Ka Nupepa Kuokoa, Volume XXI, Number 29, 22 July 1882 — Page 3
| This text was transcribed by: | Lynn Mangel |
| This work is dedicated to: | MacKenzie and Kendall Mangel |
Ka Nupepa Kuokoa
KE KILOHANA POOKELA NO KA LAHUI HAWAII.
NA WAIWAI HOU LOA O NA ANO A PAU!
E LOAA NO MA NA HALEKUAI O
WALAKAHAUKI MA!
MA ALANUI PAPU, MOI, A ME MOIWAHINE.
OIA HOI;
Noho Lio hou loa o na ano a pau,
Na Palule Keokeo, Huluhulu o na ano a pau,
Na Pio Ahinahina Pelekane hou loa o na ano a pau,
Na Pena Kukaepele,
Na Kopa Bulu,
Na Lole o na Wahine o na ano a pau,
Na Pahu Aila Mahy maikai loa,
Na Silika, Pahoehoe, o na ano a pau,
Papale o na ano a pau,
Kihei o na ano a pau,
Hainaka lau nunui Silika o na ano a pau,
He nui aku no i koe, he piha pono na kolamu o ka
pepa ina e huai pau ia aku ana.
hou ae a hoea mai i keia mau la iho he Lako Waiwai hou loa o na ano a pau, a he lako hou loa i wae pono ia e J. T. WATERHOUSE JR. ma Enelani, a he mau waiwai hoi i kopono loa no ko kakou mau kaiaulu. Nolaila, e eleu mai e na makamaka a me na hoa'loha e hoonuu i keia mau lako waiwai hou loa. 1076 3 ms
AHA Kiekie o ko Hawaii Pae Aina, mokupuni o Oahu, Hawaii.
Pae Aina, ss. Ma ka hooponopono waiwai, ma ka waiwai o
M Kawalo w, i make. Olelo Kauoha e koho ana i la e hoolaha
na palapala kauoha a no ka hoolaha ana.
No ka mea, ma ka la 25 o Iune, M H 1882, ua waihoia
mai imua o ka Aha kekahi palapala i oleloia, oia no ke kauoha
hope loa o M Kawalo i make aku la; a me ka palapala
hoopii e noi ana e hooiaioia kela palapala kauoha a e hoopuka
nei ka Palapala Luna Hooko ia Peter Richmond ua waihoia
mai e Peter Richmond.
Nolaila, ua kauohaia o ka POALUA, oia ka la 25 o Iulai
M H 1884, ma ka hora 10 am, ma ka rumi hookolokolo o
ka Aha, ma Aliiolani Hale, ma Honolulu, oia ka la
me ka hora e hooiaio ia ai ia Palapala Kauoha, a e hoolohe hoi
@ mai, a me ka poe a pau i pili, e kue ana ia palapala
kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekolu
loko e ke Kuokoa, he nupepa i paiia a i hoolahaia ma
Honolulu.
Kakauia ma Honolulu, ko Hawaii Pae Aina, i keia la 6 o
Iulai M H 1882 A FRANCIS JUDD,
@ Lunakanawai Nui o ka Aha Kiekie.
A. Rosa, Hope Kakauolelo. 1075 3t
AHA Kiekie o ko Hawaii Pae Aina, Ma ka Hooponopono
waiwai Mokupuni o Oahu ss Hawaii Paeaina, Ma ka waiwai
o Wahea k, o Waimea Kauai i make. Olelo kauoha e
koho ana i la e hooiaio ai ka palapala kauoha, a no ka hoolaha
ana.
No ka mea, ma ka la 6 o Iulai MH 1882, ua waihoia mai
mua o ka Aha kekahi palapala i oleloia, oia no ke Kauoha
Hope Loa o Wahea k, o Waimea Kauai, i make aku la; a
me ka palapala hoopii e noi ana e hoolaloia kela palapala
kauoha ae hoopuka hoi i ka palapala Lunahooponopono me ka
palapala kauoha i pakuiia ia Kuhinia.
Nolaila, ua kauohaia o ka Poakolu, oia ka la 26 of Iulai M H
1882, ma ka hora 10 A. M. ma ka Rumi Hokolokolo o ia
Aha, ma Aliiolani Hale ma Honolulu, oia ka la me ka hora e
hooiaioia ai ia Palapala Kauoha, a e hoolohe hoi no la noi ana
mai, a me ka poe a pau i pili, e kue ana ia Palapala Kauoha,
a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekou
loko o ke "Kuokoa," he nupepa i paiia a e hoolahaia ma
Honolulu.
Kakauia ma Honolulu, ko Hawaii Pae Aina, Iulai 7 1882.
L. McCULLY,
@ Lunakanawai o ka Aha Kiekie.
A Rosa, Hope Kakauolelo, 1075 3t
Aha hookolokolo Kiekie, ko Hawaii Pae
Aina, ia W C Parke Esq. Makai Kiekie o ko
Hawaii Pae Aina, a i ole i kona Hope.
Ke kauohaia aku nei oe e ka Mea Hanohano
A. Francis Judd Lunakanawai Nui o ka Kiekie
Kaulike e kii ia Kaumiumi k, ka mea hoopii
@, e hele mai imua o ua Lunakanawai la, ma
kona keena, ma ka Hale Hookolokolo ma Honolulu,
Mokupuni o Oahu, ma ka Poalima, oia ka
la 23 o Iune e hiki mai ana, ma ka hora 10 a m
e hoike mai ina he kumu kekahi no ka hoole
ana i ke noi a Henry F Glade, ka mea hoopii,
e like me kona Palapala Hoopii, i hoohuiia me
keia. A ia manawa e hoike mai oe i keia Palapala
Kii me kau hana malaila.
Ikea, Ka Mea Hanohano A. Francis Judd
Lunakanawai Nui o ka Aha Kiekie
[L.S.] a Kaulike ma Honolulu, ma keia la
8 o Iune, M. H. 1882.
[Inoa] A. ROSA, Hope Kakauolelo.
Ke hoihoiia aku nei keia Palapala Kii me ka
hooko ole ia, i keia la 19 o Iune 1882, no ka
mea, ua haalele o Kaumiumi k i keia Aupuni i
1876, maluna o ka moku Pomare no Sydney
[Kikane], a ma ia wahi, ua holo malu oia, a na
kekahi kanaka maoli i kapaia o Paa, a oia kekahi
maluna o ua moku la ia wa, a oiai oia ma
Honolulu i keia wa, i hai mai ia'u aole i hoi hou
@ mai o Kaumiumi i oleloia i Honolulu nei, a
@ kahi noho hope loa o Kaumiumi i ikeia o
Sydne [Kikane], N. S. W.
(inoa) W. C. Parke, Ilamuku.
ko Hawaii Pae Aina, ) ss
Mokupuni o Oahu )
Ke hooia nei au o keia palapala maluna ke
kope oiaio o ka Palapala Kii mui i hoopukaia
na ka hihia o Henry F. Glade vs Kaumiumi k
a me ka hoike a ka Ilamuku no ua Palapala Kii
@; a mamuli o ua hoike la i oleloia, ua kauoha
ia Aha ma ka la 23 i Iume A. D. 1882, e hoopanee
ia ka hihia a ka la 31 o Okatoba, A. D.
1882, a mawaena o ia manawa, e hoolahaia
kekahi kope i hooiaioia o ka Palapala Kii i oleloia,
e like me ka mea i hoakakaia me ke Kanewai.
I hoike no keia, ke kau nei au i ko'u lima
i keia la 28 o Iune, A. D. 1882.
W. C. PARKE, Ilamuku.
1075 3ms
HOOLAHA HOOKO MORAKI.
Ma keia ke hoikeia aku nei, mamuli o ka mana mai maloko o kekahi palapala moraki i kakauia ma ka la 8 o Dakemaba 1876, i hanaia e Kimo Kaai o Honolulu, Mokupuni o Oahu, ia Stephen Spencer, kekahi o na kupa Hawaii a e noho nei ma Enelani, @ i hoopaaia ma ke Keena Hoona Aina maloko o ka Buke 49 Aoao 135, 136 me 137, 'ka aina a me na pono a pau, a no ka hala o ka manawa i hoakakaia ma ke Kanawai, e kuaiia aku una ma ke kudala akea no na kumu i hoikeia ae la maluna.
O ka waiwai i olelola ma ua palapalaa moraki nei, ke waiho la ma Kaiahonu, Aala. Honolulu, i oleloia a i hoakaka piha ia ma ka Palapala Sila Nui Helu @657 nona na eka he 66-100.
STEPHEN SPENCER, Mea Moraki.
Kikila Baraunu, Loio no ka Moraki.
Honolulu, Iune 29, 1882. 1074 4t
HOOLAHA A NA LUNA HOOPONOPONO
o na WAIWAI o G D SYLVA i make.
Ma ka la 3 o Augake mh 1882 ma ka hora 10 am, e kuai kudala ia aku ana na waiwai lewa o G D Sylva i make, ma Honolua Kaanapali kahi e kudala ai, he 50 bipi a oi iki, a ma ka la 4 o Aug no na pa aupuni o Mala i Lahaina e kuai kudala ia aku ana kekahi inau waiwai lewa o ia ano, peaei:
He 60 bipi a oi, he 7 lio, a he mau puaa kekahi, o ka poe makemake e hele mai e koho, e huolilo ia ma ka mea oi loa o ke koho ana ma ke dala kuike wale no, aole ae ia ka aie.
J A Nahaku, Helena,
Na lunahooponopono waiwai o G D Sylva i make.
Lahaina, July 1 1882. 1075 4t.
OIHANA KINAIAHI O
HONOLULU.
O na keonimana malalo iho ua koho pono ia ia mau Luna Nui no ka Oihana Kiaaiahi o Honolulu no keia makahiki e hele nei a ke lawelawe nei lakou i ka lakou mau oihana pikahi i keia la:
John Nott - Luna Nui.
Robert Lewers - Kokua Mua.
Chas. B. Wilson - Kokua Elua.
Jas. W. McGuire - Ilamuku o ka Oihana Kinaiahi.
Chas. T. Guliek - Kakauolelo me Puuku.
CHAS. T. GULICK,
Kakauolelo Oihana Kinaiahi.
Honolulu, Iulai 6, 1882. 1075 3t
OLELO HOOLAHA.
E ike auanei na mea a pau owau o ka mea nona ka inoa malalo iho nei, ka Lunahooponopono waiwai o Nakino k, i make kauoha ole.
Ke kauoha aku nei au i na mea a pau i aie ia Nakino i make, e hookaa koke mai i ko lakou mau aie ia'u, a o na mea i aie aku ai oia, e hele mai ia'u me na kumu kupono ana i aie aku ai, iloko o na malama 6 mai ka la e puka ai ma ka Nupepa Kuokoa, kekahi nupepa e puka nei ma keia paeaina.
Owau no o
Maareko k.
Moloaa Kauai, Iune 26 1882.
1075 4t*
OLELO HOOLAHA.
KE ha lia aku nei ka lohe i ka poe e manao ana ua lilo ia lakou ka Apana Aina kuai hui o Napeahi, Nohoikahiki a me Luheluhe i make; e waiho la ma Ahua loa, Hamakua, Mokupuni o Hawaii, nona ka Palapala Sila Nui, Helu 940. Aole he kuleana o lakou maiuna oia aina, olai, ua lilo loa ia'n ma ke kuai mai na hoollina mai, a pilikoko ponoi loa o ka poe nona na Inoa i koikeia ae la maluna. Nolaila, ina he mau palapala kekahi i hauala ma na ano e ai e lakou, ke hoole aku nei au, aole i pono ia hana ana, oiai he mau palapala apuka ia. A no ke oiaio o ka lilo ana mai ia'u o keia aina, nolaila, ke koike aku nei au, ua kapu loa ka hele ana o na kanaka, a me ka hookuu wale ana i na holoholona o na ano a pau ma luna o ua aina la, a me na apana aina o Kamaka'u w, e pili kokoke ia ma Papake. A e hopuia no ka poe e hele wale ana maluna o keia mau wahi me k ae ole aku o maua; a na ka Lunakanawai e hooponopono no ia mea. Aka, e lilo keia i kanawai paa mai ka la e puka ai ma ka NUPEPA KUOKOA. No ka oiaio loa, ke kakaainoa nei maua.
SAM B KAALAWAMAKA,
MRS. A KAMAKA'U.
Honokaa, Hamakua, Hawaii, Iune 23, 1882. 1074 4t*
HOOLAHA HOOKAPU AINA.
UA kapu loa ka hele wale ana o na ano holoholona a pau maluna o ko mau a apana aina e waiho nei ma Honomu, Hilo, Mokupuni o Hawaii. Ina e komo a hele wale kekahi holoholona a mau holoholona piha, alaila e uku ia i $1 no ke poo. A ke hookohu nei maua ia T Paaluhi, ola ka mea mana nana e hooko keia mau olelo. E lilo keia i Kanawai paa mai keia la aku.
J K KALUHIOKALANI,
KEKULU w
Honomu, Hilo, Iune 22, 1882. 1074 4t*
W. O. SMITH.
LOIO ! LOIO !!
Helu 36, Alanui Kalepa, Honolulu.
1065 tf
PAPA KUHIKUHI MANAWA HOLO
--O KA--
HOKUHAHU HAWAII
"LIKELIKE"
KAPENA KING.
AOLE AIE NO NA UKU OHUA
Ke hooleia aku nei ka aie no ka uku ohua, a ke hoikeia aku nei i ke akea, in a he mau paiki, ukana a puolo hooili kolakou, e pono e hoailona ia me ka moakaka lea. Aole no e ae ia ka lawe ana i na ukana, paiki a puolo i hoailona ole ia ke ole e kakooia ka loaa ana mai.
HE KUIKE KA UKU UKANA.
Ma na ukana a pau o na makamaka, e pono e uku nana ia. A e hookoia no na kauoha no ka lawe a hiki i kahi i makemake ia. A e malama ia no me ka makaala na ukana, paiki a me na puolo, lio, pipi a me ka hoki.
E hoailona ia me ka moakaka na Pahu
Rama a me Waina.
O ka poe no lakou na ukana o kela ano, e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
O na kokua no na pilikia a me na pho, e pono e hoike koke a mai iloko o ka malama hookahi.
Aole e aeia na hookele kaa, ma keiki a me na mea like e pii hana o ka mokaahi i ka ma e pili mai ai i ka mapo, aia wale no a paa na ohua eepakeke i ka lele.
No ke ake mai e hoopomaikai ia ka lehulehu kaakele, ua hoololi ae nei na Ona o Likelike i ka Papa Hoike Manawa oia Mokuahi e like me maluna.
Ma ka Hale Oihana e loaa'i na Palapala.
Aole Keena o hope e lilo, aia wale no e kaa mua mai ka uku moku. Aole e ili ka hewa no na paiki, ukana a puolo paha ke ole e kakauia ka loaa ana mai. E hookaaia ka uku akau i ka wa e noiia aku ai. WAILA MA.
NA WAIWAI HOU, NA WAIWAI HOU.
$40,000.00!
I Hooliloia no na Waiwai Hou!
A I HIKI MAI NEI MA KO'U HALEKUAI.
He Mau Waiwai Hou Loa!
kaki no a hoea i Hawaii nei, a e kaaiia aku ana me ke
Kumukuai Waipahe.
Eia pu no hoi ma Ko’u Halekuai kekahi Keena Humuhumu Lole, malalo o ka hooponopono ana a keia wahine akamai oia o MISS EMRICK, a he loea hoi ma na hana Hoonani Papale me ke KUMUKUAI HAAHAA.
Na Paikini hou loa aole i ikeia ma Honolulu nei mamua, aka i keia wa e loaa no ia ano ma Ko’u Halekuai.
Na Papale i hookinohinohi ia me na Lipine o kela a me keia ano, he Nu Paikini hoi, e loaa no ma Ko’u Halekuai me ke Kumukuai Waipahe.
Pohaku-i o luna me lalo me na Pahu Lole, a ua pila ia kekahi maluna iho o kekahi.
E NANA I KEIA,
12 I-a o ke Kalakoa maikai loa no $1.00 waie no.
Na Paleih o na Kane, he 25 keneta wale no.
A he 5000 ano waiwai e ae i hiki ole ke huai pau ia na inoa; e kuaiia ana me ke
HUMUKUAI HAAHAA, WAIPAHE, HOINAINAU.
O KA HIKIMUA NANA E NOKE I KA LOLELOLE I KO'U MAU WAIWAI.
CHARLES J. FISHEL,
1@74 tf CALIFORNIA ONE PRICE BAZAR.
KU MAI.
Ka Mokuahi "Anjer Head."
$36,000 $36,000
Ma ke ku ana mai o keia mokuahi, ua loaa mai ia'u
HE MAU WAIWAI AAHU HOU.
Mai Nu Ioka, Kapalakiko, a mai Ladana mai ma Panama ae.
NA LOLE AAHY WAHINE NANI LOA O NA ANO A PAU.
Na Kilika, Veleveta, na Lole Hinuhinu Pakika, na Kinohinohi Lole, na Pupu Aniani Hoonani, o na waihooluu like ole, a me na mea a pau'e nani ai ke kilohi ana'ku a ka maka.
Ua lawe ia mai keia mau waiwai, a i wae noiau ia hoi e MISS SACHS, kaikaina o MRS. A. M. MELEKI, nana i kuai no ka hoolawa ana i na makemake a pau o na Lede o keia Paeina.
- A MAI KA -
HUI INTERNATIONAL HOAHU AAHU KAULANA MAI,
Ua loaa loaa pu mai he mau Aahu piha a nani a paa no hoi no na Kanakamakua, na Opio me na Kamalii. He Helu Ekahi keia no na.
Kumukuai Haahaa a Waipahe loa!
A i laweia mai no ka hoolawai ana i na anoi o ka poe a pau o keia Paemoku.
Ke hoike pu aku nei ka mea nona ka inoa malalo, ua hoolula hou ia ae na Mahele o kona Halekuai, ma ka hoolawa piha pono ana i na Kamaa Buti. na Kamaa Haahaa, na Kamaa Kiekie, na Li-kakini, &c., &c., o na ano hou loa a nani no hoi; no na Lede, na Keonimana, na Opio Nohea o na aoao elua, a me na Kamaiki a kakou.
Na Paikini Hou! He ano Kamaa Hou Loa, a he Nuhou, he oluolu a he nani Kaukaiwa kona kiona, e molio pono ia ai a "Kau ka Nuku o ka Manu i ka Pua Lehua," no na Iwa o ka aoao Palupalu, oia no ke
KAMAA ILIAHI LEO LE'A.
E PONO E HOAO NA LEDE!!
Ua weheia keia mau waiwai a pau, a ua makaukau na Kupakako akahai a oluolu e hoikeike aku i ka poe a pau e makemake ana i ike.
A. M. MELLIS, MELEKI.
Hale Hoahy Aahu-o Honolulu, 104 Alanui Papu, Huina o Burua. Apr. 12 - tf
NU HOU NU HOU.
NA WAIWAI HOU LOA.
Na PAIKINI O KEIA AU,
E Loaa ne ma ka Halekuai o
DILINAHAMA MA !
MA ALANUI PAPU,
OIA NA WAIWAI MALALO IHO NEI;
Na Palau, Kaa Huilapalala, Kopala, Piki, Oo, Koi, Koilipi, Na Hamere Kamana o na ano a pau, Na Mea Hana a na Kamana, Poe Hamo Puna, na Amara a me na mea hana o ka Poe Akeakamai a pau.
Pena, Aila, Vaniki a me na Palaki, Pauda, Poke a me na Kukaepele, Palaki Lama Puna, Pulumi, Pakeke, Kapu Holoi Lole, na Ipu, ti, na Pa Palai, Na Makau Lawaia, na Ano Lawaia o na ano a pau, na Kaula o na ano a pau, na Pahi, O, a me na Puna,
A HE NUI AKU NO NA MEA I KOE,
I KUPONO NO KA HOOHIWAHIWA ANA I NA HALE.
I hiki ole ia makou ke kuai pau aku, aka, na oukou no e hele mai a e heenuu iho. O kela maluna ae, e loaa no ma ka Halekuai o
DILINIHAMA MA,
1036 3 ms Ma ka Helu 37, Alanui Papu.
KALE KULIKA,
Luna Hooiaio Palapala Kuai,
MOLAKI A ME NA PALAPALA OIA ANO.
Luna Haawi Palapala Mare.
Ma ke kihi o ke Alanui Moiwahine me Kaahumanu kulanakahale o Honolulu, ko Hawaii Pae Aina 15@tf
MAKEMAKEIA.
Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou. a e haawi no makou i ke KUMUKUAI KIEKIE LOA.
e ko kakou Mekeke C BREWER & CO. (Burua Ma.)
HAINA NANE.
Mr. Lunahooponopono; Aloha oe.
Ma ka helu 27 o ke Kuokoa, ua ike iho au i ka ninau Baibala a Hawaii, o Kona-waena. Oia hoi keia: Owai la ke keiki i hoikeia mai maloko o ka baibala, ua hiki i 39 hua o kona inoa?
Haina. Owikiikawaiwaipioelalauikaumeaipepehiia. - 39. I hoike no ka oiaio o ko'u aoao, e nana ka mea nana ka ninau ma laaia 8@ 3, malaila e loaa ai ka haina. Aohe keia ninau e kala i puehu iho nei i ka papa Pokii o ke Kula Sabati o Kalaeokaia, i ka Palihinahina. Samui Paki.
E ke KUOKOA, Aloha kaua:
Haina o ka ninau baibala a Hawaii i hoikeia ma kou helu 27, Buke 21, o ka 8 o Iulai, eia no ia.
Owikiikawaiwaipioelalauikaumeaipepehiia. Isaia mok 8;3, hapa hope.
Chas K H Kailiwela.
Halaula N Kohala, July 13 1882.
E ka Nupepa Kuokoa e; Aloha oe: -
Eia mai ka haina o ka ninau baibala a Hawaii, o Kona-waen, Hawaii, i hoopukaia ma kekahi o kou mau Kamulo ka la 8 o keia mahina, penei ka nane. Owai la ke keiki i hoikeia ma ka baibala he 39 hua o kona inoa.
Haina. Owikiikawaiwaipioelalauikaumeaipepehiia. Ina e helu iho i ka nui o keia mau hua; e pili pono ana anei ka la i Papaenaena.
Me ka lana o ka manao, e iiiwai like ana me ka manao o ka mea nana ka ninau.
E welina auanei,
Sol H Kalamakee.
Ehukai o Poaena, Waialua July 11 1882.
E HOOLOHE.
O na OLELO HOOLAHA, na MANAO a pau e manao ia ana e hookomo mai no ka pai ana, e haawiia i ka lima o H. AEA nana e hooponopono.
NU HOU KULOKO.
Ua hoike mai nei ke kulanui o Lahainaluna i keia pule iho nei.
Ma ka poaona o ka pule i hala i lawe ia aku ai ka hanu o Rev J S Lono haiolelo o Keanae Maui, ma Ewa ae nei.
Ua kinikini maoli na hele lanu ma Mahukona i keia manawa, aole pela mamua he hale lpili a me na puu pohaku.
Ua laulaha ae na lono-aia i Wailuku ke lii Keelikolani a ua loaa he mai ma kona puuwai, no ia kumu ua holo aku nei o kauka Hagan i Wailuku no ka nana pono ana a ka pilikia.
Ua hala aku kekahi mau opio o Kohala a me ko laila kahu no Hamakua e hoohulihuli ai i ko iaila mau opio i auwana mai ka ekalesia aka.
Ma ka Poakahi iho nei i malama ae ai o Mr a me Mrs C P Iaukea he luana paina ana no ka laua kamalei ka hua mai ko laua puhaka mai, he nui no ka poe i kono ia ma ia paina.
Ma ke kakahiaka o ka Poakahi nei i ku mai ai ka mokuahi Suez o ka laina mokuahi hou o Spreckels ma, iloko o na la holo he 7 me na hora he 20 a oi, maluna mai ona i loaa hou mai ai ia kakou na lono hou loa o na aina e.
I keia hebedoma ae e malama ia ana he mau halawai hui oia ka luakini o Kaumakapili, i ka ahiahi Poakahi, Poakulu a me ke ahiahi o ka Poalima; ma ka la Sabati e hiki mai ana e malama ia ana he anaina hui ma ka lukini o Kawaiahao.
Ma ka hora 10 a oi iki o ke kakahiaka Poalua nei, pakele iho la kahi halekuia ma Kapalama mai pau i ke ahi. Ua hoomaka ka a o ke ahi malalo ae o ka papahele, ma o kekahi okumu kika e a ana i kiola ia malalo o ka papahele e kekahi hgaumana kula a nolaila mai kahi i ikeia ai keia poino. Ua pio koke nae ua ahi la ma o ke kinai ikaika ana a na keiki o ke Kula Hoopololei a me na makamaka.
Maluna mai a ka mokuahi Iwalani i huli hoi mai ai o kauka Hagan a mai iaia mai i lohe ia mai ai na lono ua oluolu ka mai o ke 'lii Keeliokalani; ke pahola nei makou i keia lono me ka hauoli.
O ka papa kuhikuhi o na hana o ka hoike o kula nui o Lahainaluna, ua hookaulua ia a keia pule ae.
O kau kukulu manao e "Makaainana" ma ke poo " He hana aloha ole," ua kaulua iki a keia hebadoma ae.
Ma ke kakahiaka Poakahi nei ua hapaiia ka noonoo ana imua o ka hale Ahaolelo ka bila kanawai e hoomana ana i na Komialua Lei Alii e hoolilo ako ia O Spreckela he 24,000 eka o na aina lei alii ma Maui, ua ikaika na kamailio ana ma ka aoaoa kokua a ma ka aoao kae i ua bila kanawai la a no ka manawa hope loa ua holo aku la ua bila kanawai nei.
Ma ke ahiahi o ka Poaono @ hookahakaha ae na puili no hoi o ke kulanakauhale nei ma Kulaokanua. imua o ke Aliiwahine Tahiti: a me na Lunahoolimalima. Malaila pu ka Moi a me ka ohana @; ua hoikeia mai na lono i o makou nei aole ka i holopono na hana hookahakaha, imua a i hope na lio, owala a peku hoi kekahi.
Ma ka Likelike o ka Poalua iho nei, ua hala aku he mau haneri ipu aimaka maluna ona a me na eke ai, ua hoi hou ka mea nana keia mau waiwai iuka nei, iaia i hoi ai no ka moku, ua mamao loa ka moku mai ka uwapo aku, ua nui ke kaumaha o keia kanaka no kona mau waiwai, aole mea nana e malama, aole hoi i haawi ia ma ka lima o na kupakako.
O ka halekuai hou o Walakahauki ma ma ke alanui Papu ua wehe hamama ia kona mau ipuka i ka Poaono i hala; nani ke kulana o keia halekuai, ke ku nei oia ma ke kahua mua o kahi halekuai pupupu mua iho nei. E alawa ae e na makamaka i ka hoolaha e hoea aku nei ma kekahi wahi o ka pepa.
Holo maoli no ka mokuahi laweleta Kulanakauhale o Nu Ioka, mai Kapalakiko a i Honolulu nei, ua rala ia mai e ia na mile he nui iloko o na la holo he 6 wale no me na hora he 20 a oi, maluna mai ona ua loaa hikiwawe mai na lono makamaka o na aina e, a e like me ka loaa hikiwawe ana mai o ua mau lono la, pela makou e pahola hikiwawe aku nei mua o ko makou @ heluhelu.
Ka Moolelo Piha o Guiteau.
Kana mau hana mai kona mau la opiopio a hiki iho la i ka wa a ka mana piha o ke kanawai i kau ai maluna ona.
Kona hora kope loa maluna o ka Amana.
Kana karaima i hana ai a halawai lia me kona make a hiamoe aku la oia i ka luakupapau pa-u.
Oiai ua lohe mua ko makou mau makamaka i ka hana a keia kanaka i hana ai a me kona halawai ana me kona make ma ka amana, nolaila ua manao makou he mea pono e hoomalielie ia ko makou mau tausani makamaka i ka moolelo piha o keia kanaka, kana mau hana mai kona mau la opiopio, kona ano, a me kana hana karaima hope laa a halu aku la oia ma kela aoao me ka make maewaewa, a penei ka heluhelu ana o keia moolelo:
Ua hanau ia o C J Guiteau ma ke kulanakauhale o Montreal, Maine, pela ka hoikeia e kona mau makamaka, aka ma ka ninau pono ia ana ua hooleia aole oia i hanau ia malaila a koike ia mai la ua hanau oia ma ke kulanakauhale o Freeport, Illinos, i ka makahiki 1841, ua hooiaio ia mai keia lono a ua maopopo pono.
Ma keia kulanakauhale i hanau ia ai keia kanaka, aka mai kona mau la opiopio a hiki i kona wa i lilo ai a kapaia he kanaka makua, ua ike mau ia kana mau hana ano e a ku maoli no i ke ano pupule, nolaila ua kapaia kona inoa o Guiteau Opulepule.
Ua hoike ae la he wahi kanaka an o opulepule keia, ae he oiaio ia aka aole oia wale no kona ano a me ke Kulana, he wahi kanaka haaheo, he manao honkiekie.
Ua hoohui maa lea oia iaia iho ma kona ae ana e lilo i lala no kekahi hui hoomana, (oneida community) He mau makahiki hona noho ana he lala no ia hui a no kana mau hana ano e, opulepule a manao haaheo no hoi, ua hilinai ale ia oia e ka hapanui o na lala o ua hui la a no ka manawa i moeuhane ole ai oia, ua kipaku ino ia mai oia mai ua hui la, alaila hoaano iho nei ua wahi Guiteau nei e hele aku imua o he ao holookoa e hoike ike iaia iho ma ke ano he kanaka naauao, he kanaka i piha ke poo me na manao hohonu a piha ike mamua o kekahi poe e ae.
Me ia mau ano ona, oia hoi ka opulepule, haaheo a pela wale aku, hiki aku nei oia ma kekahi kulanakauh a'e, iaia i hiki ai malaila, o kana hana mua i hana ai oia no ka hele ana e imi wahi hana; aole nae oia i moeuhane mua e halawai mai ana oia me na aouli hoopakalaki me ka hoohuli ia mai o na kua imua o kona alo; no ka mea, ua lono ia a puni ua wahi kulanakauhale nei, kona inoa, kona ano, a me kana mau hana ma o na nupepa la, nolaila ua hoohoka ia oia a ua nele kona iini, ma ke kulanakauhale o Kikako kona wahi i hoohoka ia ai.
Iaia e auwana hele ana ma o a maanei o ke kulanaiauhale, loho iho nei kona kaikoeke oia George Scoville i kona kulana aea wale, nolaila kii aku nei oia iaia e noho po me ia ma ke ano hauna na ao kanawai, ua ae koke oia, a hala he manawa loihi ua puka aku la oia he loio maopopo. A keia hebedoma ae.