puka no ka mea ua paa loa aku la ina kanaka. Alaila ua holo aku la na kanaka ma na puka ma na aoāo me ka manao e puka iwaho, aka, ua hoohokaia no lakou no ka mea ua paa ia mau puka i ke kakiaia me ke kui, nolaila ua lele aku la kekahi poe ma na puka aniani me ka loaa no nae ika poino. Ua hiki ae na kaa wai me ka manao e kinai i ke ahi, aka, ua hoohokaia no lakou no ka mea ua lilo na wai o na iuawai he hau —ua paakiki. He elua hora ka a ana o ahi. Ua hoike ae kekahi mea i ike maka i keia pau ahi weliweli penei. Ikawa i hemo ai ka puka no ka manawa mahope loa mai, ua ikeia aku na kino lehu o na kanaka i pau i ka a ia e ke ahi e waiho mokaki nui ana ma ka puka ponoi o ua hale la. O na pofio a pau o ka poe hana keaka ua pau loa i ke ahi aohe he mea i koe. He hale laau keia hale keaka a oia ka mea i hikiwawe ai ka a ana o ke ahi. Ua lilo i ka aihueia he kanalima tausani dala Amerika ma ke kulanakauhale 0 Panama. Ua hooiliia aku keia mau dala i hiki aku ka huina nui i ka 100,000 mahina o ka mokuahi " kulanakauhale o Parisa" mai Nu loka aku, no ka poe koa Amerika e noho ana malaila. Ua hookomoia keia dala iloko o na pahu elua a i ke ku ana o ka mokuahi i Panama, ua hoolele kokeia aku keia mau pahu dala iuka a ua hoihoiia iloko o ka pahu waiho dala nui o kekahi hui hooholo kaa mahu. He hookahi la a oi ka waiho ana o keia mau pahu dala iloko o keia pahu a i ke ku ia ana aku, ua lilo kekahi pahu. Ua nana pono ia ke kumn o ka lilo ana o ua pahu la a aole he wahi mea a ike pono ia, no ka mea aole i wawahiia ka puka o ka pahu hao a aole no hoi wahi i meheu o kona laka. Ua hōao ia mai nei ke ola o ka tana o Tureke c pepehi e kekahi wahi Kirasana. Ua komo keia wahine iloko o ka rumi o ka Suletana a mai holopono no paha kana hana karaima ina aoie e ikeia oia, aka, ua ikeia oia e kekahi niau koa kiai ponoi oke Suletana a ua

hopuia oia. Ua haalele aku ka nui o kealo Emepera o Rusia ia Sana Petereboro no Berelina, no ka hoohanohano ana i ka mare dala 0 ka Hooilina alii Ferederika Wiliama o Geremania. Oka Hooilina alii kekahi o Beritania ka i holo aku no Berelina. 0 ka kt kupapau kahi i waihoia ai ke kino kupapapau o Gamabetta ma Boubona, Fara*u, ua oleloia he 350,000 poe i hele aku e makaikai. Iloko o ka makahiki 1882, aole i emi iho malalo o 1,705 pauahi ma ke kulanakauhale, o Nu loka a i hiki aku hoi ka huina nui o na poho i ka 10,000 ; dala a pii aku. Ua pau hou mai nei ike ahi kekahi mokuahi Beritania ma ka moana, a o ; ke kapena, malamamoku, a me umikumamaha luina i nalowale. He ino nut ka i hoohalawai ae ma na kapakai o Mekiko i ka ia 9 o kela mahina; pehea la keia, o na hiona hiki mua anei keia o kela ino nui i wananaia e kela haole Canada e pahola iho ana ma na kapakai o Mekiko a me Amenka Huipuia? Pela io paha aole he maopopo i keia wa e nana aku nae kakou no ka wa i wananaia. Ua hoikeia ke laha nui la ka mai Ka mola Poki ma ke kulanakauhale o Balatimore ma ka mokuaina o Mereiina; he elua tausant poe i ioaa i keia mai, aka, he ewalu hanen wale no o lakou ka i hoikeia i ka Papa Ol&

[ Ua hoike hou ia mai ke pii ae la ka wxi o ka tßuliwai I>anube a ka hanini wale no koe ma hai o kona mau kapa: ke nai la ka hopohopo © ka poe e noho kokoke ana ma na ka|xi o keia muliwai o halanaia elike me ka poe Geremania.