Ka Nupepa Kuokoa, Volume XXI, Number 47, 25 November 1882 — Page 3
| This text was transcribed by: | Dorothy Marsh |
| This work is dedicated to: | Narciso Marsh Family |
Ka Nupepa Kuokoa
KE KILOHANA POOKELA NO KA LAHUI HAWAII.
NU HOU KULOKO.
E alawa iho e na makamaka i ke kolamu olelo hoolaha a George F. Wells.
Ua hopuia kekahi makai i ka Poaha e kela pule aku nei, e kekahi mea i kapaia kona inoa he Makai. Apiki la.
Mahalo loa ia na kulu o ka waapa Kapuaala i ka Poaha o kela pule. Na kuiu o keia waapa, oia no na haole kamana o ke Ala Hukimoku o Waila Ma.
O na kulu hoehoe waapa e hoomoamoa ia iho nei no ka heihei waapa o ka Poaha o kela pule aku nei, ua ikeia ua @-ka-iuka lakou.
He fea ke malamaia ana ma ka halekula Sana Lui ma Alanui Beritania i ka Poakahi o keia pule ae, no ka pomaikai oia halekula.
Nui no ka ona mawaena o na kane a me na wahine i ka Poaha o kela pule aku nei. Nui no na hana maikai ole i @ mawaena o lakou.
N@ ka pili dala i ka Poaha o kela @ mawaena o na haole a me na kanaka Hawaii. Pokeokeo kekahi poe, ume ka ihu o kekahi poe.
O ka @va heihei waapa ka @va i laha nui iho nei iwaena o kekahi poe ma ke kuianakauhale nei i kela mau pule aku @e. Ma Kohala, o ka @va hoolele lupe ka @va nui e laha la ma ia wahi.
Ma ka Poaono o kela pule aku nei i malamaia ai ka ahaaina haukilima o ka @ui humuhumu kalepa ma ke Kula Kaaunapule. Nui na mea ai i pahola ia mua o ka poe i hiki ae, ma ua ahaaina a. Maikai a maluhia na hana i laweaweia ma ia la.
Eia he mau oielo hoolaha ke waiho @ei ma ko makou pakaukau, a no @a maopopo ole a no ka loaa ole ana mai o ka auhau hoolaha, nolaila ua @ookauluaia e makou a hiki i ka wa e maopopo pono ai, a loaa mai hoi ka @hau hoolaha.
O kela heihei mawaena o na moku@i Zealandia me Suez i kela mau pu.e @ku nei, ua eo ia Zealandia. Ua ku @ua oia i Kapalakiko he 24 hora ke @owa a ku aku ka mokuahi Suez. Ke@ahi keia o na huakai holo loa a ka @okuahi Zealandia, oia hoi, he 6 la, 10 hora me 45 minute.
O ka halekula Sana Lui ma ke Alanui Beretania, ua lilo ae nei i ke kuai @ e ka papa o ke kula nui o ka Punahou. E hooliloia ana keia halekula, i @leukla e hoomaamaaia ai na hau@ana mamua o ke komo ana aku i ka Punahou.
Ma kekahi itamu a makou o keia la, @a hoike makou ma ka hapa mua, ua @palaia na papaaina liilii ma o a maa@ei o ke kulanakauhale nei. He oiaio @ Ma Waikkiki-kai, ua malamaia he papaaina luana oluolu malaila. Ma@ko o ka halepai P. C. A., ua malama @e ko laila mau ulele hua he papaaina, @ua ai lakou me ka maikai a me ka @uoli nui. Ua hui pu aku ma @ia papaaina na luna nui o ia hale@i, a he mau hoaloha e ae no ke@hi i konoia. Ma kekahi mau wahi e @ no kekahi o ke kulanakauhale, ua @alamaia na papaaina liilii o keia ano.
Aole paha i poina i ko kakou poe @luhelu na lono a makou i hoike mua @u no ka loaa ana o kela ulia poino @aluna o Edward Walsh, kela luna nui @ka mahiko o ka Ona Miliona o Maui. @keia mau la iho nei, ua hoea hou mai @ lono mai ia mahiko hookahi e hoike @a i ka pakele ana o ka wahine a keia @na mai loaa ia ulia hookahi. E ma@ukau ana ia e hele i ka holoholo kaa @ kona wa e kau ana maluna o ke kaa @oomaka aku ka lio e hele, ia wa i @mo ai kekahi huila o ke kaa, a ia wa @ i puiwa ai ka lio a holo pukala aku @e ka hina kapakahi ana o ke kaa ; o @ kumu i hemo ai no ka palaleha o ka @ke kahu kaa i ka hoopaa ana i ka @heoheo kulu o ka huila. Ua pakele @ia wahine.
Me ke ahiahi o ka Poalua nei, i ka @ a na maku kuna Emma me Kauike@uli e hoopuka ana mai ke awa aku @a ke ano hoopuka ana mai ke awa aku @a ke ano hookuku heihei holo, a ia @ua i hoohuli aku ai ma ka hale ipu@kui, ikeia aku la ka lele ana mai o @ekahi mea mailuna mai o ka moku @na Kauikeaouli a pa-hu ana iloko o @ kai. Ma ka nana pono ia ana aku, @ ikeia he wahine ua mea la i lele mai @ mai ka moku. Au aku la ua wahine @ a pae makai o Kakaako a ia wa holo @u ua wahine la a pae i kula, makai @ono iho o ka hale hoomalu. Holo @a mai la ua wahine nei a komo aku @ ma kekahi pa ma Apua. Aole i upu @o kona komo ana iloko o ua pa la, @lulu koke mai la ka poe huli, a ma@uli o na olelo hoopunipuni a ka poe @kuku ana mawaho o ua pa nei, ua @uli loa aku ua poe huli nei. He wahine keia e hoihoiia ana i Hilo a no ka @ui loa paha o kona aloha no kana @ne manuahi ma Honolulu nei, ua @ele mai oia iuka nei. A hiki i keia la @ole i loheia na meheu o kona loaa ana @ka poe huli. Kupainaha no hoi !
Ma ka po o ka Poaha nei ua make emoole o Ioakua k, mawaho iho o Kaumakapili.
Ma ka Poakahi nei, ua hanau mai he opuu mohaha maikai mai ka puhaka o Mrs. Mary Hale ma Honuakaha.
Ma ka Poalua o kela pule aku nei, ua hanau mai he opuu mohaha mai ka puhaka o Mrs. Kaimi La.
Ua loaa mai ia makou k@kahi mau manao no kekahi poe lawe pepa Elele, i keia pule ae e hoopukaia aku ai. O kau e I, Poholalo, Nahinapalai, i keia pule ae e puka aku ai.
Ma Huehue ae nei, ua wela i ke ahi kekahi wahi hale no kekahi wahi elemakule. Mai poino ke ola o keia wahi elemakule ina aole he mau lima kokua kokoke malaila.
Maluna mai o ka mokuahi Sueza i kela pule aku nei i loheia mai ai na lono, ua hala loa aku o Mr. Wm. G. Irwin i na kapakai o ka Moana Atelanika, no ka makaikai no ka wa pokole.
Ma kekahi o na kolamu olelo hoolaha hou o keia pule, e ikeia no he olelo hoolaha . no ke keena kudala hou o Pratt Ma. E alawa iho e ko makou poe heluhelu ma ia olelo hoolaha a e kaana pono.
Ua nui ka mahaloia o Mr. W. S. Wond, ka makai o na kaa, ma o kana hoonohonoho ana i na kaa ma ke alo iho o ka Hale Mele Hou i ka po Poalima i hala, oiai he lealea hula Europa Ke malamaia ana e na aliimoku o ka moku kaua Amerika Alaska a me kekahi poe kamaaina o ke kulanakauhale nei.
O ke kuai a ke Komisina D. K. Fyfe no na waiwai o W. L. Moehonua i ka Poalua nei ma Aliiolani Hale, ua piha pono i ka poe makemake kuai aina. Kekahi keia o na kuai aina pii o na kumukuai o na aina like ole, a ua hiki aku ka huina nui o na dala i loaa i ka $5,000 a oi.
I na la a pau a makou e maalo ae ai ma Alanui Maunakea, ua ike mau ia aku ka mumulu ana o na kane, wahine, a me na keiki ma kekani pa ma ka aoao ma Waikiki; ai ka ninau ia ana aku, eia ka e noke nui ana i ka hopuhopu I ka puaa olohe (puu pepa.) Mai ka la a po o ka hana ia, o Manuka no nae ka oi.
Eia ma kekahi pa ma ka aoao ma Waikiki o ke Alanui Maunakea kekahi kanaka kino nui puipui a ikaika hoi;aole ona hele i ka hana, aka, o ka pepa ka mea nui a o ka maalo mau ma ko hai ipuka hale, a o ka wahine ka mea nana e huli ka ai a me ka ia. Eia ka makou ia oe. E hele oe i ka hana me kou mau lima, aole hoi o ka lewalewa wale iho no. Hilahila ole maoli oe. Kuailo ia mai. Owai nei lima lewalewa ?
O kou manao e Sonwell Eleu Wainohenoheakamanu, eia me makou i keia wa kahi i lolii ai. Ua heluhelu makou i kou manao a ua ike makou he maikai a he kupono loa ke hoolahaia, aka, no kela inoa au i kau ai malalo o ua manao la, a oia no hoi ka inoa maluna ae nei, ua kaulauaia e makou ua manao la a hiki i ko makou wa e ike pono ai ia oe, a i ole i kou wa paha e hoouna mai ai i kou inoa ponoi.
Ua ku mai ka mokuahi Kulanakauhale o Nu Ioka mai Kihane mai i ka Poakahi nei, a ma ke ahiahi ana iho kona holo ana. Iloko o ia wa pokole ana i pili ai ma ka uwapo a hiki i kona wa i holo ai, ua hoiliia maluna ona he 800 tona o na ukana like ole e na paahana Poo La. Mawaena o na ohua kamaaina i holo aku no Kapalakiko, o H. Walakahauki, S. G. Waila, E. P. Akamu, J. C. Glade, W. H. Bailey, S. T. Alexander.
I ka wa e noho ana ka Aha Hooko lokolo Apana o Koolaupoko ae nei, ua ala mai na hoopaapaa ikaika mawaena o ka lunakanawai a me ka mea i hoopiiia. Mai ka uuku keia hoopapaa ana a hiki i ke kena ana o kekahi i ka makai e hopu i kekahi, a pela no hoi kekani i kena aku ai i ka makai e hopu aku i kekahi. Haunaele ka Aha ia wa. Aohe he Aha Hookolokolo ia wa, me he aha hoopaapaa la ke ano o ua Aha Hookolokolo Apana la. He lono oiaio keia maluna.
Ma ka la hanau iho nei o ke ʻ lii ka Moi ua nui na paina liilii i hoalaia. Ma ka Hale Aupuni ua haawi ae na Elele he wahi paina no ko lakou mau hoaloha a me na makamaka. Ua kono pu ia mai makou e luana oluolu aku ma keia wahi papaaina. O ka puaa ua hooluaia, na amaama ua lawaluia, na moa momona i hooluaia, na alani momona, kolo waka, a pela wale aku. Ua ai iho kela a me keia a lawa a hu ka houpo pilipu. E mahaloia na Elele o ka Hale Aupuni no ka lakou wahi paina maikai. Eleu io no na Elele !
PANE IA T. N. PUUOHAU.
He mahalo nui ko ʻ u ia oe e T. N. Puuohau, akahi no a loaa he Loio kupono nana e pale ka hihia o na Kuhina o ka Moi, he hihia a ka lahui i manao ai e kaualupe ia ana lakou iloko o ka hoahewa akea ia, oia ka mua o ko ʻ u mahalo ia oe. Elua, akahi no a loaa hookahi makaainana naauao loa mai loko ae o ka heluna o na makaainana o ka Moi e noho nei, aia ka hapa nui o na makaainana ma ka ahewa i ka Aha Kuhina o keia wa ; ke kolu o ko ʻ u mahalo ia oe, o oe hookahi o na kanaka a ke akua i hana ai ma na Paemoku a pau o Hawaii nei ka i hoao e holoi i ke kiko eleele o ka Leopaki ka mea a ka buke nui i hai mai ai, "aole hiki i ke kino o ka Leopaki ke hoano e ia." O ka hewa a ka lahui i wailana ai i keia poe Kuhina, ke hoole ia mai nei e kou ike kalaikii, o ka eleele i manao ia e ka lahui, e keokeo ana ia ia oe. Nui ka mahalo, aole ia e poina ana ma na buke moolelo o ko poe naauao, aka, e hoomanao. aia oe ke noho la i ka aina kaulana o ka moolelo mai ka .hiko mai. Ina manao oe e ike i ka oiaio o ka lahui a me ko lakou manao, ke aa nei au e paio me kekahi kahua akea; aole au e hoike koke aku i ko ʻ u inoa, a ia ae ma ioe.
Me ka mahalo.
KA PAPAPALA HOOPII A KA AHA HUI OPIOPIO KRISTIANO.
I KA MOI A ME NA HOA o ka AHAKUKAMALU:--
Ua kauoha ia maua e ka Ahahui Opiopio Kristiano e waiho aku imua o oukou i keia palapala hoopii.
Ua hoikeia na hua o ke Kanawai Hoonoa Waiona he poino a me ka hilhila. Ua hoomaunauna ia na loaa o kanaka no na waiona, aole i hooliloia no na mea ai. Ua waiho wale ia na ohana i ka pololi, a nolaila ua uwe nui na wahine me ke kaumaha loa ma ke alo o na halekuai rama, oiai ua uhauha na kane i na dala kupono no ka hoolako ana i na pono o ko lakou mau hale. Ua hoopilikia na haku hana no ka ona pinepine o na paahana. Ua kuai ia ʻ ku na waiona ino, a nolaila ua hoonui ia na poino o ke kino e keia mau laau make i kapaia gin, whisky, brandy, etc. Ua ikaika ole keia kanawai hou no ka hoopau ana i ke kuai rama malu ana o na Pake a me na mea e ae. Ua hoomahuahua ia na hewa no ka inu rama ana. Ua paa iloko o ka upiki o ka ilihune kekahi hapa o na kamaaina. Ua hoonuiia ka heluna o na make. Ua hoonawaliwaliia na ola kino e ka waiona. Ua hoowalewaleia ka poe opiopio e hoomaunauna i ko lakou manawa a me ko lakou ikaika. Ua kiola wale ia ma na halekuai rama ko lakou kuleana imi noeau a me ke akamai. Ua lilo i mea ole ka manawa kupono no ko lakou houluulu ana i na waiwai kupono e hookuonoono aku ai i ka noho ana i ka wa makua.
Nolaila, me ka haahaa, ke noi aku nei keia Ahahui, e hoole oukou i ka hoopalahalaha ana i na laikini hou aku ma na wahi a pau loa mawaho o keia kulanakauhale.
A. PRATT, Peresidena.
W. BOWEN, Kakauolelo .
Honolulu, Nov. 16,1882.
HOOLAHA HOU.
Ka Hui Mahiai Hawaii.
KA PAPA.
Ke Alii ka Moi, Peresidena.
Hon. H. A. Widemann, Hope Peresidena.
NA KOMITE.
Hon. A. S. Cleghorn, Hon. A. Judd,
Hon. L. McCully, A.W. Bush,
Dr. McKibbin, Dr. Trousseau.
A. Jaeger, Puuku. J, S. Webb, Kakauolelo
Ke kono aku nei ka Papa Hoohana i ka poe a pau i kuleana iloko o na Hui Mahiko, na hana mahiai, na hana hooulu hanai holoholona ma na ano a pau, e lilo i mau lala no keia Ahahui.
He $5 ka auhau no ka makahiki. Na lala kumau, $100 no ka makahiki. E ukuia keia mau auhau maluna i na lala a pau o ka Ahahui, a i ole i ka Puuku. E loaa no na Rula o ka Ahahui mai ke Kakauolelo mai.
Ma ke Kauoha a ka Papa,
J. S. WEBB, Kakauolelo.
Honolulu, Nov, 7, 1882. 1095 2t
Aha Hookolokolo Kiekie o ko Hawaii Pae Aina, ma ka hoponopono waiwai. Ma ka waiwai o PETERO WAHAKANE, k., o Hilo, Hawaii, i make, kauoha ole. Imua o ka Lunakanawai McCully. Olelo kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka Palapala Noi a C. Afong o Honolulu, e hoike mai ana o PETERO WAHAKANE no Hilo, Hawaii, ua make kauoha ole ma Hilo i oleloia, ma ka la 14 o Novemaba, M. H. 1881, a e noi ana e haawiia ka Palapala Hokohu Lunahooponopono Waiwai i ka mea noi i oleloia a me ka hoopoopono ku i ka wa iaia.
Ua kauohaia o ka Poakolu ka la 13 o Dekemaba, ma ka hora 10 A. M., M. H. 1882, oia ka manawa i kohoia no ka hoolohe ana i ua noi la. imua o ua lunakanawai la. ma ke Keena Hookolokolo o keia Aha, ma Honolulu a ma ia manawa a ma ia wahi no e hele mai ai na mea a pau i pili e hoike mai i ke kumu oiaio ko lakou, e ae ole ia ai ua noi la. A o keia olelo kauoha e hoolahaia ma ka olelo Enelani a me Hawaii i ekolu pule ma ka "Hawaiian Gazette" me KUOKOA he mau nupepa ma Honolulu. A ua kohoia ka mea noi i Lunahooponopono Kuikawa no ka waiwai i oleloia, mamuli o kona waiho ana mai i ka bona no na dala he eha tausani.
Kakauia ma Honolulu, ko Hawaii Pae Aina, Novemaba 21, 1882.
L. Mc Cully,
Lunakanawai o ka Aha Kiekie.
Ikea: Jno. E Bernard, Kakauolelo.
1095 3t
Olelo Hoolaha
No ka mea, ua haalele mai o Kapela (w) ia ʻ u a me ka maua keiki uuku loa, nolaila, ke hoike aku nei au ma ke akeu, mai hoaie aku oukou iaia, o poho oukou, aole au e hookaa ana i kona mau aie, ke ole na ʻ u i kauoha aku, ma ko ʻ u kakauinoa ana.
ALO (Pake).
Lahaina, Nov. 3, 1882. 1094 4t*
HOOLAHA HOU.
FEA ! FEA !! FEA !!!
E malamaia ana he FEA nui ma ka Halekula SANA LUI. ma ka
POAKAHI, LA 27 O NOVEMABA 1882,
E HOOMAKA ANA MA KA HORA 2 P. M.
Ma kahi la ae he paina LUAU @ai ke haawiia ana ma ia wahi @o.
O na kokua aloha e haawiia i na lede e noho luna ana ma na pakaukau, oia hoi,, Madame Feer, Mrs. Sa@, Miss M. Widemann, Mrs. J. A. Rodenet.
O Mrs. H. Macfarlane a me Mrs. G. Waller na luna o ka pakaukau o na mea hooluolu, a pela aku, a o Miss Agness Aylett no ka pakaukau o na mea ai Hawaii.
UKU KOMO--- 50 keneta; Na Keiki, 25 keneta. 1095 11
OLELO HOOLAHA.
Ina he mau KANAKA HAWAII kekahi i keia wa, a aia paha lakou ma na mokupuni i keia wa, a he mau luina lakou no ka moku Okohola kalepa Hawaii HARVEST, i ka wa i puhiia ai ua moku la ma na Paemoku o Ke@ikeni, e ka moku kipi pakaha SENADOA, ma ka la 11 o Aperila, 1865, oia poe kekono ia aku nei lakou e hele ae ma ke Keena Hana o ka mea nona ka inoa malalo, a o na lilo a pau o ke kaahele ana maluna o ka moku, a kuleana e paha, e hiki mai ai ma kona Keena ma Honolulu, a hoi hou aku i ko lakou mau wahi pakahi, ua makaukau oia e uku aku ia mau lilo. H. HACKFELD & CO.
Honolulu, Nov. 24, 1882. 1095 @
Aha Hookolokolo Kiekie o ko Hawaii Pae Aina, ma ka hooponopon waiwai. Ma ka waiwai o NALIMAALIII o Kamoiliili i make, kauoha ole Imna o ka Lunakanawai L. McCully. Olelo kauoha e hoolaha aku no ke ana mai e koho i Lunahooponopono Waiwai.
Ma ka heluhelu a me ka waiho ana mai o ka Palapala Noi a Naeole o Kamailiili e hoike mai ana o NALIMAAHI no Kamoiliili ua make kauoha ole ma Kamoiliili ma ka la 13 o Novemaba, M. H. 1882, a e noi ana e haawiia ka Palapala Hookohu Lunahooponopono Waiwai ia Kamakauwila.
Ua kauohaia o ka Poakolu ka la 13 o Dekemaba, ma ka hora 10 o kakahiaka, M. H. 1882, oia ka manawa i kohoia no ka hoolohe ana i ua noi la, imua o ua lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolaha ia ma ka olelo Hawaii i enolu pule ma ke KUOKOA he nupepa ma Honolulu.
Kakauia ma Honolulu, ko Hawaii Pae Aina, Novemaba 23, M. H. 1882.
L. McCully,
Lunakanawai o ka Aha Kiekie.
Ikea: D. K. Fyfe, Hope Kakauolelo.
1095 3t
Aha Hookolokolo Kiekie o ko Hawaii Pae Aina, ma ka hooponopono waiwai. Ma ka hana o ka waiwai o D. W. OLEPAU o Honolulu i make. Ma ke keena, imua o ka Lunakanawai McCully. Kauoha e hoolaha i ke noi e apono i na Papa Hoike, hookuu ana, a e mahele i ka waiwai.
Ma ka heluhelu a me ka waiho ana mai o ka Palapala Noi a me ka Papa Hoike a Godfrey Rhodes Lunhooponopono o ka Waiwai o D. W. OLEPAU no Honolulu, i make, e noi ana e apono ia na hoolilo he $20.00, a e hoike o na mea i loaa mai iaia he $70.00, a e noi ana e nana a apono ia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka Poakolu, ka la 20 0 Dekemaba, M. H. 1882, ma ka hora 10 o kakahiaka, imua o ua kunakanawai la, ma ke Keena ma ka Hale Hookolokolo, ma Honolulu, oia kahi a me ka manawa i kohoia no ka hoolohe ana i ua noi la, a me na Papa Hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ke KUOKoA he nupepa i pai a hoolahaia ma, Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii Pae Aina i keia la 23 o Novemaba, M. H. 1882.
L. McCully,
Lunakanawai o ka Ah Kiekie.
Ikea: Jno. E. Barnard, Kakauolelo o ka Aha Kiekie. 1095 3t
KA NUPEPE KUOKOA
NO 1883.
E HOEA MAU ANA KE KUOKOA
Imua o kona poe heluhelu i keia makahiki
ae e like me na wa o i hala. Ma ka
hoakeaia ana o kona mau kolamu,
a me ka hooponopono
hou ana o na
OLELO HOOLAHA
I loaa ai na kowa mahuahua ae no na
LETA A NA MAKAMAKA,
a me na
NUHOU O KELA A ME KEIA ANO.
E oi aku ana ka waiwai o ke
NUPEPA KUOKOA
I keia makahiki ae i ko ka makahiki i hala ae
ko ka makahiki i hala ae nei ma na
mea heluhelu a me na Olelo
Hoolaha. Iwaena o na mea
hou a ae, e hoopukaia
ana he mau helumanao
e pili
ana i ka hoomanao ana
i ka Lahui ma ka
OLELO BERETANIA
I hoomakaukauia no ko Hawaii nei poe opio
e makee nei i na pono i kiekie ae i
ko na wa i hala, me
I manao ai e haawi i kona oe heluhelu no no ka makahiki hou. E hooili mai i na kau oha a me ke dala pu i ka
ʻ NUPEPA KUOKOA, HONOLULU."
HOOLAHA HOU.
Mrs. W. H Wilkinson,
MEA HUMUHUMU LOLE.
HELU 103 ALANUI PAPU.
Ke makaukau nei oia e kuai aku i ko@a mau lako hale o na ano a pau, oia:
Na Laie Likiliki a Likiliki oi@,
Na pupale i kinokinokiia a na Wakine
a @ Opio,
Na Laie a ma Laie a kela a @
keia ama, etc., etc.
Oiu e hoea mai ana na lako lole hoa, nolaila e kuai ia aku ana na waiwai maluna i hoike ia, no ke
KUMUKUAI HAAHAA LOA.
1095 tf
L. WAY
KAMANA HALE.
HELU 109, ALUNUI MOI.
Na Pani Puka, Ahiani, a me na Olepelepe, he nui wale e waiho nei.
He mau paahana ko ʻ u o ka helu ekahi wale no, a o na hana a pau e kauohaia mai ai, e hookoia me ka eleu loa.
A oiai he mau paahana helu ekahi ko ʻ u, e hanaia no na hana a pau me ka maikai a me ka haahaa o ka auhau. 1098 tf
F.S. PRATT. L. J. LEVY
F.S. PRATT & CO.
Luna Kudala, a he Komisina Kalepa.
BEAVER BLOCK, ALANUI MOIWAHINE,
HONOLULU.
E haawiia na makaala kupono no na kauoha kuai aina, waiwai paa, a me na waiwai pilikino e ae. E uku koke ia aku na dala i ka poe mea waiwai kudala. 1095 tf.
Aha Hookolokolo Kaapuni Apana Eha ko Hawaii Pae Aina, ma ka hooponopono waiwai, Ma ka hana o ka waiwai o KELIIHALEOLE, k., Haiku, Kauai, i make. Ma ke keena imua o ka Lunakanawai Kaapuni ma ke keena.
Ma ka heluhelu a me ka waiho ana mai o ka Palapala Noi a me ka Papa Hoike o A. K. Mika, lunahooponopono o ka waiwai o KELIIHALEOLE, no Haiku, i make, e noi ana e aponoia na hoolilo he $143.53, a e hoike ana o na mea i loaa mai iaia he $143.50, a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka Poaono, ka la 30 o Dekemaba, M. H. 1882, ma ka hora 10 o kakahiaka, imua o ua lunakanawai la, ma ke keena ma ka Hale Hookolokolo ma Koloa, oia kahi a me ka manawa i kohoia no ka hoolohe ana i ua noi la, a me na Papa Hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii, e paiia maloko o ke KUOKOA, he nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Koloa, Ko Hawaii Pae Aina, i keia la 18 o Novemaba, M. H. 1882
JACOB HARDY,
Lunakanawai Kaapuni Apana Eha.
1095 3
HOOOLAHA HOOKO MORAKI.
Mamuli o ka mana kuai o kekahi palapala moraki i hanaia mawaena o ka Hui o ka Hale Mele Hou o ka aoao mua, a me ka mea nona ka inoa malalo iho, Bishop & Co o ka aoao elua, i kakauia ma ka la 19 o Ianuari, 1881, i hoopaaia ma ka buke 69, aoao 74 me 77, ma keia ke hoikeia aku nei ka lohe e hookoia ana ka mana kuai o ua palapala moraki la no ka uhaki ia o na olelo aelike a me ka uku ole ia o ke dala, e like me ka mea i oleloia ma ua palapala moriaki la. Nolaila e kuai ia aku ana ma ke kudala akea ma ka hi i hoikeia ma ua palapala moraki la ma ka
POAONO, DEKEMABA 16, 1882,
MA KA HORA 12 O KE AWAKEA,
(ke ole e hookaa mua ia mai ka huina dala i oleloia) kahi a me na pono a pau i hoikeia ma ua palapala moraki nei, ma kela apana aina e waiho la ma Honolulu, Oahu, nona ka ili he 11,038 iwilei kuea, a oia no kahi i hoakakaia ma ka Palapala Sila Nui Hela 3251 i ka Hui o ka Hale Mele Hou, me na pono a pau. I mikini aila ea me na kukui paipu a me na pono a pau. na noho, paku, na pono a pau, o luna o kahi keaka, a me na pono a pau e pili ana ika hana keake. BISHOP & Co.
F. M. Hatch, Loio no ka moraki.
Honolulu, Nov. 14, 1882. 1094 4t
Hoolaha a ka Luna Hooponopono
Waiwai.
Ma ka waiwai o Kahela (k) no Puueo, Hilo, Hawaii i make. Owau o Haaleleumalani (k), ua hoonohoia mai au e Hon. F. S. Lyman, Lunakanawai Kaapuni Apana Ekolu o ko Hawaii Pae Aina, i Luna Hooko no ka Palapala Kauoha Hope a ke mea i make. Nolaila, ke kahea nei au i ka poe a pau i aie mai iaia, a me ka mea a ka mea i make ia aie aku ai, e hoike koke mai imua oʻu, iloko o na mahina eha mai keia la aku, o pale ia lakou. Naʻu na kona HAALELEUMALANI X kaha.
Luna Hooko Kauoha.
Hilo, Hawaii, Nov. 9, 1882. 1094 4t
OLELO HOOLAILA PAPA.
Mai keia la a mau aku, aole auu e ae e hookaa i kekahi aie i hoaie ia ma koʻu inoa e kuu wahine mare o Kahuna, a o ka poe a pau e ae ana e hoaie iaia ma koʻu inoa, me lakou no ko lakou poho. Ua holo mahuka aku oia, a ua haalele kumu ole mai iaʻu. A o ka poe a pau e malama an iaia a ikeia, e pilikia no llakou ma ke Kanawai.
E ikeia ka oiaio o keia, ke kau nei au i koʻu pulima i keia la.
WILLIAM WARDLER (Uilama).
Kohala, Nov. 13, 1882. 1094 2ms
E KUAI ELEU IA AKU ANA !
E LOAA NO KE DALA
ME KA HAKALIA OLE !
Ina e makemake kekahi mea e kuai i kekahi lio a maiu lio paha, e hele ae oia i na Agena o Cavenagh (Kavana) ma ke Helu 88, Alanui Moi. He hiki no ke waihoia na lio iloko o na halelio me ka uku ole, no 1 a i ole 2 pule.
He 5 keneta Komisino, ke lilo kekahi lio i ke kuai. 1094 4t
NA HOOLAHA.
Aha Hookolokolo Kiekie o ko Hawaii Pae Aina, ma ka hooponopono waiwai. Ma ka Waiwai o KAUAHI k. o Honolulu, Oahu i make, kauoha ole. Imua o ka Lunakanawai Hon. A. F. Judd. Olelo Kanoha e hoolaha aku no ke noi ana mai e koho i Laua Hooponopono Waiwai.
Ma ka heluhelu a me ka waiho ana mai o ka palapala noi a H. Kepohoai o Honolulu, Mokupuni o Oahu. e hoike mai ana o KAUAHI k. no Kalaepohaku, Honollu, Oahu, ua make kauoha ole ma Kalaepohaku, ma ka la --- o Ianuari, M. H. 1882, a e noi ana e haawiia ka Pakapala Hookohu Luna Hooponopono Waiwai ia H. Kepohoai.
Ua kaaohaia o ka POALIMA, ka la 1 o DEKEMABA, M. H. 1882, ma ka hora 10 A. M., oia ka manawa i kohoia no ka hoolohe ana ua noi la, imua o na Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolaha ia ma ka olelo Hawaii, i ekolu pule ma ka NUPEPA KUOKOA, he nupepa ma Honolulu.
Kakauia ma Honolulu, ko Hawaii Pae Aina,
Nov 5, M. H. 1882. A. F. Judd.
Ikea: Lunakanawai Nui o ka Aha Kiekie.
D. K Fyfe, Hope Kakanolelo. 1093 3t
OLELE HOOLAHA.
E ike auanei na kanaka a pau, owau o ka mea nona ka inoa malalo iho nei, ke kauoha aku nei au i ka poe a pau i aie mai i na waiwai o koʻu halekuai e ku nei ma Hawi, Kohala Akau, e hoihoi a hookaa koke mai lakou i ko lakou aie iaʻu iloko o na malama ekolu mai keia la aku. A ina aole e hookaa mai a hala na malama ekolu i oleloia, alaila, e hoopii no au ma ke kanawai o ka aina E wiki ! E wiki !! O hala ka manawa.
Owau no o ko oukou makamaka oiaio,
J. C. AIONA.
Hawi, Kohala Akau, Oct. 29, 1882.
1092 4t
HOOLAHA A KA LUNA OHI AUHAU.
APANA O HONOLULU, OAHU, 1882.
O ka poe hookaa auhau a pau o keia Apana, ke kauohaia aku nei lakou e ka mea nona ka inoa malalo, e hoomaka ia ana ka ohi ana o na Auhau o keia makahiki, ma kona keena oihana ma kahi hale makai o Aliiolani Hale, ma ka
POAKAHI, NOVEMABA 6, 1882.
a ma ia la e weheia ai ka Buke Helu. A i kulike ai me ka Mokuna 303 o ke Kanawai Kivila, ua kauohaia ka poe a pau i kupoo no ka auhau, e hookaa koke lakou i ko lakou mau auhau mamua ae o ka la 30 0 Novemaba, 1882. GEO. H. LUCE,
Luna Ohi Auha o Honolulu.
Keena Auhau, Honolulu, Nov. 2, 1882.
1093 3t
S. B. DOLE,
He Loio a he Luna Hooioio Palapala.
E hiki no iaia ke lawelawe i na hihia o kela
a me keia ano imua o na Ahahookolokolo
a pau o keia aupuni.
KEENA HANA---Ma Alanui Kaahumanu
S. AUKAI.
LOIO ! LOIO !!
Honolulu, oct, 19 1882. 1090 3ms
HE NUI ANEI KOU MAKE MAKE I NA
Mikini Humuhumu Lole !
Ina pela, e kipa mai no ma ka Halekuai o
Kakela & Kule !
A malaila oukou e ike ai a makaikai i na ano
Mekini a WHEELER a me WILSON
mai ke $40 a hiki i ke $50 ke kumukuai
ka mea hookahi.
NA MAKINA A SINGER !
ma ke $50 pakahi me ke ano
MAKINI A WIILCOX ME GIBBS
ma ke $30 a hiki i ke $50 ke kumukuai.
I mea e pau ai ko oukou kanalua e na makamaka no ke
kupono o keia mau Mekini, e naue mai no
me ke kuihe ole, a e ike no oukou iho.
628 tf
HALEKULA ! HALEKUA !!
No na eikikane a me na
Kaikamahine.
MISS PRESCOTT
KE KUMUAO.
Aia ma ka hale hou iho nei o Aberahama ma Alanui Moi ma Kulaokahua. Ua weheia i keia wa. He mau wahi kupono no hoi kekahi no na Haumana noho paa.
OLUOLU KA AUHAU.
E ninau ia MISS PRESCOTT ma kahi i hoikeia maluna. 1093 4t
HOOLAHA KUAI A KA ILAMUKU.
Henry F. Glake, mea hoohalahala, kue ia Kaumiumi mea pale. Imua o ka Hon. A. F. Judd, Lunakanawai Nui o ka Aha Kiekie a Kaulike o ko Hawaii Pae Aina.
Mamuli o ka mana o kekahi kauoha i hoopukaia e ka Aha Kiekie a Aha Kaulike o ko Hawaii Pae Aina, no ka pono o ka inoa a ka mea hoohalahala, no ka huina dala he Eono Haneri me Kanaonokumamaha me ehiku ke neta ($664.07), no ke kumupaa, ukupanee me na lilo, a me ka auhau loio he Kanalima dala ($50). E kuai aku ana au ma ke alo iho o ke Keena Hookolokolo ma Honolulu, Mokupuni o Oahu, ma ka
Poakolu, La 20 o Dekemaba, 1882,
na pono a me na kuleana a pau o ka mea pale i oleloia, iloko o ka hapalua i mahele ole ia o kahi i morakiia, i hoakakaia ma ka Palapala Sila Nui 2654 malalo iho, penei:
"E hoomaka ma ke kihi hema mauka a keia, pili me ka aina o Pohuluhulu me Kukaua a me Kaliu; a e holo ana hema 40 ½ ' kom., 37 kap.; hema 43 ½' hik., 37 kap.; hema 45 ½' kom., 84 kap ; akau 74 ¼' kom., 11 kap.; hema 43 ¼' kom., 49 kap.; alaila ma ka aina Pohuluhulu o ko Malihini, akau 60 ¼' kom., 37 kap.; akau 30 ¼' hik., 37 kap.; akau 44 ¼' kom., 77 kap.; akau 71' kom., 27 kap.; hema 46 ¼' kom., 50 kap.; akau 50 ½' kom., 55 kap.; alaila 45 ¼' hik., 107 kap.; hema 49 hik., 85 kap.; akau 36 ¼' hik., 85 kap.; alaila hema 50 ½' hik., 93 kap.; a hiki i kahi i hoomaka ai," nona ka nui he 723 2-10 anana, e waiho la ma Puunui, Honolulu, Apana o Kona,Mokupuni o Kona, ke ole e hookaa mua ia mai na koina lilo i hoikeia maluna a me ko'u uku Komisina.
1094 4t W. C. PARKE, Ilamuku
UA MEKEMAKE IA
NA ILI BIPI,
NA KIWI BIPI,
NA IWI BIPI,
E haawi ia no ke kumukuai kiekie o ko kakou makeke nei e
H. HACKFELD & CO.
Honolulu Mei 22,1880. @64
NA HOOLAHA.
Iloko o ka Aha Hookolokolo Kiekie o ke Aupuni Hawaii. Kalakaua ma ka lokomaikai o ke Akua, o ko Hawaii Pae Aina Moi.
Ia William C. Parke Esquire, Ilamuku o ke Aupuni, a i ole i kona Hope. Me ka mahalo.
Ke kauohaia aku nei oe e kii aku ia Henry Giles, ka mea i hoopii ia. ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia. e hele mai imua o ka Aha Hookolokolo Kiekie. ma ke kau o Okatoba a ua Aha la e malamaia ana ma ke Keena Hookolokolo o ka Hale Hookolokolo ma Honolulu. Mokupuni o Oahu, ma ka Poakahi, la a o Okatoba e hiki mai ana, ma ka hora 10 A. M. , e hoike mai no ke aha la e ae ole ia ai ke noi a Emeline Giles, ka mea hoopii, e like me ka mea i hoakakaia iloko o ka palapala hoopii i pakuiia. A e hoihoi mai oe i keia palapala me ka hoike piha o kau mau hana mamuli o keia palapala..
Ikea ka Me Hanohano A. Francis Judd,
Lunakanawai Nui o ko Makou Aha
Hookolokolo Kiekie, ma Honolulu,
keia la 1 o Sepatemaba, A. D. 1882.
[Sila o ka Aha Kiekie.]
(Inou) A. ROSA, Hope Kakauolelo.
I keia palapala kii, ua pane ka Ilamuku penei:
KEENA O KA ILAMUKU. }
Honolulu, Sepatemaba 1,1882. }
Oiai ua imi au ia Henry Giles i oleloia maloko o keia palapala kii, ke hoihoi aku nei au i keia palapala kii me ka hooko ole ia, no ka loaa ole ana o ua Henry Giles la i oleloia iloko o keia Aupuni.
[Kakauinoaia] W.C. PARKE,Ilamuku.
KO HAWAII PAEAINA,}ss
Honolulu, Oahu. }
Ke hoike nei au ma keia, o ka palapala maluna ae, he kope oiaio a pololei ia o ka palapala kii i hoopukaia ma ka hihia oki mare o Emeline Giles, kue ia Henry Giles, a me ka hoike a ka Ilamuku no ia mea, a mamuli o ua hoike la a ka Ilamuku, ua kauoha ka Aha ma ke Kau o Okatoba, A. D. 1882, e hoopaneeia ua hihia la a ke Kau o Ianuari, A. D. 1883, a iloko o ia manawa kowa, e paiia i kope oiaio o ua palapala kii nei e like me ka mea i hoakakaia ma ke kanawai, e kahea aku i ka mea hoopii ia e pane mai ma ke Kau o Ianuari. i oleloia.
I hoike no ia mea, ke kau nei au i ko'u lima i keia la 9 o Okatoba, A. D. 1882.
[Sila o ka Aha Kiekie]
JNO E. BARNARD,
1089 6t Kakauolele o ka Aha Kiekie.
Iloko o ka Aha Hookolokolo Kiekie o ke Aupuni Hawaii, Kalakaua ma ka lokomaikai o ke Akua, o ko Hawaii Paeaina, Moi ; ia William C. Parke, Esquire, Ilamaku o ke Aupuni a i ole i kona hope, me ka mahalo.
Ke kauohaia aku nei oe e kii aku ia Charley Cash ka mea i hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia. e hele mai imua o ka Aha Hookoloko Kiekie, ma ke Kau o Iulai o ua Aha la, e malamaia ana ma ke Keena Hookolokolooka Hale Hookolokolo ma Honolulu, mokupuni o Oahu, ma ka Poakahi, la 3 o Iulai, e hiki mai ana, ma ka hora 10, A.M.. e hoike mai no keaha la e ae ole ia ai ke noi a Kamaka, w., ka mea hoopii, elike me ka mea i hoakakaia iloko o ka palapala hoopii i pakuiia. A e hoihoi mai oe i keia palapala me ka hoike piha o kau mau hana mamuli o keia palapala.
Ikea ka Mea Hanohano A. Francis Judd,
Lunakanawai Nui o ko Makou Aha Hookolokolo Kiekie, ma Honolulu, i keia la 9 o Iune, A. D, 1882.
[Sila o ka Aha Kiekie]
(Inoa) A. Rosa, Hope Kalauolelo.
I keia palapala kii, ua pane ka Ilamuku penei :
Ke hoihoiia aku nei keia palapala kii me ka hooko ole ia, oiai, ua haalele ua Charley Cash i keia Paeaina ma ka la 18 o Mei, 1882, maluna o ka moku W. H. Meyer.
(Inoa) W. C. PARKE, Ilamuku.
Honolulu, Iune 10, 1882.
KO HAWAII PAEAINA,}ss
Honolulu, Oahu. }
Ke hoike nei au ma keia, o ka palapala maluna ae, he kope oiaio a pololei ia o ka palapala kii i hoopukaia ma ka hihia oki mare o Kamaka, w., kuei a Charley Cash, a me ka hoike a ka Ilamuku no ia mea ; a mamuli o ua hoike la a ka Ilamuku, ua kauoha ka Aha ma ke Kau o Okatoba, 1882, e hoopaneeia ua hihia la a ke Kau o Ianuari, A. D. 1883, a iloko o ia manawa ka wa e paiia i kope oiaio o ua palapala kii nei elike me ka mea i hoakaka ia ma ke kanawai, e kahea aku i ka mea hoopiiia, e pane mai ma ke Kau o Ianuari i oleloia.
I hoike no ia mea, ke kau nei au i ko'u lima i keia la 9 o Okatoba, A. D. 1882.
[Sila o ka Aha Kiekie]
JNO E. BARNARD,
1089 6ts Kakauolele o ka Aha Kiekie.
Hoolaha Lunahooponopono Waiwai.
Ma ka waiwai o Kawainui, k., i make, no Mailea, Hlo. Hawaii.
Ke kauohaia nei na ano kanaka a pau i aie ia Kawainui, k., e hookaa koke mai i ko lakou aie ia'u. A o na mea a pau a Kawainui i aie ai e hookomo koke mai lakou i ka lakou mau bila aie iloko o na malama eono. o loaa ole auanei ke dala. T. HAALUIII,
Lunahooponopono Waiwai o Kawainui,
Hilo, Oct. 6, 1882 1090 4t
KO BIHOPA MA
BANAKO MALAMA DALA.
E MALAMA NO MAUA I KE KALA o na kanaka maloko o ka Banako, penei:
Ina hoomoe mai ke kanaka hookahi i na dala $300 a emi mai paha, alaila, e uku maua i eono hapahaneri uku panee makahiki mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha. Aole ukupanee e helu ia no ka hakina o ke dala hookahi aole no hoi no ka hapa malama.
Ina ohi koke oia i kana kala, aole i hala na malama ekolu aole ukupanee.
Ina e manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana buke kekahi ke laweia mai.
Ma ke kikoo wale no a ka mea dala e haawi ai kana, ka Buke kekahi ke lawe mai.
Ma ka la mua o Sepatemaba kela makahiki a i keia, e houluulu ai i ke kala, a e huipuia ka ukupanee me ke kumupaa o na dala homoeia no na malama ekolu a keu, a mahuahua ke kumupaa e loaa i ka ukupanee.
Ina oi aku ke dala hoomoe mamua o $300, alaila, hooholo pu ka olelo.
E weheia ka Hale Banako i na la hana a pau.
851 tf BISHOP & CO.
MAKEMAKEIA.
Ua makemake ia ka poe mea ILI KAO MALOO me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.
C. BREWER & CO. (Burua Ma.)
HALA TELA HOU !
KAUKAIWA
Helu 11, Alanui Papu,
KOKOKE I KA UWAPO.
S. H. MEEKAPU
Iune 22, 1882. 1075tf
.