Ka Nupepa Kuokoa, Volume XXI, Number 30, 29 July 1882 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NA WAIWAI HOU, NA WAIWAI HOU.

$40,000.00!

I Hooliloia no na Wawai Hou!

A I HIKI MAI NEI MA KO’U HALEKUAI.

He Mau Waiwai Hou Loa!

kahi no a hoea i Hawaii nei, a e Kuaiia aku ana me ke

Kumukuai Waipahe.

 

Eia pu no hoi ma Ko’u Halekuai kekahi Keena Humuhumu Lole, malalo o ka hooponopono ana a keia wahine akamai oia o MISS EMRICK, a he loea hoi ma na hana Hoonani Papale me ke KUMUKUAI HAAHAA.

Na Paikini hou loa aole i ikeia ma Honolulu nei mamua, aka i keia wa e loaa no ia ano ma Ko’u Halekuai.

Na Papale i hookinohinohi ia me na Lipine o kela a me keia ano, he Nu Paikini hoi, e loaa no ma Ko’u Halekuai me ke Kumukuai Waipahe.

Pohaku-i o luna me lalo me na Pahu Lole, a ua pila ia kekahi maluna iho o kekahi.

E NANA I KEIA,

12 I-a o ke Kalakoa maikai loa no $1.00 waie no.

Na Paleili o na Kane, he 25 keneta wale no.

A he 5000 ano waiwai e ae i hiki ole ke huai pau ia na iaoa, e kuaiia ana me ke KUMUKUAI HAAHAA, WAIPAHE, HOINANAU. O KA HIKIMUA NANA E NOKE I KA LOLELOLE I KO’U MAU WAIWAI.

            CHARLES J. FISHEL, 1 74 TF        CALIFORNIA ONE PRICE BAZAR.

 

KU MAI

Ka Mokuahi “Anjer Head.”

$36,000                       $36,000

Ma ke ku ana mai o keia mokuahi, ua loaa mai ia’u

HE MAU WAIWAI AAHU HOU.

Mai Nu Ioka, Kapalakiko, a mai Ladana mai ma Panama ae.

NA LOLE AAHU WAHINE NANI LOA O NA ANO A PAU.

 

            Na Kilika, Veleveta, na Lole Hinuhinu Pakika, na Kinohinohi Lole, na Pupu Aniani Hoonani, o na waihooluu like ole, a me na mea a pau e nani ai ke kilohi ana’ku a ka maka.

            Ua lawe ia mai keia mau waiwai, a i wae noiau ia hoi e MISS SACHS, kaikaina o MRS. A. M. MELEKI, nana i kuai no ka hoolawa ana i na makemake a pau o na Lede o keia Paeaina.

A MAI KA

HUI INTERNATIONAL HOAHU AAHU KAULANA MAI,

Ua loaa loaa pu mai he mau Aahu piha a nani a paa no hoi no na Kanakamakua, na

Opio me na Kamalii. He Helu Ekahi keia no na

Kumukuai Haahaa a Waipahe loa!

            A i laweia mai no ka hoolawa ana i na anoi o ka poe a pau o keia Paemoku. Ke hoike pu aku nei ka mea nona ka inoa malalo, ua hoolaula hou ia ae na Mahele o kona Halekuai, ma ka hoolawa piha pono ana i na Kamaa Buti, na Kamaa Haahaa, na Kamaa Kiekie, na Li-kakini, &c, o na ano hou loa a nani no hoi; no na Lede, na Keonimana, na Opio Nohea o na aoao elua, a me na Kamaiki a kakou.

            Na Paikini Hou! He ano Kamaa Hou Loa, a he Nuhou, he oluolu a he nani kaukaiwa kona hiona, e molio pono ia ai a “Kau ka Nuku o ka Manu i ka Pua Lehua,” no na Iwa o ka aoao Palupalu, oia no ke

KAMAA ILIAHI LEO LE’A.

E PONO E HOAO NA LEDE!!

            Ua weheia keia mau waiwai a pau, a ua makaukau na Kupakako akahai a oluolu e hoikeike aku i ka poe a pau e makemake ana e ike.

A. M. MELLIS, MELEKI.

Hale Hoahu Aahu o Honolulu, 104 Alanui Papu, Huina o Burua. Apr. 12-tf

 

NU HOU         NU HOU.

NA WAIWAI HOU LOA,

NA PAIKINI O KEIA AU,

E loaa no ma ka Halekuai o

DILINIHAMA MA!

MA ALANUI PAPU,

OIA NA WAIWAI MALALO IHO NEI;

Na Palau, Kaa Huilapalala, Kopala, Piki, Oo, Koi, Koilipi, Na Hamere Kamana o na ano a pau, Na Mea Hana a na Kamana, Poe H@mo Puna, na Am@ra a me na mea hana o ka Poe Akeakamai a pau.

Pen@, Aila, Vaniki a me na Palaki, Pauda, Poke a me na Kukaepele, Palaki Lama Puna, Pulumi, Pakeke, Kapu Holoi Lole, na Ipu, ti, na Pa Palai, Na Makau Lawaia, na Ano Lawaia o na ano a pau, na Kaula o na ano a pau, na Pahi, O, a me na Puna,

A HE NUI AKU NO NA MEA I KOE,

I KUPONO NO KA HOOHIWAHIWA ANA I NA HALE.

I hiki ole ia makou ke kuai pau aku, aka, na o@ou no e hele mai a e heenuu iho. O kela maluna ae, e loaa no ma ka Halekuai o

            DILINIHAMA MA, 1@6 3 mo            Ma ka Helu 37, Alanui Papu.

 

KALE KULIKA,

Luna Hooiaio Palapala Kuai,

MOLAKI A ME NA PALAPALA OIA ANO.

Luna Hooi@io Palapala Mare.

Ma ke kihi o ke Alanui Moiwahine me Kaahumanu kulanakahale o Honolulu, ko Hawaii Pae oa 15@tf

 

MAKEMAKEIA.

            @ makemake ia ka poe mea ILI

KAO MALOO  a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.

            C BREWER & CO. (Berua Ma.)

 

NA WAIWAI HOU LOA O NA ANO A PAU!

E LOAA NO MA NA HALEKUAI O

WALAKAHAUKI MA!

MA ALANUI PAPU, MOI, A ME MOIWAHINE.

OIA NEI;

Na Noho Lio hou loa o na ano a pau.

Na Palule Keokeo, Huluhulu ano a pau,

Na Pio Ahinahina Pelekane hou loa o na ano a pau,

Na Pena Kukaepele,

Na Kopa Bulu,

Na lole o na Wahine o na ano a pau

Na Pahu Aila Mahu maikai loa,

Na Silika, Pahoehoe, o na ano a pau.

Papale o na ano a pau,

Kihei o na ano a pau.

Hainaka lau nunui Silika o na ano a pau.

He nui aku no i koe, he piha pono na kolamu o ka pepa ina e huai pau ia aku ana.

Eia hou ae a hoea mai i keia mau la iho he Lake Waiwai hou loa o na ano a pau, a he lako hou loa i wae pono ia e J. T. WATERHOUSE Jr. ma Enelani, a he mau waiwai hoi i kupono loa no ko kakou maukaiaulu. Nolaila, e eleu mai e na makamaka a me na hoa’loha e hoonuu i keia mau lako waiwai hou loa.         1076 3ms

 

HOOLAHA HOOKO MORAKI.

 

            Ma keia ke hoikeia aku nei, mamuli o ka mana kuai maloko o kekahi palapala moraki i kakauia ma ka la 8 o Dekemaba 1876, i hanaia e Kimo Kaai o Honolulu, Mokupuni o Oahu, ia Stephen Spencer, kekahi o na kupa Hawaii a e noho nei ma Enelani, a i hoopaaia ma ke Keena Hoona Aina maloko o ka Buke 49 Aoao 135, 136 a me 137, ka aina a me na pono a pau, a no ka hala o ka manawa i hoakakaia ma ke Kanawai, e kuaiia aku ana ma ke kudala akea no na kumu i hoikeia ae la maluna.

            O ka waiwai i oleloia ma ua palapala moraki nei, ke waiho la ma Kaiahonu, Aala, Honolulu, i oleloia a i hoakaka piha ia ma ka Palapala Sila Nui Helu 5657 nona na eka he 66-100.

            STEPHEN SPENCER, Mea Moraki.  Kikila Baraunu, Loio no ka Moraki. Honolulu, Iune 29, 1882.  1074 4t

 

HOOLAHA A NA LUNA HOOPONO o na WAIWAI o G D SYLVA i make.

            Ma ka la 3 o Augake mh 1882 ma ka hora 10 am, e kuai kudala ia aku ana na waiwai lewa o G D Sylva i make, ma Honolua Kaanapali kahi e kudala ai, he 50 bipi a oi iki, a ma ka la 4 o Aug no na pa aupuni o Mala i Lahaina e kuai kudala ia akku ana kekahi mau waiwai lewa o ia ano, penei:

            He 60 bipi a oi, he 7 lio, a he mau puaa kekahi, o ka poe makemake e hele mai e koho, e hoolilo ia ma ka mea oi loa o ke koho ana ma ke dala kuike wale no, aole ae ia ka aie.

            J A Nahaku, Helena, Na lunahooponopono waiwai o G D Sylva i make. Lahaina, July 1 1882. 1075 4t.

 

LOLE MAKEPONO

Ke Kuike

E LOAA NO IA MA KAHI O

KAKELA ME KUKE

E LAA NA

Ahinahina, Kalakoa, Keokeo, Leponalo, Pena, Aila, Aniani,

KA MEA PIULA!

KOPA, AILA HONUA, AILA HOOMALOO

Kui Kakia, Pakeke,

Tabu, Kaula, Noho Lio,

Hulu Palaki, na Pulumi,

A HE

AGENA N HOI NO NA MOKUPUNI O HAWAII NEI NO NA

Lainakini-nao,

Lainakini Maoli,

Palule Kalakoa,

Alapia, Kelepa, Kilika,

Na lole kupono i ka wawae

Palule Huluhulu,

Na Lole Huluhulu,

Na Lole no ka hoo@ ana

Lipini, Lihilihi, &c.

LIPINE, LIHILIHI, &C.

A ME NA

Mikini Humuhumu Makepono Lea!

a he

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai, Huaal@

Piu Kulina, &c

A he Laau Lapaau Kaulana Loa

A DR. JAYNES.

Laau Kumu,

Laau Hoomaemae Koko,

Laau Hoopau Naio,

Penikila, Huaaie.

A MENA LAAU HAMO, A PELA ‘KU

840 tf

 

            Aha Hookolokolo Kiekie, ko Hawaii Pae Aina, ia W C Parke Esq. Makai Kiekie o ko Hawaii Pae Aina, a i ole i kona Hope.

            Ke kauohaia aku nei oe e ka Mea Hanohano A. Francis Judd Lunakanawai Nui o ka Kiekie a Kaulike e kii ia Kaumiumi k, ka moa hoopii ka, e hele mai imua o ua Lunakanawai la, ma io na keena, ma ka Hale Hookolokolo ma Honolulu, Mokupuni o Oahu, ma ka Poalima, oia ka la 23 o Iune e hiki mai ana, ma ka hora 10 A M e hoike mai ina he kumu kekahi no ka hoole ana i ke noi a Henry F. Glade, ka mea hoopii, e like me kona Palapala Hoopii, i hoohuiia me keia. A ia manawa e hoike mai oe i keia Palapala Kii me kau hana malaila.

            IKEA, ka Mea Hanohano A. Francis Judd

            Lunakanawai Nui o ka Aha Kiekie

(L. S.)  a Kaulike ma Honolulu, ma keia la 8 o Iune, M. H. 1882.

(Inoa)   A. ROSA, Hope Kakauolelo.

            Ke hoihoiia aku nei keia Palapala Kii me ka hooko ole ia, i keia la 19 o Iune 1882, no ka mea, ua haalele o Kaumiumi k i keia Aupuni i 1876, maluna o ka moku Pomare no Sydney (Kikane), a ma ia wahi, ua holo malu oia, a na kekahi kanaka maoli i kapaia o Paa, a oia kekahi maluna o ua moku la ia wa, a oiai oia ma Honolulu i keia wa, i hai mai ia’u aole i hoi hou iki mai o Kaumiumi i oleloia i Honolulu nei, a o kahi noho hope loa o Kaumiumi i ikeia o Sydney (Kikane), N. S. W.

            (Inoa) W. C. PARKE, Ilamuku.

Ko Hawaii Pae Aina,

Mokupuni o Oahu       ss

            Ke hooia nei au o keia palapala maluna ke kope oiaio o ka Palapala Kii mua i hoopukaia ma ka hihia o Henry F, Glade vs Kaumiumi k a me ka hoike a ka Ilamuku no ua Palapala Kii la; a mamuli o ua hoike la i oleloia, ua ka@ka Aha ma ka la 23 o Iune A. D. 1882, e @ nee i a ka hihia a ka la 31 o Okatoba, A.D. 1882, a mawaena o ia manawa, e hoolahaia kekahi kope i hooiaioia o ka Palapala Kii i oleloia, e like me ka mea i hoakakaia ma ke Kanawai.

            I hoike no keia, ke kau nei au i ko’u lima i keia la 28 o Iune, A.D. 1882.

1075 3ms         W. C. PARKE, Ilamuku.

 

George Sherman

MEA HANA NOHO LIO

A ME

NA LAKO A PAU O NA PONO HOLOLIO.

 

            Ua mau kahiko oia iloko o keia hana, a ua kamaaina i ko Hawaii nei noho ana; he oluolu na auhau ana. E hele mai i ikemaka.

            Aia kona Hale Hana ma Alanui Kula, ma nae iho o ka uwapo nui.     1076 6ms

 

W. C. SMITH.

LOIO! LOIO!!

Helu 36, Alanui Kalepa, Honolulu.

1065  tf

 

PAPA KUHIKUHI MANAWA HOLO

O KA

MOKUMAHU HAWAII

“LIKELIKE,”

KAPENA KNG.

AOLE AIE NO NA UKU CRUA

 

            Ke hooleia aku nei ka aie no ka uku ohua, a ke hoikeike aku nei i ke akea, ina he mau poiki, ukana a p@ hooili ko lakou, e pono e hoailona ia ma ka m@kaka loa. Aole no e ae ia ka lawe ana i na ukana, paiki a paele i h@ aie la ke ale e kak@aia ka lana ana mai.

 

HE KUIKE KA UKU UKANA.

            Ma na ukana a pau no na makamaka, e pono e uku mau ia. A e hookeia no na kanaka @ ka lawe a hiki i kahi i makamaka ia. A e malama ia @ me ka makaala no akana, paiki a me na peele, lio, pipi a me ka hoki.

E hoailona ia me ka moakaka na Pahu

Rama a me Waina.

            O ka poe no lakou @ akana o kela ano, e pono e hoailona ia me ka m@kaka, a i ele o kakauia me ka moakaka ka loaa ana mai o ka poe no lakou keia mau waiwai.

            O na koina no na pilikia a me na pahu, e pono e hoike koke a mai iloko o ka malama hookahi.

            Aole @ @eia @hook@ kaa, na keiki a me na mea like e pii @ o ka mokuahi i ka wa o pili mai ai i ka wapo, aia wale no a pau @ @ @ @.

            Me ke aku nei e hoopomaikai ia ka @ kaahele, ua hoolioli ae mai na O@ o Likelike. Papa Hoike Manawa @ Mokuahi e like me ma aa.

Ma ka Hale Oihana oaa’i na Palapala.

            Aole Keena o hope o lila, aia wale no a kaa maa mai ka @. Aole e @ ka hewa no na paiki, a@ a paha @ akakaaia ka loaa ana mai. E hookaaia ka uku @ @ aku.    WAILA MA

 

NU HOU KULOKO.

 

            O ka moolelo o Gaiteau na hoomaha iki a keia pule ae.

            Ua aeia o J W Moanauli Jr, e lawelawe i ka oihana loio.

            Ma ke kakahiaka o ka Poalua nei, ua make emoole iho la o Lupenui k no Kapaakea, Waikiki. Aole i maopopo kona kumu i make ai.

            Ke poloai ia aku nei ka papa himeni o Kaumakapili a me ko Kawaiahao e akoakoa ae ma ka luakini o Kawaiahao i keia ahiahi no ka hoomaamaa ana i na himeni o ka po o ka la apopo, ma ka hora 5.

            Ua holo aku nei ke Alii Wahine Tahiti no Victoria Oregona i ka la Sabati nei. Piha kui ka Uwapo i na kanaka i ka wa e hoomakaukau ana ka moku e holo no ke ala moana.

            Ma ke ahiahi o ka la Sabati nei, ua lawe ia aku ka hanu hope loa o ka Mr. me Mrs Campbell kaikamahine a o ka laua keiki hookahi i loaa mai ko laua puhaka. Ma ka auina la o ka Poakolu nei kona kanu ia ana.

            I ka Poakahi o keia pule ka hoomaka ana o na kula aupuni a me na kula kuokoa o keia kulanakauhale a me na apana i ko lakou hoike makahiki.

            Ma ka Poaono i hala ua holo aku ka mokuahi Sueza no Kapalakiko me kona lawe pu aku he heluna nui o ko kakou mau waiwai Hawaii. O H Macfarlane me kana wahine ka i kau aku maluna ona no Kapalakiko.

            Ma ke kakahiaka o ka Poalua nei ua holo aku o Mr. Hallenbeck ko kakou makamaka aloha i ukali ia e na hoa’loha a me kekahi poe e ae, no ka ehukai o Puaena, Waialua. E hoohala ana oia he mau la malaila ma ka lawelawe ana i kana mau hana a huli hoi mai i keia la.

            A hoea hou mai na lono o na aina e ma keia pule koke iho, alaila e lohe auanei kakou i na lono ano nui no na hana hookuee ma Aigapita, a e lohe pu ana hoi kakou i na lono kaua mawaena o kekahi mau aupuni o Europa e pili ana no keia mea hookahi.

            Ma na lono i lau@ia malu ae, a oia lo@hele loa mai kona o ana a i ko makou Keena nei, lohe iho la makou ua malamaia kekahi anaina lealea hulahula haole ma kekahi hale o keia kulanakauhale ma ka la Sabati i hala koke iho nei. Aole makou e huai koke ana i keia wa, aka ke kuli nei makou no na lono oiaio, alaila huai pau ia aka.

            He mau haina o ka ninau baibala a Kona Akau ka i hoeu hou mai ma ko makou nei pakaukau a ma ko makou nana ana ua kulike no ia me na haina i hoopukaaia i kela pule aku nei. Nolaila e na makamaka ke kapae iki nei makou i keia mau haina na@e a e moe lolii ma ko makou hinai.

            I keia Poalua ae, Augate 1, e holo aku ana ko kakou makamaka a haiolelo kaulana Mr Hallenbeck no ka Mala Hekuwawa a e hoohala ana oia he anahulu malaila; mailaila aku e holo loa aku ana oia no Kohala, a mailaila aku no Hilo a huli hoi mai no Honolulu nei, mahope iho o ka hoomaha pokole ana e holo loa aku ana oia no Kauai.

            He puu opala puhipuhi ma ka Pake ma Manamana ae nei, oia ke kumu i kani makawalu ai na bele hoailona pauahi i ke ahiahi Poalua nei; ua puka like ae na Kaawai a holo aku la no kahi i hoike ia. Aole nae i palalu ka wai o na iliwai no ka mea ua pio e na puu opala la i ke kinai ia.

            Ke ku hou nei ka ia pipili nui waleia e na kanaka a e hoohala ia ai hoi na hora poniponi o ke aumoe ma na pali uwapo, oia ka Alalauwa. I ke ahiahi o ka Poalua nei ka ike hou ia ana o na helehelena o keia ia ma na pali uwapo, nana aku no hoi ka piha mumulu ia o na pili uwapo i na kanaka i keia mau po.

            I keia mau hebedoma iho nei, ua hoomau ia na halawai hoohulihuli ma ka luakini o Kaumakapili; i keia hebedoma iho nei ua hoomau ia no na halawai o keia ano i ka po Poakahi, Poakolu, a me ka po Poalima, ma ia wahi hookahi no; nui no ka poe i huli mai iloko o ka pa hipa a ka Haku me ko lakou mihi ana i ko lakou mau hewa.

            Ua hoolaha ia ma na nupepa o ke kulanakauhale nei, aia malalo o Mr. Fesler ka hooponopono o ka eli ana o ka luawai eli o ka Ona Miliona o Maui ma Punahou ae nei. I ke awakea o ka Poalua nei ua loaa ka wai o ua luawai la a ke pipii nei ka wai o ua luawai nei iluna. Oiai ka makou peni e noke hala ole ana i ka nome i keia lono maluna ae, pa-e hou mai ana ua lono hou, o ka luawai e eli ia nei ma Waikiki a no ka Moi ua luawai la, ke pipii nei kona wai iluna.

“He lai olu makou e noho aku nei,

O ke ahe a ka Malualua Kiiwai,

Ani peahi a ka lau Kawele,

Lawe lau a-e, he moani-a

Lawe lau a-e, he moani-e”

            He anaina hui ke malama ia ana ma ka luakini o Kawaiahao i ke ahiahi e ka la apopo; e hoomanao e na makamaka.

            I kela pule aku nei ua hoike aku makou ma ke akea no ka loaa ana he ulia poino i kekahi mau mea mai ke Giana Pauda makai o Kakaako. I keia mau la koke iho nei ua hoea hou mai he lono o ia ano hookahi no a e hoike ana ia lono i ka ulia poino i loaa i kekahi kanaka ma o keia mea hookahi ma Maui a ua make loa ia oia. Weliweli maoli keia mau lono—he keu aku no hoi a ka paakiki o ka naau o kanaka.

            KO’U MANAO HOPE A HAALELE IHO AU I NA KAPAKAI ALOHA O HAWAII NEI NO KALEPONI—Ua hoike mua aku au ia oukou e hana ana au he wahi paina hauoli no kakou a pau mamua ae o ko’u haalele ana i na kapakai o Hawaii nei, aka, no ko’u naweliweli, ke waiho nei au i ka hana ia J T a me H Walakahauki na laua e hooko i ka hana. E hoomanao o ka la 24 o Augate.    J T Waterhouse.

            Me ka luuluu a me ka walohia makou e hoea aku nei i keia la a pahola aku ma o a maanei o ko kakou mau kaiaulu nei, i keia lono kaumaha—O Douglas Panee, ua hala, ua nalohia kona mau helehelena. He makamaka keia ua kamaaina ia makou, he kamaaina loihi no keia kulanakauhale; aka, iloko o kona manawa i moeuhane mua ole no keia haawina ua hiki mai la oia a kaili aku la iaia; alaila penei ka mea i kakuia ma ka baibala: “E aiai oukou a e makaala no ka mea aole oukou i ike i ka manawa a me ka hora a ke keiki a ka Akua e hiki mai ai.” Ua kanu ia kona kino lepo ma ka pa Ilina o Kawaiahao i ka Poaha nei; elike me na haawina luuluu i loaa i ka ohana, o makou pu kekahi iloko o ia haawina hookahi.

 

NA LETA A NA MAKAMAKA.

 

            Mai a J Like, o Hilo, ua hoomanao mai oia no ko makou papaaina i keia hunahuna mea hou malalo iho penei:

            O ka mea ano nui o Hilo i keia mau la oia no na hoomakaukau e pili ana i ka la 10 o Augate. O ka la keia i nalohia aku ai na ola wena o ke ahi hookalakupua a ka Madame Pele a o ka ia hoi ia i piha ai ka makahiki hookahi. E hoomanao ia ana keia la e ko Hilo nei poe ma ko lakou hohola ana he papaaina nui no ko lakou piha @ ka nalohia ana aku o ia mau hiohiona hoomaka’uka’u. Ke hele nei na Komite wahine o ka lai olu o ke taona nei, e hooko i na hana i haawiia ma ko lakou lima. Ua loaa he $160 a oi iki i keia wa.

            O ka loa o ka lanai he 100 Kapuai. He 3 lanai e kukuluia ana no lakou na kapuai loa he 30. Malie o Hilo nei i keia mau la. Ua ano malalo iho nei ka hana ana o ka bia ma kekahi mau hale hana bia, ke noke mau nei na nae na hale inu bia o ka haole.

            Ke hoala nei o Rev. J Kalana he mau halawai hoohulihuli e like me na halawai e malamaia la ma Honolulu, a ua hoomaka iho nei ka hana.

            Mai a C R Kapoe o Wananalua, Hana, Maui, ua hoouna mai oia i keia lono weliweli malalo iho penei:

            Ma ka la 15 o keia mahina, oia ka Poaono, ua hanaia kekahi hana hou pahi weliweli ma Hana nei. Ma ka la i hoikeia ae la, ua hele aku la o Daniele (he hapa-haole) ma ka hale o Samuela (he Paniolo). He aha pepa pili dala ka aha e malamaia ana ma ia hale, a ua hele no hoi a piha i na kane a me na wahine. Hoea aku la keia Daniela ma keia hale ma na hiona ano e a ninau aku la i ka poe kane e pepa ana iloko a ka hale e hakaka. Pipika wale iho la no ka poe o loko a pau nui aku la i ka pahee iwaho, koe kekahi kanaka ma ka inoa o Nahuina. Lele aku la ua Daniela nei maluna o keia kanaka a o ka hoomaka iho la no ia o ka hakaka a me ka haunaele; iluna a ilalo ka laua nonoke ana a pa aku la ka ipukukui i kekahi o laua a pio iho la. Iloko o ia pouli nui, hou ia iho la ua Daniela nei i ka pahi. Ua loaa he mau puka nunui he elima ma kona poo aole nae i kukonukonu loa. Ua hopuia ka mea ho@ pahi ma ke ano hoeha wale ua hemo nae ma ka bela ia ana. He mau hana uhiuhi lau mamane keia mau hana a aole i hooko pono ia ka mana piha o ke kanawai

            Mai a D W Kaonohi o Halaula, Kohala, ua mahalo mau makou no ke ahonui o kana makapeni ma ka hoolawa mau ana mai i ko kakou papaaina me na hunahuna mea hou o kona apana, a penei kana i hoike mai nei:

            Ma ka po o ka la 11 o keia mahina, ua hemo mai he koe loihi nona na iniha he 8 mai ka waha mai o Paulua w.

            Ma ka la 14 mai, ua hemo hou mai he koe 10 iniha ka loihi mai ka waha mai o Kama k.

            O ke alahao kaa ahi o Waila Ma, ke kapalulu ia ma na kula na owawa a me na pali o Halawa.

            Mai a W N P Kauhi o Kahalapalaoa, Lanai, ua loaa mai la makou keia hunahuna malalo iho:

            Ma ka la Sabati, Iulai 16, ua hakaka iho la o Ane w, me Kaaukai w. Ua hahana ka hakaka mawaena o laua, a no ka manawa hope loa ua loaa na palapu me na poino maluna o laua a elua. Ma ka nana ana i ka laua mau hana, ua koho hana a na keikikane. O ke kumu i ala ai keia hana oia no na manao lili i hoalaia mawaena o laua ae kekahi mea e aku.