Ka Nupepa Kuokoa, Volume XXI, Number 43, 28 October 1882 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXI, HELU 43. POAONO, OKATOBA 28M 1882. NA HELU A PAU 1091

 

NA HOOLAHA.

 

MAIKAI KA HOI

 

KA PAPA,

A ME

KA LAAU O KOU HALE.

NOHEA LA?

 

KAI NO HOI NO KAHI O

 

WAILA MA.

 

@@na aku no hoi ia la ohi ka lo o ka laau o Makawao, I ka ua mea hoi o ka nani.

 

NA PAPA! NA PAPA!

A ME

 

Na Pono Kukulu Hale

 

O na Ano no a Pau.

 

AIA MA KE KIHI O NA ALANUI

 

Papu me Moiwahine,

 

HONOLULU .

 

Alaila ! loaa ai e like me ka makemake no ke

KUMUKUAI MAKEPONO LOA.

 

PAPA! PAPA! PAPA!

 

A PAPA HULUHULU,

NA PAPA MANOANOA,

NA PAPA I KAHIIA,

NA PAPA KEPA,

PAPA HOLE KEOKEO,

PAPA HOLE ULAULA.

 

Na Laau Na Laau,

A KUA,

NA KAOLA,

NA AAHO,

NA MOLINA,

NA PEAPEA.

 

PINE HULUHULU,

PINE I KAHIIA.

 

PAPA A ME NA LAAU ULAULA.

 

PILI ULAULA,

PILI KEOKEO,

PANI PUKA,

PUKA ANIANI,

PANI PUKA ANIANI,

PUKA OLEPELEPE.

 

P E N A

O NA ANO A PAU,

Alu Pena wai ka liilii a ke nui,

Aila Pena,

Aila Hoomaloo,

Wanitik, Pate

 

@a Lako o kela a me keia Ano.

 

A AMI PUKA HALE,

NA AMI PUKA PA,

ANIANI.

 

PEPA HALE A ME NA LIHILIHI,

E loaa no malaila.

 

PAAKAI HELU I,

O

KAKAAKO ME PUULOA.

 

@@ KE Dala Kuike, e loaa no na mea a pau i @@ai ia ae la, @@ ke kumukuai Emi Loa. O @@a Kauoha @@@ Hawaiia Niihau, e loaa aku no ia lakou, e hooko koke ia no ia me ka la@@ a pono. E kipa nui ilaila i ike i ka oiaio.

905-lf

 

Na@oolaha @umau.

 

W. O. SMITH,

LOIO! LOIO!

Helu 36 Alanui Kalepa, Honolulu

 

W. R. KAKELA,

He Loio a he Kokua ma ke Kanawai.

 

CECIL BROWN.

LOIO A HE KOKUA MA KE KANAWAI.

 

A he Agena no ka Hooiaio ana i na Palapala no Ka Mokupuni o Oahu.

Helu a Kaahumanu, Honolulu, H. P. A.    @@@

 

ASA KAULIA,

LOIO A KOKUA MA KEKANAWAI

 

 Ua makaukau au e lawelawe i na hihia a pau ma keia Oihana imua o na Aha a pau o ka mokupuni o Oahu.  E loaa no au ma Koolaupoko, Heeia, a ma Honolulu i kekahi wa E hooko ia na kauoha mai na wahi a pau o ka mokupuni me ka eleu a me Kahikiwawe.

 

Jno. Lota Kaulukou,

 

LOIO A HE KOKUA.

 

Ua makaukau oia e lawelawe i na hihia a pau o kela a me keia ano iloko o na Aha Hookolokolo a pau o keia Aupuni.  Ua hiki no hoi ke hana i na palapala a pau e pili i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i Kekahi manawa.

901-tf

 

C. C. COLEMAN,

Amara a he mea hana Mekina

Kapili Kapuai hao lio.

 

A ME KA

 

Hana ana Kaa Lio, etc.,

Hale Hana ma Alanui Alii,

905-tf    E kokoke la i ke Alanui Papu.

 

KALE KULIKA,

 

Luna hooiaio

 

PALAPALA KUAI, MOLAKI,

A ME NA PALAPALA OIA ANO.

 

Luna Hooiaio Palapala Aelike mawaena o na

Haku a me na Kauwa. Luna Haawi Palapala Mare.

Ma ke kihi o ke Alanui Moiwahine me Kaahumanu,

kulanakaauhale o Honolulu, ko Hawaii Pae Aina.

159-tf

 

RICHARD F. BICKERTON,

(@EKETONA.)

 

Loio a he Kokua ma ke Kanawai.

 

Keena hana Helu @3 Alanui Kalepa.

 

Elua puka ma o aku o ka hale kauka o Kauka Minuteole.

 

  E hele ana oia imua o na Ahahookolokolo a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

  Ua makaukau mau oia i ka hana ana i na Palapala pili kanawai o kela a me keia ano.

  Ua hiki no hoi iaia ke hoaie dala aku ma ka mo@@kiana i na aina ma ka ukupanee@haahaa loa.

E hanaia na hana me ka hikiwawe a me ka uku haahaa.

 

George E. Sherman,

 

MEA HANA NOHO LIO

A ME

 

Na lako a pau o na Pono Hololio.

Ua maa kahiko oia iloko o keia hana, a ua kamaaina i ko Hawaii nei noho ana; he oluolu na auhau ana.  E hele mai i ikemaka.

AIA KONA HALE HANA MA ALANUI KULA,

Ma nae iho o ka Uwapo nui.

1076-6m

 

JAMES M. MONSARRAT,

(MAUNAKEA)

 

Loio o he Kokua ma ke Kanawai.

 

Imua o na aha Hookolokolo a pau o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai.  Hoolimalima a me ka hoaie dala ana.

 

A HE LUNA HOOIAIO PALAPALA

Keena hana alanui Kalepa.

 

Jan. @, @@@@            944-IY

 

JOSEPHA E. WISEMAN,

LUNAHOOPONOPONO O NA WAIWAI PAA

A ME

Luna Imi Hana.

Helu 27 Alanui Kalepa, Honolulu

 

Luna Hoolimalima no na Kumi, na Hale, a me Luna Kuai me Hoolimalima o na Waiwai haa ma na wahi a pau o ka Paemoku. Luna imi Hana no Ka poe a pau i nele i ka hana ole ma na wahi a puu i makemakeia ma kekahi mokupuni o ka Haeaina.

  N. B.-Na Palapala Hoolimalima e hanaia me ka eleu; e ohiia na Bila Aie a me na hana e ae a pau e pili ana i na hana Oihana Kalepa me ke eleu a me ka pololei. O na Unuhiolelo a me na Maheleolelo ana, e hookoia me ka maikai. O na kauoha a me na kamailio ano maloko o na @@ia no kekahi o na hana maluna ae, e hookoia me ka eleu loa.

10@6-IY

 

KA MOOLELO

 

ONILA MAKA!

Ka Makai Kiu Kaulana

 

ENELANI!

A O KA MEA

 

POHIHIHI O KA 1868.

 

MOKUNA XXVI.

 

Ka mea i ikeia ma kekahi kakahi-aka ae—Haulehia ka manaola-na o ka Makai Kiu—Komo ka aihue a puka aku la me ka ike ole ia—Ka halawai ana ma kapa kahakai—Ka moolelo a ke kanaka lawaia—Ke kino make hope loa mai ke kai mai—Halawai o Lu me kekahi mea—He mea kupaianha oiaio loa—Ka hoao hou ana.

 

Iloko o na la i au wale ua halawai pinepine mai me ka Makai Kiu na kino he lehulehu oia ano, aka aole nae i like meke kino wailua ana i halawai pu ai.

 

No ka mea, ma keia halawai ana ona me keia kino, ike aku la oia i kekahi mea nana i hoohehee aku i kona mau manao koa a pau a holo ae la ke anu huihui o ka maka’u iloko o kona puuwai me ka weliweli no ka manawa.

 

Oiai, aia mai mamua pono ona e ku aku ana kekahi mea keokeo malalo o ka malu o na lau laau.

 

Ia wa ana i ike aku ai ku iho la oia.

 He oiaio, ua hiki loa iaia ke ku aku imua o ka holoholona ahiu me ka hopohopo ole, aka, aia nae iloko o keia kino kanaka e ku malie aku nei imua me ka aahu keokeo kekahi mea nana i hoano e ae iaia, a me he mea la iloko oia hora, ua kakia paa ia oia ma ia wahi ana e ku ana.

 

Aka no ka manawa wale no nae oia o ke ku ana.

 

Owai kel? wahi ana i ninau aku ai me ka haalulu o kona leo.

 

Aole nae i pane ia mai kana ninau.

 

Aka, ninau hou aku la no nae oia me ka nee aku imua.

 

Ia wa hoomaka aku la ua mea la e nee aku ihope.

 

No keia kuemi hope ana o ua mea la, ua hoi hou mai la kona mau manao o ka wiwo ole iloko ona.

 

Aka, ua hopohopo loa o loaa ole aku iaia ua kino wailua kupaianaha la me ka maopopo ole iaia o kona ano, ua holo aku la oia imua me ka mama.

 

Aka, aia nae ma kahi a ua mea keokeo la he wahi kikee, a mamua o ka hiki ana aku o ua Makai Kiu la ma ia wahi, ua nalowale koke iho la ua kino la me ka aahu keokeo.

 

Ia wa, hoomaka aku la oia e huli pono i ua wahi la.

 

Me ka hele ana a puni ia wahi me ka manaolana e loaa aku ana iaia ua mea la ana i ike ai.

 

Aka, aole nae i loaa aku ua mea la ana e imi ana ia po.

 

Nolaila, ahewa iho la oia iaia no kona pane ana aku i ua mea la ana i  ike ai.

 

No ke aha no la hoi, wahi ana i namunamu iho ai, ko’u mea i holo ole mai ai a paa, mamua oko’u pane ana iaia e like me kekahi kaikamahine maka’u wale?

 

He hookahi hora ka loihi o kana hele kaapuni ana me ka loaa ole o kana mea i manao ai.

 

Mahope iho, komo aku la oia iloko o ka hale a hiamoe iho la iluna o ka punee e waiho ana iloko o ka rumi waiho buke.

 

Ma kekahi ahiahi ae hana hou iho la oia i kekahi me e loaa ai ua aihue la.

 

Waiho iho la keia he lehulehu wale o na kii maluna o ke pakaukau e ku ana iloko o ke keena waiho buke, a mawaena o keia huina kekahi kii wahine.

 

Na kona noonoo ponoi no keia mau mea i hoolala me ka hapala pu ia o kekahi o ua mau ii la me ke pohe ulaula, i wahi e maopopo ai iaia ka lima nana i aihue.

 

Ua kiekie ka la i ka wa a ka Makai Kiu i ala ae ai.

 

Oiai, aohe mea nana i hoala i kona hiamoe ia po, nolaila, manao iho la oia aole i hele mai ua aihue la ia po.

 

Aka, aole nae i manao nui loa ka Makai Kiu no ka mea aihue a me ke kino wailua ana i ike ai.

 

Mamuli o kona hoomaopopo iho, aole ihiki mai ua aihue la, nolaila, aole oia i manao he waiwai kekahi o ka nana ana aku ina ua lilo kekahi o na kii.

 

Mahope iho o ka o ana mai o ka malamalama, halawai mai la me ia o Pakekona.

 

Pehea oe, wahi a kekahi, malia pahaua halawai iho nei oe me kekahi mau mea ano hou e hiki ai ke hoike mai i ka mea nana i aihue.

 

Aohe a’u mea e hai aku ai.

 

Alaila, aohe i hiki mai ua aihue la ianei i keia po ea?

 

Aole.

 

Ia Pakekona i pane aku ai pela, hele aku la oia a ke pakaukau, kahi hoi o na kii i kau ia ai.

 

O ke kulana iho la no paha keia o kau mau kii i waiho ai i ka po nei?

 

Ae, wahi a ka Makai Kiu.

 

Ka! Ua lawelaweia! wahi a Pakekona i pane mai ai; a ua lilo ke kii wahine.

 

Pehea? wahi a ka Makai Kiu i puana ae ai me ke kahaha, a hoholo ae la ka ula o ka hilahila ma kona mau papalina, a haikea koke ae la hoi kona mau helehelena no ke kaumaha.

 

Malia paha nau no i lawe?

 

Aole au i hoopa i kekahi o lakou mahope o ko’u waiho ana aku iluna olaila.

 

Alaila, ua laweia e kekahi mea.

 

Ia wa, hookokoke aku la o Onila Maka i ke pakaukau.

 

He oiaio. ua lilo kekahi o na kii.

 

Iaia i ike aku ai ua lilo, ua kaumaha loa iho la oia ia wa me ka hoka maoli, aka, ua oi loa aku nae kona kahaha no ke akamai o keia aihue.

 

Iaia i komo aku ai iloko o ke keena waiho buke, pani mai la oia i ka puka, a iaia hoi i ala ae ai ike ae la oia e paa ana no, a aole no hoi he hoailona o na manamana lima iluna o kekahi o na kii.

 

Ianei iho nei hpaha ua aihue la, aole nae i loaa ia oe.  Malia paha ua hiamoe loa ia oe.

 

  He oiaio paha ia, ua hiamoe loa ia au, wahi a ka Makai Kiu me ka leo haahaa.

  Aka, ua hauoli loa nae au i kona komo ana mai iloko nei, oiai oe e noho ana ma keia keena, ina oe e makaala ana e loaa ana ia oe ua mea la.

  Ke lana nei kuu manao aole au e hiamoe hou, a hiki i ka wa e maopopo ai keia mea huna, wahi a ka Makai Kiu.

  E hoao oe i keia la e hoouna aku i kau mau kauwa a pau i kekahi wahi okoa aku.

  Ua hiki ia’u ke hana ia mea.

  E hana oe pela, a e nana hoi kaua i ka hopena oia hana, oiai aole au i hoololi ae i ko’u manao mua no ka lawelawe ana e wehe pono i keia mea huna, a aole no hoi e loli ana a hiki i ka wa e ko ai ka’u mea i hooholo ai.

  Make pakaukau o ka aina kakahiaka oia la, halawai mai la me ka Makai Kiu o Pakekona wahine a me kana kaikamahine o Lu.

  Mahope iho o ka aina kakahiaka, launa oluolu iho la keia me Pakekona no hookahi hora, a haalele iho la o Onila Maka iaia a hele holoholo aku la ma o a maanei.

  Aka o kana hana mua nae i hana ai mahope iho o kona haalele ana ia Pakekona o ka nana ana i na hoailona o ke kapuai wawae o ke kino wailua ana i ike ai i ka po.

  Aka aohe nae ana mea i ike.

  Mahope iho oia, hele aku la oia no kapa kahakai.

  Iaia e nanea ana i ka hele me ka hoolono ana i ka owe nenehe a ke kai, ua poina loa ia oia no kana hana.

  Aka, hiki mai la nae oia ma kahi a kekahi poe lawaia e akoakoa ana, oiai o ko lakou pae ana mai no ia.

  Launa pu aku la oia melakou ma ke kamailio ana.

  Ma kana mau kamailio a pau, me he mea la, na kamaaina oia ma ia oihana.

  Aohe paha he ili iki o na moku ma keia wahi? wahi a ka Makai Kiu.

  Aohe, he eono a ehiku paha mile malalo aku nei la oia kahi e @ ai na moku.

  Aohe nae paha he mau moku ili o keia manawa iho nei?

  Alima ae nei hooilo aohe he moku i ili, wahi a ke kanaka ia w@@@.

  Aohe nae paha he nae mai o na kino make iuka nei?

  He nui wale na kino make a makou i ohi ai iloko o ka makahiki hookahi.

  Pehea ka loihi mai ka wa i loaa ai ia oukou kekahi kino make?

  I kela pule au nei he kino wahine kai loaa ia makou.

  Mai kekahi moku ili mai?

  Aole, ma ko’u manao iho mai Nu Ioka mai. No ka nui loa o na kanaka o ua kulanakauhale nui la, nolaila, haule kekahi poe mailuna aku o ka uwapo a iloko o ka muliwai.

  A auhea ke kino o ua mea la i loaa aku ai ia oukou i kela pule aku nei?

  O, ua malama ia kekahi Aha Koronero e ninaninau, a hoolaha ia aku la ma o a maanei kona mau helehelena, aka, aole nae he mea i kii mai, nolaila, ua kanu ia aku la kona kino iloko o ka ilina o na malihini, kahi o na kino he lehulehu wale e waiho nei, aohe i maopopo ko lakou mau pilikana.

  He kino nae paha no kekahi wahine opio, a i ole no kekahi luahine?

  Ka, he kino no kekahi luahine.

  Mahope iho o kekahi mau kukai olelo ana, hoomau aku la oia i ka hele ana, me kona moeuhane ole ae e lohe ana oia i kekahi me ae pili ana i kona pomaikai ina i hoomau hou aku oia ika ninau ana.

  Mahope iho o kana hele holoholo ana, hoi hou aku la oia a ka hale, kahi hoi ona i hoohoka mua ia ai iloko o na makahiki he lehulehu o kana lawelawe ana i ka oihana Makai Kiu.

  Iaia i hiki aku ai i ka hale, ua hala aku o Pakekona i ke kulanakauhale. Aka, ua waiho iho nae oia he palapala e olelo ana, ua hiki iaia ke hele e nana iloko o ka halelio e like me kona manao, oiai ua hele aku na kanaka i hahi e, a hiki i ke ahiahi alaila hoi mai.

  Ia wa hoomaka koke iho la oia e huli ia loko o ka halelio me ka manao e loaa aku ana iaia kana mea i manao ai, oia hoi na kii, aka aole nae i ko kona manao.

  Ia po iho, hoao iho la oia e kamailio pu me Kome Robata.

  Mahope o kona kamailio pu ana me ia, hoomaopopo iho la oia ua kukihewa oia.

  Mahope iho o kona launa pu ana me ka ohana ma ia ahiahi, a hiki i ko lakou hoi ana e hooluolu, ua hoomaka iho la oia e lawelawe hou i kana hana ma ke kiai ana ia po.

  Ma keia poaole oia i hiamoe iki, a ma kekahi kakahiaka ae, aohe ana mea e hoike aku aiimua o ka haku hale.

  Ma kekahi po ae, halawai mai la me Lu Pakekona kekahi mea ano hou.

  Oiai ua wahine opio la e hele ana ma ke alanui, lele mai la kekahi kanaka mahope mai o ka pa e ku ana ma ka aoao o ke alanui a paa iho la iaia.

  Ma kona ano he kaikamahine wiwo ole hoao iho la oia e hoopakele iaia iho a hoomaka aku la e holo me ka mama loa.

  Hoomau mai la no ua kanaka la i ke alualu ana a hiki i ka hu-a o kekahi ululaau, malaila oia i kipa ae ai a nalo aku la.

  No keia hana, ua ukiuki loa o Pakekona, a kuka pu iho la ia me ka Makai Kiu no ka mea kupono e hoopau ai i keia hana.

  Ma ka hoike a ka wahine opio, ua ike oia i kekahi mea i kahikoia me ka lole o na kanaka lawaia, “aka,” wahi a ka wahine opio, he mau helehelena opio kona o ke kanaka ui a he pololei hoi kona oiwi.

  Heaha na wahooluu o kona mau maka?

  He uliuli, eia nae ua hele a aa, wahi a Lu, a pane hou ae la, aka, malia paha ua halawa au me kekahi o na kanaka pupule i mahuka.

  Ma ua ahiahi la oiai ka Makai Kiu e noho ana malalo o ka malu o ka lau laau, namunamu iho la oia.

  He oi launa ole ka hoi keia wahi mea a’u i mano ai he mea ole. I holo mai nei au ianei no ke kau wahi hana ano ole aka, ua halawai iho nei nae au me kekahi o na mea huna liilii pohihihi a’u i ike ole ai mamua.

(Aole i pau)

 

IUBILE MA MOLOKAI.

 

E ka Nupepa Kuokoa; Aloha oe.

 

  Ua ike au o oe kekahi o na kauwa maikai loa no ka lehulehu, ke hoouna nei au i keia ukana nau e lawe hele i ike na keiki a me na moopuna a H. R. Hikikoki ma ka uhane, a me kana mau keiki ma ke kino e noho mai nei ma na mokupuni waokanaka.

  Ma ka la @ o Novemaba ae nei ka piha ana o ke 50 makahiki mai ka hiki ana mai o H. R. Hikikoki a me kona ohana a hoomaka oia i kona oihana misionar ma Molokai nei.

  Ua hiki mai oia ma ka la 7 o Novemaba A. D. 1832.

  Ma ka noonoo ana, o ka ekalesia makua o Kaluaaha, ua hooholoia e malamaia kela la i la Iubile ma Molokai nei, he la hauoli, a ua hoholo lakou ia’u i komite e hoike aku ma na nupepa.

  Ua kuka ia a ua hooholoia, he pono e kukuluia i kia hoomanao Iubile, i likeme ka nui o ka dala i loaa, ua manaoia e kukulu i ka pa luakini i ike na hanauna mahope i ka wa o ka hoomaka ana a me ka mea nana i hoomaka, kona make ana, a i ole ia, maluna paha o ke kupapau e moe nei ka makua.

  He wahi lulu dala ma ia la no keia hana ano nui.  Nolaila, ina he mea pono, a he mea hiki paha i na kupa o Molokai Nui a Hina, ke hui pu kakou ma ia la ma ko kakou betela kahiko no. He la nui ia no kakou a olioli piha i ko kakou Iubile a kaawale hou aku. Ka hui mau o ka lahui Iudaio i kela a me keia makahiki, oiai e kauliilii ana ma na wahi mamao, he wa houoli piha ia no lakou; pela auanei kakou e hauoli piha ai i ke Kanalima o ka makahiki ka poe i kaawale ma na mokupuni e ae a me ka poe e noho nei.

  Aka nae, he mau keakea maopopo no kekahi i ikeia, oia no ka paa i na hana a me ka loa o ke alanui; ina nae he mea nui keia, ke noi ia aku nei oukou a pau e hai mai no; a i ole hiki ke hele mai alaila ke noi ia aku nei oukou e na keiki a me na moopuna a Hikikoki, ina eia iloko o ko oukou puuwai ka hoomanao ana nona a me kana hana, alaila, e hoouna mai ma ka lima o ko oukou Komite i hoikeia malalo nei, a loaa mai ia’u, na’u no e hoolahama na nupepa Kuokoa me Pae Aina, i ka inoa a me ka haawina a kela a me keia mea.

  Ua makemake nui ia ka makuahine Mrs. R. H. Hikikoki, e hele mai oia me na keiki a me na moopuna i ko kakou Iubile, i hoike piha mai oia i ka moolelo oia wa poeleele, e like me Mrs. Kakina a me Mrs. Whitney, i ka Iubile o ka A. D. 1870. A ma ko’u ano Komite, ke koho aku nei au i keia mau inoa malalo nei i Komite noi dala i na Molokai e noho mai nei ma @a apana kahi a lakou e noho ana:

  L. Aholo, no Maui Komohana, a kokua pu me S. E. Kaiue.

  J. W. Kalua, no Maui Hikina.

  S. Kahoohalahala, no Lanai.

J. Alapai, no Kaumakapili.

  Rev. S. Paaluhi, no Kalihi a hiki i Ewa.

  Rev. J. Kekahuna, no Waianae.

  Mose Naluai, mai Waikiki a Kawaiahao a me kona mau palena.

  Kekiokalani, no Koolauloa a me Koolaupoko.

  Mrs. Ameria Kauhane, no Waialua, Oahu.

  Puiki, no Hanalei, Kauai, a huli aku oe i Komite e ae malaila.

  S. U. Kapahi no Koloa, a me na wahi kokoke mai ana.

  Mio, no Hamakua, Kohala, Kona Akau, Hawaii.

A.     T. Amalu, no Kona Hema.

Rev. Kaaia, no Puna, Hawaii.

Davida Hikikoki, no Hilo.

NA HAIOLELO O KA LA.

1         Ka makuahine Mrs. R. H. Hikikoki.

2         Ko na Kahu Ekalesia, Rev. S. U. Kapahi a me J. Kekahuna.

3         Ko na Kahunapule, Rev. R. Puiki a me S. Paaluhi.

4         Ko na Kahu Kula Sabati, A. Mio.

5         Ko na Luna Ekalesia, S. Pukila.

6         Ko na Kiaaina, I. Aholo.

7         Ko na Lunakanawai, S. Kahoohalahala.

8         Ko na Loio, J. W. Kalua.

9         Kona Lunamakaainana, S. Kupihea a me Napaepae.

10     Kona Luna Helu, J. Nazareta.

11     Ko na Luna Auhau, J. Kaluapihaole.

12     Ko na Kumu Kula, H. R. Hikikoki o Lahainaluna, D. Napela.

13     Ko na Kakauolelo, D. Kaopeahina a me S. E. Kaiue.

14     Ko na Kalepa, Mose Naluai, J. Alapai.

15     Na Kahu ponoi, S. Paulo a me H. Manase.

 

  E hoomaka ana ka hana ma ka hora 10 o ke kakahiaka. He 10 minute o kela a me keia haiolelo; he mau hana Kula Sabati ina he manawa i koe.

Owau no.    H. Manase

 

KA MAKE ANA O KAMAILE.

 

  Ma ke awakea Poaha, Oct. 19, 188@, ma ka hora 11 a oi, make hikiwawe iho la o Kamaile (k) (he makapo) ma Kamoiliili.  Ea kahi lono uaku no kona make ana; Maka hora 10 paha a oi, loohia mua iho la ua Kamaile (k) ala i ka poniuniu a hoomaka loa mai la ka nui ana a hiki wale no i ka wa i make ai; i keia manawa nae i aneane loa ai e make, aia ka wahine mare i ka holoi lole i kahawai. O ka mea nana i ike mua i keia pilikia, oia o Nalua (k), a nana i hoike aku keia lono kaumaha i ka wahine oia o Hana (w); ia wa ua haalele koke o Hana i ka holoi, a ua hoi koke aku la oia i ka hale, a ike aku la i ke kane e waiho mai ana i loko o ka pilikia. Ia wa, ua hoao iho la ke kaohi ana mai i ka hanu o ka mea e make ana ma ka hoohainu ana i kekahi kiaha laau e kekahi wahine kahuna oia o Hariaka; ia wa ua pohala hou ae la o Kamaile (k), a ninau iho la o Kaiwinui, pehea oe? hai maila kela, ua make wau i ka nui o kuu hewa. Ia wa make loa aku la ua Kamaile (k) ala. Ma keia make ana, uamake pu he Popoki a me ka Ilio. A ma ia kumu ua manaoia ua make i ka laau make.

  Me ka eleu o ka makai K. B. Kaiwinui, ua lawe mai la oia a hoike koke mai i keia make hikiwawe i ka Makai Nui D. Dayton, a me ke Kapena o na maki W. H. Tell; ia wa ua kauoha kokeia o Kauka Emekona e holo me ka Makai Nui e nana, a e imi i ke kumu i make ai o keia kanaka.

  I ko lakou wa i hiki ai i kahi i waiho ai o ke kino o ka mea i make, ua koho koke ia na Jure Koronero no ka noonoo ana i ke kumu i make ai o Kamaile.

O na Jure i kohoia, oia o Maiau, @apilio, Naeole, Wainui, Kimokeo, a me Pila.

  No ke ano ulolohi loa o na hana ana a ke Kauka ma ke kaha ana i ke kino make, ua lohi loa kana hoike imua o ke Koronero, (no ke ano nui no hoi paha kekahi o ka hana ma ka imi pono ana i ke kumu i make ai.) Nolaila, ua hoopaneoia ka noho ana o ka Aha Koronero a hiki i ka Poalima, Oct. 20.

  No W. H. Tell, nona ko’u mahalo, a nona hoi ko’u hilinai, a o ka lehulehu pu no paha a pau no kana mau hana mikiala a pau, oiai au e ku ana e nana pono i na hana, ua haawi maila o Kauka Emekona i ka humuhumu ana i ka opu o ka mea make i kahaia na kapena W. H. Tell e humu, me ke kuihe ole o kona manao, a me ka hope ole, ua hopu koke aku la oia i ke kui a me ka lopi a hoomaka mai la oia e humu me ka lima haalulu ole oia i hana ai i kela hana nui a pau pono.

  Ma ko’u manao ua kupono loa oia e ao ia i ka oihana kaha kanaka, he kohu hope kauka maopopo maoli no ma ka nana aku. Eia hou keia wahi lono no ka wahine mare a Kamaile, penei:

  Ma ka po Poaono iho nei, Oct. 14, ua koi ka makai e hopu i keia wahine me kekahi kanaka o Kamalu ka inoa no ka moekolohe; ma ka hele ana e hopu, aole i loaa aku ua wahine ala ma ka hale i manao ia ai, nolaila, ua hoopii ka pake o Lee Sing ka inoa, no ke komohewa o ka makai; a ma ka Poakolu iho nei, ua noho ka Aha no ua hihia ala, aka, pilikia ia ka Loio o kekahi aoao, hoopanee a hiki i ka Poaha; aka, make e aku la nae o Kamaile i kekahi la iho; nolaila, ua hoopanee hou ia a hiki i ka wa e kauoha hou ia mai ai.

  Ma ka mikiala o ka Makai Nui D. Dayton, ua hopu ia ke kino o ka wahine mare a Kamaile oia o Hana, a me Kamalu, a me Lee Sing (pake); a eia lakou a pau ke paa nei i loko o ka Halewai a hiki i ka wa e noho ai ka Aha Niele.

O keia ae la ka lono no keia make hikiwawe ma Kamoiliili.

J. W. Kaleiheana,

 

Kamoiliili, Oct. 19, 188@.

 

  Nui ka ua a me ke kelekele o na alanui o ka kulanakauhale nei iloko o keia mau la.

  Ma ka auina la o ka la Sabati nei ka holo ana o ka mokuahi S@@@a no Kapalakiko. Ua lawe aku oia he heluna nui o na waiwai, a me kekahi mau ohua. Mawaena o na ohua i kau aku o S. Parker, W. G. Irwin, ka agena o ia laina mokuahi ma Honolulu nei, W. H. Cornwell, a me kekahi poe e iho.