Ka Nupepa Kuokoa, Volume XXII, Number 1, 6 January 1883 — HE MAKANA. [ARTICLE]

HE MAKANA.

I ka'wa i pau ai na hana o ka hoike Kula Sabati o Kawaiahao i ka la Sabati iho nei, ua haawiia aku ma ka inoa o ke Kula Sabati na ke Kahu, Mr. S. B. Dole, he makana aloha; he mea hoike no ke aloha a me ka mahalo o na haumana me na kumu i ua kahu nei o lakou. Oua makana nei, he pa kala, me elua ipu ti, pika waiu, bola ko—he kala wale no ia mau mea, a me na bola ti lapana. Ika pau ana ona hana oka hoike, komo mai la o Mrs. Emma Mahelona ame D. W. Aiwohi maloko o ka luakini ma ka puka ma ka aoao o Waikiki, e paa ana i na makana ma ko laua mau lima, a hiki mai la imua o ka awai, a na Sam. Hookano i hoike aku ka manao o ke Kula Sabati me kekahi mau huaolelo pokole kupono. Ua pane mai ke Kahu i kona aloha i na haumana me na kumu. Aole paha he Kahukula Sabati ma keia Pae aina i noho loihi ma ia oihana e like me Mr. Dole; no 11 makahiki o kona lawelawe ana ika hana. Iloko o kela a me keia oia mau makahiki i koho hou ia ai oia no ia hana. Aua makemake no hoi ke Kula Sabati e koho hou iaia no keia makahiki, aole nae oia iae mai. Aka, aole no paha oia e haalele ana ika lawelawe ana no na opio o Hawaii nei.