Ka Nupepa Kuokoa, Volume XXI, Number 52, 30 December 1882 — HE OLELO HOAIOHALOHA A KA AHA HUI OPIOPIO IMI PONO KRISTIANO O KAWAIAHAO I KA OHANA O REV. T. COAN. [ARTICLE]

HE OLELO HOAIOHALOHA A KA AHA HUI OPIOPIO IMI PONO KRISTIANO O KAWAIAHAO I KA OHANA O REV. T. COAN.

I ka wahine, na keiki, a ine ka ohana no a pau: Aloha oukou:— Mamuli o ka oluolu o ka Makua Mana I.oa, ua lawe aku oia i ko oukou Makua i aloha nuiia, a hoa lawe hana ma na haua a ka Haku; he koa no Kristo, a he koo no ka lahui ma ka aoao o lesu Kristo oia o Rev. T. Coan. Ua nui ke aloha ia me ka hilinai pu ia c kana mau hana, a ua lilo kana mau hana maikai i kia hoomanao no na haumana o keia mua aku. Nolaila, hoohooia: O makou o na lala o ka AhaHui Opiopio Imi Pono Kristiano o Kawaiahao, ke haawi aku nei makou i ko makou aloha no oukou a pau. Hooholoia: Ke komo pu aku nei makou me oukou pu ma na hoomanao an§ kanikau no ko oukou makua i hala aku ma ka aoao mau o keia ola ana. Hooholoia: Ke nonoi nei makou ma ka inoa o ka Makua Mana Loa, nana e hoomama mai i ko oukou mau manao luuluu a me ke kaumaha, no ko oukou makua i kaawale mai a oukou aku. Pela iko ai ka olelo a loba i i mai ai: "I hele kohana mai au mai ka opu mai o ko'u makuahine, a e hoi kohana aku au iiaila. Na lehova i haawi mai, a na lehova i lawe aku, e hoomaikai ia ka inoa o lehova. Ma ke kauoha. J. K. Kauua. Kakauolelo o ka Aha Hui Opiopio Imi Pono Kristiano o Kawaiahao. Honolulu Dek. n, 1882.