Ka Nupepa Kuokoa, Volume XXI, Number 50, 16 Kekemapa 1882 — AOHE PAU I KA HAIIA. [ARTICLE]

AOHE PAU I KA HAIIA.

Maloko o kamoolelo o kc kaapuni ana ia Oahu ona Kuhina o kakou, i hoopukaia imua oka lehulehu, aole i hoike pololeiia na manaoa pau i hoopukaia e laua imua ona anaina ma na kua aku nei o keia mokupuni. Ma ka lono i loaa mai ma o kekahi poe i ike inaka, a i lohe pono hoi ma ke alo oua mau Kuhina nei, eia iho kahi mau mea i hoikeia e laua: I ka wa ka a lakou i komo ai i ka oihana Kuhina, aohe wahi keneta hookahi maloko o ka waihona dala o ke aupuni, a i keia wa nae he nui loa ke dala. Eia ka oiaio maolu i haiia mai e ka poe i ike pono: I ka wa i komo ai keia papa Kuhina 0 kakou he nui na dala iloko o ka waihona aupuni, aka, ma ia hope koke iho |no ua pau, ua neo a nele maoli ke au- | puni ike dala ole, mamuli o na hoolilo nui noonoo ole a lakou nei, iloko ona la mua oko lakou noho oihana ana. ! Ua ku a pilikia maoli kekahi mau hana i 1 o ke aupuni iloko o ia mau la no ke da|la ole. A i keia wa, he oiaio ua lako hou ke aupuni. Ano hea la keia lako ? Elua kumu, o ka mua no na auhau a na makaainana e hookaa m*ai nei iloko o ka waihona ma na apana a pau oka aina na loaa o na waiwai i duteia. A o ka lua, oia na dala i aie hou ia aku eke aupuni. Ua oleioia eka poe i ike pono, iloko o na mahina eono i halā ae nei, ua pakui hou ia mai la maluua o ka aie mua oko kakou aupuni, mai ke kanalima tausani a hiki i ka haneri tausanidala hou. Alaila ke ike la kakou i ke kumu e kaena wale nei ko kakou mau Kuhina no ka nui oke dala o ke aupuni, i keia wa a lakou e alakai nei. Heaha la ka waiwai o ke dala i na he aie nui pono ole ka hopena ? Heaha la hoi ka waiwai o ke dala, i na he uhauha wale ka hana? Heaha la ka hopena oka nui o ke bala, me ka hoolilo \k>i\o ole ia nae no ka pomaikai o ka lehulehu a me ka pono o ka aina holookoa? A, heaha la ke ano o keia huakai kaapuni a na Kuhina ? He hoohoihoi makuahonowai paha.