Ka Nupepa Kuokoa, Volume XXI, Number 34, 26 August 1882 — Page 4
| This text was transcribed by: | Pualani Steele |
| This work is dedicated to: | Kau'i Goodhue |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1.
Da@a Kuike ka Rula.
POAONO. AUGATE 26, 1882.
EI'AE LA E KE AO MAU NO.
(Eternity is drawing Nigh )
Gospel Hymns No 62.
1
Pule a mau, ke hee na hora,
Pule a mau, ke hea ke Akua.
Ke kani nei ka wati e.
Ke panee ae ka wa oonei.
Ref. Ei'ae la e ke ao mau no,
Ke ao mau no ke ao mau no,
Ei'ae la e ke ao mau no.
2
Mele a mau, a hai na lani,
Mele a mau a e hoonani.
Ei'ae la ke Lii o ke ao
Me Kona nani kamahao.
Ref. Ei'ae la e ke ao mau no, &c.
3
Kiai a mau, kokoke po la,
Kiai a mau, ke hee ke ao la.
Kiai a makaala mau,
Kiai a noho makaukau.
Ref. Eia'e la e ke ao mau no, &c.
4
Nana, nana, eia'e ke alaula;
Hamau, hamau, ke o ka pu la.
Na make hoi ke ala mai,
Ke kane mare, eia la.
Ref. Eia'e e ke ao mau no, &c.
Hawaii.
Haawina Kula Sabati.
HELU 11. SABATI, SEPT 10.
KUMUHANA.
Na poino e hiki mai ana. Pauku Baibala.
Mar. 13:1-20.
A i Kona hele ana mai loko aku o ka luakini, olelo aku la kekahi o Kana poe haumana ia Ia, E ke kumu, e nana Oe, nani wale ke ano o keia mau pohahu, a me na hale.
2 Olelo mai la Iesu, i mai la ia ia, Ke ike nei anei oe i keia mau hale nui? Aole e waihoia kekahi pohaku, maluna iho o kekahi pohaku i ka hoohiolo ole ia.
3 I Kona noho ana iluna o ka mauna Oliveta, ma ka huinaalo o ka luakini, ninau malu aku la o Petero, a me Ioane, a me Anederea ia la;
4 E hai mai Oe ia makou i ka wa hea e hiki mai ai keia mau mea, a heah a la ka ouli o ka hiki ana mai o ia mau mea?
5 Olelo mai la Iesu ia lakou, i mai la, i Kana olelo ana. E ao oukou e malama o alakai hewa ia oukou.
6 No ka mea, he nui na mea e hele mai ana ma Ko'u inoa, me ka olelo mai. Owau no ia, a e alakai hewa ia na mea he nui loa.
7 A i lohe oukou i ke kaua, a me ka lono o ke kaua, mai hopohopo oukou; no ka mea, e hiki io mai no ia mau mea a pau, aole nae ia ka hope.
8 E ku e auanei kekahi aina i kekahi aina, a o kekahi aupuni i kekahi aupuni; a e hiki mai @uanei na olai, ma kauwahi, a me na wi, a me na kipikipi. Aka, o ka makamua wale no ia o na popilikia.
9 E ao nae oukou ia oukou iho, no ka mea e haawiia'ku no oukou i ka poe hooko lokolo, a e hahau mai lakou ia oukou iloko o na halehalawai; a no'u nei e hookuia'i oukou imua o na kiaaina, a me na'lii, i mea e hoike aku no lakou.
10 E pono nae, ke hai e ia'ku mamua ka euanelio, ma na aina a pau.
11 Aia alakai lakou ia oukou, e haawi aku, mai manao mua oukou i ka mea a oukou e olelo aku ai, mai noonoo e; aka, o ka mea e haawiia na oukou ia wa, oia ka oukou mea e olelo aku ai; no ka mea, aole na oukou ka olelo, na ka Uhane Hemolele no.
12 A e haawi aku ana ke kaikuaana i ke kaikaina e make, a me ka makuakane no hoi i ke keiki; a e ku e mai no hoi na keiki i na makna, a e haawi aku ia lakou e make.
13 No Ko'u inoa e inainaia'i oukou e na kanaka a pau; aka o ka mea e hoomanawanui a hiki i ka hopena, e ola ia.
14 A ike aku oukou i ka mea haumia e hooneoneo ana, i oleloia mai ai e Daniela, e ke kaula, e ku ana i kahi pono ole, (O ka mea heluhelu e hoomaopopo oia.) alaila, o ka poe e noho ana ma ludea, e hole lakou i kuahiwi.
15 A o ka mea maluna o ka hale, mai iho mai ia iloko o ka hale, aole hoi e komo e lawe i kekahi mea, mai loko ae e kona hale.
16 A o ka mea ma ka waena, mai hoi hou mai ia e lawe i kona kapa.
17 Auwe koi i ka poe wahine hapai, a me ka poe hanai waiu ana ia mau la!
18 A e puke aku oukou, i ole ma ka hooilo ko oukou auhee ana.
19 No ka mea, e nui auanei ka popilikia o ua mau la la, aole meneia mai kinohi mai o ka honua a ke Akua i hana'i a hiki loa mai nei i keia wa, aole no hoi mahope aku.
20 A i hoopokole ole ka Haku ia mau la, aole loa e ola kekahi kanaka; aka, no ka poe i waeia e hoopokoleia'e ua mau la la.
Pauku Gula. Sol. 22;3. Hoopaa.
Manao nui. Make ka poe hoole ia Iesu. Ola ka poe paulele ia la.
Na heluhelu la. 1. Mar. 13;1-20. 2. Io. 12;20-36. 3. Mat. 24;1-22. 4. Luk 21;5-24. 5. Io. 15;18-27. 6. Hal. 91 7. Rom. 8;18-39.
Ka manawa. Poalua ahiahi, Aperila la 4. A D 33.
Kahi i hanaia'i, Ierusalema, Mauna Oliva.
Na hana waena. He mau Holene i makemake e ike ia Iesu. Io. 12;20-27. He leo lani. Io. 12;28-36. Na olelo no ka hoomaloka o na Iudaio. Io. 12;37-50.
Mele. "Lawe pio i ka Papu." Hoku Ao Nani, p. 207.
Pule i ala a noho makaukau:
Ka wehewehe me ka ninau ana.
Eha mahele.
I Ke kulanakauhale nani. P. 1-2.
Ma ka pa o ka luakini Iesu ma. Ua puka iwaho me na haumana. Ka pau keia o ka Iesu komo ana iloko o ia pa. Huli lakou e nana'ku i ka luakini.
Heaha ka olelo a kekahi haumana?
E nana Oe, nani wale ke ano o na hale. o na pohaku. Na hale kahuna keia. Na lanai o ka luakini. Nani na pohaku, 40 kapuai a oi ka loihi o kekahi mau pohaku, 14 kapuai ke kiekie, 18 ka laula. He hale kaulana. no kona nani, 46 makahiki i hana'i na paahana he 10,000 malalo ae o Herode ma ka hoonani ana ia luakini. He mabala keokeo na pohaku.
No ke aha i makemake ai na haumana e nana Iesu i ka nani o ka luakini?
A pane aku Iesu pehea? Ehia makahiki mahope iho a hookoia keia wanana 40. Ma o wai la? Ma o Tito la ka alihikaua no Roma, me kona mau koa.
A. D. 70. Kauoha Tito e hoopau ia Ierusalema me ka luakini.
II Na ninau ekolu. P. 3,4.
Hele ekemu ole na haumana e haohao ana no na olelo a Iesu, a hiki lakou i ka mauna Oliveta. Owai ka i aa e ninau ia Iesu? Ehia ninau?
Owai na ninau elua ma ka p. 4? Heaha a mahea ke kolu o na ninau? Mat. 24;3. No ka hope o keia ao ia ninau ekolu.
Pohihihi keia mau mea i na haumana. A ke mau nei paha ka pohihihi i kekahi poe.
III Ko Iesu pane ana.
P. 5. Aole Iesu i pane loa, ua pane hapa. Heaha Kana olelo ao?
P. 6. Owai ka poe e nui ana? He poe alakai aha lakou?
P. 7. Pehea lakou ke lohe i na kaua? Ina nui na kaua, ka hope anei ia?
P 8. E aha ana kekahi aina i kekahi aina, kekahi aupuni i kekahi aupuni? Ina he mau olai, he mau wi, me na kipikipi? Ka makamua wale no ia no ke aha?
P 9. E ao lakou ia lakou iho no ke aha? Hai mai i na mea e hanaia'na ia lakou. Ua hooko ia anei mahope?
P 10 Heaha ka mea e aha e ia'na? Na aina a pau, oia paha na aina malalo ae o Roma mamua.
P 11-13. Ina alakai ia lakou imua o ka aha hookolokolo, heaha ka i papa ia? No ke aha?
E aha ana na kaikuaana i na kaikaina. na makua i na keiki, na keiki i na makua? No ke aha e inaina ia ai, e hana ino ia ai lakou? A owai ke ola?
Ua hooko ia anei keia mau mea?
P 14. Heaha ka hoailona i haawiia e Iesu no ke kokoke ana o ka manawa hoopai? Ka mea haumia e hooneoneo ai, Dan. 9;27. Oia ka puali koa o Roma, me na hae kahi i kakauia'i ke kii o ka Emepera, a o na akua hoomana.
Aia a ikeia ia puali e komo ana iloko o Iudea, alaila e aha na haumana?
P 15. A pehea ka mea maluna o ka hale? He wahi palahalaha ko luna o na hale, he wahi hele, he wahi noho. Aia ke alapii mawaho kahi e iho ai.
Mai aha? No ke aha?
P 16 Pehea ka mea ma ka waena e mahi ai ana?
P 17 Owai na wahine pilikia?
P 18 E pule no ke aha? He wa pilikia ka hooilo, a keakea ka holo ana.
P 19. Heaha ke ano o ua mau la ino la? Ua loaa anei ka like mamua? E loaa ana anei ka like mahope? 600,000 kupapau i hooleiia mawaho o ka pa o Ierusalema, 97,000 pio, 1,100,000 i pau i ka make, 500 i kau ia ma ke kea i kela la i keia la.
No ka nui o ka poe i kauia ma ke kea, aohe wahi kaawale e ku ai na kea, aole lawa na kea no na lawehala. Loa ole ka popilikia.
P 20. Pehea, ina aole i hoopokole ia @a mau la e ka Haku? Ua hoopokole ia anei? No wai?
No ka poe i waeia, na haumana a Iesu. Ua mau ka pule a pa u na haumana i ka holo i kahi kauhale o Pela ka inoa ma ka aoao hikina o Ioredane. Lilo ia i Puuhonua no lakou. Aohe mea hookahi o lakou i make.
A D 70 keia popilikia nui o na Iudaio.
No ko lakou hewa, ko lakou hoole, a pepehi ana ia Iesu keia poino. Ua hookoia ka lakou olelo, Mat. 27;24,25. Ua ka hoi ka wa nana a Iesu.
Ka hoopili ana.
1 Aole o ka nani o na luakini, o na hale, o na kulanakauhale, ka mea e pakele ai i ka hoohioloia. Pau Babulona, Nineva, Roma kahiko. Pela auanei na luakini nani, hale nani, kulanakauhale nani e ku nei. E nalo loa aku ana.
Mai kau ka manao ma ia mau mea. Hookahi wale no kulanakauhale paa, aia ia ma ka lani.
2 Ua hookoia kekahi mau wanana a Iesu. E hookoia'na na wanana i koe.
3 Maopopo no, aole kokoke loa ka hopena o keia ao. Aole i hai ia'ku ke euanelio i na aina a pau o keia ao. Nui na aina i koe.
4 Aka, ma na wahi i ike ia'i ka mea haumia e hooneoneo ai, e like me ka rama, me ka on a, e hoomakaukau ka poe ano pono e auhee aku. Ina ua hookouia keia holoholona no e holoholo wale, e ku kakou a holo, mai nana i hope. E nana'ku nae iluna, i na puu ku mau o ka lani, e noi aku e hookomoia ko Iehova lou iloko o kona ihu, me kona kaulawaha ma kona lehelehe.
5 Nui na Kristo wahahee, na kaula hoopunipuni, na hoomana hoolalau. E makaala, e ao o puni ia lakou.
6 E hana mau, e mau ke ahonui, e hoomanawanui a hiki i ka hopena i loaa ke ola mau.
Mele. "Aohe mea paa." Hoku Ao Nani, p. 266.
Pule i makaukau no ka lani.
Haawina no Sept. 17. Mar. 13;21-37.
OWAI LA O KOA HUNA INOA
E kuu Kilohana Oiaio,
Ka Nupepa Kuokoa e;
Aloha oe:----
E oluolu mai kou mea hooponopono, e hookuu aku ia'u mawaho o kou Keena i ike pono aku au i na maka o Koa huna inoa o Papaikou e pee mai la: maloko o kou helu 28 o ka la 15 o Iulai, e pili ana i kuu ninini i ka bia o na hale @u bia, mai Kalaoa a hiki i Kaha@i.
He oiaio, ua ninini ia no ka bia o na hale i hana i ka bia on a ka mea a ke kanawai i makemake ole ai, malalo o ke kauoha a ka M kai nui L Severance a me ka mana hoi o ka oihana a'e e hiipoi nei, a ua huli pu aku no hoi au ma Kawainui a me Maulili, a he neo ka mea i loaa aku: kuleana ole no ka ninini e like me kou hoohalahala.
Ina paha o you kekahi me a'u ma ia la, ina ua ike pono la paha oe i ka oiaio. E aho oe e kapa pololei ia e kamalii, he "mahaoi olalau."
Ma ua leta la no a ua o Koa, ua olelo ae oia, ua on a ia wau i ua la ala, mai Kawainui mai, e kaakaa pono iho oe, o ka la au e lili nei i ka ninini ia o ko pahu bia, a e olalau nei hoi i kuu on a, o ka la 11 no ia o Iune; a o ka la no hoi ia a'u i noho'lii ae ai maluna o na Ole ekolu. Aole! aole!! aole!!! Aole loa au i ona ia la.
Aole no hoi i haule i ka lio a hu a puaa, e like me kau i hoolaha opukeemoa ae nei. Ina i makemake oe e lohe i ka oiaio, e pono oe e ninau ia L Severance, a i ole, ia Pua loha kuu hoa o ka oihana makai i hoounaia mai i kukua no'u, no ka malama ana i ka maluhia o ka aina a me ka lehulehu.
Ina i pau ole kou kunahihi e ninau hou oe ia Kamai, Kapinao, Kapuahi, Kahaleohu, Koahou, o keia iho la paha ka poe i kaakaa pono na maka no ka'u mau hana ia ia, a hiki i ka hiki ana mai o ka Makai nui, a ike pono oia ia'u ma Kahalii, aole au i hoohihi ia e na moeohane ino o ka ona.
He manaolana ko'u o oe kai ona i ua la 11 nei o Iune. No ka nui o ko ona, ohewahewa ou maka, holo hikaka oe e uhai i ka laau a ke lii, e kuhi ana paha oe o ka apahu hoopaa kaula o ke awa o Laupahoehoe, e ike ia mai paha oe e W H Reed, ina ua makana wale ia oe i ke kumu sila hoolaha pololei.
Auhea oe e ka makamaka e pee mai la iloko o Huna, ina ua lana kou manao e kukulu i kou kahua hoolaha maluna o ka hilahila ole i ka wahahee, alaila kakau pololei iho ka pulima i ka inoa oiaio a hoike ae i ke awakea; aole ka apakau ae i ka inoa maikai o hai, ka mea hoi i kamaaina i keia mau lihilihi, aole ia iloko oia pohai, he nui aku koe, a ia a one mai oe.
E hoi ae au, ke kali loa mai nei paha ka Lunahooponopono ia'u, a me na Keiki Ulele Hula Metala; oiai o ka aina awakea keia.
Good After-noon sir.
Owau iho no, me ka oiaio.
Samuel Mahaulu.
Makai ninini Bia o Koa.
LETA MAI WAILUKU MAI.
Wailuku, Aug 17 1882.
E ka Nupepa Kuokoa. Aloha oe:---
Nu hou! nu hou!! nu hou!!! Heaha ia mea hou.
Ua ike maka iho nei makou i ka hana a ka anela Halenabeka, nana aku i ka huli a mahi o na haole puakiki o Wailuku nei, na haole olelo ino hoi i ka pono o ke Akua, i ka wa a lakou i lohe ai i ka olelo o ke ola mai ka waha mai o Halenabeka.
Kulou na poo ilalo, helelei na waimaka walohia na manao, aole e hiki i ko makou mau waimaka ke hoopaaia, hu mai ke aloha i ke Akua.
Ku mai kekahi mau haole a mihi mai, me na waimaka imua o ke Akua, no ko lakou mau hewa, na haole kane a me na haole wahine, a olelo mai la penei.
Eia au ke huli nei ma ko ke Akua aoao nui na mea e hauoli ai ka naau o ka poe Karisetiano ma Wailuku nei.
Aka, he mea nae e eha ai ka naau o ka poe lalau, a me ka poe hoomaloka, ma ke Sabati hope iho nei a holo aku nei o Halenabeka i Kohala.
Oia kekahi haiolelo walohia loa, ua huli mai na ekalesia a na waieha i Wailuku ma ka halepule Kaahumanu, o ka oi loa aku ia o ka halawai piha loa, kuku kekahi poe iluna, aole wahi e noho ai, mai ka hoomaka ana o na halawai po, oia hoi mai ka po Poakolu mai a hiki i ka po Sabati i hala aku nei, aole i kana mai ka pumehana mau o ka olelo a ke Akua i ka naau o ka poe e hoolohe ana, a me ka helelei o na waimaka.
He lohe wale no ia Halenabeka, a ike pono iho nei, ina he mea paakiki a hele mai oia i ka halawai i ka wa e haiolelo ana ia, e malama oe i ko puuwai, o ku auanei oe i ka pahi o ka Uhane.
A no ka pau ole o ko Wailuku nei poe ia Halenabeka ua hui kuka iho nei kekahi mau haole me na makua, e noi aku i ka oluolu o Halenabeka e noho hou me makou i hookahi pule i koe, koho ia i komite 5 lala e hele aku imua ona, e noi aku, eia na lala. Girwin, Alexander, Kahale, Haole, me Keanu, i ka Poakolu ae, hele aku la ke komite a noi aku la ia ia e noho hou i hookahi pule i koe, olelo mai la oia, he makemake au e noho i Wailuku nei, aka aia a ae mai o P C Jones, alaila au noho hou, ua hoouna leta makou ia Jones no keia mea, a he nui aku no na mea hou i koe.
J Haole.
KUMUMANAO.
Heaha la ke kumu e loaa nui ai na kanaka
Hawaii i ka Mai Pake, a hapa ka loaa
ana o na lahui e ae e noho pu nei me
kakou?
Eia na kumu a'u i manao ai, oia ka mea e loaa ui ai na kanaka Hawaii i ka mai pake.
1 ka malama ole ia o na rula o na aina naauao.
2 O ke aloha naaupo o keia lahui.
Ma na aina naauao a kakou i lohe ai, he mau rula ko lakou no keia mai a oia keia: I ka wa e ho maka ai kekahi mea e loaa koke i keia ano mai, o ka wa no ia e hookaawale koke ia ai ma kekahi aina kaawale, a i ole e haawi ia na lapaau naauao ana, a i na e ola ole ma ka lapa @u ana, alaila, e moku ia iloko o ke kai.
Aole pela kakou nei, i na e loaa kekahi i ka mai, o ka noho pu iho la no ia me ka poe kino ola maikai, a hala he manawa loihi, aia no ke kaawale a kii mai ka makai, aka hoi, i papahiu iho no hoi kela, heo ana, noho hou no kela me ka poe kino ola maikai, hookahi ka ai pu ana, moe pu ana iluna o kahi moe hookahi, muki pu ana i ka ipupaka hookahi.
Nohea mai ka noho pu ana o keia mea mai me ka poe kino ola maikai? Noloko mai no ia o ke aloha naaupo. Aole anei he pono ia kakou e lawe mai i na olelo hoohalike penei: Ina paha he kalo pala e ku huikau ana me na kalo pala ole, aole anei e pal@ ana keia mau kalo?
Eia ka haina; E pala ana kela mau kalo i pili pu me na kalo pala. Aole anei pela ka mea mai e noho ana iwaena o ka poe kino ola maikai, e laha ana kona mai iwaena o ka ohana e noho pu ana me ia. Ahea la waokanaka ae oe e Hawaii Imiloa.
Ua pau ka'u wehewehe ana no keia kumumanao; he nui aku na mea i koe aole i pau ia'u. Me ka mahalo.
Na'u na
Har. Lilia.
Honokohau. Iulai 6 1882.
Ka Moolelo Piha o Guiteau.
Kana mau hana mai kona mau @ opiopio a hiki iho la i ka wa a ka mana piha o ke kanawai i kau ai maluna o@.
Kona hora kope loa maluna o ka Amana.
Kana karaima i hana ai a halawai oia me kona make a hiomoe aku l@ oi i ka luakupapau pa-u.
A oiai ua pilipa nae @ pulepule ma, o haaheo na, aole oia i laki me na hihia a aole no hoi he wahi @ i hiki aku i @ua ona, aka koe wale no na wahi hihia kii @ie, n@ @ al@hula ino nei na wahi Guiteau nei a haalele aku la i kona kaikueke a me kona kulana loio.
I keia wa, hoolilo iho nei na wahi Guitaeu nei iaia iho he kaula nui a kapa iho la i kona moa Ka Hoola Elua o ke Ao nei.
Aole nae oia i loihi ma ia kulana, kiki iho la oia he mau haneri dala no kekahi kanaka a hoopii ia oia a hoopua ia ma ka halepaahao. Ma ke kulanakauhale o Nu Iuka kona wahi i hana ai i keia hana. Puka oia mai ka halepaahao mai hoomau iki aku la oia ma ia kulana mua ona a no kekahi manawa pokole ma ia hope mai ua haalele loa aku la oia ia kulana ona.
Hiki mai nei i ka wa i holo Peresidena mai nei o Gafila no ka noao Repubalika, a o Hanakoka no ka aoao Demokarata, hoao iho nei oia e lilo i luna hooikaika no Garfila a he luna haiolelo hoi, aole i ae ia aku oia e hana, aka mamuli o kona manao maoli iho no, lawe ae la oia ia kulana, aole nae oia i @e ia e haiolelo imua o kekahi anaina hanohano, aka hele aku la oia iwaena o na kanaka ilihune a noke aku la i ka haiolelo.
Lanakila iho nei ka aoao Repubalika me o ka puka ana o ko lakou moho, noke mau iho nei keia wahi Guiteau i ka hoopipili loa ia Gafila a me Art@r me ka nui pu ana aku e haawi mai i wahi oihana aupuni. No ka @ mau o Gafila no keia ano hana, kipaku aku la oia i ua wahi kanaka nei me ka olelo pu aku aole e makemake e ike hou i na helehelena. Pau kona hoopilikia ana ia Gafila, hoopilikia aku la ia Aka.
A no kana mau hana ano e ua kipaku hou aku la o Aka i keia wahi Guiteau, a mai keia manawa mai kona nalu ana iloko ono no na kumu ana i manao ai e make o Gafila a me Aka iaia i ko kona iini. Me ka ike mau iho no o keia Guiteau he hoihoi ole ia oia maloko o na poai o ka Hale Keokeo, noke no nau ka hele, aka e like me ka nui o kona manawa e hoea ai ma ka Hale Keokeo, pela ka nui o ka manawa e pekupeku ia ai oia a kipaku ia iwaho.
Pilihua loa iho la na manao ukiuki iloko ona a i hui pu ia me ke ano opulepule na ia mea i hooi aku i na manao welawela o ka inaina iloko ona a naluea loa kona manao.
Aole i pau.
OLELO HOOLAHA.
E ike e na ano kanaka a pau, o kuu wahine mare Mrs Koleka Keliihananui e noho ana ma Kaalawa, Koolaupoko, mokupuni o Oahu. Ua kue ae oia i ka laahia o ka berita mare mawaena o mana, a ua haalele mai hoi ia'u a i ko mana moe no ka manawa loihi. Nolaila, ma keia, ua papa ia ka poe waiwai, aole e hoaie iaia. A i na o ka poe e hoole ana i keia, alaila maluna ona ko lakou poho, aole loa au e hookaa i kona mau aie a pau.
D S Keliihananui.
Kamoku. Lanai, Iulai 8 1882. 1078 4@
MAKEMAKEIA.
Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.
C BREWER & CO. (Burua Ma.)
MRS. A. M. ME@EKI,
MEA HUMU LOLE MAIKAI A ME
Na Koloka, Holoku ano hou.
104 Alanui Papu, Kuea o Burua.
Honolulu, Ian 15 1881. 998 1yr
UA MAKEMAKE IA
NA ILI BIPI,
NA KIWI BIPI,
NA IWI BIPI,
E Haawi ia no ke kumukua i kiekie o ko kakou makeke nei e
H. Hackfeld & Co.
Honolulu, Mei 22, 1880. 1y964
NO KE KUAI.
1 waapa nui 28 kapuai ka loihi. 8 kapuai ke akea 4 1/2 kapuai ka hohonu; kumukuai $80.00.
1 waapa 25 kapuai ka loihi, ua kapili ia me ke keleawe; kumukuai $50.00.
E ninau ia
C. BREWER & Co..
1080 4t.
CALIEORNIA
FURNITURE COMPANY
O KEIA HUI A HALEKUAI O
Na Lako Hoonani o na Hale!
I ike mua ia iho nei ma kona kahua mua iho nei
ma ke Alanui Papu, makai iho o ka
Halekuai o na Mea Kani o Geo. F. Wells
UA HOONEEIA AE NEI A I NA
HELU 56 me 58 ALANUI MOIWAHINE
He Hookahi Ipuka ka mamao mai ka Hale Mu,
A malaila e loaa ai na Lako Hale Emi Loa. Eia iho
ka inoa o ia mau Lako Hale:
Na Moe maikai loa,
Noho o na ano o pau,
Noho Ko-ki,
Pakaukau,
Noho huleilua,
A HE NUI AKU.
Eia pu no hoi me makou,
Na Bela Moe,
Na Uluna,
Na Kihei Moe
A me na Pala Uluna.
A oiai na makou iho no e hana keia mau
mea maluna ae, nolaila e kuaiia aku
ana me ke
KUMUKUAI HAAHAA LOA.
B.P. ADAMU, AGENA.
W. R. KAKELA.
He Loio a he Kokua ma ke K@.
HE LUNA HOOIAIO PALAPALA.
W. C. SMITH.
LOIO! LOIO!!
Helu 36, Alanui Kalepa, Honolulu.
1056 tf
S. B. DOLE.
HE LOIO A HE LUNAHOOIAIO
PALAPALA.
E hiki no iaia ke lawelawe i na hihia o kela a me @ imua @ @ Ahahookolokolo a pau o keia aupuni.
KEENA HANA---Ma Alanui Kaahumanu.
JNO. LOTA KAULUKOU.
LOIO a HE KOKUA.
UA makaukau au e lawelawe i na hihia a pau o kela a @ keia ano iloko o na Aha Hookolokolo a pau o keia @ puni. Ua hiki no hoi ka hana i na palapala a pau e p@a ka Oihana Loio me ka eleu. E loaa no au ma @a K@ oko a ma Honolulu no hoi i ke@ manawa. 101 @.
ABA KAULIA,
Loio a Kokua ma ke Kanawai.
UA makaukau au e lawelawe i na hana a pau ma ka Oihana imua o na Aha a pau o ka mokupuni o Oahu i loaa no au ma Koolaupoko, Heeia, a ma Honolulu i @ a Hooko ia na kauoha mai na wahi a pau o ka mokupuni @ @ uleu a mehikiwawe.
RICHARD F. BICKERTON
(PEKETONA.)
LOIO a he KOKUA ma ke KANAWAI
E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau ina @ Oahu nei, a ma na Mokupuni e ae.
Ua makaukau mau oia i ka hana ana i na Palapala p@ nawai o kela a me keia ano.
Ua hiki no hoi iaia ke ho@le dala aku ma ka meraki @ @ aina, ma ka ukupaneo haahaa loa.
E hanaia na hana me ka hikiwawe a me @ uku @.
Keena hana, Helu 23 Alanui Kalepo. @ pua@ @ ka hale kauka o Kauka Mi@ 840 @.
JAMES M. MONSARRAT.
(MAUNAKEA.)
Loio a he Kokua ma ke Kanawai
IMUA O NA AHA HOOKOLOKOLO A PA@ o keia Aupuni. E lawelawe ana no hoi @ na hana pili i ka hooponopono waiwai, me @ imi ana i na palapala Sila Aina, ka hana ana na Palapala Kuai, Hoolimalima a me ka h@ dala ana.
A HE LUNA HOOIAIO PALAPALA
Keena hana helu 9 alanui Kaahumanu.
Jan. 3, 1880. 944 1@.
PAPA, PAPA
AIA MA KAUI O
LEWERS & COOKE,
(O LUI MA.)
MA KE KAHUA KAHIKO MA
Alanui Papu a me @
E LOAA AI NA
Papa Nouaik@
o kela a me keia ano
Na Papa Nani a Paa no ke Kak@
ana i na Hale!
Na Pani Puka, Na Puka Aniani.
Na Olepelepe, Na Pou, Na O-a,
Na Papa Hele, Na Papa Ku,
A me na Papa Moe nui
NA PILI O NA HALE
O NA ANO A PAU.
Na Pepa Hoonani, Na Pepa o na Wai a pau.
Na Kui mai ke Nui a ka Makalii,
Na Ami Puka. Na Ami Puka Aniani.
Na Ami o na ano a pau.
Na Aila Pena, o kela me keia a@
Na Aila Hoomaloo, he lehulehu wale.
Na Aila e ae o na ano a pau.
NA WAI VANIK@
A ME NA
WAI HOOHINUHINU NANI
o na ano a pau loa.
NA BALAKI ANO NUI WALE
A ke hai ia aku nei ka lono i na makamaka
pau, ua makaukau keia mau makamaka
o oukou e hoolawe aku ma
na mea a pau e pili ana
ma ka laua oihana
NO KA
UKU HAAHAA LOA@
E like me ka mea e holo ana mawaena o
LAUA a me ka MEA KUAI
E hele mai! E na Makamaka
A e lawe no hoi ko oukou makemake
me ka oluolu a me ka maikai
845 tf