Ka Nupepa Kuokoa, Volume XXII, Number 3, 20 January 1883 — IMUA O KA LAHUI HAWAII. [ARTICLE]

IMUA O KA LAHUI HAWAII.

Imua o ko oukou alo e ka Lahui Hawaii e poniia ai ko kakou Moi ma ka la 12 ae nei o Feberuari, 1883. Ua kali loihi kakou e ike i ka pau pono ana o na hana i pili i keia hoailona e kau aku ana maluna Ona. A i kulike ai me na maa o na aupuni Moi, e lawe ana Oia maluna iho Ona i na kapukapu a me na ihiihi o na Moi kahiko ou e Hawaii. E kaikai ana Oia i keia hoailona hou loa ma ke ano e hiki ole ai i na hanauna hou e hiki mai ana ke hoopoina, i mua 0 na Elele o na Aupuni nui e hoounaia mai ana, e hoohanohano i ka lahui Hawaii ma keia poni ana i ko kakou Moi. Nolaila, e na Makaainana aloha alii a pau o ka Moi Ilihia ke poloaiia aku nei oukou e hele mai e ike i na hana nui kamahao o keia poni Moi ana, e hoike paulele hoi i ko oukou makee alii ma ka hoohanohano ana aku laia, a e hoike i mua o na Elele o na aina e i ke ano o ko kakou welina Moi maluhia. A oiai, e like me na maa o keia lahui mni kinohi mai, ma na la nui o keia ano, he mau makana a he mau manawalea ana i ke Alii Aimoku e noho poo ana, nolaila, na ko oukou opu aloha alii e hoike no oukou iho, e like me ka hiki i kela a me keia puuwai i hoolioli ia no kona Moi. A ia kakou e wehe ae ai i ko kakou mau lima ohaoha, e hoolaha ia aku auanei ia hana aloha alii i mua oke ao holookoa, i ka wa a na Elele o na aina e e hoike aku ai i ko lakou mau aupuni iho, ma ke ano he haawina kamahao a lakou e akeoa aku ai, aole i ikeia kekahi lahui makee alii ma-

lalo iho o ka la e like me Hawaii. A i mea e maopo]X) ai i na mea a pau mawaho aku o Honolulu, no na mea pili i na hookupu, ua hookaawaleia o ka manawa mawaena ona la 13 o lanuan a me 5 o Feberuari, 1883, o ia ka wa a na apana mamao e hoouna ae ai i na makana a me na hookupu ika Luna Nui o ka ahaaina, Halealii, Honolulu. A o ko Honolulu nei a pau, e hookaulua amakala 21 o Feberuari, alaila lawe mai ma ka pa aliL Ma ia la hookahi no hoi, e hookuu akeaia ana ka Halealii hou no ka makaikai ana mai o na makaainana o ka Moi. A no ka manao o ke Komite Poni Moi, aole paha oukou e pau loa mai ana i ka hele, oiai e noho ana kekahi poe o oukou e malama 1 na mahinaai, na kula palahalaha a me na kuauna, no ia mea, ua hooholo makou he hana maikai a hanohano ka po!oai ana aku i keIa a me keia apana koho lunamakaainana pakahi e houluulu ae lakou ma kekahi wahi maluhia a maiama i halawai makaainana. Ana ia halawai e wae i Umikumamalima mau Elele e hele mai i ka poni Moi ma ka inoa o na makaainana o kela a me keia apana iho. A ke noi ia nei na Lunakanawai ma na apana, e liio lakou i mau alakai no ke kahea ana i keia halawai mākaainana ma na apana kahi o lakou e noho kahu hookolokolo ana. £ hoike koke aema Honolulu i ka Lunahoomaiu o ke Ko mite i ka papa inoa o na Elele i kohoia ma ia halawai, mamua ae o kala 28 o lanuan nei. He mea pono no hoi e ka lahui, i ka wa a oukou e wae ai i ko oukou niau Elele, mai lawe pu ina noonoo ana no na mea pili aupunl Ano e Hawaii! Ua hiki mai kakou ma ka wa e hooi loa aku ai i ka hoohanohano ame ka makee laahia ana ika Moi, ka nianawa hoi a Hawaii 1 ike ole ai E olaloihi ka Moi i ke Akua!

Walter M Gibson\ Lunahcx?malu H. A Wsdeman-X WM. P. WOOUL Jos. U. Kawainui Chas H. Komile Poni MoL Aliiounī Hale, lanaaii 11. 1883.