Ka Nupepa Kuokoa, Volume XXI, Number 45, 11 Nowemapa 1882 — HE MAKE MAINOINO. [ARTICLE]

HE MAKE MAINOINO.

Ma kekahi wahi kulanakauhale uuku ma Onatario, ua pioo nui na makaaina. na o ua wahi kulanakauhale nei ma o ka make ana o kekahi kaikamahine haipule na kekahi mau makua kuonoono oua wahi kuianakauhale nei. Penei ke kumu o kona make ana. Ma kekahi la Sabati, ua hoounaia oia mamua e hele i ke Kula Sabati, a hoi mai oia alaila hele aku na makua. O l>e kumu i hanaia ai me keia, i loaa ka mea nana e kiai ka hale. Ia hoi ana mai o keia kaikamahine i ke awakea, oia ka wa a na makua i haele ai i ka halawai. Aia ma kahi kokoke ana i keia hale, he hale okoa aku no ahe hookahi wale no mea o loko o ua hale la. Ikawa i hele ai na makua o keia kaikamahine i ka pule, ia wa i mai ai o kekahi ahi nui e a ana iloko o ka pa o keia hale e ka mea o ka hale e pili kokoke mai ana. Holo mai la oia e nana a ike iho la oia i ua kaikamahine la e ku ana iwaenakonu o ka lapalapa oke ahi e haliu ana kona mau maka iluna. E a pna ke ahi a puni kona kino, holo aku la oia a hopu viku la i kona kino a lawe aku la ma kekahi muliwai. Kinai iho la oia ike ahi a pio. Ua moa pu iho la mai luna mai o kona poo a hiki ilalo ona wawae. Ua kamau iki oia no 4 hora a puana ae la oia 1 keia wahi hopuna olelo, "Ke hele nei au i o lesu la," a make aku la oia. Ua komo aku na makua iloko o ka rumi o keia kaikamahine a loaa aku la maluna 0 ke pakaukau kekahi palapala, a e i ana ua palapala la ua uluKua oia i keia ola ana, a ua jxia kona manao e mohai 1 kona ola iloko o ka wena o ke ahi.