Ka Nupepa Kuokoa, Volume XXII, Number 2, 13 January 1883 — Page 4
| This text was transcribed by: | Shirley Werner |
| This work is dedicated to: | Werner ohana |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
KUOKOA ME KE AU OKOA.
[I Huila.]
========
No ka Makahiki . . . . . . . . . . $2 00
Eono Mahina . . . . . . . . . . 1 00
Dala Kuike ka Rula.
========
POAONO, IANUARI 13, 1883.
========
O D. W. Aiwohi wale no ka i aeia e kakau inoa no na dala i hookaaia mai ma ke keena o ka Nupepa Kuokoa.
========
AUWANA AU.
(Iu'i Wanaird Long.) OUR GLAD HOSANNA.
I
Auwana au, auwana mau,
A in i i o ia nei
I wahi maha ola no'u,
Ua imi u'a nae.
Cyo.-Ke holo au la io Iesu,
Iesu ka ea i make no'u.
Aole loa uwao hou,
O Iesu wale no.
2
Kaumaha au a luuiuu no.
Nawai la e hoopau?
Makena no na hewa o'u.
Nawai e kala ia'u?
Cho,-Ke holo au la c.
3
Ua imi au i maha no'u,
Ma ko ke ao nei nae,
Ua imi, imi, imi hou,
Aole loaa mai.
Cho,-Ke holo au la c.
4
Ua pau no nae kuu imi ae
I maha ma ke ao.
He maha nae no Iesu mai,
He home maha mau.
Cho,-Ke holo au la c.
5
A hiki au ia home mau,
A ike ia Iesu,
E mele au i kuu uwao,
A mau kuu halelu.
Cho,-Ke holo au la c.
HAWAII.
========
HAAWINA KULA SABATI.
----------
HELU 4, SABATI, IAN. 28,
Kumuhana---Ka hana Hoola.
Pauku Baibala-Oih. 3:1-11.
1 Pii pu aku la o Petero a me Ioane i ka luakini i ka hora pule, i ka iwa.
2 A haliia'e kekahi kanaka, ua oopa mai ka opu mai o kona makuahine, a waiho no lakou iaia i kela la i keia la, ma ka puka o ka luakini i kapa ia: He nani, e nonoi aku i ka poe komo, i manawalea.
3 A ike ae la o Petero, a me Ioane e komo ana iloko o ka luakini, noi aku la ia i manawalea.
4 Haka pono mai la o Petero, laua o Ioane iaia i mai la: E nana mai ia maua.
5 Nana aku la oia ia laua, me ka manao e loaa iaia kekahi mea na laua mai.
6 Alaila i mai la o Petero: Aole a'u kala, aole he gula; aka, o ka mea i loaa @ ia'u, o ka'u ia e haawi aku nau. Ma ka inoa o Iesu Kristo no Nazareta, e ku oe, a e hele.
7 Lalau ae la oia i kona lima akau, a hooku ae la iaia; ikaika koke iho la na kapuai, a me na puupuu wawae ona.
8 Lele aku la ia a ku iluna, a hele, a komo pu aku la me lakou iloko o ka luakini, me ka holoholo, a me ka lelele, a me ka hoomaikai aku i ke Akua.
9 A ike aku la na kanaka a pau iaia e hele ana, a e hoomaikai aku ana i ke Akua:
10 A i ko lakou ike ana, oia no ka mea i noho ma ka puka nani o ka luakini, no ka manawaleaia mai; pilihua iho la lakou, me ke kahaha o ka naau i ka mea i hanaia mai iaia.
11 Aka, paa aku la ka oopa i hoolaia ia Petero ma laua o Ioane, a holo mai la na kanaka a pau ma ka lanai i kapaia ko Solomona, me ke kahaha nui o ka naau.
Pauku Gula-Isa. 35:6.
Manao nui. Iesu Kristo ka Hoola o ke kino, a o ka Uhane.
Na heluhelu la 1. Oih., 3:1-11. 2. Mar. 16:15-20. 3. Io. 14-:1-12. 4 Iak. 5:10-20. 5 Isa. 53:1-12. 6 2 Oih. Lii, 5:24-33 7 Hal., 126:1-6.
Ka manawa. Iune, A. D. 33.
Kahi i hanaiaai. Ierusalema ma ka luakini.
Mele. "Kii i na auwana." Hoku Ao Nani p. 100.
Pule i hoi mai na mea auwana.
Ka wehewehe a me ka ninau ana.
EULA MAHELE.
1 Ke kanaka oopa. P. 1-3.
P. 1. Owai keia mau mea elua?
Ua hana pu laua ma ka la Penetekota. Ua hana laua i na hana kupanaha mamua oia la, a ma ia la, a mahope iho.
Ua hana laua ma kekahi la, a hiki i ka hora pule.
Aole i oina ia hora, ka hora 9, oia ka hora 3 ahiahi ia kakou. Ma ia hora ua pii pu laua i hea?
He mau Iudaio laua. Aole hoopau koke i na oihana Iudaio. Elua o hora paa no ka mohai me ka pule ana.
Hora 9 kakahiaka, hora 3 ahiahi.
Puk. 29:38-41.
A o ka poe haipule nui, pule lakou ma ke awakea. Hal., 55 @ Dan. 6:10.
Pii ae Petero ma. Aia no ka laukini ma kahi kiekie. A he mau anuu kekahi mai ka papa mua e pili ana i ka luakini.
E kolu no pa, ka pa o ko na aina e; ka pa o na wahine; ka pa o na Iseraela, ioa ka pa i komo ai Petero ma, e pili ana ia i ke kino o ka luakini.
No ke aha ko laua pii ana i ka luakikini ?
No ka mohai ana anei i ke keiki hipa e like me na Iudaio e ae ? Aole paha.
Ua pau ia ma ka make ana o Iesu.
No ka hoomanao ana paha ia Iesu a noi aku iaia e kokua mai.
P. 2 Owai ke haliiaina ? A waiho ia mahea ? Ma kahi akea paha keia puka, kahi i hele nui ai kanaka. He kanaka ilihune hiki ole ke hele. A waihoia ma ia puka no ka aha ? Aole he halemai, hale hosepetala ia wa.
P 3. Heaha ka keia oopa i noi aku ai ia Petero ma ? Aole paha oia i ike o Petero a o Ioane laua nei. He mau malihini laua iaia. Manao nae oia e hiki ia laua ke makana mai i kekahi mea.
II Ka hoolaia ana o ua opio nei. p. 4-11.
P 4. Pehea laua iaia ? A olelo pehea.
P 5. A pehea oia ? Nana mai no me ka manao e aha mai ana ? Aloha ino! Imi nui oia e loaa mai kahi dala e kuai ai i wahi ai, i wahi lole nona.
He kanaka oopa mai kona hanau ana mai, ua 40 na makahiki ona. Ua hoao paha na kauka he nui e hoola, aole nae i hiki. E kuhi ana oia aole paha he mea e pau ai o kona oopa ana.
P 6. Oaka ka waha o Petero, a olelo pehea ? Aole o maua dala aole gula.
Auwe! E hoka ana anei keia kanaka oopa ? Aole. Heaha ka Petero kauoha kupanaha iaia ? E ku oe e hele Pehea e hiki ke ku ae a hele ?
Ma ka inoa owai ? Ua lohe paha oia i ka inoa o Iesu mamua. Ua kaulana keia mea no Nazareta no kana mau hana mana.
P 7. O ke kauoha wale no anei ka Petero hana ? Heaha kekahi hana. A pehea na kapuai a me na puupuu wawae ?
P 8. A pehea ua oopa nei ? Lele no ka olioli paha. Ku a aha ? A aha pu me Petero ma ? Me ke aha pu hoi ?
P 9. A ike na kanaka i keia oopa e hele ana, pehea lakou ?
P 10. Ua pono ko lakou hoomaikai ana i ke Akua, no ke ola ana o keia kanaka. Aka, heaha ko lakou manao ia Iesu Kristo no Nazareta ?
Pilihua, kahaha ka naau, no ke aha ?
Aole anei lakou i lohe i na hana mana a Iesu me kana mau haumana ? Ae, aole nae lakou i manaoio. Hoomaloka, naaupo.
P 11. Kanalua paha kanaka ia Petero ma, aole paha na laua i hoola i ka oopa. He kanaka e paha keia. Aka, pehea ua kanaka nei i hoolaia ? Hoopaa, hoopili aku ia Petero ma, a ma o laua no kona ola. A o na kanaka, holo lakou ihea ? Me ke aha ? Me ka manao paha e hana ino, e hoomana paha ia Petero ma.
Ka lanai o Solomona, ma ka hikina ia o ka pa o ko na aina e. Na Solomo na paha ia i hana. A mahope o ka hoopau ia ana, ua kukulu hou ia he lanai ma ia kahua hookahi, a kapaia, ka lanai o Solomona.
Ke Kula a pau-E hai pualu mai i na haina o keia mau uinau.
1 Heaha ka hana kupanaha i hanaia e Petero ma ?
He kanaka oopa no na mak. he 40, ua hoolaia.
2 Ma hea ? Ma ka puka i kapaia: Puka nani.
3 Ma ke aha ? Lalau Petero i kona lima a olelo: Ma ka inoa o Iesu Kristo, e ku oe a e hele.
4 Heaha ka ke kanaka oopa i hana'i ?
Ku oia a komo i ka luakini, me ka holoholo, a me ka lelele, a me ka hoomaikai aku i ke Akua.
NA NINAU MAWAHO.
Ehia luakini Iudaio ? Nawai i kukulu ka mua ? Nawai ia i hoopau ? Nawai i kukulu i ka lua ? Nawai ia i hoopau ? Ehia pa, oia hoi, na lanai o ka luakini elua ? Hai mai i na inoa me ko lakou ano. Heaha kekahi mau pomaikai i hoopuka ia noloko mai o ka Hoomana Karistiano ? No hana aloha, hale aloha, hana naauao &c.
KA HOOPILI ANA.
1 E hoohalike me Petero ma, ma ka hoonaauao ana i na hora pule. Mai ae i na mea ano keakea.
2 Nui ka poe oopa ma ka uhane.
E imi i ka mea e pono ai lakou.
3 Iesu Kristo ke kahuna hoola nui.
4 O ka mea dala, mea gula, e haawi manawalea no. O ka mea dala ole, gula ole, e haawi ma na mea e ae, ma ka pule, ma ka hele &c.
5 O ka poe i hoolaia, i kalaia, e hoomaikai aku lakou i ke akua, e hauoli, e lelele olioli, e hoopili aku ia Iesu, a i na kahunapule.
Mele. "Wa maikai e oli ai." Hoku Ao Nani p. 94.
Pule hoomaikai no ka mea e oli ai.
Haawina no Feb. 4. Oih. 3:12-21.
----*----
MOOLELO O KA AHAHUI LIPINE POLU HOOLE WAIONA O WAILUKU MAUI.
Luakinhi Kaahumanu, )
Wailuku, Maui, Dek. 30, 1882. )
Lawe o David Keaweamahi i ka noho Luna Hoomalu. Weheia na hana me ka pule a me ka haiolelo a Rev. A. N. Laine mahope o ka pau ana o ka haiolelo, ua heluhelu mai o D. Keawemahi i ke Kumukanawai, a mahope o ka noonoo ana, ua apono ia.
Noi o J. W. Kalua e kakau inoa ka poe e makemake ana e lilo i mau lala no keia Hui Aponoia. O ka nui o ka poe i kakau inoa ia manawa he 54.
Mahoope o ke kakau inoa ana, ua noi o Rev. A. N. Laine e koho ia i Luna nui no keia Hui e like me ke Kumukanawai Aponoia.
Kohoia o D. Keaweamahi i Peresidena: E. Bailey, Hope Peresidena: Mrs. I. Ieaweamahi, Puuku: J. W. Kalua, Kakauolelo.
Ma ke noi, ua hoopaneeia ka halawai a noho hou i ka la 6 o Ian. M. H. 1883.
JNO. W. KALUA>
Kakauolelo.
----*----
He wahi kuaua koikoi ka i haule iho ma ke kulanakauhale nei i ka wanaao Poalua nei. He whi kuaua koikoi a he keu aku o ka ukele o na alanui. He kuaua Kona. Akahi no a ikeia keia ano ua ma ke kulanakauhale nei.
----*----
NA MAKE MA KE ANO ULIA.
NA OLELO HOOHOLO A NA LUNAKANWAI.
Iloko o keia au e hele nei, a iloko no hoi o ke au i hala, ua nui ka poe i make mamuli o ke kani ulia ana o ka pu, a ua nui no hoi na hihia o keia ano i hiki imua o na Lunakanawai, a ua olelo ia he ano like na olelo hooholo a lakou. Penei kekahi mau moolelo pokole e pili ana no ka make ulia ana.
Ma Enelani, iloko o ka makahiki '8r i hala aku nei, ua kukulu kiai ia kekahi koa ma kekahi wahi kiai, ua lili nae keia koa i kekahi o kona hoa koa, o Mahone kona inoa; aia he wahi kiai e ae no kekahi ma kahi e kokoke ana i kahi kiai a keio koa, nolaila, manaoa iho la keia wahi koa kiai, aia ma keia wahi kona enemi kahi i hoonoho kiai ia ai, nolaila, hapai ae la oia i kana pu a ki aku la i kona kokoolua kiai me ka manao no o kona enemi no ia, aka, i ua po la, aole i hoonoho kiai ia o Mahone ma ia wahi, aka, he koa kiai okoa loa, o Taylor kona inoa, eia nae, ua ku aku la oia i ka poka i manao ia no Mahone. Ua hookolokoloia keia wahi koa a ua hoopaiia oia e make, no ka mea, he inoa okoa ko ka mea i make iaia, a he inoa okoa ko ka mea ana i manao ai e make, aka, ma ke ano o ke karaima ana i hana ai he hookahi no ia.
Ma ka mokuaina o Kenetuke, ua ulu ae he hoopaapaa hahana mawaena o kekahi mau poo alakai o kekaki mau hoomana like ole, a iloko o ia hoopaapaa hahana ana, ua hapai ae la kekahi mea o kekahi aoao i kana pu iluna, me ka manao ana e ki aku i kekahi mea o kekahi aoao; aole nae i holopono kana mea i manao ai, nho ka mea, ua kani e aku la ka pu ana e paa ana me kona manao mua ole e kani ana, a @ aku la kekahi lala o kona aoao ponoi. Ua hopuia oia, a hookolokolo ia me ka manaoia e make, ana oia, aka, mamuli o ka olelo hooholo a ka Lunakanawai, ua pakele oia.
Ua olelo ka Lunakanawai ma kana olelo hooholo penei: Oiai ua kani ulia ka pu a ka mea i hoopiiia me kona manao mua ole, nolaila, aole i pili keia hewa maluna o ka mea i hoopiiia,, aka i kona wa i kau ai i ka pu a kani aku la, a lele ulia au la ka poka a ku kekahi o kona hoa'loha, alaila he mea pono e ahewaia oia.
Eia hou no kekahi moolelo malalo iho penei:
I ka wa a kekahi mau makai elua e hoao ana e hopu a lawe i kekahi mea hoohaunaele iloko o ka Halewai, ma ke kulanakauhale o Cinicinati ma Ohio, holo awiwi mai la kekahi o kona mau hoa'loha a kauoha mai la i na makai e hookuu i ka lawehala a laua e paa ana, me kona huki ana ae no i kana pu panapana a ki aku la i na makai iloko no oia manawa, aka, aole i ku na makai, o kona hoa'loha no ka i ku. Ua hookolokoloia oia imua o ka Lunakanawai a ua hoopaiia oia, no ka mea, oiai lakou ekolu e ku pili ana i kahi hookahi, he mea maopopo, aia lakou ma ke kulana pilikia, a oiai o na makai wale no ka mea i manao ia e ku i ka poka, aka, o ko lakou ku pili ana, he mea maopopo, aia lakou a pau iloko o ke kulana kupilikii, nolaila, ua kupilikii lakou a ekolu iloko o ia manawa.
O keia ano hihia hookahi no ka i hookolokolo ia ma ka mokuaina o Maine a me Deleware. Ma Deleware, ua hawai ka Lunakanwai i kana olelo hooholo penie: Aole he hiki ke hookuu wale ia kekahi mea i hana i keia ano hana, ma ke kulana a ma ke ano ulia, aka, he mea pono e hoopaiia no oia. He elua ano a kulana o keia ano ulia wale; o ka mua, o ke kani ulia ana o ka pu me na manao maikai o loko o ka naau o ka mea nana ka pu, me kona i mua ole e ki ana oia ia mea a i a mea paha; a o ka lua, i ka wa ana i kau ai i ka pu me ka manao e ki i kana mea i enemi ai, a mamua o kona kau ana aku i ka pu i ka mea ana i enemi ai, ua kani ulia aku la ka pu, alaila, he mea pono e hoopaiia ua mea la i hana pela.
Penei hou no ua wahi oolelo ano e.
He wahine Enelani, a he wahi bebe uuku kana, i komo ole iloko o kona puuwai ke aloha nona. I kekahi la, haawi aku la oia i ka wahine malama keiki he omole, a i aku la iaia e haawi i ka bebe, no ka mea he laau ia; aole nae oia ka pololei, o ka pololei he laau make ko loko o ua omole la. Walewale iho pa ka wahine hanai keiki i ua omole laau la, me ka maopopo pono ole, a haalele iho la i ka rumi o ka bebe a puka aku la iwaho. Ike aku la kekahi kaikamahine uuku nona na makahiki he 5 a oi iki i ua wahi omole la, kii aku la oia o kanai aku la i ka bebe, a o kona make no ia.
Ua hookolokoloia keia wahine imua o ka Lunakanawai, a ua ahewaia oia. Pale aku nei ka loio o keia wahine me ka i ana, aole he pili o na hana i hana ia e ke kaikamanine uuku nona na makahiki 5 a oi maluna o ka hokua o ka makuahine, aka ua pane mai ka Lunakanawai me ka i ana, ua pili no ka hewa i hanaia e ke kaikamahine uuku maluna o ka hokua o kona makuahine, no ka mea, ua hoomakaukau mua oia i ka laau make no ka bebe uuku, me kona kauoha aku i ka wahine malama keiki, e hanai aku i ka bebe uuku i keia omole laau.
-----
POHA KE AU KE PUEHU
NEI KA LENA.
E ke Kilohana Pookela o ka Lahui Hawaii, ke Ahi Kanana o ka Pakipika Nana e paiohopo ole nei na enemi, Aloha no a maliu hou mai.
Aole no he mea e ae nana i hookikina mai ia'u e papaleo aku me oe, aka, o o ka holu nape no i ka iwihilo e pana hakukoi ana i ka puuwai, ka mea i lalawe ae i ka makakila e ike aku ia T. N. Puuohau, ke kalai olelo niua ole wale o keia mau la, a o ka mea hoi a kuu maka peni i uhu ai me ka puana ae Puuohau "No kauna" ka mea nona ke poo manao e kau kehakeha ae la, ua poha ke au ke puehu liilii nei ka lena o na olelo pulelehua, polopolona, ano ole o ke kuamuamu pilikino a ku ole i ke kahua o ke kanaka kalai olelo naauao.
He mea maikai no ia'u ka ike ana i na kukulu manao ana a T. N. Puuohau i kona hoa A. P. Kalaukoa ma ka pepa Elele, aka, o na loina a me na nanaina o kana kalakalai ana, ua hoike ia mai ka nele a me ke olalau hewa o kou noonoo ana ma kulakula, e aho iki paha na ka poe i hoonaauao ole ia, a i ole i ka poe i ike ole i na kuhikuhi ana a ka Baibala; o oe, ua maa oe i ke ao ana i na kanaka mamua oiai oe e lawelawe ana i ka Oihana Kahunapule, eia nae i keia wa ke pepeku nei oe.
E hoomanao e ka makamaka i kau hoike ua komo oe i na Kula kiekie e aoia'i; he oiaio ua ao mai na kumu ia oe ma na ike maemae a me na olelo naauao ana. Ma ke kula hea oe i aoia'i i na kalai olelo hoino pilikino? A owai hoi na ihoa o na kumu nana oe i ao a ailolo i ke Kuamuamu? A nau no e kuailo mai ka haina me ke ka'ulua ole, a e loaa no ka makana.
O ka hoike ana mai o kou puniu i na kalai olelo pelekunu ana i kou mau hoa kanaka, He hoike anei ia o ka noonoo maikai i loaa ia oe? A i ole o kou hoomanao hope ana paha ia a lele ae na manao maikai o ke kanaka? Nani ka hauoli? Ke iini nei au e loaa mai ana ka puana, i loaa koke ka makana hape nuia ia oe.
He mau wahi au paha ia e ke hoa, oiai ke puai nei ke lena. O ke aloha no kou a maliu mai. Me ka hiaai.
L. S. KEANIANI>
Kawaihae-uka, H. Dedk. 30, 1882.
-----
KE AU O KA MANAWA UA@
HAI MAI.
E KA NUPEPA KUOKOA:
Waianuhea ke aloha:--
Na ka makemake i kono mai, a hauoli wale ae la no kahi manao e ike i ka nani o na pua o ka wao, ka mea hoi a kuu puuwai i anoi ai, a e moe ole nei o ko'u po. Hoohihi wale.
Aole no paha i poina i kekahi mau hoa o'u o ka pupuu hookahi ka hoomanao ana i kekahi mapuna leo i pahapaha ia e kekahi o kuu mau hoa haihai olelo, a me a'u pu nei no hoi kekahi i na la i aui hope ae nei, a eia na hua i pahapapa ai: "Na ke au o ka manawa e hoike mai i na hana o keia makahiki, a he makahiki hana nui hoi keia."
Ka Powehiwai ka ikena ka ua mea o ka hiaai.
E like me @ hoohihi ana e ike i ka nani o na pua, pela hoi au i hoohihi ai e ike i na hana o keia makahiki, a na ka hiaai hoi a ka manao e ike pono. "Na ke au o ka manawa ua hai mai."
Ke ike nei kakou e o'u mau hoa i na hana ano nui @ keia makahiki, ka mea hoi i moeuhana ua ole ia e kakou i na la i aui hope ae nei, aka, ano ua pau kuhihewai na keiki o Waolani. Nani @ ka ikena.
E hoomanao e na makamaka, o kekahi mau hana ano nuio keia makahiki e hana ia nei. He au hana anei ia i ku i ka makemake io maoli o ka hapa hui o ka Lahui? a i ole he hana anei e pomaikai ai ka lahui holookoa? Na oukou no ia e wae, a hoike mai i ka puana, he hiaai nui ko'u, a na ka hauoli e pane aku.
He mau ia, kani aku ka wai, o ka ola ka'u e lohe. Me ka anoai.
L. S. KEANIANI.
Kawaihae. H. Dec. 16, 1882.
-----
HAINA O KA NINAU A S. E. K.
WAINOHEA, O HONUAKAHA,
HONOLULU.
E KA NUPEPA KUOKOA E;
Aloha oe.:--
E oluolu oe e ae mai i pane no ka ninau a ka makamaka, e pili ana no kekahi keiki i aumeume ia e na makua ponoi a me ka makua hanai, i hoopuka maai ka NUPEPA KUOKOA o ka la 9 o Dek. M. H. 1882, aku nei, aka, ina he ninau io keia alaila e oluolu mai.
Ina ua hana ia ma ke kanawai keia haawi a Kainulama a me Keliiaipuna, na makua o keia keiki inoa ole, a lilo ia Luika (w) o Honolulu paha, ana i haawi hou aku ai ia Kahawalu ka malama a hiki i kona wa i make ai, alaila, o ka haina maopopo, o Luika (w) wale no ka mea kuleana maluna o kela keiki, a he kuleana io no ko Luika (w.) e koi a hoopii ma ke kanawai no kona poho, no ka mea, eha papa waiwai o ke kanaka ma ka honua nei, oia keia, o na keiki a o ka ohana okoa paha, no ka mea, oia ka makua ponoi ma ke kanawai, aka hoi, ina aole i haawiia malalo o ke kanawai keia keiki inoa ole, alaila eia ka lua o ka haina, aole kuleana o Luika maluna o keia keiki, aole no hoi ona kuleana e koi no ke poho no kona mau lilo no keia keiki, aka, he kuleana no paha kona ma ke nao aie maoli, malalo o na palena o ke kanawai, no ka mea, aole i hooiaio ia ka haawi ana a na makua.
Me ke Kapena a me na slea o ke KUOKOA ko'u aloha nui.
M. KANALUMAIKAHIKI.
==========
NA HOOLAHA.
==========
CALIFORNIA.
FURNITURE CO.
-----
O KEIA HUI A HALEKUAI O
Na Lako Hoonani o na Hale !
I ke mua ia iho nei ma kona kahua mua
iho nei ma ke Alanui Papu, ma-
kai iho o ka
Halekuai o na Mea Kani o Geo. F. Wells
Ua Hooneeia ai Nei a i na
Helu 56 me 58 Alanui Moiwahine.
He Hookahi Ipuka ka mamao mai ka Hale Mu,
-----
A malaila e loaa ai na Lako Hale Emi Loa.
Eia iho ka inoa o ia mau Lako Hale:
Na Moe maikai loa,
Noho o na ano a pau,
Noho koki, Pakaukau,
Noho huleilua,
A HE NUI AKU.
-----
EIA PU NO HOI ME MAKOU,
Na Uluna,
Na Bela Moe,
Na Kihei Moe,
A me na Pale Uluna.
A oiai na makou iho no e hana keia mau mea maluna ae
nolaila e kuaiia aku ana me ke
Kumukuai Haahaa Loa!
E. P. ADAMU, Agena
-----
PAPA ! PAPA !
AIA MA KAHI O
LEWERS & COOKE,
(O LUI MA)
ma ke kahua kahiko ma alanui Papu a me Moi.
E loaa ai na
PAPA NOU AIKI.
o kela a me keia ano.
-----
Na Pani Puka, Na Puka Aniani, Na Olepelepe,
Na Pou, Na O-a, Na Papa Hele, Na Papu
Ku, A me na Papa Moe nui loa
Na Pili o na Hale o na Ano a Pau.
-----
Na Pepa Hoonani, Na Pena o na Wai e pau,
Na Kui mai ke Nui a ka Makalii, Na Ami
Puka, Na Ami Puka Aniani, Na Ami
o na ano a pau, Na Aila Pena, o
kela me keia ano Na Aila Hoo-
maloo, he lehulehu wale,
Na Aila e ae o na
ano a pau.
NA WAI VANIKI
----A ME NA----
WAI HOOHIUHINU NANI!
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Makamaka a
pau, ua makaukau keia mau Makamaka
o oukou e hoolawa aku ma
na mea a pau e pili ana
ma ka laua oihana
----NO KA----
UKU HAAHAA LOA.
E like me ka mea e holo ana mawaena o
LAUA a me ka MEA KUAi.
E HELE MAI ! E NA MAKAMAKA !!
A e lawa no hoi ko oukou makemake
me ka oluolu a me ka maikai.
----------
LOLE AKEPONO
Ke Kuike e loaa no ia ma kahi o
KAKELA ME KUKE.
----
--E laa na--
AHINAHINA, KALAKOA, KEO-
KEO, LEPONALO, PENA, AILA, AILA,
AILA HONUA, ANIANI.
NA MEA PIULA,
Kopa, Aila Hoomaloo, Kui Kakia, Pa-
keke, Tabu Kaula, MNoho Lio, Hulu
Palahi, na Palumi, ahe agena
no na mokupuni o Ha-
waii neino na Laina-
kini-nao
Lainakini Maoli, Ki-lika, Palule Kalakoa,
Alapia, Kelepa, Na Lole kupono i
ka Wawae, Palule Huluhulu,
Na Lole Huluhulu, Na
ka hoohelo ana, Li
Lole no pini, Li-
hilihi, etc.
A ME NA
MIKINI HUMUHUMU
MAKEPONO LOA.
A he mau
MEA AI KAHI:
KA PALAOA, KOPAA
RAIKI, PIA, HOOHU
PAAKAI, HUAALA,
PIA KULINA, KOPE,
--A HE--
LAAU LAPAAU KAULANA LOA
A DR. JAYNE,
LAAU HOOMAEMAE KOKO
LAAU HOOPAU NAIO,
PENIKILA, HUALE,
LAAU KUNU,
ME NA LAAU HAMO, A PELA 'KU.
8@-tf
HOOLAHA HOU.
=================
KA MIKINI
HUMUHUMU LOLE
MAIKAI
ST. JOHN
E LOAA NO MA KA HALEKUAI O
MR. GEO. F. WELLS.
----
O ka Mikini Humuhumu Lole Maikai
loa keia, i hiki ke huila imua a i
hope, a i ikeia ma ka Pae Aina
Hawaii hei. He Mikini
maikai loa no na ka-
naka Hawaii,
he mikini
luhi
ole.
----
KUMUKUAI $55.00
me Hookahi Gita (Ki-
ka) hookani maikai
loa makana.
----
O ka poe ma na kuaaina e ake ana e loaa keia ano mikini humuhumu, e hoouna mai lakou i ke dala ia
GEO. F. WELLS
ma Honolulu, a nana no e hoouna aku ma kahi i makemakeia, me na mea a pau e pli ana i ka mikini, a nana e hookau aku maluna o ka moku, me ke kaki ole ia o ka mea nona ua mekini la.
O ka poe a pau e holo mai ana no Honolulu nei, mai poina lakou i ke kipa ana ae i ka halekuai o
GEO. F. WELLS
Ma Alanui Papu, a e kilohi iho i ua mikihi humuhumu la, oia ka
ROYAL ST. JOHN.
Eia pu jo kme ia nja pila hookani o na ano a
pau, o ka loaa koke ana mai nei
no ia mai Amerika
a me Europa
mai, oia
Na Pila Guitar (Kika), he 150 ka nui, mai ka $5 a hiki i ka $125 ke kumukuai o ka pila hookahi.
200 Koliana mai ka $2 a hiki i ka $20 ke kumukuai o ka pila hookahi.
100 Ohe Puluka, $2.50 a hiki i ka $15 ke kumukuai o ka ohe hookahi.
12 Pahu Hookani nunui, a me 25 Pahu Hookani liilii, a me na ano mea kani keleawe a pau, e loaa no ma keia halekuai i hoikeia maluna me ke
KUMUKUAI EMI WAIPAHE.
Na Piano nunui maikai, e loaa no
me ke Kumukuai Emi Loa i
ike ole ia ma Hawaii nei.
-----
He nui aku no na mea i koe, na kela a me keia e kilohi nona iho, ke naue ae ma ko'u halekuai ma Alanui Papu.
E hookoia ka makemake o kela a me keia me ka eleu.
GEO. F. WELLS.
1094 tf Alanui Papu.
NA HOOLAHA.
NA WAIWAI HOU LOA
O NA ANO A @
-----
E LOAA O MA NA HALE @
WALAKAHAUKI MAI
----
MA ALANUI
Papu, Moi a me Moiwahine
OIA HOI
Na Noho Lio hou
loa o na ano a pau.
Na Palule @
Huluhulu, o na @
a pau, Na @
Ahina@
kane @
ano @
P@
Na Kopa Bulu, Na
Lole o na Wahine o
na ano a pau. Na
Pahu Aila @
maikai loa. Na @
lika, @
na ano a @
hei o @
HAINAKA LAU NUNUI SILIKA O NA ANO
A PAU.
-----
He nui aku no i koe, he @
Koluma o ka pepa, ina e @
ia aku nei.
Eia hou ae a hoea mai i keia@
iho he Lako Waiwai hou @
a pau, a he lako hou loa i @
ia e J. T. WATERHOUSE @
Enelani, a he mau waiwai @
no loa no ko kakou mau kaia
laila, e eleu mai e na make
me na hoa'loha ehoonuu i @
lako waiwai hou loa.
-----
NU HOU ! NU HOU !
-----
NA WAIWAI HOU LOA !
NA PAIKINI O KEIA @
-----
E Loaa no ma ka ha @
DILINGHAMA MA.
Ma Alanui Papa.
-----
Oia na waiwai malalo iho @
Na Palau, Kaa Huilapalala, @
Piki, Oo, Koi, Koilipi, @
re Kamana o na ano a @
Na mea Hana a na @
mana, Poe @
Puna, na @
ara a me
na mea
hana o ka
Poe Akeakamai
a pau. Pena Aila.
Vaniki a me na @
Pauda, Poka a me na @
pele, Palaki Hamo Puna, @
Pakeke, Kapu Holoi Lole a me @
Holoi Lole, na Iputi,
na Pa Palai, na Ma
kau Lawaia, Na
Aho Lawaia o na
ano a pau, na Kaula
o na ano a pau, na
Pahi, O, a me na
Puna, a he nui aku
no na mea i koe.
I KUPONO NO KA HOOHIWAHIWA @
NA HALE
----
I hiki ole ia makou ke huai @ aka, na oukou no e hele @ hoonuu iho. O keia mahina @ loaa no ma ka halekuai o
DILINAHAMA MA.
1036-3m Ma ka helu 37, Alanui Papu.