Ka Nupepa Kuokoa, Volume XXI, Number 27, 8 Iulai 1882 — Page 1
| This text was transcribed by: | Paka Westin |
| This work is dedicated to: | Awaiaulu |
NUPEPA KUOKOA
KE KILOHANA POOKELA NO KA LAHUI HAWAII
BUKE XXI HELU 271 POAONO, IULAI 8, 1882 {NA HELU A PAU 1075
KA NUPEPA
KUOKOA ME KE AU OKOA
I HUHA
KA MOOLELO
o
ONILA MAKA !
KA MAKAI KIU KAULANA
o
ENELANI !
A O KA MEA
POHIHIHI O KA 1868
MOKUNA XVII
Na Makai Kiu mai ke kulanakauhale mai- Hele laua e ike i ke piu-He nanaina kupaianaha-Ka mihi ana-Hoapaapaia na Makai Kiiu o Nu Ioka-Puiwa na Makai Kiu akamai-Ka loli kupaianaha ana o kona mau helehelna-Ka ike ana-He hana ano hou-Ala o Onila Maka.
KA WA aa na kanaka elua i komo aku ai iloko o ko Onila Maka keena, e noho ana oia iluna o kona moe hao ma kahi poeleele loa o kona keena, a ma kekahi wahi hoi e aweawea iki ana no ka malamalama.
Oiai, ua kamaaina keia mau makai ma ka laua hana, nolaila, hele aku la me ka manao pihoihoi ole.
Aole i huli mai ke pio a nana mai ia llaua, aka, noho malie iho la no oia maluna o kona moe me ka oni ole.
Aka, he mea hiki ole no paha i na Makai Kiu ke hoomaopopo pono aku i kona mau elehelena ina no oia i nana mai ia laua, no ka mea, he ano powehiwehi ka malamalama o kona keena.
Nolaila, unuhi like ae la laua i na kika mai ko laua mau pakeke ae, a hoomaka iho la e ho-a, me he mea la, e hoapaapa ana laua i maopopo na helehelena o ka mea pepehi kanaka.
No kekahi mau minute kakamamailio iho la la laua maluna o na kuiinu kehulehu, aka, ine aku la mae kekahi o laua i ke pio me ka leo hoohenehene.
E ! auhea oe, aia oe i kahi kupono ole.
I ka pane ana aku a kekahi o na Makai Kiu la i na helehelena o ua kanaka la, uumi iho la laua i ko laua hanu no kekahi manawa, oiai ua maopopo aku ia la laua ke puuwai eleele kona i ike ole i ke koni ana a he mau lima hoi kona i paumaele i ke koko o ka poe hala ole.
Oiai, iaia i aui mai ai a hana aku la i na Makai Kiu, ua ike aku la laua i kona mau helehelena, ua maka ahewaa ia kona mau onohi, a ma kona mau ano hoi a pua, he ku maoli i ka weliweli ka nana aku.
Ua kupono laa keia kanaka no ke karaima ona i hoopania maai nei; wahi a kekahi i hawanawana ae ai i kona kokoolua.
Ae ! wahi a kekahi.
E hele mai oe maanei, he makemake ko maua e kamilio pu e oe, whai a kekani Makai Kiu ia Onila Maka.
Ninau aku la ke pio: Owai oe, a heaha hoi kou makemake no'u?
He mau hoahoha maua nou, la ua makemake maua e hoopakele ae ia oe mailoko aku o keia wahi, ina e hiki ana, wahi a Koma.
Aohe o'u mau hoahoha, a aole no hoi e hiki i kekahi ke hoopakele ae ia'u mailoko ae o keia pilikia-a aole no hoi o'u makemake e hoopakele mai lakoa ia'u ina e hiki ana ia lakou, na'u panei no e hoe ko'u waa.
Ina oe e hoe ana ma ake ala au i hele iho nei, e iki aku ana oe iluna o ka amana likanaka.
Malia paha, o olua o kakou ke hiki mua aku ana ilaila mamua o'u, ina pela, alaila, ua pakele au.
Nana aku la na Makai Kiu kekahi i kekahi a pane aku la me ka leo haahaa,
E Kela, he kanaka ino maoli keia.
Ku ae la o Keia a hele la imua o ke pio a hopu aku la ma k a lima, a huki mai la maia ma kahi maamaaama iki o kona keena paahao.
Hele mai maanei, wahi ana, He makemake au e nana pono aku ia oe, malia ua ike no au ia oe mamua.
O oe ka'u i ike mua, no kou ike mua ia'u, aole ia mea i maopopo ia'u, wahi a ke pio i pane aku ai me ka leo huhu.
I hea ko wahi i ike mua ai ia'u e kena wahi elemakule?
Iukaa e ka muliwai, kahi a kaua i lawelawe pu ai ma kekahi hana.
Pela?
Ae !
Aka ae la ua Makaai Kiu la, a pane aku la: He kanaka hopo ole oe; aka, he makemake nae ko'u e ninau aku ia oe i kekahi mau ninau.
Ninau mai.
Mau no i pepehi kela kanaka?
Ae, wahi a ke pio i pane aku ai.
Nana ae la ua mau Makai Kiu nei kekahi i kekahi me ka naau kahaha.
Aole laua i moeuhane iki mai ko laua komo ana mai, e halawai koke ana laaua me ka huaolelo mihi a ka mea pepehi kanaka, nolaila, kahaha loa ko laua naau.
Nau io no i pepehi oia? wahi a Koma.
Ae.
I nahea nei?
Ka, kai no hoi ma ka po no ona i make ai.
O ka manawa hea ia?
Aohe i maopopo ia'u.
Heaha kou manao o ka pepehi ana iaia?
Aohe o;u manao.
A aia ihea ke kino kuppau au i waiho ai?
Ua waihoia e a'u na manu Alala--nana manu Alala keokeo.
Kukai hoailona ae la na Makai Kiu.
A o ke ano hoi o ka hoailona, e hoike ana, ua hoohoka ia laua.
Me ke aha oe i pepehi ai i ua kanaka la, wahi a Kela.
I kamailio wale i a aku no e a'u a hiki i kona make ana, e like me olua e hoao mai nei e pepehi ia'u.
HIna like aku la na Makai Kiu ihope i ko laua was i lohe ai i keia pane a ke pio. me he mea la, ua ku aku la laua i ke "a-u i ka i-a nuku loa"
No keia pane a ke pio, hoomaopopo iho la na Makai Kiu, aole oia he kanaka hupo aeahaukae, aka, e hoao ana oia e hoapaapa ia laua me ka hoohoka maoli aku i ko laua ike ma ka oihana a lakou e lawelawe like nei.
Na keia hana maalea a ke pio, ua lilo loa ia i mea hoonaukiuki na laua.
No ka mea, he maka'u wale ka poe hana hewa i na Makai Kiu.
A ua oi lo aku no hoi ko lakou weliweli i na Makai Kiu mamua o no Lunakanwai a me ka poe Kiure.
Aka, eia nae keia kanaka. i ahewaia no kekahi karaima kiekie ke hoohoka nei ia laua, a ke hana nei hoi oia me ke akamai a me ka maalea, oiai ma kona ano he pupuka, aohe manaolana, aohhe hoahoka a aole no hoi he wai dala nana e kokua iaia, aka, o kona akamai ka hoomanawanui a me ka noonoo lua ole o kona poo, ke koo ikaika nana e hoohaahaa nie i kekahi poe.
E, auhea oe, aole loa oe e hoapaapa e like me keia ina oe e ku aku ana malalo e ka amana li kanaka.
No ke aha hoi, koe wale iho no keia, ina ua like ka hupo o na Komite li kanaka ma ka laua oihana e like me olua______
He mau hupo maua ea?
Ae.
No ke aha kou mea o ka olelo ana pela?
Ina he mau loea ollua a ua kamaaina hoi ma ka olua oihana, alaila, e alakai koke aku olua ia'u iwaho mai keia wai aku, a na olua noo hoi ia e hai aku i ka Makai Nui, ua maopopo ia olua na hai i hana ka pepehi kanaka, alole na'a.
Oia ke kumu o ko maua hiki ana mai ianei. Ua maopopo no ia maua, aole nau i pepehi kela kanaka. Ua maopopo no hoi ia maua, alole oe i hewa!
Pela anei?
Ae.
A no ke aha la hoi ko olua mea e lawe ole nei ia'u imua o ka Makai Nui a hai aku pela? Ke mea maopopo e hookuu ia mai ana au malalo o na olelo a kekahi mau kanaka eleu a maalea oi o Nu loa e like me olua.
No keia mau olelo pahele a ke pio (Onila Maka) imua o na Makai Kiu; ua hiki ole i ko laua noonoo ke hoomaopopo no ka ike kupaianaha o keia kanaka.
Oiai ua hele mai laua e halwai pu me kekahi kanaka hopohopo, hupo, e ike me ka laua i manao ai. He oiaio, ua halawai mai me laua kekahi kanaka helehelena pupuka, ak, he kanaka nae i oi aku kona ike mamua o ko laua.
Ke ike aku la anei olua i kela mau huapaiapala i kahakaha i ama ka paia! wahi a ke pio.
Me ka noonoo mua ole ae i ke ano o keia olelo, huli like aku la na poo o ua mau makai nei a nana aku la ma kahi i kuhikuhi ia aku ai e kahi paahao kupaianaha.
Aohe a laua mea i ike aku, aka ia laua nae i huli hou mai ai a nana aku la maluna o ua kanaka ka e ku aku ana imua o laua kekahi kanaka ano e loa mai kona mua.
o na maka o keia kauaka hou e ku aku nei imua o laua, aohe i ahewa ia, a o kona mau hiona hoi he oluolu ka nanaina, aka ma kona helehelena e mau ana no ke ano hauliuli.
Ku like ae la na Makai hiu iluna me ke kahaha.
O keia lu@ ano e kupaianaha ana o na helehelena o keia kanaka imua o laua, oa no kekahi hana kamahao loa a laua i ike ai iloko o na makhiki lehulehu o ko laua lawelawe ana i ka oihana.
Owai oe? wahi a Koma, ka Makai Kiu i hooho ne ai.
Malia owau no ke Alii o na Kupua! wahi a kahi pio i pane aku ai me ka leo ano e mai ka wa mua a lakou e kukai olelo ana.
E Koma, ua hoooka ia kaua, wahi a Kela me ka leo moakaka, e hoike ana ua ike oia i ka mea e ku aku ana nei imua o laua.
Ia wa hooho leo nui ae ia uaa wahi pio nei i kekahi leo ano e i kuluma mau iaiai i kona wa e piha ai i ka hauoli, a pane aku la me ka leo hauoli:
Owai oe? wa! wahi a Koma, ka Makai Kiu i hooho ae ai.
Malia owau no ke Ali o na Kupua! wahi a kahi pio i pane aku ai me ka leo ano e mai ka wa mua aa lakou e kukai olelo ana.
E Komaa, ua hoohoka ia kaua, wahi a Kela me ka leo moakaka, e hoike ana ua ike oia i ka mea e ku aku ana nei imua o laua.
Ia wa hooo leo nui ae ia ua wahi pio nei i kekahi leo ano e i kuluma mau iaia i kona wa e piha ai i ka hauoli, a pane aku la me ka leo hauoli:
E na hoa, ua hka maoli io no olua!
Kahaha! wahi a Koma, Ina aole au i makapo ia, o Onila Maka no oe, ke Alii o na Kupua.
Hamau iki iho ka leo, aole ka nui loa ae.
E Maka, heahaa keia hana au?
E lawelawe ana au i keia hana no ke kanaka i kupono no keia wahi.
Ia wa aka like ae la naa Makai Kiu i ko laua hoomaopopo ana iho i ke anno o kana hana.
Alaila kamakaimailio iho la na Makai Kiu no hookahi hora a oi.
I ka wa i kokoke mai ai ko laua manawa e hoi, pane aku la o Kona:
Ua eo ke ao holookoa ia oe ma na hana hoano e.
Aka malie iho la o Oaila a pane aku la: Pela! Ka, aohe olua i ike i kahapanui o a'u mau hana i koe. Pe'a iho a lawelawe hou ae au i aahi hapa o a'u mau hana i koe, e ike auanei oe i ka piha. Nu loka holookoa ia ke kahaha no na la he umi a oi aku.
Mai ke keena aku o Oalia Maka, hele pololei au la na Makai Kiu a hiki i ka hale noho o ka Makai Nui.
E kali ana hoi ua Makai Nui ne no o laua hoi aku.
I ko laua hiki ana aku imua ona, pane mai la oia:
E na Keonianana, wahi ana. Pehea ko olua manao no ka mea a'u i hoopaa iho nei?
E hoopaa au iaia ilaila, ua loaa ia oe ke kanaka hana hewa.
Ua maopopo ia olua ia mea?
Ae, wahi a na Makai Kiu.
A pehea au e hana aku ai?
Ma ko'u mana aohe o maua waiwai imua ou i keia hora.
Ka! He makemake au e loaa ona mau ike kupeno.
E lawa ana oe me na ike kupono ke hiki mai ka manawa.
E noho ana ka Aha Kiure ma ka la mua o keia malama.
Oia ka pono, ho ka mea, e lawa ana oe me na ike kupono.
Alaila, e lilo no owau ka Lunakanawai oia mea.
Mamua o ka wa e hoho ai ka Aha e mihi e mai ana oia.
Pela anei kou manao?
Aohe o'u kanalua no ia mea, wahi a Kela.
Nolaila, ma kou manao, aohe waiwai o ka imi hou ana aku i mau hoike hou?/
Ma ko maua manao, ina no oe e waiho malie i keia hana, alaila. na na hoike no ia e hoike mai ia lakou iho e hiki ai ke lina na kanaka ekolu me hookahi wahine.
Aole i hoomaopopo loa aku ka Makai Nui i keia maul huaolelo hope, nolaila ma kona manao, ua lawa pono na hemahema.
Iloko no hoi oia wa, e noho ana no ua wahi pio la maloko o kona keena, e kali ana o ka huli ae o kahi mea okoa, a ma ka la mahope mai a na Makai Kiu o Nu Ioka i hele aku ai e ike iaiai, ua ikeia iho la elua mau hana kupaianaha i hanaia a me n lono i loke ia, nana i kono mai i ka naauae, ka maalea a me ka hoomanawanui o Oaila Maka, ka Makai Kiu kaulana o Enalani, e kupaa a hiki i ka hopena.
Aole i pau
HE NINAU BAIBALA.---Owai la ke keiki i ho keia maloko o ka Baibala ua hiki ike 39 hua o kona inoa.
HAWAII
Kona-waena, Hawaii, lune 29, 1882.
KA MOOLELO O KA
AHAOLELO
KAU KANAWAI
O KA
A.D. 1882
La Hana 43, Poalua, Iune 27, 1882
Halawai ka hale e like me ka mau. Heluheiuia ka moolelo o ka la i hale a aponoia.
Hoike a ke Komite Wae
Hoike mai ke Kuhina o ko na Aina e Lunahoomalu o kekahi komite wae i haawi ia ai na hawina ma ka Bila Hawina e pili ana k ka Papa Ola ma ne na haawina o na Kauka Aupuni, ua hoike mai oia ua hoonohoia hemau Kauka Aupuni hou ma kela a me kea a pana a puni na Paemoku, me ke kukulu ana i mau halemai lala ma a mau mokupuni. Aponoia ka hoike.
Na Olelo hooholo
Hoolaha mai o Kaunamano e lawe mai ana ia e kapawai i uku hoomau no A P Pelekuke.
Hoolaha ma o Lilikakani e lawe mai ana o a he bila kanawai e hoomahuahua ana i ka uku hoomau no Henry S Swinton.
Hoolaha mai o Palohau i kona manao e lawe mai i bila kanawai e laikini ana i ka poe kalewa waiu. No ka mea ua nui loa ko lakou pai ana i ka waiu me ka wai.
Ma ke kapae ia ana o no rula ua heluhelu mua mai o Kaunamano i ka bila kanawai e haawi ana i uku hoomau no Pelekuke i $1000 no na makahiki elua.--Noi mai o ia e heluhelu alua ia ma ke poo; hooholoia a heluheluia.
Noi mai o Palohau e hoopanee loa i ka bila-i kokua ia e Kalua. Hoeia ke noi e hooanee loa a haaawiia i ke komite ia lakou ka noonoo ano no na bila kanawai uku hoomau.
Heluhelu mua loa mai o Lahilahi he bila kanawai e hoololi ana i ka Pauku 1,2,21,24, o ka Mokuna 41 Kanawai Karaima e pili ana i ka poe kuai i ka waiona i na kanaka Hawaii me ka laikini ole.
Noi mai o Keau e kapa e na rula a heluhelu hou ia ma ke poo; hooleia, a waihoia no ke pai.
Heluhelu mua mai o Lilikalani he bila kanawai e hoomauahua ana i ka uku hoomau no Henry S Swinton i $400 no kela a me keia makahiki.
Noi mai o Kaulukou e kapaeia na rula a heluhelu hau ia a ke poo.
Noi mai o Kaulukoa e hoopanepe loa. Noi mai o Keau e hooholo. Noi ma o Aholo e kakaupoepoe. Noi mai o Aholo e kakaupoepoe. Noi mai o Kalua e haawi ia i ke komite ia lakou na haawina uku hoomau; hooholoia.
Na Hanaa o ka La.
Kanawai Auhaa imua o ke komite o ka hale,
Na Hoopai
Pauku 70. 71, 72, ua hooholoia me na hoololi,
Ka Papa Helu i olelo mua ia.
Pauku 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, ua hooholoia me ka hoololi.
No mai o Kaulukou e hoohoio loa i ka bila, hooholoia.
Noi mai ka Loia Kuhina e hooholo i ke poo o ka bila, hooholeia; a ma ke noi ua hoopauia ke komite a ua hoike mai oia a aponoia ka hoike.
Noi ma o Aholo e heluhelu hou ia keia bila i hookehi pule mai keia la aku; hoohoholia, a hoopanee ka hale a hora 10 akolu.
La Hana 44, Poakolu, Iune 28, 1882
Halawai ka Hale e like me ka mau. Heluheluia ka moolelo o ka la i hala a aponoia.
Hoike a na Komite Wae
Hoike mai o Brown Lunahoomalo o kekahi komite wae e pili ana no na haawina no ko eli ana i na luawai, ua hoike mai oia e hookomoia ma ka Bila Haawina i $32,000 no keia hana.
Na Olelo Hooholo
Na Kaulukou he olelo hoohole i $1000 no ka hana hou ana i ke awapae ma Wailmanalo. Waihoia ma ka papa.
Hoolaha m ai o Rice i kona manao e lawe mai ana oia he bila kanawai e hooponopono ana i na palapala hopu a a me na palapala kii o na lawehala. 2 Bila kanawai e hoomaoa ana i ke Kuhina Kalaiaina e malama i Buke hoomanao no na Mare. 3 Bila kanawai no ka poe Hooiaio Palapala. 4 Bila kanawai no ka poe komohewa ma na kula hanai.
Ma ke kapaeia ana o na rula ua heluhelu mai o Nawahi he palapala hoopii mai Hilo, i $500,000 e hookomoia ma ka Bila Haawiana no ke kukulu ana i alanui kaamaha mai Hilo a hiki i Waipio, Hamakua. Waihoia ma ka papa a noonoo pu ia me ka Bila Haawina.
NA HANA O KA LA
Hapaiia ka noonoo ana i ka Bila haawina, ke 'Lii Kapena ma ka noho Lunahoomalu; a penei na mea i hooholo ia:
Uku Loio Kuhina $12,000
" Kakauolelo 5,000
" Ilamuku 7,000
" Makai Nui o Hawaii 5,000
" " " Maui 5,000
" " " Kauai 4,000
" Kakauolelo Nui Hawaii 1,200
" " " Maui 1,200
Ma ke noi a ka Loio Kuhina, ua kapaeia na itamu ekolu p ma uku Loio Aupuni no Hawaii, Maui me Kauai, $4,000 pakahi ua kapae loa ia a hooholo hou ia na itamu penei:
Hopu ana i na Lawehala $5000
Kela me keia lilo 2,000
Na lilo o na Aha Koronero 1,200
Pualikoa, haawina kuikawa e hoolilo ia ana ma ke kauoha a ka Moi iloko o ka Aha Kuhina 60,000
Ma ke noi, ua hoopauia ke komite a hoopanee ka hale.
La hana 45, Poaha, Iune 29, 1882
Na Olelo Hooholo
Na Kalua he olelo hooholo, o ka poe a pau e malama ana i kekahi oihana aupuni oia ka poe e noho nei ma na aina i lilo ole i kupa Hawaii, e hoopaaia ko lakou uku makahiki a e hoopau ia lakou mai ka oihana. Waiho ia i ke komite wae, Kapena, Kalua, Kipikona, Kaluhi, Kauai.
Na Pahia he olelo hooholo, i 500,000 no ke kupili ana i manuwa kaua no ke pale ana i na enemi ma ka moana. Hoopanee loa ia.
Na Kauwila he olelo hooholo, e hoomahuahua ia ka uku o na laweleta mai Hilo, Puna, Waiohinu i 18.00 dala no ka pule. Hoopaneeia.
Hoolaha mai o Aholo i kona manao e lawe mai ai he bila kanawai no ka hoomaopopo ana i ka manawa e lawe ia kekahi hoopii haalele hana.
Na Hana o ka La
Heluhelu ekolu ana o ke Kanawai e hoomahuahua ana i ka uku hoomau no ka Moiwahine Kanemake Ema i $2,000 hou no na makahiki elua e hoohuna aku me kona uku hoomau i hoohoioia. Hoholo loa ia.
Heluhelu elua ana o ke Kanawai e loaa ai ka Hooko pono loa ana i ka Oihana malama Ola, no ka
Lehulehu, a ma ke noi a ke alii Kapena ua noho ka hale iloko e ke komite holookoa o ka hale.
Noi mai o Aholo e hoopau i ke Komite a e haawiia i ke Komite malama Ola. Hooholo ia a haawi ia i ke Komite malama Ola.
Heluhelu elua ana o ke Kanawai e hoololi ana i ka pauku 1 mokuna 18 o na Kanawai o 1874. Waihoia i ke komite Hookolokolo.
Heluhelu elua ana o ke Kanawai e hoololi ana i ka pauku 3 o na Kanawai o 1878 e pili ana i na palapala ae holo. Waihoia no ke Kakaupoepoe a heluhelu ekolu ma ka Poaono.
Hoomaha ka hale a hora 1:30; hora 1:30 noho hou ka hale.
Heluhelu elua ana o ke Kanawai e hoololi ana i na pauku 64,65,66, Kanawai Kivila e pili ana i na laikini. Waiho ia no ke Kakaupoepoe a heluhelu ekolu ma Poano.
Heluhelu elua ana o ke Kanawai e hoololi ana i ka mokuna 7 e pili ana i ke Kanawai Mookuahau o na Alii. Waioia i ke komite wae, Aholo, Kaunamano, Mahoe, Palohau, Kuhina Kalaiaina.
[E nana ma ka Aoao 4.]
MAIKAI KA HOI KA PAPA
--A ME--
KA LAAU O KOU HALE
NO HEA LA?
KAI NO HOI NO KAHI O
WAILA MA !
Nana aku no hoi ia la
Uhi ka lo o ka Laau o Makawao
I ka ua mea hoi o ka nea
Na Papa! Na Papa
--A ME--
NA PONO KUKULU HALE
O NA ANO NO A PAAU
Aia ma ke kihi o na
ALANUI PAPU me MOIWAHINE
HONOLULU
MALAILA E LOAA AI
E LIKE me ka MAKEMAKE
--NO KE--
KUMUKUAI MAKEPONO LOA
PAPA, PAPA, PAPA,
Na Papa Huluhulu,
Na Papa Mahoanoa
Na Papa i kahiia!
Na Papa Kepa,
Papa Hoie Keokeo,
Papa Hoie Ulaula.
NA LAAU, NA LAAU
Na Kua,
Na Kaola
Na Aaho,
Na Molina
Na Peapea,
Pine Huluhulu
Pine i kahua
NA Papa a me na Laau; Ulaula
Pili ulaula,
Pili Keokeo,
Pani Puka,
Pani Puka Aniani,
1 Puka Aniani,
Puka Olepelepe.
PENA O NA ANO A PAU
Hulu Pena mai ka Liilii a ke Nui,
Aila Pena,
Aila Hoomaioo,
Waniti, Pate.
NA LAKO O KELA A ME KEIA ANO
Na Ami Puka Hale
Na Ami Puka Pa.
ANIANI !
Pepa Hale a me na Lihilihi
E LOAA NO MALAILA
PAAKAI HELU I O KAKAAKO me PUULOA
No ke Dala Kuike, e poaa no na mea a pau i hai ia ae la, no ke Kumukuai Ema loa. O na kauoha mai Hawaii a Niihau, e loaa aku no ia lakou, e hooko koke ia ne ia me ka lawa pono. E kpa nui ilaila i ike i ka oiaio. 906 tf