Ka Nupepa Kuokoa, Volume XXI, Number 22, 3 Iune 1882 — Page 4
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
1 HUHA.
No ka Makahiki. $2. Eono Mahina, $1
Daia Kuike ka Rula.
PIAONO. IUNE 3, 1882.
HELE I O IESU LA.
Come to the Savior.
Gospel Hyms. No 62.
1
Hea Iesu la. e na pokii.
Huli ano la. mai hoopanee.
Eia no Oia a kena.
Ku, ku a helemai.
Cho. Oli, oli ma ka heie ae;
A loaa ke ano hou maikai.
A hui ae ia me Iesu e
Ma kani hime ainu.
2
Huli na keiki. hoolohe e,
Huli ano i ka wa maikai.
Koho ia Iesu i ola e.
Ku, ku a hele mai.
Cho Oli, oli, &c.
3
Noonoo ano la, eia Iesu,
E ao mai na, malama no.
Hea mamua, a hea hou,
Ku, ku a hele mai.
Cho. Oli, oli, &c.
Hawaii.
Haawina Kula Sabati,
HELU 12. SABATI, IUNE. 18
KUMUHNA.
Ka mea manaoio ano kamalii. Pauku Baibala. Mar. 9;33 - 50.
33 A hele aku la lakou i Kaperenauma, a i Kona noho ana iloko o ka hale, alaila, ninau mai la Oia ia lakou. Heaha ka oukou i kamailio ai ma ke alaloa?
34 Aole lakou i ekenu ike aku, no ka mea ua kamailio lakou ia lakou ma ke alaloa, i ka mea o lakou i oi mamua.
35 Noho iho la ia, a kahea mai la i ka poe umikumamalua, i mai la Kela ia lakou. Ina e manao kekahi kanaka, e oi ia mamua. e emi auanei ia mahope o na mea a pau, a e lilo no hoi i kauwa na na mea a pau.
36 Lawe ne la ia i kekahi keiki, hookuu iho la ia ia mawaenakonu o lakou; a i Kona hiipoi ana ia ia, i mai la ia ia lakou,
37 O ka mea e launa mai i kekahi keiki liilii, e like me ia nei, no Ko'u Inoa, oia ka mea launa mai la'u; a o ka mea launa mai la'u, aole ia i launa mai la'u wale no, aka, i ka mea nana Wau i hoouna mai nei.
38 Alaila olelo aku ia o Ioane ia la, i aku la, E ke Kumu, ua ike aku makou i kekahi mea e mahiki aku ana i na daimonio ma Kou Inoa, aole mae ia i hahai ia makou, a papa aku ia makou ia ia, no ka mea, aole ia i hahai ia makou.
39 I mai la Iesu, Mai papa aku ia ia, no ka mea. o ke kanaka nana i hana ka hana mana, ma o ke kanaka nana i hana ka hana mana, ma Ko'u Inoa, aole ia e hiki ke olelo ino No'u.
40 Oka mea ku eole aku ia kakou, no kakou hoi ia.
41 O ka mea haawi ia oukou i kekahi kiaha wai-einu ma Ko'u Inoa, no ka mea, no Kristo oukou; he oiaio Ka'u e hai aku nei ia oukou, aole loa ia e nele i ka ukuia.
42 A o ka mea hoohihia mai i kekahi o ka poe liilii nana Wau e manaoio mai nei, e aho nona, ke nakinakiia ka pohaku wili palaoa ma kona a-i, a e hooleiia aku ia iloko o ke kai.
43 A ina e hoohihia mai kou lima akau ia oe, e oki ae; e aho nou ke kumo mumuku aku iloko o ke ola, i ke kiolaia aku i gehena me na lima elua, i ke ahi pio ole:
44 A Kahi aole loa e make ko lakou ilo, aole loa hoi e pio ke ahi.
45 A ina e hoohihia mai kou wawae ia oe e oki ae; e aho nou ke komo oona aku iloko o ke ola, i ke kiola ia aku i gehena, me na wawae elua, i ke ahi pio ole:
46 kahi aole loa e make ko lakou ilo,aole loa hoi e pio ke ahi.
47 A ina e hoohihia mai kou maka ia oe, e poalo ae; no ka mea, e iho nou ke komo maka'hi iloko o ke ola. i ke kiola ia aku i ke ahi o gehena me na maka elua:
48 Kani aole loa e make ko lakou ilo, aole loa hui e pio ke ahi.
49 No ka mea, e kapiia lakou a pau i ke ahi, e like me ka mohai i kapiia i ka paakai.
50 He maikai ka piakai, aka ina i pau ka liu o ka paakai, pehea la ia e liu hou ai? E ao oukou, i loaa ka paakai iloko o oukou, a e kuikahi like oukou.
Pauku Gula. Isa. 57;15.
Manao nui. Ke ao nei ke Akua no Kona aloha ia kakou, e waiho aku i na mea e maki ai.
Na heluhelu la. 1. Mar. 9;33 - 50 2. Mat. 18;1 - 14. 3. Luk. 9;24 - 50. 4. J. Kor. 13;1 - 13. 5. Io. 2;1 - 19 6 Hoik 20;1 - 15. 7. Mat. 21;31 - 46.
Ka wehewehe me ka Ninau ana.
P. 33 - 37. Ia lewa e noho ana iloko o kahi hale, heaha Kana i ninau aku ai i na haumana? Ninau anei Oia no Kona ike ole? Aole paha. Ua ike Oia i na kamailio ana a pau ma ke alanui, a ma na wahi a pau. Mai hoopuka i na huaolelo pono ole. Lohe Kona pepeiao.
Aole lakou i ekemu. No ke aha? Hilahila ea? Hilahila paha oukou ke hai aku i na olelo pono ole i puka iwaho o ko oukou mau waha.
Heaha la ka lakou i kamailio ai ma ke alanui?
Pela paha oukou i kekahi manawa, kamailio, a ninau. owai ko kakou mea i oi? E loaa ana ia wai kahi hanohano, ka oihana luna helu, luna alanui?
Pehea ka Iesu ao ana no ka mea i makemake i lilo i mea oi? Ma ke aha Kana ao ana?
Hai mai Mat. 18;1 -5. Ua loaa anei ia ano haahaa? A loaa ole pehea?
Hoohaahaa Iesu ia la iho. E hoohalike me Ia.
P. 38 - 40. Heaha ka na haumana i ike ai a manao he pono ole? A pane aku Iesu pehea? Mai papa aku i kekahi i kana hai ana i ka ke Akua olelo no kona hui ole me oukou, no kona hoahanau ole ana, no kona hookahuna oieia. a no kona ekalesia like ole.
P. 41. Owai ka mea e nele ole ana i ka ukuia? Heaha ia hana? me ia uku? Mahea e ukuia ai? Ma ka lani ea.
P. 42 - 48. O ka mea hoohihi ia wai? Owai ka poe liilii? O ka mea ao hewa. alakai hewa, hoowalewale i kekahi keiki, a i kekahi hoahanau, e ahi nona ke aha?
Auwe? owai ka poe e pakele ana ia poino? Pehea ka pono? E mihi paha.
A pehea ke hoohihia mai ka lima, ka wawae, ka maka? heaha ke ano? heaha ka hoopai ke oki ole, poalo ole? he ilo aha? he ahi aha? Mau loa ke nahu; mau loa ka aa ana o ke ahi. Auwe! ka hope o ka poe hewa, o ka poe minamina a haalele ole i na hewa a pau. me ka hoopunahele ole ana i kekahi?
Mahea na pauku like?
P. 49,50. E kapiia lakou i ke ahi. Lakou ka poe i manao he poe haipule lakou, he mea hoao ke ahi i akaka ke dala io, he dala o ole paha. he mea hoi ke ahi e paa ai ka lanu i kukulu ia iloko o ka lepo me na pou hale, pou pa laau i ole e popopo koke. A o keia ahi ma keia pauku. oia na mea hoao i ke ano o ka haipule, he haipule io, he haipule io ole paha oia na mea hoowalewale, hooweliweli, hooluhu, hookaumaha &c. Kopi ia na mohai, oa io i ka paakai i ole e ino, i mau ka maikai. Ka paakai ma keia pauku, oia ka manaoio, aloha io.
Ina he manaoio, aloha io mamua, a mahope lilo ia i manaoio ole. i aloha io ole, pehea?
He mea ole ea.
Ina pau liu o ka paakai, he aha ka pono? Pehea ko oukou paakai, ko oukou manaoio, aloha mihi, &c?
Haawina no Iune 25. Ka hoi i Hope
MOOLELO O KA AHAHUI EKALESIA
O KAUAI,
Halawai ka ahahui ekalesia o ka mokupuni o Kauai ma Koloa, Apr 19 1882, hora 10 am.
Ma ka baloka ana ua koho ia o Rev J B Hanaike i lunahoomalu a me Rev J M Kealoha i hope kakauolelo, pule ka lunahoomalu.
Eia na lala i hele mai.
Ekalesia Kahu Elele.
Hanalei Kahele
Kilauea Mahoe
Anahola Meheula
Kapaa Kealoha Kaiwi
Lihue Hanaike Naehuelua
Koloa Kapahi Kekoa
Waimea Liwai Kanai
Na lala mau J W Smith a me R Puuki.
Koho ia o S C Damon, F W Damon, Ho Ah Pui. Dat Min me Kauakaokai, i mau hua kukakuka.
Hoike mai ke komite imi hana he mau kumuhana.
1 hapa hora haipule,
2 hoike kihapai,
3 heluhelu haawina
4 koho i komite hoike kihapai no ka halawai makohiki ma Honolulu.
5 ke koho ana i komite hoike i ka hana o keia aha no ka makahiki i hala
6 ke koho ana i na elele ekolu e hele i ka halawai no Honoluu
7 no ka hoole waiona
8 komite kaahele i ka mokupuni
9 na ekalesia kahu ole
10 no na kula Sabati.
Malama ia ka hapa hora haipule, koho ka aha ia Hansike i komite e hoike aku ai i na hana o keia aha i ka aha nui ma Honolulu. a o Mahoe i komite e hoike aku ai i na kihapai i ka aha nui ma Honolulu.
Hoopanee ka aha a hiki i ka hora 2 1 - 2 pm, pule o Mahoe.
Halawai hou ka aha, hora 2 1 - 2 pm. pule ka Lunahoomalu.
Hapaiina ke kumuhana ekolu, a na Kealoha, Mahoe, Hanaike a me Kapahi na lakou uo i heluhelu mai i na hoike no ko lakou mau hihapai.
Kohoia o Kahele, Meheula a me Kekoa i mau elele no keia aha e hele ai i ka ah hui nui ma Honolulu, a o Panui, Kanakoakai a me Naehuelua ko lakou ma hope.
Hoopaneeia ka hana a apapo hora 9 am, pule o Smith.
Halawai hou ka aha elike me ka hoopanee ana.
Malama ia ka hapa hora haipule, heluhelu ia ka moolelo o ka la i hala, a hoaponoia.
Na Meheula i heluhelu mai i ka hoike kihapai o Anahola, a na L Kauai i heluhelu mai i ke hoike a ka kihapai o Waimea.
Heluhelu mai o Mahoe i kona haawina, He hewa anei ka pule ia Maria?
Heluhelu mai o Kealoha i kona haawina. O ka palapala hemolele ua kakau ia e na kanaka hemolele i ka uluhia ana mai o ka Uhane Homelele pehea ia ke ia uluhia ana?
Na Hanaike i heluhelu mai i kona haawina, heaha ia ka wai ola i hoike ia ma lo. 4;10.11;
Na Kapahi i hoike mai i kona haawina, heaha na hewa e ao ia ai e na Moremona?
Na Smih i hoike mai i kona haawina. E wehewehe ia 1 Kor 1;10. no ke kea o Kristo.
Hapai ia ke kumuhana ewalu. a ma ke kuku ana, kohoia o Hanaike i komite e papapala aku ia Kalama a me Keaweamahi no ko laua hapai ana i ka hana euanelio ma Kauai nei, a koho ka ana ia Paulo. Kanakaokai i mea e hele koke iwaena o na ekalesia e paipai a e hoeuea mamua o ka hiki ana mai o Keaweamahi ma
Olelo hooholo i hooholoia, e noi aku keia aha i ka Papa Hawaii e kokua i ka ekalesia o Kapaa i 50 dala no ke ola o ko lakou kahu no keia makahiki, ua hoololoia.
Nui ia mai e hoopanee ka ahi a hora 2 pm, pule o Puuki.
Halawai hou ka aha e like me ka hoopanee ana, pule ka Lunahoomalu.
Hapaiia ke kumuhana ehiku. no ka hoole waiona, heluhelu ia mai kekahi olelo hoohoholo a hooholoia penei:
1 ke apono loa aku nei keia aha i na manao i hooholoia e ka ahahui mahiko ma Honolulu no ka hoopau ana i ke kuai ana o na waiona a pau ana Hawaii nei.
2 e hooikaika nui na lala a pau o keia aha e kokua i ka imi ana e hooholo ka Ahaolelo kau kanawai e papa loa ana i ka hookomo ia ana mai o na waiona mai na aina e mai ai Hawaii nei.
3 e hooikaika like no hoi keia e hoomauia na kanawai e ku nei no ka waiona, me ka hookomo ana i ka hoololi e kapu like ka hanu ana, kuai ana a hauwi i na waiona i na kanaka o na ano a pau loa ma Hawaii nei.
Kumuhana 9, koho ka aha ia Mahoe i komite no ka ekalesia o Waioli a ia Kealoha no ka ekalesia o Anahola, a o Kapahi no ka ekalesia o Waimea.
Kukakuka ka aha no na kumuhana 10. aole nae mea i hooholoia.
Hoike mai ke komite imi haawina no ka halawai hou aku, ua hooholoia penei:
Ua maemae anei ke kanaka i kona lilo ana i hoahanau, Puuki.
Heaha ke koi i hoike ia ma Mataio 3;10, Mahoe.
Mai hoopili ano e ia oukou me na hoomaloka, Kealoha.
Hiki anei i kekahi lewa uuku ke kalaia me ka mea e ae, aole me ke koko o Kristo, Hanaike.
O na hana kahiko a na kahuna lapaau Hawaii. ua kupono anei ia ka mea manaoio ia Kristo, Kapahi.
Heaha ke ano o ka olelo, kanu pu ai me Kristo ma ka bapetizo. rom 6;14. Smith.
Hoaponoia ka hoike a ke komite.
Ma ke noi, ua hoopanee ka aha a halawai hou ma Koloa i ka Poakolu 3 o Oka 1882. hora 10 am.
Heluhelu ia ka moolelo a hoaponoia, himeni ia ka himeni 182.
Pule ka Lunahoomalu a hoopanee ia ka halawai.
J M KEALOHA, Kokua Kakauolelo.
NU HOU O KONA AINA E.
Beritania.
Ua make mai nei kekahi haole kaulana o Enelani o Emekona kona inoa. Ua kaulana oia ma na hana kakau i like kona kulana akamai me ko Carlyle. Ua kaulana oia a puni ka honua nei, a mamuli o na iono no ko na make ana i hiki ae ma Amerika Huipuia ua komo iloko o kela a me keia pakahi na manao waiohia me ke kaumaha.
Ua olelo ia ua nalohia aku kona mau helehelena mai kona aina kulaiwi aku a kona aina hoi i haaheo mau ai no kekahi manawa loihi.
He heihei waapa nui kai malama ia mai nei ma ke kulanakauhale o Ladana, maluna o ka muliwai laumania o Thames mawaena o Hanaluna ka moho kaulana o ka honua neiru me Trickett a ua lilo ka hanohano o ka la ia Hanalana.
O ka lua iho la keia o na heihei waapa i malama ia ma Ladana i ke a makahiki mawaena o Hanalana, Trickett a me Boyd.
Ua hoike ae ka nupepa Herald o Ladana i keia mau lono malalo iho e pili ana no ka hoea ana o kekahi makeni ikaika maluna o ke kulanakauhale o Ladana me ka hoopoino ana i na hale a me na waiwai he nui, penei ua lono ia:
Ma ke kakahiaka o ka Poaonoka la 29 o Aperila ma ka hora 6 oke ahiahi, ua ike ia kekahi makani ikaika loa me ke kulanakauhale o Ladana.
Ua ikaika loa ku pa aoa o ka makani ma ka hema a me ke komohana o ke kulanakauhale i ke ahiahi a me ka po o ka Poaono, a ua laulaha ka hoopoino ia ana o he ula o na kanaka, oa hale a me na waiwai he nui wale.
Ma na pa kapili moku a me na wahi like. ua ulupa ia na moku a waiho ana ilalo, nui ka poino a me ka pilikia ma keia mau wahi pau i ka nohaha na moku e pili ana ma na uwapo, ili na moku e holo ana ma ke kowa o Dover.
Mawaena o na lono i laulaha ae ma Ladana, ua waiho aku kekahi o na Kuhina i kona hookohu ma ka waiho ana i kona manao imua o ka Aha Kuhina, aka no ka maopopo ole o na kumu kupono e ae ia ai kona noi, ua hooleia.
Farani - Amerika.
Ua hoohoio iho nei keia mau aupuni hoi o ka honua nei, e hana ia kekahi Kuikahi mawaena a laua no ka pomaikai a me ka holomua o na pihana pili kalepa mawaena o na oihana pili kalepa mawaena o laua. a e noho laua ma ke ano makamaka maikai.
Amerika Huopuia.
O na lono ano nui i loho ia mai keia aina nui a palapalapa, oia no na lono e pili ana no ka bila kanewai e papa loa ana i na pake ma ke komo aluka ana mai iloko o ka aina.
Ma na lono i bala hope ae nei. ua hoike ia iwaena e kakou na lono no ka ae ole ana o ka Peresidena Arthur e kakou i kona inoa malalo o ua bila nei a me ka haule o na manaolana o na aha kau kanawai a elua o Amerika.
Aka, ua lohe hou ia mai nei, ua hapai hou ia ua bila nei ma ke ano he hana i pau pono ole, a ua kuka ia me ke akahele loa, ua hoololi ia ae nei ke ano o ka bila.
Ma kahi e oleio ana no ka papa loa i ke komo ana mai o na pake. ua hookomo ia malailo no 10 makahiki e papa ia ai ko lakou komo ana mai, a o ke kapena o na ano moku a pau e hoolele ana i na pake a ae aku paha e lele lakou a hookahua maiona o ka aina ma ke ano paahana, me ka haawi ole ia aku kekahi mana iaia, e manaoia oia, ua uhaki ia e ia na rula a me ka mana o ke kanawai, a me ka hookolokolo ana a hoahewa ia oia, alaila aole e oi aku maluna o 500 dala no kela a me keia pake ana i lawe mai ai kona hoopai, a i ole ia e hoopaahao ia oia aole e emi malalo iho e hookahi makahiki.
O keia iho la na hoololi a me na hooponopono ana o ka bila kanawai e papa ana i ke komo ana o na pake ma Amerika Huipuia.
Ma Waikiki kai ae nei ua hanau mai la he kekikane na Malaea me Paakua.
Hoolaha Luakini o Manoa.
Ua paa a ke ku nei me ke kilakila ka luakini hou o Manoa.
O ka Poaha, Iune 15 1882, oia ka la e hoolaaia ai ua hale la no ka Haku, e hoomaka ana na hana ma ka hora 10 kakahiaka.
Papa Kuikuhi.
Himeni. . . . . .Mauna Pisega
Pule -
Himeni. . . . . .Home mau
Haiolelo Hoolaa -
Himeni -
Pule hookuu -
Na manao paipai.
Lulu dala no ke koena aie o ua hale nei.
Hookuu ana i ke anaina e noho ma ka
lanai ahaaina no ka hoopaa ana i na houpo
lewalewa.
Ma ka hora 7 o ke ahiahi ana iho e wehe
ia ana maloko o ua luakini la he aha mele
na na kamalii, e kokua ia ana me na haiolelo
mai kekahi poe mai i wae ia.
He 25 keneta ka uku komo no ua ahiahi
hauoli ala.
Ke konoia aku nei na hoakanaka e naue
mai e komo i ka hale o ke Akua Mana Loa,
a mai hoopoina hoi i kahi hipau o ke aloha,
lawe pu mai no a hoohaki ko kakou alu ana
i ua la ala, pau ae ke koena aie o ua hale la.
PAALUHI, Luna Kiai o Manoa
Mei 29 1882 1070 2t.
Aha Hookolokolo Apana Eha ko Hawaii Paeaina, ma ka
hooponopono waiwai. Imua o ka Lunakanawai Kaapuni ma
ke keena, ma ku hana. I ka hoo@ i kahu. no ke kiuo
a me ka waiwai o Charles Titcomb, na Kilauea Kauai, he
mea i oleloia. hiki ole ke malama kona waiwai. no ka e
nawaliwali o kona naau.
Ma ka heluhelu a me ka waiho ana mai o ka palapala noi a
Christian Bertelmann, e hoike mai ana no ka nawaliwali o ka
naau o C Titcomb a e noi ana e haawi ia ku palapala hooko
hu kaku no ke kino a ma ka waiwai o Titcomb i oleloia. i ua
Bertelmann la. ua kauoha ia o ka Poakolu. oia ka la 31 o Mei
1882 ma ka hora 10 kakahiaka, ma ka halehookolokolo ma
Lihue oia ka manawa a me kuhii kohoia no ku hoolohe ana i
ua noi ia, a ma ia manawa a ma ia wahi hoi, e hiki na ua
mea a pau i pili ke hele mai a hoike mai i ke kumu, ina he
kumu oiaio ko lakou, e ae ole ia ai ua noi la a o keia olelo
kanuha e hoolaha ia i ekolu pule, ma ka olelp Beritania ma ka
Hawaiian Gazette. a ma ka olelo Hawaii, ma ke Kuokoa he
mau nupepa ma Honolulu.
JACOB HARDY.
Lunakanawai Kaapuni Apana Eha
Kakauia ma Koloa, Aperila 29 1882. 1087 3t
PAPA KUHIKUHI MANAWA HOLO
- O KA -
MOKUMAHU HAWAII
"LIKELIKE,"
KAPENA KING.
AOLE AIE NO NA UKU OHOA?
Ke hooleia aku nei ka aie no ka uku ohua, a ke hiokeia aku
nei i ke akea, ina he mau paiki, ukana a puolo hooili ko lakou,
a pono e hoailona ia me ka moakaka lea. Aole no e ae ia ka
lawe ana i na ukana, paiki a puolo i hoailona ole ia ke ole e
kakoaia ka loaa ana mai.
HE KUIKE KA UKU UKANA.
Ma na ukana a pau o na makemake, e pono e uku mua ia.
A e hookoia no na kaueha no ka lawe a hiki i kahi i makenmake
ia. Ae malama ia no me ka makaala na ukana, paiki a
me na puolo, Ilo, pipi a me ka hoki.
E hoailona ia me ka moakaka na Pahu
Rama a me Waina.
O ka poe no lakou na ukana o keia ano, e pono e hoaliona ia
me ka moakaka, a i ole e kakauia me ka moakaka ka loaa ana
mai o ka poe no lakou keia mau waiwai.
O na koina no na pilikia a me na poho, e hono e hoike koke
ia mai iloko o ka malama hookahi.
Aole e aeia na hookele kaa, na keiki a me na mea like a
pii iluna o ka mokuahi i ka wa e pili mai ai i ka uapo, aia wale
no a pau na ohua oepakeke i ka lele.
No ka ake nui e hoopomaikai ia ka lehulehu kaahele, ua
hoololi ae nei na Ona o Likelike I ka Papa Hoike Manawa oia
Mokuahi e like me maluna.
Ma ka Hale Oihana e loaa’i na Palapala.
Aole Kaena o hope e lilo, ala wale no a kaa mua mai ka uku
moku. Aole e ili ka hewa no na paiki, ukana a puolo paha,
ke ole e kakauia ka loaa ana mai. E hookaaia ka uku ukana
i ka wa e nolia aku ai.
WAILA MA.
JNO. LOTA KAULUKOU.
LOIO A HE KOKUA.
Ua makaukau au e lawelawe i na hihia a pau o keia a me
keia ano iloko a na Aha Hookolakola a pau o keia Aupuni
Ua hiki no hoi ke hana i na palapala a pau e pili ana
ike Oihana Loio me ka eleu. E loaa no au ma Heeia Koolaupolo@
a ma Honolulu no hoi i @ manawa 901tf
S. B. DOLE.
HE LOIO A HE LUNA HOOIAIO PALAPALA.
E hiki no iaia ke lawelawe i na hihia o keia a me kela ano
imua o na Ahahookolokolo a pau o keia aupuni.
Keena hana ma Alanui Papa, maluna ae o ka Halekuai o
lakikini. Honolulu, Oahu, Iulai 10, 1880. 971 tf.
RICHARD F. BICKERTON.
[PEKETONA.]
LOIO a he KOKUA ma ke KANAWAI;
E HELE ANA OIA IMUA O NA AHAHOOKOLOKOLO
a pau o keia Aupuni ma na ano hihia a pau, ina paha me
Oahu nei, a ma na Mokupani a ae.
Ua makaukau mau oia i ka hana ana i na Palapala pili ka
auwai o kela a me keia ano.
Ua hiki no bof iaia ka hoale dala aku ma ka moraki ana ina
aloa, ma ka akupaneo haahaa loa.
E kauuia na hana me ka hikiwawe a ma ku aku haahaa
Keena hana, Helu 23 Alanui Kalepa, elua paka ma o aku e
ua hale kauka o Kauka Minatrole. 840 ly
JAMES M. MONSARRAT.
[MAUNAKEA.]
Loio a he Kokua ma ke Kanawai
IMUA O NA AHA HOOKOLOKOLO A PAU
o keia Aupuni. E lawelawe ana no hoi ma
ua hana pili i ka hooponopono waiwai, me ka
iwi ana i na palapala Sila Aina, ka hana ana i
ea Palapala Kuai, Hoolimalima a me ka hoaie
dala ana.
A HE LUNA HOOIAIO PALAPALA.
Keena hana helu 9 alanui Kaahumanu
Jan. 3, 1880 944lv
KO BIHOPA MA
BANAKO MALAM DALA!
E MALAMA NOMAUA IKE DALA O
na kanaka maloko o ka Banako, penei:
Ina hoomoe mai ke kanaka hookahi i na dala $300 a emi
mai paha, alaila, e aku mauai eono hapahaneri ukupanee
makahiki, mai ka ia o ka lawe ana mai a hiki i ka la o kona ohi
ana, ke waihoia ke dala hoomoe i ekolu malama a keu paha.
Aole ukupanee e helu ia no ka hakina e ke dala hookahi aole
no hoi no ka hapa malama
Ina i manao ke kanaka e ohi i kana dala, e pono ke hoike
mai oia ma ka Banako i kona manao ohi. i kanakolu la mamua
o kona ohi ana, a o kana buke kekahi kelaweia mai.
Ma ke kikoo wale no a ka mea dala e haawi ai kana,
ka Buke kekahi ke lawe mai.
Ma ka ia mua o Sepatemba kela makahiki a i keia. e
houluulu ai i ke dala, a e huipuia ke ukupanee me ke kimupaa
o na dala i hoomoeia no ma malama ekolu a keu, a mahuahua
ke kumupaa e loaa i ka ukupanee
Ina oi aku ke dala hoomoe mamua o $300, alaila, hoohoio
pu ka olelo. E weheia ka Hale Banako i na la hana a pau.
851 tf BISHOP & CO
He Nni Anei Kou Makemake i na
MEKINI HUMUHUMU LOLE!
Ina pela, alaila, e kipa mai no ma ka Halekuai o
KAKELA & KUKE.
A malaila oukou e ike ai a makaikai i na ano
MEKINI a WHEEELER a me WILSON
mai ke $40 a hiki i ke $50 ke kumukuai o
ka mea hookahi.
NA MEI NI A SINGER,
make $50 pakahi, me ke ano
MEKINI a WILCOX me GIBBS,
ma ke $30 a hiki i ke $50 ke kumuknai.
mea e pau ai ko oukou kanalua e na Makamaka no ke k
pono o keia mau Mekini, e naue mai no me ke
kuihe ole, a e ike no oukou iho.
628 tf
PAPA! PAPA!
- NO -
ALLEN & ROBINSON
UA WEHE AE NEI MAUA I
PA KUAI PAPA
- MA -
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena
NA KUI O NA ANO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE.
NA LAKO KUKULU HALE
O NA ANO A PAU!
E KUAIIA MA KE
KE KMUKUAI HAAHAA LOA
O keia Makeke.
ALLEN & ROBINSON
@
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
- E LAA NA -
Ahinahina, Kalakoa,
Keokeo, Leponalo,
Pena, Aila, Aniani.
HA MEA PIULA!
KOPA, AILA HONUA,
AILA HOOMALOO
Kui Kakia, Pakeke,
Tabu, Kaula, Noho Lio,
Hulu Palaki, nu Pulumi.
- A HE -
AGENA NO HOI NO NA MOKUPUNI O
HAWAII NEI NO NA
Lainakini-nao,
Lainakini Maoli,
Palule Kalakoa,
Alapia, Kelepa, Kilika,
Na lole kupono i ka wawae.
Palule Huluhulu,
Na Lole Huluhulu,
Na Lole no ka hoohehelo ana
Lipini, Lihilihi, &c.
LIPINE, HIHILIHI, &c.
- A ME NA -
Hikini Humuhumu Makepono Loa!
- A ME -
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
A he Laau Lapaau Kaulana Loa
A DR. JAYNES.
Laau Kono.
Laau Hoomaemae Koko,
Laau Hoopau Naio,
Penikila, Huaale
A ME NA LAAU HAMO, A PELA’KU
840 tf
PAPA, PAPA
AIA MA KAHI O
LEWERS & COOKE!
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia ano
Na Papa Nani a Paa no ke Kukulu
ana i na Hale!
Na Pani Puka, Na Puka Aniani,
Na Olepelepe, Na Pou, Na O-a.
Na Papa Hele, Na Papa Ku.
A me na Papa Moe nui loa
NA PILI OKA HALE
O NA ANO A PAU.
Na Pepa Hoonani, Na Pena o na Wai a pau.
Na Kui mai ke Nui a ka Makalii,
Na Ami Puka, Na Ami Puka Aniani
Na Ami o na ano a pau.
Na Aila Hoomaloo, he lehulehu wale,
Na Aila e ae o na ano a pau.
NA WAIVANIKI
- A ME NA -
WAI HOOHINUHINU NANI!
o na ano a pau loa.
NA BALAKI ANO. NUI WALE
A ke hai ia aku nei ka lono i na makamaka
pau, ua makaukau keia mau makamaka
o oukou e hoolawa aku ma
na mea a pau e pili ana,
ma ka laua oihana
- NO KA -
UKU HAAHAA LOA!
E like me ka mea e holo ana mawaena o
LAUA a me ka MEA KUAI.
E hele mai! E na Makamaka!
A e lawa no hoi ko oukou makemake
me ka oluolu a me ka maikai
846 tf