Ka Nupepa Kuokoa, Volume XXI, Number 36, 9 Kepakemapa 1882 — Page 1
| This text was transcribed by: | Bernadette K Newcomb |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXL HELU 36. POAONO, SEPATEMABA 9, 1882 NA HELU A PAU 1084.
KA NUPEPA
KUOKOA ME KE AU OKOA
I HUIIA.
HE MOOLELO KAAU
NO
KEANINIULAOKALANI !
KA NANI LUA OLE
O NA
MOKU O KAAIHELANI
KA MEA NANA I HOONAUEUE
KUKULU O KAHIKI.
A O KE PUAKONAKONA
O NA LA I AU WALE AKU LA.
MAHELE II.
AIA nAe e hele nei iwaho aku o Makau@ ia manawa no i ike mai aiokona kaikuawhine oia hoi o Nohoikapikaikaua, oi@ e noho ana i Kalewalai.Ia wa,h hoo @ mai la kona kaikuahine ia Kanaulu @ o kona mau kiai e kii mai i kona kaikunane haku. He manawa ole, a loaa @ mai la kona haku iwaho a o Kohala, a na @ kona ikaika i lawe aku Keaniniulaokalani a pae ana i Kuaihelani, a ike i kona makuahine ine na kupuna a mai laila aku a @ loa i Kalewalani a me kona kaikuahine ia o ka noho pu ana a na kona kaikuahine i hoonalonalo i ke aloha o kona kaikuahine a hiki i ka poina loa ana.
Pehea aka nei la ko Hainakolo noho ana? Ua huli hou ae hoi @ kakou i hope. O Hainakolo la e noho nei he oiaku kona aloha i @ kane no ka mea aole i loaa ia laua ka @ hu kueee ana a hiki wale i ko laua kaawale ana. Nolaila, kupouli mai la ke aloha o @ kane a pono ole m@ la kona manao, a e make me ka wela o ke aloha i ka kane pela o ka ikaika o kona mau hoomanao ana.
I ka hanau ana ae o ke keiki a Hainakolo ia manawa noho aku la na kahuna iloko o Pakaalana, lana a kani ana ki pahu maopopo @ la hoi i ko Waipio poe ua hanau ke aliiwahine; oiai, he mea maa mau i ka wa hanau o na 'lii, oia no ka manawa a na kahuna e noho ai iloko o ka heiau.
O Hainakolo nae ua pau kona manao no kona kapu ahi a hele aaia aku la i ke aloha i ke kane no ka mea ua kau nui kona ma@ e a @ o ka ike aku i na maka oke kane, @ nae he neo wale no ia. Nolaila haalele iho la ia i ka noho ana i ka aina a hele aku @ me kana keiki a au aku la iloko o ke @ o kana keiki nae hookau ia iho la iluna o ka waa lolo niu a au pu aku la, a ia @ mua i puka aku ai mawaho o kulana nalu @ iho la laua i ka makani nui, a na ka ikaika o ka makani laua i ahai hele aku a @olowale ka aina a o ka manao iloko o Hainakolo o ka make wale no.
E na makamaka na hoa kaunu o keia hoolelo e hoike aku no au ia kakou i ke ku@ o keia makani i hiki mai ai. O keia makani oia no kekahi o na kaikunane makani o Nohoikapakaukaua o Kanaulu k @ O Nohoikapakaakaua ua huhu loa i laa kai koeke ia Hainakolo no kona ai i na mea i hoolau ia na ke 'kua nolaila ua hoouna mai la o Nohoikapakaakaua i kona kaikunane makani e kii mai i kona kaikoeke @ lawe hele iaia i ka moana a hiki i kona make ana e pela paha i holo ai i ke-o ke kaikoeke e olelo ia nei he kaikoeke ka hana ino. Auwe ke holo nei ka au imua oiai owau pu aku la kekahi i ano manawa ino i ka Hainakolo mau hana. Kai no hoi au e hele uluulu i ka inaina e mau loa aku ana aole ka kai no ua oleloia he puu lepo ka huhu aka oke aloha he mea pau ele nolaila ke noi aku nei au i ka oluolu o na hoa e aui iki ae kakou i hope no ko Hainakolo makaukau ana e hialele i ka aina a au aku i ka moana.
Ia Hainakolo i liuliu ai ou ka hele pule imua iho la oia a pau kaoa pule ana nee aku la kona mau kapuai wawae imua me ka ulumahiehie i ke aloha huli aku la kona alo i hope a o ke ku mai o ka hale o laua i noho pu ai me ke kane ia wa pii ino mai la kona aloha i ke kane a hapai hou ae la oia i kekahi pule.
A pau keia hoalohaloha a Hainakolo no kana kane, hoomaka aku la ia e au e like me na olelo a kakou i holo loa aku nei imua. A ia laue iwaena moana, me ka ike ole mai i ka aina hoopau ae ia ka inaina o Kanaulu a lai iho la ka moena. Ia manawa, hoomaka mai la o Hainakolo ma e au i ka aina, a kokoke laua iuka nei o ka aina, aole nae i lihi ike ia mai ka aina, eia nae, ua ike mai la o Leimakani i keia ahi puu o Keaolewa ia wa hapa@ ae la ua keiki nei i keia pule penei:
Haina i ka ulu kou kahi
Haina i ka ulu kou lua
Puka kaulana i ke ahiahi
Hookuku hoomana
E hoi e hoi - e
He mana
A pau ka ke keiki pule ana, hapai ae la kona makuahine i kana mau olelo pale penei
Aohe na la he manu e kuu kama
O Keaolewa na @ aina
Papapae ae kaua iuka e kuu kama-e
A pau ka ka makuahine pule ana, au aku la no laua nei. Oia au no ko laua nei a ua ikeia hoi ka aina o Kohala hooininawanui no laua nei i ka au a kokoke loa e hoea i kulani nalu in manawa ike mai lu no ke kaikoeke o Nohoikapaakaua, a hoouna hou mai la ia i kekahi kaikunane makani ona oia hoi o Makanikoa e kii hou mai i kona kaikoeke e ahai hou iaia i ka moana.
He manawa ole no hoi ka wilina mai a Makanikona hoea ana i o laua nei, a na kona ikaika hoi i ahai hou aku a hel ana laua nei i kaiuli o ka hele ia a nalowale ka aina a ka hele ia a hoolana i ka auwae ke ola o na aumoana. Manao iho la no hoi keia kaikunane makani o Nohoikapakaakaua ua make kona enemi i hoouna @ mai ai e kii mai e ahai i ka moana pea aku la io keia hoi ana.
Oia hoi no hoi ko ianei a hoea ana imua o kona kaikuahine a ninau mai la o Nohoikapakaakaua. Pehea aku nei kau huakai?
Heaha hoi auanei ka olelo ana kai no hoi i hoouna aku nei oe ia'u e hele e pepehi a make a oia no hoi ka'u i hele aku nei wahi a Makanikona. No keia mau olelo a Makanikona ua pau ae ia ko ke kaikuahine manao ana ano no kona kaikoeke a nanea wale iho la no lakou nei i ka noho.
O Hainakolo ma nae eia no laua nei ke au @ nei a ia laua no i lihi launa mai ai i ka aina ike e mai la no o Leimakani ia Keaolewa i ka okou aku me he manu la aka o Hainakolo ua pau loa ke aho no ka mea alua a laua anahulu la o ka au ana a ia wa nae a laua e paialewa ia nei e ka nui ale nona mai la kona wahi kokua he wahi ano a o keia wahi mano oia no kekahi kaikaina mano o Punoe no ka mea o Punoe kekahi o o Ku mau kupuna o Kaunahiilipakapaka ka iaoi nolaila kokua mai la ia i kona wai ikaika a oa kokoke hoi e ikeia ua wahi puu nei o Keaolewa pau loa ke aho o ua wahi mano nei a @ Hainakolo nae ua maha loa ua puinehana hoi i ka la no ka mea ua awakea loa ae la hoi ka la ia lakou e au hele nei.
Ike iho la o Hainakolo ua ano nawaliwali ko laua kokua mano nolaila kahea ae la oia i ka la oiai kona mau maka hulil@ e haka pono iho ana: E ka La e i hele oe a hiki i Kalewanuu hai aku oe ia Keaniniulaokalani eia maua la i ka lae o Kaia. Aohe lohe mai o ka la. Kahea hou no keia, E ka La e hele aku oe a hiki i Kalewanuu hai aku oe ia Keaoiniulaokalani eia maua la i ka lae o Kaia.
A lohe ka la i keia kauoha a Hainakolo hele aku nei hoi ia me kana ukana he mau olelo kauoha a hiki hoi oiai Kalewanuu kahea iho la ia penei: E Keaoniniulaokalani e aia ko wahine la i ka lae o Kaia. Lilo mau mae ka lohe ia Nohoikapakaakaua oiai o laua wale no kai ko laua aupuni a o ka laua hana mau ke konane. A ia Nohoikapakeakaua i lohe ai i keia leo kahea hoonui ae la ia i kona leo ma ka puana ana ae i keia mau olelo penei: O ke ku keia o ka holo keia mau kawa niole ka luna kapala ka ele na ke kea ka ai.
Ia manawa kahea hou no ka la E Keaniniulaokalani e aia ko wahine la i ka lae o Kala.
Ia wa lohe pono ae la o Keaniniulaokalani i keia mau olelo a ka la a haalele aku la ia i kona kaikuahine a huli hoi mai la i Kuaihelani a i kona hiki ana i Kuaihelani hoi loa aku la oia iloko o ka heiau a malailakona wahi i moe a kau a hooilo ai. Oiai o Keaniniulaokalani e waiho a make ana ua ihu aku la kona uhane ilalo i o Milu la; a malaila kona uhane i noho ai no kekahi waloihi.
E nana ae hoi kakou ia Hainakolo ma malia paha ua kokoke iki mai nei i ka aina. Ae ua kokoke loa. Oia au no hoi ko laua nei a ua ahiahi hei o kahili ne oia paha na la o Kaloa no ka mea ua kakahiaka loa ka mahina, papapae ana laua nei iuka o Hapoileau, a halihali aku la o Hainakolo i kona keiki a hoolana iloko o kekahi kaheka holoholo a haalele iho la i kana keiki a hele aku la i ke ala a ka hewahewa ma ke ano ulaia. ua pinana aku la ia ma ka pali kuhoho o Kahuaana, a pau ae la kona noonoo kanaka a hoomaka aku la e ai i ka hua o na laau oia hoi ka hoa ulei ka hale a hooipo aku la kona manao me na lau nahele o ia pali.
E na koa kuilima o nei kaao e hookuu aku kakou ia Hainakolo e hele ana i ka nahele, e hoomanao iho kakou i kana kamalei e waiho la i kaheka. Aia ma keia kaheka a lana nei o Leimakani he wahi maa mau i na kahu o Luokea ka hele i kela kakahiaka keia kakahiaka ma keia wahi e holoholo ai oiai he mea mau i na 'lii oia manawa ka hoomahele i na mea e ono ai o kela kakahiaka keia kakahiaka no ka manawa paina aka o keia keiki ke lana la no i ua kaheka nei mai ia po a no kona lana ana me ka manao hou oi mai o kona makuahine.
O keia mau kanaka o Kaholoholouka me Kaholoholokai o laua na kanaka hele mau i ka ia na Luukia. A i ke ao ana o ua po nei miki aku la ua mau lawaia nei a Luukia i kahakai e holoholo ai me ka laua upena holoholo. A i ko laua hoeu ana i ua kaheka nei kukulu iho la o Kaholoholouka i ka upena a na Kaholoholokai hoi i kapeku mai.
I ka manawa nae a Kaholoholokai i kapeku mai ai mauka o ka manawa no ia o ua keiki nei i hei aku ai iloko o ka upena a i ka hapai ana ae a Kaholoholouka i ka upena aia hoi ike iho la ia he mea nui ke waiho nei iloko o ka upena me kona manao hoi he ia eia ka he neo. Hapaii aku la o Kaholoholouka i ka upena iuka a i kona wehe ana ae eia ka he keiki. (Aole i pau.)
KA MOOLELO
O
ONILA MAKA !
KA MAKAI KIU KAULANA
O
ENELANI!
A O KA MEA
POHIHIHI O KA 1868
MOKUNA XXV
Oluniu ka Makai Kiu no na kumu ana i manao wale ai-Ka hoahewa i ka leta, ma k ano he leta apaka-Ukali hou ka Makai ma na kapuai o Keaka Ilikini-He hoanao e hou ma ke ano okoa-Maloko o kekahi wahi ano hou-Ka opio Geremania lauoho loloa-Kahaha ka poe e pepa ana -Ke kanaka akamai i ka pepa piliwaiwai-He hana kahiko.
Ma keia wahi me he mea la ua hoaiai ia mai imua o ko ka Makai Kiu noonoo ka oiaio o na mea a kona manao i koho ai.
A ua ike hoi oia ua pololei kana mea i koho ai a eia hoi oia ke ukali nei ma ka meheu o ka mea hana hewa.
Oia ua hoopohihihi loa ia kona noonoo e kela leta i manao wale ia na Hale Keleueka i kakau aku ano ua hoopau ia kona manaoio no ia mea a ua akaka lea ae la hoi iaia he palapala apuka wale no keia i wahi e nalo ai ka hewa io i hanaia.
No ka mea hoi ua maopopo iaia aia ma Nu Ioka kekahi poe i lehia wale ma ka oihana kakau nolaila me he mea la na kekahi o ia poe i kakau keia leta.
A ua hoomaopopo pu iho no oia malia ua kamaaina o Ionakana kaua wahine me kekahi oia poe a ua hoolimalima oia e hana i keia han@ me ka maopopo mua ole paha i ka mea nana i kakau ka nui o kana hewa a hana nei a e hueha nei hoi i ko hai puuwai me ke kauo pu ia iloko o na poino weliweli ana i moeuhane ole ai.
Nolaila o ka ninau wale iho no me ka Makai Kiu i keia wa.
Pehea la oia e hana ai?
Oiai aole oia i lawa pono me na ike kupono i keia wa e hiki ai iaia ke hopu i ka poe hana hewa.
Aka he mea i akaka a i hooiaio ia o ka poe hou akahi a noho aku ma ka oihana Makai Kiu e lawelawe koke ana lakou e hopu i ka poe hewa i kona wa e ike mua ai i na mea i loaa iloko o kona mana aka aole nae pela ka poe kahiko i kupa ma ka oihana oiai ua hookuu wale aku no lakou i ka poe a lakou e imi ana a hiki i ka hora hope loa alaila lakou lawelawe e hooko a ia lokou hoi e hana ai pela e pau ana na punawelewele hihipea o ka pohihihi i ka wehewehe pono ia me ka loaa ole o kekahi kuia e hiki ai i ka lawehala ke pakele ae.
Aole no hoi i manaoio ka kakou olali ua make a Hale Keleneka a me Mariona.
Oiai ma kona hoomaopopo aku ma na hana a lonakana wahine ua ake oia e hooponopono malu i na hana a pau e pili ana i ka waiwai o o ka laua hanai a hiki i ka manawa ana i manao ai alaila hoolilo aku ma ke dala a haalele mai no kahi ike ole ia.
No ka mea ua ake mui ka Makai Kiu e Hoopakele i na mea nana ka hana ana e lawelawe hoomanawanui hookahi nei a ina e maopopo ana iaia aole ia e hiki ke pepehi ia iaua alaila ua makaukau oia i na wa a pau e hoopahu ae i ka lua hohoau a ka manao pakaha wale o kekahi mea hana hewa-ana hoi i manao ai oia hookahi kekahi o na enemi e hiki ai ke makau ia ke alakai hoi nana e paipai nei keia hana ino hilahila ole.
Iaia e noho ana pela me ka leta iloko o kona lima nalu iho la loko ona no keia hana nui.
Aole no hoi oia i manao he mea kupono iaia ka lii ana aku iluna e nieniele ai ia Keaka Ilikini.
Oiai aole oia i ake e ike ua Hapa Ilikini la o 'uwai e ke akule ika hohonu.
Aka me he mea la na kekahi mea ana i ike ole ai ua kono ia mai oia e noho iki malaila no kekahi manawa loihi.
Mahope iho iho mai la o Keaka Ilikini mailuna mai.
I ka wa a ka Makai Kiu i nana aku ai maluna ona ua ike aku la oia ua kaumaha ia kona mau nanaina me he mea la e hoike mai ana ua halawai mai oia me ka pakalaki a me ke poho nui.
Ua ike pu aku la no hoi ua Makai Kiu nei ma na helehelena o ua Hapa Ilikini la ua inu oia a oi aku mawaho o ka palena kupono.
Aka aole nae i noho iho o Keaka Ilikini iloko o ka rumi inu rama, aka hele loa aku la no iwaho a hahai pu aku la no hoi ka Makai Kiu mahope ona.
Ukali aku la oia i ua Ilikini la a hili i kona wa i komo aku ai iloko a ka hale e ku ana ma ke alanui Hotana.
Eia hoi keia i ke ano liula o ke ahiahi a i ka poeleele loa ana iho puka hou mai la o Keaka.
Malia e pono no hoi au e hoomau aku mahope o kona mau kapuai wahi a Onila i puana ae ai a ukali aku la mahope.
Aole i loihi loa aku ka Keaka Ilikini wahi i hele aku ai mai ka hale noho mai o Ionakana wahine a me kana kane e noho ana komo hou ae la oia iloko o kekahi hale pepa pili waiwai.
He wahi hoi keia i kamaaina a i ikeia e na mea a pau a aole no hoi i like aku me kahi mua a Keaka i komo ai ia la.
Iaia i ike aku ai i ke kanaka ana i ake nui ai e "nieniele" i ke komo ana aku iloko o keia hale puana ae la oia me ka leo hawanawana:
E noho ana oia iloko olaila no kekahi manawa loihi nolaila e hele ae au e hoapo e ia'u iho ma kekahi ala okoa.
He ekolu hapaha hora mahope iho o ke komo ana aku o ka Hapa Ilikini iloko o ka hale i olelo mua ia ae nei komo mai la kekahi kanaka opio Geremania lauoho loihi iloko i kahiko iaia iho a "kuku kalaihi i Mana."
he ano e na helehelena a me na kahiko o ke kanaka i komo mai ai.
Oiai e ano loli ae ana kona mau ohe loloa a keokeo-i like me ke ano o na keiki kula o Geremania-a e hoohie ana no hoi na pua ohaoha o ke kanaka ui iluna o kona mau helehelena-aka ma kona ano a pau ua hiki loa ke kapaia aku oia he keonimana.
E noho ana no hoi o Keaka ma ke pakaukau aole nae oia e pepa ana.
Ua ano mao iki ae hoi kona ona aka aole nae mao ae na hana a kona manao e li'a ana.
Oiai hoi he hale keia i kamaaina i ka poe piliwaiwai nolaila aole i lilo he mea ano nui ke komo ana mai o ka Makai Kiu ma kona ano hou iloko o ua hale la.
Aka hookahi a elua paha a lakou i nana aku iaia ao ke ano e o kona mau kahiko a me kona ano aka ua mea mau nae ko Nu Ioka poe i ka ike pinepine ia mau ano nolaila aole lakou i hoolilo nui i ko lakou manawa ma ke kilohi ana i kona mau kahiko ano hou.
Hono iho la hoi o Onila Maka i loaa ai ana noho nona e kokoke aku ana me ko Keaka Ilikini noho e i ka wa hoi e pepa ana kekahi poe ua pane hoopohaia ae la oia no ko lakou ike oie i ka pepa.
No kona hoomau i kana mau huaolelo hoonaukiuki ua pane pakike ia mai la oia e kekahi o ka poe e pepa ana aka aole nae keia i hoolohe aku i ka lakou mau olelo huhu, aka i kela a me keia manawa, e hoopuka mau ana oia i kekahi mau huaolelo ku i ka hoonaukiuki.
No kona hoomau loa i kana mau hana ku ole i ka hoihoi o ka poe e pepa ana, nolaila, pane aku la kekahi o lakou i ka mea e haawu ana i ka pepa:
Heaha kou mea peku ole aku i keia kanaka?
Lohe aku la nae ua wahi Geremania nei i keia olelo; a pane aku ia me ka aka pahenehene ae:
Heaha no hoi kou mea kii ole mai e peku?
Huli ae la ka mea nana ke kauohi a nana aku ia me na maka huhu, me he mea la e ake aku ani @ e aimaku iaia.
No keia mea, ua manao iho la ka mea e haawi ana i ka pepa, e pono oia e hoao e hoopau i keia hana, nolaila pane aku la oia:
E ke kanaka opio, i hele mai nei anei oe iloko nei e hoohaunaele ai?
Aole.
A heaha ka kou makemake o loko nei?
He makemake ko'u e pepa ina hoi paha e hele ne ana kekahi o keia poe hupo ma kahi e, i noho aku ai hoi ka poe akamai ma ko lakou wahi.
No keia pane hope a ia nei, ua lilo koke iho la oia hoa'loha no lakou.
Ua like ka manao o ka mea e haawi ana i ka pepa me kona mau hoa, oiai, ua manao oia he wahi Geremania opio waiwai keia e hoao ana e loaa ona hoa hoopapa, nolaila, manao iko la oia e loaa ana iaia he mau haneri dala me ka maalahi.
Aole e pepa ana o Keaka, aka, e noho ana nae oia iluna o ka noho o ka poe pepa.
Huli ae la ka mea haawi pepa a ninau aku la iaia:
O oe kekahi e pepa ana e Lakia?
Aole, wahi a Keaka, I keia keonimana ae ko maua noho.
Nani wale kou lokomaikai, wahi a kahi Geremania a mino aka iho la.
Ua hoike ia mai kona aa no ka pili waiwai ma kona olelo ana ae i elua haneri dala ka pili no ka hoomaka ana.
Nolaila, manao iho la na mea a pau e ike ana lakou i ka pepa naaupo me ka nui o na lilo.
Aole nae i hele koke kahi Geremania e ike i ka pili o lalo aka kali malie iho la no oia a hiki i ka pau ana o ka pepa i ka haawi ia.
Ia wa, huli ae la oia a ninau aku la ia Keaka Ilikini no ke kupono o kekahi pepa ana i manao ai.
A pane mai la o Keaka ua kupono, ia wa no hoi, waiho koke aku la ua wahi Geremania nei he haneri dala maluna o ka pepa ana i manao ai.
Unuhi mai la ka mea haawi i ka pepa mailoko mai o ka pahu, a iloko oia wa, ua palua ia ka haner dala.
Ohi mai la ua wahi Geremania nei i na haneri dala elua ana, me ka pili hou ole aku iloko oia haawi hookahi.
Mamuli o keia pepa akahele a ua wahi Geremania nei, ua kahaha loa ia na mea a pau.
No ka mea, ua manao ka poe e pili ana e hana naaupo loa ana ua wahi Geremania nei, aka, ano ua kuhihewa lakou.
A haka pu aku la no hoi ka mea haawi pepa ma luna o ka malihini me ka manao kahaha.
A hoomaka hou iho la ka haawi me ka pane ole o kela a me keia.
Kali hou iho la no ua wahi Geremania nei e like me ka manawa o ke kemu mua, a waiho aku la he elua haneri dala maluna o kekahi pepa.
E like no hoi me ka mua ua eo mai la no iaia, a ohi mai la he ekolu haneri dala.
Hookahi no ana pili ana i keia haawi.
No keia hana ano e, ua houi ia aku ke kahaha o ka naau o ka poe pepa.
Nolaila, nana aku la ka poe pepa maluna ona me ka hopohopo.
Aole no ke eo ana iaia o na dala he ekolu haneri, aka, no kona akahele a me ka noonoo ma ka pepa ana.
A pau ae la hoi kane mau olelo hoonaukiuki.
Aole no hoi oie i pane hou ae aka i keia a me kei manawa e pane aku ana oia i kekahi mau olelo hoomakeake ia Keaka Ilikini.
Aole no hoi oia i hoike mai i kona hoihoi no kona laki aka me he mea la ua manao oia ua loaa mai ia mau dala malalo o kona ike a me kona akamai.
I ke kolu o ka haawi, pili hou iho l oia,
I keia pili ana, he hookahi no ana haneri dala i pili ai.
A lilo aku la.
E like me kona ano mau, kali malie iho ia oia a hiki i ke wa e pau ai o ka haawi ana, alaila pili aku.
(Aole i pau.)
MAIKAI KA HOI KA PAPA
A ME
KALAAU O KOU HALE
NO HEA LA
KAI NO HOI NO KAHI O
WAILA MA !
Nana aku no hoi ia la
Ohi ka lo o ka Laau o Makawao
I ka ua mea hoi o ka nau
NA PAPA! NA PAPA
A ME
NA PONO KUKULU HALE
O NA ANO NO A PAU
Aia ma ke kihi o na
ALANUI PAPU ME MOIWAHINE
HONOLULU
MALAILA E LOAA AI
E LIKE me ka MAKEMAKE
NO KE
KUMUKUAI MAKEPONO LOA
PAPA,PAPA,PAPA,
Na Papa Huluhulu
Na Papa Manoanoa
Na Papa i hakiia
Na Papa Kepa
Papa Hole Keokeo
Papa Hole Ulaula
NA LAAU, NA LAAU,
Na Kua,
Na Kaola,
Na Aahu,
Ne Molina,
Na Peapea
Pine Huluhulu
Pine i kahua
NA PAPA A ME NA LAAU ULAULA
Pili ulaula
Pili Keokeo
Pani Puka
Pani Puka Aniani
Ipuka Aniani
Puka Olepelepe
PENA O NA ANO A PAU
Hulu Pena mai ka Liilii a ke Nui
Aila Pena
Aila Hoomaloo
Waniti, Pate
NA LAKO O KELA A ME KEIA ANO
Na Ami Puka Hale
Na Ami Puka Pa
ANIANI!
PEPA HALE A ME NA LIHILIHI
E LOAA NO MALAILA
PAAKAI HELU I O KAKAAKO me PUULOA
No ke Dala Koike, e loaa no na mea a pau i hai ia ne la no ke Kumukuai Emi loa. O na kauoha mai Hawaii a Niihau, e loaa aku no ia lakou e hooko koke ia no ia me ka lawa pono. E kipa mai ilaila ike i ka oiaio. 905 tf