Ka Nupepa Kuokoa, Volume XXII, Number 1, 6 Ianuali 1883 — EIA HOU NO KA HUA. [ARTICLE]

EIA HOU NO KA HUA.

Weliweli na hana lapuwale i hanaia ma ke akea, ma na alanui o Honolulu nei, i ka la akahi iho nei o keia makahiV > • Ua oi loa aku ke ino i ko na la kulaia mua iho nei, malalo o ke kanawai hou no ka waiona. He mea e hilahila ai ka inoa o ke aupuni, ina he hilahila koe iloko o lakou. Aole maluhia ka poe maikai ma na alanui o keia kulanakauhale i keia wa; ke hiki aku i na la kulaia nul E lohe ana lakou i na olelo hilahila, a pelapela loa; a e ike ana lakou i na mea lapuwale loa e paumaele ai ko lakou mau uhane. Nohea mai keia ino? No ke kanawai rama e kau nei. Mai loaa iki kau wahi maluhia ia kakou, ina e hopuia ka poe ona ma ke akea. Ina e hopuia ka poe a pau i ikeia ua ona akea ma na alanui, alaila e akahele ana ka poe inu waiona, a e lawe

auanefka lakou mau hana lapuwale ma . j kuono e hana'i. Ina pela, ina ua pakele ka lehulehu o ka poe maikai i keia mau hana hoohaumia e hanaia nei. Aka, i keia wa, he hale kula kahi e aoia ai ka lapuwale a me ka haumia, oia na alanui o Honolulu ma na la kulaia oke aupuni. E ninau auanei paha kekahi, heaha ka mea i hopu oleia ai ka poe ona ma ke akea? Eia ka haina ma ka waha o kahi mau makai, " Ua papa ia na makai e ka poe o luna aku, aple e hopu no ka ona; aia wale no a hoohaunaele alaila hopu." Aia, la e nahoakanaka maikai o Honolulu. Oka hele .wale ma na alanui e hoopaumaele i na pepeiao o ka poe maikai, me ka hana ino i ka noonoo maikai o ka poe maemae, ua 'malu ia ia mau hana malalo o ko kakou poe kiai maluhia. Aohe maluhia no ka poe maikai. Pehea keia? Aole anei e ulu mai ke ino loa ma keia hope iho, kf hoomauia aku ka hana ana pela.