Ka Nupepa Kuokoa, Volume XXII, Number 1, 6 Ianuali 1883 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

KUOKOA ME KE AU OKOA.

(1 Huiia.)

 

No ka Makahiki………………………………………………$2 00

Eono Mahina…………………………………………………..1 00

Dala Kuike ka Rula.

 

POAONE, IANUARI 6, 1883.

 

            Paiia e Thos. G. Thrum, ma ka halepai o ka nupepa Saturday "Press."

 

OLI AU LA IA IESU.

 

            (I am happy in the Lord.)        Our Glad Hosanna.

1

Oli au la ia Iesu,

Oli ae a launa pu,

Ola wau, ola wau, ola mau,

Pii pii ae kuu halelu,

Me kuu mele ia Iesu,

Oi noho pu cela me a'u.

 

Cho.                Ola wau, ola au Haleluia!  Haleluia!

Mele au ma ka aina lai ma o,

Ola au, ola au Haleluia!  Haleluia?

Ma ke koko i kahe no'u.

 

2

Oli au la ia Iesu,

Nona mai ka oli o'u.

Ola wau, ola wau, ola mau

Ma ke aloha o Iesu,

Ma ka Haku maikai o'u,

Kuu Hoku me kuu Alakai mau.

 

Cho.                Ola wau, ola wau, &c.

 

3

Oli au a po ka la

I ka naue a mama,

Ola wau, ola wau, ola mau

I ke Kalahala o'u;

Aia oia ma ke ao

Ke uwao la no'u a mau loa no.

 

Cho.                Ola wau la, ola wau la, &c.

                                    HAWAII,

 

HAAWINA KULA SABATI.

 

HAPAHA MUA O KA MAKAHIKI 1883.

HELU 3, SABATI, IAN. 21,

 

Kamuhana---Ka huli me ka mihi ana o kanaka.

Pauku Baibala---Oih. 2:37-47.

            37 A lohe lakou i keia, walania iho la ko lakou naau, i aku la ia Petero, a i na lunaolelo:  E na kanaka, no hoahanau, heaha ka makou e hana'i?

            38 Alaila, i mai la o Petero ia lakou, E mihi, a e bapetizoia oukou a pau iloko o ka inoa o Iesu Kristo, i kalaia mai na hala, a e loaa ia oukou ka haawina o ka Uhane Hemolele.

            39  No ka mea, no oukou ka olelo hoolana, a no ka oukou poe keiki, a no ka poe i kahi mamao aku, a no na mea a pau a ka Haku, a ko kakou Akua e hea mai ai.

            40  A ma na olelo e ae he nui loa, hoike aku la oia, a nonoi aku hoi, i aku la.  E hoola oukou ia oukou iho mai waena mai o keia hanauna kolohe.

            41  Alaila, o ka poe ae maoli aku mamuli o kana olelo me ka olioli, bapetizoia iho la lakou, a ia la no, hui pu ia mai ekolu tausani kanaka.

            42  A hoomau lakou ma ka olelo a ka poe lunaolelo, a me ka launa pu, a me ka wawahi berena ana a me ka pule.

            43  Loohia iho la na kanaka a pau e ka makau; ua hanaia hoi na mea kupanaha e ka poe lunaolelo, a ma na hoailona he nui loa.

            44  A o ka poe a pau i manaoio, noho pu lakou, a hui pu ia ka lakou mau mea a pau.

            45  A kuai aku la i ko lakou waiwai a me ka ukana, a puunaue aku la no kela me keia mea, e like me kona hemahema.

            46  Hoomau lakou maloko o ka luakini, i kela la a i keia la, me ka manao hookahi, a me ka wawahi berena ana i kela a me keia hale, a ai iho la lakou i ka ai me ka olioli- a me ke akahai o ka naau.

            47  Me ka hoomaikai kku i ke akua, a me ke alohaia e na kanaka a pau.  A hookomo hoa mai la ka Haku i ka ekalesia, i kela la i keia la, i poe e hoola ia ana.

            Pauku Gula.---P 41.

            Mele.   "La maikai"     Hoku Ao Nani.  P 165.

            Pule i lilo keia la i la Penetekoka.

            Ma ka helu 2.  Ua hoomaka o Petero i kana haiolelo, ua hoomau oia i kana haiolelo a pau ka pauku 36.  Na mea kupanaha a lakou e ike ana, e lohe ana, ke ko ana no ia o ka wanana a Ioela; 2:28-29  Heluhelu ia mau pauku.  Ua hai aku oia o Iesu no Nazareta ka mea a lakou i kau ai ma ke kea, oia o ka Mesia, ua ala hou no ia e like me ka mea i hai e ia mamua.  Ua hai wiwo ole oia i ko lakou hewa nui.

            Heluhelu i na pauku 2, 23, 24, 32, 33, 36.

            Ma ka pauku 37 ka hoomaka ana o ka haawina o keia la.

HE MAU MAHELE EKOLU.

            I Ka mana o ka Petero haiolelo, P 37.

            I ka lohe ana o na kanaka i keia haiolelo, pehea ko lakou naau?  Walania, ehaeha loa, ala ka lunaikehala a hoike i ko lakou hewa, me ka hoahewa ia lakou iho, Kokua ka Uhane Hemolele i ka Petero haiolelo.  Weliweli ka hewa!  He hewa lua ole.  Ua pepehi lakou i ka Mesia, i ke keiki hiwahiwa a ke Akua, i ko lakou Alii.  A heaha ko lakou ninau ia Petero?  Ua akaka he hewa kupono ia i ka make.  E make auanei makou.  A i ole, heaha ka makou e hana'i i pakele makou i ka make?

            Ua lohe no lakou mamua i ka mea e ola'i, aole nae lakou i hana, aole i manaoio, pauhia i ka hiamoe.  Aole manao, aole makau, aole manao ua hewa.  Akahi no a ike ua hewa loa, a e make ana; nolaila keia ninau.

            II  Ko Petero pane ana.  P 38-40.

            P 38.  Heaha na mea elua i pono ke hanaia?  Aole anei lakou i lohe mamua i ke kauoha e mihi?  Lohe no, e like me kanaka, me kamalii i keia wa; aole nae i mihi.  Ua hiamoe ka lunaikehala.  Heaha ke ano o ka mihi ola?  He kaumaha, he walania ka naau, he ae ua hewa loa, a pono no ke make.  Oia wale no anei?  Aole, he mea mama ia.  E haalele loa i na hewa, a e hoano hou i ka noho ana.

            Heaha ka lua o ka hewa?  E bapetizo ia pehea?  Iloko o ka inoa owai?  No ke aha ia?  I mea e maopopo ai ua huli lakou mamuli o Iesu, ua lilo lakou i poe haumana nana.  Aole lakou i hilahila i ka hahai ana mamuli o Iesu, ka mea i kaulia ma ke kea i Kalahala e ola'i.

            Heaha na mea e loaa ana ke mihi a bapetizo ia?

            P 39 Heaha ka olelo hoolana?  Ka nuhou maikai e ola'i ma o Iesu la.  Nowai ia olelo?  No ka poe Iudaio, oia ka poe noho kokoke; a no ka poe i kahi mamao aku, oia hoi ko na aina e, ko Hawaii nei, &c.  No ka poe a pau i aha ia?  I hea ia e ke Akua.  Pehea e hiki ai i ke Akua ke hea i na kanaka?  Ma ka hele ana paha o na Elele i na aina a pau.  Ua hea ia anei ko Hawaii poe?

            P 40 Heaha kekahi mau olelo paipai a Petero?  Eia oukou iwaena o ka poe kolohe, ka poe hookekee, na haole o kela ano me keia ano, e imi ana e alakai hewa ia oukou, me na hoomana hoolalau.  Heaha ko oukou pono?  E ae wale aku anei i ko lakou alakai ana?

            III Ka nui o ka poe huli me ko lakou noho ana.

            P 41 Ehia ka poe i mihi a bapetizo ia ma ia la?  Nui keia ohi mua ana i ka hua maikai, uuku na haumana mamua o ko Iesu make ana.  Ekolu makahiki me ka hapa ka Iesu haiolelo ana me na haumana ana, uuku nae na hua.  Hookahi no la ka Petero ma haiolelo ana, 3,000 na hua.  Aole nae he nui keia.  He mau haneri tausani, he miliona paha ka nui o na kanaka i akoakoa ma Ierusalema ma ia la Penetekota.  3,000 wale no ka i nuli, nui loa i koe, he mau hua mua nae lakou.  A ma o lakou la i ko lakou hoi ana i ko lakou mau aina, nui hou ae ka poe i lilo i poe karisetiano.

            P 44.  Pehea ka noho ana o ka poe manaoio?  Noho like, hoohalikelike ia na mea a pau.

            P 45.  Pehea lakou i ko lakou waiwai me ka ukana?  A puunaue pehea?  No ke aha?  No ka manawa pokole paha ia.  He poe malihini kekahi.  Pomaikai lakou ma keia puuaue like ana i ka waiwai o na kamaaina.  Akaka ke ano maikai o keia hoomana hou ana.

            P 46-47.  Hoomau lakou mahea?  Ma na lanai paha o ka luakini.  Aole paha i hoonoa ia ko loko ia wa.   Hui pu ka na haipule Iudaio me na haipule Karisetiano!  Pehea keia?  Ua oluolu no na haipuli Iudaio i keia poe haipule Karisetiano, no ka mea, he poe akahai a oluolu, a maikai, a hoohaunaele lakou.  A hoomau hoi lakou i ka hoomana Iudaio.  Aole i hookaawale loa ia'ku ka hoomana kahiko.  Mahope mai ia.  Malama no no na haumana a Iesu i ka Sabati Iudaio me ka Sabati hou, me kekahi mau mea ano hoomana manaio e ae.

            Me ka wawahi berena ana.  Ka ai maoli ana, me ka ai ahaaina a ka Haku paha kekahi.  Malama lakou i ka ahaaina a ka Haku i kela la i keia la ma kino hou.  Me ka hoomaikai ia wai?

            Me ke alohaia e wai?  No ko lakou ano maikai, akahai, manawalea keia aloha ana.  Aole i ala ka hoomana ia wa, mahope iho ia.  Pehea hoi ka poe hou?  Huli mau no a hookomoia i ka Ekalesia; ka poe hea nae?  Ka poe e imi ikaika ana e hoolaia.

NA NINAU MAWAHO.

            I Mahea o Davida i kanuia'i?  2 Ke kino kupapau owai ka i kanuia, aole nae i ike i ka palaho?  3 No ke aha?  4 Ehia makahiki mai ka hai ana a Ioane Bapetite e mihi oukou, a hiki i ko Petero hai ana, e mihi oukou?  Ehia makahiki i lohe ai oukou, i ke kauoha e mihi, aole nae i mihi?  Ahea e mihi?  Ma na pauku baibala ehia i kakauia'i ka ninau.  Heaha ka'u, a ka makou e hana'i i ola? 5 Heaha ke ano o ka huaolelo Ekalesia?

            KA HOOPILI ANA.

            1  E hui na haipule, a noi like i hiki mai i mau la Penetekota me ka babetizo ana i ke ahi o ka Uhana Hemolele. 

            2  E haiolelo me ka mana i ala ka walania o ka naau me ka ninau; Heaha ka'u e hana'i i ola kuu uhane?

            E noho kuikahi na hoahanau.  E aloha aku i ko na aina kokoke, me ko na aina ma kahi mamao aku.

            4  E huli mau kanaka, kamalii, a komo mau no iloko o ka Ekelesia me ka hoohua ana i na hua maikai.

            Mele.  "Owai ma ko Iehova aoao"  Hoku AO Nani, p 102.

            Pule i nui ka poe huli ma ko Iehova aoao.

            Haawina no Ian. 28, Oih. 3; 1-11

ELIMA IPU KUKUI MAKANA.

 

            E KA NUPEPA KUOKOA;

                                                            Aloha oe:---

            Ma ka la 29 o Dec. 1882, ua haawi makana mai la ka makua H. Waterhouse 5 ipu kukui, i ke Kula Sabati o Kapuukolo, ua manao au, ua hiki aku ka waiwai io i ka $10.00, mamuli o kona lohe ana i na hana a pau e pili ana i ua Kula Sabati la, a me kona ala ana mai, a ua loaa ka hauoliia iaia.  Malalo o ke alakai o C. K. Pa.

            Nolaila, o ka makana i hoikeia maluna, he hoeueu ia e maopopo ai i na Kula Sabati e ae ma ka ekalesia o Kaumakapili, imua!  Imua!!  E na Kula Sabati huiia o Kaumakapili, i loaa ka makana aloha, ka makana nani ma o.

            Nolaila, ma ka inoa o ke Kula Sabati o Kapuukolo, ke haawi aku nei i ka makana maikai, makamae, pau ole i ka makua Mr. H. Waterhouse, i ke aloha mai keia wa a mau aku.

            Me ka mahalo i ka NUPEPA KUOKOA a me na keiki oo ihe oia kahua.

                                                                                                K. K. S.

            Kapuukolo, Ian. 1. 1883.

 

PANE IA M. KUULEHO O KONA.

 

E KA NUPEPA KUOKOA--Aloha oe.---

            Ua ike au i ka pane a ka mea nona ka inoa maluna ae, maloko o ka Elele Poakolu o ka la 29 o Nov. e pili ana i na kumukula o Hookena a me Honau nau.  E hoike aku no au me ka oiaio, o manao mai auanei ka poe nana ka hana, he oiaio kana mea i hoolaha ai.

            Ua kamailio iho nei kela malalo o na kumu eha.  1 O ke kulaia i 4 la kula maoli, 1 la hana iloko o ka hebedoma.  2  O ka hoohanaia o na haumana i ka hora 6 o kakahiaka, a e pau ana i ka napoo ana o ka la.  3  O ka hoomakaia o ke kula i ka hora 10, a i ka hora 11 paha, a e pau ana ma ka hora 2.  4 O ka hoounaia o na haumana ma kahi o 4 a me 6 mile ke kaawale mai ka halekula aku.

            No ke kumu 1.  He ike ole paha ko ka mea e pane nei, oiai ua aeia no makou no kumu kula a pau e ke Kahu Kula nui, e hoohana aku i na haumana, i 1 la hana i kela a me keia la o ka hebedoma, mai ka wa mai ia Hikikoki a hiki i keia manawa, aka nae, ua manaoia i 1 hora hana i kela la keia la, a aole hoi e like me kau "elua hora i kela a me keia la," aole nae e hiki no ka mea ua kaawale loa kahi hana mai ka halekula aku.

            No ke kumu 2, ma keia kumu ua ikeia kou hoopunipuni nui.  No ka mea ua olelo oe ma kekahi kumu au e pane nei, 4 a 6 mile ka mamao o kahi a na keiki e hele ai ka hana, alaila ua hele lakou i ka poeleele, a ua hoi mai i ke aumoe.  A no keaha i hoopii ole ia ai keia mau kumukula kue i i na rula o ke kula?

            No ka hewa ole, nolaila aohe a lakou one mai, a owai la oe e keia huna inoa e alapahi nei?

            No ke kumu 3, pela io paha, no ka mea aole a makou wati e maopopo ai ka manawa nae i maa mau ia makou, o ke kiekie ae o ka la maluna o ka piko o na laau, a o ka pau pono o na haawina i haawiia, ka palena o ko makou kula ana.

            No ke kumu 4, o keia kekahi kumu i oi loa aku o ka hoopunipuni.  Aole loa au i hoouna i na haumana, ma kahi o 4 a 6 mile paha ka mamao, a e lohe no oukou i ka oiaio.

            Hookahi no la a na keiki o Kalahiki i pii ai mauka o Hookena i ka ohi kope.  Eha la a na keiki o Kealia a me Hookena i pii ai ma Kealia i ka ohi kope, a hookahi la a ko Kealia mau keiki i noho ai ma kahakai o Kealia i ka wae alualu kope, a hookahi hoi a na keiki a pau loa mai Kealia a Kalahiki ma kahakai o Hookena i ka wae alualu kope

            Oia iho la ka nui o na la a'u i hoohana ai mai ka mahina mai o Okatoba a hiki iho nei i ka wa a'u i hoopau ai i ka hana lima o na keiki.  Malia nae paha ua ana kela mai ke 40 anana i ka mile, i hiki aku ai i ka 4 a me 6 mile mai ka halekula a hiki i kahi i hoohanaia ai na haumana.

            Mai oi loa aku ko'u mahalo, i na e hoopii ana o ua o Moses K---imua o o ko makou Papa kula, i na aohe kalena ana, he hooluu wale no.

            Ma ka hope loa o kona mau manao, ua kapa oia i ko makou Luna Kula, he mai, a he makapo.  Nani ke kupanaha!  

            He okoa ke kumu olelo, huikau wale aku nei no iluna o ko makou Luna Kula, ka mea i malama loihi i na hana o ke Aupuni me ka hewa ole, me he mea la he lio makapaa keia e holo huhewa ana ma kapa alanui.

            Ma kuu hoomaopopo ana i kona mau manao, ke ake nei oia i ka noho kumu kula no Hookena, a me Honaunau; a i ole i ka noho Luna Kula paha no na Kona.  Pono no, aia no i ka mioi ana i pono, no ka mea, aole no he ake oihana o ka mea e noho kumu ku nei no Hookena, e like la me oe ka holopeka imua o ka lehulehu.

            E manao iho auanei paha oe, he maka'u a he hohe wale.  E ike oe, aole i ike keia puuwai ia mea.  Ke manao nei au o oe ka i maka'u wale, no ka mea, aole oe i hoike i kou inoa ponoi, a pela no oe i pane iho nei ma ka Helu 47 o ke NUPEPA KUOKOA, e olelo ana:

"Hu ka aka ia Kona Hema."

            He okoa ke kumu olelo a he okoa ka hoopili ana, a pela no hoi keia.

            Ina ua nele i ka manao kupono, e aho no ka noho malie, mai noho a pane hou mai.  Ina oe e pane hou mai ana malalo o keia mau kumu, aole au e pane hou aku a hiki i ko kaua wa e kamailio pu ai, no ka mea, aohe waiwai o kou mau manao e hoopiha wale ai i na kolamu o ka nupepa, oiai hoi, eia no kaua i kahi hookahi, aole oe i mamao aku ma kahi okoa; a i na oe e pane hou mai e hoike mai oe i kou inoa ponoi, a me kou wahi noho.

            Eia iho kahi kanaenae nou e ka makamaka:

            "Aole au la e hopo ana,

            A ane kaulua wiwo ka manao,

            Na'u e hamale ko puniu,

            Lewalewa ko puniu hemo ko alelo."

            Owau no me ka puuwai wiwo ole.

                                                            SAM. MAKAEHU.

            Kumukula o K. H., H. Dec. 12 '82.

HOOPAKFELE IA.

 

            Ma ke alanui hao kaa ahi o Kanasa Waena, e holo ana kekahi kaa ahi alo ukana, nona ka holo he 15 mile i ka hora; i ke kaa ahi i komo aku ai iloko o ka ululaau a hiki i kekahi hookee ana, aia hoi, ike aku la ka wili-ki he wahi keiki uuku e hele ana iluna pono o ke alahao, ma kahi he 200 wale no kapuai ka mamao mamua aku o ke kaa.  Ia wa wehe koke oia i ka enegini, wehe i na pahu one me ke kahea i na mea hoopaa holo e hookuu ia.  Aka, he makehewa wale no keia mau mea hoopaa i ka holo o ke kaa, oiai, ua kokoke loa ka opio e poino; nolaila, puka aku la ka wili-ki iwaho o kahi ana e noho ana ma kekahi mau papa pale alahele e lele iho la iluna o ka palaupau o mua o ke kaa, me ka makaukau e hoopakele i ke keiki.  I keia wa, aole i ike ua wahi keiki la i ke kaa a hiki i ke kokoke loa ana mai, akahi no a ike.  Nolaila, haliu mai la oia, kau mai la i kona mau lima iluna a noho iho la iluna o ke alahao.

            I keia manawa, i kikoo aku ai a pau ka loa o kona mau lima, mailuna aku o kahi ana e ku ana, a hopu aku la i ka keiki ma kona aahu a kaikai mai la iaia iloko o kona mau lima, mamua ka loaa ana aku o ua opio la i ke palaulau o mua o ke kaa; a pakele iho la kona ola.

 

HUNAHUNA MEA HOU O HILO.

 

            Ma ka la Sabati la 10 o keia mahina, ua hoooholo ka Ahahui Kula Sabati o Onomea, e uku ia Jos. Maikaaloa Kauhi, ke kumu ao himeni oia Kula Sabati a ua haawiia $5.00.  Oia kona uku o ke ao ana mai ka mahina mai o Okatoba a hiki i ka mahina o Dekemaba nei.

            E hui ana ko Onomea nei Kula Sabali me ko Hilo ma ka la mua o Ianuari.

            Ua hooholo ka Ahahui Opiopio o Onomea nei e kukulu i mau halawai ma kela a me keia apana, a penei ka mea i hooholoia:

            O na lala a pau o ka Ahahui Opiopio o Onomea mahope iho o ka pau ana o ka pule nui, ma kela a me keia la Sabaii, e hui ai ma ka hale o D. Kamai ma Kahalii, a hookahi ma Kawainui.

            O ke kumu o keia hui ana pela, i kumu e hoolaulea aku ai i ka naau o na hoahanau hoomaloka, palaka, nanea, kuihe, a kanalua o ka manao, makemake ole e hele i na halawai i na la Sabati a pau, aole hoi he kokua ma na hana maikai, a me na hana pono a pau.

            Ke a hou mai nei ke ahi a ka wahine i keia mau po, aole i kana mai ke kiekie o na kolamu uahi me ka malamalao ka lewa.

                                                            JOS. M. KAUHI.

 

IA D. ALAWA O HOLUALOA

N. KONA.

E MR. LUNA HOOPONOPONO; Aloha oe.

            E oluolu e ae mai ia'u e hoonana aku i ka lili o Alawa e hai aku i ka haina o na ninau ana ia Jos. W. Poholalo. Jr.  Eia mai ka io aohe iwi.  He Lahainaluna nae i like me ke dala Una Beso he emi na keneta.

            Owai kona inoa?  O Kaiopua.  E ike no oe i ka oiaio ma ka Helu 43, aole i pa le mai o Kaiopua i ka I. W. P. Jr. pane iaia aole oia i hoole mai.  Aole au he Lahainaluna, aole o Kaiopua ko'u inoa, mai maikai loa ina i ninau mai oe i ka aina kahi i noho ai ua Kaiopua la, i na ua ike oe me ou maka.

            Ua ninau au ia W. N. Lono, Rev. J. Waiamau no na mea pili i ka pane a oukou ia I. W. P. Jr. ma ko laua ano Lahinaluna, hoole mai ana ia'u o na Lahainaluna io paha ia a me lakou la ae me ka hope ole no'u iho.

                                    J. W. POHOLALO.

 

F. S. PRATT & CO.

Luna Kudala, a he Komisina Kalepa.

BEAVER BLOCK, ALANUI MOIWAHINE,

HONOLULU.

            E haawiia na makaala kupono no na kauoha kuai aina, waiwai paa, a me na waiwai pilikino eae.  E uku koke ia aku na dala i ka poe mea waiwai kudala.                1095 tf.

 

MAKEMAKEIA.

            Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.

                                    C. BREWER & CO. (Burua Ma.)

 

NA HOOLAHA.

 

CALIFORNIA.

FURNITURE CO.

 

O KEIA HUI A HALEKUAI O

 

Na Loko Hoonani o na Hale !

 

I ike mua ia iho nei ma kona kahua mua

iho nei ma ke Alanui Papu, ma-

kai iho o ka

 

Halekuai o na Mea Kani o Geo. F. Wells

 

Ua Hooneeia ai Nei a i na

 

Helu 56 me 58 Alanui Moiwahine.

 

He Hookahi Ipuka ka mamao mai ka Hale Mu,

 

A malaila e loaa ai na Lako Hale Emi Loa.

Eia iho ka inoa o ia mau Lako Hale:

Na Moe maikai loa,

                        Noho o na ano a pau,

                                    Noho koki, Pakaukau,

                                                Noho huleilua,

A HE NUI AKU.

 

EIA PU NO HOI ME MAKOU,

            Na Uluna,

                        Na Bela Moe,

                                    Na Kihei Moe,

                                                A me na Pale Uluna.

 

A oiai na makou iho no e hana keia mau mea maluna ae

nolaila e kuaiia aku ana me ke

Kumukuai Haahaa Loa!

                                    E. P. ADAMU, Agena

 

PAPA!  PAPA!

AIA MA KAHI O

LEWERS & COOKE,

(O LUI MA)

ma ke kahua kahiko ma alanui Papu a me Moi.

E loaa ai na

PAPA NOUAIKI.

o kela a me keia ano.

 

Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papu Ku, A me na Papa Moe nui loa

Na Pili o na Hale o na Ano a Pau.

 

Na Pepa Hoonani, Na Pena o na Wai e pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.

NA WAI VANIKI

A ME NA

WAI HOOHINUHINU NANI!

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana

NO KA

UKU HAAHAA LOA.

E like me ka mea e holo ana mawaena o

LAUA a me ka MEA KUAI.

E Hele mai!  E na Makamaka!!

A e lawa no hoi ko oukou makemake

me ka oluolu a me ka maikai.

 

LOLE MAKEPONO

Ke Kuike e loaa no ia ma kahi o

Kakela me Kuke.

E laa na

AHINAHINA, KALAKOA.  KEO-

KEO, LEPONALO.  PENA, AILA,

AILA HONUA, ANIANI.

NA MEA PIULA,

Kopa, Aila Hoomaloo, Kui Kakia, Pakeke, Tabu Kaula, Noho Lio, Hulu Palahi, na Palumi, ahe agena no na mokupuni o Hawaii neino na Lainakini-nao Lainakini Maoli, Ki-lika, Palule Kalakoa, Alapia, Kelepa, Na Lole kupono i ka Wawae, Palule Huluhulu, Na Lole Huluhulu, Na ka hoohelo ana, Li Lole no pini, Lihilihi, etc.

A ME NA

Mikini Humuhumu

MAKEPONO LOA.

A he mau

MEA AI KAHI:

KA PALAOA, KOPAA

RAIKI, PIA, HOOHU

PAAKAI, HUAALA,

PIA KULINA, KOPE,

A HE

Laau Lapaau Kaulana Loa

A DR. JAYNE,

LAAU HOOMAEMAE KOKO

            LAAU HOOPAU NAIO,

                        PENIKILA, HUAALE,

                                    LAAU KUNU,

Me na Laau Hamo, a Pela 'ku.

840 tf

 

PAPA KUHIKUHI MANAWA HOLO

O KA

Mokumahu Hawaii.

"LIKELIKE,"

Kapena King.

AOLE AIE NO NA UKU OHUA.

            Ke hooleia aku nei ka aie no ka uku ohua, a ke hoikeia aku nei i ke akea, ina he mau paiki, ukana a puolo hooili ko lakou, e pono e hoailonaia me ka moakaka lea.  Aole no e ae ia ka lawe ana i na ukana, paiki a puolo i hoailona ole ia ke ole e kakauia ka loaa ana mai.

HE KUIKE KA UKU UKANA.

            Ma na ukana a pau o na makamaka, e pono e uku mua ia.  A e hookoia no na kauoha no ka lawe a hiki i kahi i makemakeia.  A e malamaia no me ka makaala na ukana, paiki a me na puolo, lio, pipi a me ka hoki.

E HOAILONAIA ME KA MOAKAKA NA

PAHU RAMA A ME WAINA.

            I ka poe no lakou na ukana o kela ano, e hoailonaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

            O na koina no na pilikia a me na poho, e pono e hoike kokeia mai iloko o ka malama hookahi.

            Aole e aeia na hookele kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.

            No ke ake nui e hoopomaikaiia ka lehulehu kaahele, ua hoololi ae nei na Ona o Likelike i ka Papa Hoike Manawa oia Mokuahi e like me maluna.

Ma Hale Oihana e loaa ai na Palapala.

            Aole Keena o hope e lilo, aia wale no a kaa mua mai ka uku moku.  Aole e ili ka hewa no na paiki, ukana a puolo, pahu, ke nele ke kakauia ka loaa ana mai     E hookaaia ka uku ukana a oi aku.                   WAILA WA.

 

HOOLAHA HOU.

KA MIKINI

HUMUHUMU LOLE

MAIKAI

ST. JOHN.

E LOAA NO MA KA HALEKUAI O

MR. GEO. F. WELLS.

 

O ka Mikini Humuhumu Lole Maikai loa keia, i hiki ke huila imua a i hope, a i ikeia ma ka Pae Aina Hawaii nei.  He Mikini maikai loa no na kanaka Hawaii, he mikini luhi ole.

 

KUMUKUAI $55.00 me Hookahi Gita (Kika) hookani maikai loa makana.

 

            O ka poe ma na kuaaina e ake ana e loaa keia ano mikini humuhumu, e hoouna mai lakou i ke dala ia

GEO. F. WELLS

ma Honolulu, a nana no e hoouna aku ma kahi i makemakeia, me na mea a pau e pili ana i ka mikini, a nana e hookau aku maluna o ka moku, me ke kaki ole ia o ka mea nona ua mekini la.

 

            O ka poe a pau e holo mai ana no Honolulu nei, mai poina lakou i ke kipa ana ae i ka halekuai o

GEO. F. WELLS

Ma Alanui Papu, a e kilohi iho i na mikini humuhumu la, oia ka

Royal St. John.

Eia pu no me ia na pila hookani o na ano a pau, o ka loaa koke ana mai nei no ia mai Amerika a me Europa mai, oia Na Pila Guitar (Kika), he 150 ka nui, mai ka $5 a hiki i ka $125 ke kumukuai o ka pila hookahi.

 

200 Koliana mai ka $2 a hiki i ka $20 ke kumukuai o ka pila hookahi.

 

100 Ohe Puluka, $2.50 a hiki i ka $15 ke kumukuai o ka ohe hookahi.

 

12 Pahu Hookani nunui, a me 25 Pahu Hookani liilii, a me na ano mea kani keleawe a pau, e loaa no ma keia halekuai i hoikeia maluna me ke

KUMUKUAI EMI WAIPAHE.

 

Na Piano nunui maikai, e loaa no me ke Kumukuai Emi Loa i ike ole ia ma Hawaii nei.

 

            He nui aku no na mea i koe, na kela a me keia e kilohi nona iho, ke naue ae ma ko'u halekuai ma Alanui Papu.

            E hookoia ka makemake o kela a me keia me ka eleu.

GEO. F. WELLS

            1094 tf                                                                                                                                                            Alanui Papu.

 

NA HOOLAHA.

NA WAIWAI HOU LOA

O NA ANO A PAU.

 

E LOAA NO MA NA HALEKUAI

WALAKAHAUKI MAI

MA ALANUI

Papu, Moi a me Moiwahine

OIA HO@

 

Na Noho Lio kou loa o na ano a pau, Na Palule Keokeo, Huluhulu, o na ano a pau, Na @ Ahinahina P@ kane hou loa @ ano a pau @ Pena Ka@

Na Kopa Bulu.  Na Lole o na Wahine o na ano a pau.  Na Pahu Aila Maka maikai loa.  Na Si like, Pahoehoe, o na ano a pau.  Ki hei o na ano a pau

 

HAINAKA LAU NUNUI SILIKA O NA ANO A PAU.

 

He nui aku no i kou, k@ piha pono no Kola@ o ka pepa, ina a @ @ ia aku nei.

 

Eia hou ae a hoea mai i keia mau la iho he Lako Waiwai hou loa o na ano a pau, a he lako hou loa i wae pono ia e J. T. WATERHOUSE, JR.  @ Enelani, a he mau waiwai h@ no loa no ko kakou mau k@ulu.  Nolaila, e eleu mai e na makamaka a me na hoa loha e hoonuu i keia @ lako waiwai hou loa.                       1070

 

NU HOU!  NU HOU!

 

Na Waiwai Hou Loa!

NA PAIKINI O KEIA AU

E Loaa no ma k@ k@ Halekuai o

DILINGHAMA MA.

Ma Aianui Papu.

 

Oia na waiwai malalo iho nei

 

Na Palau, Kaa Huilap@l@le, Kop@, Piki, Oo, K@ilipi, Na Hamare Kumana o na ano a paa.  Na mea Hana a na Kamana, Poe Hamo Puna, na Amara a me na mea hana o ka Poe Akeukumai a pau.  Pena Aila.  Vaniki a me na Palaki.  Pauda, Pka a me na Kukae pele, Palaki Hamo Puna, Pulu@, Pakeke, Kapu Holoi Lole a me na Pa@ Holoi Lole, na Iputi, na Pa Palai, na Makau Lawaia, Na Aho Lawaia o na ano a pau, no Kaula o na ano a pau, na Pahi, O, a me na Puna, a he nui aku no na mea i koe.

I KUPONO NO KA HOOHIWAHIWA ANA I NA HALE.

 

I hiki ole ia makou ke huai pau aku.  aka, na oukou no e hele mai a e hoonuu iho.  O keia maluna ae.  @ loaa no ma ka halekuai o

Dilinahama Ma,

1046-3m) Ma ka helu 37, Alanui Papu.