Ka Nupepa Kuokoa, Volume XXII, Number 1, 6 January 1883 — OWAI NEIA MAKAPO NUI. [ARTICLE]

OWAI NEIA MAKAPO NUI.

No keia mau hua e kau ae la maluna e hiki ai ia'u ke pane me ka oiata he makapo a he nele maoli no paha no ka puniu o keia mea e kapa nei i kona inoa o Katolika; ina ka e kamailio ka Lunakanawai Kiekie i ka moolelo o ke au i hala, alaila he paewaewa ka ia, a he kapakahi ka. Auhea oe e Katolika, heaha hoi ko mea i huna ai i ko inoa i kapaia ai e ko makua, piikoi mai nei oe i kou inoa o Katolika, a ke kapa maoli nei na ka Lunakanawai no i haku iua moolelo nei. Aole pela ka manao oka mea e kakau nei. O ka oiaio malaila e hiki ai ke olelo ae, he moolelo oiaio ia i hanaia e ka poe kahiko a i malamaia e ka poe noiau ike, a oia malamaia ana ka mea i ike ai ka Lunakanawai Kiekie a oia kana i hoike ai i ke akea, a oia mau mea kau e olelo nei he hoopunipuni ahe hoomaino'ino. Aole pela ka manao o ka mea kakau. O ka haina o ka mea kakau malaila, ua pololei na mea i hoikeia e ka Lunakanawai Kiekie, he hoike piha ana ia i ka moolelo oke au i hala, ea, auhea oe e Katolika, mai oi aku ka pono ina e olelo akea ia e oe ia Kaahumanu, oia no ka i hoomainoino, oia no ka i paewaewa, a oia no ka i kapakahi. O ka ike oka mea kakau, me he la e hoili ' maoli aku ana oe i ka ino a pau loa iluna o ka Lunakanawai Kiekie a me . ka ohana Misionari. 1 E huli kaua a nana ika hapa waena oke kolamu elua oka moolelo i hoopukaia e ka Lunakanawai Kiekie ma ka nupepa Paeaina i hoopukaia i ka 16 o Dekemaba, nona ka helu 50 o ka ma--1 kahiki i kaa hope. E ike ana no oe e Katolika a me a'u, o kekahi o na ohana Misionari Amerika au e hakukole mai nei nona ka inoa o Rev. Binamu oia ka'u e olelo nei, oia ka makua nana i ao o Kaahumanu. Ke hea leo aku nei au ia oe e Kato. lika ole huna inoa, o ka huaolelo ao a Binamu ia Kaahumanu, he keehina wawae ia ahe kulana a he kahua ia e ku ai au a maloeloe a ninau aku ia oe. Ina i ao aku o Binamu ia Kaahumanu aole make hoopai i na Katolika, alaila he paipai ana aku anei ia a ka poe Misiohari Amerika e hookuke i na Kato-. lika ? Ke hoole nei ka mea kakau, aole. A ina oia ao ana a Binamu ia Kaahumanu he mea anei ia e hoopilimeaai ai ka Lunakanawai Kiekie maalo o na Misionari Amenka? Ke hoole hou nei au, aole. A ina o ia ao ana aku a Binamu ia Kaahumanu, he kapa ana aku anei ia i W Katolika he hoomana kii ? Ke hoo *e hou aku nei au, aole loa. Eia kahi haina uuku malalo nei, aole ia he wae kapakahi, he hana kaulike ia mawaena ou e Katolika huna inoa, a me na Misionari Amerika. Owau no me ka wiwo ole a me ka 1 huna ole i ko,u inoa, * H. B. Kaleikuaiahoa.