Ka Nupepa Kuokoa, Volume XXI, Number 26, 1 July 1882 — Page 1
| This text was transcribed by: | Kamaka Meringolo |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXI. HELU 26} POAONO.IULAI 1, 1882 {NA HELU A PAU 1074.
KA MOOLELO
–O–
ONILA MAKA !
KA MAKAI KIU KAULANA
–O–
ENELANI !
–A O KA MEA–
POHIHIHI O KA 1868.
MOKUNA XVI.
Kekahi mea kupaianaha i ikeia iloko o keia hihia–Kui o Ionakana–He kahua kahiko–Hoouna'a i ka halepaahao kahi elemakule ole wale–Makehewa ka ninau ana–He lono ano e–Ike o Onila Maka i kona ano iho–He mau Makai Kiu e @ ana i kekahi Makai Kiu– He halawai kupaianaha iloko o ka halepaahao.
I LOKO o ka wa a ka Makai Nui e ninaninau ana, ua ano e ae la na helehelena o Ionakana, a ua hele hoi oia a pihoihoi.
Ua haikea ae la kona mau papalina, a e @alulu ana hoi kona mau lehelehe me ka @ launa ole o kona mau maka.
I ka wa a ka Loio Apana i olelo aku ai: @ hoopaahau ana au ia oe! ua pane koke @ la o Ionakana:
Aole i maoppo ia'u kou kuleana e hiki ai @ oe ke hoopaahao i keia kanaka!
I ka lohe ana o ke anaina i keia mau olelo a Ionakana, ua kahaha loa ko lakou mau @, oiai, ua manao lakou oia ka mea i ku@ e hooikaika no keia hana, i loaa ai hoi ka poe nana i hoomainoino kana @, a @ la hoi ka makamua i kupono e apono no @ hoopaahao ia ana o keia kanaka, aka aole nae pela.
Kuemi hope aku la ka Loio Apana i kona lohe ana i keia mau olelo a pane mai la:
Aole e hiki ia'u ke hoomaopopo pono i ka @ o kau mau olelo e Ionakana. Ua lana kuu manao, he mau hoike ikaika loa keia a @ ai ke hoopaahao ia keia kanaka e ku nei.
Ke manao nei au, he hana ku i ka hilahila ka hoopaahao ana aku i keia kanaka.
Ua kuhi au o oe la ka makamua o na kanaka e apono mai aka me ka manao hauoli @ ka hoopaaia o keia kanaka.
Aka, aole nae i kulike ko'u manao me kou ma ka hoopaahao ana aku i keia kanaka wahi a Ionakana.
Kupaianaha maole keia wahi a ka Makai Nui. Oiai, ua lawa keia mau ike e hiki ai i kekahi o na Aha Kiekie ke kau mai i ka hoopai ehaeha maluna ona.
Ma ke kumu hea?
Ma ke kumu pepehikanaka.
A owai ia mea i pepehiia?
Ke kane hoopalau a ko hanai o Mariona Adeline.
O Hale Keleneka?
E.
Ia wa, aka ae la o Ionakana–aka, aole nae ia i aka ae me ka manao maikai–a pane hou aku la:
He hana wahahee wale iho no keia?
He wahahee ea! wahi a ka Loio Apana i pane aku ai me ka leo huhu.
E
Pehea oe i manao ai he hana wahahee keia?
No ka mea, aohe kumu kupono e hiki ai ia kakou ke manaoio aku ua pepehiia o Hale Ke eneka. No'u iho, ke manao nei au, eia no oia ke ola nei me ke kino ikaika.
Kuhikuhi aku la ka Loio Apana i na aahu i oki loa i ke koko e waiho ana iluna o ke pakaukau, a ninau aku la:
Aole anei ou manaoio no ua kanaka opio la keia aikala?
Nona no.
Aole anei ou manaoio i ka ike a keia poe makai ekolu, no na mea e pili ana i ka loaa ana aku o keia mau aahu i oki loa i ke koko?
Ua manaoio au.
Alaila ke paa nei no kou manao aole i pepehiia o Hale Keleneka?
Ae.
Ina pela, pehea la e hiki ole ai ia oe ke hoike mai no keia nalowale kupaianaha ana o Hale, oiai, ke waiho mai nei na hoike oiaio no ka pepehi kanaka.
Meha iho la ke anaina mai o a o.
Alaila, aka hou ae la o Ionakana mamua o kona pane ana aku, aka, me ka leo ano henehene pane mai la oia:
Ua lana kuu manao, ua hiki no ia Hale Heleneka ke hoakaka mai no na mea e pili ana i keia mau hoike o ka pepehi kanaka a me kahi i lo@a mai ai.
Alaila, ke paa nei kou manao maluna o ke kahua mua; eia hoi, ua mahuka aku o Hale Keleneka me ke kumu ole?
Ae.
Alaila, e i hou mai ana paha oe, nana no keia mau mea e hana nei, i wahi e nalo ai ka hewa uuku o kona mahuka ana mai kana wahine hoopalau aku ea?
Ae.
Noho malie iho la ka Loio Apana me ka noonoo nui no kekahi mau minute a pane aku la:
Aole i kulike ko'u manao me kou manao kohokoho e Ionakana, a e haule hope auanei paha au ma ka'u oihana ke hooko au i kou mau manao kohokoho. Nolaila, ke hoopaa nei au i keia kanaka maluna o ke kumu "He mea i manao wale ia ua hana i ka hewa pepehi kanaka," a ia'u hoi e hana ai pela, ke manao nei au ua hooko au i ka mana o ka'u oihana.
I ka pau ana ae o keia mau olelo a ka Loio Apana, ua paipai like ae la ke anaina no ko lakou mahalo iaia no kana mau olelo naauao.
Kauoha koke ae la ka Loio Apana i ka makai e hoopaa aku i ka Makai Kiu.
Hooko koke ae la ka makai i kana hana ma ke kalele ana aku o kona lima iluna o kona poohiwi a pane aku la, He pio oe na'u.
He mau hora wale no mamua aku, e hoomau ana o Onila Maka i ka huli i ka poe hana hewa, aka, ano, ke laweia nei nae oia e hoopaahao no ka hewa i hai i nana ai.
Mahope o ka paa ana o Onila Maka, ua hoi aku la kela a me keia ma ko lakou mau home iho, a ua lilo noi na hana oia po i mea kamailio na kela a me keia a puni ka aina.
Na ia po no hoi e noho ana ka poe hoolaha nupepa, a ma ke kakahiaka ae o kekahi la, puka mai la na nupepa puka la me na mea hou e pili ana i ka pepehi kanaka.
Mahope iho o ko Onila Maka laweia ana aku ma ka halekula aku a i ka halepaahao, ua hele aku ka Loio Apana e ike iaia ma kona keena a e ninaninau hoi no na mea e pili ana i keia hihia.
Aka, aole nae oia i pane aku i kana mau ninau, a ma ka nana aku hoi i kona mau ano a pau, me he mea la, ua hana no oia i ke karaima.
Ma ka nanaina nae o kona mau onohi maka e hoike mai ana i ka hauoli o kona puuwai, a ai iho la oia i kona aina ahiahi me ka naau mama.
Ma kekahi kakahiaka ae, ua laweia mai la kekahi o na nupepa puka la malalo o kana kauoha, a mawaena hoi o na mea hou ano nui o ka la i hala, halawaio iho la ka ike a kona mau maka no na hoakaka e pili ana i kona ano; a penai no ia:
"He mea hiki ole ia makou ke hoike uku i ke one hanau o ka mea i hoopaa ia ae inehinei, no ka mea, aole oia i hoike mai i kona one hanau i kona wa i ninau ia aku ai. Aka, ua manao wale ia nae, he koko Ilikini a i ole he koko negero iloko o kona mau a@, no ka mea he uliuli kona lauoho i akoia a pokopoko, a ua ano like hoi ka eleele o kona helehelena me ko na Ilikini; aka, he nui wale nae o na kanaka Maiata i ano like aku me ko keia pio mau helehelena.
Aole no hoi i lilo loa kona mau helehelena i ka pupuka loa, aka ma kona mau onohi maka nae ka hu@ o ka inaina, aka ke hakilo pono aku nae kekahi iaia a puni, e koho koke no auanei kona manao, ua kupono oia no na hana karaima, e like me kona hihia (i manao wale ia) i hooopaa ia mai la."
I ka Makai Kiu e heluhelu ana i keia moolelo e pili ana i kona ano, mino aka iho la oia me ka manao hauoli, a puana ae la: Maikai ka hoi keia mau moakaka e pili ana i ko'u mau helehelena.
He oiaio, ua piha hauoli @a ka Makai Kiu no na mea i hoakakaia e pili ana no kona ano e like me ia i hoolaha ia ae la imua o ke akea.
Ua hoike mua aku makou, he kanaka hoomanawanui, akamai a me ka maalea o Onila Maka, a oiai hoi oia iloko o keia kulana, me ka manao aku ua haulehia kona akamai, aka, aole nae pela, oiai, e hana ana oia i kekahi hana kamahao loa nana i hookahaha aku ka naau o ka lehulehu a puni ka aina.
Oiai, e hoike ana kela a me keia i kana ike iho e pili ana no na helehelena o keia kanaka, aka, aole nae hookahi mawaena o lakou i hai i ka oiaio, nolaila, ua nana aku ka lehulehu maluna ona, ma ke ano he kanaka i haulehia iloko o kekahi o na karaima kiekie o keia ao holomua.
O na mea nae i lilo i mea kamailio nui i aoia no kona akamai ma ka hoano e ana iaia iho.
O kekahi moolelo kamahao i kamailio nui ia e na kanaka oia wahi, oia no ka lua ole o kona akamai ma ka hoano e a@a iaia iho iloko o ka ululaau mai kahi Olelo e aeahaukae a i kahi elemakule.
Aka, o ka mea kamahao loa paha, oia hoi keia, i ka wa i hoikeia ae ai keia moolelo maluna ae, ua hoomanao ae la ka lehulehu ua ike mua no lakou iaia malalo o na hoa@o e he lehulehu, aka, aole nae e hiki ia lakou ke hooiaio pono i ka pololei o ka lakou ike.
Eia hoi kekahi, ua hoike ae kekahi poe me ka wiwo ole, ua ikeia kekahi kanaka Olelo e, i like na helehelena me na @akaka i hoikeia ae nei, e auwana hele ana ma ka la i manao ia ai ua pepehiia o Hale.
O kekahi poe hoi, ua ike no iaia maloko o ka ululaau ma kahi ona i hopu ia ai.
Aka, hookahi nae mea ano e iloko o keia hana.
Oiai, ua hopu pio ia ka Makai Kiu maloko o kahi hale o Keaka Ilikine, me na aahu i oki loa i ke koko, aole nae hookahi huaolelo i hoopukaia no kona [Keaka Ilikini] inoa, mahope o kona paa ana maloko o ka halekula.
He lehulehu na manawa a ka Makai Nui i hoao ai e mihi mai ka lakou pio, aka aole nae oia i ae mai e kamailio ma ia mea.
A eia hoi keia mea kupaianaha, eia la ihea na aahu i oki loa i ke koko?
Oiai, ua imi ia o loko o ka ululaau a puni aohe nae he mea i loaa aku, aole no hoi no ka lole wale no ka lakou o ka imi ana, aka no ke kino kupapau pu kekahi.
Wawahiia ae la kahi hale o Keaka Ilikini a pau i ka nahaha, me ka eli pu ia o ke kahua o ka hale i ku ai no na a@na he lehulehu, aole no he loaa iki.
Mahope o ka hala ana o na la elua, me ka loaa ole o ka lakou mea i manao ai, hooholo iho la na kanaka e hoo@na i Nu Ioka i mau Makai Kiu akamai.
Aka, aole nae i maopopo ia lakou, ko lakua wa e hele mai ai; ma kekahi kakahiaka maikai nae, hoea mai la imua o ka Makai Nui elua mau kanaka helehelena maikai.
Ia laua i hiki aku ai iloko o ke keena o ka Makai Nui, au awiwi ae la @ ma o a maanei, a pane aku a i ka Makai Nui he mau Makai Kiu laua, aole nae e pono e lohe ia eia laua ilaila.
O ka laua noi mua i ka Makai Nui, oia hoi, a aeia mai laua e hele e ike i ka mea i hoopaa ia.
E hele pu aku no kakou wahi a ka Makai Nui, aka, pane aku la nae laua iaia e haawi mai i palapala a e komo no laua.
A haawi ia mai la.
He hapalua hora mahope iho o ko laua haalele ana aku i ka Makai Nui, hiki aku la laua nei ka halepaahao.
Ae ia aku la laua e komo.
Ua manao m@a laua e halawai ana laua me kekahi kanaka pupuka ino loa.
E like me ko laua ike ma ka laua oihana aole laua i manao nui i na lono lauahea e kamailio ia ana e ka lehulehu, aka, ua hilinai laua ma ko laua ike iho.
Aka, ike e iho la nae i ko laua kuhihewa, me ko laua hoomaopopo mua ole.
Aole i pau.
KA MOOLELO O KA
AHAOLELO
KAU KANAWAI
–O KA–
A. D. 1882.
La Hana 38, Poakolu, Iune 21, 1882.
Halawai ka Hale e like me ka mau. Heluheluia ka moolelo o ka la i hala a aponoia.
Na Olelo Hooholo.
Ma ke noi a Keau ua kapaeia na rula a heluhelu mai oia he palapala hoopii mai Honolulu e noi ana, o ka poe a pau e malama ana he @ a oi, e kauohaia lakou e hookaawale aku mawaho o na palena o ke kulanakauhale. Waihoia i ke komite malama ole.
Heluhelu mua mai o Aholo he bila kanawai e hoomaopopo ana aole e koiia na koina ma ka aoao o na paahana ma kekahi hihia.
Ma ke noi o Haupu ua kapaeia na rula a heluhelu alua ia ma ke poo; hooholoia a heluhelu alua ia a haawiia i ke komite hookolokolo.
NA HANA O KA LA.
Hapaiia ka noonoo ana no ka Bila Haawina imua o ke komite o ka hale.
Hoolawa me hoolako Hale Alii hou, $30,000; Halelio Alii, $15,000; waihoia i ke komite wae, Kuhina o ko na aina e, Bihopa, Richardson, Kaunamano, Rice.
Hoohoihoi hoopae limahana, $500,000; waihoia a noonoo pu me ka bila kanawai.
Alanui Pali Nuuanu, 45,000, hooholoia.
Ala@ moku no Honolulu, $50,000; hooholoia.
Hoomaha ka hale a hora 1:30; hoomaka hou hora 1:30.
Eli Punawai Waipipii, 25,000; waihoia i kekahi komite wae, Brown, Pilipo, Wilimana, Nakookoo, Nakaleka.
Paipu no ka Punawai Waipipii ma Makiki, $3,000; hooholoia.
Kuai Pa Aina Aliiolani Hale, $1,500; hooholoia.
Hoolimaoima no ka Pa Aliiolani Hale, $200; hooholoia.
Hoolimalima Alenui, $2,400; Hooholoia.
Lilo Koho Balota, $500; hooholoia.
Malama Ululaau, hoomaikai Aina no ka lehulehu, $12,000; kapae loa ia.
Auhau Alanui i hoolilo ia ma na apana i ohi ia ai, na loaa i manaoia, $86,000; hooholoia.
Ma ke noi ua hoopauia ke Komite, a aponoia ka hoike; a hoopanee ka hale.
La Hana 39; Poaha, Iune 22, 1882.
Halawai ka hale e like me ka mau. Heluheluia ka moolelo o ka la i hala a aponoia.
Hoike a na Komite mau.
Ma ke noi a Gardner ua kapaeia na rula a heluhelu mai oia he palapala hoopii mai Hana mai, e hoonoaia na Olana a me na laau kupono e ae e ulu ana maluna o na aina aupuni, i na kanaka Hawaii; waihoia i ke komite hookolokolo. 1 O no kula haole kuokoa, e lawe ke Aupuni nana e uku na lilo ma ke ano he kula aupuni. Waihoia i ke komite hoonaauao.
Na Olelo Hooholo.
No ke ano omaimai o ka Lunahoomalu o ke Komite Waiwai, ua hookohuia o Wilimana i Lunahoomalu; aponoia.
Hoolaha mai o Kauai e lawe mai ana oia he bila kanawai e hoololi ana i ka Pauku 3, 4, 5, 6, 7, 8, Mokuna 9, Kanawai Karaima.
Heluhelu mua mai o Kalua he kanawai e haawi ana i uku hoomau no Mrs. P Nahaolelua, i $300 no kela a me keia makahiki. Ma ke noi ua heluhelu alua ia mak ke poo a haawiia i ke komite ia lakou na bila uku hoomau mua.
Na Hana o ka La.
Bila Auhau.
No ka Ohi ana i na Auhau.
Pauku 54, 55, 56, 57, 58, 59, 60, 61, 62, 63, 64, 65, 66; ua hooholoia me na hoololi uuku.
Ma ke kapaeia ana o na rula, ua heluhelu mai o Keau he olelo hooholo e kauoha ana i ka Makai o ka Hale e kipaku i na Kakauolelo o ka NUPEPA KUOKOA me "Hawaiian Gazette" mai ka Ahaolelo aku, no ka hoopuka i kekahi olelo ku i ka hoohenehene i kekahi hoa o ka hale. Ma ka ninauia ana, ua hoopaneeia ka olelo hooholo; a hoopanee ka hale.
La Hana 40, Poalima, Iune 23, 1882.
Halawai ka Hale e like me ka mau. Heluheluia ka moolelo o ka la i hala a aponoia.
No ka hoike ole a na Komite Mau a me na Komite Wae, ua hapaiia.
Na Olelo Hooholo.
Heluhelu mua loa mai o Rice he bila kanawai ma ke poo, e hookapu ana i ka hookomo ana mai o ka waiona i Hawaii nei. Waihoia i ke komite pai.
Na Lahilahi he olelo hooholo e kauoha ana i ke Kuhina Waiwai e uku mai oia i ke Kakauolelo o ka hale i na dala he 500, no kela a me keia Lunamakaainana, no ka mea ua hooholoia e keia hale. Mahope o na hoopaapaa loihiia ana, ua hoopanee ia.
Hoolaha mai o Kaulukou e lawe mai ana oia he bila kanawai e hoololi ana i ka Pauku 3, 4, 5, 6, 7, Mokuna 9, Kanawai Karaima.
Heluhelu mai o Keau he olelo hooholo e hohoia i komite wae e hele aku i ka Moi a e hoike aku, ua makaukau'i ka Ahaolelo e hookuuia ma ka hora 12 o ka la apopo, Poaono, Iune 24. Ma ke noi ua kaheaia na ae a me na hoole. Hoole loa ia.
Hoomaha ka hale a hora 1:30; hoomaka hou hora 1:30.
Noi mai o Palohau e hapai hou ia ka noonoo o ka olelo hooholo a Lahilahi.
Kamailio mai o Aholo e hoopanee iki ka noonoo a ka la apopo, Poaono.
Kamailio mai o Keau eia oia ka ku nei malalo o na rula, oia hoi, ina e ninauia kekahi ninau imua o ka hale, alaila aole e hiki ke kamailio ia e kekahi hoa.
Hoole mai o Aholo aole he rula oia ano; hooiaio mai ka Paresidena i ka Aholo.
Kamailio mai ke Kuhina kalaiaina he mea makehewa ka hapai hou ia ana oia olelo hooholo.
Kamailio ikaika mai ke 'ili Kapena ma ka aoao kue i ka hapai hou ia ana o ka noonoo, a ma ka ninauia ana ua hooleia.
Na Hana o ka la.
Uku ia J W Kahuluna no ke ana ana i kekahi aina ma Puna $31.33, hooholoia.
Hoohoihoi Oihana Mahiai $3,000, hoopanee ia a lawe pu ia mai he Bila.
Keena Waiwai.
Uku o ke Kuhina…………………$12,000
Uku o ka Luna Buke Helu……6,000
Uku Luna Dute Nui………………7,000
Uku Hope Luna Dute Nui………5,000
Ua hoololi mai ka Hon Kaulukou i $4,000, hooholoia.
Ma ke noi, ua hoopanee ka hale a noho hou i ka hora 10 am apopo, Poaono.
La Hana 41, Poaono, Iune 24, 1882.
Halawai ka Hale e like me ka mau. Heluheluia ka moolelo o ka la i hala a aponoia.
Hoike a na Komite mau.
Hoike mai o Wilimana Lunahoomalu o ke komite aina aupuni me hana hou, e pili ana no ka palapala hoopii mai Makawao e pili ana i na aina aupuni; e waihoia ma ka papa. Aponoia ka hoike. 2 Palapala hoopii mai Makawao e kua@ na aina aupuni liilii i ka poe e pili koke ana me ia mau apana aina. Aponoia ka hoike. 3 Palapala hoopii mai Kauai e pili ana no ka hana hou ana i na uwapo malaila, a me ka palapala hoopii mai Honolulu, e hoomaemae ia na alanui mai Kamoiliili a hiki i Maunalua; ua noi mai e waihoia ma ka papa a noonoo pu me ka bila haawina.
Na Olelo Hooholo.
Na Pilipo he olelo hooholo e koho ka Peresidena i komite wae no ka imi ana i ka nui o na opiuma, a me ka nui o ka opiuma i kuaiia a me ka nui o na loaa; hooholoia a kohoia ke Kuhina Waiwai, Pilipo, Kalua, Lahilahi, Rice.
Na Lahilahi he olelo hooholo e kauoha ana i ka Makai o ka Hale me na Buke Kuhikuhi Kuleana Aina Aupuni i hooponopono hou ia; hooholoia.
Noi mai o Aholo e hapai hou ia ka noonoo ana no ka haawina o ka Hope Luna Dute Nui e like me ia ma ka bila haawina, hooholoia, a kaheaia na ae me na hoole, a hooleia ka $5,000 e like me ka bila.
Na paloha@ he olelo hooholo e kauoha ia ka Loio Kuhina e hoopii i ka Luna Dute Nui a me kona mau hope no ka malama opiuma.
Kamailio mai ke 'lii Kapena e hoopanee io ia ka olelo hooholo no ka mea he wahi olelo hooholo ano kama@.
Noi hou mai o Paloha@ e waiho ma ka papa; hooleia; a hap@.
Na Hana o ka La.
Kanawai Auhau, iloko o ke komite o ka hale.
Pauku 67, 68, 69, ua hooholoia me na hoololi; a hoopanee ka hale.
La hana 42, Poakahi, Iune 26, 1882.
Halawai ka hale e like me ka mau. Heluheluia ka moolelo o ka la i hala a aponoia.
Na Palapala Hoopii.
Na Kaunamano mai Hamakua, e noi ana e weheia ke alanui aupuni i paniia e Kuikahi a me J Bicknell, a me ke alanui aupuni ma Waipio. Waihoia i ka Loio Kuhina.
Na Haupu mai Hilo, e hookapuia na halekuai Bia ma ia apana, a e laikini ia lakou. Waihoia i ka Loio Kuhina.
Na Aiwohi mai Kohala e kukuluia i mau makeke kuai i'a ma ia apana. Waihoia i ke komite kalepa.
Na Rice he palapala hoopii mai kela a me keia apana e noi ana e hookapuia ka hookomo ana mai o ka wai@na. Waihoia ma ka papa a noonoo pu ia me ka bila.
Na Haupu mai Hilo aole e mo@ki na kanaka Hawaii i ko lakou mau aina i na haole, aka i ke Aupuni. Waihoia ma ka papa.
Na lilikalani mai Honolulu, mai kekahi mau hui kalepa, e noi ana e kauia i kanawai maluna o na hui kalepa i maluhia ai ko lakou mau waiwai. Waihoia i ke komite kalepa.
Na Palohau mai Hanalei, i $1,800 no ka hana hou ana i na alanui aupuni mai Waik@k@ a hiki i Haena. Waihoia i ke komite ia lakou na palapala hoopii o ia ano.
(E nana ma ka Aoao 3.)
MAIKAI KA HOI KA PAPA
–A ME–
KA LAAU O KOU HALE!
NO HEA LA?
KAI NO HOI NO KAHI O
WAILA MA !
Nana aku no hoi ia la
Ohi ka @o o ka Laau o Makawao
I ka ua mea hoi o ka nau
Na papa! Na Papa
–A ME–
NA PONO KUKULU HALE
O NA ANO NO A PAU
Aia ma ke kihi o na
ALANUI PAPU me MOIWAHINE
HONOLULU
MALAILA E LOAA AI
E LIKE ME KA MAKEMAKE
–NO KE–
KUMUKUAI MAKEPONO LOA
PAPA, PAPA, PAPA,
Na Papa Huluhulu,
Na Papa Manoanoa
Na Papa i kahiia
Na papa Kepa.
Papa Hole Keokeo.
Papa Hole Ulaula.
NA LAAU, NA LAAU
Na Kua,
Na Kaola,
Na Aahu,
Na Molina
Na P@p@
Pine Huluhulu
Pine i kah@
NA Papa a me na Lana @
Pili Ulaula,
Pili Keokeo,
Pani Puka,
Pani Puka Aniani,
Ipuka Aniani,
Puka Olepelepe.
PENA O NA ANO A PAU
Hulu Pena mai ka Liilii a ke nui,
Aila Pena,
Aila Hoomaloo,
Waniti, Pate.
NA LAKO O KELA A ME KEIA ANO
Na Ami Puka Hale.
Na Ami Puka Pa.
ANIANI!
Pepa Hale a me na Lihilih
E LOAA NO MALAILA.
PAAKAI HELU 1 O KAKAAKO me PUULOA
No ke Dala Kuike, e loaa no na mea a pau i hai ia ae la, no ke Kumukuai Emi loa. O na kauoha mai Hawaii a Niihau, e loaa aku no ia lakou, e hooko koke ia no ia me ka lawa pono. E kipa nui ilaila i ike ika oiaio. 905 tf