Ka Nupepa Kuokoa, Volume XXII, Number 3, 20 January 1883 — MAHALO. [ARTICLE]

MAHALO.

Eia ma kekahi o na apana mawaho aku nei o ke kulanakauhale, aole maI mao loa, he wahine e noho pu nei me kana kane, a ke malama mau nei oia i na pono oko laua hale. He makahiki paha aoi i hala ae nei. ua loaa i keia wahine he wahi puaa uuku, a ua hanai pono ia e ia a hiki i keia wa. Iloko o na pule i hala ae nei i hanau mai ai na keia puaa he umikumamaono keiki; ua make kekahi, aka, ke ola maikai nei kekahi hapa o uapoe keiki nei, a e pomaikai ana ka luhi o ka mea nana i hanai. O kekahi keia o na hana i kupono ke mahalo ia iwaena o na makamaka heluhelu i ke Kuokoa, o ka hanai ho- j loholona, e like me ka puaa, moa, ma- j !nu kaka, pelehu, a pela aku. Aohe nui | o na lilo ma ka hooniaka ana i keia hana. Aohe make hoolehulehu ina holoholona ma ka hooomaka ana; ina hookahi a elua paha puaa, a he hapalua kakini manu, ua lawa ia no ka hoomaka ana o ka hana; a ina e pii ka loaa, he mea hiki no ke hoomahuahua aku. Aole e nele ke kuai ia o ka puaa i na wa a pau ma na wahi a pau o ka aina, pela no me ka hua moa, a me na manu j o kela a me keia ano; he pii ke kumu- j kuai o ia mau mea a pau. j Eia ka hapa nui o keia hana iloko o ka lima ona Pake i keia wa. Aka, ua kupono loa i ka lahui Hawaii e hana i keia mau mea, a e ohi i ka waiwai o ia mau hana. Aole keia he wa noho wale, a haawi aku i na hana a pau iloko o ka lima o ka poe o na aina e mai. Pono i ka poe e heluhelu nei i keia pepa e hoomaopopo iko lakou kuleana waiwai iloko o na hana ma keia aina. Aole ma ka oihana aupuni ka pomaikai nui; aka, aia ma na hana lima i kupono i ka ike a me ka makaukau o kela a me keia. O kekahi o na poino nui o ka aina i keia wa, oia ka makee oihana aupuni o ka lehulehu, me ko lakou makaukau ole no ia mau oihana. Ina e hoi ana hap > .o,kCr^Koa' puni i ka hanai puaa, a i ka mahiai, me na hana ano like, ma na apana kuaaina o kakou, ina ua oi ka pomaikai o ka aina a me ko lakou pomaikai ponoi kekahi. E mahalo nui ia na Hawaii a pau e hana ponoi ana no lakou iho ma na hana mikiala liilii, maluna o ko lakou kahua ponoi. E mahalo nui ia ko kakou mau makamaka hanai puaa; e hanau nui mai ka lakou mau kumulau, a e ike lakou i ka hua me ka maluhia. j