Ka Nupepa Kuokoa, Volume XXI, Number 33, 19 ʻAukake 1882 — Page 2
| This text was transcribed by: | Janet Yocum |
| This work is dedicated to: | In memory of Mel Kinney |
Ka Nupepa Kuokoa
KE KILOHANA POOKELA NO KA LAHUI HAWAII.
Ua oluolu i ke ‘Lii ka Moi ka Hookoku ana His Ex Jno E Bush, Kohina Kalaiaina, ma kahi a His Ex Simon K Kaai i waiho mai. 1080 3t.
Ua oluolu i ke ‘Lii ka moi ka hookohu ana His ex Simona K Kaai, Kuhina Waiwai ma kahi o His Ex Jno E Bush i waiho mai. 1080 3t.
Ma keia ia a mahope aku, o na loaa a me na komo i kau ia maluna a ka i-a a mea ai e ae, a maluna hoi o na holoholona a me na waa i lawe mai ia mau mea i ka Makeke I-a o Honolulu, ma kkula aku nei a ma ke kai mai hapa, ua hoopau loa ia.
SIMON K KAAI
Kahuna Kalaiaina.
Keena Kalaiaina, Iulai 27 1882.
1078 3t.
O ka Pa Aupuni no na holoholona helehewa ma Kanapakuea, Hilo, Hawaii, ua hooneeia aku kahi e ku hou ai ua Pa Aupuni la ma Kuhoa iloko o ia apana no, ke elua wile paha ka mamau mai kahi i ku ai ka Pa Aupuni mua.
SIMONA KALOA KAAI.
Kuhina Kalaiaina.
Piha@, Augate 1, 1882. ’79 3t
AHA KIEKIE O KO HAWAII PAE AINA.
No ka mea, ua loaa ia’u na kumu pupono e ma lama ole ai ma Sepatemaba 1882 ke kau o ka Aha Kaapumi o ka Apana Hookolokolo Ekolu, i kauoha ia ma kekahi Kanawai o ka Ahaolelo o 1882, e malamaia ma Waiohinu, Kau, Mokupuni o Hawaii ma ka Poaha mua o kela a me keia makahiki Nolaila, mauli o ka mana i loaa ia’u ma ia Kanawai ke kauoha nei au aole e malauiaia ua Kau Hookolokolo nei. Ikea: A F JUDD
Lunakanawai Nui o ka Aha Kiekie
Honolulu, Aug 8 1882. 1080 8t.
AHA KEIKIE O KO HAWAII PAE AINA.
Mamuli o ke Kanawai e hoonui papalua ana i ka uku no na Jiure, ma keia hope aku, in ahe hihia kiwila na ke Jiure e hoolohe ai imu i o ka Aha Kiekie a Aha Kaapuni hapa, e waiho mua mai i ua dala he Kanalima no na koina.
Ma ke kaueha a ka Aha,
JNO E BARNARD, Kakauolele
Honolulu, Aug 8 1882. 1080 4t.
I KO MAKOU MAU LUNA NUPEPA MAI HAWAII A KAUAI.
E ELEU I E MAKAALA !!
E HOOMAUKAUKAU!!
MA ka la 29 o keia mahina e holo uku ana ko makou Elele Ohi Dala, MR. D.W. AIWOHI no Lahaina, na Waieha, Makawao, Haiku na Koolau a hiki loa aku i Hana; mai laila aku a Molokai me Lanai alaila huli hoi mail. Ke paipai ia aku nei na Luna a pau e noho aie nei i ko kakou KILOHANA e makaala e eleu.
Mahope iho o ke a huakai e holo, koke aku ana oia no PUna, Hilo, Hamakua, a me KOhala a huli hoi mai E eleu mai oukou e ho makou mau Luna o keia mau Apana maluna ae e apo mai i ko kakou Elele me ke aloha; e hookanakamakua pela wale no e pono ai.
I ko makou mau Luna Nupepa o ka mokupuni kaili la, Kauai, e noho me ka makaala, no ka mea, e hoea aku ana no ko makou Elele i o oukou la ke p u na huakai i hoakakala maluna. O ka makou leo poloai e noho me ka makaala a me ka makaukau.
Me keia mau puana leo maluna ke manaolana nei makou e hooko mai ana aoukou me ka lokahi a no ka pauina hope o ko makou manao ke papaii aku nei makou i ke aloha i ko makou mau Luna a pau. aloha oukou.
KA NUPEPA
KUOKOA ME KE AU OKOA
I HUIIA
No ka Makahiki, $2. Eono Mahina $1.
Dala Keuike Ka Rula.
POAONO AUGATE 19, 1882.
HE KANAWAI PONO OLE.
@ wai i heluheluia imua o @ kaunamano, a i hoohuloia hoi i kanawai; e pili ana no ka hookohu ana in na lunakanawai apana, oia kekahi o na hana pono ole o keia kau ihu nei, a e ikea auanei ke i@ o keia kanawai ma keia mua iho. Mamua ua hoonohoia na lunakanawai apana e na kuaaina o kela a me keia mokupuni, me ka hoopono aku no nae o na lunakanawai o ka Aha Kiekie. A ua pono @oa @ no ka mea. o ka Aha Kiekie ke poo o ka oihana hookolokolo, a o na lunakanawai o ia aho ka i ike pono ika poe i makaukau no ka lawelawe ana ma ka oihana lunahanawai apana. A he nui ho hoi na ninau pohihihi e loaa ana i ua lunakanawai apana ma ka lakou lawelawe ana i ka oihana; aohe wahi e ae a lakou e ui kupono ai no na ninau pili kaawai, o na lunakanawai kiekie wale no. O na Kiaaina o na mokupuni, he poe lakou i no ole ia ma ka kanawai. aole hiki ia lakou ke ao pono aku i ka lunakanawai no na mea e pili ana i ka oihana hookolokolo, no ka mea aole lakou i ike. A aole no hoi i makaukau ua poe Kiaaina nei i ka awe ana i ka poe i kupono no ka oihana lunakanawai apana, no ia kumu hookuhi no, oia nei ka ike ole i ke kanawai.
Nolaila, ua pono loa ke kanawai mua, e olelo ana me ka hoaponoia e oa lunakanawaikiekie e loaa aku ai ke hookohuia o noa lunakanawai apana. Aka, ma ka bila a Kaunamano i hooholoia iho nei, ua hoopania ke kuleana o na lunakanawai kiekie iloko e na hookohu ana o na lunakanawai apana. I keia wa na na Kiaaina wale no e hookohu i na lunakanawai apana, a aole ma ka hoapono ana e na hoe o ka Aha Kiekie. Heaha ke kumu o keia? Ka noonoo ole anei’o Kaunamano i kana mea i hana ai? ua ike ole anei na Hoa o ia Hale i ka poino a me ka pupilikia maoli e ulu mai ana mai loko ae o keia hana pono ole? Ina pela he hooiaio hou ana keia o ka poino o ka aina ke kaa aku na hana o ka Ahaolelo iloko o na lima o ka poe makaukau ole. Eia mae ka mea i haohaoia ma ka hooholoia ana i keia bile, ua waihoia a kikikeloa i ka wa e hookuoia o ka ahaolelo, ua hanaia me ka puapuahulu; ua hooholo hikiwaweia, me he mea la ua makauia o hala ‘ai keia bila me ka malamalama mamua o kona lilo ana i kanawai. he wanawai keia i hiki ole ke hoaponoia imua o ka noonoo malamalama. A e like me ka makou i pane mua ae nei, e puke mai ana ke ino mailuko ne o keia kanawai.
NA LETA A NA MAKAMAKA.
Mai a G W Kailikapu o Waihee, Maui, na hoopomaikai ma oia i ka papaaina o ko makou mau makamaka me keia mau hunahuna malalo iho:
He mau hebedoma wale no koe alaila e holopono ana na hana a ka one miliona ma ka eli ana i ka auwai wai ma Waihee nei. Ke hoaa nei ka hui mahiko o Waihee nei i kahi ole e loaa ai ka wai a o na kanaka kekahi i pilikia no ka eli ia ana o keia auwai wai maluna o ko lakou mau aina, he pilikia nui keia ikeia ma Waihee nei iloko o keia mau la.
Ke hooikaika nui nei ka luna nui o ka mahiko o Waihee nei i ka eli i mau lua nunui hooholo i-a, eia nae aolhe he ola o ka i-a o loko o ua mau lua nei.
Ma kekahi ia, oiai na paahana e eli ana i kekahi o keia mau lua i-a, ui holaa ia ae la he pohaku nui a ike ia iho la he pohaku keia ua hana ia he ka@oa no ke au i hala; ke malama ia ne keia pohaku.
Malalo iho e ikeia ai oa hanau ma ka apana o Kula, Maui mai ka peni a D H A Kiaiakua:
Ma ka la 4 o Aug ma Kula, Maui, ua hanau no Manoanoa me kane wahine o Kekukahi he keikikane.
Ma ia wahi no na Keanue me Maikai he kaikaimahine.
A Aapueo, Kula, na Manoanoa me Kaniho he keikikani.
Ma Waiakoa, Kula na Palaualelo me Kela ke keikikane.
Mai a Keaniani o Kawaihae-uka, Kohala hema, ua hoouna mai oia he moolelo pokole no kekahi paina luana i malama ia ma kona home ma ke ano he paina la hanau no kekahi o kana opuu rose. Ua hoike mai oia wa maluhia a ua maikai na hana i lawelawe ia a oa nui na hoa’loha a me na makamaka i hui pu ma ia paina luana. Ua mele ia no homeni hoonanea e n ahoa’loha a me ai hiona nanea a me ka maluhia ua hookuu ia na hana.
Na Kamauu o Kamaoa, Kau, Hawaii i waiho mai i keia malalo iho:
Ua make elima kanaka o Kau nei iloko o ka mahina o lulai a penei ka moolelo o ka make apa o lakou: He make emoole ko Pake k, he make mai maoli ko Kekela w, pela no me Paneku k, he make ho Puhalahua mai ka mei lolo, he make ko Nakapamaile mai kekahi puu ma kona opu.
Mai a Lipoikawao o Hanaio, Honuaula, Maui, ua hoike mai oia he nunou i ano like me keia maluna ae. Ua hoike mai oia no ka make ana o Luahiwa Kumana w i ka la 30 o Iune i hala hope loa aku la iloko o ka piha ana o na makahiki he 40, he hoahahau oia no ka ekulesia o Honuaula a ma kona hele ana i ka make, ua haalele iho oiahe ohana nui ma keia ao.
Na Kapule o Kapuukolo, Honolulu, ua waihop mai oia i keia malao iho i kulike me kaiea mau mea maluna ne. Ua hoike mai oia i ka make ana o kana wahine aloha i ka la 2 o Iulai, na maikai a oluolu ko kaua noho ana ma keia ao a hele wale aku la i ka make.
Mai ia G Timoteo o Punahu, Kau, ua hoouna mai oia i keia hunahuna malalo iho penei.
Ke holopono nei ka haina ana o ke ala nui kaa ahi o ka hui mahiko H A Coo Pahala nei, ua paa ua mile 4 i keia wa a ke hoohahana loa mai la no Punaluu nui.
Ua hoike iho nei na kula o Kaou nei a ua holopono no hoi na hana a pau. ua hoomaha iho nei na kula.
He kuaua koikoi ka i haule iho maluna o Kau nei i keia mau la, o ke kauna mua loa keia i ikeia ma Kau nei no na mahina he nui i hala.
Ua mahuka mai ka halepaahao o Kau neihe paahao paele o Kalama kona inoa a aole oia i loaa a hiki i keia wa a’u e kakou nei; ua hoopaahao ia oia no ka hihia he aihue lio
ke haiwi nei makou i ka mahalo maikai i keia mau makamaka i hoouna mai i keia mau nuhou maluna ae, a ke noi hou ia aku nei ko lakou akonui e hoomau mai i ka hooouna ana mai i na nuhou.
KELA ME KEIA.
Ma na lono hope mai nei o na aina e, ua loheia ua hoapono na makaainana o Enelani i ke kaua ana o ia aupuni ia Aigupita, a o ke kumu kanalua wale no a lakou e hope nei, o ka hokalia o ke aupuni i ka hoopai aku i ka poe Aigupita. Ma ka nane aku nae, me he mea la ua ke hookahi e Euelani iloko o keia kaua me ka hoomokae mai o na kupuni e ae. Heaha ia, he lili paha, a i ole he hopo paha o makuakua hou aku ka na o Beritania. He mea e no hoi ka hoopunipuni u ke Arabi Bey poe. Ua oleloia i ka wa a lakou i hee ai a hole aku ia iloko o ka aina, hai aku ia lakou i na kamaaina e na apana kuaaina ou loka nui ia e lakou ka poe Beritania, he ewale moku i hoopoholoia ma ke awa, he elua moku i puhiia e lakou i ke ahi, a he eha i lilo pio mai iloko o ko lakou mau lima! O ke kumu paha o keia olelo hoopunipuni, i mea e puni ai ko na apana kuaaina mamuli O Arabi, a ua paulele io no ka peo naaupo.
Ua hooholo iho nei ka mokuaina o Iowa ma Amerika Hui i kawanwai hooie waina no lakou, he kanawai keia e hookapu loa ana i ke kuai a me ka inu ana i na waiona maloko o ia aina. He kanakolu tausani ka oi o ka poe i koho ma keia kanawai mamua ae o ka poe i kue. He lanakila nui keia no ka poe hoole wainoa ma ka apana O Iowa, a he hanohano no ia aina. Ua waihoia ma keia lanakila a me keia hanohano imua o ke aupuni uuku o Hawaii, aka ua kiola aku oia i keia pono, a ua helu oia i keia hanohano ilalo o ka lepo. Ua ike pono i o ka makemake a kekahi napauui o na makaainana, a he poe hanohano a naauao no hoi lakou, o ko lakou makemake e hookapu loa ia ua waiona. !! ka mea, oia kekahi kumu maopopo o ka poino a me ka make o keia lahuikanaka. He mau tausani inoa no hoi kai hoopii i ka Anaolelo e hana i kanawai e hookapu loa ana i ka @aina; aka aole i nana ia mai keia leo o na makaainana. E noa loa ana na waiona maloko o keia aupuni ma ka la akahi ae nei o Okatoba, a o ka poino e ulu mai ana, e hookauia aku no maluna o oa poo o ka poe nana i hana a hooholo keia kanawai. E pono i na makaainana mai Hawaii a hiki aku i Kauai e kau i hoailona maluna o keia poe kumakaia, a e pale aku ia lakou a mau loa mai loko aku o na Kau Ahaolelo o keia hope. E hoomau loa ia aku ka hanohano o ka poe uuku iloko o keia kau i’o nei nana i hooikaika mamuli o na hana e pono ai. Aole no paha e poino ana i ka lehulehu na paio wiwo ole ana a ka Hou. Nawahi a me Pilipo ma ma ka aoao o na pono o na makaainana. He mau kauwa hana pono o lakaou, a oa hono no mae ke aupuni e kuai aku, me ka hiki ole no mae.
Ua kauohaia mai ke KUOKOA mai loko mai o ke Keena Kalaiaina aole e hoolaha hou aku i na kanawai i hooholoia e keia Kau Ahaolelo iho nei, a ua kauoha pu ia no hoi ka Paewaina a me ka Satruday Press e hooki i ko laua mau hoolaha ana. He hana paewaewa keia ma ka aoao o ke Aupuni, no ka mea, ua hana mua ia he olelo aelike mawaena o na aoao a elua no ka hoolaha ana a me ka uku o ka hoolaha ana. A ua kauoha mai ke Aupuni ia makou e hoolaha aku i nu kanawai no ka uku i hoohole mua ia. Aia mea a komo o J.E.Bush ma ke Keena Kaiaiaina, o kekahi o kona hana mua, ola ka hoolapuwale i ka aelike i hanaia e hona mua Simona Kaai, no ka hoolaha aoa i na kanawai a kauoha mai la e hooki. Ua minamina makou no ke Kuhana, no kana hanaana i keia mea, na ka mea, na hana ino oia iaia iho a me kana oihana. A o ka hoopilikia ana, i man@ e ia e hooili mai maluna o ke KUOKOA a me na nupepa e ae a me ka lehulehu o na poe heluhelu ua haule wale ia. O ke aupuni a o ke kanaka e haawi ana iaia iho e hana i na hana paewaewa e like me keia, ua hana oia i mea nona e hoowahawaha ia ai, Aka, ke olelo nei ke Kuhina Kalaiaina, aole nana keia hana, he mea ka i hiki ole iaia ke pale aku; “na ka Aha Kuhina keia mea i hana,” wahi ana. Ina he oiaio keia, alaila he hoike ia no ke ano kamalii loa o ke Aupuni, a he mea pono ke hoololi’koke ia kona ano mamua o ka hele ana aku i ka lapuwale loa.
NU HOU KULOKO
Ua holo aku ka mokuahi Bihopa !ma kona kuakai kaapuni ia Kauai i ka Poakahi nei.
Ke hoea aku nei na Leia a na Makamaka ma na kolamu o ko kakou peopa o keia pule. He wa loihi ka malowale anao kona mau helahelena.
Piha na mokuahi holoholo pili aina o kakou i na ohua a me na aukana ma keia kuakai aku nei a lakou i keia pule, pela no hoi na moku kuna.
O ka Rev W Frear, kahu mua iho nei o Kaukeano, ua ae oia mamuli o kona noi ia ana mai, i kahu no kekahi luakini ma Okalana, Kaleponi.
He keu keia o na la welawela o ka la ma ke kulanakauhale nei, a he keu aku no hoi o ka leop o na huina alanui. Ua pau iho nei ka pipi ana o ke kaa wai o Kimo Doda ma ua alanui no ka hoapakee ia e na ala liilii poepoe o na alanui.
Mamua iki iho ka holo ana o ka moku kalepa Caibarien i ku Poakahi nei, haule iho la kekahi o koaa luina mai kekahi o na i a o luna loa, laki nae aole oia i haule iluna o ka oneki a iluna hoi o ka uwapo, aka haule aku la oia iloko o ke kai.
O ka ino i ikeia e kakou ma Oahu nei i ka la Sabati a me ka Poakahi i hale, ua oi loa ka ikaika o ia ino ma Kauiai. Ua hoopoino ia na ko o ka hui mahiko a Princeville a us hiki aku ke poho i ka $6,000 pele no ma Kilauea a me Kapaa.
Owai la nuanei ka Luna Hooiaio o na Buke helu Aupuni? He nui na inoa e wawa ia nei a owai la o ia mau inoa ke hookoku ia ana?
Ma ka uwapo mokuahi kahiko kahi i pili ai ka mokukaua Italia Christofore Colombo no ka hooili lanahu. He pule okoa kona pili ana ma ka uwapo no ka hooili ana i ka lanahu.
I ka wa a ka mokuahi Sueze i hookokoke mai ai i ka uwepo mokuahi, ua hookui mai la kona ihu me ko ka mokuahi Anaka He e pili ana ma ka uwapo a loaa he poino maluna a laua a elua a meka uwapo pu.
Ua hoikeia mai na lono i o makou nei no ka pio ana o ka puapuai o ka wai o ka luawai o ka Pepee ma Kouila, Kulaokahua, no ia kumu, ke kukula kou ia nei ka mea eli wai ma ia wahi no ka eli hou ana i ua luawai nei. Aole i maopopo ke kumu o ka pio ana o ka wai.
Ma ka po o ka Poakolu nei, ua halulu mai ma ko kakou awa ka mokuahi Sueza o ka laina mokuahi o ka ona miliona, a maluna mai ona i hiki mai ai ke Kuhina Noho hou a Amerika Huipuia ma Hawaii nei ma kahi o Comly, oia o R M Daggett. Ua huli hoi mai no hoi o H Makapolena me kana wahine, A Herbert M Dickson, L A Andrew kekahi o ko kakou mau makamaka.
He ulio poino o kakahi oia makamae ka i ike ia ma Wamanalo ae nei i ka Poaono o ka pule i hala. O ke keikikane a Hanale Nolete ua make oia ma kona haule ana mawaena o ke kaa enegini e me kekahi kaa hali ukuna, a ua pepe kona poo a me ka haki ana o kekahi o na iwi aoao. Ua hoihoi ia mai kona kino i Honolulu nei a ma ka la Sabati ana ae kona hoolewa ia ana.
O ka hale hana uwati iho nei o Eckhartma alanui Kaahumanu, ua lilo ae nei i ka hoolimalima ia e Karamu ma a ua hoolimalima ia iho nei ua hale la i halepai. Ua hiki mai nei ka papa pai hou o ua halepai la. Ma keia mua iho e hoi aku ana o Karamu ma ilaila a o kona halekuai buke ma ke alanui Kalepa e wawahiia ana a e kukulu hou ia ana he hale nui uinihapa malaila.
I keia noa ana iho e hoopuka hou aku ana makou i ka moolelo kaao o Keaniniulaokalani ma na kolanu o ko kakou pepa, aole makou i manao e hoonele loa ia nane o kakou ma kulakula, aka ua hoomoe iki makou no ka piha loa o ko kakou pepa me ka moolelo o ka Ahaolelo, a oiai ua pau ae nei ia moolelo, nolaila a keia noa ana iho e hoopuku hou aku ana makou i ko kakou moolelo.
HOOLAHA HOOKAPU AINA.
UA kapu loa ka hele wale ana o na ano holoholona a pau maluna o ko maua apana aina e waiho nei ma Honomu, Hilo, Mokupuni o Hawaii. Ina e hele wale kekahi holoholona a mea holoholona paha, alaila, e uku ia i $1 no ke poo- A ke hookohu nei maua ia J S Ioane, oia ka mea mana nana e hooko i keia mau olelo. E lilo keia i Kanawai paa mai keia la aku. PALAU k 1,
J PALAU k 2.
Hanomu, Hilo, nulai 31, 1882. 1079 4t
CECIL BROWN.
LOIO A HE KOKUA MA KE KANAWAI
Ahe agena no ka Hooiaio ana i na Palapala no ka Mokupuni o Oahu. Helu S. Alanui Kaahumanu. Honolulu. H. P. A. 2y
PAPA PAPA !
-NO-
ALLEN & ROBINSON
UA WEHE AE NE MAU A I
PA KUAI PAPA
-MA-
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Alla Pena!
NA KUI O KA ANO A PAU.
NA PANI PUKA a me
N PANI PUKA ANIANI.
NA PANI PUKA a me
NA OLEPELEPE.
NA LAKO KUKULA HALE
O NA ANO A PAU !
E KUAIIA MA KE
KE KUMUKUAI HAAHAA LOA
O keia Makeke
Ma ke Kaena o ka LUnakanawai Kaapuni Apana Ekolu o ko Hawaii Paeaina. Ma ka waiwai o Ohiha k, no Hamakua, Hawaii i make.
Ua heluheluia a ua waihoia ka palapala aei a Keahi w, e nei ana e hoonohoia oia i Luna Hoooponopono no wa waiwai e Oniha k. kana kane mare, no Hamakua, Hawaii, i make kauoha ole, a e hooloheia na hooilina o ka mea i make.
Nolaila, ua kauoha ia ma mua a pau ke pili, o ka Poalima, oia ka la 22 o Sepetemaba, 1882, ma ka hale hookolokolo ma Hilo, Hawaii, ma ka hora 10 A M, Oia ka manawa a me kahi i kahoia no ka hoolohe ana i ua noi la me na mea kue ke hoikeia.
F S LYMAN,
Lunakanawai Kaapuni Apuna Ekolu
Hilo, Hawaii Aug. 8 1882. 1081 3t.
A HA Hookolokolo Kiekie o ko Hawaii Paeaina, ma ka hooponopono waiwai. Ma ka hooponopono waiwai. Ma ka hana o ka waiwai o C KANAINA o Honolulu i make. Ma ke keena imua o ka lunakauawai Nui A Francis Judd. Kaaoha e hoolaha i ke noi e apono i na papa hoike, hookau ana a e mahele i ka waiwai.
Ma ka heluhelu a me ka wa ihe ana mai o ka palapala noe a me ka papa hoike a W C Parke Luna Hooponopono o ka Waiwai o C. KANAINA no Honolulu, i make a noi ana e noi ana e aponoia na hoolilo he $313.86, a e hoike ana o na mea i loaa mai iaia he $2081.47, a e noi ana e nana a apoloia keia mau mea, a e kauohaia e wahele i na waiwai e waiho ana ma kona lima i na mea i kukaha maiaila, a e hookuu ana iaia a me kona mau hope mai ko lakou noho ana ma ia ano Luna Hooko Kauoha.
Ua kauohaia o ka Poalima ka la 13 o Sepatemaba, 1882, ma ka hora 10 o kakahiaka imua o ua Lunakanawai ia, ma ke Keena ma ka Hale Hookolokolo, ma Honolulu, oia kahi a me ka manawa i kohoia no ka hoolohe ana i ua noi la. a me na papa hoike i oleloia, a o ka peo a pau i pili makaika e hele mai a e hoike i ke kumu, ina ke kumu io ko lakou, u ae ole i a ai ua noi la, a malaila e hoike mai ai na hoike u na mea i kuleana mloko o ka waiwai i oleloia. A o keia kanoha ma ka olelo Hawaii me !! e pai ia maloko o ka Napepa Kuokoa me Hawaiian Ganeete, he mau nupepa i pai a hoolahaia ma Honolulu, i ekolu pule mamua ae o ka manawa i olelo ia no ka hoolohe ana.
A FRANCIS JUDD.
Ikea: Lunakanawai Nui o ka Aha Kiekie
JNO. E Barnard, Kakauolele o ke Ahi Kiekie. 1080 3t.
AHA Hookolokolo Kiekie o ko Hawaii Pae Aina. Ma ka hooponopono waiwai. Ma ka waiwai o Piikuahiwi k, o Honolulu, Oahu, i make kauoha ole. Imua o ka Lunakanawai L LcCully. Olelo Kauoha e hooiaha aku no ke noi ana mai e koho i Lanahooponopono Waiwai.
Ma ka heluhelu a me ka waiho ana mai o ka palapala noi a Paleha k. O Honollu, e hoike mai ana, o Piikuahiwi k. no Honolulu, ua make kauoha ole ma Honolulu i oleloia ma ka la – @ .... 1875, a e noi ana e haawiia ka Palapala Hookuku Lunahooponopono Waiwai ia W L. Wilcox.
Ua Kauoha ia o ka Poakahi, ka la 11 o Sepatemaba, 1882, oia ka manawa i hohoia no ka hoolohe ana i ua noe la, imua o u i Lunakanawai ia, mo keia Aha, ma Honolulu, maka hora 10 A.M. a ma ia manawa a ma ia wahi no e hele mai ai no mea au pau i pili, e hoike mai i ke kumu ina he kumu oiaio ko lakou, e au ole ia ai ua noe la. A o keia olelo kauoha, e hoolahaia ma ka olelo Hawaii i ekolu pule ma ka “Nupepa Kuokoa,” he nupepa ma Honolulu.
Kukauia ma Honolulu, ko Hawaii Pae Aina, Augate 8, 1882.
L. McCULLY.
Ikea: Lunakanawai o ka Aha Kiekie.
Jno E Barnard, Kakauolelo, 1060 3t
AHA Kiekie o ko Hawaii Paeaina, ma ka hooponopono waiwai Ma ka hooponopono waiwai. Ma ka Waiwai o Kamaka w, o Honolulu i make, kauoha ole. Imua o ka Lunakanawai Hon L. McCully. Olelo kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Mrs. Larisch he pili no ka mea i make o Koolaupoko, Oahu, e hoike mai ana o Makana w, no Honolulu, Oahu, ua make kauoha ole ma Honolulu ma ka ia – o Feberuari, M H 1881, ma Honolulu i oleloia, a e noi ana e haawiiia ka Palapala Hookehu Lunahooponopono Waiwai ia Mrs. Marisch.
Ua kauohaia o ka Poakolu, ka la 30 o Augate, 1882, oia ka manawa i kohoia no ka hoolohe ana i ua noi la, imua o ua Lunakanawai ia ma ke Keena Hookolokolo o keia Aha. ma Honolulu, a ma ia manawa a ma ia wehi no e hele mai ai na mea a pau i pili e hoike mai i ke kumu, ina he kumu oiaio kulakou, e ae ole ia ai a i ua noi la. A u keia olelo kauoha e hoolahuia ma ka olelo Hawaii i ekolu pule ma ka “Nupepa Kuokoa” he nupepa ma Honolulu. Kakaula ma Honolulu, ko Hawaii Pae Aina, Iulai 29, 1882
L. McCULLY
Ikea: Lunakanawai o ka Aha Kiekie
A Rosa, Hope Kakauolelo 1080 3t
AHA Hookolukolu Kaapuni Apana Eha o ko Hawaii Pae Aina, ma ka hooponopono wawiwai. Ma ka waiwai o Kapule w, o Koloa, Kauai, i make kauoha ole. Imua o ka Lunakanawai Kaapuni ma ke Keena.
Ma ka heluhelu a me ka waiho ana mai o ka palapala aoi a Keoua w. o Koloa, e hoike mai ana a Kapule w. no Koloa, ua make kauoha ole ma Koloa, ma ka la 23 o Iulai, 1881, a e noi ana e haawiia ka Palapala Hookoku Lunahooponopono Waiwai ia A K MIKA.
Ua kauohaia o ka Poakahi, ka ia 18 o Sepatemaba, 1882, ma ka hora umi o kakahiaka, oia ka manawa i kohoi no ka hoolohe ana i na noi ia, imua o ua Lunakanawai ia, ma ke Keena o keia Aha, ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae oleia ai ua noi la. A o kela olelo kauoha e hoolaloa ia ma ka olelo Hawaii i ekolu pule ma ka “Nupepa Kuokoa,” he nupepa ma Honolulu.
Kakauia ma Koloa, Kauai, Agate 1, 1882.
JACOB HARDY
1080 2 t Lunakanawai i Kaapuni Apana RHS.
Aha Hookolokolo Kaapuni Apana Ekolu ko Hawaii Pae Aina. Ma ka hooponopono waiwai. Ma ka waiwai o William Wilson o Kohala Akau, Hawaii i make kauoha oie. Imua o ka Lunahanwai C F Hart.
Ma ka heluhelu a me ka waiho ana mai o ka palapala noi a Esther Wilson o Kohala Akau, e hoike mai ana o William Wilson no Kohala Akau, Hawaii, na make kauoha ole ma ka ia 27 o Maraki, MH 1882, a e noi ana e haawi i ka palapala hookoku Lunahooponopono Waiwai io Charles L. Hopkins.
Ua kauohaia o ka i’oakolu, oia ka ia 13 o Sepatemaba, MH 1882, oia ka manawa i koho i ano ka hoolohe ana i ua noi la, imua o ua Lunakanawai ia, ma ke Keena hookolokolo o keia Aha ma Kapaau, Kohala Akau, Hawaii, hora 10 A M, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou. e ae ole ia ai ua nonoi la. A o keia olelo kauoha e hoolahaia ma ka olelo Hawaii, i ekolu pule ma ka “Nupepa Kuokoa” he nupepa Honolulu.
Kakauia ma Kohala Akau, Hawaii, ko Hawaii Pae Aina, Aug. 2 1882. CHAS. F. HART
1080 3t Lunakawawai Kaapuni Apana Ekolu.
Ma ke Keena o ka Lunakanawai Kaapuni Apana Elua o ko Hawaii Paeaina. Ma ka waiwai o Mrs. Maunaa Kaama no Wailuku, Maui, i make.
Ua heluheluia a ua waihoia ka palapala noi a Kauianoole k. noi ana e hooponoponoia ke waiwai o Mrs. Maunaa Kaama no Wailuku, Maui, i make, a e hooholoia i na hooilina.
Nolaila, ke kauohaia aku nei na kanaka a pau ke pili, o ka Poaha, oia ka la 28 o Sepatemaba, 1882. ma ka hale hookolokolo ma Wailuku, ma ka hora 9 a m. ona ka la a me kahi i kohoia no ka hoalohe ana i ua nonoi ia a me na mea kue ke hoikeia
ABR FORNANDER,
Lunakanawai Kaapuni apana 2 H .P. A.
Lahaina, Aug. 3, 1882. 1080 3t
Ma ka Keena o ka Lunakanawai Kaapuni Apana Eleu o ko Hawaii Pae Aina Ma ka waiwai o na keiki oo ole o Kaaikaula k, no Wailuku, Maui i make.
Ua heluheluia a ua waihoia ka palapala noi a Damian Ku Koaikaula, no Wailuku, Maui kekahi o na keiki a Kaaikaula k. no Wailuku, Maui, i make, e noi ana e hookuuia oia mai ka mana o kona Kahu a e hoihoila kona waiwai iaia iho, no ka mea ua piha kona mau makahiki iwakalua, wahi ana.
Nolaila, ke kauohala aku nei na kanaka a pau ke pili, o ka Poaha, oia ka la 28 o Sepatemaba, 1882, ma ka hora 10 a m, ma ka hale hookolokolo ma Wailuku, oia ka la a me kahi i kohoia no ka hoolohe ana i ua nonoi ia a me na mea kue ke hoikeia. ABR FORNADER,
Lunakanawai Kaapuni Apana 2 H P A.
Lahaina, Aug. 3, 1882. 1080 3t
AHA Hookolokolo Kiekie o ko Hawaii Paeaina, ma ka hooponopono waiwai. Maka hana o ka waiwai o KAMAAHO o Kina i kmake kauoha ole Imua o ka Lunakanawai AF Judd. Olelo kanoha e hooiaha aku no ke noi ana mai e koho i LUnahooponopono Waiwai.
Ma ka heluhelu a me ka waihop ana mai o ka palapala noi a J Keapaa o Honolulu, Oahu, e hoike mai ana o Kama Aho no Honolulu, maniua ua make kauoha ole ma Kina ma ka la – o -- --, 1878, a e noi ana e haawila ka palapala hookoku lunahooponopono waiwai ia J Keapaa.
Ua kauohaia o ka Poalua, ka ia 5 o Sepatemaba, 1882, ma ka hora 10 o ke kakahiaka, oia ka namawa i koho ia no ka hoolohe ana i ua noi la, imua oo ua Lunakanawai ia, ma ke Keena Hookolokolo o kei a Aha ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu ina he kumu oiaio ko lakou e ae oieia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ka “pupepa Kuokoa,” he nupepa ma Honolulu.
Kakauia ma Honolulu, ko Hawaii Paeaina, Iulai 29, 1882.
A FRANCIS JUDD,
Ikea: Lunakanawai Nui o ka Aha Kiekie.
A Rosa, Hope Kakauolelo, 1079 3t
MA ke Keena a ka Lunakanawai Kaapuni Apana Ekolu o ko KHawaii Paeaina. Maka wawai o Kamaka k no Kahua, Hilo, Hawaii, i make.
Ua heluheluia a ua waiheia ka palapala noi a Akamu k, LUnahooponopono no wa waiwai o Kamaka k o Kahua, Hilo, Hawaii, i make, e noi ana e aponoia kona hoike hope, a e hooholoia ka waiwai i na hooilina, a e hookuuia ia mai ka oi hana Lunahooponopono Waiwai.
Nolaila ua kauohaia o ka Poalima, oia ka la mua o Sepatemaba, M.H. 1882, ma ka hora 1 awakea, ma ka Hale Hookolokolo ma Hilo oia kahi a me ka manawa i kohoia no ka hoolohe ana i ua hoi la, me na mea kue ke hoikeia.
F.S. LYMAN
Hilo, Hawaii Iulai 25, 1881. 1079 3t
OLELO HOOLAHA.
E ike mai auanei na kanaka a pau ma kaie hooleha, owau o ka mea nona ka ino nona malalo iho, ke papa lo i aku nei au i na kanaka a pau loa o na waihoolau like ole, mai hoaie mai oukou i kuu wahine i mareia oia hui o Mele No ka mea ua hoopii oki mare mai nei keia ia’u me ko’u hewa ole. Nolaila o na aie aua e aie ai, aole loa au e hookaa
AKE Pake.
Waimea, S. Kohala, Hawaii Aug. 11 1882.
1081 4t
JOSEPH E. WISEMAN.
LUNAHOOPONOPONO O NA WAIWAI PAA, A ME LUNA IMI HANA.
Helu 27 Alanui Kalepa, Honolulu.
Luna Hoolimalima no na Rumi, na Hale, a ma Luna Kuai me Hoolimalima o na Waiwai Paa ma na wahi a paa o ka Paemoku. Luna Imi Hana no ka poe a pau i nele i ka hana ole ma na wahi a pau i mai emukoia ma kekahi mokupuni o ka Paeaina
N. B. Na Palapala Hoolimalima e hanaia me ka eleu: e ohiia na Bila Aie a me na hana e ae a pau e pili ana i na hana Oihana Kalepa me ke eleu a me ka pololei. O na Uaubiolelo a me na Maheleolelo ana, e hookoia ma ka maika.
O na kauoha a me na kamailio ana maloko o na leta no kekahi o na hana maluna ae, e hookoia me ka eleu loa. 1076 1yr
OLELO HOOLAHA
E ike auanei na mea a pau ma keia ke nana mai owau o ka mea nona ka inoa malalo iho, ke hoolimalima aku nei au i na apana aina elea o kuu wahine mare oia no o Hana, e waiho la ma Kamaile nona ka ino o Kikoo. Ina o ka poe e makemake e hoolimalima me a’u. loaa no au ma kahi o @ Okuu, ma Kawaiahao, ma ka oiaio o keia hoolaha.
K L MAHIKULU
Honolulu, Aug. 17, 1882. 1881 3t*
He Nui Anei Kou Makemake i na
MEKINI HUMUHUMU LOLE!
Ina pela, alaila, e kipa mai no ma ka Halekuai o
KAKELA & KUKE.
A malaila oukou e ike ai a makaikai i na ano
MEKINI a WHEEELER a me WILSON
mai ke $40 a hiki i ke $50 ke kumukuai o
ka mea hookahi.
NA MEINI A SINGER.
ma ke $50 pakahi, me ke ano
MEKINI a WILCOX me GIBBS
ma ke $30 hiki i ke $50 ke kumukuai
mea a pau ai ko oukou kanalua e na Makemake no e
pono o keia mau Mekini, a naue mai no me ke
kuihe ole, a e ike no oukou iho
628 tf
PAPA KUHIKUHI MANAWA HOLO
--O KA--
HOKUHAHU HAWAII
"LIKELIKE"
KAPENA KING.
AOLE AIE NO NA UKU OHUA
Ke hooleia aku nei ka aie no ka uku ohua, a ke hoikeia aku nei i ke akea, in a he mau paiki, ukana a puolo hooili kolakou, e pono e hoailona ia me ka moakaka lea. Aole no e ae ia ka lawe ana i na ukana, paiki a puolo i hoailona ole ia ke ole e kakooia ka loaa ana mai.
HE KUIKE KA UKU UKANA.
Ma na ukana a pau o na makamaka, e pono e uku nana ia. A e hookoia no na kauoha no ka lawe a hiki i kahi i makemake ia. A e malama ia no me ka makaala na ukana, paiki a me na puolo, lio, pipi a me ka hoki.
E hoailona ia me ka moakaka na Pahu
Rama a me Waina.
O ka poe no lakou na ukana o kela ano, e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
O na kokua no na pilikia a me na pho, e pono e hoike koke a mai iloko o ka malama hookahi.
Aole e aeia na hookele kaa, ma keiki a me na mea like e pii hana o ka mokaahi i ka ma e pili mai ai i ka mapo, aia wale no a paa na ohua eepakeke i ka lele.
No ke ake mai e hoopomaikai ia ka lehulehu kaakele, ua hoololi ae nei na Ona o Likelike i ka Papa Hoike Manawa oia Mokuahi e like me maluna.
Ma ka Hale Oihana e loaa'i na Palapala.
Aole Keena o hope e lilo, aia wale no e kaa mua mai ka uku moku. Aole e ili ka hewa no na paiki, ukana a puolo paha ke ole e kakauia ka loaa ana mai. E hookaaia ka uku akau i ka wa e noiia aku ai. WAILA MA.
LOLE MAKEPONO
KE KUIKE
E LOA A NO IA MA KAHI O
KAKELA ME KUKE
E LAA NA
AHINAHINA, KALAKOA,
Keokeo, Leponalu,
Pena, Aila, Aniani,
HA MEA PIULA
KOPA, AILA HONUA
AILA HOOMALOO
E nana ma ka aoao Ekolu,
Kui Kakia, Pakeke,
Tabu, Kania, Noho Lio
Hulu Palaki, Na Puluhu.
A He
AGENA NO HOI NO NA MOKKUPUNI O HA WAII NEI NO NA
Lainakini-nao
Lainakini Maoli,
Palule Kalakoa,
Alapia, Kelepa, Kilika.
Na lole kupono i ka wawae
@ lole Huluhulu
Na Lole Huluhulu,
Na Lole no ka hoohehelo ana
Lipini, LIhilihi & c.
LIPINE, LIHILIHI, & c.
-A me Na-
MAU MEA AI KAHI
ka Palaoa, Kopaa,
Raiki, Pia, Hoohu,
Paakai, Huaala
Pia Kelina,
A he Luau Lapaau haulana Lu
A Dr. JAYNES
Laau Kuuu
Laau Hoopaemae Koko
Laau Hoopau Naio.
Penikala, Huaole.
A ME NA LAAU HAMO, A PELA AKU