Ka Nupepa Kuokoa, Volume XXI, Number 39, 30 September 1882 — HE MOOLELO KAAO NO KEANINIULAOKALANI! KA NANI LUA OLE Moku o Kuaihelani KA MEA NANA I HOONAUEUE KUKULU O KAHIKI A O KE PUKONAKONA O NA LA I AU WALE AKU LA. [ARTICLE]

HE MOOLELO KAAO NO KEANINIULAOKALANI!

KA NANI LUA OLE Moku o Kuaihelani KA MEA NANA I HOONAUEUE KUKULU O KAHIKI A O KE PUKONAKONA O NA LA I AU WALE AKULA.

MAHELE II. HE mea maa mau ia Leimakani ka hele ana i ka hee nalu, a o Luukia hoi he oi aku kona lili i kona mau kaikaina i ka hele i ka heenalu. Aka o Leimakani aohe ona manao ia Luukia no ka mea ua ike no ia o ke kaikaina no ia o kona {illegible}. Aka o Luukia aohe ona {illegible} ae o ka laua keiki no ia

A no ko Leimakani hele mau i ka heenalu me Mailelaulii ma, nolaila hopu iho la o Luukia i ka laua makahiapo me Leimakani a paki iho la iluna o ka pohaku a make loa. A o na kahu keiki hoi holo aku la lakou mai ko Luukia alo aku a hoea ana i kaha one, a kali aku la o ka pae mai o Leimakani. A mahope iho pae mai la o Leimakani. I kona hiki ana mai i kula, olelo aku la na kahu penei: I holo mai nei makou mai ke alo mai o ke alii e hai aku ia oe o ke keiki a olua ua make. I aha ia? Wahi a Leimakani. I paki ia mai nei no e Luukia iluna o ka pohaku, wahi a na kahu. He aha hoi ka mea i paki ia ai iluna o ka pohaku? Wahi hou a Leimakani. Kai no hoi i ka huhu no hoi ia oe i ko hele pu no hoi me Mailelaulii ma i ka heenalu, nolaila huhu loa o Luukia ia oe, peepehi mai nei kela i ke keiki a olua. Noo iaila maka'u maknu ia Luukia a o komakou holo mai nei no ia i kahakai nei e hai ia oe. Ia manawa haalele iho la o Leimakani i kona papa heenalu a hoi aku la i ka hale me ka wai{illegible}. A i kona hoea ana aku i ka hale ike iho la ia i kana kamalei e waiho ana ua make. Komo aku la oia iloko o ka hale me ka ekemu ole aku i kona hoa o ia mau la a lalau aku la i kekahi oloa a lawe mai la iwaho i ka{illegible} e wahio ana o ka laua keiki. Hoolulu mai la i ka iwi iloko o ke kapa, laulau ae la ia a lawe aku la e hoolanalana iloko o kekahi panawai oia o Kmaahala, a hoomaka iho la oia e pule penei: Hauna o Kumaahala Pakui a ke koke i ka Lani Haloi koko i ka honua Hao wale ana a o ke koko ula O ke koko kea Haoa iloko o ka nuupiha Kaulia i ke alohilani O Lonokaiolohia ua make.

Ia manawa poha ae la ka leo o kana keiki mailoko ae o ka puolo i laulau ia ai e kona makuahine a puana ae la i keia mau olelo penei: O Lonokaiolohia ua ola—e. Ia manawa lohe pono iho la kona ma--kuahine i ka leo o kana keiki mailoko ae o ka puolo, ia manawa hamau iho la la kona makuahine maloko o kana hua pule penei: Hamau ia Ua lohe kini o ka po He pihe aha keia o luna e wa nei He pihe make O Lonokaiolohia ua make—e. Ia manawa pu ana hou ae la ka leo o kana keiki mailoko ae o ka puolo me keia mau huaolelo: O Lonokaiolohia ua ola—e A no ka hiki ole ia Leimakaui ke uumi i iho i ke aloha o kana keiki i hui pu ia me ke aloha o kona mau makua, nolaila hoopuka hou ae la oia i kana mau olelo hoalohaloha no kona mau makua penei: O ku la ka makuaka e O Hina la ka makuahine Hanau o Olopana he lii mua Hanau o Hainakolo he kuahine O Hainakolo me Keaniniula Hanau au o Leimakani O Leimakani au a Hainakolo O Haiwahine i ka pali o Waipio I wale kou makuahine i ka pala o [hala 1 ka hua ulei ai na maua Loia uu ia Kaholoholouka He keiki au no ka palihulaana Ahaina u e ka piii I ka uka i Opaeloa Kapa ia ko'u inoa O Lapaikihelewale O Leimakani au i lono oe—-e. A me keia mau leo walohia i kupouli i ke aloha me ka mokumokuahua o ka naau, ua hopu ia iho la ia leo aloha e kekahi o kona mau kupuna makani a ahai ia aku la ia leo aloha a pa aku la ma na pepeiao o Hainakolo, ia manawa koke no i ao kanaka ae ai a Hainakolo a huli hoi mai la oia mai kana huakai eepa; a kona hiki pono aua mai iluna o ka welau pali o Kaholokuaiwa, ike iho la oia i kana keiki a me kana moopuna ilalo o Haunakamaahale. Ia manawa loli loa ae la kona ano a ike pu me kona ano mau a puana ae la oia i keia mau leo mele penei: | I lohe ae au i ko leo I ka uwe hanehane i ka pali Ka leo hoi o kuu kamalei o oe—e Kuu keiki hoi. Kou keiki mai ke poo o ka opua Mai ka onohi o ka malama e kuu (nei. Me he mea la o maua pu no Ka ke kai e momoku nei i kuu ma(nawa Kuu keiki mai ka lae o ka i-a Mai kukuna o ka la e kau nei Ihea la au e hele ai A hai aku ia Keaniniulaokalani Eia aua iwaena moana

Me ke keiki a maua me kuu »loha | Kuu keiki —e kuo kamaiki hoi ooe | Auliea ann oe. j i A pau kana inau olel»» hoalohaloha, in ! manawa huomak<« mai la oia e iho mai luna uiai <» k i welm pul» a hui pu ihn la me kana keiki a ope ae U i kana keiki a uwe ku-o me ka uwe helu ana o llaunkoto i kana keiki penei: (Aole i piu.)