Ka Nupepa Kuokoa, Volume XXII, Number 1, 6 January 1883 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA

KUOKUO ME KA AU OKOA.

(1 Huiia.)

No ka Makahiki………………..$2.00

Pono Mahina……………..$1.00

POAONO, IANUARI 6, 2883.

Paiia e This. G. Thrum, ma ka halepai o ka nupepa Saturday "Press"

MAHALO

Aole he hi'i i ko makou noonoo maikai a me kai kou maka peni ke uumi iho i na manao mahalo no na hana i hanaia e na papa kula Sabati o Kawaihao i ka la Sabati hope o kela makahiki i hala aku la ma ka luakini o Kawaihao.

Ma ka hoikeia ana o na papa jula Sabati ua ikeia aku e ke anaina na hiohiona ' omua o na haumana kula Sabi@@i i pau loa, ua eleu ka lakou mau hana, a ua eleu no hoi ke alakai ana a na kumu. Ma ka hoikeia ana o ka papa Pokii o Kawaihao, ua ku maoli no i ke eleu na hana i lawelaweia. Ua ku haiolelo mai he wahi keiki uuku me ka wiwo ole imua o ia anaian nui, a aole i ikeia aku he nanaina hilahila a hopohopo maluna o kona mau helehelena. He wahi koa uuku keia e hapai wiwo ole ana i ke kea o ka haku. Mahalo makou i keia wahi koa uuku, a mahalo pu makou i ka papa Pokii holokoa a me kona kumu eleu. Ua lilo i keia papa ka makana mua o na have makana.

O ka papa kula Sabati iho o Waikiki kai kona ukali aku. Ua maheleia keia kula Sabati iloko o na mahele elua na makua a ma na Pokii. Maikai a eleua no keia papa kula. He wahi koa uuku no hoi ko keia papa, wiwo ole no hoi oia, eleu, a paa pono kana apana hana i haawiia, nui ka mahalo o ke anaina i keia wahi koa uuku, pupue lua ua wahi koa uuku nei ma ka himeni hoe waa a lakou, hoononoho lua i muliwaa ka uli ana o ka hoe a ua wahi koa uuku nei. He ano ulolohi na hana hoike a keia papa, aka, o na haawina holookoa ua maikai.

O ka papa hoike mai o Kamoilili, ua maikai no na hana i hoikeia. He haumumana hou ko keia papa kula, he Pake. Ua hai paanaauia mai e ia kekahi haawina, a ua mele ia mai no hoi e ia he himeni maloko o ka huke himeni Hawaii. Aole no i holo pono na hana hoike a keia papa, aka, aole no e nele ko makou haawi i na mahalo no keia papa, a he manaolana ko makou, a keia hoike hou ae e uwila ana ia papa.

O Manoa aku kona ukali. Ua maikai no na hana, eia hoi ka hewa o ka hele e o na kuhi hoe ana a na Pokii, i na i like ke kuhi ana o na lima, in a la ua nanai. He wahi mele ano e no hoi ka i meleia mai e na pokii o "no Iuka" ka inoa.

O ke kula Sabati aku o Makiki kona ukali. Mahalo makou i keia papa no ka ele o ka hoikeia ana o na haawina.

He nui na haawina paanau a me na himine i hoomakaukauia e keia papa aka, iloko oia nui, ua pau na haawina iloko o ka manawa pokole loa. He ano ulolohi keia papa i kela mau hoike hapaha i hala aka i keia hoike ana ua eleu a holomua. Maholo makou i ke kumu a me kona mau kokua, a mahalo no makou i ka papa kula Sabati holookoa.

O maunakiekie aku kona ukali. Maikai no keia papa, maikai na himeni a me na hana a pau.