Ka Nupepa Kuokoa, Volume XXI, Number 47, 25 November 1882 — Page 2
| This text was transcribed by: | Paka Westin |
| This work is dedicated to: | Awaiaulu |
KA NUPEPA
KUOKOA ME KE AU OKOA.
(1 Haina)
No ka Makahiki $8 @@
Eono Mahina 2 @@
Dala Kuike ka Rala
POAONO, NOVEMABA 25, 1882
O.D. Aiwohi wale no ka i aeia e kakau inua no na dala i hookaaia mai ma ke keena ao ka Pupepa Kuokoa.
KA HUI MAHIAI HAWAII
Ma ua hoolaha la e ikeia no ke kono ana a ua Ahahui la i ka poe a pau i kuleana ma na hana mahiai, na hana naiko a me na ana hanai holoholona, a me na hana like, e komo aku iloko o ua hui la a e lilo i lala. He $5 wale no ka auhau o kela a me keia lala no ka makahiki, a he $100 ka auhau o kela a me keia lala kumau. Eia he wa kupono no ko makou mau makamaka i komo a i hana ma no oihana i hoikeia maluna, e komo a e lilo i lala no keia Ahahui. He Ahahui kupono loa kei no ka oe a pau. Ke haawi nei ke KUOKOA i kona mahalo no keia Hui Mahiai Hawaii.
KA PALAPALA A PILIPO
Ua kaliia he wa kpono e pane ia aku ai ka palapala a ka Hon. G.W. Pilipo, i puka iho nei ma ka helu o Ke Hawaii Pae Aina, a e pili ana no ka Kipikona mau kamailio ana me Pilipo a me Nawahi ma ka Hotele Hawaii, i ka makahiki 1878. Ina e hookahuli ole ia ka oiaio o keia palapala, alaila ua pili ko kakou Kuhina o ko na Aina e i ke karaima kiekie, oia ka ohumu ana e hookahuli i ke aupuni Hawaii, me ka hoopoino pu i ke ola o ka Moi. He mea hiki anei ia Kipikona ke pale pololei iaia iho ma keia hihia? Ina pela he pono ke pane oia me ka hakalia ole; no ka mea, ke kali nei na mea a pau e lohe i kana pane, a ina e pane ole oia nona iho, e manaoia auanei he oiaio ka palapala hoahewa a Pilipo, a e ili ka hewa kipi maluna ona. He mea kahaha loa keia iloko o ka noonoo o ka lehulehu: no ka mea, o ka nupepa a Kipikona, ka Elele Poakolu, ka nupepa ikaika loa i ke kapa aku ia hai he kipi. Aole poina i ka poe heluhelu pepa iloko o na makahiki elua i hala na olelo hoino a ka Elele, e kapa aku ana i na haole a me na Hawaii maoli i kulike ole ka noonoo me kona mau manao, he pono no hoi ke pane ae ka J. Nawahi i kana ike no keia mea, oiai o kona inoa kekahi i hapaiia e Pilipo. A ua lohe nui ia no hoi na manao o kahi poe e hoike ana i ko lakou makemake e lohe i kona leo e pili ana no keia hihia.
MAHALO
Aia maloko o kekahi o na awawa mauka pono o Niu, ma keia mokupuni, kahi e ulu ne na laau alani, kukane, lemi, vi o Kahiki, a me na laau hua momona e ae. He mau mahina i hala ae n ka makaikai ana o kekahi o na makamaka o ke KUOKOA ma ia wahi, a ike maka i ka malu o ia kuahiwi me ka hua o na laau e kau ana iluna o na kumu kiekie. Piha mahalo keia pepa i ka poe kahiko nana i kanu ia mau laau maloko o ia mau kuahiwi anoano, i mea e pomaikai ai, alole o lakou wale, aka o ka lakou ma keki kekahi a me na moopuna. Ua hala ka poe nana i kanu, aka ke ola nei ka hana a ko lakou mau lima; he mau kia hoomanao hanohano na kumulaau kahiko no ka poe nana i kanu a ooulu. Wahi a kahi poe kahiko o na aina e, penei: "e kanu oe i ka laau, a e ulu no ia oiai oe e hiamoe ana." O ka laau waiwai i kanuia ma kahi maikai, he waiwai ia, aole wale no ka mea nana i kanu, aka he pomaikai no kona poe mamo a me na hanauna e hiki mai ana, a he ola no ka hanauna e hiki mai ana, a he ola no ka aina kahi i ulu ai ka laau. Mahalo i ka poe ana e kiai nei a e malama pono nei i na laau i kanu mua ia e na makua a me ua kupuna o lakou.
ua kanuia no hoi na laau waiwai ma na wahi e aeo keia pae aina. Aia ma Waialua, ma Koolau ae nei, mauka o Lahaina a me Waihee a me Kipahulu i Maui; aia ma Kona i Hawaii, a me kekahi mau wahi e ae. Aka, he kakaikahi wale no nlaau waiwai i kanuia ma ko kakou mau kuahiwi, ke hoohalikeia me ka nui o ka aina i koe. A aole wale ma ke kuahiwi kahi i kupono no ke kanu laau. Pono ke kanuia kekahi mau ano laau ma na kuleana o kakou e pili ana i na kahakai. Ke ulu nei kekahi mau kumu alani a me na lemi mawaenakonu o ke kulanakauhale o Honolulu, a ua hua kekahi. Ke paipai hou nei ke KUOKOA i kona poe heluhelu e kanu i na laau. E mahalo mau ia ka poe hooulu i na laau maikai e ae maluna o ka aina.
(Kakania no ke Kuokoa)
KA WAIHONA WAIWAI O KA LAHUI
Ke noho poo ia nei ke Keena Waiwai o ke Aupuni Hawaii e kekahi Hawaii i manao nui ia; aka, ke ku mai nei nae kona kii i hooleleaka ia imua o ka lehulehu i mea makaikai ia, a heaha ka mea i ikeia?
No na malama mahuahua i hala ae nei a mahope iho o ka hookuu ia ana o ka Ahaolelo hope iho nei, neoneo ka ikeia anaku i ke Kuhina Waiwai, aole ona ike nui ia ma kona keena oihana, he nui loa k poe i makemake e ike iaia ma na mea pili i kana oihana, aka, aole loa oia i loaa aku ma kona keena oihana, a hiki wale i ko lakou hoi ana me ka nele.
Ua lono mai makou, he makemake loa ka Luna Hooia e ike pili oihana me ua Kuhina Waiwai la, aka alohe loaa iki aku iaia; a o na hana a pau i kauoha ia k kela kanawai i pili i ua Luna Hooia la a me ke Kuhina Waiwai, aole loa i hiki ia laua ke hui a kamailio pu no na mea a pau e pili ana i ka hoolilo ana; a no keaha keia? Eia ke kumu o keia ua nalowale a hele hewa paha ke Kuhina Waiwai, aia paha i ke kula, a ua poholo ia paha i na alualua.
Ina he hiki ole ke malama ia ka oihana me ka hanohano e ka mea nana e noho nei ia oihana, aole anei he mea pono i ka Moi ke kauoha aku iaia e hoihoi mai i kona hookohu. I ko makou manao makee no ka pono o Hawaii, oia wale no ka mea pono i ka Moi e hana ai.
He mea hoohilahila maoli keia i ka lahui a me ke aupuni; ma ka nana aku, oia kekahi kanaka nui, a he poo hoi no kekahi keena aupuni e hu hele ana me ka ikeia mai e na poe lehulehu e kuolo hele ana iloko o na kahua o ka poe lopa. Me ko makou makee ia hawaii, a me kona inoa hanohano, ua hoohilahilaia kakou e na hana ano e a ke Kuhina Waiwai.
I ka wa e noho Moi ana o K. IV, aia imua ona he Kuhina Waiwai ona i ke akea, a ua hoopau koke ia oia me ke kaulua ole. Aole anei he kumu hoohalike kupono ia?
Aole anei o ke kapae ia ana o na poo Aupuni kalohe, a noho uhauha, e lilo ana i ka ona a me na hana hoohaumia e ae, he mea ia e hoike aku ana i ko ka Moi hookele aupuni ana no ka pono a me ka pololei? Aole anei o ka hoopau ia ana o ke kanaka o keia ano, he mea ia e maka'uia ai ko ka Moi hooponopono aupuni ana? Ale anei o kahoopau ia o na kanaka o keia ano, he mea ia e ao ia aku ai ko ka Moi Lahui ponoi; o kka hoopono, ka noho maemae a me ka naauao ko ka Moi mau kahua koho Luna Aupuni ana? aole anei o o ko ka Moi hoopau ana aku i na poo Aupuni o keia ano, he hoike ana aku ia o ka Moi i kona makemake i kona poe opiopio ponoi e noho maemae, a e imi i ka pono io.
Ke minamina nei makou o manao hewa mai auanei kahi o ko makou mau hohanau o na Hawaii ponoi, no ka mea, he hookahi oia nei, a he nui wale hoi kakou, hookahi no hoi oia, aia iloko o kona lima ko kakou waiwai nui. He Puuku malama waiwai oia na ka lahui, ahe pono ia makou ma ka aoao o ka lehulehu ke hoke hookamani ole ae i ko makou manao kuokoa, a e hoopau koke ia na Luna Aupuni aloha ole, a minamina ole i ko ka lahui waiwai nui an e paa nei.
HAIOLELO A REV. S. PAULO MA
KA LUAKINI O KALUAAHA
MA KA LA IUBILE O MOLOKAI
Eia ka pauku olelo e pili ana no na hana o keia la. Isaia 61:1:
"Eia no maluna o'u ka Uhane o Iehova ka Haku. Ua poni mai o Iehova ia'u e hai aku i ka olelo maikai i ka poe hoohaahaa. Ua hoouna mai Oia ia'u e wahi i na naau ehaeha, e hai aku i ke kuu ana no ka poe i pio, a me ka whe ana o ka hale paahao no ka poe i paa."
Hookahi mea nui ma na ana o keia la, oia ka hoike imua o kakou i na hana a ko kakou Haku o Iesu Kristo ma ka honua a pau.
O na lahui kanaka a pau e noho ana maluna iho o keia ilihonua, aole lakou i ike, aole no hoi i lohe, alole no i manao, ua hopuia lakou a pau a lilo i poe pio. A ke noho ne lakou he poe i pio iloko o k a halepaahao o ka enemi, aole no lakou i ike he enemi kekahi nana e hoopilikia a hoopoino mai ia lakou, no ia mea ua noho lakou me ka nanea me he poe lanakila la.
O ka enemi nui nana i hana i keia hana weliweli o ke Diabolo o Satana, o ka enemi nui o ko keia ao a pau; o ka halepaahao i hanaia e ka enemi kahi i hoopaa pio ia ai o na mea a pau, oia ka hookomo ana i na lahui kanaka a pau iloko o ka pouli o ka maaupo; no keia noho naaupo ana, ua hike ole i ke kanaka ke ike i ke Akua oiaio hookahi ka mea nana i hana ka lani a me ka honua a me na mea a au, a me kakou ke kanaka; nolaila, ua manao ke kanaka e hoomana i na mea ana i ike ai he Akua ia; ua hoomana ke kanaka i ka pohaku, ka laaau, na ia, na manu, ka la, mahina, na hoku. Ua hana na lahui kanaka a pau i keia mau hana me ka manao ua pono.
Owai la ka i ike i keia mau hana ana a pau a ka enemi? O ke Akua wale no; ua ike oia ua hoopaa pioia na mea a pua ana i hana ai malalo iho o kona enemi, alole he mea e pakele ai lakou. Ua piha oia i he aloha a me ka minamina nui ia lakou, nolaila, ua hoomakaukau oia i mea e pakele ai mai ka make mai.
Ua hoouna mai Oia i kana keiki hiwahiwa i ke ao nie ma ke ano o ke kanaka. Ma Kona ano kanaka aia maluna Ona ka uhane o Iehova ka Haku; ua poni mai o Iehova iaia, a nana e hai mai i ka olelo maikai no ka poe i haahaa ka naau, a e wahi hoi i ka naau ehaeha. E hai mai k ke kuu ana'o ka poe i pio, a me ka wehe ana o ka halepaahao no ka oe i paa.
O Iesu Kriso ua hele mua Oia e wehe ae i ka halepaahao i hoopaa pio ia ai o ka lahui Isaraela. Ua hookuu Oia i kekahii poe o lakou, ua lilo ka poe ana i hookuu ai i poe haumana nana.
Ua hiki mai nie kakou i ka la 7 o Novemaba, ka la i hiki mai ai o ko kakou makua Hikikoki ma Molokai nei i ka A.D. 1832, a o ka piha ana keia o na makahiki he kanalima;
ua lilo keia i makahiki Iubile no ko Molokai mau pio.
O Hikikoki ua piha oia i ke aloha i ko Hawaii nei lahui e noho ana iloko o ka pouli o ka naaupo, ka ike ole i ke Akua oiaio, e hoomana ana i na akua kii. Aia maluna ona a me kona mau hoa ka uhane o Iehova. Ua poniia lakou e hai aku i ka olelo maikai o ka Euanalio o Iesu Kristo ka mea i hoounaia mai i ke ao nei e hookuu i na pio o Hawaii nei.
O Hikikoki ka mea i hoounaia no ko Molokai poe pio. Ko kakou mau makua e noho ana iloko o ka naaupo. Ua wehe ae oia i ka puka o ka halepaahao ma Molokai nei. Ua hookuu oia i kekahi poe pio. O ka poe i hookuuia iloko o A.D. 1833, eia ko lakou mau inoa i kakauia e Hikikoki maloko o keia buke, o Hereta Kailimalao, Lazalo a me ko laua mau hoa. Ko lakou hookuu ana i ka A.D. 1834. O Malaio-Ihu a me kona mau hoa, a he nui ka poe i hookuuia iloko o na makahiki mahope mai.
O ka poe i hui pu me ka makua Hikikoki ma ka hapai ana a me ka lawelawe ana i ka hana a ka Haku iloko o keia hapa keneturia, o Rev. Aneru, Rev. Kuaika, Rev. A. O. Polepe. I ka manawa e noho kahu ana o Polepe, ua makeleia ka Ekalesia o Kaluaaha i elua. Ua kapaia k Ekalesia o Halawa. Ua noho elua Kahu Ekalesia, o Polepe a o Rev. Nueku. Ua make o Nueku, o Rev. S. Paulo i keia manawa. Mahope o ka waiho ana o Polepe i ka Ekalesia o Kaluaaha o Rev. Heulu, o Rev. Kekoa a me ko kakou Kahu Ekalesia e noho nei i keia wa o Rev. Manase. Ua mahele hou ia o ka Ekalesia o Pelekunu me Wailau o rev. Pale ke Kahu. O keia ka poe i hui pu ma ke kokua ana e hoomau i ka hana a ka Haku iwaena o ko Molokai poe pio.
Ua lanakila kakou ma ka lanakila o Iesu Kristo ko kakou Haku maluna o ka enemi ke Diabolo. Nolaila e hauoli a e hauoli a e olioli pu kakou i keia la no ko ke Akua aloha a me kona lokomaikai nui i kona hoouna ana ma i ka mea e pakele ai kakou, i ka make mau loa. Iaia kakou e haawi nui ai i ko kakou mahalo me ka hoonani mau loa iaia, a ke haawi aku nei au i ko'u aloha ia oukou a pau loa.
MOOLELO KA PONIIA ANA O KA
DAVID KEAWEAMAHI I KAHU
NO KA EKALESIA
HOOLE POPE O WAILUKI, MAUI.
Ma ka auina la Sabati la 5 o Novemaba, hora 2:30, halawai ke anaina hoomana ma Wailuku. Na Rev. O. Nawahine i wehe ka halawai ma ia manawa, a o kana apana hana no ia. Aia kana poo olelo ma Isaia 53:8, lalani elua o ia pauku, a penei ka heluhelu ana o ia pauku:
"A owai la ka mea e hai i kona hanauna."
A o kana ninau no hoi ia e pili ana i keia pauku, a o kana wehewehe e pili ana a me kana haina no hoi no i a ninau. O ka mea i piha i ke aloha oia ka amea pono e hela ai e hai i ka hanauna, a pela aku; pau kana ia Rev. W. P. Alexanker, ka ninaniniu ana i ka mea e hoonohoia ana i Kahu Ekalesia, a me ka ninau ana i ka Ekalesia.
Pau kana, ia W.P. Kahale ka pule hoonoho a me ke kau ana o na lima me ka eehia anoano; he eono kahunapule i kau lima ia David Keaweamahi, eia ko lakou mau inoa: Rev. W.P. Kahale, Rev. W.P. Alexander, Rev. O. Nawahine, Rev. N.W. Lane, Rev. S. K. Kauwe, Rev. Daniela Puhi. Ia Rev. W. P. Kahale ka haawi ana i ka lima akau aloha me na olelo ao Uhane Hemolele.
Pau kana, ia N.W. Lane na olelo ao hoalohaloha; penei kekahi o kana mau olelo: "E kuu kaikaina aloha iloko o ka Haku o Iesu, ano, ke lawe ne oe i keia oihana a ko kakou Haku, he hana ia no kou hoinoia, a me kue ia mai, a me ka hoino pu ia aku o ko kaua Haku, aka, me ia mau hoinoia mai, ke nonoi aku ne au ia oe, e hoopili paa aku oe iaia me ke aloha a me ka hoomanawanui i na hoinoia mai a nana no e kokua i kau hana iwaena o na kanaka. Ke hoomaikai aku nei au i ke Akua no kana hoolilo ana mai ia oe i kauwa nana, a i mea hana i kona makemake, a e kuikahi pu auanei kaua ma kana hana. He oihana nui a koikoi ka oihana au e lawe nei, he oihana hoola i na uhane o na kanaka. Aole keia he oihana hanohano ma ke kino, a he mea hoi e waiwai ai ka noho ana, aka, he hana hoola keia i na uhane ma o Iesu Kristo la, ka mea nana e lawe aku i na hala o ke ao nei."
O ka hope o na hana o ia la ia Rev. W.P. Alexander ka olelo ao i ka Ekalesia a me ke anaina, penei kekahi o kana mau olelo ao:
"E na hoahanau aloha, ke paipai nei au ia kakou. Ua haawi mai nei ko kakou Haku aloha i keia hora, i kekahi paahana hou iwaena o kakou, he anela mai ke Akua mai, oia ka mea nana e puunaue i ka berena o ke ola iwaena o kakou. Nolaila, e hoolohe pono oukou ia'u mai imi oukou i kekahi m ea e mokuahana ai ka noho ana o ka Ekalesia a me ke Kahu, alole holoholo olelo, aole pono e imi i kekahi kumu e hoohiolo ai i ka oiaio o kana olelo ma kona waha. Eia keia, e mi ae oukou i mea e hooakea ai i ko oukou naau, e hana lokomaikai aku ia hai a i ko ououkou Kahu. O ka mea hooakea i kona naau e lokomaikai, oia ka mea e piha ai ka oukou mau umeke poi a me ka oukou mai ipukai. Mai pi oukou i ka oukou dala no ke kokua ana i ke aupuni o ke Akua, oia kekahi mea nui a kakou ehana ai ma ko kakou aoao."
Nolaila, ke hai nei au, ua piha ke anainaa i ka eehia a e kahe ana na waimaka o ke anaina i piha me ka naau eehia a me ke aloha i ke Akua, a me kana hana iwaena o keia kihapai Ekaleisa ma Wailuku nei, a ua piha no hoi ka halepule i na kanaka a me na haole i akoakoa mai e nana i keia hana ano e a ke Akua iwaena o ko Iesu Kristo kihapai. Nolaila, ma keia hana ana ua pau ka hemahema o keia Ekalesia no ke Kahu ole, ua loaa ke Kahu opiopio eleu, a na ke Akua no e alakai loa aku imua a lanakila loa.
Eia keia, ke hanai pono nei ka Ekalesia iaia, a ua oi aku a hanai ana mamua o ka uku i hooholoia e ka Ekalesia.
Ke hooki nei au i ka'u peni ma keia wahi, a ke haawi aku nei i ko'u aloha i na mea a pau.
Owau iho no JOSIAH HAOLE.
Wailuku, Novemaba 14, 1882.
HOIKE HUI O NA KULA SABATI O EWA A ME WAIANAE.
E@@@@ LUNA HOOPONOPONO; Aloha kula
o @@@@@@ he @@@@
E oluolu oe e hookomo ma kau nupepa i na mea hou o ka Hoike Kula Sabati o Ewa.
Koomakaia na hana ma ka hora 11 A.M. O A. Kauhi ka Lunahoomalu o ka la. Weheia na hana me ka Himeni 186, o ka B.H.H. PUle o Rev. H. Kekahuna. A pau ka pule, ua puana koke mai la ka puukani kaulana o Waianae, Mr. S. N. Aarona, i ke Mele Lahui "Hawaii Ponoi," a hui like mai la ke anaina ma ke mele ana. A pau ia, ua noho like iho la ke anaina a pau loa ilalo. Eia na Kula Sabati i akoakoa mai.
1 Kula Sabati o Waianae.
2 Kula Sabati o Honouliuli
3 Kula Sabati o Nawaielua, oia ke Kula Sabati o Waipio a me kekahi hapa o Waiawa.
4 Kula Sabati o Waiawa
5 Kula Sabati o Manana
6 Kula Sapati o Kalauao a me Aiea.
Hoike mua ia ke Kula Sabati o Manana; o Mr. toma ke alakai. Maikai na ninau baibala, nani na himeni; eleu ke alakai ma keia papa, hoihoi kana mau lawelawe ana. Na keia Kula Sabati kekahi ninau baibala maikai, oia keia: "Owai ke kanaka ma ka Baibala i hoohalieia me ke kauno-a? Ua paneia mai o Meledizekeka, no ka mea, oia ke kanaka i oleloia aohe ona mau makua, ua like ia me ke kauno-a, no ka mea ua oleloia ke kauno-a penei:
"Hihi kauno-a hihi Mana,
Aloha wale ia loaa makua ole.'
Ua hoomaha iki na hana a keia papa, a ua hoopau ia ke koena o ka lakou mau hana mahope o ka aina awakea.
Hoike ke Kula Sabbati o Nawaielua, o Mr. S. P.K. Nawaa a me kana wahine na alakai. Maikai no na ninau a me na himeni. O keia ke Kula Sabati i noi mai i ke anaina, o ka mea makemake e ninau, e ninau mai no; a aohe me nana i ninau aku. Hoopauia ke koena o na hana mahope o ka paina awakea.
Hoike ke Kula Sabati o Waiawa, o Mr. T. Kaehuaea ke alakai ma na ninau baibala, a o J.W. Nuhi ma na himeni, pui ohe, hookani pahu. Eleu no.
Hoike ke Kula Sabati o Kalauao a me Aiea. Nani keia Kula Sabati. Eleu na alakai, puia wehi na haumana i ka ua mea o ka hoihoi. O keia wale no ke Kula Sabati me na Hae Kula Sabati, ua kahaia me na hua maemae; e kau ana ke kii o ka Baibala, maluna pono o ka hae, ke kii pai o ka lani Kaulilua. Kau i ka hano ke Kula Sabati o Kalauao a me Aiea, paanaau maikai na ninau babala; he nani hoohilalaai na himeni, he eleu piha ke alakai himeni. Na keia kula i mele mai ka himeni "Kalani Kaulilua," a he ku i ke aloha. Ma keia kula kekahi wahi pokii wahine uuku, maikai loa ma ka hai paanaau ana i na ninau i palua kona maikai a me ka noakaka o koona leo i ko ka mea nui. Mahalo nuiia paipaiia. O Mr. T.S. K. Nakaanelua ke alakai ma ka himeni, a o Nr. J. Apukai ma na ninau baibala. Ua hoopau ia ke koena o na hana mahope o ka painaa awakea.
Hoike ke Kula Sabati o Waianae. Oia mau no ka nohea nani maikai o ka leo o Mr. S. N. Aarona, he ku i ka iini a loko, ke hoolohe ak; aole a'u mea e hoohalahala ai no na himeni o ka makani kaiaulu. Eleu maoli no o Mr. F. W. Kaawaloa ma na ninau baibala, maikai maoli no.
Hoike ke Kula Sabati o Honouliuli, o Nr. Kapahau ma na ninau baibala, a o Mr. S. M. Namaielua ma na himeni, puhi ohe hookani; oia nani okoa no hoi keia; he nani ka hihina ana, ku i ka lai ke nana aku. Ua hoopauia ke koena o na hana mahope o ka paina awakea.
Mahope o keia ua lulu dala na Kula Sabati, ua loaa na dala he $55.60. Hoomaha no k a paina awakea, oia ka hora 2 1/2 P.M. Hui hou mai, hora 3 1/2 P.M.
I ka hoike hou ana o na koena hana, he eleu no me ka maikai; a mai ke Kula Sabati mai o Kalauao a me Aiea, elua mau haiolelo, oia kahi pokii wahine i hoakakaia mamua, a hookahi keikikane. Mahaloia keia mau haiolelo, a ua makana pakahi ia laua elua.
Eia keia wa, ke aneane aku la e lawe o lehua i ka la.
He mau manao a hookuuia na hana o ka la.
E ahonui e Mr. Lunahooponopono a me kou
mau paahana.
S.K. KAIHUMUA
Alanui Kalepa, Nov. 20, 1882.
PIHA HAUOLI
E KA NUPEPA KUOKOA; Aloha Oe:---
No ka hiki ole ia'u ke kaohi iho i ka pii ana ae a ka ikaika o ka wai aniani o ka manao lokahi, no ka hana a ke Akua i hookomo ai i kona poe mai Kohala-loko a Kohala-waho, no na kokua ku i ke aloha, i ka heiau nan o ko kakou Akua oia oi o Kaumakapili.
No ka pokole o ka manaw a'u e kakau nei i keia leta hoohauoli a hoolana hoi i na manao o'u mau manu hulu like, mai ka laa hiki ma Kumukahi, a ka la kau i Lehua, nolala e hai au i ka mea a ko''u maka i ikepono ai; a malia o hiki kino aku ka elele a ke aloha puuwai lokahi i o oukou la.
O ka hoonohonoho ana i na dala mai Pololu a hiki aku i Kahei mai ka Rev. S. Waiwaiole, ua hiki aku ka huina i ka 1,000 dala, koe ka apana makua o Makapala iloko o keia papa helu, ai ke ahiahi o ka la 16 o Novemaba, alaila lulu dala lakou.
I ka hiki pono ana i ka manawa i oleloia, ua koho lakou me ka olioli a ku i ka lokomaikai 450 dala, hui 50 dala kokua i na makua nana i alakai keia hana nui a ko kakou Haku, Rev.
S. W. ma. Ua hiki i ka 500 dala ma Makapala ia po, a o ke kiekie no ia o na apana a pau e kau i Kilohana,
Ma ke ano ahiahi o ka Poalima, la 17, ua hiki ae la na makmaka maikai Rv. S. Waiwaiole, Rev. Kapu a me J. Kekipi, ma ka uka iu ano o Pakolea; he wahi Ahahui Opiopio keia i ka uka lilo, a kahi poe e komo ai ke kaniuhu i ka looihi ke pii.
Ua weheia na hana a ke Aua no na mea e pili ana k ka Paulo hai euanelio no ke aloha, a me ka lokahi ana o ka manao. A ua lana no ka manao oia anina uuku wale no na olelo ikaika a momona.
E hoomanao e ka mea heluhelu, he wahi keiki keia malalo o na eheu o Makapala, a he moopuna kuakahi na Kohala Akau, a i ka laukoa ana ae la e hemo aku mawaho o ka punana iloko o keia la a'u e hai nie i ka mea oiao, ua koho lakou me ka haouli a me ke aloha i 100 dala kokua ia Kaumakapili, a he $10.50 no ke kokua i na makua Rev. .W. ma; ka huina kokua no Pakolea, $110.50.
A no ka awiwi loa o na Komite e kau ma ke kaa aahi e hoi no Honolulu, nolaila, ua awiwi na hana. A hiki pono ae i ka po mahina o Hua o keia malama e haawi piha hou ai na hoa o keia Ahahui Opiopio i na lau oliva no kahi mea iki i koe.
Ke hooki nie au maanei, a na ke Komite nui e hoike piha na huahelu no na apana no na apana a pau.
Ma ka nupepa hea la auane oukou e ike koke ai i na papahi lei hala o kuu aina haaheo, a'u e puana hookai ae la, a ka lehulehu a luailo ae ai.
"Kuu lei, kuu lei, kuu lei hala o Kohala,
Ola ia kini ke a mai ka ke ahi ea,
Owau, owau, owau pu me oukou i ka piha hauoli."
R. DAVIDA
Kohala, Nov, 18, 1882.
Ma ke Kanoha
KUAI KUDALA O NA LAIKINI
KUAI AWA.
E kuai kudaiaia aku ana ma ka POALIMA, DEKEMABA 1, 1882, na Laikihi Kuai Awa malo iho nei no Hookahi Makahiki, mai Ianuari 1, 1883:
OAHU.
Honolulu..................................................................................................................3
Ewa me Waianae.....................................................................................................1
Wailalua...................................................................................................................1
Koolaupoko..............................................................................................................1
MAUI
Lahaina.....................................................................................................................2
Wailuku....................................................................................................................2
Makawao..................................................................................................................1
Hana.........................................................................................................................1
Molokai me Lanai....................................................................................................1
HAWAII
Hilo.........................................................................................................................1
Kona Akau..............................................................................................................1
Kona Hema.............................................................................................................1
Kohala Hema..........................................................................................................1
Hamakua.................................................................................................................1
Puna........................................................................................................................1
KAUAI
Lihue......................................................................................................................1
Koloa......................................................................................................................1
Hanalei......................................................................................................................1
E kudalaia aku ana na laikini no Oahu ma ke alo o Aliiolani Hale, ma ka i hoikeia maluna, i ka hora 12 awakea.
O na laikini no na mokupuni e ae e kuia ia no maloko o ko lakou mau apana ihi, ma na wahi a na Makai Nui a o ko lakou ma Hope paha e kauoha ai.
O ke Kumukuai e hoomaka aku ai ke kono ana--no Honolulu he $500 no kela me keia laikini; a no Hilo, Lahaina a me Wailuku, $300 na ka laikini hookahi: a no na apana e ae aku a pau $100 pakahi.
HOAKAKA--E hookaa mua i 25 pa keneia i ka manawa e haule ai ka hamare, a e lilo loa ia uku mua ke hookaa pau Ole ia ka huina pau o ke kumukuai o ka laikini iloko na la he 10 mai ka la aku o ke kudala ana.
JNO. E BUSH,
Kuhina Lakaiaina
Keena Hoonaauao, Nov. 13, 1882. 1095 2t
Ua hookohuia aku o Mr. W. F. Mossman e ka Papa Hoonaauao, i Luna Kula no ka Apana o Makawao, Mokupuni o Maui, ma kahi o Mr. H.P. Baldwin i waiho mai.
W. JAS. SMITH
Kakauolelo
Keena Hoonaauao, Nov. 21, 1882. 1096 3t
I kuiike ai me ka mana i hookauia maluna o'u, ua kauoha aku au e hanaia i Pa Aupuni no na holoholona hele hewa ma Paalaa-uka, ma ka Apana o Waialua, Oahu.
JNO. E. BUSH,
Kuhina Kalaiaina
Keena Kalaiaina, Nov. 18, 1882 1095 3t
KUAI AINA AUPUNI
Ma ka POAKOLU, La 27 o DEKEMABA, 1882, ma ke alo o Aliiolani Hale, ma ka hora 12 o ke awakea, e kuai kudalaia aku ana kela mau apana aina Aupuni i ikeia ma ka inoa o LELEPAUA a me KAIHIKAPU, e waiho la ma Kona, Oahu, a i hoolimalimaia i k a la 1 o Sepatemaba, 1877, ma ka $200 o ka makahiki.
Manawa--Dala Kuike. Uku koho, $500 a pii aku no na apana a elua.
JNO. E. BUSH,
Kuhina Kalaiaina
Keena Kalaiaina, Nov 2, 1882 1095 3t
KUAI HOOLIMALIMA O NA AINA
AUPUNI
Ma ka POALIMA, DEKEMABA 8, ma ke alo iho o Aliiolani Hale, ma ka hora 12 awakea, e kuai kudalaia aku ana ka hoolimalima o kela Apana Aina o ke Aupuni e waiho la ma ke kualapa hema hikina o Puowina.
Manawa Hoolimalima. Elima makahiki, no $120 o ka makahiki, e uku mua ia i kela a me keia hapalua makahiki.
JNO. E. BUSH,
Kuhina Kalaiaina
Keena Kalaiaina, Nov. 6, 1882 1093 3t
Aie Aupuni
Ke hoolahaia aku nei ma keia, o na noi a pau no kekahi mau Aie Aupuni hou a hiki i ka $500,000, e waiho mai ma ka Waihona o ke Aupuni.
O ka ukupanee he eono pa keneta no ka makahiki a e hookaaia ma kela a me keia hapalua makahiki.
Aole no hoi ke hiki ke heluia na bona e na Luna Helu ma ke ano he waiwai maoli, no ka mea ua hookuuia na auhau o ke Aupuni maluna o keia mau bona.
SIMON KOLOA KAAI
1083 tf Kuhina Waiwai
I NALUNAKANAWAI APANA A ME
HOOMALU--E HOOLOEMAI!
Aole e hiki ke mahele i na hoopai, i hooholoia malua o na Kaua haalele hana, a hoole hana paha, me na Makai. No ka Waihona Aupuni ka hoopai holookoa.
Ma na Apana kahi i hoonohoia na Makai uku mahina wale no, aole e hiki ke mahele me lakou i na uku hoopai a me na koina, koe na hihia opuma a me na hihia o ka hoopae. Dute ole ama o ka waiwai.
Ua pili keia i na hihia Karaima a me na hihea Kivila. A.F. JUDD
Lunakanawai Nui o ka Aha Kiekie.
Honolulu, Nov. 6, 1882
Ikea:
Jno. E. Barnard, Kakauolelo o ka Aha Kiekie. 1093 3t
KEENA WAIWAI, )
Honolulu, Nov. 4,1882 )
O na Keonimana malalo iho, ua hookohuia lakou i mau lala no ka PAPA HOOPII AUHAU no ka makahiki 1882.
OAHU
Honolulu........................................................................W.O. Smith, J. Moanauli
Ewa me Waianae.............................................................S. Previer, S.K. Kuhano
Waialua...........................................J.F. Anderson, J.N. Kaiaikawaha, J.O. Davis
Koolauloa...................................................................J.L Naili, J.W. Kauwealoha
Koolaupoko....................................................................T.A. Lloyd, G. Barenaba
MAUI
Lahaina........................................................................H. Dickenson, J.O. Kawehe
Wailuku...................................................................J. Boardman, L.W.P. Kanealii
Makawao.........................................................................C.K. Kapule, C.H. Dicky
Hana............................................................................................M. Pico, J. Smith
Molokai me Lanai..........................................................D. Kailua, A. Kapaehaole
HAWAII
Hilo......................................................................................J.D. Mills, E.P. Hoaai
Puna.................................................................................R. Rycroft, J.N. Kamoku
Kau................................................................................G.W. C. Jones, N.C. Haley
Kona Hema............................................................................J. Kuaimoku, S. Kino
Kona Akau.............................................H. Weeks, S. Haluapo, J.W. Makanoanoa
Kohala Hema....................................................................J.W. Kuakini, Z. Paakiki
Kohala Akau.................................................................G.F. Holmes, H.L. Sheldon
Hamakua............................................................................H. Cooper, C. Williams
KAUAI
Hanalei.......................................................................C. Bertellmann, J.M. Gibson
Kawaihau............................................................................W.H. Rice, D. Makaliu
Lihue..................................................................................W. Lovell, J.B. Hanaike
Koloa..........................................................................L. Kahlbaum, S.W. Kauanoe
Waimea...............................................................G.B. Rowell, F. Bindt, A Kaukau
Niihau..................................................................................J. Kaika, J.W. Kaapuni
SIMONA KALOA KAAI,
1093 3t Kuhina Waiwai
Aha Hookolokolo Kiekie a ka Hawaii @@ Aina. Ma ka hooponopono waiwai. Ma @@ hana o kaWaiwai o AH Wo o Ko, Hawaii i make. Ma ke Keena, imua a Lanimakanaka wai nui. Kauoha e hoolaha i na e @@@@ na papa hoike, hookuu ana, a e mahele @@@ waiwai.
Ma Ka heluhelu a me ka waiho ana mai @@@ palapala noi a me ka papa hoike @@@@@ Luna Hooponopono o ka Waiwai @@@@@@ no Kona, Hawaii i make, e nei ma @@@@@ noia na hoolilo he $2340.15, a e hoike ma @@@@ mea i loaa mai iaia he $2349.15, a e @@@@@@@@ na a aponoia kela mau mea, @@ @@@@@ mahele i na waiwai e waiho ana ma kona @@@@@@ i na mea i kuleana malaila. a e @@@@@@ iaia a me kona mau hope @@@@@@@@@@ ana ma ia ano.
Ua kauohaia, o ka POA@@@ @@ @@@@@@@ DEKEMABA, 1882, ma ka hora 1@ @@@@@ imua o ua Lunakanawai la. make K@@@@@@@ ka Hale hOkolokolo ma A@@@@@@@ Honolulu, oia kahi a ame ka @@@@@ koho ia no ka hoolohe ana @@@@@ la, a me ka papa hoike i @@@@@@@@ poe a pau i pili malaila, e hele @@ @@@ ke kumu, ina he kumu io ka @@@@@@@@ ai ua noi la, a malaila e hoike mai @@@@@@@@ o na mea i kuleana maloko o ka a @@@@@@ ia. A o keia kauoha ma ka @@ Hawaii@@@ Enalani, e paiia maloko o ka N@@@@@@ KOA me Hawaiian Gazette @@ @@ nupepa i pai a hoolahaia ma @@@@@@ ekolu pule mamua ae o ka manawa @@@@@@ ka hoolohe ana.
Kakauia ma Honolulu, ka Hawaii@@@@@ i keia la 14 Novemaba, M. H. 1882
A. Fran@@@
Ikea: Lunakanawai Nui o ka Ana N@@
D.K. Fyfe, Hope Kakauolelo ka @@
Kiekie 1094 @@
Aha Hookolokolo Kiekie o ka H@@@@@ Aina, ma ka hooponopono waiwai M@@@@ waiwai o ELIAMA w, o Kalihi. @@@@ @@@@ kauoha ole. Imua o ka Lunaka@@@@@ @@ H. Austin. Olelo kauoha e hoolaha @@@ @ @ noi ana mai e koho i Lunahooponopono wai.
Ma ka heluhelu a me ka waiho @@@@@@@@ palapala noi a Kahookuilani ao Ka@@@ Honolulu, Oahu, e hoike mai ana e @@@@@@@@ Kalihi i oleloia ua make kauoha @@@@@@ wao, Molokai, ma ka la --o-- @@@ 1882, me ka hana ole i Palapala @@@@@@@ loa, a e noi ana e haawiia ka Palapala @@@@@@ hu Lunahooponopono Waiwai ia Kah@@@@ni w, ka makuahine o ELIAMA w, i make @@@ oha ole.
Ua kauohaia o ka POAKAHI, ka @@@@@@ KEMARA, M.H. 1882, ma ka hora @@@@ oia ka manawa i kohoia no ka hoolohe ma@@@ ua noi la, imua o ua Lunakanawai la. ma e Keena Hookolokolo o keia Aha. ma Honolulu, a ma ia manawa a ma ia wahi no e @@@@@ai na mea a pau i pili e hoike mai i ke @@@@ noi la. A o Keia olelo kauoh e hoolahau @@ ka olelo Hawaii, i ekolu pule ma ka NUPEPA KUOKOA, he nupepa ma Honolulu.
Kakauia ma Honolulu, ko Hawaii Pae Ana.
Nov. 17, 1882 BENJ. H. A@@@@
Ikea: Lunakanawai o ka Aha Kieke
D.K. Fyfe, Hope Kakauolelo, 1094 @@
Aha Kiekie o ko Hawaii Pae Aina. M@@@ hooponopono waiwai. Ma ka waiwai o D. K@KUA(k) o Honolulu i make, kauoha. Imua ka Lunakanawai Hon. A. Francis @@@@ Olelo kauoha e hoolaha aku no ke noi ana @@ e koho i Lunahooponopono Waiwai.
Ma ka heluhelu a me ka waiho ana @@ o ka palapala noi a Beni Kekua o Mak@@@ Mokupuni o Maui, e hoike mai ana, o D. K. KEKUA(k) no Honolulu, ua make kauoha ma Honolulu, ma ka la 10 o Novemaba, M.H. 1882, a e noi ana haawiia ka Palapala H@@@@ Lunahooponopono iwai iaia a me K@@@(w) ka wahine mare.
Ua kauohaia, o ka POALUA, ka la 5 o DEKEMABA, 1882, ma ka hora 10 o kakahiaka, oia ka manawai kohoia no ka hoolohe ana ua noi la, imua o ua Lunakanawai la, make Keena Hookolokolo o keia Aha, ma Honolulu a ma ia manawa a ma ia wahi no e hele mai i na mea a pau i pili e hoike mai ke ke kumu, @@ he kumu oiaio ko lakou, e ae ole ia ai ua @@ la. A o kiea olelo kauoha a hoolahaia ma ka olelo Hawaii, i ekolu pule ma ka NUPEPA KUOKOA, he nupepa ma Honolulu.
Kakauia ma hOnolulu, ko Hawaii Pae Ana
Novemaba 13, 1882 A. FRANCIS J@@@
Ikea: Lunakanawai o ka Aha K@@@@
D.K. Fyfe, Hope Kakauolelo, 1094 @@
C.H. MAKEE A. A. COURTENEY
MAKEE &COURTENEY
HANA POI! HANA POI!!
MA WAIHEE, MAUI
O na Paiai aweawe, ono, a kuhinia, @@@@@ no ma ko maua hale hana Paiai ma kah@@@ ikeia maluna. O ka poe a pau ma na mokupuni e ake ana i mau Paiai, e hiki no ia @@@@ le pplako aku a lawa pono ka makemake. E laweia no no Paiai ma Maalaea. He@@@ keneta o ka paona.
He 60 aina Kalo a oi e mahiia nei i k@@ @@
Eia ka wa kupono a e hoouna awiwi m@@@@ na kauoha.
Na kauoha ma na leta e hooko awiwi la.
1089 3ms
CALIFORNIA
FURNITURE CO.
_________
O KEIA HUI A HALEKUAI O
Na Lako Hoonani o na Hale!
I ike mua ia iho nei ma kona kahua mea iho nei ma ke Alanui Papu, makai iho o ka
Halekuai o na Mea Kani o Geo. F. Wells
Ua Hooneeia ai Nei a i na
Helu 56 me 58 Alanui Moiwahine
He Hookahi Ipuka ka manao mai ka Hale M@
___________
A malaila e loaa ai na Lako Hale Emi Loa.
Eia iho ka inoa o ia mau Lako Hale:
Na Moe maikai loa,
Noho o na ano a pau,
Noho koki, Pakaukau,
Noho huleilua,
A HE NUI AKU.
________
EIA PU NO HOI ME MAKOU,
Na Uluna,
Na Bela Moe,
Na Kihei Moe,
A me na Pale Uluna.
A oiai na makou iho no e hana keia mau mea maluna ae nolaila e kuaiia aku ana me ke
Kumukuai Haahaa Loa!
E.P. ADAMU Agena
OLELO HOOLAHA
Ke papa ia aku nei ka poe a pau e ki ana i na manu maluna o na aina ma Kaneohe, Kailua, Koolaupoko, Mokupuni o Oahu. O ka poe e kue ana i keia, e hoopii ia no ma ke Kanawai. M. ROSE,
Luna o ka Hui Mahiko o Kaneohe
Nov. 1, 1882 1094 4t