Ka Nupepa Kuokoa, Volume XXII, Number 1, 6 Ianuali 1883 — HOOPAKELE IA. [ARTICLE]

HOOPAKELE IA.

Ma ke alanui hao kaa ahi o Kanasa Waena, e holo ana kekahi kaa ahi alo ukana, nona ka holo he 15 mile i ka hora; i ke kaa ahi i komo aku ai iloko o ka ululaau a hiki.i kekahi hookee ana, aia hoi, ike aku la ka wili-ki he wahi keiki uuku e hele ana iluna pono o ke alahao, ma kahi he 200 wale no kapuai ka mamao mamua aku 0 ke kaa. Ia wa wehe koke oia ika enegini, wehe i na pahu one .me ke kahea i na meahoopaa holo e hookuu ia. Aka, he makehewa wale no keia mau mea hoopaa i ka holo 0 ke kaa, oiai, ua kokoke loa ka opio e poino; nolaila, puka aku la ka wili-ki iwaho o kahi ana e noho anai ma kekahi mau papa pale alahele a lele iho la iluna o ke palaulau o mua o ke kaa, me ka makaukau e hoopakele i ke keiki. I keia wa, aole i ike ua wahi keiki la i ke kaa a hiki i ke kokoke loa ana mai, akahi no a ike. Nolaila, haliu mai la oia, kau mai la i kona mau lima iluna a noho iho la iluna oke alahao. I keia manawa, i kikoo aku ai a pau ka loa 0 kona mau lima, māiluna aku o kahi ana e ku ana, a hopu aku la 1 ke keiki ma kona aahu a kaikai mai la iaia iloko o kona mau lima, maniua ka loaa ana aku 0 ua opio la i ke palaulau o mua o ke kaa; a pakele iho la kona ola.