Ka Nupepa Kuokoa, Volume XXI, Number 44, 4 November 1882 — NA MEA HOU O HILO. [ARTICLE]

NA MEA HOU O HILO.

E Ka Nupepa Kuokoa ; Aloha Oe:— He wahi ukana ka'u e hooili aku nei ia oe, a nau hoi ia e hoaiai ae ma na kihi eha o keia mau paemoku. He nui ka mai e laha nei ma Hilo nei i keia mau la, oia ka mai hi koko, ke laha nui nei ia anoano ino ma kela wahi keia wahi, pau o na kane, na wahine me na keiki pu. He keu keia o ka mai ikaika, nie ka malama loa e pono ai. Ua haalele mai i keia ola ana, ma ka la 11 o keia mahina, o Mr. Hehena. lle mai hi koko kona i make ai. Aloha wale ia. No ka Ahahui Opiopio.—Ua hoala ae nei makou i A)iahui Opiopio ma Onomea, ma na la mua o keia mahina. Ke ala nui mai nei na kane me na wahine e lawelawe i keia hana maikai, oia ke pale ana aku i na mea ino, oia ka waiona, malalo o ke alakai ana o Rev. J. H. Pahio me I). Kamai. O laua no na poo o keia ahahui, o makou aku malalo o na hoahanau, e lawelawe pu ana i keia hana maikai. He kumu ia e alakai aku ana i loaa ka noho'na kristiano oiaio. He nui ka mahalo oka mea e kakau nei i ka loaa ana o keia hana maikai nia Onomea nei. Nolaiia, ke poloai aku nei au i na wahi i koe aole i loaa keia haawina, e huli i loaa, a kau i kauj>oku o Hanalei. Ua lawa ae la au maanel No ka Luna Hooponopono ko'u welina, a me na keiki ulele hua melala ka welina pau ole. J. B. M. Kapule. Aleamai, Hilo, Okatoba 26, 1882.