Ka Nupepa Kuokoa, Volume XXI, Number 37, 6 Kepakemapa 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA

Kuokoa me ke Au Okoa

I HUIIA.

No ka Makahiki, $2.  Eono Mahina, $1.

Dala Kuike ka Rula.

POAONO, SEPT. 16, 1882.

PAA ANEI KUU INOA MA O.

(Is my name written there?)

Gospel Hymns IV No 21.

1

Kuko oie ae au la

I ka waiwai oonei,

O ka Iani kuu imi,

Kahi e malu ae ai.

Ma ka popa aiai,

Paa anei kuu inoa

Ma ia buke maikai?

Cho.:  Paa anei ma ke ao

Kuu inoa Iesu,

Ma Kou buke aupuni,

Ma ka pepa aiai?

2

Nui no kuu mau hewa,

Me na one o ke kai.

Pau no nae i Kou koko,

I ka mea hoomaemae.

Me ia no kau olelo,

Ma na hua maikai,

A i ula kou hewa,

Holoi au a aiai.    

Cho.  Ae, ua paa ma ke ao, &c.

3

E ke kauhale nani,

Me na hale aulii,

Me na nuali lani,

Me na lole aiai,

A kaawale na ino

A maemae wale no;

Ae, ua paa ku inoa

Ma ke ao lai ma o.

Cho.  Ae, ua paa ma ke ao, &c.

Hawaii.

Kaawina Kula Sabati.

HELU 1. SABATI, OCT 1.

KUMUHANA.

Ka poni ana ma Betania.     Pauku Baibala.

Mar. 14;1--10.

A hala ae la na la elua, alaila ka ahaaina o ka moliaola, a me ka berena hu ole; imi iho la ka poe kahuna nui a me ka poe kakauolelo ia la me ka maalea, a e pepehi.

2  I ae la lakou, Aole i ka la ahaaina, o haule auanei na kanaka.

3  A aia Ia i Betania iloko o ka hale o Simona ka lepero, e moe ana e ai ilaila, hele mai la kekahi wahine me ka ipu alabata, he mea poni ko loko, he aila ala, he mae kumukuai nui; a wehe ia i ka ipuka, a ninini iho la ia iluna iho o Kona poo.

4  Huhu ae la kekahi poe iloko o lakou iho i ae la, No ke aha la i hoomaunaunaia ai keia aila?

5  Ina paha i kuaiia'ku ia, ekolu haneri denari a keu aku paha i loaa mai, i mea e haawi aku no ka poe ilihune.  Ohumu iho la lakou i ua wahine la.

6  I mai la Iesu, Uoki, no ke aha oukou e hoino aku nei ia ia?  He mea maikai kana i hana mai nei Ia'u.

7  Ua mau loa ka poe ilihune me oukou, a e hiki no ia oukou ke hana maikai aku ia lakou i na manawa a pau a oukou e makemake ai; aka, Owau, aole Au e mau loa ana me oukou.

8  O ka mea hiki ia ia nei, ua hana io mai ia; a ua hele mua mai e poni i Ko'u kino, no Ko'u kanuia.

9  He oiaio Ka'u e olelo aku nei ia oukou Ma na wahi a pau lao ma ke ao nei e haiia aku ai keia euanelio, e hai pu ia aku no hoi ka mea ana i hana mai ai, i mea e hoomamaoia'i oia.

10  Ilaila ka hele ana o Iuda Isekariota, kekahi o ka poe umikumamalua, i ka poe kahuna nui, e kumakaia ia ia na lakou.

11  A lohe ae lakou, olioli iho la, a ae mai la lakou i ka haawi ia ia i kula.  Imi iho la ia i kahi e hiki pono ai ke kumakaia ia ia.

Pauku Gula.  P 8.

Manao nui.  Ka pomaikai o ka mohai aloha ana no Iesu Kristo.

Na heluhelu la.  1 Mar. 14;1--11, 2 Mat. 26;1--3, 3. Io. 12;1--9 4. Hal. 138;1--3, 5. Oih Lii. 29,9--28, 6. Hal 41;1--13, 7. Rom. 12;1--11.

Ka manawa, Poalua ahiahi.  Ap. 4 33. A. D.

Kahi i hana ia'i.  Ierusalema, Betania.

Mele. "Hui mai anei na hoa."  Hoku Ao Nani, p 17.

Pule i hui mai a kaua, &c.

Ka wehewehe me ka Ninau ana.

Ekolu mahele.

1.  Ke kuka pu ana o na kahuna nui me na kakauolelo no ka hopu ana ia Iesu.  P. 1--2.

P 1.  A hala na la elua.  Ma ka Poalua ahiahi.  Aperila 4 keia kuka ana.  Ma ka Poaha ahiahi Ap 6 ka ahaaina moliaoia.

Heaha ka ahaaina moliaola?  Ua like pu ia me ka ahaaina berena hu ole.  Pasoa kekahi inoa.

Iakaaka ke ano, nana Puk 12;1--51.

Heaha ka lakou e imi ana?  No ke aha ko lakou makemake e hopu ia Iesu?  Heaha ko Iesu hewa?

Ua ike anei kakou i kekahi hewa e pili ana ia Iesu?  He mau hana maikai wale no ka kakou i ike ai iloko o keia buke Mareko.  Ua ikeia na hanahewa a keia poe e imi ana e hopu, a e pepehi ia Iesu.

P 2.  Heaha ka kekahi i hoole ai?  Ka ahaaina aha keia?  Ka ahaaina berena hu ole-Ma ka Poaha ia.  Nui na kanaka no kahi e mai.  He poe aloha paha lakou ia Iesu, a keakea paha i ka poe e imi ana e hopu ia Iesu.

Manao na enemi e kali a hoi aku ka nui o na malihini, alaila e hopu ia Iesu.

Aka, no ka hoea ana o Iuda Isekarioka me ka manao e kumakaia ia Iesu i keia poe enemi, loli ko lakou manao, a manao e hana koke.

II.  Ka poni ana ia Iesu, p 3--9.

P 3.  Puka Iesu i Betania ma ka Poalima, Maraki 31.

Ma ke ahiahi o ka Poaono Aperila 1 keia poni ana.

Io. 12;1--3.  Ma ka hale owai?  He lepero oia mamua, a ua hoola ia e Iesu, no ka mae, aole hiki i ka lepero e noho ma kauhale.  He wahine ka i hele mai e aha ia Iesu?  Owai kona inoa?  Io. 12;3.

Owai keia Maria?  Io 11;1--2.  Ke kaikuahine o Lazaro.  aka, aole akaka loa keia wahine.  Okoa paha oia, okoa kela Maria.  Okoa paha ka manawa.

Poalua ahiahi paha keia.  Aole akaka he ahaaina.  E ai ana no Iesu ma ka hale o Simona ka Lepero.

A komo keia wahine me ke aha?  Ipu alapata, he ipu maikai, ano aniani.  Heaha maloko? wehe no ka wahine a mahea ka ninini ana?

Ma ko Iesu poo keia.  O kela ma Io 12;3, ma ko Iesu wawae.  Nolaila ka manao okoa keia wahine.  Ma ka hale o Simona keia.  Ma ka hale o Lazaro paha kela.

P 4.  Huhu kekahi, no ke aha?

P 5.  Ina kuai ia keia mea poni, heaha ka loaa?  300 denari, 45 dala a oi aku paha.  A loaa, e haawiia aku ia wai?

Owai kekahi haumana i ohumu?  No ke aha hoi?  Io 12;4--6.  E kuai aku ka a hookomoia iloko o kona eke dala, i mea ana e aihue ai paha nona iho, no ka mea, he puuku aihue oia.

P 6.  Pane aku Iesu pehea?

P 7.  Owai ka poe e mau ana me lakou?  Owai ka mea e mau ole ana me lakou?  Iesu, aole e mau ana Kona noho kino ana me lakou.

P 8.  Heaha ka keia wahine i hana no Iesu?  Ua hana i ka mea hiki.  Aole hiki ia ia ke hoonui aku i kona mohai aloha.

Ua hele e mai oia e poni i Ko'u kino no Ko'u kanuia.  Aole i manao keia wahine no ko Iesu kanu ana keia, aole maopopo e make koke ana Iesu.  Aka ua hoolilo Iesu ia poni ana i poni no Kona kino e kanu koke ia ana, i poni aala.

P 9.  Heaha ka Iesu olelo mahalo no keia hana a ka wahine?  Ua hooko ia anei?  Ae, paiia ma na olelo 225 a oi aku, a e paiia no man na olelo i koe ke unuhiia ka baibala ma ia mau olelo.  Ua paiia ma ka olelo Hawaii.

E pau e na kia pohaku, na piramida pohaku, na mea hoomanao, aka o keia kia hoomanao no keia wahine, e mau ana.

III.  Ke kamakaia ana o Iuda Isekarioka.  P 10,11.

P 10.  Ilaila ka hele ana, oia hoi ma ka po Poaha, Aperila 6, kokoke i ke aumoe, ka hora 9 paha.  Aka, ua hele e paha Iuda mamua o ka ahaaina e kuka pu me na enemi.  A mahope o ka ahaaina moliaola, hele hou oia e hooko i kona kuai ana ia Iesu i na enemi.

P 11.  A lohe lakou, pehea iho la?  Ae lakou e aha ia Iuda?  A imi Iuda i kahi e aha ai?

Noonoo oia no ka manawa, no kahi kupono, me ka manao, oia iho no ke alakai.

Ka hoopili ana.

1  He poe no i keia wa e hopu a pepehi ia Iesu.  Oia ka poe hoomaau a imi e pepehi i na haumana a Iesu; ka poe e hoole ana i ko Iesu ana Akua, ano Kalahala, e hoololi i Kona koko i mea mana ole.  Mai huna i ka inoa mana o Iesu.  Mai hoole i ko Iesu pono, a olelo.  E ola ke kanaka ma kona pono iho.

2  He mea makau ka lehulehu, ke hooleia ko lakou makemake.  Makemake ka lehulehu e hookapu loa ia ka rama ma Hawaii nei.  Ua kue ia nae ko lakou makemake.  Ua hoonoaia ka rama.

Heaha ka hope?  E ikeia auanei.

3  E hana na wahine Hawaii, me na kane Hawaii i kekahi mea no Iesu, i mea e hoomanaoia ai oukou mahope o ko oukou make ana, e like me keia Maria.  E noonoo ia mea.

4  Mai ohumu ino kekahi no ka hana aloha a kekahi no Iesu, no ka nui o kona waiwai i haawiia no ko Iesu aupuni.  Mai makee waiwai, a minamina ke lilo ka waiwai no ke na aina e, no na hana a ka Haku.

5  E hoomanao i ka poe ilihune, e kokua ia lakou.

6  E hana no Iesu e like me ka hiki.

Ina hiki ke kokua nui, e kokua nui.  Ina aole hiki ke kokua, nui e kokua nuku.  Mai noho a kukua ole.

7  Mai hele kekahi e kumakaia ia Iesu, e haawi ia ia iloko o ka lima o na enemi.  Mai ku a haalele i ka ekalesia.  Mai hana hewa ma kahi akea, a ma kahi malu i mea e eha ai Iesu a e hoinoia'i.  Ka ma ia e make ai oe, a make pu ke dala i loaa ia oe no ke kumakaia ana ia Iesu.

Mele.  "Ala no Iesu" Hoku Ao Nani, p 21.

Pule i ala no Iesu.

Haawina no Oct 8.  Mar. 14;12--21.

E KAIKAMAHINE A KA MEA

MALAMA WAAPA.

He wahi Moolelo walohia, i he Au

Kaua o Napoliona.

I ka makahiki 1814, oia hoi ka wa a na puali hui e hookokoke aku ana i ke kulanakauhale nani o Parisa, ike ia aku la kekahi Lutanela opiopio o kekahi o na puali kaua lio e kue aku ana i kekahi mau koa eha o ka puali Hunagaria me ka haawi pu ana aku hoi i na alina o kana pahikaua maluna o lakou; a mahope iho o na hoouka kaua hahana ana, ua ku mai @ kona poohiwi i kekahi poka, a ua po@ ia mai la hoi a ku kona omauma i ka ihe, a haule a make iho la ia ilalo o ka honua ma kapa muliwai.

Aia hoi ma kela aoao mai o ka muliwai kekahi mau maka e nana mai ana i keia hoouka kaua ana, he kanaka malama waapa a me kana kaikamahine opiopio.

I ko laua wa i @ @ i keia hoouka @ ua like oie mawaena o akan@ a me @ @ kahi aoao, ua hoopalia ia ko laua mau naau i ka moku@hua i ka ike ana aku i ka haule @ @ @ o ka lutanela @.

Aka, he@ la ka mea hiki i ka elemakule malama waapa a me kana kaikamahine opiopio nona na makahiki he 16 ke hana?

Hookuu kuke aku la laua i ka @ maluna o ka @ wai, a hoe aku ia @ @ ikaika ma kela kapa kahi e waiho ana ka mea make; lawe ae la laua @ maiona o ka waapa a hoe aku la ma kahi a laua i holo mai ai, me ka manao hoi e lawe aku iaia i ka halemai o na koa.

"Ua ili iho maluna ou ka eha o ke kaua e kuu keiki," wahi a ka elemakule; aka, "owau no hoi kekahi i loaa ia mau piliki @ ua pakele mai hoi."

Nana pono iho la laua i ka waiho amake o ka lutanela, a ike pu iho la no hoi i ka @ o ka eha i kau iho malena ona, oiai e nape wale ana no, a ua aneane loa e make; ike koke iho la hoi ka elemakule i kahi o ka eha e kahe waai mai ana ke koko mai ka eha mai i ku ai i ka ihe ma ka aoao hema o ka umauma.

Huli koke ae la ka elemakule i ke kaikamahine, a pane aku la; "e Mary, ua lohe no oe i kuu kamailio ana no kuu kaikaina ea?  ua like loa keia eha me kona, ina e omo ia ko ianei wahi i eha, alaila e pakele ana oinei.

Pae aku la lakou nei ma kela aoao o ka muliwai, waiho iho la ka makuakane i ke kaikamahine e malama i ka lutanela a imi aku la ia i kekahi mau koa i mau kokua no ka lawe ana aku i ka mea eha.

 

Nana iho la hoi ke kaikamahine i ka mea poino no kekahi mau minute me ka naau walohia, a me ka puuwai kapalili ia i hoolei iho ai i kona mau maka maluna o ka oiwi nani i loaa ina palapu a ke kaua e waiho ola ole nei imua o kona alo; i iho la ia, "auwe no ka hoi kou kino opio i mauna i kou ola iho no kou aina hanau nei, a no kou lahui hoi; a oiai oe iloko o kou mau la opiopio, a e ohaoha ae ana hoi kou ulu ana, a ia hoi pela ka e ako koke ia ae ai kena pua, oiai aole i hiki mai ka manawa.

 

A ehia hoi mea aloha, o kou makuahine ka mea nana i hoohua mai, aole ka paha auanei ia e ike i kou mau hora hope a e honi iho hoi i kena mau papalina."

 

A i ke kaikamahine e nana pono nei i ka mea make, ua hoohikilele koke ia ae la ia i ka poha ana he wahi leo, a o kona hanu hope loa paha ia.

"E kuu mama!  e kuu mama aloha e!! pela anei au e make ai me ko'u ike ole ia ee?

Nape ae la ka puuwai o ua kaikamahine nei i kela leo pane, holo ae la hoi ka maeele puanuanu i kona nui kino, a helelei mai la hoi na omaka-wai huihui a ke aloha ma kona mau papalina.

Hoomanao koke ae la ia ina olelo a kona makuakane iaia, no ka pakele ana o kona kaikaina.

Kulou iho la ia ilalo, a uhae koke ae la i ke kuka o ua alii nei, a ike pono iho la hoi i kahi o ke koko e kahe nei mai ka puka mai i ku ai i ka ihe, a me na lehelehe palupalu i omo iho ai ia i ke koko ma kahi eha, a pohala ae la ia.

Ia manawa hoi, lohe ia aku la he mau halulu kapuai wawae, a hoea koke mai la ka makuakane me na koa kokua no ka lawe ana aku i ka mea poino.

Eia nae, ua hookahaha loa ia kona manao i ka ike ana mai e owaka ae ana konba mau make, a ninau ae la no kona hoola.

Nana pono aku la hoi ka makuakane i ke kaikamahine, a ike iho la hoi i na mea i hana ia; nee mai la hoi ke kaikamahine imua me ke kulou haahaa mai, a noi mai la i ka makuakane e kala aku iaia, aka puili aku la ka makuakane iaia me ka hoomaikai aku no kona hoopakele ana i ke mea make.

Hoomaikai aku la hoi ua alii nei i na kaikamahine nei me keia mau huaolelo:

"Nau i hoopakele kuu ola; a nou hoi ia ola."

Ua malama pono ia iho la ua alii nei e ua kaikamahine nei a hiki i kona ola loa ana; aka ua loaa hou iho la ia i kekahi eha kukonukonu, oia hoi ka eha lima ole a ke aloha; a na ko laua hui ana ma ka berita mare i hoopau ia eha welenia i ka iwihilo, loku i ka puuwai.

Ua hookiekie ia ae kana kane a ke kulana Kenela; a o ua wahi kaikamahine la a ka mea malama waapa, ua kiekie ae la kona kulana e like me na lede hanohano o ke alo alii o Louisa Pilipo o Farani.

J. P.

Ma ke Kauoha.---E halawai ana ka ahahui euanelio o Hawaii hikina, ke hiki i ka Poaha hope o Sept 28, ma ka hora 10 am, ma ka luakini o Haili, Hilo; nolaila, e akoakoa mai na kahu, na elele. me ka makaukau i na kumumanao.

D K Pa, Kakauolelo.

Sept. 7 1882.

MAKEMAKEIA.

Ua makemake ia ka poe mea ILI KAO MALOO  a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke

C BREWER & CO. (Burua Ma.)

CALIEORNIA

FURNITURE COMPANY

O KEIA HUI A HALEKUAI O

Na Lako Hoonani o na Hale!

I ike mua ia iho nei ma kona kahua mua iho nei

ma ke Alanui Papu, makai iho o ka

Halekuai o na Mea Kani o Geo. F. Wells

UA HOONEEIA AE NEI A I NA

HELU 56 me 58 ALANUI MOIWAHINE

He Hookahi Ipuka ka mamao mai ka Hale Mu,

A malaila e loaa ai na Lako Hale Emi Loa.  Eia iho ka inoa o'ia mau Lako Hale:

Na Moe maikai loa,

Noho o na ano a pau,

Noho Ko-ki,

Pakaukau,

Noho huleilua,

A HE NUI AKU.

Eia pu no hoi me makou,

Na Bela Noe,

Na Uluna,

Na Kihei Moe

A me na Pale Uluna,

A oiai na makou iho no e hana keia mau mea maluna ae, nolaila e kuaiia aku ana me ke

KUMUKUAI HAAHAA LOA.

E. P. ADAMU, AGENA.

PAPA! PAPA!

---NO---

ALLEN & ROBINSON

UA WEHE AE NEI MAUA 1

PA KUAI PAPA

---MA---

KA UWAPO O PAKAKA!

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale,

Na Pepa Molina.

Na Pena a me na Aila Pena!

NA KUI O NA ANO A PAU.

NA PANI PUKA a me

NA PANI PUKA ANIANI.

NA PANI PUKA a me

NA OLEPELEPE.

NA LAKO KUKULU HALE

O NA ANO A PAU!

E KUAHA MA KE

KE KUMUKUAI HAAHAA LOA

O keia Makeke.

CECIL BROWN.

 

LOIO A HE KOKUA MA KE KANAWAI

 

A HE AGENA no ka Hooiaio ana i na Palapala no ka Mokupuni o Oahu.

 

Helu 8, Alanui Kaahumanu.  Honolulu, H. P. A.

 

He Nui Anei Kou Makemake i na

 

Mekini Humuhumu Lole !

 

Ina pela, alaila, e kipa mai no ma ka Halekuai o

 

KAKELA & KUKE.

 

A malaila oukou e ike ai a makaikai i na ana

 

MAKINI a WHEEELER a me WILSON

 

 mai ke $40 a hiki i ke $30 ke kumukuai  o

 

ka mea hookahi.

 

NA MEINI A SINGER,

 

ma ke $50 pakahi, a me ke ano

 

MEKINI a WILCOX me GIBBS.

 

ma ke $30   hiki i ke $50 ke kumukuai.

 

1 mea e pau ai ko oukou kanalua e na Makamaka no ke

 

pono o keia mau ano Mekini, e nane mai no me ke

 

 kuihe ole, a e ike no oukou iho

 

PAPA KUHIKUHI MANAWA HOLO

---O KA---

MOKUMAHU HAWAII

"LIKELIKE"

KAPENA KING.

AOLE AIE NO NA UKU OKUA.

Ke hooleia aku nei ka aie no ka uku ohua, a ke hoikeia aku nei i ke akea, ina he mau paiki, ukana a puolo hooili ko lakou, e pono e hoailona ia me ka moakaka lea.  aole no e ae ia ka lawe ana i na ukana.  paiki a puelo i hoailona ole ia ke ole e kakouia ka loaa ana mai.

HE KUIKE KA UKU UKNA.

Ma na ukana a pau o na makamaka, e pono e uku mua ia.  A e hookoia no na kauoha no ka lawe a hiki i kahi i makemake ia.  A e malama ia no me ka makaala na ukana, paiki a me na puolo, lio, pipi, a me ka hoki.

E hoailona ia me ka moakaka na Pahu

Rama a me Waina.

O ka poe no lakou na ukana o kela ano, e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

O na koina no na pilikia a me na poho, e pono e hoike koke a mai iloko o ka malama hookahi.

Aole e aeia na hookele kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka lele.

No ke ake nui e hoopomaikai ia ka lehulehu kaahele, ua hoololi ae nei na Ona o Likelike     Papa Hoike Manwa oia Mokuahi e like me ma na.

Ma ka Hale Oihanae oaa'i na Palapala.

Aole Keena o hope e lilo, aia wale no a kaa mua mai ka uk@ eoku.  Aole e Ki ka hewa no na paiki, ukana a puolo pahu wa eie akakauia ka loaa ana mai.  e hookaaia ka uku ukaa aoiia aku     WAILA MA

LOLE MAKEPONO

Ke Kuike!

E LOAA NO IA MA KAHI O

KAKELA ME KUKE,

---E LAA NA---

Ahinahina, Kalakoa,

Keokeo, Leponalo

Pena, Aila, Aniani,

NA MEA PIULA,

KOPA, AILA HONUA,

AILA HOOMALOO

 

E naan ma ka aoao Ekolu.

Kui Kakia, Pakeke,

Tabu, Kaula,  Noho lio,

Hulu-nalaki, na Pulumi.

---A HE---

AGENA NO HOI NO NA MOKUPUNI O HA-

WAII NEI NO NA

 

Lainakini-nao,

Lainakini-Maoli,

Palule Kalakoa

Alapia, Kelepa, Kilika,

Na Lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &c.

LIPINI, LIHILIHI, &C.

---A ME NA---

Mikini Humuhumu Makepono Loa

---A HE---

MAU MEA AI KAHI

Ka Palaoa, Kopaa,

Baiki, Pia, Hoohu,

Paakai, Huaala,

Pia Kulina &c.

A he Laau Lapaau Kaulana Loa

A DR.  JAYNES.

 

Laau Kunu,

Laau Hoomaemae Koko,

Laau Hoopau Naio,

Penikila, Huaale,

A ME NA LAAU HAMO, A PELA 'KU

JAMES M. MONSARRAT.

[MAUNAKEA.]

He Loio a he Kokua ma ke Kanawai.

IMUA O NA AHA HOOKOLOKOLO A PAU  o keia Aupuni.  E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.

A HE LUNA HOOIAIO PALAPALA

Keena hana helu 9 alanui Kaahumanu.

Jan. 3, 1880.

W. R. KAKELA.

He Loio a he Kokua ma ke Kanowai.

A HE LUNA HOOIAIO PALAPALA

W. O. SMITH.

L O I O !     L O I O ! !

Helu 36, Alanui Kalepa, Honolulu.

S. B. DOLE.

HE LOIO A HE LUNA HOOIAIO

PALAPALA.

E hiki no iaia ke lawelawe i na hihia o kela a me @ a imua o na Ahahookolokolo a pau o keia aup@

KEENA HANA --- Ma Alanui Kaahumanu.

JNO. LOTA KAULUKO

 

LOIO a HE KOKUA.

UA makaukau au e lawelawe i na hihia a pau o keia @ @ keia ano iloko o na Ahahookolokolo a pau o keia aupuni.  Ua hiki no hoi ke hana i na palapala a pau e pi@ ka Oihana Loio me ka eleu.  E loaa no au ma Heeia Keena oko. a ma Honolulu no hoi i kek manawa.

ASA KAULIA,

Loio a Kokua ma ke Kanawai.

UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu.  E loaa no au ma Koolaupoke, Heeia. a ma Honolulu i kekahi wa Hooko ia na kauoha mai na wahi a pau o ka mokupuni me ka eleu a me ka hikiwawe.

RICHARD F. BICKERTON,

[PEKETONA.]

LOIO a he KOKUA me ke KANAWAI

E HELE ANA IA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

Ua makaukau mau oia!  ka hana ana i na Palapala pili kanawai o keia a me keia ano.

Ua hiki no hoi laia ke ho@ dala aku ma ka moraki ana i na aina, ma ka akupanee haahaa loa.

E hanaia na hana me ka hikiwawe a ma ka uku haahaa.

Keena Hana, Helu 23 Alanui Kalepa.  elua puka ma o aku o ka hale kauka o Kauka Minuteole.

PAPA, PAPA

AIA MA KAHI O

LEWERS & COOKE

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Papa Nani a Paa no ke Kukulu

ana i na Hale!

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele. Na Papa Ku.

A me na Papa Moe nui loa.

NA PILI O KA HALE

O NA ANO A PAU.

Na Pepa Hoonani, Na Pena o na Wai a pau.

Na Kui mai ke Nui a ke Makalii.

Na Ami Puka, Na Ami Puka Aniani,

Na Ami o na ano a pau,

Na Aila Pena, o kela me keia ano.

Na Aila Hoomaloo.  He lehulehu wale.

Na Aila e ae o na ano a pau.

NA WAI VANIKI

---A ME NA---

WAI HOOHINUHINU NANI!

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka a

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

---NO KA---

UKU HAAHAA LOA!

E like me ka mea e holo ana mawaena o

LAUA a me ka MEA KUAI.

E hele mai!  E na Makamaka!!

A e lawa no hoi ko oukou makemake

me ka oluolu a me ka maikai!