Ka Nupepa Kuokoa, Volume XXI, Number 42, 21 October 1882 — Page 3
| This text was transcribed by: | Judy Tagami |
| This work is dedicated to: | Carol Silva, Kumu Olelo Hawaii |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
@OA ME KE AU OKOA.
(I Huiia)
@ Makahiki..............$2.00
@ Mahina..............1.00
Dala Kuike ka Rula.
@ N OKATOBA 21, 1882.
Thos G. Thrum ma ka halepai o ka Saturday “Press.”
@NU HOU KULOKO.
@ Elele@ Pehea oe e Elele?
@ mai nei ka Moiwahine K@nalani, mai kana huakai @ moku o Keawe.
@mai he lono, ke pii ma@ ka mea kuai o ka halekuai o @ na opio ma Kona Hema.
@ kekahi mau pule i hala iho @ki ole ke kamailio ana o @ e moe la mawaena o @ Waiakea.
@ ae na sela o luna o ka @ Kulamanu no ka hooha@ ai ke kuna e ku ana ma @ Honokaa ma Hamakua, Ha@
@ ana aku o na Norewai ma @ kakahiaka nui Sabati iho @ maka koke lakou e uluaoa a @ iho, noho ana i na rumi
@13 o Feberuari o keia maka@ ka la ponoi alii. ua puka @ ka hoolaha a ke Kuhina Nui @ nupepe haole i kela pule aku H@manaoia, a e akoakoa nui ae.
@ela hunahuna a makou e pili ana @ huna nui o na Pake ma Kauai, @ela huina nui, ua hewa. O ka @maoli he 1,529, aole he 149 e @ ka makou i hoike aku ai.
@ k@ mai ka mokuahi Sueza o ka @iona i ke kakahiaka o ka Poa@. Maluna mai ona i loaa mai @ hou o na aina e a e ikeia no @ekahi wahi e o ko kakou pepa.
@e ikeia nei na paahao Pake a me @ poe Pake e iho i hoolimalimaia @ hoomaemae ana i na lepo pu@ na huina alanui. ua hoomae@ ke Alanui Papu, Kalepa a me @hu@e.
@e wawahiia nei ka halekuai bipi o @handless ma Ulakoheo, oia hoi na @pulu, a e uhau pili hou ia ana. E @mae hou ia ana ia kahua apulu @. Ma kahi o na mea kahiko, he @ hou ke pakuiia aku ana.
@kele mai eha kekahi kaikamahine @ka Uwapo Kamika i ka Poakahi @ ma o ka hihia ana o kona hu-a lole @ila o kona kamaa. ua loheia @ maluna ae ma o Beniamina @namoku.
O ka lae o “Cape Horn” ma Amerika Hema kahi i oleloia e ka poe holo @ o ka lae o ka ino, a me ka ma@ ka apana o Kepahoni ma Hono@ nei, kahi o na h@ mimilo kaulana @ena o na hana ino.
Ua loheia ae kekahi lono, ua moku @lama o kekahi kanaka i ke g@iana @da ma Maui; a ua lohe hou ia no @ aia ma Hawaii kekahi kanaka i @ i keia ulia hookahi. Hookuli @oi kanaka.
Ma ke ahiahi Poakahi i hala iho nei, @hopu aku la ka makai, ma ka huina Kaakopua, i kekahi kanaka o na Mo@puni Hema aku nei no kona ona; @ ka mea apiki i ua makai nei, ua @namina loa oia no ke ku o kona @ala, a me ka hinuhinu o kona kuka @okeo, a nolaila ano hoohemahema 2no i ka paa ana i ka lawehala. Ma @ leo kona ikaika e kahea ana i na maka e paa i ka lawehala. Ina o ke @o makai keia e ku ai ma na huina @nui, he mea makehewa loa a he mea ono e hoopau ia ano makai.
Ma ka halawai a na komite hoonohonoho no na hana hoomanao o ka la hanau o ka Moi i keia mahina ae, ua hooholoia e lakou keia papa hoonohonoho malalo iho penei: Ma ke ahiahi @ ka la 15 he huakai kukui nui ma na alanui o ke kulanakauhale nei. Ma ka la @o, ka la hanau hoi, he heihei waapa holo @pea, heihei waapa hoehoe maoli, heihei waapa pukahi, heihei waa. He heihei kapu a me heihei au kekahi. Kipu aloha ma ke kakahiaka, awakea, a me ahiahi.
Me ke awakea o ka Poalua nei ua kukalaia ma ka hale kukala o E. P. Adamu, kela moku i ili ai ma ka nuku @oia o Niagara. Ua kudala kaawaleia oia hoi, kudala kaawaleia ka moku, na @ kia, rigini, a pela aku, koe ka ukana, a na Kimo Pelekane i koho no Kaluna me Makaahoa, no $ 335, a lilo aku la no keia mau kanaka maluna. O ka ukana, hoi ka Huita, he mau tona i koe aku iluna o ka moku, ua lilo no i keia mau kanaka maluna ma ke koho ana a Kimo no $ 35.
Na Makaiwi ke eo o ka hookuku bilioka i ka po Poaha nei.
F haiolelo ana o Rev. J. Bikanele ma Kawaiahao i ka pule awakea o ka la apopo.
Ma ke awakea o ka Poaha nei, ua make hikiwawe kekahi kanaka elemakule ma Kamoiliili, o Kamaile kona inoa. Ua make oia mamuli o ka hanaiia ana i ka laau make e ka wahine.
Ua lono wale ia, ina o keia hoku welowelo e pau nei i na kakahiaka a hoi hou mai iloko o keia makahiki ae, iloko o ka malama o Okatoba, o ka mea ia e hookui ai me ka la, alaila e pahu ka la a e lele liilii ana ko kakou nei honua.
I ka Poakahi nei ka hoomaka ana o ka halawai o ka poe hui mahiko o ka Paeaina nei ma ka Hale Paikau; a hiki i keia la ke noho nei no ka lakou halawai. A keia pule ae e hoopuka aku ana makou i ke ano o ka lakou mau hana.
Ma ka hora 4 o ka wanaao o ka Poakahi nei, ua holo aku la ke Alii ka Moi maluna o ka mokuahi Waimanalo no Waimanalo i Koolau. Ua haiia mai ia makou ua haule he elua hoa hele, aole e hiki ma keia huakai ua pauhia loa ia laua i ka hiolani a Niolopua.
Ke hoopololei hou nei makou i kekahi itamu i puka ai ma kela pule e piii ana no ka ike ole ia o ka Hokuwelowelo; o ka pololei, ke ikeia nei no, aia nae i ka hora 2 a oi, a i ka hora 3 i kekahi wa. Ua ala hewa ko makou mea imi nuhou i ka hora 5 o na kakahiaka o kela pule aku nei, oia paha kona mea i ike ole ai.
Oiai ua hoonui hou ia na kolamu o ka NUPEPA KUOKOA, nolaila ke puana nei makou, e hoopuka ia aku no na nu hou o kela a me keia ano, na leta a ko makou mau makamaka, na kukulu manao a pau, a me kekahi mau manao e iho, ke hoounaia mai ma ke Keena o ka NUPEPA KUOKOA. O ke kau hooilo keia o ka NUPEPA KUOKOA, ua hala aku ke kupulau me kona hiohiona haiki. E wiki, e eleu.
Ma kela pule aku nei ua hoike aku makou i ka oki ana o kela haole maa i ka oki pahi i kanaka, oia o Wilkerson, i kela wahine hapahaole, a wahine hoi a Kapena Haulani, a me kona hoopaahaoia ana. Ma ke kakahiaka o ka Poaono i hala, ua laweia ae oia imua o ka Aha Hoomalu, ua ninaninauia wale no a ma ka Poakahi o keia pule kona hookolokolo ia ana imua no o ua aha la a ua ae oia ua hewa, a imua o ka Aha Kiekie ua ae no oia ua hewa. Ua haawiia mai ka olelo hooholo a ka aha e hoopaahaoia no 5 makahiki ma ka hana oolea.
Ua lohe mai makou, ua malamaia he anaina iubile hou e ko Waimea poe no ka Makua Laiana, ma ka la 16 iho nei o Sepatemaba. He nui loa na makamaka o Laiana i akoakoa ae mai Hamakua mai a me na wahi e ae. Ua haiolelo o Laiana no na hora elua a oi, a i ka pau ana o ka haiolelo, he ahaaina nui ka i hoomakaukauia ma ka hale hookolokolo. Ilaila kahi i ma kanaia ua makua nei o ka aina mauna me kekahi wati maikai loa, he maka aniani gula a me ke kookoo poo gula. Ua nani na mea a pau i hana ia, a ua nui ka hauoli.
Ma ka po o ka Poano nei, ua ku mai ka mokuahi James Makee mai Kapalakiko mai, iloko o na la holo he 11. Iloko o na la mua o kana huakai moana no Honolulu nei, ua loaa oia i kekahi ino nui, aole oia i poino, a iloko o na la hope a ku wale no i Honolulu nei, ua maikai a okaikai ole ka moana a ua maikai keia huakai. Ua laweia mai eia he heluna nui o na waiwai no kekahi mau hui o ke kulanakauhale nei, a me 6 ohua no Honolulu nei. Ua hana hou ia he ipuhao hou no kona enegini, a ua hoomaemae hou ia no hoi kona mau enegini.
He oiaio he 7 kolamu o ka aoao hookahi o ko kakou Kilohana, a pela no a pau na aoao. I ka hoea ana aku o ka NUPEPA KUOKOA me kona hiona hou mai kona kahua hou, piha keia mau kolaniu i na nu hou o kela a me keia ano, a piha no hoi i na olelo hoolaha. Hoea hou aku nei oia i kela hebedoma aku nei, oia ana no, piha no na kolamu i na nu hou aiwaiwa. A i keia la ana e hoea aku nei, pihakui hou kona mau kolamu me na nu hou. E hoonuu iho e ko makou poe heluhelu, a aole auanei e nele ka hoohihi, e inu i na wai momona a e ikeia no auanei ke kena. Heaha aku la koe a makou e hana aku ai i lawa pono ko oukou mau makemake? Heaha aku koe a makou e hana ai i pau na manao ne a ka Elele? Eia la! E ka bebe nui, eia iho na waimomona ma na kolamu o ka NUPEPA KUOKOA, inu ia iho, aohe o kahi inu ae nei, aka, e kupopou na poo ilalo a e inu hoomau a hoomaumau. Pehea hoi oe e ka Elele, pehea la kou mau kolamu? Piha nu hou papa, ea? Ke kuailo nei no makou maanei, a ke puana nei makou, oki loa! No iuka!! Pamalo!!! Aohe wahi nu hou iki. Ea, pehea keia la?
He mau la papa la keia @ nei.
Eia i Honolulu nei ke Kahu o Eleio Rev. J. Bicknell kahi i hooluolu ai.
Ke waiho nei ke ‘Lii Keelikolani me kona kino nawaliwali.
Ua huli hoi aku ka Hon. J. Nawahi i ke ahiahi Poalua nei no ka Ua Kanilehua o Hilo.
He 83 ka nui o na Geremania i lawe ia maluna o ka C. R. Bihopa no Kauai.
O kela poe hoonohonoho akua mauka ae nei o Kepahoni, e pono e hoopau koke ia ko lakou manao hupo.
Ke mahalo loa mai nei kahi hapa o ka lahui no ka hoonoa ia ana o ka waiona, aka, o kona hopena, e nahu mai auanei me he nahesa la.
Ua puiwa ke kaa hali ukana o Mika Uilama ma Alanui Puowina i ke awakea o ka Poakolu nei. Ua eha ka hookele kaa a ua poino ke kaa a me na ili; ua eha no ka lio.
O ka oi a me ka wini o ka makou makapeni maluna o ke kalana, he mea hooi ia ma na hana ma ka makou oihaua, o ka Elele Lanapi hoi, oia no ke painuu ana i kona mau Kuhina, aka, aia a pili mai o Lanapi i kona poaeae, aole auanei e nele kona luai mai i kona wai awa.
O kela hihia o Johnson kue ia Tisdale, he koi no $25.00 ua hoopukaia ka olelo hooholo a na Kiure i ka pono ma ko Johnson aoao, a e loaa iaia he $1,800. He hihia loihi keia he elua la o ka noho ana. O. A. S. Hakawela ka Loio o ka aoao hoopii, a o J. M. Davidson no ka aoao i hoopii ia.
O “Makee Aina” kai olapa ae i kana ipu makani maloko o na rumi o ka Elele o keia pule, aka, na kona ipu makani nui no i olokaa ae i kekahi hapa o kona kahua manao, malalo o ka ole o “Kukolu,” akaka ua kapakahi kona kaupaona ana. Aole keia o “Makee Aina,” aka, o “Makee Make” mau loa.
Ina he oiaio ko makou lono, no ka aua o kekahi Kahu haiolelo o Hawaii, i ka wa i hiki aku ai o kekahi opio malaila, aole e haiolelo a i ka hapa hope loa akahi no oia a ae ia e haiolelo, me ke kakauinoa ana o kekahi mau Luna i palapala noi imua o ke Kahu e waiho omaimai ana. Alaila, aole ia he manao maikai, no kona kokua alua e paa. O ka pono, a me ka maikai, e lokahi like ma na hana a pau.
Ua manao kela mea i hoopuka i kona manao maloko o na kolamu o ka Elele e pili ana no kela ninau “Haawi Aina,” malalo o ka inoa “Makee Aina,” ua pololei a maemae kona mau kalai manao ana. Ua noke mai oia i ka lik me ka haanui ana, a mawaena o ia haanui ana, ua olelo iho la oia, o ke KUOKOA kekahi i kamailio maluna o ia ninau. Lalau! Lalau loa!! E imi keia mea i huna i kona inoa ma na kolamu o ke KUOKOA, a e hoike ae oia i ke akea i kekahi manao e pili ana no keia ninau, i hoopukaia e ke KUOKOA ma ke ano he manao pepa. He makehewa ka noke ana i ke kamailio haanui ana me ka maopopo ole ka oiaio a me ka pololei o ka mea e kamailio ana.
Ma ka po Sabati nei, ma ka halawai opiopio ma Kaumakapili, ua puiwa au i kuu lohe ana aku i ka poha ana mai o ka leo o kekahi Hawaii ponoi, e i ana oia penei: O ke kanawai e hoonoa ana i ka waiona iwaena o na kanaka Hawaii, he hana lokomaikai ia mai ke Akua mai, he hana kanana ia a kaawale ka mea lepo kaawale ka mea maikai. Pela io paha, he hana lokomaikai paha keia, aole paha, aka, o ka’u e ike nei, me he la aole he aloha iloko o ua. Hawaii ponoi la no kona mau hoa’loha. Aole he aloha o keia Hawaii ponoi i kona hoa kanaka, a me he la ua hoapono oia i ka lilo o na kenikeni a kona mau hoa kanaka a nele na ekeeke a pololi ka opu. Pehea la ka manao o keia Hawaii ponoi, he hana kanana ka paha ia la? J. NALUA.
Aole makou e ae e hoolilo i ko makou mau paahana ulele hua i mau holoholona a i mau kino paha o ka holoholona, e like me ka nupepa Elele i hoohalike mai nei hoi i kona mau paahana me he mau holoholona la. He keu a ka apiki. Hana mai ke Akua i ke kanaka i kanaka, a i ka holoholona he holoholona, a mamuli o ka mana kupua i hookau ia maluna o Elele, puka mai nei oia i ka Poakolu nei a kapa mai la i ke kanaka he holoholona. Ua loli ano ae nei ke au o ka manawa i keia wa, a pela makou e manao nei ua loli ano e ae nei na noonoo ana a ka nupepa Elele. Eia la ka nuhou e na makamaka na ka Elele i huai ae nei, oia keia, “o ke kanaka ua hiki ke hooliloia i holoholona;” nolaila e hele ae na makamaka e makaikai, aia ma ke Keena o ka nupepa Elele he mau kino kanaka, he lio nae ko lakou nanaina. He lio poupou piena kekahi, he lio opu nui kekahi, he mau lio kupolo kekahi. Nu hou la! Mamua he kino kanaka na paahana o ka Elele, i keia wa, he kino holoholona. Ua hiki no, na lakou no i kukala ae nei. Hewa hoi ia la?
@ NU HOU O MAUI.
Maikai ko Maui mau nanaina i keia wa, mahope iho o ka haule ikaika ana o na pakaua. O ke ano nanaina iho la ia i kupono no ke kanu ko ana, a ke hauoli la ko Maui poe mahiko. Ke kali la ko Wailuku poe o ka loli ae o keia Aha Kuhina — Ke hoomau la no o Kapena Dutona i kana hana o ka hele makaikai a hoomaopopo pono i ka Mauna o Haleakala a me kekahi mau wahi kaulana e ae o Maui.
NU HOU O KAUAI.
He mau la wale no i koe alaila e hoomaka hou ana ka pu-a o ka uwahi o na hale wiliko o Kauai. E hoomaka ana ka wili o kekahi mahiko iloko ae nei o ka mahina o Novemaba. He 2,000 eke ko i hoounaia mai i Honolulu nei e kekahi mahiko, a e hoomaka hou ana ka wili hou iloko o ka pule elua paha o Novemaba : pela no kekahi mau mahiko e iho : o kekahi hui mahiko ke kanu la no i ke ko.
Ulu nui a mahuahua na mahinaai raiki a na Pake, ua loaa ka hua o ia luhi ana i na ona o ua mau hui mahi raiki la, a eia lakou i Honolulu nei kahi i hooluolu ai i na ola kino a e ai hoi i ka loaa.
O ka huina nui o na ko i kanuiia ma ka mokupuni o Kauai iloko o keia makahiki, ua oi ae ka nui mamua o na makahiki i newa hope a@ nei. Ma kekahi mau mahiko, ua maikai a ulu nui na ko i kanuia.
He maikai ole na nanaina o na alanui o Kauai i keia wa. O na uwapo, ua popopo ia na kua a me na papa a he hoomaka’uka’u ke hele maluna o keia mau uwapo.
S. AUKAI.
LOIO! LOIO!!
Honolulu , Oct. 19, 1882 1090 3m
Hoolaha Mua
Ua hookohuia ka mea nona ka inoa mala-
lo iho e ka Mea Hanohano A. F.
Judd, Lunakanawai Nui o ka
Aha Kiekie, i Komisina
e kuai ai i ka
WAIWAI PAA,
-----o-----
W. L. MOEHONUA
I make. Nolaila ke haawiia nei ke
kauoha, ma ka
Poalua la 21 o Novemaba
1882.
Ma ke alo o Aliiolani Hale ma ka hora
12 awakea.
E kuai aku ana au ma ke kudala akea, na pono a me na pomaikai a pau o W. L. MOEHONUA i make, maloko o na WAIWAI PAA i hoikeia malalo iho nei penei :
1—O kela apana aina a pau e waiho la ma Kalihi, Honolulu, nona na ili eka he 984, i huipuia me 884 eka aina kula, 25 eka aina kalo, me 75 eka he loko ia.
2—Kela wahi e waiho la ma ke alanui e hiki aku ai i Waikiki, i ikeia ma ka inoa o Kalia, nona na ili eka he 78 ½ oi a emi, paha, he aina kula me loko i-a, i hui puia me ka hale i kukuluia maluna o ua aina la, me na hale liilii.
3—Kela wahi e waiho la ma Puulena, Manoa, a i hoakaka pihaia-ma ka Palapala Sila Nui Helu 7263.
4—Kela mau aina e waiho la ma Kalihi, Honolulu, a i hoakaka pihaia ma ka Palapala Sila Nui Helu 2742, nona na ili eka he 1 3-30.
5—Kela mau aina e waiho la ma Kalihi, Honolulu, a i hoakaka pihaia ma ka Palapala Sila Nui Helu 5080, nona ka ili eka he 1 me 25 kaulahao.
6—Kela mau aina e waiho la ma Kalihi i oleloia, a i hoakaka pihaia ma ka Palapala Sila Nui Helu 1251, nona na ili eka he 26-100.
7—Eha apana aina ma Mokauea, Kalihi i oleloia, no lakou na ili eka he 33-100, 196-100, 1-100 me 28-100.
8—Kela apana aina e waiho la ma Polanui, Lahaina, Maui, i hui puia me 4 apana, no lakou na ili eka he 1 me 14 roda.
9—Ka aina e waiho la ma Alio, Lahaina, Maui, i oleloia, a i hoakakaia maloko o L. C. A. Helu 293, nona ka ili he 3 ruda me 10 roda,
He kuai maikai keia, a o ke kii o na hoolala a me kahi i ana ia, ke hoomakaukauia nei a e hoikeikeia aku ana ke paa ma ke Keena o ka Loio Kuhina ma Aliiolani Hale.
O ka hapanui o na aina loi kalo ma Kalihi, e kuai liilii ia aku ana.
He dala kuike ka rula a o na lilo o ka palapala i ka mea kuaiia. D. K. FYFE, Komisina Kuai no na Waiwai Paa o W. L. Moehonua i make. 1090 4ts.
Hoolaha Lunahooponopono Waiwai.
Ma ka waiwai o Kawainui, k. i make, no Mailea, Hilo, Hawaii.
Ke kauohaia nei na ano kanaka a pau i aie ia Kawainui, k., e hookaa koke mai i ko lakou aie ia’u. A o na mea a pau a Kawainui i aie ai e hookomo koke mai lakou i ka lakou mau bila aie iloko o na malama eono, o loaa ole auanei ke dala. T. BAALUHI,
Lunahooponopono Waiwai o Kawainui, Hilo, Oct. 6, 1882 1090 4t
Hoolaha Pa Aupuni.
E kuai kudalaia ana 3 lio, 2 puaa me 9 kaka, ke hiki aku i ka la 28 o Okatoba, hora 12 awakea Poaono, ma ka Pa Aupuni o Koholaloa, o Honolulu. Lio k, eleele wiwi, wawae puki, powehiwehi ke kuni. Lio k, ano puakea haulaula laekea, 3 wawae keokeo, 2 kamaa hao, ak. he F maluna a he 3 malalo, hema hao ano e. Lio w, lokia ano hulupala, 2 wawae keokeo, 2 kamaa hao mamua, ua eha malalo o ka uha maa, aole ike pono ia o kona kuni. Mau lio hoi mai no kahi. Lio k, kukaenalo, ak. JKM, hema hao ano e. Lio w, eleele me ke keiki k, eleele, ak. IU. Lio k. eleele, aole kuni. A. B. KAAUKUU.
1090 11 Luna Pa Aupuni o Koholaloa.
Aha Hookolokolo Kaapuni Apana Eha ko Hawaii Pae Aina. Ma ka hooponopono waiwai. Ma ka hana o ka Luna Hooponopono Waiwai o WAHINEOKAPU, no Wailua, Kauai i make. Ma ke Keena, imua o ka Lunakanawai Kaapuni.
Ma ka heluhelu a me ka waiho ana mai o ka palapala noi a me ka papa hoike a G. B. Pa lohau, Luna Hooponopono Waiwai o WAHINEKAPU, no Wailua, i make, e noi ana e aponoia na hoolilo he $16.75, a e hoike ana o na mea i loaa mai iaia he $---, a e noi ana e nana a aponoia keia mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka POAKOLU, ka la 15 o Novemaba, 1882, ma ka hora 10 o kakahiaka, imua o ua Lunakanawai la, ma ke Keena ma ka Hale Hookolokolo ma Koloa, oia kahi a me ka manawa i kohoia no ka hoolohe ana i ua noi la, a me ke papa hoike i oleloia, a o ka poe a pau i pili malaila, e hele mai e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii, e paiia maloko o ka NUPEPE KUOKOA, he nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Koloa, ko Hawaii Pae Aina, i keia la 6 o Okatoba, M. H. 1882.
JACOB HARDY,
1090 31 Lunakanawai Kaapuni Apana 4.
HOOLAHA HOU.
Aha Kiekie o ko Hawaii Pae Aina. Ma ka hoopopono waiwai. Ma ka waiwai o O@ o Waikiki i make, kauoha. Imua o ka Lunakanawai Hoo. A. Francis @. Olelo kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a D. Kanae, no Honolulu. e hoike mai ana, o Ok@., no Waikiki, Oahu, ua make kauoha ma Waikiki, ma ka la 9 o Iulai, M.H 1882, a e noi ana e haawiia Palapala Hookohu Lunahooponopono Waiwai ia D. Kanae.
Ua kauohaia, o ka POALUA, ka la 7 o Novemaba, 1882, ma ka hora 10 o kakahiaka, oia ka manawa i kohoia no ka hoolohe ana i ua noi la. imua o na Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolahaia ma ka olelo Hawaii, i ekolu pule ma ka NUPEPA KUOKOA, he nupepa ma Honolulu.
Kakauia ma Honolulu, ko Hawaii Pae Aina, Okatoba 14, 1882. A Francis JUDD
Ikea: Lunakanawai o ka Aha Kiekie.
D. K. Fyfe, Hope Kakauolelo 10@0 3t
KO BIHOPA MA
BANAKO MALAMA DALA.
E MALAMA NO MAUA I KE DALA o na kanaka maloko o ka Banako, penei:
Ina hoomoe mai ke kanaka hookahi i na dala $300 a emi mai paha, alaila, e uku maua i eono hapahaneri uku panee makahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha. Aole ukupanee e helu ia no ka hakina o ke dala hookahi aole no hoi no ka hapa malama.
Ina ohi koke oia i kana dala, aole i hala na malama ekolu aole ukupanee.
Ina e manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana buke kekahi ke laweia mai.
Ma ke kikoo wale no a ka mea dala e haawi ai kana, ka Buke kekahi ke lawe mai.
Ma ka la mua e Sepatemaba kela makahiki a i keia, e houluulu ai i ke dala, a e huipuia ka ukupanee me ke kumupaa o na dala homoeia no na malama ekolu a keu, a mahuahua ke kumupaa e loaa i ka ukupanee.
Ina oi aku ke dala hoomoe mamua o $300, alaila, hooholo pu ka olelo.
E weheia ka Hale Banako i na la hana a pau.
851 tf BISHOP & CO.
LOLE MAKEPONO
Ke Kuike e loaa no ia ma kahi o
Kakele me Kuke.
--E laa na—
AHINAHINA,
KALAKOA.
KEOKEO,
LEPONALO.
PENA,
AILA,
AILA HONUA,
ANIANI,
NA MEA PIULA,
Kopa, Aila Hooma-
loo, Kui Kakia, Pa-
keke, Tabu Kaula,
Noho Lio, Hulu Pa-
lahi, na Palumi, a
he agena no na mo-
kupuni o Hawaii nei
no na Lainakini-nao
Lainakini Maoli, Ki-
lika, Palule Kalakoa,
Alapia, Kelepa, Na
Lole kupono i ka
Wawae, Palule Hu-
luhulu, Na Lole Hu-
luhulu, Na Lole no
ka hoohelo ana, Li-
pini, Lihilihi, etc., etc.
A ME NA
Mikini Humuhumu
MAKEPONO LOA.
A he mau
MEA AI KAHI:
KA PALAOA, KOPAA
RAIKI, PIA, HOOHU
PAAKAI, HUAALA,
PIA KULINA, KOPE,
--a he--
Laau Lapaau Kaulana Loa
A DR. JAYNE ,
LAAU HOOMAEMAE KOKO
LAAU HOOPAU NAIO.
PENIKILA, HUAALE,
LAAU KUNU,
Me na Laau Hamo, a Pela ‘ku.
@tf
NA HOOLAHA.
S. B. DOLE,
He oiaio a ke Luna Hoolalo Palapala.
E hiki no iaia ke lawelawe i na hihia o kela
a me keia ano imua o na Ahahookolokolo
a pau o keia aupuni.
KEENA HANA – Ma Alanui Kaahumanu.
HALA TELA HOU
K A U K A I W A !
Helu 12. Alanui Papu.
KOKOKE I KA UWAPO
S. H. MEEKAPU.
Iune 11, 1@ @ tf
Aie Aupuni.
Ke hoolahaia aku nei ma keia, o na noi a pau no kekahi mau Aie Aupuni hou a hiki i ka $300,000, e waiho mai ma ka Waihona o ke Aupuni.
O ka ukupanee he eono pa keneta no ka makahiki a e hookaaia ma kela a me keia hapalua makahiki.
Aole no hoi he hiki ke heluia na bona e na Luna Helu ma ke ano he waiwai maoli, no ka mea ua hookuuia na auhau o ke Aupuni maluna o keia mau bona.
SIMON KOLOA KAAI.
1083 tf Kuhina Waiwai.
MAKEMAKEIA!! MAKEMAKEIA!!!
KANAKOLU KANAKA HAWAII.
Ua makemakeia i 30 Kanaka Hawaii e hana ma ka mahiko o Lihue ma Kauai.
Uku, $15.00 no ka mahina.
$20.00 Manuahi, ina e kepa no hookahi makahiki. $40.00 Manuahi ina e kepa no elua makahiki. E ninauia
PAULO ISENBERG.
A i ole ia H. HACKFELD & Co.
10874t
Hoolaha a ka Lunahooponopono Waiwai.
Ua hookohu ponoia mai ka mea nona ka inoa malalo, e ka Mea Hanohano L. McCully, Lunakanawai o ka Aha Kiekie, i Lunahooponopono Waiwai ma ka waiwai o W. T. Kawainui o Honolulu, Oahu, i make kauoha ole.
Nolaila, ke kauohaia aku nei na mea a pau aie iaia, e hookaa koke mai ia’u me ke kali ole : a e hoike mai hoi na poe ana i aie aku ai, me na hooia kupono iloko o na wa a ke kanawai i ae ai.
A ina he mau waiwai ko ka mea make ma ka lima o kekahi poe, e hoihoi mai ia’u, e loaa no wau ma ka Halekula Hoopololei ma Kapalama. J. K. KAWAINUI,
Lunahooponopono Waiwai o W. T. Kawainui.
Honolulu, Oahu, Oct. 12, 1882. 1089 tf
Ke kauoha aku nei au ma keia i keia la ua hoopau au a hoolilo i mea ole i kekahi palapala hookohu hope a’u i kakau inoa ai i ka la mua o Mei, M. H. 1877, no Simona K. Kaai. A ke kauoha aku nei au i na mea a pau, aole lakou e uku ia Simona K. Kaai i kekahi dala a mau dala paha no’u, aka, e uku mai ia’u ponoi. A ke hoolaha hou nei au, ua pau ko Simona K. Kaai mana e hoaie ma ko’u inoa; ina he koi aie ko kekahi poe ia’u e hoike lakou ia Godfrey Brown, ma ke Keena Waiwai, Aupuni. 1087-41 R. KEELIKOLANI.
Ma ke Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o NAHALA k, no Kau, Hawaii, i make.
Ua heluheluia a ua waihoia ka palapala noi a Hoohoku w, e noi ana e hooiaioia ke Palapala Kauoha hope a Nahala k, no Kau, Hawaii, i make, a e hoonoho ia Kapuaa k, i Luna Hooko no ia Palapala Kauoha hope.
Nolaila, ua kauohaia na mea pau i pili, o ke POALIMA, oia ka LA 27 o OKATOBA, M. H. 1882, i ka hora 10 o kakahiaka, ma ka Hale Hookolokolo ma Hilo, oia ka manawa a me kahi i kohoia no ka hoolohe ana i ua noi la, me na mea kue ke hoikeia.
F. S. LYMAN, Lunakanawai Kaapuni.
Hilo, Hawaii, Sept. 21, 1882 1088 3t
Hoolaha a ka Luna Hooponopono Waiwai.
Ma ka waiwai o Uiha k, o Kaala Hamakua Hawaii i make kauoha ole. Owau o Keahi w, ka wahine mare a Uiha k, i make. Ua hoonoho ia mai au e ka Hon. F. S. Lyman, ka Luna Kanawai Kaapuni Apana Ekolu o ko Hawaii Pae Aina, i Luna hooponopono no ka waiwai o ua kane la a’u i make kauoha ole.
Nolaila ke kahea nei au i ka poe apau i aie mai iaia, a me ka mea a ka mea i make i aie aku ai, e hoike koke mai imua o’u, mai ka la aku o ka hoolaha ia ana ma ka Nupepa Kuokoa, a hiki i ka pau ana o na mahina eono, o pale ia lakou. NA KEAHI W.
Kaala Hamakua Hawaii, Sept. 26 1882.
1088 4ts
Hoolaha a ka Luna Hooponopono Waiwai.
Ua hookohu pono ia mai ka mea nona ka inoa malalo iho, i Luna Hooponopono no ka waiwai o W. H. Nailipelapela i make, o Waikiki, Oahu; nolaila, ke hoolahaia aku nei, o ka poe a pau he mau koina ka lakou i keia waiwai, he pono ke hoike mai me na hooiaio kupono, ina ua hoopaaia a hoopaa ole ia paha, ma ke Keena Loio o W. R. Kakela ma Honolulu, iloko o na malama eono mai keia la aku, a i ole pela, alaila, e hoole loa ia no. O ka poe a pau he mau aie ko lakou ia W. H. Nailipelapela, e hookaa koke mai me ka hookaulua ole, e laa ka poe i aie i na pai kalo, na uala, a pela aku. W. R. KAKELA,
Luna Hooponopono o ka waiwai o W. H. Nailipelapela.
Hanaia ma Honolulu, Oct. 4, 1882.
1088 4t
Hoolaha.
Ma ke Keena o ka Lunakanawai Kaapuni Apana Ekolu o ko Hawaii Pae aina, ma ka waiwai o Palea k, no Laupahoehoe Hilo Hawaii, i make.
Ua heluhelu ia a ua waiho ia ka palapala noi a D. Kaloa k. e noi ana e hoonoho ia oia i Lunahooponopono no na waiwai o Palea k. no Laupahoehoe, Hilo Hawaii i make, a i kahu malama hoi o na keiki o-o ole a ka mea i make.
Nolaila, ua kauoha ia i na mea a pau ke pili, o ka Poalima, oia ka la 27 o Okatoba M. H. 1882, i ka hora umi kakahiaka, ma ka hale hookolokolo ma Hilo, oia kahi a me ka manawa i koho ia no ka hoolohe ana i ua noi la me na mea kue ke hoike ia.
F. S. LYMAN. Lunakanawai Kaapuni.
Hilo Hawaii Sept., 25 1882. 1088 3ts.
Aha Hookolokolo Kiekie o ko Hawaii Pae Aina, ma ka hooponopono waiwai. Ma ka Waiwai o KAUO o Honoluluu i make, kauoha ole. Imua o ka Lunakanawai L. McCully. Olelo Kauoha e hoolaha aku no ke noi ana mai e koho i Luna Hooponopono Waiwai.
Ma ka heluhelu a me ka waiho ana mai o ka palapala noi a Luka o Honolulu, e hoike mai ana o KAUO no Honolulu, Oahu, ua make kauoha ole ma Honolulu i oleloia ma ka la 16 o Sepatemaba, M. H. 1882, a e noi ana e hawaiia ka Palapala Hookohu Luna Hooponopono Waiwai ia Luka i oleloia.
Ua kauohaia o ka POAKOLU, ka la 1 o Novemaba, M. H. 1882, oia ka manawa i koho ia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolaha ia ma ka olelo Hawaii, i ekolu pule ma ka NUPEPA KUOKOA, he nupepa ma Honolulu.
Kakauia ma Honolulu, ko Hawaii Pae Aina, Oct. 5, M. H. 1882. L. MCCULLY,
Ikea : Lunakanawai o ka Aha Kiekie.
D. K. Fyfe, Kakauolelo. 1088 3t
NA HOOLAHA.
Iloko o ka Aha Hookolokolo Kiekie o ke Aupuni Hawaii. Kalakaua ma ka lokomaikai o ke Akua, o ko Hawaii Pae Aina Moi.
Ia William C. Burke Esquire, Hamuku o ke Aupuni, a i ole i kona Hope. Me ka mahalo.
Ke kauohaia aku nei oe e kii aku ia Henry Giles, ka mea i hoopii ia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kiekie, ma ke kau o Okatoba o ua Aha la e malamaia ana ma ke Keena Hookolokolo o ka Hale Hookolokolo ma Honolulu, Mokupuni o Oahu, ma ka Poakahi, la 2 o Okatoba e hiki mai ana, ma ka hora 10 A. M., e hoike mai no ke aha la e ae ole ia ai ke noi a Emeline Giles, ka mea hoopii, e like me ka mea i hoakakaia iloko o ka palapala hoopii i pakuiia. A e hoihoi mai oe i keia palapala me ka hoike piha o kau mau hana mamuli o keia palapala.
Ikea ka Mea Hanohano A. Francis Judd,
Lunakanawai Nui o ko Makou Aha
Hookolokolo Kiekie, ma Honolulu, i
keia la 1 o Sepatemaba, A. D. 1882.
(Sala o ka Aha Kiekie.)
(Inoa) A. Ros@, Hope Kakauolelo
I keia palapala kii, ua pane ka Ilamuku penei:
KEENA O KA ILAMUKU, }
Honolulu , Sepatemaba 1, 1882. }
Oiai ua imi au ia Henry Giles i oleloia maloko o keia palapala kii, ke hoihoi aku nei au i keia palapala kii me ka hooko ole ia, no ka loaa ole ana o ua Henry Giles la i oleloia iloko o keia Aupuni.
{Kakauinoaia} W. C. PARKE, Hamuku.
KO HAWAII PAEAINA } ss
Honolulu, Oahu. }
Ke hoike nei au ma keia, o ka palapala maluna ae, he kope oiaio a pololei ia o ka palapala kii i hoopukaia ma ka hihia oki mare o Emeline Giles, kue ia Henry Giles, a me ka hoike a ka Hamuku no ia mea, a mamuli o ua hoike la a ka Hamuku, ua kauoha ka Aha ma ke Kau o Okatoba, A.D. 1882, e hoopaneeia ua hihia la a ke Kau o Ianuari, A. D. 1883, a iloko o ia manawa kowa, e paiia i kope oiaio o ua palapala kii nei e like me ka mea i hoakakaia ma ke kanawai, e kahea aku i ka mea hoopii ia e pane mai ma ke Kau o Ianuari, i oleloia.
I hoike no ia mea, ke kau nei au i ko’u lima i keia la 9 o Okatoba, A. D. 1882.
[Sila o ka Aha Kiekie]
JNO. E. Barnard,
1089 6t Kakauolelo o ka Aha Kiekie.
Iloko o ka Aha Hookolokolo Kiekie o ke Aupuni Hawaii, Kalakaua ma ka lokomaikai o ke Akua, o ko Hawaii Paeaina, Moi ; ia William C. Parke, Esquire, Hamaku o ke Aupuni a i ole i kona hope, me ka mahalo.
Ke kauohaia aku nei oe e kii aku ia Charley Cash ka mea i hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kiekie, ma ke Kau o Iulai o ua Aha la, e malamaia ana ma ke Keena Hookolokolo oka Hale Hookolokolo ma Honolulu, mokupuni o Oahu, ma ka Poakahi, la 3 o Iulai, e hiki mai ana, ma ka hora 10, A. M., e hoike mai no keaha la e ae ole ia ai ke noi a Kamaka, w., ka mea hoopii, elike me ka mea i hoalakaia iloko o ka palapala hoopii i pakuiia. A e hoihoi mai oe i keia palapala me ka hoike piha o kau mau hana mamuli o keia palapala.
Ikea ka Mea Hanohano A. Francis Judd,
Lunakanawai Nui o ko Makou Aha
Hookolokolo Kiekie, ma Honolulu, i
keia la 9 o Iune, A.D, 1882.
[Sila o ka Aha Kiekie]
(Inoa) A. Rosa, Hope Kakauolelo.
I keia palapala kii, ua pane ka Hamuku penei :
Ke hoihoiia aku nei keia palapala kii me ka hooko ole ia, oiai, ua haalele ua Charley Cash i keia Paeaina ma ka la 18 o Mei, 1882, maluna o ka moku W. H. Meyer.
(Inoa) W. C. PARKE, Hamuku.
Honolulu, Iune 10, 1882.
KO HAWAII PAEAINA, } ss
Honolulu, Oahu }
Ke hoike nei au ma keia, o ka palapala maluna ae, he kope oiaio a pololei ia o ka palapala kii i hoopukaia ma ka hihia oki mare o Kamaka, w., kuei a Charley Cash, a me ka hoike a ka Hamuku no ia mea; a mamuli o ua hoike la a ka Hamuku, ua kauoha ka Aha ma ke Kau o Okatoba, 1882, e hoopaneeia ua hihia la a ke Kau o Ianuari. A. D. 1883, a iloko o ia manawa ka wa e paiia i kope oiaio o ua palapala kii nei elike me ka mea i hoakaka ia ma ke kanawai, e kahea aku i ka mea i hoopiiia, e pane mai ma ke Kau o Ianuari i oleloia.
I hoike no ia mea, ke kau nei au i ko’u lima i keia la 9 o Okatoba, A. D. 1882.
[Sila o ka Aha Kiekie]
JNO. E. BARNARD,
1089 6ts Kakauolelo o ka Aha Kiekie.
Hoolaha a ka Luna Hooponopono Waiwai.
Ua hookohu pono ia mai ka mea nona ka inoa malalo iho, i Luna Hooponopono no ka waiwai o Chong Pau o Moanalua, Oahu, i make kauoha ole ; nolaila, o ka poe a pau he mau koina ka lakou i ka waiwai i oleloia, he pono e waiho i ka lakou mau koina ma ke Keena Loio o W. R. Kakela, ma Honolulu, Oahu, iloko o na malama eono mai keia la aku, a i ole pela, alaila, e hoole mau loa ia aku no. A o ka poe a pau i aie ia Chong Pau i oleloia, ke kauohaia aku nei e uku koke mai me ka hookaulua ole. AFFOOK.
Luna Hooponopono Waiwai o Chong Pau.
Honolulu, Oct. 4, 1882. 1088 4t
Hoolaha Kuai Kudala.
E kuai kudala ia ana he Aina Ko a me Kalo a me na Aina Hanai Holoholona, ma Lahaina, Maui, ma ke kauoha o na Kahu Malama Waiwai, o ka waiwai o Lunalilo, e haawi aku ana au ma ke kuai kudala kuike, ma ka Hale Hookolokolo ma Lahaina, ma ka hora 12 o ke awakea POAHA, la 2 o Novemaba, 1882, na apana aina malalo iho :
11 apana, ma ke Ahupuaa o Polanui, Mahele 8559, B apana ia W. C. Lunalilo, penei na kuhikuhi ana :
Apana 1--Aina Kula e waiho ana ma kahakai, 273 14-100 eka. Apana 2—Aina Ko me Aina Kula, 14 50-100 eka. Apana 3—Aina Ko, Aina Kula, Aina Kalo, 11 68-100 eka. Apana 4—Aina Kalo, 1 51-100 eka. Apana 5—Aina Kalo, 8-100 eka. Apana 6—Aina Kalo, 9-100 eka. Apana 7—Aina Kalo, 2-100 eka. Apana 8—Aina Kalo, 2-100 eka. Apana 9—Aina Kula, 16 87-100 eka. Apana 10—Aina Ko me Aina Kalo, 55 50-100 eka. Apana 11—Aina Kalo, ua piha ka hapanui o keia Apana me na Kuleana nona ka ili aina 7 50-100 eka.
11 apana ma ke Ahupuaa o Kuholilea, Mahele 8559 B apana 26 ia W. C. Lunalilo; penei na kuhikuhi ana :
Apana 1—Aina Kalo, 45-100 eka. Apana 2—Aina Kalo, 1 22-100 eka. Apana 3—Aina Kalo kahiko, 88-100 eka. Apana 4—Aina Kalo, 11-100 eka. Apana 5—Aina Kalo, 2-100 eka. Apana 6—Aina Kalo a me Aina Kula, 63-100 eka. Apana 7—Aina Kalo, 2-140 eka. Apana 8—Aina Kalo, 10-100 eka. Apana 9—Aina Kalo me Aina Kula, 47-100 eka. Apana 10—Aina Kula, 60 83-100 eka. Apana 11—Aina Kula, 80 56-100 eka.
Eono apana ma ka aina o Kukuikapu, Mahele 277 ia W. C. Lunalilo, penei na kuhikuhi ana :
Apana 1—Aina Ko me Kalo, 11-12-100 eka. Apana 2—Aina Ko me Kalo, 11 158-00 eka. Apana 3—Aina Ko Me Kalo, 14 7-100 eka. Apana 4—Aina Ko me Kalo, 11 12-00 eka. Apana 5—Aina Ko me Kalo, 8 89-00 eka. Apana 6—Aina Ko me Kalo, 11 22-100 eka.
Ua kaawale na Ili Aina i hoike ia maanei, aole i komo na Kuleana iloko o na palena i oleloia. S. B. DOLE,
Kahu Malama Waiwai
E. P. ADAMU, Luna Kudala. 1087