Ka Nupepa Kuokoa, Volume XXI, Number 31, 5 August 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I HUIIA.

 

No ka Makahiki, $2.    Eono Mahina, $1.

Dala Kuike ka Rula

 

POAONO. AUGATE 5, 1882.

 

KA HUI ANA MA O

 

   Gathering Home.

                                  Gospel Songs, IV NO 38.

1

            Ke hui ma o la mai o ao.

                        Hui pakahi ne.

            A pae io i ko luna ao.

                        Pakahi no.

            E launa me lesu a maha pu.

            A heo o  oa lole kaahele no.

            A komo ka lole a@i o luna'e

            A Iesu ke Lii e kahiko mai.

Ref.     A hui ma e, hui ma o

                        Hui pakahi no in@ o.

            Hui ma o, h@i ma o, pakahi no.

2

            A hui ma o la pau na luuluu,

                        Hui pakahi no.

            Hala'e ka mik@ a ola mau,

                        Pakahi no.

            Hala'e kekahi a oli no

            I ka pii ana'e i ko luna puu,

            Hala'e kekahi a haalulu no,

            Hiki nae i ka home ao ma o.

Ref.     A hui ma o, &c.

3

            Kakau na hua ke hele ae,

                        Hele pakahi no

            I ko ka make la muliwai,

                        Pakahi no.

            Hamau! he halulu aha nei?

            Halulu wai uei o ia muliwai

            Wai pii a makou i kekahi wa.

            A pii malie i kekahi wa.

Ref.     Hui ma o, &c.

4

            E Iesu, o Oe ke Alukai,

                        Alakai maikai e.

            La Oe ko makou nonoi ae

                        Nonoi ae,

            Pouli oa nalu a anu e.

            Mahea e ku ai ko makou wawae?

            O Oe ka i a'e mamua no.

            E alakai aku a pae ma o.

Ref.     Hui ma o, &c.

                                                     Hawaii,

 

Kaawina Kula Sabati.

 

HELU 89.  SABATI AUG 20.

 

KUMUHANA.

Na hoaaina hewa.   Pauku Baibala.   Mar.

12;1-12.

  Alaila, hoomaka oia e olelo mai ia lakou ma na olelonane.  Kanu iho la kekahi kanaka i ka malawaina, a hana iho la ia i ka pa a puni, a kohi ilalo i kahi e kuomi ai i ka waina, kukulu iho la i ka hale kiai, haawi ae la i na hoaaina, a hele aku la i na aina e.

  2 A i ka wa pono, hoouna mai la ia i ke kauwa i na hooaaina, i loaa aku iaia ka hua o ka malawaina, na ka poe hoaaina.

  3 Hopu iho la lakou ia ia, kuikui aku la, a hoihoi nele aku la ia ia.

  4 Hoouna hou mai la ia io lakou la i kekahi kauwa hou; a hailuku ako la lakou ia ia, a eha konapoo, a hoihoi aku la lakou ia ia me ka hoino.

  5 Hoouna hou mai la ia i kekahi mea hou; a pepehi aku la lakou ia ia a make; a o na mea e ae he nui loa, kuikui no i kekahi, a pepehi i kekahi.

  6 He keikikane hookahi kana, o kana punahele, oia kana i hoouna hope mai ai ia lakou, i mai la.  E mahalo mai paha lakou i kau keikikane.

  7 I ae la kela poe hoaaina ia lakou iho no, Eia no ka hooilina; ina kakou e pepehi ia ia. alaila, e lilo mai ka waiwai no kakon

  8 Honu iho la lakou ia ia, pepehi aku la; a hoolei aku hoi, mailoko aku o ka malawaina.

  9 No ia mea, pehea la auanei e hana mai ai ka haku o ia malaw@ina?  E hele mai no ia a e luku iho ia poe hoaaina, a e haawi aku i ka maiawaina no hai.

  10 Aole anei oukou i heluhelu i keia palapala. O ka pohaku i haaleleia e ka poe hana hale, ua lilo ia i pohaku kumu no ke kihi.

  11 O ka nana keia a lehora, he mea mahalo ia i ko kakou mau maka.

  12 Imi iho la lakou e hopu ia ia a makau ae la lakou i kanaka; no ka mea,  ua ike lakou, ua olelo oia i keia olelonane no lakou: a haalele lakou ia ia, a hele aku.

  Pauku Gula.  Hal. 118;12, hoopaa.

  Manao nui. E lanakila auanei ke aupuni o Iesu. E make nae ka poe haalele ia la.

  Na heluhelu la.   1. Mar 12;1-12.  2. Mat 21;33-46.  3. Luk.20;9-19.  4  Isa. 5;1-16.  5. Dan. 2;31-45.  6. 1 Pet 2:1-12,

Ep. 2;11-22.

  Ka manawa. Poalua Aperila 4, A. D. 33.

  Kahi  i haoa  ia'i   Ka luakini ma Ierusalema.

  Na wahi like.   Mar 21;33-44.   Luk. 20;9-19.

  Mele.  "Lanakila."  Hou Ao N ni 25.

  Pule i lanakila ke Aupuni o Iesu.

 

Ka wehewehe me ka Ninau ana.

Eha mahele.

  I Ka manawa. P. I.

  He olelonane ka Iesu i hoopuka aku ai i na Parisaio me na kakauoleio imua o na kanaka e ku ana mahea? He kanaka nana i kanu i malawaina.

  Owai keia kanaka? Ke Akua.

  Heaha keia malawaina?  Ka ekalesia Iudaio, ke ano mua.

  Ka pa, heaha ia?  Na kanawai, na oihana Iudaio, oihana, kahuna. oihana kaula.

  Kahi kaomi waina.  heaha  ia? Na wahi haiolelo paha, me na naau o kanaka.

  Ka hale kiai. heaha ia? Na hale paha o na kahuna, o na kaula. Lakou ka poe kiai

  Na hoaaina. Owai lakou? Na Iudaio.

  Ka aina e; owai ia aina? Ka lani. He olelonane keia. e hoohalike ana i ka ekalesia Iudaio me ka malawaina; hana ka ona i malawaina maoli. me ua mea e pono ai ia mala.  A haawi aku Ia i na paahana. i na paahaa, i na hoaaina e malama, a hoi aku Oia i Kona wahi noho.

  Il Ke kii ana i na hua. P 2.

  Owai ke kauwa i hoouoaia i loaa na hua?  Na lunakahiko, na lunakanawai. na kahuna na kaula.

  Na hua, heaha ia? Na hana maikai, ka malama ana i na kanawai, i na kauoha, i na oihana ludaio. na ahaaina.  na hooke ai na Sabati, na makahiki Sabati. na makahiki Iubile, &c.

  III. Ka hana ino ana o na hoaaina. P. 3-8.

  P 3. Pehea na hoaaina i hana'i i na kauwa mua? hana ino, kuikui i na kaula mua &c-----hoi nele me ka loaa ole o ka hua maikai.

  P. 4. He mau kauwa hou. he mau kaula hou.

  Pehea lakou i hana ia'i? hailuku, hoeha i na poo hoino.

  P. 5. Pehea i hana ia'i na kauwa hope, Isaia, Ieremia, Tekesia &c? Pepehiia a make ea.

  P. 6-8. Hookahi mea i koe, owai ia Keikikane punahele? Pehea ka manao o ka Haku nona ke hoouna ia Oia? Iesu Kristo keia. ke Keiki Punahele a ke Akua i hoouna ia mai ka lani mai.

  P. 7. Heaha ka na hooaina i olelo ai Nona?

  P. 8. Pehea hoi ka lakou hana ana i la?

  He mau la ekolu wale no koe, a e hookoia ana keia olelo.

  IV Na hoopai elua o na hoaaina. P.9-12.

  P. 9. Heaha ka Iesu ninau? heaha ka haina?

  1 E lukuia'na na hoaaina, ola hoi na ludaio.

  2 E haawai ia'na ka malawaina, ka ekalesia Iudaio ia hai, oia hoi i ko na aina e.  Ua hookoia mahope iho, i ka wa i hoopau ia'i Ierusalema me ka luakini e ko Roma poe koa a hoopuehuehu a aku na Iudaio i o ia nei i na nina a pau,  a lilo ko na aina e i pani hakahaka no lakou.

  P. 10,11. Heaha ka ninau a Iesu? Mahea ia mau pauku? Halelu 118;22,23m, He wanana kahiko keia no Iesu, Iesu ka Pohaku.

  Ka ekalesia Karisetiano ka hale. Ua kukuluia ka ekalesia maluna o Iesu ka pohaku kihi.  Mat. 16,18. Ap. 2;20

  P. 12. Heaha ka lakou i imi ai? No ke aha? No ka pili pono, ea, o keia olelonane ia lakou; heluhelu. Mat. 21;43,44, heluhelu hoi Isa  5;1-7.

Ka hoopili ana,

  1 Nui na malawaioa.

  1, Na ekalesia Karisetiano, o ke'a inoa o keia inoa.

  Ua 60 paha ia mau ekalesia ma keia paeaina. Ua hoolako ia i na mea e pono ai, e ulu ai, na kahuna, na luna, na luakini, na baibala. na buke baibila, na buke himeni, na aha ekalesia.

  2, Na kula Sabati ma o, maanei, Ua 70 a oi o ia mau kula ma keia paeaina. Ua hoolakoia i na mea e pano ai, e hua mai ai.

  3. He mau malawaina na Kula hanai, na ohana. na naau.  Ua hoolakoia i na mea e hua mai nina hua maikai.

2 Ke Akua no ka Haku, ka ona o keia mau mala. Nana no i haawi mai i na mea e hua ai i na hua maikai a nui.

  Ke makemake nei Oia e ike i na hua.

  Ke nana mai nei Oia i ike i na hua maikai.

  Heaha nae Kana e ike nei?  Nui anei ka poe huli mai? Ka poe haalele i na mea ino, a hana i na hana maikai?

  3 Hana ino na hoaaina, na kinaka, na ui, na kamalii i na kauwa a ke Akua, i na kahuna, na kahu, na kumu, na luna, hookuli, homaloka. hoowahawaha, haalele i na luakini, i na kula Sabati i ka ekalesia.

  4 Nui ke aloha o ke Akua; haawi mai i Kana Keiki Hiwahiwa. a i ka Uhane Hemolele, i mea e ola'i. Aloha ole kanaka,  me na ke ki. Kinai i ka Uhane  Ke paku ia Iesu.

  5 E makau ka poe hookuli, a hoomaloka,

  Aole e mau ana ko ke Akua ahonui.

  E ala, e huli, e mihi koke. o hele mai ka Haku a hoopau i keia mau pono, a nele oukou a lilo ia mau pono ia hai.

  6 E pau ana na enemi o Iesu i ka make E lanakila nae Kona aupuni.

  Mele.  "Ke Akua me Kakou." Hoku Ao Nani 170.

  Pule i weliweli na enemi, a ala a holo a koma iloko o ko Iesu Aupani.

Haawina no Aug. 27.   Mar.  12;13-27.

 

  Ua make ua Waihea nei o Malewahine kona inoa: he mai fiva kona mai i make ai.  Ua loaa a oia i ka mai anu a me ka wela a no ka lua o na la ua mahuahua loa keia hawina maluna ona, a no ka manawa hope ua ua p@ku@ kona mau pepeiao, ohikaulo olelo pau ka ike pau ne maka i ka lena a u@la w le aku la ma keia aoao.

 

(Euana ma ka Aoao Eha.)

  Hoikke mai ka hapa uuku o ke Komite wae i waihoia aku ai e noonoo i ka bila e hoomahuahua ai i ka uku o na Kumukula e hoopanee loa.  Waihoia ma ka papa.

  Hoike mai ka hapa uuku o ke Komite wae i waihoia aku ai ka bila e hoomahuahua ai na uku o na Kumukula la, e waiho i na hoike imua o ka hale e noonoo ai.  Waihoi ma ka papa.

  Hoike mai ka hapa nui o ke Komite wae i waihoia aku ai bila e haawina hoomau no Mrs Helekunihi Nahaolelua, e hooholo loa e hooholo loa aku no ke kakau poepoe, aponoia.

  Hoike mai ka hapa nui o ke Komite wae i waihoia aku ai i ka bila e hoololi ai i ka pauku 2 mokuna 7 o na Kanawai o 1880, e noomahuahua ana i ka puu dala no ka oihana mookuauhau alii a hiki i ka $10,000 e hooholo loa aku.  Aponoia ka hoike.  He 22 re a he 19 hoole :

  Ma ke noi, ua waiheia keia  bila, i hana no ka la apopo.

  Heluhelu mua mai o Nawahi i ka bila, e hoohaiki ai i ke kome ana mai o na pake iloko o keia aupuni

  Kapae ia na rula a heluhelu alua ia keia bila maluna ae a waiho i ke Komite wae, Isenderg. Preston, Nawahi, Kalua, Pahia.

  Hoomaha ka hale i ka hora 11 am.

  Noho hou ka hale i ka hora 1:30 pm.

  Na Nakookoo.  ma ke kapae  ia ana o n rula, i heluhelu mai he hoopii no Wailuku a Waiehu ma Puuohala aku.  Waihoia i ke Komite o na hana hou.

  Ma ke noi, ua hapai ia

                      Na hana o ka La.

  Heluhelu alua ia ka bila e hoomahuahua ai i ka uku o na Kiure a hooholoia i elua dala o ka la.  Kauoha ia e kakau poepoe a e heluhelu akolu ia i ka Poakolu.

  Heluhelu alua ia ka bila e hookomo dute ole mai ai i na mea hoomomona lepo a kauoha ia e kakau  poepoe a e heluhelu akolu ia i ka Poaha.

  Heluhelu akolu ia ka bila e mahele ai i na dala auahau halemai maluna o na ohua he $2,500 i na ahahui manawalea a hooholo loa ia.

  Heluhelu alua ia ka bila e pili ana i na keiki oo ole o ke Kula hana lima a kauoha e kakau poepoe, a e heluhelu akolu ia i ka Poaha.

  Hoike mai ke Komite o na hana hou i waihoia aku ai ka bila e hoopau loa ai i ka mokuna 44 o na kanawai o 1876 e pili ana i ke kuai ana o na aina aupuni, e hoopanee loa, aponoia.

  Heluhelu ia ka bila e Kaohi ai i ka laha ana o na mai mawaena o na holoholona o o keia aupuni a waihoia i ke Komite wae, Rice, Widemann, Kaluhi, Kauila, Nakookoo.

  Heluhelu akolu ia ka bila no ka hoihoi i ka oihana mahiai a hooholo loa ia.

  Hoopanee ka hale a noho hou i ka la apopo Poakolu hora 10 am.

 

ALIIOLANI HALE, IULAI 26, 1882.

  La Hana 67--Noho ka hale ma ka hora 10 am e like me ka hoopanee ana.  Peresidena G Rhodes ma ka noho.

  Pule ke Kahunapule Rev. M Kuaea.

  Heluhhlu ia ka moolelo o ka la i hala a aponoia.

Na hoike a na Komite.

  Waiho mai ke Komite wae i waiho ia'ku ai na bila aie miliona dala, e hooholo loa aku i ka bila aie $2,000,000 i hoololi ia.  Waiho ia ma ka papa i hana no keia la.

  Waiho mai ka hapa nui e ke komite wae i koho ia no ka bila e hoohaiki a ae aku i ka waiona i waihoia mai e na Hoa hanahano F Brown, W H Rice, J W Kalua, J K Kaunamano, F W Lahilahi, e hooholo loa aku ma ke kakau poepoe i-ka bila i waiho ia mai e Kaunamano, me kekahi mau hoololi a ke komite.

  Noi o Mr Rice e waiho i ka hoike ma ka papa, no ka mea. ua makemake oia e kamailio ma keia mea no ka mea nau kekahi bila aka aole i noiia mai kona manao.

  Noi ka His Ex Kaai e apono i ka hoike a ke komite a e ninau ano ia.

  Ninauia ka ninau ano a hooholoia.

  Ninau ia ka hooholo loa aku i ka bila a pono ia, me ka heluhelu ole ia e ka bila a me na hoololi.  Kauoha ia ka bila e kakau phepoe a heluhelu akolu i ka Poaono.

  Waiho mai o Kauhane ka hapa uuku o ke komite no ka waiona. a noi mai la e hoepanee loa i na bila waiona, a e hoomau i ke kanawat e ku nei.

  Kamailio mai ke alii Bihopa i ka hana pene ole o keia hale i ke paniku ana i na kamailio no deia mea ano nui, no ka mea o kekahi mea naffa ka bila, ua makemake oia e kamailio. aka ua hoole ia.  Aole oia i apono i na hana o keia ano, no ka mea oia kekahi mea i makemake e kamailio aole nae i loaa he manawa.  Eia no hoi kekahl, aole i heluhelu ia ka bila a me na hoololi a ke komite.  a ua hooholoia aku la ka bila no ke kakau poepoe.

  Ma keia wahi ua haikau ka noonoo o ka na noonoo o ka hale, a ua noi o L Aholo e kapae i na rula, a e noonoo hou  ia ke koho ana i ka hoike a ka hapanui e ke komite wae a ae.

  Ma ke noi, ua heuheluia ka bila e ae ana i ka inu waiona akea a ke komite i apono ai me ka hoeloli pu a ke komite, a waiho ia i hana no ka la apopo imua o ke komite o ka hale.

  Hoike mai ke komite o na hana hou i haawiia aku ai no ka hoopii a ko  Wailuku e noi ana e wehe ia ke alanui mai Wailuku a Waihee, e waihoia i ke Kuh na Kalaiaina Apono.

  Kapaeia na rula a heluhelu mai ke alii Kapena he hoopii na ka Ahanui Mahiai Hawaii o Honolulu nei.,e noi mai ana i na dala 5,000 no da hoohoihei ana i ka oihana mahiai.  Waihoia i ke komite kalepa.

    Hoomaha hora 12.

    Noho hou hora 1.

  Heluhelu mua mai ke Kuhina Waiwai he bila e huikala aku ai iaia no na dala he 7,777 i uku ia i ka Hooilina Moi  oiai ka Moi ma ke kaapuni honua.  Waihoia malalo o na rula.

  Ma ke noi, ua hapaiia na hana o ka la.

Na hana o ka La.

  Kemite ka hale no ka heluhelu alua ana i ka bila aie dala aupkni he 2 miliona.  Noho ke alii C H Judd.

  Heluhelu ia ka pauku 1 a hooholo ia me ka hoololi i eono keneta uku panee me ka auhau ole ia o ka auhau aupuni maluna o na bona.

  Heluheluia ka pauku 2 a hooholoia me ka hoakaka ana i na wahi e hoolilo aku ai, a penei:

   Hoopae  Lima  hana.....................500,000

   Hale aupuni me na Halemai.........200,000

   Hoopiha ia Waikahalnlu.................50,000

   Na awa me na mouo.......................50,000

   Na alanui me na uwapo................300,000

   Hoomaemae ola o  Honolulu........100,000

   Alahukimoku  o  Honolulu............40,000

  Waea Telepone me Telegarapa.....100,000

   Heohohonu awa o Honolulu.........150,000

  Kokua  i na alahao.........................150,000

  Kokua mahiai.................................360,000

                                                       ------------

         Huina.                                  $2,000,000

   Heluheluia ka pauku  3 a hoohoholoia.

   Heluheluia ka pauku  4 a hooholoia.

   Heluheluia ka pauku  5 a hooheloia.

   Helnheluia ka pauku a hooholoia.

   Hoopaeeia ke Komite, a kauohaia ka bila e kakau poepoe.

   Hoopanee ka hle.

 

ALIOLANI HALE. IULAI 27, 1882.

  La Hana 68--Halawai ka hale i ka hora 10am o keia la, ka Peresidena Hon G Rhodes ma ka noho.

  Pule ke Kahunapule o ka Hale Rev. M Kuaea.

  Heluhelu ia ka moolelo o ka la i hala a aponoia.

 

Na hoike a na Komite.

  Hoike mai ke Komite wae, i waihoia aku ai ka noonoo e pili ana i ka laha ana o ka mai mawaena o na holoholona, me ka pa kui mai i pauku hou, a noi e hooholo loa i ka bila ke kakau poepoe.

Noi ke'lii Bihopa. e lawe i ka hale i ka hoike a ke Komite a noonoo pu me ka bila malalo o na rula, hooholoia.

Na Olelo Hooholo.

  Heluhelu mai ke'lu Bihopa i kana bila i hoolaha mai ai,  pili ana i ka pauku 829 o ke Kanawai Kivila.

  Ninau mai ke'lii Wilimana i ke Kuhina o ko na aina e, no kana olelo hooholo e pili ana i ka H A P Carter hana, ua pono paha, a pehea la.  Eia ka pane, aia no oia ke hana 'la e like me ke kauoha a ke aupuni, ina aole oia e hana pela, e pau ana oia.

  Waiho mai o Pa hia he olelo hooholo e hookomo ia ma ka bila kanawai aie 2,000,000 i $100,000 no ka hoaie aku i na kanaka Hawaii i mea kokua i ka oihana mahiai.

  Noi mai o Keau e waiho ma ka papa a hiki mai ka heluhelu ekolu ana o ka bila, hooholoia.

  Ma ke kapae ia ana o na rula, ua hoike mai ke Komite kalepa no ka palapala hoopii a ka poe hanai hooholona o Honolulu a noi mai i ka hale e hooholo i $5 000 aponoia ka hoike.  Waihoia ma ka papa a noonoo pu me ka bila haawina.

  Ma ke kapae ia ana o ka rula. ua hoike mai o Pilipo i ka hoike a ke komite wae no ua palapala hoopii.

Na hana o ka La.

  Heluhelu eko u ana o ka bila e hoonoho ai i luna hooia o na buke helu hooholo loa ia.

  Heluhelu ekolu ana o ka bila kanawai e haawi ana i haawina hoomau no Mr P Naholelua, hooholoia.

  Heluhelu ekolu ana o ka bila kanawai e haawi ana i haawina hoomau no A P Brickwood, hoopanee loa ia, me ka hapanui i ike ole ia mai ka mua mai o keia bila.

  Heluhelu ekolu ana o ka bila haawina.

NA-LIHO MOI

Ka Moi a me ka Noho Alii.................$45,000

  Noi o Kaulukou i 50,000.

  Kue mai o Pilipo.

  Kokua o Aholo me Kaulukou, hooholoia $50,000.  He 23 ma ka ae, he 13 ma ka hoole.

  Ka Meiwahine $10,000.  Noi mai o Lahilahi i $16,000.  Kue mai o Nawahi me Keau.  Kue ikaika mai o Kalua me na olelo oolea no ke kupono ole o keia haawina e hoomahuahua ia.  I ka ninau ia ana, ua hoole ia ka mahuahua ana.  Mahope ua hoala hou ia a hooholoia i $16,000.

  Ka Hooilina Moi $10,000; noi mai mai o Aholo e hoomahuahua i $16,000 a kamailio noiau mai oia no ka pono ke haawi, me kekahi haiolelo ku i ka naauao, hooholoia. He 30 ma ka ae. he 10 ma ka hoole.

  Hoomaha ka hale i ka hora 12 am.

  Noho hou ka hale i ka hora 2 pm.

                                          Aole i pau.

 

CECIL BROWN.

LOIO A HE KOKUA MA KE KANAWAI

A HE AGENA no ka Hooiaio ana i na Palapala no ka Mokupuni o Oahu.

Helu @, Alanui Kaahumanu.  Honolulu, H. P. A.  @y.

 

UA  MAKEMAKE IA

  NA ILI BIPI,

          NA KIWI BIPI,

                   NA IWI BIPI,

  E haawi ia no ke kumukuai kiekie o ko kakou makeke nei e

    H. Hackfeld & Co.

Honolulu, Mei 2@, 1880.                                     1y@4

 

ASA KAULIA,

Loio a Kokua ma ke Kanawai.

Ua makukau au e lawelawe i na kana a pau ma keia Oihana imua o na Aha a pau o ka mokupuni o Oahu.  E loaa no ae ma Koolaupoko Heeia, a me Honolulu i kekaha wa Hooko ia ua kauoha mai ua wahi a pau o ka mokupuni me ka uku a me hikiwawe.

 

W. R. KAKELA.

UA NEE aku maua ko oukou mau Loio mai ka pili pu ana me ke Keena Kuokoa a i ke Alanui Kaahumanu Helu 15

m@ o mai o ka Baneko o Bihopa ma.

            Ua makaukau mau maua e lawelawe i na hihia a pau ma Honolulu a me ko na mokupuni.  E hooko ia na Palapala Kuai, Hoolimalima a me ka Moraki me ka eleu.  He Luna Hoolalo Palapala no hoi o W R Kakela                        980 1f

 

E  Nana,  E Nana,

--A E IKE--

I KA MAKINI HOU,

HE HIKI KE HANA MA NA AOAO ELUA.

 

O ka Mekiui Humuhumn

ST. JOHN, ST. JOHN,

Oia wale no ka Mekini maikai a kupono

i ua Kanaka Hawaii,  no ka mea.

AOLE E LOAA KEKAHI ULIA O KA MEKINI

 

E HELE MA KA

HALEKUAI MEA KANI O

GEO. F. WELLS.

A e Kuai i keia ano Mekini Hou,

loaa no ke GITA Makana wale.

O na Kauoha mai @a Mokopuni e ae, e hoolawaia no ia me ka elua.

GEO. F. WELLS,

Helu 66 me 68  Alanui Papu                      1044  tf

 

PAPA, PAPA

AIA MA KAHI O

LEWERS & COOKE,

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Noua1k1

o kela a me keia ano.

Na Papa Naui a Paa no ke Kukulu

ana i na Hale !

Na Pani Puka, Na Puka Aniani,

          Na Olepelepe, Na Pou, Na O-a,

                   Na Papa Hele, Na Papa Ku,

                              A me na Papa Moe nui loa

NA PILI ONA HALE

O NA ANO A PAU.

Na Pepa Hoonani, Na Pena o na Wai a pau,

       Na Kui mai ke Nui a ka Makalii,

                  Na Ami Puka, Na Ami Puka Anian

                               Na Ami o na ano a pau,

                  Na Aila Pena, o kela me keia ano

        Na Aila Hoomaloo, he lehulehu wale,

Na Aila e ae o na ano a pau.

 

NA WAIVANIKI

A ME NA

WAI HOOHINUHINU NANI!

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka pau, ua makaukau keia mau makamaka o oukou e hoolana aku ma na mea a pau e pili ana ma ka laua oihana

NO KA

UKU KAAKAA LOA!

E like me ka mea e holo ana mawaena o

LAUA a me ka MEA KUAI

E hele mai!  E a Makamaka

A e lawa no hoi ko makou makemake

me ka oluolu a me ka maikai

845 tf

 

JNO. LOTA KAULUKOU.

LOIO as HE KOK@.

UA makaukau au e lawelawe i na hihia a paa @ keia ano iloko o na @ha Hookolokolo a pa@ o k@ puni Ua hike @ kana i na palapala a pau e pili @ ka @ihana @.  E Jo@ no an ma Heeia Ko@ oko a ma U@ uo hoi i ke@ wanaw@.     901 @f

 

S. B. DOLE.

HE LOIO A HE LUNAHOOIAIO PALAPALA.

E hiki no iaia ke lawelawe i na hihia o kela a me keia ano imua o na Ahahookolokolo a pau o kela aupuni.

Keena hana ma Alanui Papu, maluna ke o ka Hale@ Likikini   Honolulu, Oahu, Iulai 10, 1882   971 tf

 

RICHARD F. BICKERTON.

(PEKETONA.)

LIO a he KOKUA ma ke KANAWAI!

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

            Ua makaukau mau oia i ka hana ana i na Palapala pili kanawai o kela a me keia ano.

            Ua hiki no hoi iaia ke hoale dala aku ma ka moraki ana oia aina, ma ka ukupanee haahaa loa.

            E hanaia na hana me ka hikiwawe a ma ka uku haakaa.

            Keena hana, Helu 23 Alanui Kalepa, elua puka mau @ ka hale kauka o Kuaka Minuteole.             840 1y

 

JAMES M MONSARRAT.

(MAUNAKEA.)

Loio o he Kokuu ma ke Kanawai

IMUA O NA AHA HOOKOLOOLO A PAU o keia Aupuni.  E lawelawe ana no hoi ma na hana pili i ka hooponopoo waiwai, me ka imi ana i na palapala Sila Aina, ka hana ana i na Palapala Kuai.  Hoolimalima a me ka hoale dala ana.

A HE LUNA HOOIAIO PALAPALA

            Keena hana helu 9 alanui Kaahumanu.

            Jan. 3, 1880                 944 1y

 

KO BIHOPA MA

BANAKO MALAMA DALA!

 

E MALAMA NO MAUA I KE DALA O na kanaka maloko o ka Banako penei:

            Ina hoomoe mai ke kanaka hookahi i na dala $2.00 a emi mai paha, alaila, e uku i eono hapahaneri ukupanee makahiki, mai ka la o ka lawe ana mai a hiki i ka la o kona ohi ana. ke waihoia ke dala hoomoe i ekolu maluna a keu paha. Aole ukupanee e helu ia no ka hakina o ke dala hookahi. aole no hoi no ka hapa malama.

            Ina ohi koke oia i kana dala, aole i hala na malama ekolu aole ukupanee.

            Ina i manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana Buke kekahi ke laweia mai.

            Ma ke kikoo wale no a ka mea dala e haawi ai i kana, a o ka Buke kekahi ke laweia mai.

            Ma ka la mua o Sepatemaba i keia makahiki a i keia, e houluulu ai i ke dala, a e haipuia ka ukupanee me ke kumupaa o na dala i hoomoeia no na malama ekolu a keu, a mahuahua, ke kumupaa e loaa i ka ukupanee.

            Ina oi aku ke dala hoomoe mamua o $300, alaila, hooholo pu ka olelo.

            E weheia ka Hale Banako i na la hana a pau.

851 tf              BISHOP & Co.

 

            851 tf                                      BISHOP & Co.

 

He Nui Anei Kou Makemake i na

MEKINI HUMUHUMU LOLE!

Ina pela, alaila, e kipa mai no ma ka Halekuai o

KAKELA & KUKE.

A malaila oukou e ike ai a makaikai i na ano

MEKINI a WHEEELER a me WILSON

mai ke $40 a hiki i ke $50 ke kumukuai o

ka mea hookahi.

NA MEINI A SINGER.

ma ke $50 pakahi, me ke ano

MEKINI a WILCOX me GIBBS

ma ke $30 hiki i ke $50 ke kumukuai

mea a pau ai ko oukou kanalua e na Makemake no e

pono o keia mau Mekini, a naue mai no me ke

kuihe ole, a e ike no oukou iho

628 tf

 

PAPA  PAPA !

--NO--

ALLEN & ROBINSON

 

UA WEHE AE NEI MAUA I

PA KUAI PAPA

----MA----

KA UWAPO O PAKAKA

 

    Na Papa Ulaula o na ano a pau.

    Nas Papa Paina o na ano a pau.

                      Na Pili Hale Ulaula.

                      Na Pili Hale Keokeo.

    Na Pepa Hoonani Hale,

    Na Pepa Molina.

Na Pena a me na Aila Pena !

NA KUI O NA ANO A PAU.

NA PANI PUKA a me

N    PANI PUKA ANIANI.

                         NA PANI PUKI a me

                         NA OLEPELEPE.

 

NA LAKOU KUKULU HALE

O NA ANO A PAU!

E KUAIIA MA KE

KE KUMUKUAI HAAHAA LOA

O keia Makeke.