Ka Nupepa Kuokoa, Volume XXI, Number 42, 21 October 1882 — Page 2

 

please note:  first portion of the first column is covered by white…input beings at first legible word

 

 

AUHAU @ I ka was i no@ ka Ahaolelo is keia Kau iho nei, he papa helu i hoomakaukau ia e Kapena Luika. Luna Helu o keia apana, ka i waihoia ae imua o na lala o ka Ahaolelo, e hoike ana ia papa helu i ka nui o na auhau i uku ia e kela a me keia ano lahui e noho nei ma keia Paeaina.  O na hoakaka ana a Kapena Luika maloko o ua papa helu la, aole ia i kulike me na noonoo like ole o na lala o ka Ahaolelo, a no ia mea ua hoopukaia he olelo hooholo e hana hou ia a e pai hou ia i papa hoonohonoho pololei, a o ua papa hou la, ua paiia a ua paholaia ma na poai o ke kulanakauhale a ma na kuaaina kekahi, malalo hooponopono ana a F.H Hayselden (Kikaha), Luna Helu o Makawao, Maui.

            Ia makou i nana akahele ai i ka papa hoonohonoho hou i hoopukaia iho nei, aole no ia i kulike me ka papa hoonohonoho mua i hoomakaukauia e Kapena Luika.  Ma ka nana ana i ka huina o na auhau i hookaa ia e kela a me keia ano lahui ma ka papa hoonohonoho hou, a ma ka hoohalike ana me ka papa hoonohonoho mua, ua hoikeia mai ke kulike ole.  He okoa ka huina ma ka papa mua, he okoa ma ka papa hou.

            Ua manao makou aole i pololei loa keia papa hoonohonoho hou, ma keia kumu: Ano wale iho nei no o Kikaha ma ka lawelawe ana i ka oihana Luna Helu, a aole no hoi oia i maamaa pono loa, aka, o Kapena Luika, he kauwa kahiko loa oia malalo o ke Aupuni ma ka oihana Luna Helu.  Ua maa oia ma keia hana, ua kuluma no hoi.

 

___

 

 “UA KUPAA KA MANAO.”

___

             

            “Ma na ouili a me na hiohiona o ke au e nee nei, he mea maopopo aia imua na manaolana o ke aupuni a me ka lahui holookoa.: - Elele Poakolu , Okatoba 18.

            Wahi hoi a ke KUOKOA.

 

UA KAPEKEPEKE KE AU O KA MANAWA.

 

Ma na ouli a me na hiohiona o ke au e nee nei, he mea maopopo, ua kapekepeke ke au o ka manawa a ua loli ano e na hookele aupuni ana.  He mea maopopo loa keia ke noonoo pono ia, a he mea maikai ole paha ke kuawili mau aku, oiai ua kamailio nuiia keia mea e na nupepa o keia kulanakuahale.

            Aka, o ka makou e kalai nei i keia wa, ua kapekepeke ke au o ka manawa a ke ikeia aku nei na hiohiona o ka omamalu poino e anehe nei e uhi maluna o na kapakai o ka Paeaina Hawaii.  Mawaena o na noho lawelawe ana a na poo alakai o ke aupuni i keia wa, ua ikeia ke ano kupilikii maoli no ko lakau noho mana a ke hou hele oei kekahi o lakou ma na poai o ke kulankauhale nei e imi ana i mea hou aku e hoonohoia ma kekahi makalua.  Iloko nae o ia hou hele ana ma o a maanei aole he mea i ae mai i kona manao.  No keaha la keia hana?  No keaha la ka hou hele ana ma o a maanei?  No keaha la ka makemake e loaa ke mea hou?  Heaha la ka pilikia, a heaha la ka mea i makemakeia?  Eia ua kapekepeke ka noho na ua lokahi like ole ka manao, ua ohumu malu kekahi i kekahi, ua makemake ole kekahi i kekahi.  Kupunaha! lokahi like mamua, a mahope mai, mahele lua!  Ea, e ke au o ka manawa, e kuailo mai i keia moeuhane pahaohao, e hoike mai heaha la auanei ka hopena o keia mau hana?

            Ke anehe aku nei paha e pukaamaka ke kaona o ka makou kalai ana, a ina pela, e hooki makou no keia wa a mahope aku, e hoea hou aku no ka makou kalai ana ma keia kumuhana hookahi.

            Ma ke poo o keia kukulu manao, ua lawe mai makou i ka hapa mua o kekahi manao pepa i puka ma ka Elele o ka la 18 iho nei, a me ia mea ua ake makou e hoohalikeia keia mau kalai manao ana a elua.

HE MAU BUKE HOU.

 

            Ua hoopukaia iho nei kekahi mau buke moolelo a elua, i kakauia e kekahi mau makuahine o ka pono i lawe mua ia mai i keia paeaina.  O ka wahine a Kuaua a me ka wahine a Kakina na mea nana keia mau buke i hoomakaukau.  Ua puka ka mua iloko aku nei o kela makahiki, a o ka lua ano iho nei no ka hoea ana mai.  Ua kamailio mua no hoi makou no keia mau buke i oleloia. Ua loaa mai ia makou ma ka lokomaikaiia mai keia mau buke a eleua, a ua heluheluia.  He nui na manao maikai, a he waiwai ke heluheluia.  O Kauka wahine a me Kakina wahine, na mea nana keia mau buke i hana, o laua kekahi au makua  @ine o ka pono ma keia aina i kaulana @oko o na kau i hala ma keia aina.  Ua hiki mai laua me ka laua mau kane a @e na kumu a ae ma Hawaii nei i ka @ aole aupuni malamalama a e waiho lohelohe ana ka lahui kanaka.  Ua @kua pu laua a me kekahi poe e ae i ka hoonohonoho ana i ke kahua o ke aupuni @ka Malamalama maluna o keia mau @u ako ako a, a mailoko ae o ka lakou @na i ulu ai ke Aupuni Hawaii e ku @ i keia wa a me na hana makai a pau ma keia aina.  Ua ikemaka a Kauka a me Kakina i ka opuu ana o na hua i kanuia e na kumu kahiko.  Ua ike laua i na hihia na kuee a me na poino i hiki mai maluna o ke aupuni Hawaii iloko o kona mau la opio loa; ua ike pu laua i na alo ana a me na kokua ana i lanakila ai a he nui keia mau mea i hoopaaia iloko o ko laua mau buke he mea e nanea ai ko makou poe heluhelu ke lohi he mau mea i kupono ole ke hoopoina ia e ka hanuna opio e ulu nei.  A ma keia hope e hoopuka aku ana makou i kekahi mau mokuna o keia mau buke no ka pomaikai o na makamaka heluhelu o keia pepa.

 

KA MANAO O KO NA AINA E.

 

Ua ike iho nei makou maloko o kekahi nupepa i hoopukaia ma Kaleponi, he kalai manao ana i pili i ko kakou kulana aupuni e noho nei.  Ua hoohalikeia kakou me kekahi aupuni o na lahuikanaka naaupo mamuli o na hana a ko kakou ahaolelo i pau iho nei a me na Kuhina o ke aupuni.  Ua kamailio nuiia no hoi na hana a ka Moi, a ua oleloia ua like oia me he alii la o kekahi lahui kanaka naaupo loa, ka lawe wale i ka mana aupuni a pau iloko o kona poho lima.  A he nui wale aku na olelo o ia ano.

Ua minamina loa makou i keia, no ka mea aia makou ma ka aoao o ka inoa maikai o ko kakou aupuni kahi i ku ai, me ka inoa maikai o ka lahui a me no poo o ka lahui.  Ma ia aoao ko makou hooikaika ana i na wa a pau.  A aole no makou i paupauaho mamua no ka pono o Hawaii.

Aka, ina e hana mau ka Ahaolelo, a me na poo aupuni, i na mea kohu ole e loaa ai na kumuhana kue mai a ko na aina e, alaila he mea makehewa ka hooikaika ana o ko Hawaii poe makamaka no kona pono.  Aole hiki ia kakou ke pee iloko o ka opu nahelehele.  Eia na maka o ko na aina e maluna o kakou, no ka mea eia ia nei ko lakou mau lahui kahi e noho nei a e hele nei.  A ina e kukuluia maanei he aupuni i ku like ole me ke ano o na Aupuni Kumukanawai o na aina malamalama, alaila he mea ia e oluolu ole ai na maka o na aupuni e ae, a o ko kakou pilikia no ka hopena.  He oiaio, he wahi aupuni kuokoa kakou.  Aka, ua kuokoa wale no kakou malalo o ka ae oluolu ana o ko na aina e.  A ina e hewa ko kakou hana ana imua o ko lakou mau maka, aole lakou e ae ana i ko kakou kuokoa.  Nawai la e hoole i ka lakou?  A eia maanei kahi a kakou e hele nei a kupilikii, a ua aneane i kahi o ka pililikia maoli, o ka pono ole a ko kakou mau hookele aupuni.

 

NUHOU MA HILO.

 

Ua ku ae ka moku kuna Ida Schnauer ma Hilo, he 19 la mai Kapalakiko me ka piha ukana nui.  He 4 ohua haole me 45 paahana Pake no ka mahiko o Hakalalu ka i laweia mai eia me kekahi heluna nui o no hoki, bipi a me lio.

Ma ia la i ku ai keia moku kuna, ua hooulu hoohaunaele ae la na paahana Norewai o ka makiko o Papaikou, ma ko lakou hoole ana aole e hele i ka hana.  Ua hoopukaia na palapala hopu, a ua hoopuia he 50 o lakou, a ua hoopaaia ma ka halepaahao.  Ua hookolokoloia a ahewaia lakou ma ka hooapaiia ana mai ka $4 a hiki i ka $10.  Ua hoole lakou no ka hoi hou ana e hana ma ka mahiko o Papaikou, a nolaila, ua hoopaaia no lakou ma ka halepaahao.  He 25 o keia poe ua hoounaia mai nei i Honolulu e hoopaahaoia ai, maluna mai o ka mokuahi Likelike .  Me he mea la, ua hoala keia poe i kekahi hui hoohaunaele i mea e kaawale mai ai lakou mai keia mahiko.

E hoomanaoia o keia no na paahana Norewai i hooulu mua ai i kela haunaele mamua aku nei, ma ia hui mahiko hookahi.

Ua paa loa aenei ka uwea telepone o Hilo, aia ke moe la mai Ookala a i Hakalau, he 30 mile a oi ka mamao mai kekahi wahi a i kekahi wahi.

 

KAILI ME KALAOLA NA AKUA.

 

Ua hoike aku makou i kela pule aku nei i na hoonohonoho akua ma kekahi apana o Honolulu nei; aohe i liu aku ia, ua hoea hou mai kekahi lono i ko makou nei keena oia keia.

Ma ka po Poakahi o keia pule, ua no iho la ke akua makani, iluna o Maria, w., o Auwaiolimu, oia o Kaili, me Kalaola, e hoike ana keia mau akua, i ke kumu i poino ai kela wahi moku o Robata, no ka hookuli.  O Kahanui ke kane mare a keia wahine.

Aole paha i poina ko Maui poe no ka hana a keia wahine hoomanamana.  O kahi i noho ai o keia mau mea, aia ma ka hale o Keoki me Kalaauala ma Auwaiolimu ae nei.  Ua kamailio hou ae ua mau akua nei, e noho ana iluna o kela wahine, e make ana o Nailima k., ke holo oia i Kauai maluna o Bikepa a e hoi unhane mai ana. Ma keia ano hana, kiekie ka manomano a me na hana hoopunipuni a keia uhane deragona.

 

NOHOU MA KOHALA

Mai kekahi o ko makou makamaka mai Kohala mai, ua hoike mai oia i keia mau lono mahalo iho.

He nui na hihia ma ia apana, o na hihia haalele hana nae ka hapanui.  Ua laulahaia ae he lono malaila e hoi hou ana ke Moiwahine Emma Kaleleonalani malaila ma keia mua aku.  Malalo o kana hooponopono ana me he ia e kukuluia ana he wiliko no no kanaka Hawaii o ia apana ke ike ia ka pono.

Ke piha mau la na halawai haipule o na apana olaila, a ua nui ka mahalo o na makamaka olaila, ia S. L. D. no kona ikaika i ka haiolelo i na wa a pau.  He ola kino maikai kona e noho la malaila.  Aohe he ike nui ia o ka ona ma ia apana i keia manawa.  O na makeke i a olaila he ulu wehiwehi i na ahiahi Poaono a pau, ola no kini o ua apana la.

Ke mahuahua la na Pake maauaauwa pai kalo ma ia apana ke ulu pu ae la hoi kekahi mea hana mikiala iwaena o na kanaka opio ma ia apana.  O na oawa pali olaila ke ulaa ia la e na lima hana mikiala, ke hoopiha ia aku la me na lau uala, a me na hua mea ai e ae Oluolu mau ke ea o ka aina.

 

NOHOU A NA AINA E.

 

Ua laweia mai e makou keia mau lono malalo iho, mai ka nupepa puka pule Balletin o ka la 27 o ka la 27 o Sepatemaba, a malalo iho o keia e ikeia no na lono hope loa mai nei ma maluna mai o ka mokuahi Suesa .

O Abadula El Pasha ka mea e noho hoomalu ana maluna o kekahi puali koa o Arabi ma Damieta, ua kiia mai nei oia i ka pu e kekahi o kona mau koa o ua puali la ana e noho hoomalu ana.  Penie kahi moolelo pokole e pili ana no keia ke pu ana:

Ma kekahi la, ua kauoha aku la oia i kona mahele koa paele, a olelo aku la imua o lakou penei:  Ua manao au e kupaa ana oukou mahope o’u a hiki i ka hopena.  Ke manao nei au, ua huli kipi mai nei o Arabi ia kakou.  Ninau aku la kekahi koa iaia, i aha ai ko makou hoomauna ana i ko makou mau ola no Arabi a me oe pu?  Pane mai la o Abadula, aole oukou e hakaka ana no ko maua pono, aka e hakaka ana oukou no ka pono o ka hoomana, ka aina, a me ko kakou Mesia Nui. E makaukau oukou e make no ka hanohano o keia mau mea e like me ko’u hoomakaukau ana no’u iho e make.  Pane mai la kekahi koa, ina pela kou manao, alaila e make oe i keia wa Kani mai la kana pu a ku mai la ka poka ma ka opu o Abadula a make iho la oia ia wa.

Ua hohola ae o Kenela Wulese he olelo kuahaua e mahalo ana oia i kona puali koa no ko lakou eleu a hooko pono i na kauoha a pau, a maluna o na mea a pau ua haawi oia i kona mahalo no ka lilo pio ana o Arabi.

Ua paholaia ae he lono, ke hoala hoohaunaele la na Arabia ma ka aoao akau o Aigupita, a no ia mea ua kaukau o Aigupita, a no ia mea ua kauoha aku o Kenela Wulese o kipokaia ia mau wahi ke ole e pau no hoehuehe ana.  Ua kaulua ka hoi ana o Kenela Wulese me kona puali koa i Enelani no hoalaia ana o keia mau hana hoohaunaele.

Ua pahu ae kekahi kaa hali lako kaua ma ke kulanakauhale o Cairo, me ka make ana he lehulehu o no ola.  Ma keia pahu ana, ua lalapa aku la na ula o ke ahi i kekahi mau wahi e iho a hoomaka aku la ka a ana a loaa kekahi hale pauda.  He weliweli na nanaiana i ikeia maluna o na hale a me ke kulanakauhale pu.

O ka mai fiva lenalena, ke mau ala no kona pahola ana ma na palena o na mokuaina o ka Hema o Amerika Huipuia.

Ua loaa aku he heluna nui o na mea hoopahu (dynamite) ma kekahi alanui kaamahu iloko o kekahi kaa ahi, ma kekahi wahi hoolulu o na kaa ahi ma Rusia.  Ua manaoin he hana ko keia na ka hui kipi Nihila.

He ino nui ka i ikeia ma na kapakai o Irelani i keia mau la iho nei.  Nui ka poino o na moku a me kekahi mau ukana.

He mai ahulau ke pahola nei ma Mekiko i keia wa, a ke hopohopoia nei o laulaha loa a palahalaha.  He ano like keia mai me ka mai kolela o Inia.

Ua kauoha ake ke alii kui o Auigupita ia Baker Pasha e hoala hou a e kukulu hou i ka puali koa hui o Aigupita, ma o ka apono ana o na mana nui o Enelani e noho ana ma Aigupita.  Ua ae o Baker Pasha i keia hookohuia ana.

Ua hookomo aku o George Scoville he palapala hoopii oki mare mai kana wahine mare, no ke kupono ole o na hana o kana wahine.

He ahi nui ka i paholaia ma kekahi hapa o ke kulanakauhale o Piladelapia.  He ahi nui a ua nui no hoi ka poina a me ka poho.

O ke kanaka hope loa o ka hui poQa banako o Ilinoi, oia o Dunkle. ua hopuia mai nei e kekahi makai ma ka mokuania o Monatana i ka la 3 o keia mahina mahope iho o kona alualu loihi ana no 6 la.  Ua loaa pu aku ma kona kino he mau haneri dala i aihoeia mai kekahi hale banako @  Ilinoi.  Ua hoopaahaoia oia a ke kaniia nei no kona ia e hookolokoloia ai.

LETA MAI KAPALAKIO MAI.

 

Ma ka lokomaikai o Mr. S. Kawelo ua haawi mai oia e paiia keia leta nuhou malalo iho:

PALACE HOTEL,

San Francisco, Oct. 7, 1882

I kuu keiki S. Kawelo, aloha ne a nui loa a me kou ohana.  Me oukou ke aloha a nui.

Eia au ke hele mau nei e makaikai, oiai i keia wa kaawale i hookuuia mai ai e ke Kuhina, e nana i ka Aha Hoomalu, elua Aha Hoomalu No. 1. a me No. 2, a e noho ana no laua i ka wa hookahi.  Nui na hi@ nui no hoi na loio opio a me na elemakule.

A malalo o keia mau rumi ka rumi halemai no na paahao i hoopaaia mai no ke kali aku e hookolokolo.

He paikau hele no koonei mau koa i ka la pule, he hemo no na hale inu rama me na hale kahi auwae i ka la pule, noa ia mea maaanei, oolea ma ke one oiwi.  E holo mau ana na mokuahi huila ma ka aoao e lawe ana i na ohua i Okalana, etc.  Nunui na hale, akea na alanue, ua uhiia kahi mau alanui i ke a a-la a me ka uwinihapa, nui na kaa, a ma ka mama leta oe e ike ai a oi aku.

Aloha kaua a nui loa, e aloha i na hoa a pau.  Kou oiaio.

J. L KAULUKOU.

LOLI ANO E KE AU O KA MANAWA.

           

Iloko o ke au o Kamehameha ma, a komo mai i ke au o Lunalilo, a mai ko Lunalilo au a komo loa mai i ke au o Kalakaua, keia au a kokou e noho u nei, ua ikeia ka maikai a me ka lokahi like o ka noho no a na makaainana ponoi o ka aina, a me na makaainana o na aina e mai iloko o ia au i hala aku la.

I keia au e hele nei, ke au hoi a kakou e noho u nei, ua ikeia ka uluku nui o na manao maikai ole mawaena o na makaainana ponoi @ka lahui a me na makaainana o na aina e mai.  Aole au e olelo ana ua pau loa na makaainana ma keia kulana like, aka, o kekahi hapa, ka hapa i ike i ka maikai ole o keia mau hana e lawelaweia nei e na poo alakai aupuni, o lakou ke kaniuhu nei, a o lakou ke hooikaika nei e kinai a e hoopio loa i keia mau hana kupono ole.

Hewa anei lakou ma keia hana a lakou e hooikaika nei e kinai a e hoopau loa mai ka moolele o ko kakou aina makuahine keia hana lapuwale maikai ole? He hana hewa anei ka hooikaika ana o kekahi hapa o na makaainana o kekahi lahui e kinai i kehahi hana pono ole i hanaia maluna o ka aina?  Ma ka nana ana i ka puana o keia ninau maluna me he la o ka hana pono loa ia a na makaainana, e kinai, e hoopau loa.

Iloko o ke au a na Moi o kakou i noho ai ma ke kalanu Moi o ko kakou aina nei, ua ikeia ko lakou koho ana i na papa Kuhina naauao, manao maikai, manao aloha aina, a i ko lakou au e noho mana ana ma ke ano he mau alakai aupuni ma na hana a pau e holomua ai ka lahui, ua ikeia ko lakou hoonohonoho pono ana i na lilo o kela a me keia ano, ka nui o na dala o ka Bila Haawina o na makahiki elua e hiki mai ana, a me ko lakou hana pakiko ana i kela a me keia ano haawina.  Aka, hiki loa mai nei keia au, ke au i noho alakai ai o Buki me Kipikona no ka lahui holookoa, na pulakaumaka o keia mau la ea, hewa la ke olelo ae, nui aiwaiwa hewahewa ua mea o ka hoolilo.  Aole au e olelo ana na lakou nei wale no, aka, no ko lakou nei mau paa lalo a lakou nei hoomoamoa ai, na lunamakaainana, oia no lunamakaainana i puni a pahele ia me ka lakou nei maunu.

Nui hewahewa na hoolilo a me na haawina i hooholoia, pehea la, nui anei ka loaa, a nui anei ka waiwai o na makaaninana o keia lahui?  Oia nae paha, e auhau papalua ia a ma ia ano e hookaa ia ai ka puu dala nui i hooholoia no ka Bila Haawina o keia mau makahiki elua e hele nei.  He lalau ia, ina pela ka noonoo ana.

I ko’u noonoo hou ana, a e huikala ia mai no hoi au ina ua halahu ko’u noonoo, a penei ua wahi noonoo hou ala o’u:

In paha e hoouluula ia keia lahui, a waihoia aku i kekahi luna kudala, (ina paha a Adamu) a kudalaia, me he la, i ko’u noonoo iho, pau ka lahui i ka lilo, alaila e koe ana no ka aie a keia papa Kuhina i hana ai, a me he la he mau hoaiai keia e hoike mai ana, ua kaawale hoi lakou nei me ko laou mau punua.  E noonoo kakou, ua loli ano e ke au o ka manawa.    J. NALUA.

 

 

Ua hookohu iku au ia H.N. Kahulu i keia la, i Hope Lunakanawai Apana, no ka Aupana o Koolaepoko. Oahu.

JNO. O. DOMINIS.  

Kiaaina o Oahu.

Keena Kiaaina. Sept. 23, 1882.  1088 3@

 

Ua hookeheia i keia la o Hon. G. B. Pa@ohaa, i Luna Alanui no ka Apuna o Kawaihau, Kauai, ma kahi o K. W. T. Purvis, Esq. i waiho mai.

JNO. E BUSH

Kuhina Kalaiaina.

 

 

 

            O Hon. Jos. Nawahi a me W. C. Jones, Esq., ua hookohuia laua i keia la i mau Komisina no na Ala Liilii a me na Pono Wai no ka Apana o Hilo, Hawaii, ma kahi o W. H. Reed a me Keawehano i make.  O na lala o ka Papa i keia wa, oia o D. Kamai, Jos. Nawahi a me W. C. Jones.

            JNO. E BUSH.          
            Kuhina Kalaiaina.

            Keena Kalaiaina, Sept. 29, 1882.  1088 3t

 

Kuai Hoolimalima o na Aina Aupuni

 

Ma ka Poalima. Novemaha 3, ma ke alo iho o Aliiohani Hale, ma ka hora 12 a ke awakea e kuaiia aku ana ma ke kudala akea, ka hoolimalima o kela Apana Aina o ke Aupuni, i ikeia ma ka inoa o POHAKAA, e waiho la ma ke AWAAWA O KALIHI, e kokoke la i Honolulu, nona ka ili eka he 44.

Manawa:  Hoolimalima no Elima makahiki.  Uko koho, $72.00 a pii aku no ka makahiki, e uku mua ia i kela a me keia hapaha makahiki, e hoomaka ana ka hoolimalima mai ka la 13 o Sepatemaba, 1882.

JNO. E BUSH,

Kuhina Kalaiaina.

Keena Kalaiaina, Oct. 2, 1882.  1088 3@

 

HOOLAHA HOU.

HALE MELE HOU

I KEIA AHIAHI

Okatoba 21, 1882.

No ka pomaikai o

W. Kohler, (Kola,)

I kokuaia e ka HUI HANA KEAKA

o Alaska, a me kekahi mau keoni

mana o keia kulanakauhale. E

hoomaka ana na hana ma

ka horo 8.  Uku komo,

$1: 75 keneta a

me 50 keneta.   1090-1@

 

Hoolaha Hookapu Aina.

 

E ike auanei na kanaka a pau o kela ano keia ano, owau o ka mea nona ka inoa malalo iho, ke papa a ke hookapu loa aku new au i kuu apana aina o Kahuhuwalu, nona na eka he umikumamawalu, e waiho la ma Makawao, mokupuni o Maui.  Ina e loaa ia Keo Liwai a me Keawe, kuu mau hope, na bipi, lio, hoki, miula, e hele wale ana maluna o ka aina i oleloia maluna, $1 no ke poo; puaa, kao, hipa, 50 keneta no ke poo hookahi.  E hoolohe oukou i keia o plilikia oukou.

MRS. KEALO.

Halehaku, Hamakualoa, Maui, Oct. 12, 1882

1090 3t*

 

C.B. MAKEE.          A.A. COURTNEY.

MAKEE & COURTENEY

HANA POI!  HANA POI!!

MA WAIHEE, MAUI.

 

O na Paiai aweawe, ono, a kuhinia, e loaa no ma ko maua hale hana Paiai ma kahi i hoikeia maluna.  O ka poe a pau ma na mokupuni e ake ana i mau Paiai, e hiki no ia maua ke hoolako aku a lawa pono ka makemake.  E laweia no na Paiai ma Maalaea.  He 2 ½ keneta o ka paona.

He 60 aina Kalo a oi e mahiia nei i keia wa.

Eia ka wa kupono a e hoouna awiwi mai i na kauoha.

Na kauouha ma na leta e hook o awiwi ia.

 

HE NUI ANEI KOU MAKEMAKE I NA

Mikini Humuhumu Lole!

Ina pela, e kipa mai po ma ka Halekuai o

Kakela & Kuke!

A malaila oukou e ike a makaikai i na ano

Mekini a WHEELER a me WILSON

mai ke 840 a hiki i ke 850 ke kumukuai

ka e hookahi.

NA MIKINI A SINGER!

ma ke $30 pakahi me ke ano

MIKINI A WIILCOX ME GIBBS

ma ke $30 a hiki i ke $50 ke kumukuai.

I mea e paa ai ko oukou kanalua e na makamaka no ke

kupono o keia mau Mekini e naue mai no

me ke kuihe ole, a e ike no oukou iho

 

Eia La he Makamaka!

O ka poe a pau e ake ana e loaa, a e hanaia

na palapala

Hoolilo,

Hoilina,

Moraki,

Hoolimalima,

A i ole, o kekahi mau kakau pili kanawai pa-

ha, a i ole ia, na huli ana ma ka Aha a ma

ke Keena Hoona Aina, i kumu e hoo-

iaio ai kekahi kumu hoopii ma ke

kanawai, a i ole o na inoa

paha o na aina i mao-

popo ole, a i ole na

mahele olelo a

unuhi ole-

lo paha, ma ka

olelo  Beretania a

Hawaii paha, eia la he

makamaka no no kanaka Hawaii,

ALBERT C. SMITH,

E loaa no ia ma ka halekuai o Taramu,

Hele 26 Alanui Kalepa, a i ole e waiho

i na palapala kauoha.

N.B. – Haahaa ka auhau.  E loaa no na dala ma na Moraki.

 

NA HOOLAHA.

NA WAIWAI HOU LOA

O NA ANO A PAU.

E LOAA NO MA NA HALEKUAI O

WALAKAHAUKI MA!

 

MA ALANUI

 

Papu, Moi a me Moiwahine

OIA HOI:

 Na Noho Lio hou

loa a na ano a pau,

Na Palule Keokeo,

Huluhulu, o na ano

a pau, Na Pio

Ahinahina Pele

kane hou loa o na

ano a pau.  Na

Pena Kukaepele.

 

No Kopa Bulu. Na

Lole o na Wahine o

na ano a pau.  Na

Pahu Aila Mahu

maikai loa.  Na Si-

lika, Pahoehoe, o

na ano a pau. Ki-

hei o na ano a pau.

 

HAINAKA LAU NUNUI SILIKA O NA ANO

A PAU.

 

He nui aku no i koe, he piha pono na

Koluma o ka pepa, ina e huai pau

ia aku nei.

 

Eia hou ae a hoea mai i keia mau la iho he Lako Wafwai hou loa o na ano a pau, a he lako hou loa i wae pono ia e J.T. WATERHOUSE, Jr., ma Enelani, a he mau waiwai hoi i kupono loa no ko kakou mau kaiaulu.  No laila, e eleu mai e na makamaka a me na hoa’loha e hoonuu i keia mau lako waiwai hou loa.

 

NU HOU! NU HOU!

Na Waiwai Hou Loa!

NA PAIKINI O KEIA AU.

E loaa no ma ka ha Halekuai o

DILLINGHAMA MA.

Ma Alanui Papu.

 

Oia na waiwai malalo iho nei:

Na Palau, Kaa Huilapalala, Kopala,

Piki, Oo, Koi, Koilipi, Na Hamane

Kamana o na ano a pau,

Na mea Hana a na Ka-

mana, Poe Hamo

Puna, na Am-

ara a me

na mea

hana o ka

Poe Akeakamai

a pau.  Pena Aila,

Vaniki a me na Palaki,

Pauda, Poka a me na Kukae-

pele, Palaki Hamo Puna, Pulumi,

Pakeke, Kapu Holoi Lole a me na Papa

Holoi Lole, na Iputi,

na Pa Palai, na Ma

kau Lawaia, Na

Aho Lawaia o na

ano a pau, na Kaula

a na ano a pau, na

Pahi, O, a me na

Puna, a he nui aku no na mea i koe.

I KUPONO NO KA HOOHIWAHIWA ANA!

NA HALE.

 

I hiki ole ia makou ke huai pau aku, aka, na oukou no e hele mai a e hoonuu iho.  O keia maluna ae, e loaa no ma ka halekuai o

Dilinahama Ma,

 

NA HOOLAHA.

CALIFORNIA.

FURNITURE CO.

 

O KEIA HUI A HALEKUAI A@

Na Lako Hoonani o na Hale!

 

I ike mua ia iho nei ma kona kahea @

iho nei ma ke Alanui Papu, ma

kai iha o ka

Halekuai o na Mea Kani o Geo. F. Weils

Ua Hooneeia ai Nei a i na

Helu 56 me 58 Alanui Moiwahina.

He Hookahi Ipuka a ka mamao mai ka Hale @

 

A malaila e loaa ai no Lako Hale @

Eia iho ka inoa o ia mau Lako Hale

 

Na Moe maikai loa,

Noho o na ano a pau.

Noho koki, Pakakauka i.

Noho huleilua.

 

A HE NUI AKU.

 

EIA PU NO HOI ME MAKOU.

 

Na Uluna,

No Hela Moe,

Na Kehie Moe,

A me na Pale Uluna.

 

A oiai na makou iho no e hana keia mau mea @

nolaila e kuaiia aku ana me ke

 

Kumukuai Haahaa Loa:

 

PAPA KUHIKUHI MANAWA HOLO

O KA

Mokumahu Hawaii.

“LIKELIKE,”

 

Kapena King.

AOLE AIE NO NA UKU OHUA.

 

Ke hooleia aku nei ka aie no ka uku ohua, a ke hoikeia aku nei i ke akea, ina he @ paiki, ukana a puolo hooili ko lakou, e @ hoailonaia me ka moakaka lea.  Aole no e ae ia ka lawe ana i na ukana, paiki a @ hoailona ole ia ke ole e kakauia ka @ ana mai.

 

HE KUIKE KA UKU UKANA.

Ma na ukana a pau o na makamaka, e @ e uku mua ia.  A e hookoia no na kauoha a ka lawe a hiki i kahi makemakeia.  A e malamaia no me ka makaala na ukana, pa@ me na puolo, lio, pipi a me ka hoki.

E HOAILONAIA ME KA MOAKAKA NO

PAHU RAMA A ME WAINA.

 

O ka poe no lakou na ukana o kela ano, e hoailonaia me ka moakaka, a i ole e ka@ me ka moakaka ka loaa ana mai o ka poe @ lakou keia mau waiwai.

O na koina no na pilikia a me na poha, e pono e hoike kokeia mai iloko o ka malama hookahi.

Aole e aeia na hookele kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale no a paa no ohua eepakeke i ka lele.

No ke ake nui e hoopomaikaiia ka lehuleha kaahele, ua hoololi ae nei na Ona o Likelike i ka Papa Hoike Manawa oia Mokuahi e like me maluna.

Ma Hale Oihana e loaa ai na Palapala.

Aole Keena o hope e lilo, aia wale no kaa mua mai ka uku moku.  Aole e ili ka hewa  no na paiki, ukana a puolo, pahu, ke nele ke ka kaula ka loaa ana mai  E hookaaia ka uku ukana a oi aku.

 

NA WAIWAI HOU!

NA WAIWAI HOU!

 

Maluna mai o ka mou kalepa hao Glenga@

 

Mai Livapulu Mai .

 

E loaa no ma ka halekuai o Diaz me

Gonzalves, Helu 57 Alanui

Hotele.  Na waiwai Lole o

kela a me keia ano, i hu

muhumu lima ia me

ke maiau, a i

humuhu

mu

palanehe oleia i ka mikini ma

MADEIRA,

Ho pomaikai nui keia no ka

lehulehu ke kipa mai ma ko

MAUA HALEKUAI.

 

O na waiwai i kinohinohiia he lehulehu @

ma ko maua halekuai, a he mea pono @

lohi aka hele ia ko lakou waiwai @

Eia na inoa o kekahi o keia mau @

 

Na Noho huleihulei,

Na Kaula Wati Hululio,

Na Rula o kela ano keia ano,

Na Pepe Kakau,

No Pohi o na ano a pau.

Na Pahu waiho mea hana

o na wahine i kinohinohi

ia ma na io laau likeole.

 

He mau waiwai okoa

iho no kekahi i oi ae

ka nani a me ka

maikai i ko na mea

i hanaia e na Kepani,

Na Hainaka, Na

lako Hoonai Dala.

Etc., Etc., Etc.,

O keia mau waiwai a pau

e kuai ia me ke kumuku

ai haahaa waipahe.

 

Na Kui o na ano a pau.

 

Diaz me Gonzalves,

Helu 37 Alanui Hotele.