Ka Nupepa Kuokoa, Volume XXI, Number 38, 23 September 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I HUIIA.

No ka Makahiki, $2.   Eono Makina, $1.

Dala Kuike ka Rula.
POAONO, SEPT. 23, 1882.

 

IINI AU E HANA.

(I want to be a worker._

Light & Life, p 69.

1

Iini au e hana no Iesu,

A lele pau i Kana olelo pu,

A pule a mele pu, a hana no a mau

Ma ka mala o Iesu.

Cho. Hana au—pule au—

Ma ka mala, ma ka mala o Iesu.

Hana au, pule au, hana, hana no a mau

Ma ka mala o Iesu.

2

Iini au e hana, hana mau,

E kii i kuu mau hoa i lalau;

E kuhi i ke ao, i kahi malu mau

Ma ke aupuni o Iesu.

Cho. Hana au, &c—

3

Iini au e hana a koa no,

A hai ae i ke ola ia Iesu,

Ke ola mau ma o, ka home kamahao

Ma ke aupuni o Iesu.

Cho. Hana au, &c—

4

Iini au e hana, e Iesu;

Kokua mai i kuhi pono au

I na opio nei i kahi e maha 'i

Ma ke aupuni o Iesu.

Cho. Hana au, &c—

HAWAII.

 

Haawina Kula Sabati.

HELU 2, SABATI, OCT 8.

KUMUHANA.

Ka Parao, Pauku Baibala, Mar 14;12—21.

            12 A i ka la mua o ka ahaaina berena hu ole, i ka wa e kalua'i i ka moliala, ninau aku la Kana poe haumana ia Ia, Auhea la kau wahi makemake e hele ai makou e hoo makaukau, i ai Oe i ka moliaola?

            13 A hoouna ae la la i na haumana Ana elua, i ae la ia laua, E hele aku olua i ke kulanakauhale, alaila olua e halawai ai me kekahi kanaka e hali ana i ke kiaha wai, e hahai aku olua ia ia.

            14 A i kana wahi e komo aku ai, e olelo olua i ka mea hale, E, ke olelo mai nei ke Kumu, Auhea la ke keena hookipa, kahi e ai pu ai Au i ka moliaola me Ka'u poe haumana?

            15 A e hoike mai no kela ia olua i kekahi keena nui maluna, ua makaukau ko loko; malaila olua e hoomakaukau ai no kakou,

            16 Hele aku la na haumana, a hiki aku la i ke kulanakauhale, loaa ia laua e like me Kana mea i olelo mai ai ia laua: a hoomakaukau laua i ka moliaola.

            17 A i ke ahiahi hele mai la la me ka poe umikumamalua.

            18 A i ko lakou moe ana i ka ahaaina, olelo mai la Iesu, He oiaio Ka'u e olelo aku nei ia oukou, E kumakaia ia auanei Au e kekahi o oukou, o ka mea e ai pu ana me A'u.

            19 Kaumaha iho la lakou, a olelo pakahi aku la ia Ia, Owau anei? a o kekahi, Owau anei?

            20 Olelo mai la Ia, i mai la ia lakou, O kekahi o ka poe umikumamalua e miki pu ana kona lima ma A'u i ke pa, oia no ia.

            21 Ke hele aku nei no ke Keiki a ke kanaka, e like me ka mea i palapala ia mai ai Nona; aka, auwe ke kanaka nana e kumakaia i ke Keiki a ke kanaka! e aho no ia i na aole i hanauia mai la.

            Pauku Gula.  Puk. 12;27.

            Manao nui.  Ka ahaaina Pasoa kahiko, he mea hoomakaukau ia no ka ahaaina Pasoa hou.

            Na helehelu la,  1. Mar. 14;12—21.  2 Mat. 26;17—25  3. Luk. 22;7—23.  4.  Io 13;1—20.  5.  Puk. 12; 1—27.  6. Io. 13;21—38.  7. Io. 14;1—31.

            Ka manawa.  Ke ahiahi o ka Poaha, la 6 Aperila, oia hoi ka la 14 o Nisana o Abiba kekah@inoa, A D 33.

            Kahi i hanaia'i.  Ierusalema.

            Mele.  "Kuu mele no Iesu."  Hoku Ao Nani p 109.

                        Pule i mau ke mele no Iesu &c.

                                    Ka wehewehe me ka Ninau ana.

                                                Ekolu mahele.

            I. Ka Pasoa, p 12.

            Aia no Iesu ma Betania ma ke ahiahi o ka la 4 o Aperila, Poalua ia.  Malaila no Oia ma ia po, a ma ka Poakolu, a ma ka hapa o ka Poaha, Malaila aku na haumana elua a Ierusalema, ma ka Iesu kauoha, e hoomakaukau i wahi e ai ai i ka Pasoa.

            Ka la mua o ka ahaaina berena hu ole, o la ka la 14 o Nisana, ka Poaha ia ia kakou.  lakaka keia aheaina, ke kumu, ke anao, ke hana, @ nana Puk mok 12.  Ua hana ia na hana hoopai 9 i mea e hookuu ai Pasoa i ka poe Iseraela mai kona anamo oolea aku, hele lakou mai Aigupita aku a i Kanaana.  Aole nae o Parao i ae e hookuu ae.  Hookahi no hoopai i koe oia ka pepehi ia ana o na makahiapo o ka aina o Aigupita.  Oia ka mea e ai ai Parao ma e hookuu ae i ka poe Iseraela.

            Nisana, oia hoi Abiba ka inoa o ia malama i ka poe Iseraela.  Ka malama eono ia, o ka makahiki kirila.  A ma ia hope iho e lilo ana ia i malama mua o ka makahiki laa.

            No keia kumu, ma ka po o ka la 11 o ia malama o Abiba, e komo ana ka anela iloko o na hale o ko Aigupita poe, a e pepehi i na hiapo.

            I ole e komo ka anela iloko o na hale o ka poe Iseraela e pepehi i na hiapo olaila.  Ua hookaawale na ohana Iseraela ma ka ke Akua kauoha, ma ka la 10, i hipa keikikane kina ole.  Ma ke ahiahi o ka la 14, ua pepehi na ohana i keia hipa keiki, a ua hamo i ke koko ma na puka o ko lakou mau hale,

            I ka hele ana o ka anela e pepehi i na hiapo, ina ike oia i ke koko ma kekahi puka aole oia e komo iloko o ia hale.  Ua waiho ia ia hale.  Aohe mea i make iloko o ia hale.  Nolaila ka inoa Pasoa.  He hua Hebera ia, waihoia ke ano.

            Moliaola, he olelo Hawaii ia, a pili no i na pule me na mohai Hawaii, aole kupono i keia hana a ka poe Iseraela.  Pasoa ka hua kupono.  O kela Keikihipa kina ole i pepehi ia, he hoailona ia no Iesu, ke Keikihipa a ke Akua e pepehi@a'na i mohai hala, i mea e kalaia'i na hala o kanaka.

            Ka ahaaina berena hu ole.  He ahaaina makahiki keia.  Aole kukuluia ia ma Aigupita.  Na hana i hana ia ma Aigupita, o ia ke kumu o ke kukulu ana o ia ahaaina mahope.  Ua hai ia mai ke ano o na hana ma Puk mok 12.  Ua lohe na Iseraela e hookuu ia ana lakou ma ia po.  Ua hana lakou e like me ke kauoha.  Ua pepehi i ka hipa keiki, ua hamo i ke koko ma na puka.  E hana ana i ka berena, aole nae i hu, aole i moa.  Hiki mai ke kauoha e hoolale ana ia lakou e hele.  Lawe lakou i ka berena maka hu ole a me ko lakou mau papa wili ai, a hele wikiwiki aku ma ke aumoe o ia la 15.

            Ma ka makahiki elua ma ka waonahele o Sinai ma ka la 14 o ka malama mua malaila ke kukulu ana i ka ahaaina berena hu ole mua.

            Nana.  Nahelu 9;1—5.

            Me he la, ua malama Iesu me Kana mau haumana i keia ahaaina mamua.  No ka mea, u@ ninau na haumana ia Iesu.  Heaha ka ninau?  Me he la, ua maa lakou ma ia hana.

            Ua hookaawale e paha lakou i ke Keikihipa ma ka la 10 o ia malama, i ka la i komo lanakila ai Iesu iloko o Ierusalema.  Ua manao paha na haumana e malama ana Iesu ia ahaaina ma Betania:  Malaila no Iesu ma ka Poakolu.  Ma ka Poaha kakahiaka keia, ninau ana.  Ua manao na Rabi no Ierusalema no na kauhale liilii, e kokoke ana ma na hana mohai.  Pono no ke pepehila keia Keikihipa Pasoa ma ka luakini hiki nae ke malama i ka ahaaina ma kekahi kauhale.

            II.  Ka hoomakaukau ana, p 13—16.

            P 13.  Owai keia mau haumana elua, Petero, me Ioane.  Heaha ka Iesu kauoha ia laua?

            P 14.  Heaha ka laua e ninau aku ai i ka mea nona ka hale?  He makamaka paha keia ona no Iesu.

            P 15.  A kuhikuhi Oia mahea?  A malaila e aha'i.

            P 16.  Ua hana anei @a haumana pela?  Heaha ka mea e ike ai laua i keia kanaka aloha.

            Ma ke aha Iesu i ike ai i keia kanaka me ke kiaha wai?  Ma Kona ano Akua paha.

            III.  Na hana ma ka ahaaina.  p 17—21.

            P 17  Ma Betania Iesu ma ka Poaha kakahiaka.  Ua hele mai na haumana elua i Ierusalema a hoomakaukau i wahi e ahaaina ai, a hoi aku a hui @u me na haumana he 10 me Iesu.  A ahiahi hele pu mai lakou a i hea?

            P 18.  I ko lakou moe ana.  Aole moe loa.  He papaaina haahaa no i hahia, a ua kau na mea ai maluna, ka berena hu ole, ka waina, na mea awaawa &c.

            Moe hilinai lakou i ka papa, me na wawae mawaho.  Ma ke ano ahaaina ma ia aina, o Iesu mawaena.  Ioane e hilinai ana ia Ia, ma kekahi aoao, a o Petero ma hekahi aoao.

            He wahi hoopaapaa mamua aku, me ko Iesu ao ana, me ka holoi ana i na wawae o na haumana, Luka 22;15,24, Io 13;1—11. me ka hoopili ana.  Io 13;12—20.

            He ahaaina lua ole keia, ka ahaaina hope o Iesu ma ke kino.  Ke ko ana no Iesu.  Ke Keikihipa no Oia e pepehiia ana.  Noho ekemu ole na hoa ai.  Heaha ka manao o kela a o keia?  Heaha ka manao o Iesu ke Kumu?  Ma ka nana aku ua luuluu Kona naau.  Ua kaumaha.  Io. 13;21.  Kali iki Oia, a olelo mai.  He oiaio ka'u e olelo aku nei, @ aha ana kekahi o lakou ia Ia?

            P 19.  Pehea na haumana?  Kaumaha na haumana he 11.  Aole paha kaumaha Iuda Isekariota.  Pehea ko lakou ninau pakahi ana?  Owai kai ninau malu ia Iesu?  Io 13;23—26.

            P 20.  A pane aku Iesu pehea?  A haawi Iesu i ka apana ai ia wai?

            P 21.  Heaha ka Iesu olelo Nona iho, a no ka mea nana Oia @ kumakaia ana.  Heaha kauoha ia la?  Io 13;27.  E hele, e kumakaia koke.

Ka hoopili ana.

            1 Pono ke malama i na ahaaina kupono, a waiho aku i @ ahaaina makahiki kupono ole.

            2 E kuka na hoa ai me ke kahu, a ninau no na mea e pono ai, a e kokua &c.

            3 He keena ka naau.  Makemake e komo iloko.  E hoomaemae ia i komo eia iloko, e hoolakoia i na manao maikai.

            4 Hui pu ka poe oiaio me ka poe hookamani ma keia ao.  Ua ike nae Iesu i kekahi me kahi.  Aole hiki ke hoopunipuni ia Ia.

            5 E ninau kela me keia, owau anei ke kumakaia ana?  He hoailona ka ninau ole no ka hewa.

            6 E hooliloia'na ka hewa i mea pono ai ke aupuni o Iesu, aka o ka mea i hana i ka hewa e like me Inda Isekariota e poino loa ana ia.  E aho i na ua hanau ole ia oia.  E makau i ka hanahewa.

            Mele.  "Ke Kahuhipa" Hoku Ao Nani, P 36.

            Pule i hahai mamuli Ona.

Haawina no Okatoba 15.  mar. 14;22—31.

 

HE MOOLELO KAAO

--NO—

KEANINIULAOKALANI!

KA NANI LUA OLE

--O NA—

Moku o Kuaihelani

KA MEA NANA I HOONAUEUE

KUKULU O KAHIKI

A O KE PUKONAKONA

O NA LA I AU WALE AKU LA.

MAHELE'II

            Ia pau ana no o keia mau olelo a Keaukai ko Keaumiki pea mai la no ia pii ana i ka pali a hoea ana i ka welau pali, hele mai la keia i ka aina; o ka holo o ka lele hele ana keia i Hamakua luna nei, a pau o Hamakua hele ana keia iluna o Hilo, he mea ole na pali o Hilo i ko ianei mama, a hoea ana keia iluna o Kukuilauania nana ana ia Waiakea, e oni ana o Leleiwi me he ihu waa la i ka makani, ke kaukoe la no keia, oia hele ko ia nei a hoea ana i Wailuku aia malaila @ko ia nei wahi i hoohoka ia ai e Piliamoo, oia kekahi o na kupua kahiko o ia kahawai, huli ana keia i ke alanui, aole nae he loaa, oiai ua huna ia iho la e ke kino alualu o keia kamaeu a paa ke alanui, nolaila ka nana iho la keia i kahi e hiki ai, no ka mea ua pania ia iho la kahawai paa loa, a ma ka ia nei nana aku me he mea la no he pahoehoe, ka hele o ka unahi a oia no ka apana pohaku la ka hakumakuma, a o ka huelo hoi he mea ano like me ke kumkukui ka hele a pakalua, aka, ke owala mai la no nae ua huelo nei e hahau mai maluna o ianei ia manawa hoomaopopo iho la keia he kupua ka keia mea nui; ia manawa nae a ka huelo e kokoke mai nei e hahau iho maluna o koinei wahi puni@ poo, ia manawa, kahea aela keia me ka leo nui.  E ku e keehia, ia manawa koke no, lohe koke ia kula keia leo kahea a Keaumiki i na pea kapu o Kuaihelaui, a nanahe aku la ua leo nei i na pepeiao o Kahuli, ia manawa, puiwa ae la kona hiamoe, a hoomaka maila oia e puhi mai i ka makani o kona waha a lilo ae la ka maka@ o kona waha i puhi mai ai  i kikiao makani nui a na@eue ae la ka l@wa, a holo pololei maila kona welau i Hawaii nei; a he manawa ole onini ana ka makani maluna mai o Piikea a na kona ikaika no i ulupa iho i ke kino alualu o ua moo nei a me kona huelo kalakala, a hapai pu ia ae la ke kino o ua moo nei a paki ia iho la iluna o ka pahoehoe a weluwelu liilii a na ka ikaika no o ke ia makani i kuehu ae i kumu pali a liio iho @a i mea ole; ia manawa ike pono loa aku la keia i ke alanui a o ko ianei hoomaka aku la no ia e hele a pii ana i ka pali i kalamoe wale ia no eia nei i ka polo hoea ana i Paieie, komo aku la i ka lae ohia loloa o Panewa a hoea i waho o Kukulu, huli ke alo i kai, ko ia nei miki aku la noia a hoea ana i kai o Haena, komo aku la he wahi uluhale, a hehi ana keia i ka iliili Alaalamanu.

            I nana iho aunei ka hana e ahu ana na mau iliili nei ko ianei ohi iho la no ia a pa@ ku ae la no keia hoi ana.  I keia wa ana e hoi ana, aole i kupono ka la i ke kau, no ka mea ua mama loa kana hoi ana a o kona wahi wale no ia i kaulua iki ai i ke @keakea ia e ka moo.

            O ko ianei hoi mai la no ia a komo i Panaewa, hanu aku la keia i ka hohono mai o ka awa kau laau; ko ianei hookolo aku la no ia a loaa, lalau aku la no ia ma ke @a o ka huki mai la no ia a hemo mai la no hoi me ke kumu i paa ai o ko ianei owili pu ae la no ia me na pohaku pe-a mai la no keia hoi ana.

            I helua waleia mai no ia wahi hoea ana keia i Piikea, aohe i imo ia iho ia wahi, pii ana keia ma kela aoao.  Ko ianei kiau aku la no ia pii ana iluna o Haaheo; ke kaukoe wale la no keia a au i ka wai o Honolii, p@i maanei o ka oki mai la no ia, welo kihei o ke @eloa, aohe hoa olelo.  Oi hele ko ianei a ma o aku o Kulaimano, halewai aku la ia me kekahi kanaka oia o Lonokaeho; o ka hana a keia kanaka o ka hoomakaulii i ka hoakai hele me ka awa, nolaila ua kali keia palaualelo o ka hoi aku o Keaumiki me ka awa, a i ko Keaumiki ho@a ana aku, ua kii mai la kela e lawe i ka awa ma ke ano pa@a ha, aka, i kona launa ana me kamahele he alo a he alo, ua lilo ka lanakila ma ko Keaumiki aoao oiai ua hopu lima aku la o Keaumiki a kiole ia'ku la ilalo o kapaihi a make loa.  Ike aku la keia ua make oia, ku ae la no keia hoi ana a elike me ka mama o ka makani, pela no ka nui o ko ianei mama, a ma keia huakai pakalaki nae a Keaumiki, halawai hou aku la ia me Waipunalei kekahi @i o ia mau la, a no kona ike ana mai ia Keaumiki he kanaka ui, nolaila hoao mai la oia e noi mai i ko Keaumiki lokomaikai i kane nana, aka he mea ole loa ia Keaumiki nolaila na hoka ka manao o keia ui nohea Ke akihi wale la no kela o ka hele ia a hala o Hilo, hele ana keia iluna o Hamukua; oia kakae wale no ko ianei a ua kokoke aku no hoi i ka lai kap@ laau, iho ana keia i ka pai @ Koaekea.  He manawa ole no hoi ka ana keia i ka puka o ka heiau.  Ike mai la ko ka heiau poe a eleu like mai la lakou; a kuu ka nae o ke kamahele, hooponopono no hoi na mea hana; mama no hoi ka awa a pau, hoka no hoi a maikai, ia manawa olelo aku la o Keauka i na mea a pau penei, Eia ka'u kauoha ia oukou, ke hoomaka nei au i ka'u hana i haawi ia mai e oukou a no ia hana keia awa a kakou i hoomakaukau iho nei me keia mau iliili; a eia ka'u olelo ia oukou, i na i kahee ia ka awa i ka apu alaila uhi au i ke kapa; a ku au i ka pule a i ku ke opu ma ko'u aoao hema, alaila loaa ia kakou; a ina ma ka aoao akau ke opu e ku ai, al@la hai aku no au ia oukou aohe e loaa laila waiho aku au na oukou e hana na kamaaina; nolaila e hamau ka leo, aohe walaau, aohe kunu, aohe holoholo, aohe hiamoe, e nana i ka'u hana a me na aouli o ka lani.  A pau keia mau olelo a Keaukai hoomaka iho la oia a ka pule penei:

                        E ku e Lono e K@naloa

                                    Homai he mana

                                    Homai he ike

                                    Amama ua noa.

                        Kuu kuu'na maau

                                    E ai.

                        He malihini kau

                                    Aeko,

                        He malihini owai

                                    Anoa.

                        O ke kipa ana mai o ka makamaka

                        Pakui ka honua no Wahinekapu

                                    Amama

                        A ka hala pa i ke kuai la

                        Elieli kapu elieli noa Amama.

            A pau keia pula ana weheia ae la ke kihei, a i ka nana ia ana iho i ka opu awa, ua ku ke opu ma ka aoao akau, ia manawa olelo aku la o Keauka penei:  Aohe e loaa ia kakou no ka mea ua ike pu ae la kakou i na kahoaka o ka'u hana; nolaila ke waiho aku nei au i ka hana na oukou; aohe a'u mea i koe e hana aku ai.  Nolaila e alu kakou ma na hana i ko@, ua holo ke akua.

            A pau ka Keauka mau olelo- ia manawa ku mai la o Olopana iluna a olelo mai la penei:  E na makua o'u na lii ai aina a me na kahuna, na kilo a me na kuhikuhi puuone, he kaumaha ko'u me ka mokumokuahua o ka naau, no ka mea o kuu kaikoeke a me kuu kaikamahine ke keikii a makou ka'u mea i manao ai i alii no ka aina, ua auhee iho nei lakou mai luna aku nei o ka aina me ka maopopo ole; nolaila ua nui loa ko'u kaumaha.  No ka mea @ ole i maopopo ia'u ka manao o k@u kaikoeke he hele paha no ka pono aole paha; nolaila he mea ponoia oukou ke nana mai i ke ano o ka huakai a kuu kaikoeke me kuu kaikuahine.

            A pau keia mau olelo a Oiopana, ia manawa hakanu like iho la na mea a pau me k@ hoike like mai o ko lakou mau onohi ike i na kulu waimaka a pahea ae la ma ko lakou mau papalina, a aohe mea i hiki ke kamailio mai.

            Aka o Keauka ma, aohe o laua wahi mea a maka'@ iho no ka mea ua ike no laua aole no e pilikia ana ke laua keiki a pela no ka laua hunona wahine.  Nolaila aole i pilihua.

            Ma keia wahi o ko kakou moolelo ke hai aku nei ka mea kakau, ua hauhili ka ike o na aumakua, no ka mea ua uhi pu ia ka ike o keia pe kahuna e ka mana o Hoonanaikapaakaua ka hoa noho o Keaniniulaokaleni e noho la i ka lewanuu.  Nolaila ua hoi ka ike o keia poe kahuna a loko o ka puniu.

            E hoi hou ae kakou e nana ia Leimakani ka hanai a Kaholoholouka ma.  Aka e kala mai ia'u ma keia wahi.  No ka mea ua hoouna aku au i ke kope o ka moolelo o keia keiki aka ua poina au i kekahi o kana mau olelo.

            Oiai na la kanakamakua o Leimakani, ua lawe ae la no o Luukia ia Leimakani ma ke ano pio.

(Aole i pau.)

 

HE HOALOHALOHA A KA AHALUNA MAKUA O KAWAIAHAO I KA OHANA O W H NILIPELAPELA.

            I ka wahine kanemake, ke Kaikuaana Pokii ole, a me ka Ohana a pau—

Ahoha oukou:

            Ua oluolu i ka Makua Mana Loa ka lawe ana aku i ko oukou hoahanau i aloha nui ia, a hoahana p@ hoi me makou i loko o na hana @ ka Haku, oia o W. H. Na@lipelapela, kekahi o na makua kahiko o keia Ahaluna.

            Nolaila, hooholoia, o na hoa o ka Ahaluna Makua o Kawaiahao, ke koino pu aku nei makou e kanikau pu me oukou no ko oukou makua, a hoahana pu hoi me makou i hala aku.

            Hoohoioia, ke haawi aku nei keia Ahaluna Makua, i ko lakou hoomaikai i kana wahine a me kona kaikuaana, a me ka ohana a pau

            Hooholoia, ke nono nei makou i ka Makua Mana Loa, nana e hoomama mai i ko oukou mau manao luuluu me ka ehaeha, no ko oukou makua aloha i haalele mai i keia ola ana.

            Pela i ko ai ka olelo a ka Haku, "Nana no i haawi mai a nana no i lawe aku, e hoomaikai ia kona Inoa."

            Na ka Ahaluna Makua o Kawaiahao ma o na Komite 'ia.

James K Kaulia, Aea Opio, A P Kalaukoa.

 

He Nui Anei Kou Makemake i na

MEKINI HUMUHUMU LOLE!

Ina pela, alaila, e hipa mai no ma ka Halekuai o

KAKELA & KUKE.

A malaila oukou e ike ai a makaikai i na ano

MEKINI a WHEEELER a me WILSON

mai ke $40 a hiki i ke $50 ke kumukuai o ka mea hookahi.

NA MEINI A SINGER,

ma ke $50 pakahi, me ke ano

MEKINI a WILCOX me GIBBS,

ma ke $30 hiki i ke $50 ke kumukuai.

mea e pau ai ko oukou kanalua e na Makamaka no ke @ pono o keia mau Mekini, e naue mai no me ke kuihe ole, a e iko no oukou iho

628 tf

 

PAPA KUHIKUHI MANAWA HOLO

--O KA—

MOKUHAHU HAWAII

"LIKELIKE,"

KAPENA KING.

AOLE AIE NO NA UKU C@UA.

            Ke hoolela aku nei ka aie no ka uku ohua, a ke hoikeia aku nei i ke akea, ina he mau paiki, ukana a puolo hooili ko lakou, e pono e hoailona ia me ka moakaka lea.  Aole no e ae ia ka lawe ana i na ukana, paiki a puolo i hoailona ole ia ke ole e kakouia ka loaa ana mai.

HE KUIKE KA UKU UKNA.

            Ma na ukana a pau o na makamaka, e pono e uku mua ia.  A e hookoia no na kaueha no ka lawe a hiki i kahi i makemake ia.  A e malama ia no me ka makaala na ukana, paiki a me na puolo, lio, pipi a me ka hoki.

E hoailona ia me ka moakaka na Pahu Rama a me Waina.

            O ka poe no lakou na ukana o keia ano, e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

            O na koina no na pilikia a me na poho, e pono e hoike koke a mai iloko o ka malama hookahi.

            Aole e aeia na hookele kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale no a pau no ohua eepakeke i ka lele.

            No ke ake nui e hoopomaikai ia ka lehulehu kaahele, ua hoololi ae nei na Ona o Likelike Papa Hoike Manawa oia Mokaahi e like me ma na.

Ma ka Hale Oihana e oaa'i na Palapala.

            Aole Keena o hope e lilo, aia wale no a kaa mua mai ka uk@eoku  Aole e ili ka hewa no na paiki, ukana a puolo pahu w@ eie akakania ka loaa ana mai.  E hookaaia ka uku uka@ noila aku. WAILA MA

 

LOLE MAKEPONO

Ke Kuike

E LOAA NO IA MA KAHI O

KAKELA HE KUKE!

--E LAA NA—

Ahinahin, Kalakoa,

            Keokeo, Lepoualo,

                        Pena, Aila, Aniani,

HA NEA PIULA!

KOPA, AILA HONUA,

                                    AILA HOOMALOO

            E nana ma ka aoao Ekolu.

                        Kui Kakia, Pakeke,

                        Tabu, Kaula, Noho Lio.

                        Hulu Palaki, na Polumi.

--A HE—

AGENA NO HOI NO NA MOKUPUNI O HAWAII NEI NO NA

            Lainakini-nao,

            Lainakini Maoli,

            Palule Kalakoa,

            Alapia, Kelepa, Kilika.

                        Na lole kupono i ka wawae

                        Palule Huluhulu.

                        Na Lole Huluhulu,

                        Na Lole no ka hoohehelo ana

                        Lipini, Lihilihi, &c.

LIPINE, LIHILIHI, &C.

--A ME NA—

Mikini Humuhumu Makepono Loa!

--A HE—

MAU HEA AI KAHI

Ka Palaoa, Kopaa,

            Raiki, Pia, Hoohu,

                        Paakai, Huaula.

                                    Pia Kulina, &c

A he Laau Lapaau Kaulana Loa

A DR. JAYNES.

Laau Kunu.

            Laau Hoomaemae Koko,

                        Laau Hoopau N@

                                    Penikila, Huaal@.

A ME NA LAAU HAMO, A PELA 'KU

840 tf

 

JAMES M. MONSARRAT.

[MAUNAKEA.]

Loio a he Kokua ma ke Kana@

IMUA O NA AHA HOOKOLOKOLO A PAU o keia Aupuni.  E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.

A HE LUNA HOOIAIO PALAPALA.

            Keena hana helu 9 alanui Kaahumanu.

            Jan. 3, 1880,    944 1v

 

W. R. KAKELA

He Loia a he Kokua ma ke K@

HE LUNA HOOIAIO PAKLAPALA

W. O. SMITH

LOIO@ LOIO@

Helu 36, Alanui Kalepa, Ho@

1066 tf

 

S. B. DOLE.

HE LOIO A HE LUNAHOO@

PALAPALA.

E hiki no iaia ke lawelawe i na hihia o keia a me @ imua o na Ahahookolokolo a pau o keia aupuni

            KEENA HANA—Ma Alanui Kaahu@

 

JNO. LOTA KAULUKOU

LOIO a HE KOKUA.

UA makaukau au e lawelawe i na hihia a pau @ keia ano iloko o na Aha Hookolokolo a pau o kea@ puni.  Ua hiki no hoi ke hana i na palapala a pau e @ ka Oihana Loio me ka eleu.  E loaa no @u ma H@ oko, a ma Honolulu no hoi i kek manawa. @

 

ASA KAULIA,

Loio a Kokua ma ke Kanaw@

UA makaukau au e lawelawe i na hana a pau @ Oihana imua o na Aha a pau o ka mokupuni o O@ loaa no au ma Koolaupoko, @, a ma Honolulu i k@ Hooko ia na kauoha mai na wahi a pau a ka mokupuni @ @leu a mehikiwawe.

 

RICHARD F. BICKERTON

[PEKETONA.]

LOIO a he KOKUA ma ke ANAWAI

E HELE ANA OIA IMUA O NA AHA HOOKOLOU@ a pau o keia Aupuni ma na ano hihia a pau ina pa@ Oahu nei, a ma na Mokupuni e ae.

            Ua makaukau mau oia i ka hana ana i na Palapa@ pi@ nawa@ o keia a me keia ano.

            Ua hiki no hoi iaia ke hoaie dala aku ma ka moraki @ aina, ma ka ukupanee haahaa loa.

            E hanaia na hana me ka hikiwawe a ma i a uku ha@

            Keena hana, Helu 28 Alanui Kalepa, elua puka ma a @ ka hale kauka o Kauka Minuteole. @

 

PAPA, PAPA

AIA MA KAHI O

LEWERS & COOKE!

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Papa Nani a Paa no ke kukula ana i na Hale!

Na Pani Puka, Na Puka Aniani,

            Na Olepelepe, Na Pou, Na O-a,

                        Na Papa Hele, Na Papa Ku,

                                    A me na Papa M@

NA PILI O NA HALE

O NA ANO A PAU.

Na Pepa Hoonani, Na Pena o na Wai a pau.

            Na Kui mai ke Nui a ka Makalii,

                        Na Ami Puka, Na Ami Puka A@

Na Ami o na ano a pau,

Na Aila Pena, o kela me keia @

Na Aila Hoomaloo, he lehulehu wale

Na Aila e ae o na ano a pau.

NA WAIVANI@

--A ME NA—

WAI HOOHINUHINU @

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana

--NO KA—

UKU HAAHAA LOA!

E like me ka mea e holo ana mawaena @

LAUA a me ka MEA KUAI

E hele mai!  E na Makamaka

A e lawa no hoi ko oukou makemake me ka oluolu a me ka maikai

845 tf