Ka Nupepa Kuokoa, Volume XXII, Number 3, 20 Ianuali 1883 — Page 4
| This text was transcribed by: | Virginia (gini) Pinto |
| This work is dedicated to: | Lucille Morse |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
KUOKOA ME KE AU OKOA.
(I Huiia)
______
No ka Makahiki ………. $4.00
Eono Mahina ………….. 1.00
Dala Kuike ka Rula.
______
POAONO, IANUARI 20, 1883.
______
O D. W. Aiwohi wale no ka i aeia e kakao inoa no na dala i hookaaia mai ma ke keena o ka Nupepa Kuokoa.
______
HE MELE CORONATION NO FEB. 12.
L@o - Rally Round the Flag Boy;
1
E ku p@@i i ka Hae la,
Ka l@@@ Hawaii e,
La Ka@@@u M@i nei, e oli.
Hui @aa@ na aupuni nui,
Amai Hawaii nei,
La Kala@nu Moi nei, e oli.
Cho. - Hawaii mau loa !
Horo @ a h@ro !
Holo na kipi !
Ola ke Lii !
E ku puni i ka Hae la,
La Kalaunu Moi nei, e oli.
2
E hoolohe i ka leo,
E hele nui mai.
La Kalaunu Moi nei, e oli,
E l@l@mi ma ke iaona
Na kini makaikai,
La Kalaunu Moi nei, e oli.
Cho. - Hawai mau loa &c.
3
Hui mai na lehulehu,
Na aha ui e.
La Kalaunu Moi nei, e oli.
Hui mai na makaainana,
A me na Luna Alii,
La Kalaunu Moi nei, e oli.
Cho. - Hawaii mau loa &c.
4
E hauoli, e Hawaii @
Mai Niihau a Kau.
La Kalaunu Moi nei, e oli.
Pau e pau na hauuaele,
E mau ka malu e
La Kalaunu Moi nei, e oli.
Cho. - Hawaii mau loa &c.
HWAII.
______
HAAWINA KULA SUBATI.
______
HELU 5, SABATI, FEB. 4
______
Kumuhana - Ke 'lii e ola'i - Pauku Baibala - Oih. 3:12 -- 21.
12 ¶ A ike mai la o Petero, olelo mai la ia i ua poe kanaka la, E na kanaka o ka Iseraela, no ke aha la i kahaha mai ai ko oukou naau i keia mea? No ke aha la oukou e haka pono mai ai ia maua me he mea la na maua no, i ko maua mana, a me ko maua hemolele iho i hana aku ai iaia e hele ?
13 O ke Akua o Aberahama, a o Isaaka a o Iakoba, o ke Akua o ko kakou poe kupuna, ua hoonani mai la ia i kana Keiki ia Iesu, i ka mea a oukou i kumakaia aku ai, a hoole aku iaia imua i ke alo o Pilato, i ka wa i manao ai oia e hookuu iaia.
14 Ua hoole aku oukou i ka Mea Hoano a me ka Pono, a ua nonoi aku oukou e hookuu ia ka mea pepehi kanaka na oukou;
15 Ua pepehi hoi oukou i ke Alii e ola'i, ka mea a ke Akua i hoala mai ai mai ka make mai; he poe ike maka no hoi makou ia mea.
16 Aka, o kona inoa iho, i ka manaoio ana i kona inoa, oia ka mea i hoala ai i ke kanaka a oukou e nana aku, a e ike nei: o ka manaoio ana iaia, oia ka mea i haawi mai ai i ke ola io no ia nei imua i ke alo o oukou nei a pau.
17 Ano hoi, e na hoahanau, ua ike no au, no ka naaupo i hana aku ai oukou i keia, a pela no ko oukou poe alii.
18 Aka, o na mea a ke Akua i hoike mua mai ai, ma ka waha o kona poe kaula a pau, e make ana ka Mesia, ua hooko mai ia pela.
19 ¶ No ia mea e mihi oukou, a e huli mai, i pau ko oukou hewa ai ka holoiia, i ka hiki ana mai o na manawa hoomaha, mai ke alo mai o ka Haku.
20 A hoouna mai hoi oia ia Iesu Kristo, i ka mea i hai mua ia mai ia oukou.
He pono ke hookipa aku ka lani iaia, a hiki aku i ka wa e hooponoponoia mai ai na mea a pau i olelo ia mai e ke Akua, ma ka waha o na kaula hemolele ona, mai kinohi mai.
Pauku Gula - Io. 1: 4.
Manao nui. Iesu ka Hoola, me ka hana hou ana i na mea a pau o keia ao.
Na heluhelu la 1. Oih. 3:12 - 26 2 Pil. 2: 1-6 3 I. Tim. 1-20 4 Isa. 1: 1-20 5 Isa. 63: 1-19 6 Ezk 34: 23-31 7 1. Tes I: 13-18.
Ka manawa. Iune. A.D. 33. ma ke ahiahi.
Kahi i hana ia ai. Ierusalema, ma ka Lanai o Solomona.
Mele. "Ao lai o Ziona." Hoku Ao Nani, p. 13.
Pule i poha, a olino, a nani, ia Ao Lai.
Ka wehewehe me ka ninau ana.
NA MAHELE.
I Ka ninau ana o Petero.
P. 12. Heaha ka ninau? Heaha ke kumu o ka ninau ? Ua ola ke kanaka oopa mai ka hanau ana mai, ma ka olelo ana a Petero ike na kanaka a haohao loa Heaha keia mea hou ? Ua ike kakou i keia kanaka mamua, ua oopa, aole hiki ke ala a hele; aia nae ke hele la me ka lelele. Holo lakou i ka Lanai o Solomona e nana, oiaio no, ua ola loa, ua ola koke. Nawai la e hoola ke ole o Petero ma ? Olelo o Petero, E ku a e hele, ua ku no oia a hele; no laua paha ka mana; ua olelo nae laua: Ma ka inoa o Iesu Kristo no Nazareta, e ku oe a hele. Pohihihi nae keia olelo. Aole kakou i ike ia Iesu maanei, aka, ke ike nei kakou ia laua nei, no laua paha ka mana ? E hoole ana Petero ma keia pauku, aole na laua i hoola i keia oopa; he kuhihewa ia, he mau kanaka wale no laua.
II Ka mea nona ka mana i ola'i ua kanaka oopa nei.
P. 13-16. Owai la ka mea nana ia i hoola ? Iesu ea. Ke Keiki awai ? Ke Akua ia owai ? Ua aha ke Akua ia Iesu ? Ua aha lakou iaia ? Ma owai'la i kumakaia ia'i ? A imua owai la ko lakou hoole ana iaia ? Oiai ua makemake o Pilato e aha ia Iesu ? Mat. 27: 20-25. Owai keia mea a lakou i hoole ai ? A owai ka lakou i nonoi aku ai ia Pilato e hookuu ? p. 14. A ua aha lakou i ke Alii e ola'i ? Owai keia Alii ? Ua make no ia lakou ua ulu hou nae Nawai oia i hoola hou ? Owai na hoike ? p. 15.
P. 16. A pehea i loaa ai ke ola i keia kanaka oopa ? Nowai ka mana ? Pehea i loaa'i ia mana ? No Iesu ka mana Nowai ka manaoio ? No Petero kekahi a no ke kanaka oopa kekahi. No kona manaoio ana, kona ku ana'e a hele.
III. Ke kumu o keia pepehi ana ia Iesu.
P. 17-18. O ka naaupo kekahi kumu, no ia naaupo ka hiki ana e kalaia Heaha na kumu e ae ? Ua hooholo e ia ma ka lani, e make Iesu i Kalahala no na kanaka; aole nae nolaila ka pepehi ana ia Iesu, ma ka manao o ka poe i pepehi: no ka huhu ko lakou pepehi ana, a hoolilo ke Akua ia pepehi ana i mea e ola'i na kanaka.
IV. Ka olelo paipai a Petero.
P. 19-21. Heaha ka olelo paipai ?
E mihi, e huli i aha ? Ua hewa io no lakou; nui lua ole ka hewa i ka pepehi ana ia Iesu ka Mesia; hiki nae ke mihi a huli mai ko lakou hewa mai. A ma ke aha i holoi ia'i ka hewa ? Ma ke koko paha o Iesu ka mea a lakou i pepehi ai. No ke aha e mihi ai, a huli ai, a holoi ai'i ? I hiki mai, i loaa mai na manawa hoomaha, hoihoi, hoohauoli e like me ka la Penetekota. Mai hea mai ?
P. 20. I aha hoi ka Haku ? I hoouna mai oia i ka Mesia ia Iesu e noho pu, launa pu, hooluolu mai, hoohauoli mai ia lakou, a lawe aku e noho pu ma ka lani i ka manawa kupono.
P. 21. Aia Iesu mahea ? Ma ka lani. Ua ike Petero ma iaia e pii aku ana i ka lani, a lohe hoi i ka olelo a na anela elua, e hoi mai ana, e hoi hou mai ana o Iesu. E noho ana ma ka lima akau o ka Makua, e uwao ana no na kanaka, e kii mai ana i kana mau haumana e lawe aku i ka lani. E hooponopono ana oia i na mea e pili ana i kona aupuni, ma keia ao a ma ka lani, a pau i ka hooko ia na mea a pau i olelo ia e na kaula, oia ka lilo ana o na aupuni a pau o keia ao i pupuni no Iesu. E paippai ana Petero i keia poe e mihi i loaa na pono a pau o ko Iesu aupuni maanei a ma ka lani.
NA NINAU MAWAHO.
1 Heaha ke kokua ma ke Sabati mua o ka malama ?
2. Aia mahea na misionari Hawaii ?
3. Owai na misionari ma Maikonisia ?
4. Owai na misionari ma Nuuhiwa ?
5 Owai ka moku misionari ?
6 Kokua anei na Kula Sabati a pau i ka hoolaha ana i ka euanelio i na aina naaupo.
7 Ma na mea aha e hiki ai ke kokua ?
8 Owai ke ae ana e hele kino aku ?
KA HOOPILI ANA.
1 Aole o ke kanaka mana e ola'i na oopa, me na mai e ae; aia ka mana ia Iesu.
2 E ola na mai o ke kino, me na mai o ka uhane ma ka manaoio. E noi kanalua ole ia Iesu.
3 Nui loa ka hewa i keia wa, kumakaia, hoole, pepehi ia Iesu. Naaupo ea.
4 Hiki nae ke mihi, a huli, a holoiia ka hewa i ke koko o Iesu. E mihi, e huli, e noi aku i ke koko o Iesu e kala ia, i loaa ka maha, ka hoihoi, ka hauoli, ka hookipa ia ma ka lani.
5 He manawa maikai, he wa hoomaha ka Milenio e hiki mai ana. Ma ka lani nae ka maha mau loa. E imi ia maha.
Mele "Maha no na luhi." Hoku Ao Nani, p. 123.
Pule i loaa ia wahi.
Haawina no Feb. 11, Oih. 4: 1-14
______
KUMUMANAO, MAT. 25: - 31.
KA HOOKOLOKOLO HOPE LOA ANA.
He mau hookolokolo elua ka i haiia mai ka hookolokolo mua, me ka hookolokolo hope.
Ka hookolokolo mua, mahope koke iho o ka make ana o ke kanaka. Aia a make kekahi kanaka, he kane, he wahine, he keiki, e kukulu koke ia ka aha hookolokolo, a e hookolokolo koke ia no oia. Ina ua hoaponoia oia, ua hookomo kokeia oia iloko o ka lani. Ina ua hoahewaia oia, e hoolei koke ia oia iloko o ke ahi o gehena.
Pela e hookolokolo lillii ia ai na mea e pau i ola a make mai ia Adamu a hiki i ka wa hookolokolo hope loa.
Aia hiki ia wa, nui wale na kanaka e ola ana. He mau biliona a teriliona paha lakou. Aole lakou i make.
Nolaila, aole lakou e hookolokoloia. Aole lakou e mak@ana. E hoomalule ia ko lakou mau kino, e loaa ana na kino hou, kino uhane, kino mama i hiki ke pii ae iluna i ka lewa; o keia mau bi. lion@ ke hookolokolo ia ana, no ka mea, aole lakou i hookolokolo ia mamua.
Aia no lakou ma na wahi a pau o ka honua.
Ua makaukau oukou e lohe i kuu wehewehe ana i ke kumu manao. Ka hookolokolo hope loa ana.
1. Ka manawa. Oia ka wa e pau ai ka honua i ke ahi. Ua pau na hana a ke Akua i manao e ai mamua e hana ia ma keia ao. Aohe hana i koe na ka poe pono e hana ai no ka poe hewa a no ke aupuni o ke Akua. Ua hala ka milenio. Ua lanakila ka aoao Karisetiano. Ua hoohokaia na enemi. Aka, e hoomakaukau ana lakou e hoao e hoi hou ko lakou mau pono, a e hookahuli lakou i ka aoao Karisetiano. Nana Hoik. 20: 7 - 9.
2. Ka hoailona no ia manawa. Ke kani ana o ka pu, Nana Kor. 15: 52 1 Tes. 4: 16, "I ke kani ana o ka pu; no ka mea, e kani io no ka pu. No ka mea, e iho io mai ana no ka Haku mai ka lani mai' me ka hooho, a me ka leo o ka luna anela, a me ka pu a ke Akua." E hookaniia ana keia pu a lohe kona wahi a pau o ka honua.
3. Owai ka Lunakanawai ? Ke Keiki a ke kanaka. Na ke kanaka a ke Akua i olelo ai, Oih. 17: 31, Ka Haku, 1 Tes. 4: 16, Ka haku Iesu, 2 Tes. 1: 7, Aia hiki mai ke Keiki a ke kanaka me Kona nani, e noho iho ia maluna o Kona noho alii nani.
4. Na hoa ma keia Aha hookolokolo. Oia na anela, Iuda pauku 14; 2 Tes. 1: 7, Na haipule kekahi, Zek. 14: 5; Hal 50: 5. Na haipule paha keia i make mamua. Aka, aole akaka he poe haipule nakaka keia, he poe hoano, he poe hemolele, na anela no paha.
5. Owai ka poe e hoakoakoaia ana imua o ka Lunakanawai ? Na Lahui kanaka a pau e oia ana ia, me ko lakou kino i hoomaluleia. He mau biliona a teriliona paha. Aole nae o lakou wale no. Ka poe i make kekahi. Nui wale lakou. E oi ana paha i ke poe e ola ana. Nana 1 Tes. 4: 16: Hoik. 20: 11-13.
Ko ke kai poe make, ko ka po poe make, ko ka lani poe make, me ko ka lani poe ola.
6. Kahi hookolokolo. Auhea kahi palahalaha kupono e akoakoa ai keia mau lehulehu pau ole i ka helu ia ? Aole ma ka honua; haiki ia. Aole ma ka lani kahi maemae ia, aole hiki i ka poe hewa e komo ilaila e hookolokolo ia. Aole ma ka po, he ahi wela a pono ole ke kukuluia ka Aha hookolokolo ia malaila.
Hookahi wale no wahi i koe, oia ka lewa, ka lani elua. Akea ia wahi. Ke ninau ia mai nei, Heaha ke kahua kahi paa e ku ai ? Heaha ke kahua o ka honua me na hoku, ka mahina, ka la ? Ua paa lakou i ke Akua. A o ka lehulehu e akoakoa ana ma ka lewa, ua like lakou me na anela, me na uhane kino ole. He kino no ko lakou he kino uhane nae, he kino mama. Ua piha no ka lewa me na uhane, na uhane maikai, na uhane ino. Epes. 6: 12.
E kiiia ana e na anela na lahui e ola ana e hoohui ia lakou me ka poe i make. E hoomalule ia ana na kino o ka poe e ola ana. E hoala ia ana na lehulehu i make, na lehulehu pono, na lehulehu hewa me ko lakou kino hou, kino uhane. E hui ana, a e kaili pu ia ana iloko o na ao kaalelewa e halawai pu me ka Haku i ka lewa. 1 Tes. 4: 16, 17. E iho mai ana ka Haku me na anela, me na haipule mai ka lani ekolu a e pii aku ana ko ka honua a me ko ka po e hui pu me ko ka lani poe ma ka lewa. Me he la, aohe mea koe ma ka lani. Aohe mea i koe ma ka honua a ma ka po. He wa weliweli a pihoihoi loa ia. Ka la hookolokolo hope loa keia.
7. Ka hookolokolo ana koe. Ma ka hoohalike ana me na aha hookolokolo o keia ao. Ua kahea ia na poe e hookolokolo ia ana, me na kiure, me na hoike. He mau buke kanawai kekahi kahi i kakau ia ai na hala, na karaima, me na hoopai.
Ma na hookolokolo o keia ao, aole akaka e mamua i na Lunakanawai ka poe e hoahewa ia ana, me ka poe e hoapono ia ana. Aka, ma keia hookolokolo hope ana, ua akaka e ia mau poe. Aole e hookolokolo ana ka Lunakanawai no ka pohihihi, no ka hewa, no ka hewa ole. Ua akaka loa ia mamua. Ua akaka iaia ka poe manaoio. Ua paa ma ka buke o ke ola na inoa o ka poe haipule io. A ua paa ma ka buke o ka make ka poe manaoio ole.
Aohe mea i oi aku ka ike i ko ka Lunakanawai. Aohe mea i hiki ke hoike i kekahi mea hou i ike ole ia e ka Lunakawai. Aohe mea a na lawehala e hoole ana. E ae ana no ko lakou lunaikehala i ka oiaio o na mea a ka Lunakanawai e hoopuka mai ana.
E paa ana ka waha o na mea a pau. Ina hoao kekahi e ninau hoohalahala, e hoopaa koke ia ana kona waha.
Ua makaukau ka Lunakanawai no kana hana. Aia no na mea a pau imua o kona alo, ko ka lani, ko ka honua, ko ka po. Elua ano o ko ka lani po@, Na anela, na haipule i make mamua, a hookomo ia ilok@ o ka lani. Aole i hewa na anela mai ke kumu mai. Lakou kekahi hapa o ka Aha hookolokolo, me he aha lunakanawai kokua la lakou.
A o na haipule no ka lani mai, he poe hewa lakou mamua, aka, ua mihi ua manaoio, ua kalaia e ka Lunakanawai ma kona ano kalahala. Aohe he hoahewaia no lakou ka poe iloko o Kristo Iesu. Rom. 8: 1. Lakou ka poe i koho ia, a hoapono e ia. Nawai lakou e hoopii ? Nawai e hoahewa ? Ua hoapono e ia lakou e ke Akua. Rom. 30: 33, 34; He poe kokua lakou ma ke ala hou ana i ka hookolokolo ana Mat`. 19: 28. Aole anei oukou i ike na ka poe haipule e hookolokolo i ko ke ao nei ? Aole anei oukou i ike, na kakou no e hookolokolo i ko ke ao nei ? Aole anei oukou i ike, na kakou no e hookolokolo i na anela ? (Oia hoi na anela i hewa.) 1 Kor. 6: 2, 3.
Ua make oukou (na haipule) a ua hunaia aku ko oukou ola me Kristo iloko o ke Akua. Aia a ikea a@uo Kristo o ko kakou ola, e ikea pu oukou me ia iloko o ka nani. Kol. 3: 3, 4.
Pomaikai ka mea i kala ia kona halai uhiia hoi kona hewa. Hal. 32: 1
Ua kala mai oe i ka hewa o kou poe kanaka, Ua uhi mai oe i ko lakou hala a pau. Hal. 85: 2.
Nana aku la au, aia hoi, he anaina nui loa, aole hiki i kekahi ke helu aku mailoko mai lakou o na aupuni a pau, a me na ohana, a me na lahuikanaka, a me na olelo a pau, e ku ana lakou imua o ka noho alii, ua aahu ia lakou i na holoku keokeo, a he mau pama ma ko lakou lima &c. Hoik. 7: 9, 13, 14.
Na haipule keia, ka poe i make mamua a pii i ka lani. Ua lilo lakou i ohana kahuna, i ohana alii, he poe hooilina pu me Iesu ka Lunakanawai. Lakou nei ke iho pu ana me Iesu ma ka lewa ma ia la nui.
Ma ka nana aku, e hoonoho pu ia ana lakou me na anela i hewa ole e kokua ana i keia hookolokolo ana. Aole lakou e hookolokolo ia ana, ua holoi e ia ko lakou hewa. Ua hookaa e ia ko lakou aie e Iesu. Ua hoaponoia, ua hoohalike ia me ka poe hewa ole.
Ko ka po poe - Elua o lakou ano, na anela i hewa a lilo i poe uhane ino, i poe daimonio, o ke diabolo ko lakou poo. O ka poe anela i hoomau ole i ko lakou ano kahiko, ano maikai, aka, i haalele i ko lakou wahi i noho ai, ua hoana e oia ia lakou iloko o na kaulahao mau loa ma ka pouli no ka hookolokolo ana o ka la nui. Iuda, pauku 6; 2 Pet. 2: 3. Lakou nei ke pii ae ana mai ka pouli a i ka lewa e hoolohe i ka hoopai ana.
Ka poe hewa i make iloko o ka mihi ole me ka manaoio ole mai Adamu a hiki i ka la hookolokolo e hoopaiia ai. Lehulehu wale lakou nei, ko kela ao kahiko, ko Sodoma ma, ko Asia, ko Aferika, ko Europa, ko Amerika, ko Hawaii nei, a pela aku. Ke pii pu ae lakou me na anela hewa mai ka lua o Gehena a i ka lewa e hoolohe i ka hoopai hope ana.
Ko ka honua - Elua no o ko lakou ano. Ka poe haipule io, ka poe hewa o kela ano keia ano. E ola ana lakou nei i ka wa e hele mai ai ka Lunakanawai e hookolokolo.
Ka poe hope lakou nei. Ua iho mai ko ka lani. ua pii ae ko ka po. Ko ka make poe, ko ke kai poe, ua ala ua pii aku. Koe ka poe e ola ana. E hoomaluleia ana ko lakou mau kino i mama. Me na kino hou ka pii ana aku a i ka lewa kahi hookolokolo. e hoolohe i ka mea a ka Lunakanawai e hooholo ana, ka hoapono ana, ka hoahewa ana, ka pomaikai o ka poe e hoaponoia ana, ka poino o ka poe e hoahewaia ana.
Ua akaka i ka Lunakanawai ka poee hoapono ia ana a me ka poe e hoahe wa ia ana. A@ no ma kona lima he mau mea he mau buke la. Aia ilaila na inoa o ka poe e hoapono ia ana. Ua mihi lakou ua manaoio, ua kala ia, ua hoopau ia ko lakou hewa. Ua holoi ia a nalo, ua uhiia, aole e hoike ia ana, e like me ka hewa o ka poe haipule i make a pii ae i ka lani.
Aole loa e hiki i kekahi mea ke hoopii, ke hoahewa, a ke hoohalahala. Ina hoao kekahi e hoohalahala, e hoopii, pane koke ka Lunakanawai. Aole anei au ike i ka poe a'u i koho e ai, a hoopaa ma ka buke o ke ola ? A owai ke aa e ekemu mai ? Ua hoohui ia lakou nei me na anela pono, me na haipule mua, ka poe i make a pii i ka lani. Alilo pu lakou i poe kokua i ka hookolokolo.
Koe ka hapa hewa o kahonua i hoomalule ia na ki@@. Ua wehe ka Lunakanawai i ka buke, i ka mea ano buke kahi i hoopaa ia ai na inoa o ka poe e hoahewa ia ana. Ua akaka e ia poe i ka Lunakanawai. Hoomaka oia e kahea i na inoa. Ina hoohalahala ke kahi poe, ua paa na inoa o na hoike e hooiaio ana. Ina o Nineva kekahi hoike, a o ke alii wahine o Seba: aia no laua ua makaukau e ku a hoike a hoahewa. Ua makaukau na hoike he nui wale, na hoike oiaio, aole he hoike wahahee, he hoike makau, he hoike kokua i ka hewa, hoike hoopilimeai, kokua i ka makamaka, i ka pili kino, hoike i kipe ia, e hoike kue ana na makua i na keiki, na keiki i na makua, na kanaka i na'lii, na 'lii i na kanaka, na kahuna i na kanaka, na kanaka i na kanaka, na kanaka i na kahuna, na haumana i na kumu, na kumu i na haoumana, na kumu i na kumu, na haumana i na haumana. E hoike ana na anela pono no ke kipi ana o kekahi hapa; e hoike ana na haipule no ka hana ino ana o na anela i hewa.
E hoike ana na anela pono no ka hewa o na kanaka, o lakou ka i ike maka. Hoike ka poe haipule no ka hewa o ka poe hewa, lakou na ike maka. Paapu wale na hoike kue i ka poe hewa, a e auwe lakou me ka imi i kahi e pee ai, me ka loaa ole, oiai ua maluhia na haipule. Ua noi e lakou ma ka honua i ka Lunakanawai e lilo i kokua, i kalahala no lakou.
Ua hoike i ko lakou hewa, ua kalaia. Ua hai aku oia imua oia lehulehu he nui wale, ua pau ko lakou hewa i ke kalaia. Aole loa lakou e hoahewa ia ana.
8 Ua pau ka hookolokolo ana. A hoomaka ka Lunakanawai e kahea i na inoa. A iaia e kahea ana, hele no ka poe i kahea ia, a noho ka poe i aponoia ma ka lima akau, ka poe ia ahewaia ma ka lima hema.
He @@@aipa weliweli keia. E nana aku i ka poe i hoohokaia, ka poe i kuhihewa no hai a no lakou iho. Nana aku i na hookaawale i ehaeha ai ka naau. E nana aku i ka poe waiwai, ka poe hanohano, ka poe alii, ka poe i manao ia ma ka honua he pono io, no ka hele mau i na halawai, i na Kula Sabati, ka poe kokua nui - me ka pono ole nae o ka naau - Aia ke he'e la lakou i ka lima hema. E nana aku i ka poe ilihune, ka poe i hoowahawaha ia, ka poe hanohano ole, na keiki haipule, ka poe ona i hoohanau hou ia ka poe auwana a uhauha wale, ua mihi nae a hoi mai.
Ua pau ka hookaawale ana, ka hoonoho ana ma ka lima akau kekahi, ma ka lima hema kekahi.
9 Ka hai ana i ka mea i hooholoia i ka pomaikai me ka poino. Heaha la ia mea i hooholoia ? "Alaila, e olelo aku ka Lunakanawai i ka poe ma kona lima akau, E hele mai oukou ka poe i hoomaikaiia e ko'u Makua, e komo oukou ike aupuni i hoomakaukau ia no oukou mai ka hookumu ana mai o ka honua.
Alaila, e olelo aku ia i ka poe ma kona lima hema, E ka poe i ahewaia, e haele oukou pela mai o'u aku nei iloko o ke ahi mau loa i hoomakaukauia no ke diabolo a me kona poe anela. A o keia poe la, e hele aku lakou i kahi make mau loa; aka, o ka poe maikai, iloko o ke ola mau loa."
10 Ua pau ka hana ma ka lewa. O ka poe haipule io, me na anela maikai, pii ae la lakou mai ka lewa ae a i ka lani i ko lakou home paa a mau me Iesu ka Haku.
A o ka poe hewa, na kanaka hewa, na anela hewa, iho lakou mai ka lewa ae a ilalo i Gehena, kahi e paa loa ai, me ka hemo hou ole.
I ka wa e pii aku ana ka poe pono i ka lani, a e iho ana ka poe hewa ilalo i ka po, e wela ana ka honua kahi noho mua i ke ahi, e wela ana na kumu mua a hehee wale, a e pau no ka honua nei i ke ahi, a me na mea a pau i hana ia maluna iho; 2 Pet. 3: 10. Aole loa e noho hou ia ia e ka poe pono, a e ka poe hewa.
Ka lani ka honua hou no ka poe pono Aole o lakou makemake e hoi hou mai i keia honua. Ua olioli lakou i ko lakou home hou, honua hou, ka lani. A o ka poe hewa, he honua hou ko lakou, he honua piha i ka pouli, me ke ahi. Ilaila lakou e auwe mau ai me ka nau o na niho, ma kahi aole loa e make ko lakou ilo, aole loa hoi e pio ke ahi.
E ala kakou a pau, a e hoomakaukau no ka halawai pu ana me ko kakou Akua me Iesu ko kakou Lunakanawai.
Ma ka lima hea e ike ia ai kakou ? Ma ka lima akau anei, ma ka lima hema p@ha ? HAWAII.
______
KE KOHO ANA O KA MOI MAKE
I KUHINA NUI NONA.
HE OLELO NANE.
I kekahi manawa, ua hoolaha aku la ka Moi Make, ua makemake oia e koho i Kuhina nui nona, i mea nana e hooponopono kona aupuni; i mea hoi nana e hoomahuahua ai ka ikaika a me ka mana o kona aupuni. I ka hiki ana i ka manawa, ua akoakoa mai la na mai ino a pau, o Puha, o Kakio, o Hano, o Akepau, o Pehu, o Lepera, a he lehulehu wale i akoakoa mai.
I ka wa i waiho aku ai ua Mai weli nei i kona poe kanaka e hoike mai kela mea pakahi keia mea pakahi o lakou i kana mea e hana ai i mea e hoomahuahua ia aku ai ka ikaika o kona aupuni. Ua ku mai la lakou me ka ake na ana, oia ka oi aku, a ua hoikeike mai la lakou i na hana a lakou e hana'i, i mea e holopono ai ke aupuni o ka lakou alii, a iloko o keia mau hoikeike ana, ua @ohe ia aku ka himeni ana, ka olioli ana, ka uwa ana, a komo mai la he wahine nani, a ua kakau ia ma kona poo, "Inu Waiona", ua kahea ae la oia me ka leo nui, e hookaawale ae i ke alanui no ka makua o oukou apau, pehea la oukou i aa ai e noho i mea e hooponopono i ke aupuni o ko kakou alii, oiai, na'u oukou a pau i hanau aku. O ka Makua ka mea kupono e noho ma ia wahi. A huli aku la oia a olelo aku la i kona Moi, e ke 'lii i weli ia e ko ke nei, ka Moi mana a Lanakila, ua lohe au i kau olelo kukala, ua makemake oe i mea akamai nana e hookele i kou aupuni imua, a ua manao au, aole he Kuhina kupono e ae nana e noho alakai i kou aupuni e like me a'u, o keia mau makaainana ou i akoakoa mai nei, he poe keiki wale no lakou na'u, nolaila, e ke lii e lawe aku ia'u i mea nana e hooponopono i kou aupuni, a e ike auanei oe, e alako ana au i na kanaka me na wahine, a me na keiki, mai ka haahaa a i ka mea kiekie iloko o ka make, a e wawahi au i na home o lakou, a me na aupuni, a e kau ka weli o kou inoa ma honua a me ka po, ua ae mai la ua Moi nei, a ua hoonoho ae la oia ia "Inu Waiona" ma kona aoao akau, a ua hookele oia i ke aupuni o Make me ka lanakila nui. S. L. D.
______
NA HOOLAHA.
______
CALIFORNIA.
FURNITURE CO.
______
O KEIA HUI A HALEKUAI O
Na Lako Hoonani o na Hale !
I ike mua ia iho nei ma kona kahua mua
iho nei ma ke Alanui Papu, makai iho o ka
Halekuai o na Mea Kani o Geo. F. Wells
Ua Hooneeia ai Nei a i na
Helu 56 me 58 Alanui Moiwahine.
He Hookahi Ipuka ka mamao mai ka Hale Mu,
_____
A malaila e loaa ai na Lako Hale Emi Loa.
Eia iho ka inoa o ia mau Lako Hale:
Na Moe maikai loa,
Noho o na ano a pau,
Noho koki, Pakaukau,
Noho huleilua,
A HE NUI AKU.
______
EIA PU NO HOI ME MAKOU,
Na Uluna,
Na Bela Moe,
Na Kihei Moe,
A me na Pale Uluna.
A oiai na makou iho no e hana keia mau mea maluna ae nolaila e kuaiia aku ana me ke
Kumukuai Haahaa Loa !
E P. ADAMU, Agena
______
PAPA ! PAPA !
AIA MA KAHI O
LEWERS & COOKE,
(O LUI MA)
ma ke kahua kahiko ma alanui Papu a me Moi.
E loaa ai na
PAPA NOU AIKI.
o kela a me keia ano.
_____
Na Pani Puka, Na Puka Aniani, Na Olepelepe,
Na Pou, Na O-a, Na Papa Hele, Na Papu
Ku, A me na Papa Moe nui loa
Na Pili o na Hale o na Ano a Pau.
_____
Na Pepa Hoonani, Na Pena o na Wai e pau,
Na Kui mai ke Nui a ka Makalii, Na Ami
Puka, Na Ami Puka Aniani, Na Ami
o na ano a pau, Na Aila Pena, o
kela me keia ano Na Aila Hoomaloo, he lehulehu wale,
Na Aila e ae o na
ano a pau.
NA WAI VANIKI
---- A ME NA ----
WAI HOOHINUHINU NANI !
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Makamaka a
pau, ua makaukau keia mau Makamaka
o oukou e hoolawa aku ma
na mea a pau e pili ana
ma ka laua oihana
--- NO KA ---
UKU HAAHAA LOA.
E like me ka mea e holo ana mawaena o
Laua a me ka MEA KUAI.
E Hele mai ! E na Makamaka !!
A e lawa no hoi ko oukou makemake
me ka oluolu a me ka maikai.
______
LOLE MAKEPONO
Ke Kuike e loaa no ia ma kahi o
Kakela me Kuke.
_____
---- E laa na ----
AHINAHINA, KALAKOA. KEOKEO,
LEPONALO. PENA, AILA
AILA HONUA, ANIANI.
NA MEA PIULA,
Kopa, Aila hoomaloo, Kui Kakia, Pa
keke, Tabu Kaula, Noho Lio, Hulu
Palahi, na Palumi, ahe agena
no na mokupuni o Hawaii
neino na Lainakini-nao
Lainakini Maoli, Ki-lika, Palule Kalakoa,
Alapia, Kelepa, Na Lole kupono i
ka Wawae, Palule Huluhulu,
Na Lole Huluhulu, Na
Ka hoohelo ana, Li
Lole no pini, Li-
hilihi, etc.
A ME NA
Mikini Humuhumu
MAKEPONO LOA.
A he mau
MEA AI KAHI:
KA PALAOA, KOPAA
RAIKI, PIA, HOOHU
PAAKAI, HUAALA,
PIA KULINA, KOPE,
--- A HE ---
Laau Lapaau Kaulana Loa
A DR. JAYNE,
LAAU HOOMAEMAE KOKO
LAAU HOOPAU NAIO,
PENIKILA, HUAALE,
LAAU KUNU,
Me na Laau Hamo, a Pela 'ku.
840-tf
_____
HOOLAHA HOU.
_____
KA MIKINI
HUMUHUMU LOLE
MAIKAI
ST. JOHN
E LOAA NO MA KA HALEKUAI O
ME. GEO. F. WELLS.
_____
O ka Mikini Humuhumu Lole Maikai
loa keia, i hiki ke huila imua a i
hope, a i ikeia ma ka Po@ Aina
Hawaii nei. He Mikini
maikai loa no na ka-
naka Hawaii,
he mikini
luhi
ole.
______
KUMUKUAI $55.OO
me Hookahi Gita (Ki-
ka) hookani maikai
loa makana.
_____
O ka poe ma na kuaaina e ake ana e loaa keia ano mikini humuhumu, e hoouna mai lakou i ke dala ia
GEO. G. WELLS
ma Honolulu, a nana no e hoouna aku ma kahi i makemakeia, me na mea a pau e pili ana i ka mikini, a nana e hookau aku maluna o ka moku, me ke kaki ole ia o ka mea nona ua mekini la.
O ka poe a pau e holo mai ana no Honolulu nei, mai poina lakou i ke kipa ana ae i ka halekuai o
GEO. F. WELLS
Ma Alanui Papu, a e kilohi iho i ua mikini humuhumu la, oia ka
Royal St. John.
Eia pu no me ia na pila hookani o na ano a
pau, o ka loaa koke ana mai nei
no ia mai Amerika
a me Europa
mai, oia
Na Pila Guitar ( Kika ), he @ 50 ka nui,
mai ka $5 a hiki i ka $125 ke kumukuai o ka pila hookahi.
200 Koliana mai ka $2 a hiki i ka $20
ke kumukuai o ka pila hookahi.
100 Ohe Puluka, $2.50 a hiki i ka $15
ke kumukuai o ka ohe hookahi.
12 Pahu hookani nunui, a me 25 Pahu
Hookani liilii, a me na ano mea kani
keleawe a pau, e loaa no ma keia ha-
lekuai i hoikeia maluna me ke
KUMUKUAI EMI WAIPAHE.
Na Piano nunui maikai, e loaa no
me ke Kumukuai Emi Loa i
ike ole ia ma Hawaii nei.
_____
He nui aku no na mea i koe, na kela a me keia e kilohi nona iho, ke naue ae ma ko'u halekuai @a Alanui Papu.
E hookoia ka makemake o kela a me keia me ka eleu.
GEO. F. WELLS.
1094 tf Alanui Papu.
_____
NA HOOLAHA @
_____
NA WAIWAI HOU @
O NA ANO A @@
_____
E LOAA NO MA NA HALEKUA@
WALAKAHAUKI M@
_____
MA ALANUI
Papu, Moi a me Moiwah@
OIA HOU
Na Noho Li@ hou
l@a o na ano a pau.
Na Polule Keokeo.
Huluhulu, o na an@
a pau, Na P@
Ahinahina P@@
Kane h@@ @@ @@@
ano a @@@@
P@@ K@@@@
Na Kopa Bulu Na
Lole o na Wahine @
na ano a pau. Na
Pahu Aila Mai @
maikai loa. N@@@
lika, Pah@@@@
na ano a @@@@@
@ei @@@@@
HAINAKA LAU NUNUI SILIKA O NA @@
A PAU.
_____
He nui aku no i koe, he piha @@
Koluma o ka pepa. ina @@@@@
ia aku nei.
Eia hou ae a hoea mai i K@@@@@@
iho he Lako Wa@wai ho@@@@@
a pau, a he lako hou loa @@@@@
ia e J. T. WATERHOUSE @@@@
Enelani, a he mau waiwai @@@@@
no loa no ko kakou mau k@@@@@
laila, e eleu mai e na mak@@@@@@
me na hoa'loha e hoon@@ i k@@@@@
lako waiwai hou loa. @@
____________________________________
NU HOU ! NU HO@@@@@@@@
______
Na Waiwai Hou L@@@@@@@
NA PAIKINI O KEIA AU@@@@@@
______
E Loaa no ma ka ha Halekuai @@@
DILINGHAMA M@@@@@@
Ma Alanui Papu@
Oia na waiwai malalo iho nei:
Na Palau, Kaa Huilapalala K@@@
Piki, Oo, Koi, Koilipi, Na Ha@@@@@
re Kamana o na ano a pau@@@@
Na mea Hana a na Ka-
mana, Poe Ham@
Puna, na Am-
ara a me
na mea
hana o ka
Poe Akeakamai
a pau. Pena Aila.
Vaniki a me na Palaki,
Pauda, Poka a me na Kukae@
pele, Palaki Hamo Puna. Pul@@@
Pakeke, Kapu Holoi Lole a me na
Holoi Lole, na Iputi,
na Pa Palai, na Ma
Kau Lawaia, Na
Aho Lawaia o na
ano a pau, na Kaula
o na ano a pau, na
Pahi, O, a me na
Puna, a he nui aku
no na mea i koe.
I KUPONO NO KA HOOHIWAHIWA @
NA HALE
_____
I hiki ole ia makou ke huai pau @@@@
aka, na oukou no e hele ma@@@@
hoonuu iho. O keia maluna @@
loaa no ma ka halekuai o
Dilinahama M@@@@
1036-3m ] Ma ka helu 37, Alanui @@@