Ka Nupepa Kuokoa, Volume XXI, Number 30, 29 July 1882 — Page 4
| This text was transcribed by: | Marti Steele |
| This work is dedicated to: | R. Dwayne Nakila Steele |
Ka Nupepa KuokoaKE KILOHANA POOKELA NO KA LAHUI HAWAII.
KA NUPEPA
KUOKOA me ke Au Okoa
I HUIIA.
No ka Makahiki, $2. Eono Mahina, $1
Dala Kuike ka Rula.
POAONO, IULAI 29, 1882.
OI HOLO AE NA LA.
(While the Days are Going by)
Going Hymns IV, No 39.
1.
Hoomama i ka poe luhi,
O i holo ae na la.
Hoala'e i ka poe maule
O i holo ae na la.
Ma ia no e oli ai
Na naau kaumaha nei,
A loaa ka pomaikai,
O i holo ae na la.
Ref. Holo ae.----holo ae----
Holo ae----holo ae----
A loaa ka pomaikai
O i holo ae na la.
2
Huli mai ka poe hewa,
O i holo ae na la.
Pau e pa ka hoomaewa,
Oi holo ae na la
Pau pu o ke kuihe,
Pau e pau ka hoopanee,
Imi i ke ola e,
O i holo ae na la
Ref Holo ae, &c.----
3
Hoi mai ka poe auwana,
O i holo ae na la.
Hana, hana, mau ka hana,
O i holo ae na la,
Ke kokoke nei ka po,
Kali Iesu no oukou;
Ala, mihi ano no,
O i holo ae na la.
Ref. Holo ae, &c.----
Hawaii
Haawina Kula Sabati.
Helu 7. Sabati, Aug. 13
KUMUHANA.
Ka pule me ke kala ana. Pauku Baibala.
Mar. 11; 24-33.
@@@ ka olelo aku nei Au ia @kou, O na mea a pau a oukou e noi aku ai ma ka oukou pule ana, e manaoio oukou i ka loaa ana, alaila e loaa io aku no ia oukou ia.
25 A i ko oukou ku ana e pule, ina e hoomauhala ana oukou i kekahi, e kala aku oukou ia ia, e kala mai ai hoi ko oukou Makua iloko o ka lani i ko oukou hewa.
26 Ina, aole oukou e kala aku aole no hoi e kala mai ko oukou Makua iloko o ka lani, i ko oukou hewa.
27 Hele hou mai la lakou i Ierusalema; a i Kona hele ana iloko o ka luakini, hele mai la i Ona la ka poe kahuna nui, a me ka poe kakauolelo, a me ka poe lunakahiko.
28 I mai la ia la, Heaha Kou pono e hana'i i keia mau mea? Nawai la hoi Oe i haawi mai ia pono e hana i ua mau mea la?
29 Olelo aku la Iesu ia lakou, i aku la, E ninau aku no hoi Au ia oukou i kekahi mea, e hai mai oukou ia'u, alaila, hai aku Au ia oukou i Ko'u pono e hana'i i keia mau mea.
30 No ka lani anei ka bapetiso ana a Ioane? No kanaka anei? E hai mai hoi ia'u.
31 Kukakuka iho la lakou ia lakou iho no, i ae la. A i olelo aku paha kakou, No ka lani mai, alaila e ninau mai no Oia ia kakou. No ke aha la hoi oukou i manaoio ole aku ai ia la?
32. Aka, i olelo paha auanei kakou, No kanaka; makou no hoi lakou i kanaka, no ka meu, ua manao nui na kanaka, he kaula io o Ioane.
33 Olelo mai la lakou ia Iesu, i mai la. Aole makou ike. Alaila, olelo aku la Iesu ia lakou, i aku la, Aole no hoi Au e hai aku ia oukou i Ka'u pono e hana i i keia mau
Pauku Gula. Mat. 6, 12. Hoopaa.
Manao nui. Hoolohe ke Akua i ka pule a ka poe manaoio.
Na heluhleu la. 1 Mar. 11;24- -33. 2. Mat. 21;23--27 Luk. 20;1--8. 3. Mat. 7;1--12. 4. Mat. 18;15--35. 5. Dan. 9;16--27. 6. Oia. 12;1--17. 1 Kor. 3;10--23.
Ka manawa. Poalua, la 4 o Aperila, ka la hope o ka Iesu ao ana ma keahi akea.
Mele, 'Pule Au." Hoku Ao Nani, p. 99. Pule i loaa ka mihi me ka kalaia.
Ka wehewehe me ka ninau ana.
Ekolu mahele.
1. Ke noi ana me ka loaa mai.
P. 24. Heaha ka Iesu olelo ma ka p. 23 ke noi aku kekahi me ka manaoia? Heaha Kana olelo no ke noi ana ma keia pauku? Ma ke aha e loaa'i na mea i nona?
Ina noi aku kekahi i kekahi mea i kupono ke haawi ia mai me ka manaoio e loaa mai ana, e loaa mai no ia. Nui na mea kupono ole e haawiia mai E ka Haku, e hoopiha Oe i ko'u hale i ke dala. E wehe Oe i lua dala maloko o ko'u pa E hoopiha i ko'u aina i na holoholona. E hooulu wale Oe i na mea ulu ma ko'u mala me ko'u luhi ole i ke kano ana. E hookuu mai Oe i halelaau maikai no'u mai ka lani mai. Maikai anei ke pule pela? Aole paha. O na mea kupono i ko ke Akua makemake e haawi mai, oia na mea a kakou e noi aku ai.
Ina loaa ole mai ia mau mea no ke aha ka loaa ole? Nana. Iak. 4;3.
Ke kala ana i ka hala. P. 25, 26.
Heaha kekahi mea e pono ke hana ia ke ku kakou e pule? Ina ua lawehala kekahi i ka kakou, ua hana ino mai paha. A ke hoomauhala nei kakou. Heaha ka pono? Pehea Iesu i kauoha mai ai na Mar. 5;23, 6:14. A pehea ke kala ole kakou i ko hai hala? Nana. Mat. 6;15. 18;32--35.
III. Ke ao ana o Iesu me ka luakini me ka ninau hoohalahala a kekahi poe P. 27--33. Nana. Mat. 21;23--27. Luk. 20; 1--8.
P. 27. I ko Iesu komo hou ana iloko o ka luakini. Owai ka i hele i Ona la?
P. 28. Heaha ka lakou i ninau aku ai ia Iesu?
He mau ninau aha keia? He mau ninau pakike, hoomaloka, hoohalahala, imi hala.
Naaupo maoli anei lakou? Aole anei Iesu i hai e aku, i ka mea nana Oia i hoouna mai? Aole lakou i naaupo. Ua ike no lakou no ke Akua mai ka mana, a no Iesu ponoi hoi ka mana. Makemake lakou e hoohihi i ia Iesu, i loaa ka hala e make ai Oie:
P. 29, 30. Pehea Iesu i pane aku ai ia lakou? Heaha Kana i ninau aku ai?
P. 31, 32, 33 Pehea ko lakou kukakuka pu ana, me ka pane ana ia Iesu? He pane aha keia? He pane hoopunipuni. Ua hoohihia ia lakou iho, aole ia Iesu. Naauao Iesu. Akamai.
A pane aku Iesu pehea? Nana. Sol. 26;5. Aole make e hoopaapaa me ka poe naaupo, me ka poe kaena i o lakou akamai.
Ka hoopili ana.
1. He mea mana ka manaoio. Nui na pono kino me na pono uhane i loaa mai ma ka manaoio.
He mau kula hanai keiki ilihune, he mau hale lapaau no ka poe ilihune i kokua ia, a hoolaia ma ka manaoio. Ma ke noi ana i ke Akua me ka manaoio i loaa'i ke dala e pono ai, aole ma ke noi ana i kanaka. Ua hele no a ane pilikia no ke dala ole. Aka ma ke noi ana i ka Haku, loaa ke dala, pau ka pilikia.
2. Nui ke noi ana me ka loaa o@e.
No ke aha? No ke noi wale, me ka manaoio ole, me ka hana ole kekahi.
O ka manaoio i hui ole me ka hana, he make ia.
3. Mai ka Haku mai ka manaoio Nolaila, e noi aku ia la, a e loaa mai no.
4. Makehewa na pule e kala mai ke Akua i na hewa, ke kala ole kakou i ka poe i hana hewa mai ia kakou.
5. He enemi nui ka hoomauhala.
He enemi nana i pani ka puka o na hale o na makamaka i komo ole lakou.
Nana hoi e pani ka puka o ka lani i ole e komo ka poe hoomauhala. @@ hale na@.
Nolaila, e waiho loa i ka hoomauhala, e kinai ia ia a make.
6. Nui ka poe makemake e hoopaapaa. Me he poe ike ole lakou, a makemake e ike, aka, ka hoopaapaa ino me ka hoohihia wale, a hoohina i na hoa paio, oia wale no ka manao. Aole make e ae i ko lakou manao. E hana i ka mea e paa koke ai ko lakou waha.
Haawina no Aug. 20. Mar. 12;1--12.
KU I KE ALOHA OLE I KA LEHULEHU.
E ke KUOKOA, Aloha kaua:
He ukana maikai nau e lawe a kai na ae i ka lehulehu, ke poo e kau ae la, heaha la ia mea, ku i ke aloha ole?
Na ona o ka mokuahi Iwalani, o laua o lakou paha, he poe hoopono ka, hoahanau piha, kahunapule paha mikanele paha na poe ona o na mokuahi la; heaha hoi?
Kaki ino loa i na ukana, penei: Ina he kope, laiki, paakai, pia, palaoa, &c, $7.50 no ka hapa tona $15 no ke tona okoa, na pahu ano berena $2 ka waiwai io oloko, 75c ka uku moku, na pahu liilii iho ano pahu aila mahu he 37c.
I kahi wa ua piu loa ke kumukua o na wahi ukana a ka lehulehu no ka ku moku wale no; ea, he pilikia nui keia o na makaainana o Kau, Kona hema, Kona akau, a ke uwe mau nei lakou i na manawa a pau no ke kaki ino ia o ko lakou mau wahi opala ukana, me ka manao e pau na pilikia, aole ka.
Aole pela i ka w o Likelike ka moku he moku kaki oluolu ia i ua ukana, he malama maikai no, aole poino ua ukana, keia moku o Iwalani hoi nui ka poino o na ukana, pau na pahu i ka @haha, paki liilii na maia, nahaehae na eke a nui loa aku no na poino.
Auhea la ka na Lunamakaainana o keia mau apana i olelo ia ae la, heaha la ka lakou pono, kai no hoi o ka nana pono mai i n a pilikia o ko lakou mau makaainana. E noi ae hoi i ka Ahaolelo e uku makana ke ia Waila i elua tausani dala e kaapuni hou ka mokuahi Likelike, pela wale no e pau ai na pilikia o keia mau apana.
Owau no me ke aloha,
Makaainana.
HOIKE O KE KULANUI O LAHAINALUNA,
Hoomakaia na @ i ka hora 9 am o ka Poakolu, July 13, weheia na hana me ka himeni a ke Junior class. Beautiful Home.
Arithmetic Freshmen class
Geography Sophmore "
Singing Middle " We love to sing but not alone.
Grammar " class
Theology & Physiology Senior class
Singing " "
The Maine Law.
Compositions Sophmore class.
P. M.
Singing Sophmore class, The Herald Angels.
Arithmetic " "
History Junior "
Singing First class (singing) Whistle and Hoe.
Geometry Junior class
Dialogue Middle "
Class Paper Juniors
Singing Senior, The mellow notes of the Hunters horn.
Poaha July 13, am.
Singing First class, singing, Peace be still.
History Middle class
Science of Common Things, Junior "
Singing Sophmore "
Algebra Middle "
Trigonometry Senior "
Singing Middle class, Silent
Compositions " "
Drill
P. M.
Singing Junior class, The Zine.
History Senior "
Grammer Junior "
Singing, second class, singing, I dream
I dream
Political Economy & Constitution Senior class
Dialogue Sophonore
Class Paper Seniors
Singing First class, singing, My heavenly home.
Poalima July 14, am.
Ma ka luakini o Wainee i hoike ia ai na haiolelo me na himeni malalo iho:
The earth is the Lords, chant, prayer.
See the Sun's first Gleam Chorus
Temperance J Kauwe
Shift lessness, the root of our Porerty
Nahora Hipa
The old Clock on the Stairs, Longfellow
Nawai
Gaily our boat Glides oe'r the Sea, chorus.
The village Choir Ed Kauai
Rain in summer, Longfellow Malakaua
There is Sunshine after rain Chorus & Do@@@
@@ance G Kauhi
Tom Corwin's Militia Speech Wm. Edmonds
Forest Echoes Chorus.
Thanatopsis, Bryant M Meheula
Mistakes of young men J Liwai
In silent Mead at Eventide Quartette
The lay of the Bell G W Pilipo
Hustle them in Harper's Weekly Waialeale
Hear our Prayer Quartette
Unproductive Consumption John Maipinepine.
He mau manao paipai maikai na Mr. D D Baldwin me Dr C M Hyde D D.
O, Rose of the May Time Chorus
Haawiia na Palapala Hoomaikai ia J Maipinepine no Lahaina Maui, J Liwai no Keauhou Kona Hawaii, G Kauhi no Hilo Hawaii, a me L J Nahora Hipa no Koloa Kauai.
Parting Whispers Senior's Song
Doxology Praise Cod, from whom all Blessings Flow.
Pule hookuu ia Rey T B Hascall.
L J NAHORA HIPA.
(Koena mai ka Aoao I mai.)
Pule ke Kahunapule o ka Hale, Rev. M Kuaea.
Heluhelu ia ka moolelo o ka la i hala a apono ia.
Aole he hoike o na Komite mau me na Komite wae nolaila ua hapai ia.
Na Olelo Hooholo a me na Bila.
Heluhelu mua loa mai ke'lii Bihopa he Bila Kanawai e hoololi ana i ke kanawai i aponoia i ka la 9 o Augate 1880 e pili ana i na hui i hoohui ia ma na aina e. Waihoia no ka heluhelu elua.
Noi mai ke'lii Kapena a hookomo ia ma na hana o ka la ka Bila Kanawai a ke'lii Ake, hooholoia.
Heluhelu mua loa mai o Palohau he Bila Kanawai e hoololi ana i ka pauku 9 mokuna 79 Kanawai Karaima, ma ka hoopau ana i ka huaolelo "hapaha" i "hookahi dala" ma ia wahi. Waihoia no ka heluhelu elua.
Na Mahoe i waiho mai he olelo hooholo e hookuu ana i ke kahunapule o ka hale mai kona lawe ana ma ke ano kahunapule o ka hale, a e hookohu ia kekahi hoa o ka hale e lawelawe ia hana, no na kumu he nawaliwali oia; hoopanee ia a hapai ia
Na Hana o ka La.
Ka mea imua o ka hale oia no ka Bila Kanawai a ke'lii Bihopa, a he hana i "pau ole," e papa ana a me ke kapili hou ana i na hala, koe wale no na hale i kapili ia me na mea pale ahi maloko o kekahi mau palena o ke kulanakauhale, imua o ke Komite o ka hale. Ke'lii Ake ma ka noho. Heluhelu ia ka paku 3 a ma ke noi a ka mea nona ka bila ua kapae loa ia ka pauku 4.
Noi mai o Palohau e kapae loa ia ka pauku.
Mahope iho o na hoopaapaa loihoi ana ua noi mai o Lahilahi e kahea ia ua ae me na hoole.
Ma ka aoao ae. Na Hons. Kapena, Keau, Lahilahi, Mahoe, Kaluhi, Kaulukou, Kalua, Nakookoo, Kamakele, Gardner, Nawahi, Haupu, Kouwila, Pilipo, Aiwohi, Kaunamano, Kauai, Paloh@u, Kaukau--19.
Ma ka aoao hoole. Na Hons. Kipikona, Kaai, Bush, Preston, Bihopa, Dominis, Parker, Waila, Isenberg, Kapena Loke, Kamika, Kale Kauka, Wilimana, P P Kanoa, Lilikalani, Pahia, Aholo, Richardson, Kauhane, Nahinu, Rice--20.
Hoomaha ka hale a noho hou i ka hora 2.
Noho hou ka hale i ka hora 2.
Hapai hou ia ka noonoo ana no ka Bila Kanawai maluna ae, ke'lii Kapena ma ka noho,
Hoololi ka pauku 4 i pauku 3, hooholoia me ka holoi ia o kekahi mau lalani olelo.
Pauku 5 ua hooholoia i pauku 4 a ua hooholo loa ia.
Ka olelo hoakaka ua hooholoia me na hoololi.
Heluhelu ia ke poo o ka bila o hooholoia. Noi o Aholo e hoop@u i ke Komite a hooholoia, a aponoia ka hoike a ke Komite, a heluhelu ekolu i ka Poaono.
Heluhelu ekolua o ka Bila Kanawai e hoomana ana i na Komisina lei alii e hoolilo aku, i kekahi mau-aina lei aina ia Claus Spreckles, m@ ke poo.
Noi mai ka Loio Kuhina e hooholo loa i ka Bila Kanawai.
Noi mai o Nawahi e hoopanee loa i ka Bila Kanawai a kamailio ikaika mai oia ma ka aoao kue, a ma kana noi ua kahea ia na ae me na hoole.
Ma ka aoao ae. Na Hons. Keau, Kamakele, Gardner, Nawahi, Kauwila, Pilipo, Aiwohi, Palohau, Kaukau--9.
Ma ka aoao hoole. Na Hons Kipikona, Kaai, Bush, Preston, Dominis, Parker, Waila, Isenberg, Wilimana, Kaae, P P Kanoa, Lilikalani, Lahilahi, Pahia, Frank Brown, Mahoe, Kaluhi, Kaulukou, Aholo, Richardson, Haupu, Kauhane, Nahinu, Kaunamano, Kau@i--25, a ua hooholo loa ia ka bila.
Heluhelu ekolu ia ka Bila Kanawai e hoonaopopo ana i ka manawa haalele hana, a ua hooholo loa ia.
Heluhelu ekolu o ke kanawai e hoololi ana i ka pauku 267 Kanawai Kivila e pili ana i na Makai; hooholo loa ia.
Heluhelu alua o ke kanawai e hoololi ana na pauku 428. 428, Kanawai Kivila e pili ana "no ka hookupa ana o na kanaka o na aina e mai; hooholo ia no ke kakaupoepoe a heluhelu ekolu i ka Poaono.
Heluhelu alua o ke kanawai e hoololi ana i ka pauku 780 Kanawai Kivila e pili ana no ka nui o na Lunamakaainana e koho ia no ka Ahaolelo; penei:
No Hawaii 9, Maui 8, Molokai 2, Oahu 10, Kauai 3; hooholoia no ke kakaupoepoe a heluhelu ekolu i ka Poakahi.
Heluhelu alua o ke kanawai e hoomaopopo ana i ka aina o na manu ahiu a pela aku; hooholoia no ke kakaupoepoe a heluhelu ekolu i ka Poaono.
Hoopanee ka hale a noho hou i ka la apopo Poalima hora 10 am.
Ma ke ahiahi o ka Poakolu la 5 o Iulai, he wahi paina kai malama ia ma ka hi o M Lumaawe no ka hoohui ana ma ka pelika mare o J W Laaliilii me Miss Kemilia Lumauwe, na ka Rev H H Paleka laua i mare.
Ma ka Poalima o ka pule i hala, i hoike ai ke kula Kaikamahine o Kohala ma ko lakou hale kula ponoi, a ma ka auina la i kuai ia ai na mea kuai @na ia wahi no. No ke ano omaimai o kekahi kumu oia ka mea i hoihoi ole ia ai ma ka halepule o lole e wehe ia ai ka hoike imua o ke anaina holookoa. O na makua wale no ka mea i ike i keia hoike ana o na haumana.
O ka halawai hoole waiona i malama ia ma Polelewa i ka po Poaono i hala, ua malama ia me ka maikai a me ka maluhia malalo o ke alakai ana a Mr Hallenbeck. Ua ko mai kela a me keia a hoike i kona haalele ana i ka hoolauna ana me ka waiona a me ka pomaikai i loaa ma ia hana ana. Piha hauoli ke anaina holookoa no eia mau hoike.
UA MAKEMAKE IA
NA ILI BIPI,
NA KIWI BIPI,
NA IWI BIPI,
E haawi ia no ke kumukuai i kiekie o ko kakou makeke nei e
H. Hackfeld & Co.
Honolulu, Mei 22, 1880 1y 954
MRS. A. M. MELEKI,
MEA HUMU LOLE MAIKAI A ME
NA KOLOKA, HOLOKU ANO HOU.
104 Alanui Pau, Juea o Burns.
Honolulu, Ian. 15, 1881 995 1 yr
ASA KAULIA,
Loio a Kokua ma ke Kanawai.
Ua makukau au e lawelawe i na kana a pau ma keia Oihana imua o na Aha a pau o ka mokupuni o Oahu. E loaa no ae ma Koolaupoko Heeia, a me Honolulu i kekaha wa Hooko ia ua kauoha mai ua wahi a pau o ka mokupuni me ka uku a @hikiwawe.
W. R. KAKELA.
UA NEE aku maua ko oukou mau Loio mai ka pili pu ana me ke Keena Kuokoa a i ke Alanui Kaahumanu Helu 15
@ o mai o ka Baneko o Bihopa ma.
Ua makaukau mau maua e lawelawe i na hihia a pau ma Honolulu a me ko na mokupuni. E hooko ia na Palapala Kuai, Hoolimalima a me ka Moraki me ka eleu. He Luna Hoolalo Palapala no hoi o W R Kakela 980 1f
E Nana, E Nana,
A E IKE
I KA MEKINI HOU
HE HIKI KE HANA MA NA AOAO ELUA.
O ka Mekini Humuhumu
ST. JOHN, ST. JOHN,
Oia wale no ka Mekini maikai a kupono
i na Kanaka Hawaii, no ka mea,
AOLE E LOAA KEKAHI UIA O KA MEKINI
E HELE MA KA
HALEKUAI MEA KANI O
GEO. F. WELLS.
A e Kuai i keia ano Mekini Hou,
loaa no ke GITA Makana wale.
O na Kauoha mai na Mokupuni e ae, e
hoolawaia no ia me ka eleu.
GEO. F. WELLS,
Helu 66 me 68 Alanui Papu 1044 tf
PAPA, PAPA
AIA MA KAHI O
LEWERS & COOKE,
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia ano.
Na Papa Nani a Paa no ke Kukulu
ana i na Hale!
Na Pani Puka, Na Puka Aniani,
Na Olepelepe, Na Pou, Na O-a,
Na Papa Hele, Na Papa Ku,
A me na Papa Moe nui loa
NA PILI O NA HALE
O NA ANO A PAU.
Na Pepa Hoonani, Na Pena o na Wai a pau,
Na Kui mai ke Nui a ka Makalii,
Na Ami Puka, Na Ami Puka Anian
Na Ami o na ano a pau,
Na Aila Pena, o kela me keia ano
Na Aila Hoomaloo, he lehulehu wale,
Na Aila e ae o na ano a pau.
NA WAIVANIKI
A ME NA
WAI HOOHINUHINU NANI!
o na ano a pau loa.
NA BALAKI ANO NUI WALE
A ke hai ia aku nei ka lono i na makamaka pau, ua makaukau keia mau makamaka o oukou e hoolana aku ma na mea a pau e pili ana ma ka laua oihana
NO KA
UKU KAAKAA LOA!
E like me ka mea e holo ana mawaena o
LAUA a me ka MEA KUAI
E hele mai! E a Makamaka
A e lawa no hoi ko makou makemake
me ka oluolu a me ka maikai
845 tf
JNO. LOTA KAULUKOU.
LOIO a HE @OKU@.
Ua makaukau au e lawelawe i na hihia a pau o kela a me keia ano Dekamaba i ka Hoo@oi iloko a pau o k@a Aupuni. Ua hiki @@@ i na palapala a pau e pili ua ka oihana @ @@ E loaa no au ma H@@@ oko, a me Honolulu no hoi i ke@ manawa.
S. B. DOLE.
HE LOIO A HE LUNAHOOIAIO PALAPALA.
E hiki no iaia ke lawelawe i na hihia o kela a me keia ano imua o na Ahahookolokolo a pau o kela aupuni.
Keena hana ma Alanui Pau, maluna ke o ka Hale@ Likini Honolulu, Oahu, Iulai 10, 1882 971 tf
RICHARD F. BICKERTON.
(PEKETONA.)
LIO a he KOKUA ma ke KANAWAI!
E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.
Ua makaukau mau oia i ka hana ana i na Palapala pili kanawai o kela a me keia ano.
Ua hiki no hoi iaia ke hoale dala aku ma ka moraki ana oia aina, ma ka ukupanee haahaa loa.
E hanaia na hana me ka hikiwawe a ma ka uku haakaa.
Keena hana, Helu 23 Alanui Kalepa, elua puka mau @ ka hale kauka o Kuaka Minuteole. 840 1y
JAMES M MONSARRAT.
(MAUNAKEA.)
Loio o he Kokuu ma ke Kanawai
IMUA O NA AHA HOOKOLOOLO A PAU o keia Aupuni. E lawelawe ana no hoi ma na hana pili i ka hooponopoo waiwai, me ka imi ana i na palapala Sila Aina, ka hana ana i na Palapala Kuai. Hoolimalima a me ka hoale dala ana.
A HE LUNA HOOIAIO PALAPALA
Keena hana helu 9 alanui Kaahumanu.
Jan. 3, 1880 944 1y
KO BIHOPA MA
BANAKO MALAMA DALA.
E MALAMA NO MAUA I KE DALA O na kanaka maloko a ka Banako, penei:
Ina hoemoe mai ke kanaka hoohahi i na dala $300 a oia mai paha, alaila, e niu maua i ea no hapahaneri ukupanee ma kahiki, mai ka la o ka lawe ana mai a hiki i ka la o kona ohi ana, ke waihuia ke dala hoo@ i ekolu malama a keu paha. Aole ukupanee e helu ia no ka hakina e ka dala hookahi a @ no hoi no ka hapa malama.
Ina ohi koke oia i kana dala, aole i hal ana malama ek@ aole ukupanee.
Ina i manao ke kanaka e ohi i kana dala, e pono ke hoike mai oia ma ka Banako i kona manao ohi, i kanakolu ia mamua o kona ohi ana, a o kana buke kekahi kelaweia mai.
Ma ke kikoo wale no a ka mea dala e hanai ai kauka Buke kekahi ke lawe mai.
Ma ka la mua o Sepatemaba kela makahiki a i keia, e ho uluulu ai i ke dala, a e huipuia ka ukupanee me ke kumupaa o na dala i hoomoeia no na malama ekolu a keu, a mahuahua ke kumupaa e loaa i ka ukupanee.
Ina oi aku ke dala hoomoe mamua o $300, alaila, hooholo pu ka olelo.
E weheia ka Hale Banako i na la hana a pau.
851 tf BISHOP & CO
He N@i Anei Kou Makemake i na
MEKINI HUMUHUMU LOLE!
Ina pela, alaila, e kipa mai no ma ka Halekuai o
KAKELA & KUKE.
A malaila oukou e ike ai a makaikai i na ano
MEKINI a WHEEELER a me WILSON
mai ke $40 a hiki i ke $50 ke kumukuai o
ka mea hookahi.
NA MEINI A SINGER.
ma ke $50 pakahi, me ke ano
MEKINI a WILCOX me GIBBS
ma ke $30 hiki i ke $50 ke kumukuai
mea a pau ai ko oukou kanalua e na Makemake no e
pono o keia mau Mekini, a naue mai no me ke
kuihe ole, a e ike no oukou iho
628 tf
PAPA PAPA!
NO ALLEN & ROBINSON
UA WEHE AE NEI MAUA I
PA KUAI PAPA
MA KA UWAPO O PAKAKA
Na Papa Ulaula o na ano a pau
Na Papa Paina ona ano a pau
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa Molina.
Na Pena a me na Aila Pena
MA KUI O NA ANO A PAI.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE
NA LAKO KUKULU HALE
O NA ANO A PAU!
E KUAIIA MA KE
KE KUMUKUAI HAAHAA LOA
O keia Makeke