Ka Nupepa Kuokoa, Volume XXI, Number 48, 2 December 1882 — MAHALO. [ARTICLE]

MAHALO.

Ma kekahi wahi kaawale o keia kulanakauhale ke ku nei kekahi hale hoolimalima; aia iloko oia hale he ohana haole ka |>oe e noho nei i keia wa ma ke ano hoolimalima. Aia e pili ana me ia hale he mau pahale Hawaii maoli elua, ma ka aoao mauka kekahi, a ma ka aoao makai kekahi. He [)ēe Hawaii wale no iloko o ia mau pa a elua, a aia ka ohana haole iwaena o lakou, e like me ka io puaa hame i hookomoia mawaena o na apana palaoa elua. Eia ka mea hilu : Ma kekahi la halawai mai la ke jxx> kane o ua ohana haole nei me kekahi hoa'loha a ninau mai la j>enei: "ea, ua ike anei oe ike ano o keia j>oe e noho pili nei ma ko'u hale, mauka a makai?" Pane aku la keia, "ae, ua ike no au, he jx>e ano like ole no lakou, a j>ehea hoi kau ike, ka mea e noho mau nei iwaenakonu o lakou T Pane mai la ka haole, "he oiaio maoli kau e olelo mai nei he poe

like ole lakou; aia ma kekahi aoao o'u e kani mau ana na leo walaau nui, he hakaka a he ona pinepine, ])ilikia au a me ko'u ohana i keia poe ; aka, ma ka j>a e pili ana ma kahi aoao ae o kuu hale he mea e ka maluhia, aolie ona, aohe hakaka, aohe leo nui e uwa ana i ka ]k), he maemae ka p;i, he nui na keiki liilii, aole nae haunaele ; a kohu lahui okoa )txi no ko neia mau pa hale a elua." Tane hou aku la kona makamaka. "o kela mau ano a elua au e ike la, oia no ko ka lahui Hawaii holookoa, mai Hawaii a hiki i Kauai; he elua mahele iloko o ka lahui Hawaii, a ]>ela no iloko o na lahui haole a he mahele maikai a he mahele ino, he mahele naauao a he mahele naau]xx" Mahalo ke Kuokoa i ka ike |x>no ana o kela makamaka haole i keia mau mahele elua iwaena o kakou, aole hoi hoohuikau i ka lahui holookoa i ]>oe la]>uwale wale no, mamuli o ka lapuwnle o kekahi ha]xi. Ahe mahalo piha ko keia pe\)a i na wa a pau no kona poe heluhelu e hooikaika mau ana e hoojx\a ia lakou iho iloko o ka mahele o ko Hawaii ]>oe maikai, e noho ana ma ke ano malamalama, a e lawelawe ana ma na hana naauao. Mahalo ke Ku(v koa i na home Hawaii maeniae, na home maluhia, na home aloha, na home kuikahi oke kane ka wahine a me na keiki Hoomanawanui e na pokii, imua aku t mai nana i hope. He lani ko luna, he honua ko lalo, naue aku ma ke ala o ka malamalama.