Ka Nupepa Kuokoa, Volume XXI, Number 36, 9 September 1882 — Page 2
| This text was transcribed by: | Mary Ann Kalei Baricuatro |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke Kauoha.
Ua oluolu i ke Alii ka Moi ka hookohu ana ia His Ex. John E Bush i lala no ka Papa Ola ma kahi o Hon. J S Walker i waiho mai.
Halealii Iolani, Honolulu, Aug. 22, 1882. 1084 3t
Ua hookohuia i keia la o Hon. J K Kaunamano i Agena Hooiaio Palapala Kope no ka mokupuni o Hawaii.
THOMAS BROWN,
Luna Hooiaio Palapala Kope Nui.
Aponoia: JNO. E Bush,
Kuhina Kalaiaina.
Keena Aina, Aug 29, 1882. 1084 3t
Ua hookohuia o Mr. C N Arnold Esq. i Luna Alanui Nui no ka mokupuni o Hawaii a e mana kona Komisina mai ka la 1 o Sepatemaba.
JNO. E BUSH,
Kuhina Kalaiaina.
Keena Kalaiaina, Aug. 29 1882. ʻ 84 3t
Ua hookohuia i keia la o Mr. W L Holokahiki i Agena Hooaio Palapala Kope no ka Apana o Kona, Mokupuni o Oahu.
THOMAS BROWN,
Luna Hooiaio Palapala Kope Nui.
Aponoia: JNO. E BUSH,
Kuhina Kalaiaina.
Keena Aina, Aug. 29, 1882. 1084 3t
Ua hookohuia i keia la o Mr H L Sheldon i Agena Hooiaio Palapala Aelike Kepa mawaena o ka Haku me ke Kauwa, no ka Apana o Kohala Akau, Hawaii.
JNO. E BUSH
Kuhina Kalaiaina.
Keena Kalaiaina, Sept. 5, 1882. ʻ 84 3t
Ua hookohuia i keia la o Mr. S K Piiapoo i Agena Hooiaio Palapala Aelike Kepa mawaena o ka Haku me ke Kauwa no ka Mokuni o Molokai. JNO. E BUSH,
Kuhina Kalaiaina.
Keena Kalaiaina, Sept. 5, 1882. 1084 3t
AIE AUPUNI.
Ke hoolahaia aku nei ma keia, o na noi a pau no kekahi mau Aie Aupuni hou a hiki i ka $500,000, e waiho mai ma ka Waihona o ke Aupuni.
O ka ukupanee he Eono pa keneta no ka makahiki a e hookaaia ma kela a me keia hapalua makahiki.
Aole no hoi he hiki ke helu ia na bona e ia Luna Helu ma ke ano he waiwai maoli, no ka mea ua hookuuia na auhau o ke Aupuni maluna o keia mau bona.
SIMONA KALOA KAAI,
1083 tf s6 tf Kuhina Waiwai
KEENA WAIWAI,
Honolulu, Sept. 1, 1882.
Ua hookohuia keia poe malalo iho i mau Luna Ohi Auhau no ka makahiki 1882:
OAHU.
Honolulu…………… ……… …… Geo. H. Lace
Ewa & Waianae ……… ………….. Anakalea Kauhi
Waialua……… …………… ……… J. Amara
Koolauloa……… …………… ……. Paukialani
Koolaupoko……… …………… ….. A Palekaluhi
MAUI.
Lahaina……… …………… ……… S E Kaiue
Wailuku……… …………… ……… W B Keanu
Makawao……… …………… ……… A Fornander
Hana……… …………… …………… P Kamai
Molokai & Lanai……… ……………… J Kaluapihaole
HAWAII.
Hilo……… …………… …………… … JNawahi
Pana……… …………… …………… … J K Mokuhia
Kau……… …………… …………… … J Kauhane
Kona Henia……… …………… ……….. J Nahinu
Kona Akau……… …………… ………… D Kamakainai
Kohala Hema……… …………… ………. R P Kuikahi
Kohala Akau……… …………… ……… J A Nahaku
Hamakua……… …………… …………… J K Kaunamano
KAUAI.
Hanalei……… …………… …………… …G B Palohau
Kawaihau……… …………… …………… R Puuki
Lihue……… …………… …………… …… J M Kealoha
Koloa……… …………… …………… …… O Beka
Waimea……… …………… …………… …… J Kauai
Niihau……… …………… …………… ……… S Kaula
O ka uku Komisina e uku ia ana i na Luna Helu a me na Luna Auhau no ka makahiki 1882 penei no ia:
No Honolulu, Lahaina, Wailuku, Makawao, Hilo, Kohala Akau, Hamakua, Kau a me Koolaupoko, Ekolu pa keneta; o na apana e ae a pau Eha pa keneta.
SIMONA K. KAAI,
s6 1m Kuhina Waiwai.
AHA KIEKIE O KO HAWAII PAE AINA.
Mamuli o ke Kanawai e hoonui papalua ana i ka uku no na Jiure, ma keia hope aku, in a he hihia kivila no ka Jiure e hoolohe ai imua o ka Aha Kiekie a Aha Kaapuni paha, e waiho mua mai i na dala he Kanalima no na koina.
Ma ke kauoha a ka Aha.
JNO E BARNARD, Kakauolelo.
Honolulu, Aug 8 1882. 1080 4t.
KUAI KUDALA O NA HOOLIMALIMA
O KAHI MAU AINA AUPUNI.
Ma ka Poakolu, Sepatemaba la 13 e hiki mai ana, e kuai kudala ia aku ana, ma ke aloh iho o Aliiolani Hale, ma ka hora 12 awakea, e kuai kudala akea ia aku ana ka Hoolimalima o keia Apana Aina e waiho ia ma ke alo iho o ka Hale Dute, ma Ainahou, Honolulu, e holo ana he 200 kapuai ma ke Alanui Papu he 100 kapuai ihope, malalo o keia mau hoikaka ana.
O ka mea e kuai mai ana i ka hoolimalima, e kukulu oia iloko o ka makahiki hookahi mai ka manawa aku o ka hoolimalima ana, i hale paa pau ole i ke ahi, i kukulu ia me ka pohaku a uwinihepa paha, nona ka lilo aole e emi malalo o $15,000, a e malama mau oia aole e nahaha; a e hoi aku i ke Aupuni i ka manawa e pau ai o ka hoolimalima.
O na hoopaa ana, he 25 makahiki, o ka huina uku hoolimalima e hoomaka aku ai ke koho ana, he $500 no ka makahiki; a e uku mua ia i kela me keia eono mahina.
JNO. E BUSH, Kuhina Kalaiaina.
Honolulu, Aug. 10, 1882. a16 5t
KA NUPEPA
Kuokoa me ke Au Okoa
1 HUIIA.
No ka Makahiki, 82. Eono Mahina, 81.
Dala Kuike ka Rula.
POAONO, SEPT. 9, 1882.
KE KANAWAI HOONOA WAIONA.
Manomano ka hookiekie o ko kakou poe kau kanawai. Me ko lakou ike pono he hapa uuku wale no o na makaainana ka i makemake i ka hoonoaia o na waiona me ko lakou ike maka i ka poino o ke ola a me ka waiwai o keia lahui mamuli o na waiona, a me ka waiho pu ia aku imua o lakou he mau tausani inoa o ka poe hoopii, mai na aoao a pau mai o ka aina, e noi ana ia lakou aohe e hoonoa i ka rama, eia nae, ua hooholo lakou e hoonoa i na waiona a puni keia paeaina. A au hooholo no hoi lakou ma ka la 1 o Okatoba ae nei e mana ai ia kanawai. O ka la 1 o Okatoba ae nei e mana ai ia kanawai. O ka la 1 o ia mahina, oia no ka la o ka Haku. Aka, aole paha i hoomaopopo mua au poe kau kanawai nei o kakou, o ka la a lakou i koho ai e hoomana i ua kanawai pono ole nei a lakou, he la Sabati ia.
Maloko o ka halawai o na anaina hui o Honolulu nei, i malamaia ma Kaumakapili i ka la 1 iho nei o Sepatemaba, ua hapaiia ka noonoo ana no ua kanawai nei, a ua hooholo lokahi ia e hapai ia he mau halawai e piili ana i ka hoole waiona, ma Honolulu nei ma ia la 1 o Okatoba. Ua hooholo pu no hoi ia anaina, e noi aku i ka poe Kristiano a pau ma keia paeaina e hui pu ma ia la, ma ka hapai ana i na hana kupono iloko o na anaina pule, no ke pale ana aku i na poino o ka waiona mai keia aina aku. He hana kupono loa keia, a ke manaolana nei makou e hapai lokahi ia ana keia mea mai Hawaii a hiki aku i Kauai.
IHEA LA KAKOU E PAIALEWAIA AI?
A MA KA AUWAI HEA LA E HOOKAHEIA AI?
Ma keia mau la e hele nei ua ikeia na ouli omamalu o ka poino e poai nei maluna o na kaiaulu o ka paeaina Hawaii, a he manawa pokole wale no i koe a e ike auanei kakou i kona mau alelo manamana hookalakupua e poha ana maluna pono iho o na kaiaulu o Hawaii, o ka hua e ikeia ana no e kakou a pau, he hua awahia he hua e poino ai ka lahui holookoa.
Ua kau iho keia mau aouli omamalu poino maluna o Hawaii mamuli o na hookele hawawa a hookano o na poe aupuni nana e uli nei i ko kakou wahi waa uuku, ma o ko lakou hookele ana ma na lae aa kulana nalu o ka poino a me ka pilikia, a oia mau poina ua ikeia a ua pukamaka na hoa a eia i mua o ko kakou mau maka kahi i waiho molale ai, nolaila he makehewa ke kuawili hou aku ia mau poino.
E nana hou ae kakou i ke kulana o ke aupuni e hookeleia nei i keia wa. Pehea la ua holopono anei na hana imua, ua lokahi anei na manao o na ano lahui e noho nei maluna o ka aina ma o keia mau hana i hana kokeia iho nei? he ninau laula keia a ke waihoia nei na kela a me keia e kualio mai i ka haina pololei. O ka makou haina no keia ninau ua maopopo mua no. E nana hou ʻ e kakou. I ka wa o keia Aha Kulima i hookohuia iho nei, pehea la na lokahi like anei ko lakou manao ma kekahi mau kumuhana lehulehu i waiho ia aku imua o lakou? ua auamo like anei lakou i na haawe o ka hoomaewaewa? Aole loa lakou i lokahi ma n hana. Alaila ina pela iho la e paonioni ai na hookele ana a na mana aupuni, pehea e holomua ana anei ia aupuni a me kona lahui kanaka? Ina e mokuahana ana kekahi aupuni iaia iho, e mau ana anei kona noho ʻ na kuokoa? Ke ole makou e kuhihewa e puana makawalu mai ana ka lehulehu holookoa mai o a o, he poino ka hopena o ia aupuni me kona lahuikanaka, alaila o ka ninau ano nui o ka manawa a kakou e ninau iho ai, "Ihea la kakou e paialewaia ai, a ma ka auwai hea la kakou e hookaheia ai?" Ina o na hookele ana o ke aupuni e mau aku ana e like me ke ano o na hookele ana o keia au e hele nei, he mea maopopo e paialewaia aku ana kakou iloko o ka ina mimilo o ka poino a e hookaheia aku ana kakou iloko o ka hohonu kukonukonu o ka pilikia, aka, i loli ae ke au o ka manawa a loli pu me ke au o na ahna hookele aupuni, alaila e paialewaia ana kakou maluna o na eheu o ka pomaikai a e hookaheia kakou ma na auwai o ka holomua. E manaolana nae kakou no keia mau kahoaka a e nana aku kakou, na ke au o ka manawa e hoike mai.
KE KALAUNU ANA I KA MOI.
Ua hooholo ka Ahaolelo o keia kau iho nei he puu dala no ke kalaunu ana i ka Moi, a au hoolaha iho nei ke Aupuni o ka la 12 o Feberuari o keia makahiki ae, oia ka wa e hookoia ai ia hana. He nui ke kamailio iwaena o na makua nana iloko o keia mau la no keia mea. Ua hai mai ekahi ia makou, o ka mea i iini nui ia ma keia manao e kalaunu i ke Alii, oia ka hookapu loa ana iaia. I keia wa, wahi a ka mea i hai mai, aole i kapu loa ka Moi, aka ina e kalaunu ia oia, alaila kapu loa, aole ike aku na mea a pau, aole olelo wale kanaka nona a no kona mau hana, oi aku kona ihiihi a me ka mana o kana mau olelo, a pela aku.
Ma ko makou ike, aohe i apono nui ia e ma kahi o Kaikainahaole me Kawaiahao, a na makaainana keia hana a ke Aupuni. Ua @ lawe aku ia he 14 dala.
OLELO HOOLAHA.
O ka poe a pau i aie ia David Crowningburg o Makawao, Maui, ma keia ke hoikeia aku nei ka lohe e hookaa koke mai lakou i ko lakou mau aie i na mea nona na inoa malalo, a o ka poe a pau aia ia lakou kahi i paa ai na palapala moraki i na waiwai o ka mea nona ka inoa maluna, e hoike koke mai a e hooponoponoia no.
P C JONES Jr.,
1084 45 JOS. O CARTER
HOOLAHA HOOKAPU.
Mai keia la a mau aku, ka papa a ke hookapu aku nei au i na ano kanaka a pau, aole lakou e komo wale iloko o ko ʻ u pa a lawe wale i na waiwai o luna. Nolaila mai keia la aku, mahope aku o ka hora 7 o na ahiahi a pau ina e ikeia he kanaka a mau kanaka paha iloko o kuu pa, e kiia no e a ʻ u i ka pu, ke ole e hele mua mai e kamailio me a ʻ u mamua ae o ka manawa i hoikeia maluna. E hoolohe e na kanaka a pau, o pilikia auanei.
TAI HUNG, [Pake].
Kapaka, Koolauloa, Sept. 2, 1882. ʻ 84 4t*
OLELO HOOLAHA.
I na mea a pau i loaa ia lakou na pono Wai ma ke awawa o Kalihi, Oahu. Ke kaheaia aku nei oukou e akoakoa ae ma ka Halekula makai iho o kahi noho o Mrs. Emma Beckley (Kahapula) ma ka la 14 (Poaha) o Sepatemaba e hele nei, ma ka hora 10 o ke kakahiaka, e kuki like a e hoomaopopo i na pono Wai kahiko ma keia awawa i mea e maopopo ai ka pono wai o kela me keia mea, a i mea e malama pono ia ai na pono wai o na mea a pau, a i mea no hoi e maluhia ai ka wai no ka pomaikai o na mea a pau.
W L WILCOX, KAONOHI,
G WALLER, J MAHU,
C T GULICK, J W H WAHINEAUA,
J R KAIAPA.
Kalihi, Kona, Oahu. Sept. 7, 1882. ʻ 84 1t
OLELO HOOLAHA.
E ike auanei na kanaka a pau ma keia hoolaha, owau o Koka Pake o Hanalei, Mokupuni o Kauai; oia, hookahi wale no mahina i koe hoi no au i Kina me ka ʻ u wahine pu i ka makaikai no ka makahiki hookahi paha alaila huli hoi mai maua. Nolaila ke hoi aku nei au i ko ʻ u mau makamaka a pau ma ka Mokupuni o Kauai nei, e hele mai e hookaa mai i ko oukou mau aie a e hooponopono pu me a ʻ u ma keia halekuai e ku nei ma Hanapaila, apana o Hanalei iloko o ka mahina hookahi mamua o ko ʻ u hoi ana aku. Ia ʻ u e hoi aku ai, o ko ʻ u kaikaina ponoi oia hoi o Apoe Pake, ko ʻ u hope ia, a iaia no ka malama a me ka hooponopono ana i ko ʻ u mau waiwai a pau loa mahope nei, e like no kona mana ma na mea a pau e pili ana i ko ʻ u mau waiwai, a me he mea la owau no ia. Ina o ka poe e kue mai ana iaia no ko ʻ u mau waiwai a pau, alaila e hiki no iaia ke hoopii imua o na Aha a pau o keia aupuni. Ke hana nei au me ko ʻ u manao maikai a hoa ʻ loha oiaio no oukou o ka Ua Loku o Hanalei. KOKA [Pake].
Hanapaila, Hanalei, Kauai, Sept. 1, 1882.
1084 4t*
HOOLAHA A KE KOMISINA PALENA AINA.
No ka mea. ua nonoi ia mai ka mea nona ka inoa malalo, e Mrs C Makee, e hoomaopopo ia a e hooiaio ia na palena o na Ahupuaa o Papaka a me Palauea ma Honuaula, Maui. Nolaila ke hoike ia nei i ka poe mea aina a pau e pili ana me keia mau Ahupuaa, o ka Poalima, oia ka la 22, o Sepatemaba M H 1882, ma ka hora 10 o ke kakahiaka. ma ka Hale Hookolokolo ma Wailuku, Maui. kahi e hoolohe ai i keia nonoi ana. L Aholo.
Komisina o na palena aina ma Maui, Molokai a me Lanai.
Wailuku, Maui. Aug. 25. 1882. a30 3t
OLELO HOOLAHA
E ike mai auanei na kanaka a pau ma keia owau o K M Moke, he Peresidena no ka Hui Kalepa o Moanalua a me Kalihi, ma ka Mokupuni o Oahu; a ma keia ke hoolahaia aku nei, o J H Kaiapa k. o Kalihi a me J W Hanaio k, oia wahi hookahi no, ua haalele mai laua i ko laua kuleana iloko o keia Hui, Aug. 19. A ma keia hope aku, aole o laua kekahi mea kuleana iloko o keia Hui.
K M MOKE.
Moanalua, Aug. 29. 1882. 1o83 2t
HOOLAHA A KE KOMISINA
PALENA AINA
Ua hoikeia mai ia ʻ u na kumu kupono no ka hooponopono ana i na palena o ka Ili o Kaahaloa-iki e waiho ia ma Waikiki, Kona, Mokupuni o Oahu, nolaila, ke hoikeia aku nei, o ka poe a pau no lakou ua aina e pili koke ana me keia Ili i hoikeia a o ka poe a pau i kuleana e hele mai lakou ma ko ʻ u keena oihana ma Alanui Kalepa, Honolulu, ma ka POAHA, LH 21 o SEPATEMABA, 1882, ma ka hora 1 P.M., malaila ma ia wahi e hooloheia ai ia noi. RICHARD E BICKERTON,
Komisina Palena Aina no ka Mokupuni o Oahu.
1083 3t
HOOLAHA HOOKAPU AINA.
I ka lehulehu- Owau o ka mea nona ka inoa malalo iho, ke papa aku nei au i na kanaka a pau o ua waihooluu like ole, me na holoholona, aole he kulea e hele maluna o kuu aina e waiho ia ma Kukuihaele, Hamakua, Mokupuni o Hawiai. O ka mea kue i keia, na ke Kanawai ka hana.
Mr. Kaaialii.
Kukuihaele, Hamakua, H., Aug. 28, 1882.
1082 4t
OLELO HOOLAHA.
E ike mai auanei na kanaka a pau ma keia hoolaha, owau o ka mea nona ka inoa nona malalo iho, ke papa loa aku nei au i na kanaka a pau loa o na waihooluu like ole, mai hoaie mai oukou i kau wahine i mareia oia hoi o Mele. No ka mea ua hoopii oki mare mai nei keala ia ʻ u me k ʻ u hewa ole. Nolaila o na aie ana e aie ai, aole loa au e hookaa.
AKE Pake.
Waimea, S Kohala, Hawaii, Aug. 11. 1882
1081 4t
OLELO HOOLAHA.
Owau o ka mea nona ka inoa malalo nei, ke papa a ke hookapu loa aku nei au i kuu Aina Alodie e waiho ana ma Alae, Kona Hema, Hawaii, aole e hookuu wale i na holoholona, hipi, lio, boki, kekake, kao, puaa, a pela aku. Ua hookohu aku au ia Samuela Kaikaina a ia Mr. Kaleohano i mau Luna nana e hopu na holoholona komohewa ma kela aina i hoike maluna. Ina i loaa ia ʻ u Luna ka bipi, lio, koki, kekake, e uku no Hookahi Dala o ke poo pakahi; kao, puaa, hapaha pakahi. E ike na ano kanaka a pau loa i keia. E lilo keia i Kanawai paa mai kona la a puka ai, a mau loa aku.
P MOHA.
Alae, Kona Hema, Hawaii, Aug 9, 1882. ʻ 81 4tº
Na Hoolaha Hooko Moraki me ke Kuai.
Mamuli o kekahi mana kuai i hoikeia maloko o kekahi palapala moraki i hanaia mawaena o Puuohau o ka aoao mua, a me T C McDowell o ka aoao elua, ma ka la 30 o Maraki 1878, i kakau kope ia ma ka buke 54 aoao 362, a mamuli o ka uhaiia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o na moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia morak, ma ka
POAONO, LA 7 O OKATOBA, 1882.
ma ke Keena Kudala o E P Adams, ma Honolulu, ma ka hora 12 o ia la.
Penei ka aina e kudala ia ana:
He apana aina maikai ma Pololu, Kohala, Hawaii, ua hoakakaia ma ka Palapala Sil Nui Helu 7081 he 1025 anana ili ka nui.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba 1882.
KALE KULIKA.
1084 4t Hope o -- Mea Moraki mai.
Mamuli o kekahi mana kuai i hoikeia maloko o kekahi palapala moraki i hanaia mawaena o Mose Puha o ka aoao mua, a me E K Binamu o ka aoao elua, ma ka la 5 o Maraki 1879, i kakau kope ia ma ka buke 60 aoao 155, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o na moraki nei e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka
POAONO, LA 7 O OKATOBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei ka aina e kukalaia ana:
He aina wawai nui ma Olowalu, Maui, a he kupono hoi i ke kanu Kalo a Ko paha, ua hoakakaia na palena ma ka Palapala Sila Nui Helu 6946, he 2 3-4 eka.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba, 1872.
E K BINAMU,
1084 4t Mea Moraki mai.
Mamuli o kekahi mana kuai i hoikeia maloko o kekahi palapala moraki i hanaia mawaena o Kawahine k, o ka aoao muo, a me T C McDowell o ka aoao elua, ma ka la 1 o Mei 1878, i kakau kope ia ma ka buke 55 aoao 39, a mamuli o ka uhaiia ana o kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia i mana kuai, a ma ia hooko ana, e kudala akea ana ia i ku aina i hoikeia ma ia moraki, ma ka
POAONO, LA 7 o OKATBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei ka aina e kudalaia ana:
He apana aina maikai ma Pololu, Kohala, Hawaii, ua hoakakaia ma ka Palapala Sila Nui Helu 7081 he 1025 anana ili ka nui.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba 1882.
KALE KULIKA.
1084 4t Hope o --- Mea Moraki mai.
Mamuli o kekahi mana kuai i hoikeia maloko o kekahi palapala moraki i hanaia mawaena o Moss Puha o ka aoao mua, a me E K Binamu o ka aoao elua, ma ka la 5 o Maraki 1879, i kakau kope ia ma ka buke 60 aoao 155, a mamuli o ka uhaiia ana o na kumu aelike o keia moraki, nolaila, ke hoolahaia aku nei e ka mea nona ka aoao elua o na moraki nei e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka
POAONO, LA 7 O OKATOBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei ka aina e kukalaia ana:
He aina waiwai nui ma Olowalu, Maui, a he kupono hoi i ke kanu Kalo a Ko paha, ua hoakakaia na palena ma ka Palapala Sila Nui Helu 6956, he 2 3-4 eka.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba, 1872.
E K BINAMU,
1084 4t Mea Moraki mai.
Mamuli o kekahi mana kuai i hoikeia maloko o kekahi palapala moraki i hanaia mawaena o Kawahine k, o ka aoao muo, a me T C McDowell o ka aoao elua, ma ka la 1 o Mei 1878, i kakau kope ia ma ka buke 55 aoao 39, a mamuli o ka uhaiia ana o kumu aelike o keia moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka
POAONO, LA 7 o OKATOBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei ka aina e kudalaia ana:
He apana aina maikai loa ma Hamakualoa Maui, ua hoakakaia ma ka Palapala Sila Nui Helu 2782 he 92-100 eka, he kupono keia aina no ke kanu Kalo ana.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba, 1882.
KALE KULIKA,
1084 4t Hope no ka Mea Moraki mai.
Mamuli o kekahi mana kuai i hoikeia maloko o kekahi palapala Moraki i hanaia mawaena o Keala a me Papa o ka aoao mua, a me Chas. T Gulick, Kahuwaiwai o ka aoao elua, ma ka la 29 o Okatoba 1880, i kaku kope ia ma ka buke 68 aoao 25 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka
POAONO, LA 7 O OKATOBA, 1882.
ma ke Keena Kudala o E P Adams, ma Honolulu, ma ka hora 12 o ia la.
Penei ka aina e kudalaia ana;
He apana aina maikai loa e waiho la ma Kamoiliili e kokoke ana i Honolulu, a ma ia apana he hookahi eka, ua hoakakaia ma ka Palapala Sila Nui Helu 719.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba, 1882.
CHAS. T. GULICK,
1084 4t Kahuwaiwai o Collins.
Mamuli o kekahi mana kuai i hoikeia maloko o kekahi palapala moraki i hanaia mawaena o Luka a me Paoo o ka aoao mua, a me Chas. T Gulick ma ke ano Kahuwaiwai o ka aoao elua, ma ka la 8 o Dekemaba 1880, i kakau kope ia ma ka buke 68 aoao 29, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka
POAONO, LA 7 O OKATOBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei ka aina e kudalaia ana:
He apana aina maikai loa ma Kamoiliili Oahu, e kokoke ana i Honolulu, a he apana Kula no hoi, ua hoakakaia na palena ma ka Palapala Sila Nui Helu 5553, he 1 586-1000 eka.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba, 1882.
CHAS. T. GULICK,
1084 4t Kahuwaiwai o Collins.
Mamuli o kekahi mana kuai i hoikeia maloko o kekahi palapala moraki i hanaia mawaena o Kamen w, a me Makanui, kana kane o ka aoao mua, a me Kale Kulika Kahuwaiwai o ka aoao elua, ma ka la 10 o Ianuari 1880, i kakau kope ia ma ka buke 69 aoao 66, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka
POAONO, LA 7 O OKASOBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei ka aina e kudalaia ana:
O Kela apana aina a pau loa e waiho la ma Kaipapau, Koolauloa, Oahu, i hoikeia ma ka Palapala Tila Nui Helu 1882 he 133 1-3 eka, he aina Kalo hoi a me ke Kula pu.
Aia ma kahi o W R Kakela ma olelo hoakaka no keia mea.
Hanaia i keia la 2 o Sepatemaba, 1882.
KALE KULIKA,
1084 4t Kahuwaiwai no Collins.
Mamuli o kekahi mana kuai i hoikeia maloko o kekahi palapala moraki i hanaia mawaena o Kealakua k, o ka aoao mua, a me Ida B Castle i hooliloia ia Mrs. C B Andrews o ka aoao elua, ma ka la 18 o Iune 1878, i kakau kope ia ma ka buke 56 aoao 39, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana o a ia mana kuai, a ma ia hooko ana, e kudala akea ana ia i ka aina i hoikeia ma ia morai, ma ka
POAONO, LA 7 OKATOBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei na aina e kudalaia ana:
He 409-1000 eka aina ma Kunawai e kokoke ana i Honolulu, a au hoakakaia ma ka Palapala Sila Nui Helu 5649; a me 119 eka aina ma Kahikinui Maui, ua hoakaka ia ma ka Palapala Sila Nui Helu 2824.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba, 1882.
MRR. C B ANDREWS
1084 4t Hope o ka Mea Moraki mai.
Na Hoolaha Hooko Moraki me ke Kuai.
Mamuli o kekahi mana kuai i ho@ maloko o kekahi palapala moraki i hana ia mawaena o J H Wailemi o ka aoao mua a me Mele Paleka o ka aoao elua, ma ka la 7 o Ianuari 1880, i kaku kope ia ma ka buke 62 aoao 194, a mamuli o ka uhai a @ o na kumu aelike o keia moraki, nolaila, ke hoolahaia aku nei e ka mea nona ka a @ o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki ma ka
POAONO, LA 7 O OKATOBA, 1882.
ma ke Keena Kudala o E P Adams ma Honolulu, ma ka hora 12 o ia la.
Penei na aina e kudalaia ana:
He mau aina kupono i ke kanu Kalo a kupono i ke kanu Raiki ma Kamo@ e kokoke ana i Honolulu, a penei he 3 1-3 eka; hoakakaia ma ka Palapala Sila Nui Helu 4753, a he 2 46-100 eka i hoakakaia ma ka Palapala Sila Nui 2485.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba, 1882.
MELE PALEKA.
1084 4t Mea Moraki mai.
Mamuli o kekahi mana kuai i hoikeia maloko o kekahi palapala moraki i hanaia mawaena o Lahela Kawaihalou w, o ka aoao mua, a me Kale Kulika Kahuwaiwai o ka aoao elua, ma ka la 9 o Sepatemaba 1879 i kakau kope ia ma ka buke 63 aoao 205 a mamuli o ka uhaiia ana o na kumu aelike o keia moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki ma ka
POAONO, LA 7 O OKATOBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei na aina e kudalaia ana:
He mau apana aina ma Waimana o Oahu, he 2 32-100 eka ma ka Palapala Sila Nui Helu 549 a he 2 58-100 eka ma ka Palapala Sila Nui Helu 554; a me kela apana aina hoi ma Honokohau Maui, i hoakakaia ma ka Palapala Sila Nui Helu 4709, he 1 1-5 eka. He mau aina kupono loa keia i kek kanu kalo a Raiki paha.
Aia ma kahi o W R Kakela na olelo hoakaka no keia mea.
Hanaia i keia la 2 o Seaptemaba, 1882.
1084 4t Kahuwaiwai o Collins.
Mamuli o kekahi mana kuai i hoikeia maloko o kekahi palapala moraki i hanaia mawaena o Kapeliela k, o Lanai o ka aoao mua, a me Rev. E Bond i hooliloia ia Castle & Cooke o ka aoao elua, ma ka la 27 o Feberuari 1878, i kakau kope ia ma ka buke 54 aoao 40, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka
POAONO, LA 7 O OKATOBA, 1882,
ma ke Keena Kudala o E P Adams ma Honolululu, ma ka hora 12 o ia la.
Penei na aina e kudalaia ana:
O kela mau apana aina a pau loa ma ka Mokupuni o Molokai, i hoakakaia ma na Palapala Sila Nui Helu 700 he 26-100 eka, Palapala Sila Nui Helu 703 66-100 eka, Palapala Sila Nui Helu 2518 8 7-10 eka, Palapala Sila Nui Helu 6500 3 25-100 eka.
Ua kupono keia mau apana aina no ke kanu ana i ke Kalo, a ko paha, he mau aina waiwai nui hoi.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba, 1882.
KAKELA & KUKE.
Na Hope o E Bo a Mea Moraki mai.
1084 4t
Mamuli o kekahi mana kuai i hoikeia maloko o kekahi palapala moraki i hanaia mawaena o A S Cleghorn & Company o ka aoao mua, a me Kale Kulika Luna Hooko Kauoha o ka aoao elua, ma ka la 3 o Novemaba 1875, i kakau kope ia ma ka buke- aoao-, a mamuli o ka uhaiia ana o na kumu aelike o keia moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeiama ia moraki, ma ka
POAONO, LA 7 O OKATOBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei na aina e kudala ia ana:
He apana aina e waiho ʻ ia ma ke taona o Waiohinu, he 55-100 eka ka nui, me ka halekuai hoi a me na hale e ae e ku ana malaila. Oia no kahi kupono loa no na halekuai ma Kau, a e loaa ana i ka mea kuai mai, he kahua no kana oihana i makaukau mua; au pili keia aina i ka apana ana o Kaleimakalii, a au hooliloia ma hoi ia M M Gomer ma ka Palapala Kuai a Kamehamhea IV, i kope ia ma ka Buke Aupuni 14 aoao 132.
Aia ma kahi o W R Kakela na olelo hoakaka no keia mea.
Hanaia i keia la 2 o Sepatemaba, 1882.
KALE KULIKA.
Luna Hooko Kauoha o J S Thompson
1084 4t Mea Moraki mai.
Mamuli o kekahi mana kuai i hoikeia maloko o kekahi palapala moraki i hanaia mawaena o Kanakaole a me Keala o ka aoao mua, a me J C White i hooliloia ia O S Cummins o ka aoao elua, ma ka la 21 o Novemaba 1878, a mamuli o ka uhaiia ana o na kumu aelike o keia moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka
POAONO, LA 7 O OKATOBA, 1882,
ma ke Keena Kudala o E P Adams, ma Honolulu, ma ka hora 12 o ia la.
Penei na aina e kudalaia ana:
He 2 1-5 eka aina ma Kaalaea, Koolaupoko, Oahu, i hoakakaia ma ka Palapala Sila Nui Helu 987, he aina waiwai nui hoi, a ke mahiia nei i keai wa, a he kupono i kek kanu Kalo a Raiki paha.
A e kudala pu ia aku ana no hoi he 3 20-100 eka aina ma Kaalaea, i hoakaka ia ma ka Palapala Sili Nui Helu 2226, he aina Kalo a he Kula hoi, a maloko oia apana aina he punawai wai-kai.
Aia ma kahi o W R Kakela na olelo hoakaka no kekahi mea.
Hanaia i keia la 2 o Sepatemaba, 1888.
O S CUMMINS.
1084 4t Hope o ka Mea Moraki mea.