Ka Nupepa Kuokoa, Volume XXII, Number 2, 13 January 1883 — HE MAKE ULIA, [ARTICLE]

HE MAKE ULIA,

Ma ka Poakahi ka la Hape Nuia iho nei, hele aku Ia kekahi mau keiki haole o keia kulanakauhale i ka holo lio. Ua hololio makaikai aku lakou ia Laeahi a me na kapakai o Waikiki, a me na kapakai e hele mau ia nei e auau ma Waikiki, a huli hoi loa mai la lakou no ke kulanakauhale. Ia lakou e hoi nei no ke kulanakauhale, halawai mai la lakou me kekahi kaa ma ke alanui a e holo mai ana no ke kulanakauhale. Mamua pono mai o na kaa a me kela poe, he elemakule o Kaaiweuweu kona inoa, e hele ana oia ma kapa o ke alanui, a e hele mai ana oia no ke kulanakauhale. He 70 makahiki a oi o keia elemakule.

I keia poe maluna o ka lio e holo mai ana a kokoke i ka elemakule, hookui iho la ua elemakule la me ke kaula keehi o kekahi o keia poe e holo nui nei a haule aku la oia ilalo o ka lepo. Ua lele koke iho la kekahi o keia poe ilalo e kokua i ka elemakule poino »na ka ninini ana' ika wai a hiki kona pohala ana, a hookau ia aku la oia iluna o ke kaa a hoihoiia aku la i kona hale. Mai ia la mai a hiki ika Poaha ka la 4 o keia mahina, ua paholaia ae ka lono e i apa ua make oia mai na alina i loaa iaia ma ka la Hape Nuia iho nei. Ua noho ka Aha Koronero e nana pono i ke kumu o kona make ana, a ua hooholo lakou ua make oia ma ka ano ulia. Ma ka nana ia ana o kona kino kupapau e kekahi o na kauka o keia kulanakauhale, ua hoike oia ua haki kekahi o kona mau iwi aoao, ua paewa hoi kekahi mau iwi mai ko lakou mau wahi mau, ua puuhaku ke koko ma kekahi wahi, a o ke koko o kona puuwai ua ano hauliuli, a mamuli oia mau njea uj manao oia nolaila ke kumu o kona ma ke ana.