Ka Nupepa Kuokoa, Volume XXI, Number 37, 6 Kepakemapa 1882 — Page 2
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke Kauoha.
Ua hookohuia i keia la o W S Wond i Luna Hoolaio Palapala Aelike Hana no Waialua, Oahu.
JNO. E. BUSH.
Kuhina Kalaiaina.
Keena Kalaiaiua, Sept. 11, 1882. s13 3t
Ua hookohuia i keia iao David Crowningburg i Luna Nui no na Alanui o na mekupuni o Maui, Molokai a me Lanai.
JNO. E. BUSH. Kuhina Kalaiaina.
Keena Kalaiaina, Sept. 11, 1882. s13 3t
Ua hookohuia i keia la o H L Sheldon Esq. i Agena Hooiaio no ka Hoopaa ana i Palapala o kela me keia ano no ka Apana o Kohala Akau, Hawaii. THOS. BROWN.
Luna Nui o ka Oihana Hooiaio.
Keena Hooiaio, Sept. 11, 1882. s13 3t
Aponoia: Jno. E. Bush, Kuhina Kalaiaina.
Ua oluolu i ke Alii ka Mai ka hookohu ana ia His Ex. John E Bush i lala no ka Papa Ola ma kahi o Hon. J S Walker @ waiho mai.
Halealii Iolani, Honolulu. Aug. 22, 1882.
x13 3t] [1084 3t
Ua hookohuia i keia la o Mr H L Sheldon i Agena Hooiaio Palapala Aelike Kepa mawaena o ka Haku me ke Kauwa. no ka Apana o Kohala Akau, Hawaii.
JNO. E. BUSH.
s13 3t Kuhina Kalaiaina.
Keena Kalaiaina, Sept. 5, 1882. '84 3t
Ua hookohuia i keia la o Mr. W L Holokahiki i Agena Hooiaio Palapala Kope no ka Apana o Kona, Mokupuni o Oahu.
THOMAS BROWN,
Luna Hooiaio Palapala Kope Nui..
Aponoia: JNO E. BUSH.
s13 3t Kuhina Kalaiaina.
Keena Aina, Aug. 29, 1882. 1084 3t
Ua hookohuia i keia la o Hon. J K Kaunamano i Agena Hooiaio Palapala Kope no ka mokupuni o Hawaii.
THOMAS BROWN,
Luna Hooiaio Palapala Kope Nui.
Aponoia: JNO. E. BUSH.
s13 3t Kuhina Kalaiaina.
Keena Aina, Aug.29, 1882 1084 3t
Ua hookohuia o Mr. C N Arnold Esq. i Luna Alanui Nui no ka mokupuni o Hawaii; a e mana ana kona Komisina mai ka la 1 o Sepatemaba.
JNO. E BUSH,
s13 3t Kuhina Kalaiaina.
Keena Kalaiaina, Aug. 29, 1882. '84 3t
Ua hookohuia i keia la o Mr. S K Piiapoo i Agena Hooiaio Palapala Aelike Kepa mawaena o ka Haku me ke Kauwa no ka Mokuni o Molokai,
JNO. E BUSH,
s13 3t Kuhina Kalaiaina.
Keena Kalaiaina, Sept. 5, 1882. 1084 3t
AIE AUPUNI.
Ke hoolahaia aku nei ma keia, o na noi a pau no kekahi mau Aie Aupuni hou a hiki i ka $500,000, e waiho mai ma ka Waihona o ke Aupuni.
O ka ukupanee he Eono pa keneta no ka makahiki a e hookaaia ma kela a me keia hapalua makahiki.
Aole no hoi he hiki ke helu ia na bona e na Luna Helu ma ke ana he waiwai maoli, no ka mea ua hookuuia na auhau o ke Aupuni maluna o keia mau bona.
SIMONA KALOA KAAI,
1083 tf s6tf Kuhina Waiwai
KEENA WAIWAI,
Honolulu , Sept. 1, 1882.
UA hookohuia keia poe malalo iho i mau Luna Ohi Auhau no ka makahiki 1882:
OAHU.
Honolulu ......................................................................Geo. H. Luoe
Ewa & Waianae.......................................................Anakalea Kauhi
Waialua.......................................................................,........J. Amara
Koolauloa..........................................................................Paukialani
Koolaupoko....................................................................A Palekaluhi
MAUI.
Lahaina...............................................................................S E Kaiue
Wailuku............................................................................W B Keanu
Makawao.........................................................................A Fornander
Hana............................................................................... ....P Kamai
Molokai & Lanai..........................................................J Kaluapihaole
HAWAII.
Hilo ............................................................................................Jwahi
Puna.................................................................................J K Mokuhia
Kau......................................................................................J Kauhane
Kona Hema............................................................................J Nahinu
Kona Akau.................................................................... D Kamakainai
Kohala Hema....................................................................R P Kuikahi
Kohala Akau......................................................................J A Nahaku
Hamakua.....................................................................J K Kaunamano
KAUAI.
Hanalei..............................................................................G B Palohau
Kawaihau..................................................................................R Puuki
Lihue..................................................................................J M Kealoha
Koloa..........................................................................................O Beka
Waimea......................................................................................J Kauai
Niihau........................................................................................S Kaula
O ka uku Komisina e uku ia ana i na Luna Helu a na Luna Auhau no ka makahiki 1882 penei no ia:
No Honolulu, Lahaina, Wailuku, Makawao, Hilo, Kohala Akau, Hamakua, Kau a me Koolaupoko, Ekolu pa keneta; o na apana e ae a pau Eha pa keneta.
SIMONA K. KAAI.
s6 1m Kuhina Waiwai.
UA holo aku ka Moiwahine Ema maluna e Iwalani i ke ahiahi Poeha nei no Kau Hawaii.
UA lilo ae nei kekahi mau aina o Keeli kolani i ka Ona Miliona o Maui, malalo o ke kuai ana a Sam'l Parker. Ua hoolilo oia he puu dala nui no keia mau aina.
He ahi ke i ikeia ma Kepohoni i ka wanaao o keia la, ua kani no na bele pauahi a mamua o ka hora ana aku o na kaawai ma kahi o ke ahi, ua pio e. O ka kumu o keia ahi, he kukui i hanini, a maloko o keia hale no mau luina manawa kahi i hiamoe ai. I moe iuo paha kekahi o laua pa ke kukui a hanini, a holapu ae ia kona mau alelo ana eia.
KA NUPEPA
Kuokoa me ka Au Okoa
1 HUHA.
No ka Makahiki, $2. Eono Mahina, $1.
Daia Kuike ka Rula.
POAONO, SEPT, 16, 1882.
HE MAU HOAIAI POKOLE.
MA kela mau pule aku, ua ike iho makou ma ka Elele he manao ke hoike ana no ka hoopuka wale o ka Poeaina i na manao o kekahi pie ohumu a me kona ae ana e pai o na manao a ia poe i kamailio mai ai, &c. He hana kupono oie keia a ka Elele a i ole a kona hapa bosi e hoike ae ma ke akea me kona noonoo ole iho i kona kee ponoi. la makou e maalo mau ai mawaho ae o ke keena hana o ka Paeaina, a me ka makou launa kamailio me kona poo hookela, ua ike makou a ua loaa mau aku oia ia makou ma kona awai pakaukau, o kana peni ma ka lima o ka pepa kakou maluna o ka pakaukau e kakau ana. E kakau ana oia i na manao kupono no kana pepa, he oiaio no paha, ua hoaiai ia mai iaia kekahi mau ninau ano nui o ka la. a ma kona noono ana paha a kaupaona like ua ike oia he mau kumuhana maikai no ke hoopukaia ma ke akea e nolaila, ua hoolaha oia. Ua hoaiai oia ma ke akea, o keia ae la na hoaiai ana no ka nupepa Paeaina a me kona lunahooponopono.
No ka Elele eleele hoi, ua ike maopopo makou ke uhiuhi lau mamane nei ola i na keo o kela a me keia ano e hoopuni nei i ka lahui, a ke hoopuka nei oia i kona mau manao pepa mai ka peni o kekahi olohe, a mai ke alakai ana kekahi a kona poo ona, ua ike ia keia mau kahoaka e ka lehulehu, pehea la ka Elele e kanikani makika nei i na kee o hai a noonoo ole iho i kona kee ponoi? E ka Elele puuwai elele, ke kokua ia nei oe, a ke hoomaona ia nei kou mau kolamu e ka peni a kekahi olohe me na manao lili, e kakai i kou mau kee, alaila e mamae auamei oe.
No ka Nupepa Kuokoa ke hoike aku nei makou ke oia mau nei no kona kulana kuokoa a ke pahola mau ia aku nei na manao maikai me ka hopo ole.
NA LUNAMAKAAINANA.
Ia makou i nana pono ai i na hana a me ke kulana o kela a me keia lunamakaainana o keia kau iho nei, ua maopopo he uuku loa o lakou i hooko pono i na hana i kauohaia mai ia lakou e haua; aole oia wale no aka o ko lakou loli wale ma kela a me keia kumuhana ano nui i waihoia mai imua o ka Ahaolelo, o ke kumu nae paha i puni wale ai ua kipeia lakou a ua pakali ia mai he wahi ai ua kipeia lakou a ua pakali ia mai he wahi maunu ekaeka ma ke kua. He oiaio ua pakali ia me kahi maunu a oia maunu ua pukaamaka ae nei, ke ikeia nei e ka lehulehu holookoa. Aole makou e olelo ana ua pau loa lakou ma ia kulana hoopili wale aka, he hapa uuku loa lakou i kupaa a hana i ka hana a lakou i ike ai he pono a he kaulike, a ma ia kulana lakou i ku ai - pili wale nae no na oihana aupuni. Oia ke ano o ka poe i makemakeia he poe maoli ia i aloha i ka aina a me ka lahui, he poe ua ikeia he kupono, he poe e hana ana i na hana e holomua ai ka lahui.
E hoololi hou ae kakou i ke kulana o keia kalai ana a nana iho kakou i ke koena i koe. Ma ka lakou hana ma ka Ahaolelo ko lakou kulana maloko o ka Ahaolelo a mawahe ua hoikeia mai na hiohioaa o la lakou ano kamalii a lawelawe ana o ke kamalii. Hapaiia ae kekahi kumuhana ano nui iloko o ka Hale he kumuhana kupono ole ke hooholoia me ka pupuahulu eia nae ua lilo iho ia ia he mea ole a hooholoia aku la me ka pupuahulu, me he hana hooheihei la aia ka pono a hiki i ka pahu hopu. O keia poe aia ko lakou mau maka me na iini ma ka aoao o na uwahi o ke Aupuni, ma ko lakou aoao e hina ai, pau a pau i ka hina ma ia aoao, a ke ea mai iluna a hoononoho pono, hookahi ka hoononoho like ana. O keia mau hana a pau, o ko lakou hoopili ana aku mahope o lakou, ua haiia mai ia makou he makana nui ko lakou aia ma na kua kahi i waihoia ai. He oiaio io no. Pau ae nei ka Ahaolelo pau nui aku nei lakou i ka hoi no na apana pakahi, hoea aku nei na hookohu ana mahope aku nei, e i ana, he mea oe e mea, pela oe e mea, he mea oe e mea no mea, a o oe hoi e mea, he mea oe no mea, a pela wale aku. Loaa koke ka inoa hanohano, "high kema" ma kekahi kapa ana, aka, aile e hanohano ka inoa o kekahi mea ke ole e lokahi na manao mahalo o ka lehulehu holookoa, pela e hanohano ole ai kekahi aupuni ke ole e maikai na lawelawe ana a kona mau poo hookele.
EIA KA OIAIO.
MALOKO o ka Elele Poakolu o ka ia 13 iho noi i ike iho ai makou i na kalai manao ana a ia pepa maluna o kaho mau olelo i kapaia na Mr. Dole ka i hoopuka imua o kekahi anaina i akoakoa ae ma ka Hotele Hawaii. Ua hoike mai ka Elele no ka hoohalahala ka o Mr Dole iloko o kana haiolelo no ka haawi oleia o na oihana aupuni i na keiki misionari, Wahi hoi a ka Elele, eia na keiki misionari ke awe helu mai nei no ka loaa ole ia lakou e kau wahi mana ma ka hooponopono ana.
Ua hu hewa loa ka Elele, a ua haule ino i ka lalao kana mau ke lai ana, mamuli o ka oiaio ole o ka olelo. Na wai la i ao mai i ka Elele e hoopuka hoopunipuni i kana mau olelo e like me keia? Ua heluhelu akahele makou i ka haiolelo a Mr Dole a me na haiolelo e ae, i haiia ma ka Hotele, a i hoopukaia no hoi iloko o na nupepa haole, a aole no i puaanaia ae ka huaolelo keiki a na misiokari, mai ka hoomaka ana a hiki i ka hopena o ia haiolelo, he ole loa no. Nolaila, ke ninau hou nei makou, nawai iao i keia Elele Poakola e hoopunipuni iaia iho a me ka lehulehu pu kekahi, ma ka hoolaha ana i na olelo oiaio ole i mea e hewa ai kekahi poe? E hiki anei i ka Elele ke pane mai i keia nimau? Owai ka mea, a mau mea paha, e uwe helu nei no ka loaa ole aku o ka oihana aupuni iaia? Pono e hai koke mai ka Elele, pono no hoi e unuhi mai i ka haiolelo a Mr Dole a pau loa ma ka olelo Hawaii, i hiki ka lehulehu ke heluhelu iho, a na lakou e hooholo ka pono a me ka hewa. Aka, aole hiki i ka Elele ke unuhi a hoolaha mai, o ike ia auanei kona kolohe. a ahu wale ka noa.
ELUA MANAO.
ELUA manao e noho kuee nei iloko o kela aina i neia wa; ke paonioni nei keia mau manao elua iloko o na nupepa a iloko o ka noonoo o na kanaka. Ua like ka manao mua me keia: E hoi nou keia aupuni ihope a e like ma ka wa kanawai ole, e hoi ka mana a pau iloko o ka lima o ka Moi, o kona makemake a o kona olelo wale no ke hookoia, ina he hewa a ina he pono, me ka nana ole ia o na pono o na mea e ae. A o ka manao e kue nei i keia, ua like me nei: E noho alii ka Moi mamuli o ke Kumukanawai, aole hiki iaia ke hana wale aku mamuli o kona manao walo ino no me ka hehi ana i ke Kumukanawai o kona aupuni. Aole oia e lawe mai i ka mana Moi a keakea aku i na pono i hookaawaleia no ia makaainana.
E nana pono mai ko makou poe heluhelu i keia mau manao, a e hoomaopopo i na mea e hanaia nei. Ina e lanakila ma keia aina ka manao mua, alaila aohe pono i koe o na makaainana malalo o ke Kumukanawai, pau ka holomua o keia aina, lilo ka pono koho balota a me ka Ahaolelo i mea lapuwale a i mea ole loa. A o keia manao nae ka mea a Kipikona a me kona Aha Kuhina e hooikaika nei e hoolanakila, a no keia hana i komo ai lakou iloko o ka Aha Kuhina. He ikaika loa ma ka hoolaha ana i ke aloha nui i ko Hawaii, a he nui ka poe i puni wale. Aka, ke eli nei nae i hauie ai a nalowale na pono kuokoa a pau o ko Hawaii nei poe makaainana.
Ina he manaolana koe iloko o keia lahuikanaka no ko lakou mau pono malalo o na kanawai o ka aina, a me ko lakou pono kuokoa, e pono e ku lakou a e hoole i keia mau hana e hanaia nei. Ma na ano pono a pau malalo o ke kanawai, e ku iluna a e pale aku i ka poe e pakaha nei me ka hao wale in na pono kivila o keia aina.
KELA ME KEIA.
Ma ke Sabati, la 27 iho nei o Augate, ua ulu ae he hoopaapaa iloko o ka luakini ma Ewa, mawaena o ke anaina hoomana iloko o la luakini. Aole i maopopo ia makou ka aoao i hewa iloko o keia hoopaapaa ana, eia nae ka mea kahaha loa, mai ka hoopaapaa ka hele ana o na hana a hiki i ka lawelawe lima a lalau lima i kona hoa paio. Ia wa ike iho la ke anaina e poino ana paha kekahi mea; hoao iho la lakou e hoopau, a haunaele iho la ka hale ia wa. Lele mai la o Nawaa e pepehi i kona hoa paio, paa e ia aku la nae oia e kekahi mau kanaka ikaika elua, ikaika loa ke aumeume ana, aole nae i poino ke ola. Aka, ua poino ka halawai ma ka ana o kekahi mea i kona hoa kanaka. O na hana e like me kela iho la, i hanaia iloko o ka luakini o Ewa, he mau mea hoolapuwale loa ia i ko kakou mau oihana hoomana. Pono i ko Ewa poe makamaka e noonoo akahele no keia mau mea.
Ke makemake nei ke KUOKOA e hoopolei i ka manao i hoopukaia i kela pule iho nei, iloko o kekahi itamu e pili ana no J L Kaulukou, a pela pu no hoi me kahi manao i puka aku no J Makua. Ua ike pono ko makou poe heluhelu aole i mau keia pepa i ka hoopuka ana i na manao hoino pilikino; a me he mea la, ua pili i ka hoino ua mau manao nei i oleloia, ua komohewa iloko o ka huikau ana me au manao a ae, Aka, ma ka makou hoopololei ana i ua mau manao nei i olelia ma ko makou aoao, aole loa makou e hoapono ana no kahi mau mea i hanaia, a e hanaia ana pahu e ia mau makamaka. O ka hoouna ana ia Kaulukou i na aina e no ka hoonaauao hou ana ma ke kanawai, ma he oiaio na mea e olelo laulaha ia nei, he naaupo loa ia; no ka mea, he kanaka oia ua aoo, ua lawelawe ia ka oihana, a ua hala ka wa kupono no ka hele ana i na hale kula. Aka, aole no he hewa o ka hooulu mau ana a ke kanaka i kona ike, ua pono loa ia manao, aia nae a hala ke wa kamalii. a kanakamakua ke kino ma ke noonoo, a ua noho no hoi i ka oihana, alaila ua hala ka wa hele i ke kula. Pono ao nae ke imi i ka ike. a hoomahuahua mau i ka makaukau ma kona wahi e noho ana, a maluna no hoi o kana oihana e lawelawe mau ana: Aka, o ka hoouma ana ia Kaukukou i na aina o eao hou ai, he mea pono ole ia nona iho, a he pono ole no hoi no ke aupuni nana ia e hoouna, he maunauna wale ana ia i ke dala, ino na ke aupuni na lilo o ka hoouna ana.
O ka hoonoho ana no hoi ia Makua i Luna ao kahi mau paahee uakau no ka elua dala o ka la, oia na lono i loaa mai, he mea poao ole ia ma ka aoao o ke aupuni, a he pono ole no hoi ma ko Makua aoao. Ua ahe ka imi ana i ka ai a me ka i-a me kekahi hana paa mau mamua o ka noho wale ana he Luna no ka hana maopopo ole. Ina he kaikaina penoi o Makua no makou. aole no e okoa ae ko makou manao nona a me kana hana.
He oi aku ka moka'u ia o na nupepa kue eha mamua o ke tausani o na eleu pu.
NAPOLIONA.
O ka oihana mahiai ka i oi loa aku, ma ka hoola ana i ke kino, ma ka hoopomaikai ana, a me ka hoohanohano ana i ke kanaka.
WASINETONA.
NA LETA A NA MAKAMAKA.
Na Rev. J H Mahoe o Kilauea Kauai, i waiho mai i keia mau lono malalo iho e pili ana ana no ka mahiko o Kilauea i Kauai, a me na lono o na wahi e pili kokoke mai ana, penei:
O ka mahiko o Kilauea nei i keia wa, ke ikeia uku nei na hioae neoneo aole hoi helu ukanaka e like me mamua; i na makahiki i hala ae nei, hewa ua make i ka oui hewahewa maoli o na kanaka o kela a me keia ano. O keia mahiko, malalo no ia o na hooponopono a me ka noho loheia ae na lono ua lilo ia Paulo ma o Lihue kona hapa. He haole keia i makemake nui ia e na kanaka paahana o na ano a pau no kona oluolu a waipahe, he haole keia i hoike mai i kona ano keonimana. O kekahi kia hoomanao e poina ole ia ai keia haole, oia no kona hooikaika ana e kukulu e halepule no ko Kilauea poe, mamuli o kona hooikaika ana ua paa keia halepule hou e ku nei i keia wa.
O na hana pono ma keia wahi i keia wa. ke ikeia aku nei na helehelena o ka holomua. Ma na anaina haipule i malamaia maloko o ka halepule ua ikei. ka muimuia o na kanaka; he mau lono hauoli e ae no kekahi i loheia mai mai na apana e aku. no ke aia like o na kanaka a lawelawe i na hana pono.
Ua hoike hou ia ae he loao, he oiaio a he oiaio ole paha, no ka hoouniia ana mai he mau pahu rama mai kekahi o na Kuhina ma Honolulu, no kekahi o ko makou mau Lunamakaainana oia o G B Palohau, a ua waihoia ma kekahi hale haole. 1 ka wa i kauohaia aku ai o Palohau e kia ae i ua ukana makamae ala ana, ua hoole oia, a ua puana ae oia i keia mau huaolelo: "Ua hoohiki au aole e inu rama hou, e hooili hou , e hooili hou ia kela pahu rama i Honolulu." Mahalo au i keia mau olelo ina he oiaio, a ina pela na Lunamakaainana a pau, he keu a ka maikai, aka, ua hooholo iho nei lakou i ke kanawai hoonoa waiona, nolaila he makehewa ka mahalo ana aku ia lakou.
Mai a J Like, o Homelani, Hilo, ua hoike mai oia i ka holo mahuka ana o kekahi paahao Pake mai ka halepaahao aku. Ua haawi ae ka Ilamuku he $25 makina i ka mea e loaa ai au Pake ia.
Ua hoike hou mai oia i ka make ana o ke keiki a Ai Akau, a he keiki hanai na ka makua Kalana.
Mai a Albert Kaloulani, o Kalawao, Molokai, ua oluolu oia a ua pomaikai kakou i ka lohe ana i na nu hou o ia wahi panalaau aina, penei:
Ma ka la 29 o ka mahina i hala, ua hauoli nui na mai lepera o ke kahua mai o Kalawao nei. i ka lohe ana i na huaolelo haiolelo mai ke kileo mai o S K Maunaloa. i kokou panaiia aiai e ka makua Manase.
Ua hoala ae na opio o keia kahua he kula haiolelo malalo o ke alakai ana a Kaawa; aole hoi oia wale no aka ke hooikaika nei lakou e hapai i na hana a ka Haku.
Mai a Tamaki Nakanelua o Kukuihaele, Hamakua, ua loaa mai ia makou keia lono malalo iho:
Ua hoala ae nei o Rev. J Bikanela a me kona mau hoa hui he hale nu ti ma Kukuihaele nei. He keu keia a ka hale inu ti maikai - nui na mea e hoopiha ai i ka opu a maona pono. He poi kekahi mea ai. Ua kukulu iho nei o Kale Uilama he hale hou nona. He keu keia o ka nale maikai. Ua ku iho nei ko makou Aha Opiopio Kristiano no elua a ekolu ae nei paha mahina, a i keia wa ke holomua nei.
Na M Kekolohe i hoike mai i ka make ana o Kapaoa Kamakaiwi k, mai ka mai he kuhewa. O kana wahine ei. i Honolulu nei kahi i hoohie ai i na nani o ke taono.
Na J W Kiha, e noho la ma Halaula, Kohala. i hoike mai ia makou, aia ke ole la he wahine o Kaaka kona inoa ma Halaula he 145 makahiki. Ke ola nei oia me ka maikai.
Na Rev. J S Kalana i waiho mai ia makou i keia manao malalo iho:
Ua kaulana o Hilo nei i ka ukele mau i ka ua i na au i hola, aka i keia wa ua ano nalohia aku ia mau kahiko. a ke ikeia nei i keia wa ka ukele o na hale i na bia a me na kini. He nui ka poe i hoopaiia no ka inu bia a me kini.
Na J Nahalepainui i hoike mai i keia mau lono malalo iho:
Ma ka la Sabati, Sept. 3, ua akoakoa ae he heluna nui o na kanaka ma ka luakini o Helani, Kona Akeu, no ka hoolohe ana i ka haiolelo a Kaaia e pili ana no na hono a ka Haku ma na aina pouli o Maikonisia. Ua makana aku ka ekalesia o Helani nei iaia he $13.
Ma ka ia 9 o Sept. ua hoopii ia a ua hoe paiia o Alo Pake no kona heeha ana i kekahi kanaka.
KALE KULIKA
Luna Hooialo Palapala Kuai,
MOLAKI A ME NA PALAPALA OIA ANO.
Luna Hooiaio Palapala Aelike mawaena
O na Haku a me na Kaawa.
Luna Kaawi Palapala Mare.
Ma ke kihi o ke Alanui Moiwahine me Kaahumanu @
kaa@ o Honolulu, ko Hawaii Pae Aina. 16g tf
OLELO HOOLAHA.
O ka poe a pau i aie ia David Crowningburg o Makawao, Maui, ma keia ke hoikeia aku nei ka lohe e hookaa koke mai lakou i ko lakou mau aie na mea nona na inoa malalo, a o ka poe a pau aia ia lakou kahi i pea ai na palapala moraki i na waiwai o ka mea nona ka inoa maluna. e hoike koke mai a e hooponoponoia no.
P C JONES Jr.,
1084 4t JOS. O CARTER.
HOOLAHA HOOKAPU.
Mai keia ia a mau aku, ke papa a ke hookapu aku nei au i na ano kanaka a pau, aole lakou e komo wale iloko o ko'u pa a lawe wale i na waiwai o luna. Nolaila mai keia la aku, mahope aku o ka hora 7 o na ahiahi a pau ina e ikeia he kanaka a mau kanaka paha iloko o kuu pa, e kiia no e a'u i ka pu, ke ole e hele mua mai e kamailio me a'u mamua ae o ka manawa i hoikeia maluna. E hoolohe e na kanaka a pau. o pilikia auanei.
TAI HUNG, [Pake].
Kapaka, Koolauloa, Sept. 2, 1882. 84 4t
OLELO HOOLAHA.
I na mea a pau i loaa ia lakou na pono Wai ma ke awana o Kalihi, Oahu. Ke kaheaia aku nei oukou e akoakoa ae ma ka Halekuia makai iho o kahi noho o Mrs.Emma Beckly (Kahapula) ma ka la 14 (Poaha) o Sepatemaba e hele nei, ma ka hora 10 a ke kakahiaka, e kuka like a e hoomaopopo i na pono Wai kahiko ma keia awawa i mea e maopopo ai ka pono wai o kela me keia nea, a i mea e maluna pono ia ai na pono wai o na mea a pau, a i mea no hoi e maluhia ai ka wai no ka pomaikai o na mea a pau.
W L WILCOX, KAONOHI,
G W ALLER, J MAHU
J H KAIAPA.
Kalihi, Kona, Oahu, Sept. 7, 1882. '84 lt
OLELO HOOLAHA.
E ike auanei na kanaka a pau ma keia hoolaha, owau o Koka Pake o Hanalei. Mokupuni o Kauai; oia, hookahi wale no mahina i koe hoi no au i Kina me ka'u wahine pu i ka makaikai no ka makahiki hookahi paha alaila huli hoi mai inaua. Nolaila ke hai aku nei, au i ko'u mea makamaka a pau ma ka Mokupuni o Kauai nei, e hele mai e hookaa mai i ko oukou ma aie a e hooponopono pu me a'u ma keia halekuai e ku nei ma Hanapaila, apana o Hanalei, iloko o ka mahina hookahi mamua o ko'u hoi ana aku. Ia'u e hoi aku ai, o ko'u kaikaina ponoi oia hoi o Apoe Pake, ko'u hope ia, a iaia no ka malama a me ka hooponopono ana i ko'u. mau waiwai a pua loa mahope nei, e like no kona mana ma na mea la owau no ia. Ina o ka poe e kue mai ana iaia no ko'u mau waiwai a pau, alaila e hiki no iaia ke hoopii imua o na Aha a pau o keia aupuni. Ke hana nei au me ko'u manao maikai a hoaloha oiaio no oukou o ka Ua Loku o Hanalei.
KOKA [Pake].
Hanapaila, Hanalei, Kauai, Sept. 1, 1882. 1084 4t
HOOLAHA KUAI MORAKI.
Ma ke kauoha a W P A Brewer o ka Hui o Brewer me Crowningburg o Makawao, no kekahi palapala moraki i hoopaaia, i kakauia ma ka la 28 o Moraki 1881, e Kanihomauole k, me kana wahine M Kamakaiokia a me Moses Keohokalolo a me H Kaluakini kana wahine. ia Brewer me Crowningburg i olelo mua ia, ua kauohaia au e kuai aku ma ke kudala akea ma ka Poaono. Sepatemaba 16, 1882. ma ka hora 12 o ke awakea, ma kahi noho o Kanihomauole i oleloia, ma ka aoao ma Waihee o ka uwapo o Wailuku, keia mau aina malalo iho:
O na kuleana a me na pono a pau o ka mea moraki maluna ae. iloko o ka hapalua kuleana i mahele ole ia Helu 409, ia Kanakaole, e waiho la ma ka Ili o Mokuhau, Wailuku. Maui, i oleloia, nona na ili eka he 1 16 - 100 a oi a emi mai paha, me na pono a pau maluna.
No na mea aku i kee, e ninau i ka mea nona ka inoa malalo ma Wailuku, Maui.
T W EVERETT. Luna Kudala.
Wailuku, Maui, Aug. 25, 1882. 1083 3t
HOOLAHA HOOKAPU AINA.
I ka lehulehu - Owau o ka mea nona ka inoa malalo iho, he papa aku nei au i na kanaka a pau o na waihooluu like ole, me na holoholona, aole he kuleana e hele maluna o kuu aina e waiho la ma Kukuihaele, Hamakua, Mokupuni o Hawaii. O ka mea kue i keia, na ke Kanawai ka hana.
MR. KAAIALII.
Kukuihaele, Hamakua, H., Aug. 28, 1882. 1082 4t
OLELO HOOLAHA.
O maua o na mea nona na inoa malalo iho, ua kapu loa ka hele ana o na ano holoholona a pau maluna o ka apana aina o John Kalama i make, e waiho nei ma Halawa, Kohala Akau, Hawaii. Ina e komo kahi holoholona a mau holoholona paha, alaila, e ukuia i Hookaki Dala no ke poo; a ina e hoopoino i na mea kanu e uku e like me ka nui o ka poino. A ke kauohaia aku nei ka poe mea kuleana e waiho nei maloko o ka hale, a mawaho paha, e kii mai iloko o na la elima, a ina e hala na la elima, e lilo no ia maua, no ka mea, o maua na pilikoko ponoi o ka mea i make. A no ka oiaio o keia, ke kau nei maua i ko maua mau inoa i keia la 18 o Augate, M. H. 1882.
KEKUEWA w.
KAHUNA w. 1082 4t
OLELO HOOLAHA.
E ike mai auanei na kanaka a pau ma keia hoolaha, owau o ka mea nona ka inoa malalo iho, ke papa loa aku nei au i na kanaka a pau loa o na waihooluu like ole. mai hoaie mai oukou i kau wahine i mareia oia hoi o Mele. No ka mea ua hoopii uki mare mai nei ana e aie ai, aole loa au o hookaa.
AKE Pake.
Waimea, S Kohala, Hawaii, Aug. 11, 1882. 1081 4t
I KA POE HOAHU DALA ILOKO
- O KA -
BANAKO MALAMA DALA O
BIHOPA Ma.
Mai ka la 1 o Semabpates a mahope aku, ua hoemi
ia ka pa keneta o na dala a pau e hoahu ia ana
ma ka Banako i ka 6 pa keneta o ka Makahiki.
BISHOP & Co.,
Aug 1 1882. 1080 4t
Ma ke Keena o ka Lunakanawai Kaapu @ Apana @ ko Hawaii Paeaina. Ma ka waiwai o Ahia k. @ Naka@ Hawaii i make.
Ua heluheluia a na waihoia ka palapala nei a Makemake kekahi keiki a ka mea i make, e noi ana e hoololoia @ @ Ilima a e hoonoho ia J Kelia Naeole i Luna Hooponopono @ @ waiwai o Ahia k, no Makaka, Kau, Hawaii i make
Nolaila, ua hauoha ia na mea a pau ke pili, o ka @ oia ka la 14 o Okatoba, 1882, ma ka hale hoo @ @ Waiohina, Kau, i ka hora 9 A. M. oia kahi me ka @ kuhoia no ka hoolahe ana i ua noi la me na mea @ @ @
F S LYMAN.
Lunakanawai, @
Hilo, Hawaii. Sept. 3, 1882. 1093 2
MA ke Keena o ka Lunakanawai Kaapuni Apana @ ko Hawaii Pae Aina. Ma ka waiwai o W L Koma@ @ Kau, Hawaii, i make.
Ua heluheluia a ua waihoia ka palapala noi a C W @ e noi ana e hooiaioia ka Palapala K @ @ @ Kamanawai. no Puneo, Kau Hawaii. i make a e @ @ i Luna Hooku no ia Palapala Kauoha.
Nolaila, ma kunohaia na mea a pau ke p @ ka @ @ ka la 14 o Okatoba, 1882, i ka hora 1 awakea. ma ka @ hookolokolo ma Waiohina, Kau. oia kahi a me na @ kohoia no ma hoolohe ana i ua nui ia a me na @ @ @ ikeia. F S LYMAN
Lunakanawai, @
MA ke Keena o ka Lunakanawai Kaapuu Apana Dala @ ko Hawaii Paeaina. Ma ka waiwai o V Nawai @ k @ @ Kau. Hawaii. i make.
Ua heluheluia a ua waihoia ka palapala @ W P @ me D W Kaaemoku, na Luna Hooponopono ae na @ V Nawai k, no Kaalaiki, Kau, Hawaii. i make, e @ @ aponoia ko lau a hoike kope, a e hooholoia ea waiwai @ @ ilina, a e hookuu ia laua mai ka oihana Luna Hooponopono Waiwai. me ko laua hope.
Nolaila, ua kauohaia na mea a pau ke @ ka? @ @ ka la 14 o Okatoba, 1882, ma ka hora 9 a m. ma ka manawa @ hoia no ka hoolohe ana i ua noi la a me na mea k@ @ ikeia.
F S LYMAN
Lunakanawai, @
Hilo, Hawaii, Sept. 5, 1882. 1085 @
AHA Hookolokolo Kiekie o ko Hawaii Paeaina, na @ @ hooponopono waiwai. Ma ka hana o ka waiwai @ Pak@ o Honolulu i make kauoha ele. Ma ke keena mua a @ Lunakanawai McCully. Kaaoha e hoolaha i ke noi i @ i na papa hoike, hookuu ana, a e mahele i ka waiwai.
Ma ka heluhelu a me ka waiho ana mai o ka palapala @ me ka papa hoike a B Maka, ka Luna Hooponopono @ ka Waiwai o PAKU no Honolulu. @ i make e noi ana e aponoia na hoolilo ke @ e hoike ana o na mea i loaa mai laia he neo. @ @ e nana a aponoia kela mau mea, a e kauohaia a malalo @ waiwai e waiho ana ma kona lima i na mea i kuleana @ a e hookuu ana iaia a me kona mau hope mai ke lakou @ ana ma ia ano.
Ua kauohaia. o ka Poaono. ka la 14 o Okatoba @ ma ka hora 10 o kakahiaka, imua o ua Lunakanawai @ @ ke Keena ma ka Hale Hookolokolo ma Honolulu @ @ me ka manawa i kohoia no ka hoolohe ana i ua @ @ @ na papa hoike i oleloia, a o ka poe a pau i @ @ @ mai a e hoike i ke kumu, ina he kumu ia ke lakoa, @ @ ai ua noi ia, a malaila e hoike mai ai na hoike o na mea @ kuleana maloko o ka waiwai i oleloia. A o keia kauoha @ @ olelo Hawaii, e pai ia maloko o ka Nupepa Kuokoa @ pepa i pai a hoolahaia ma Honolulu, i ekola pule @ @ o ka manawa i olelo ia no ka hoolohe ana
Kukauia ma Honolulu, ko Hawaii Pae Aina @ @ Sepatemaba , 1882.
L McCULLY.
Ikea: Lunakanawai o ka Aha @
A Rosa, Hope Kakauolelo. 1044 tf
AHA Hookolokolo Kiekie o ko Hawaii Pae Aina. Ma ka hooponopono waiwai. Ma ka waiwai o W H Na @ Waikiki Oahu, i make kauoha ole. Imua o ka Lunakanawai @ McCully. Olelo Kauoha e hoolaha aku ae ke noi aka @ koho i Lunahooponopono Waiwai.
Ma ka heluhelu a me ka waiho ana mai o ka palapala @ W R Castle no Kalua w o Waikiki. Oahu, e hoike ana @ W H Nailipelapela no Waikiki, Oahu, ua make ka@ @ ma Waikiki, Oahu, ma ka la 4 o Sepatemaba, 1882. @ ana e haawila ka Palapala Hookohu Lunahooponopono waiwai ia Kaua w, ka wahine kanemake.
Ua kauohaia o ka Poakoia, ka la 27 o Sepatemaba, 1882 @ ka manawa ikohoia no ka hoolohe ana i ua noi la, imua @ Honolulu ma ka hora 10 A M. a ma la manawa a ma ia wale mahele mai ai no mea a pau i pili. e hoike mai i ke kana @ kumu oiaio ko lakou. e ae ole ia ai ua hoi la. a o ina @ kauoha, e hoolahaia ma ka olelo Hawaii i ekolu pule @ "Nupepa Kuokoa," he nupepa ma Honolulu.
Kakauia ma Honolulu, ko Hawaii Pae Aina. Sept 4, 1882.
L. McCULLY.
Ikea: Lunakanawai o ka Aha K@
A Rosa, Hope Kakauolelo. 1084 t
MA ke Keena o ka Lunakanawai Kaapuni Apana @ ko Hawaii Pae aina, Ma ka waiwai o Kawainui k. @ Hawaii, i make.
Ua heluheluia a ua waihoia ka palapala noi a S P @ e noi ana e hooholoia na hooilina, a e hoohohoia ia i l @ ponopono no na waiwai a Kawainui k, no Wailea, Hilo @ i make.
Nolaila, ua kauohaia na mea a pau ke pili. o ka P @ oia ka la 29 o Sepatemaba, 1882, i ka hora 10 o ka@ ma ka hale hookolokolo ma Hilo, oia ka manawa me ka @ ho ia no ka hoolohe ana i ua nonoi la. a me na mea k @ hoikeia. F S LYMAN.
Lunakanawai Kaapuni Apana @
Hilo, Hawaii, Aug. 22, 1882. 1083 t
MA ke keena o ka Lunakanawai Kaapuni, Apana @ ko Hawaii Paeaina. Ma ka waiwai o Kahela k, no @ Hilo, Hawaii, i make.
Ua heluheluia a ua waihoia ka palapala noi o Haale @ lani, enoi ana e hooiaio ia ka Palapala Kauoha hope k @ kela k, no Puueo, Hilo, Hawaii. I make, a e hoonohe ia @ Hooko no ia Palapala Kauoha.
Nolaila ua kauohaia ua mea a pau ke pili, o ka Poalima @ ka la 29 o Sepatemaba, 1882. i ka hora 10 o kakahiaka @ ka Hale Hookolokolo ma Hilo, oia ka manawa me kak @ hoia no ka hoolohe aua i ua noi la a me na mea kue ka@ ia. F S LYMAN
Luna kanawai Kaapuni Apana @
Hilo, Hawaii, Aug. 22, 1882. 1063 t
MA ke Keena o ka Lunakanawai Kaapuni Apana Kiekie @ Hawaii Paeaina. Ma ka waiwai o Kaunakala, no K @ Akau, Hawaii. i make.
Ua heluheluia a ua waihoia ka palapala noi a H P W @ Luna Hooponopono no na waiwai o P Kamakala no Mah@ la, Kohala Akau , Hawaii. i make, e noi ana e aponoia @ hoike hope, a e hookuuia oia me kona hope, a e hoonohe @ Luna hou ma kona wahi, no kona pilikia loa, hiki ole an@ malama ia hana.
Nolaila, ua kauohaia na mea a pau ke pili, o ka P @ oia ka la 28 o Sepatemaba, M E 1882, i ka hora i awakea @ ka Hale Hookolokolo ma Hilo, Hawaii. oia ka manawa @ kahi i kohoia no ka hoolohe ana 1 ua noi ia, me na mea @ hoikeia. F S LYMAN.
Lunakanawai Kaapuni Apana @
Hilo, Hawaii, Aug. 24, 1882. 1063 3t
MA ke Keena o ka Lunakanawai Kaapuni Apana K @ ko Hawaii Pae Aina. Ma ke waiwai o Nainoa k, no Hamakua, Hawaii, i make, a e hoololoa @ hooilina.
Nolaila, ua kauohaia na mea a pau ke pili, o ka Poalima @ ka la 26 o Sepatemaba, 1882. ika hora 1 awakea @ ka Hale Hookolokolo ma Hilo. oia ka manawa @ me kahi i kohoia no ka hoolehe ana i ua noi la. me na me @ ke hoikeia. F S LYMAN.
Lunakanawai Kaapuni Apana @
Hilo, Hawaii, Aug. 24, 1882. 1083 3t
MA ke Keena o ka Lunakanawai Kaapuni Apana K @ ko Hawaii Paeaina. Ma ka waiwai o 8 Kip. no Hilo, Haw@ i make.
Ua heluheluia a ua waihoia ka palapala noi a S L Co @ J W Keaomakani, na Lunahooponopono no na waiwai @ @ pi o Hilo, Hawaii, I make, e noi ana e aponoia ko laua @ hope, a e hookuu ia laua mai ka oihana, me ko laua hope @
Nolaila ua kauohaia na mea a pau ke pili. o ka Poalima @ ka ia 29 o Sepatemaba, M. M. 1882, i ka hora 10 o kaka @ ma ka Hale Hookolokolo ma Hilo. oia ka manawa me @ @ kohoia no ka hoolohe ama i ua noi la, me na mea koe @ ia. F S LYMAN.
Hilo, Hawaii, Aug. 22, 1881. 1063 t
HOOLAHA A KE KOMISINA PALENA AINA.
No ka mea, ua nonoi ia mai ka mea @ ka inoa malao, e Mrs C Makee, e hoomaopopo ia a e hooiaio ia na palena o na Aha @ puaa o Papaka, a me Palauea ma Honuaia @ Maui. Nolaila, ke hoike ia nei i ka p @ mea aina a pau e pili ana me keia ma @ Ahupuaa, o ka Poalima, oia ka la 22 o Sepatemaba M H 1882, ma ka hora 10 a @ kakahiaka. ma ka Hale Hookolokolo a @ Wailuku, Maui, kahi e hoolohe ai keia @ noi ana. L AHOLO.
Konisina o na palena aina ma Maui, Molokai a me Lanai.
Wailuku, Maui. Aug. 25, 1882. a30 @
MRS. A. M. MELEKI,
MEA HUMU LOLE MAIKAI A M@
Na Kokoka, Holoku ano hou.
104 Alahui Papu, Kuea o Baura.
Honolulu, Ian 15, 1881. 996 1yr
UA MAKEMAKE IA @
NA ILI BIPI,
NA KIWI BIPI,
NA IWI BIPI,
E haawi ia ao ke kumukuai kiekie a @
kakou makeke noi e
H. Hackfeld & Co.
Honolulu , Mei 29, 1880. @