Ka Nupepa Kuokoa, Volume XXI, Number 18, 6 Mei 1882 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KU MAI

Ka Mokuai "Anjer Head."

$36,000      $36,000

Ma ke ku ana mai o keia mokuahi ua loaa mai ia'u

HE MA WAIWAI AAHU HOU.

Mai Nu Ioka, Kapalakiko, a mai Ladana mai ma Panama ae.

NA LOLE AAHU WAHINE NANILOA O NA ANO A PAU.

 

            Na Ki@ka, Veleveta, na Lole Hinuhinu Pakika, na Kinohinohi Lole, na Papa Aniani H@onani, o na waihooluu like ole, a me na mea a pau nani ai ke kilohi ana ku a ka maka.

            Ua lawe ia mai keia mau waiwai, a i wae noiau ia hoi e MISS SACHS, kaikaina o MRS. A.M. MELEKI, nana i kuai no ka hoolawa ana i na makemake a pau o na Lede o keia Paeaina.

 

A MAI KA

HUI INTERNATIONAL HOAHU AAHU KAULANA MAI,

Ua loaa loaa pu mai he mau Aahu piha a nani a paa no hoi no na Kanakamakua na Opio me na Kamalii. He Helu Ekahi keia no na

Kumukuai Haahaa a Waipahe loa!

            A i laweia mai no ka hoolawa ana i na anoi o ka poe a pau o keia Paemoku. Ke hoike pu aku nei ka mea ka inoa malalo, ua hoolaula hou ia ae na Mahele o k@@a Halekuai, ma ka hoolawa piha pono ana i na Kamaa Buti, na Kamaa Haahaa, na Kamaa Kiekie, na Li-kakini, &c., &c., o na ano hou loa a nani no hoi; no na Lede, na K@@numana na Opio Nohea a na aoao elua, a me na Kamaiki a kakou.

            Na Paikini Hou! He ano Kamaa Hou Loa, a he Nuhou, he oluolu a he nani Kaukaiwa kona hiona, e molio pono ia ai a "Kau ka Nuku o ka Manu i ka Pua Lehua," no na @ua o ka aoao Palupalu oia no ke

KAMAA ILIAHI LEO LE'A.

E PONO E HOAO NA LEDE!!

            Ua wehia keia mau waiwai a pau, a ua makaukau na Kupakako akahui a oluolu e ho@keike aku i ka poe a pau e makemake ana e ike.

A.M. MELLIS, MELEKI.

Hale Hoahu Aahu o Honolulu, 104 Alanui Papa, Huina o Burua  Apr. 12-tf

 

E NANA I KA NU HOU MAIKAI

MA KA HALEKUAI O

CHARLES J. FISHEL!

KIHI O NA ALA@I PAPU ME HOTELE.

Me he Haawi Wale la ke ano

NO KEIA MAU LA AKU HE KANAKOLU.

E Kuai Hoopakika aku ana Au i na Lole Maikai a pau o Ko'a H@lek@@i, oia hoi:

            Na LOLE KOMO,

                        Na KAMAA BUTI,

                                    Na KAMAA MAOLI,

                                    Na PAPLE,

                                                Na PAPLE KAPU,

                                                            A pela aku.

MA NA KUMUKUAI MAKEPONO LOA.

EI AE NO HOI KE LAWELA MAI NEI I KA MOANA MAI NU IOKA MAI,

He 37 Pahu Lole,

A e holo aku ana hoi au i Amerika i keia mokuahi aku, e kuai ai i

Na Lole Hou Maikai Loa!

Nol@ll@ ka mea e kuai awiw@ia nei a e ka manao ole ia na lilo.

i kaawale ai he wai no

Na Lole Hou Maikai Loa!

A NO KO OUKOU WA E HELE MAI AI E KUAI,

E HELE MAI HOOKAI, A E HELE MAI NO A PAU,

                      CHARLES J. FISHEL,

1064 tf                                                Kihi o na Alanui Papu a me Hotele.

 

NU HOU            NU HOU.

NA WAIWAI HOU LOA.

NA PAKINI O KEIA AU,

E Loaa no ma ka Halekuai o

DILINAHAMA MA!

MA ALANUI PAU,

 

OIA NA WAIWAI MALALO IHO NEI;

Na Palau, Kaa Huilapalala, Kepala Piki, Oo, Koi, Koilipi, Na Hamare Kamana o na ano a pau. Na Mea Hans a na Kamana, Poe Hamo Puna, na Amara a me na mea hana o ka Poe Akeakami a pau.

Pena, Aila, Vaniki a me na Palaki, Pauda, Poka a me na hukaepele, Palaki uamo Puna. Pulumi, Pakeke, Kapu Holoi Lole a me na Papa Holoi Lole, na Ipu.ti, na Pa Palai. Na Makau Lawaina, na Aho Lawaia o na ano a pau, na Kaula o na ano a pau, na Pahi, O, ame na Puna.

 

A HE NUI AKU NO NA MEA I KOE.

I KUPONO NO KA HOOHIWAHIWA ANA I NA HALE.

I hiki ole ia makou mke huai pau aku, aka, na oukou no e hele mai a e hoonuu iho. O keia maluna ae, e loaa no ni@ ka Halekuai o

                                         DILINAHAMA MA,

10@@ 3m@                                                 Ma ka Helu 37, Alanui Papu.

 

KALE KULIKA,

Luna Hooiaio Palapala kuai,

MOLAKI A NE MA PALAPALA OIA ANO.

Luna Hooiaio Palapala Aelike @@waena

O na Haku a me na Kaewa.

Luna Haawi Palapala Mare.

Me ke kihi o ke Alanui Moiwahine @@ Kaahumanu, kula@a kauhale o Honolulu, ke Hawaii Pae Al@a.                                                                906 tf

 

MAKEMAKEIA.

            Ua makemake ia ka poe me ILI KAO MALOO a me na ILI BIBI, a pela hoi me na ILI MIKO o na ano a apu, e kuai mai i ko lakou mau ILI me kakou, a me haawi no makou i ke KUMUKUAI KIEKIE LOA o ko kakou Makeke.

            C BREWER & CO. (Burua Ma.)

 

KA MOOLELO O KE KAU

AHAOLELO

KAU KANAWAI

O KA

A.D. 1882.

 

L@h@a@@l, Aperila 29 1882.

            Halawa k@ H@le Ahaolelo ma ka hora 12, e like me ka Olelo Kuahaua a ke 'Lii ka Moi.

            Hoolohe ka Ha@@i ka Ha@@lelo A@@, e pili @n@ i ka we@e @ ana o ka Hale Ahaolelo.

 

E NA 'LII A ME KA POEKOHOIA:

 

            Mai ka hookuu ia ana o ka Ahaolelo ma ka mahina o Augate, makahiki 1880 i hala, ua loohia kekahi mau wahi o Ko'u Aupuni i ka poino i ka mai luku puupuu hebera. Aka hoi, mamuli o ka hooikaika ana a ka Papa Ola ma ke kinai ana i ka mai i emi mai ai ka luku nui ana, a ua pahola wale ae no ma na Mokupuni o Oahu a me Kauai, a ma Kauai mamuli o ka hoomalu ikaika i kaohi ia mai ai ka laha loa ana o ka mai. He mea hauoli Ia'u i keia wa i ka hooia ana aku i na hooikaika a na Luna Aupuni ma ka lawelawe ana a lakou i keia oihana nui iloko o na la kupilikii o ka mai, a me ka hui manawalea pu ana mai hoi kekahi o na kanaka e ae mawaho i kokua pu i na hanai kanahai mai ai ka laha ana o ka luku a ka Mai Ahulau.

            Ua mau no ko kakou noho ana a me ka launa maikai ana me na Aupuni o ko na aina e. Mamuli o ka makemake a me ka anoai o ke Aupuni o ka Emepera o Iapana, ua hooponopono ia kekahi mau hoololi ma ke Kuikahi me ia Aupuni, aka, ma ke ano o na launa Aupuni ana oia Aupuni me na Aupuni nui e ae, us noonoo ke Aupuni o Iapana e waiho iki i ka hooholo loa ana i na hoololi o ke Kuikahi i keia wa no ka manawa, a nolaila i hoouna mai ai ka Emepera o Iapana he Elele Aupuni ponoi i keia Aupuni e hoakaka no na mea e pili ana ia Oihana.

            Ua kuhohonu Ko'u mahalo i na hoohiwahiwa i hoikeia mai o Ko'u Lahuikanaka i Ko'u hoi ana mai, mai ko na Aina E. Ma Ka'u huakai e poai puni ana i ka honua, ua hookipa ia Au me ka lokomaikai nui a me ke aloha makamaka oiao e na Alii a me na Poo Aupuni o na aina A'u i kaahele ai. He me no hoi ia Na'u e huli ae ai ihope a e nana me ka hauoli nui i keia huakai hele A'u, a ke lana nei Ko'u manao, o na mea A'u i ike ai a i hoomaopopo ai, e hoaho ia no ka pomaikai o Ko'u Lahuikanaka.

            O na hua helu a Ko'u Kuhina Waiwai e waiho aku ai imua o oukou ma o kana Hoike, he hoike maopopo lea an no ia i ka holomua a me ko Kakou pomaikai ma na Oihana Mahiai, Kalepa Moana a me ke Kulana o ko Kakou Waiwai, i mahuahua nui ae mamuli o ke Kuikahi Panailike me ke Aupuni o Amerika Huipuia, ke Aupuni hoi e hooholo nui ia nei ko Kakou Kalepa Moana ana.

            O ka mea nui a ke Aupuni e hana aku ai i mea e hoomau ia aku ai ka Pomaikai i loaa ia Kakou, oia no ka hooponopono ana i ka Oihana Hoopae mai i na Lahui o kekahi mau aina e aku me ko lakou mau Ohana, e kupono ai ia lakou ka noho ana ma ko Kakou aina, ka Kakou mau Kanawai a i kupono hoi ke noho mai iwaena o ko Kakou Lahui Ponoi.

            Aka hoi, oiai, he ae Kakou i na lahui mai na wahi a pau o ka honua, o ka mea i kamaaina ia Kakou, e like me ka loihi i hoao ia ai a ua maa, ua ike ia o na Pukiki mai ka Mokupuni mai o Azoa, o lakou ka poe e hooko koke ia ai, a i kupono hoi no ko Kakou mau hana, a no na keakea i ulu ae no ka hoomau ia ana o ke ko@o ana mai o keia lahi iwaena o Kakou, nolaila ua hoo@na aku Au i Ko'u Kuhina Kalaiaina ka Mea Hanohano H.A.P. Carter, i ka malama o Dekemaba o kela makahiki i hala ae nei, e holo i Lisebona e hoao e hoopau i na pohihihi, me na Mana Piha e hana i Kuikahi me ke Alii ka Moi o Potugala, a ke manaolana ne Au e holopono ana kana mau hana.

            Ma keia mau Oihana Hoopae mai i na Lahui o na aina e a me ka lehulehu o na Hana Hou Kuloko a me ke Au holomua o ka noho ana o ka aina i kupono ai na hoolilo nui ana no na makahiki elua e hiki mai ana, a na Ko'u Kuhina Waiwai e noi aku ia oukou e hooholo kekahi o na Kanawai e apono ana i ka Aie ponoi aua, no ka Hoopae Kanaka a me na Hana Hou Kuloko nui e ae, e apono ia ai e ka Ahaolelo.

 

E NA 'LII A ME KA POEIKOHOIA:

 

            Me ka hoomaikai i ka Mea Mana Loa no na Pomaikai i loaa o keia Aupuni i ka wa i hala, ke manaolana nei Au. ma o ka Oukou noonoo akahele ana e hoomahuahua a e hoomau ia aku ai ka pomaikai mana wahi a pau o ke Aupuni.

            Ke kukala aku nei Makou, ua wehe ia ka Ahaolelo Kau Kanawai o ke Aupuni.

            Noi mai ka Hoa Kipikona o kohoia ke 'lii Bihopa i Peresidena no ka manawa, hooholoia.

            Noi hou mai ka o Kipikona, ua hoopanee ia ka hale a noho hou i ka Poakahi hora 10.

            Hoopanee ka hale.

                        La hana 2, Mei 1 1881.

            Hoomalu ia ka hale e ke Kakauolelo.

            Noi ka Hon Kipikona a ua kohoia ke alii Bihopa i Peresidena no ka manawa.

            Heluhelu ia ka moolelo o ka la i hala a aponoia.

            Kahea ia na inoa o na Luna makaainana.

            Ma ke noi a Kipikona, ua kohoia o Kipikona, Nawahi, a me ke Kuhina Limaikaika i komite wae no ka nana ana i na Palapala Hookohu o na Lunamakaainana, a hoike mai ke komite i ko lakou apana ana ia mau hokohu.

            A ma ke noi a Hon Kaunamano ua aponoia ka hike a ke komite.

            Noi ke alii Kamika a hoohiki ia na Lunamakaainana a me na alii hou o ka hale e ka Lunakanawai Keikie A F Judd.

            Hapai ka hale i ka noonoo ana i naluna o ka hale.

            Peresdidena, ke alii Rhode; Hope Peresidena, Aholo; Kakauolelo, E A Pierce Maheleoleo, Wilik@i; Makai o ka hale A N Tripp; Kahunapule, Kuaea; Elele, J D Holt, Un@hiolelo no na Bila Kanawai, H L Sheldon; Malama hale, Kimo Kukona.

            Ma ke noi a ka Hon Kipikona, ua kohoia keia komite Widemana, Kaae, Kipikona, Kaulukou, Pilipo, na ka pane ana aku i ka Haiolelo Alu.

            Noi mai ka Hon Nawahi, e lawe ia mai na Buke Rula o ka Hale e like me ka mea maa mau.

            Kapae ia na rula a heluhelu mai ke alii J O Dominis no ka mana@@@@@a i ka Bila Kanawai e kauoha @@@@@@a apana o Kaanapali i apana @@@@@koa.

            Noi ka Hon Aholo; a ua naawi ia i ke komite o hale, o ka Hon Nawahi ma ko noho, a ua heluhelu pakahiia na pauku, mahope o ke kuka ana ua hooholo loa ia ka bila.

            Hoopauia ke komite o ka hale, a aponoia ka hoike a ke komite, kauohaia ka bila no ke kakau poepoe a heluhelu akoluia.

            Noi ke alii Kaai, a hoopaneeia ka hale apopo hora 10.

            Hoopanee ka hale.

                        La hana 3, Mei 2 1882.

            Halawai ka hale ma ka hora 10 am, e like me ka hoopanee ana.

            Pule ke Kahunapule.

            Heluhelu ia ka moolelo o ka halawai i hala a aponoia.

 

Na Palapala Hoopii.

 

            No Hon Kamakele he palapala hoopii mai Makawao mai e noi ana e auhau ia na li@ ma ka hapa haneri, waihoia ma ka papa.

            Na Hon Kauai he palapala hoopii mai Waimea Kauai mai, e noi ana e hookaawaleia i $4,000 no ke alanui ma ka muliwai o Waimea, waihoia ma ka papa.

            Na Hon Mahoe he palapala hoopii mai Wailua mai e ana e hookaawale ia i $10,000 no ke kukulu hou ana i ka Halekula Kaikamahine o Wailua, haawiia i ke komite kupono.

            Na Hon Aiwohi he palapala hoopii mai Kohala mai e noi ana e wehe ia ke awa o Mahukona i awa kumoku, waiho ia ma ka papa a lawe mai ka luna i bila.

            Na Hon Gardner he hoopii mai Hana mai e noi ana e lawe ke Aupuni i na lilo o ka uapo o Kipahulu Maui hikina, a e hoihoi aku i ko T K Clark mau lilo, haawiia i ke komite kupono.

            Waiho mai ka Peresidena i na Komite Kumau.

            Komite o ko na Aina e, na Hons C R Bishop, A S Cleghorn, G W Pilipo, J Nawahi, J Gardner.

            Komite Waiwai, na Hons W M Gibson, J E Bush, J Nawahi, G E Richardson, J L Kaulukou.

            Komite Oihana Koa, na Hons J Mott Smith, J Moanauli, J Nakaleka, G B Palohau, S Aiwohi.

            Komite o na Aina Aupuni a me Hana hou, na Hons H A Widemann, F Pahia, J K Kaunamano, J Nakookoo, S K Kupihea.

            Komite malama Ola, na Hons G W Pilipo, A S Cleghorn, J I Dowsett, W M Kipikona, S K Mahoe.

            Komite Hoonaauao, na Hons J M Kapena, L Aholo, J Kauhano, J W Kalua, J Kaluhi.

            Komite Kalepa me Mahiai, na Hons S G Wilder, F Brown, E K Lilikala@@, P Haupu, J Kamakele.

            Komite o Buke Helu, na Hons F Brown, S K Kaai, D H Nahinu, H W Lahilahi, J Kauai.

            Komite o na Ahahookolokolo, na Hons J L Kaulukou, H A Widemann, J Kaae, L Aholo, J M Kauwila.

            Komite Hooiaio Kanawai, no Hons J O Dominis, J M Kapena, A S Cleghorn F Pahia, J W Kalua.

            Waiho mai ke Kuhina Waiwai i ka hoike a ke Kuhina Waiwai no na makahiki elua.

            Lawe ka hale i ka hoike,

            Waiho mai ke Kuhina Kalaiaina i ka hoike o ka Oihana Kalaiaina me ka hoiike a ka Papa Ola.

            Waihoia na hoike i ke komite kupono.

            Noi mai ka Hon Kaulukou a kohoia ke komite Pai Palapala, eia na lala o ke komite, Kaulukou, Kahina Waiwai a me ke alii Bush.

 

Na Hana o ka La

 

            Heluhelu akolu ia ka bila kanawai e kauoh@ ana e lilo ka apana Kaanapali i apana koho oko@.

            Noi ka Hon Mahoe a heluhelu ekolu ia ka bila ma ke poo.

            Noi ka Hon Aholo a hooholo loa ia ka bila.

            Hoopanee ka hale a hora 10.

 

HOOKAHI TAUSANI DALA MAKANA!

$1,000.00.

 

Iloko o na makahiki pokole i kaa hope ae ua mahuka mai o'u aku kuu waiwai a pau, NA AINA, NA HALE a me NA PONO E AE. O ke kumu o ko lakou mahuka ana, us hoowalewale ia me na hana hoopunipuni e kekahi mea i noho iloko o kuu ohana, o WAIONA kona inoa.

            E uku no au i ka makana i oleloia maluna, HOOKAHI TAUSANI DALA, i ka mea, a mau mea paha nana e hoihoi mai i ua mau pono nei o'u ma ko'u wahi noho.

            Na'u na                                                            Inu Rama.

 

E Hoolohe!

 

            O D.W. Aiwohi wale no kai aeia e Kakauinoa no na Dala i Hookaaia mai ma ke Keena o ka NUPEPA KUOKA.

 

NU HOU KULOKO.

 

            Ua lilo ae nei ia Kauka McGrew (Makaio) ka hoolimalima o ka Hotele Hawaii.

 

            E hoike ana ke Kula Hanai o Hilo i na pule hope o keia mahina.

           

Ua pau mai nei i ke ahi kekahi halekuai ma Honuapo, Kau.

 

            He eiwa ka nui o na lawehela i lawe ia aku maluna o ka mokuahi Likelike i ka Poalua nei o Hilo, no ka hookolokolo ana.

 

            Ua hopuia mai nei kekahi Pake malama halekuai ma Kapaa, Kauai, no ka hihia haawi waiona kaoaka. Ua hookolokolo ia a ua hoopaiia oia 500 dala.

 

            Ua noiia mai makou e kau leo aku i na Komite o ka ahaaina ma Kahakaaulana e akoakoa ae ma ka halawai i ka hora 8 o keia ahiahi, Mei 6.

 

            I ke kakahiaka Sabati aku nei i hiki mai ai na Hon. J Nawahi me S Aiwohi, na 'lii John Parker me H A Widemann, maluna o ka mokuahi Likelike.

 

            E halawai ana ka Ahahui Eoanelio o ko Hawaii Pae Aina ma Honolulu, i ka hora 10 o ka Paolua eiua, la 13 o Iune, 1882.

                                                A O Polepe, Kakauolelo.

 

            Maluna o ka mokuahi Likelike i ka Poalua nei i kau aku ai ka Lunakanawai B H Austin no Hilo, no ka malama ana i ke Kau Kiure Hookolokolo oia apana.

 

            Ma ka Poalua nei ke kuai kudala ia ana o na Hale Lio, na Lio a me na lako o ka Hotele Hawaii. Ua makemake ia e wawahi ia na hale lio a e kukul@ hou ia i mau hale noho ma ia kahua.

 

            Ke kono aku nei makou i ka oluolu o ka mea nana e hoonanea mai nei i ko makou poe heluhelu ma ke kakau ana i ka moolelo o Keaniniulaokalani, e hoomanao mai i ke koena o ka moolelo.

 

            Ua nui pilikia o ka Aha Hoomalu i keia mau la iho nei, no ke kaawale ana o ka maheleolelo Wilikoki i ke Keena Ahaolelo. I pono nae i ka ike o ka Lunakanawai i ka olelo Hawaii.

 

            Ma ka la Sabati nei, Apr 30, hanau ka wahine a J W Mikasobe, he Kaikamahine o ka elima ia o ka laua mau hua.

 

            E hoau ia ana ka hoikeike o na mea na ni a kahiko, wa ka hale kalepa o Mr. Kimo Campbell, ma ke kihi o na Alanui Papu me Moiwahine, ma ka po Poakahi. Ua nonoi ia ka Moi e hoau i ka hoikeike. Malaila pu ana hoi ka hui puhi ohe. No ka pono o ka Hui Waihona Buke keia mea hou. He kupono no na kamaaina e nana i keia e like hiki.

 

            E hoomanao na makemake a pau, e holo ana o "Hoku Ao" no Maiko@@@@@ i ka h@bed@ma mua o Iune. Noiaila e makaala i ka oukou mau leta, a hoouna e mai i ke Keena Buke o ka Papa Hawaii mam@i o kela manaw@.                           A O Polepe.

                                                                Kakau Leta Papa Hawaii.

 

            O kekahi o na haiolelo ku i ka eehia, oia ka haiolelo a Hon J W Kalua, ma Kaumakapili i ka Sabati i@@ nei, malalo o ke kumuhana "Hoole Waiona." Ua pau iaia na ino a me na hana hookiekie a ka rama. I keia manawa, wahi ana, ua kaawale ia kupu ino mai iaia aku.

 

            Ua hiki ae ma ka Hale Kauka o ka Papa Ola ma Kikihale, he kioaka he mai hanu paa. Aole he han@ ma kona ihu, aka, ma kona waha kona hanu. Ua kaha ia e ke Kauka a loaa ma kona akemana he mau io kahi i waiho ai a ua weheia a hemo, a ua hoi hou a ka mea mau ka hanu ana o ua kanaka nei. Pela ke lono. Eieu no.

 

            O ke Kia Hoomanao o Kamehameha I @ lawe ia mai ai e ke kapena o ke kalepa Dalhousie, a i kuaiia e ke Aupuni, ua kukulu ia iho nei ma ka pa ma Waikiki iho o ka Hale Aupuni. Ua kukuluia he wahi hale uuku a aia oia maloko o ua wahi hale nei  kahi i ku ai. Ua lohe ia, o ka manao o na Komite Hooponopono, e hana hou ia na hemahema a pau.

            Ua hoohalahala aku kekahi haole imua o na makai o keia kuianakauhale, na ka ainue ia ana he 105 dala maikoko aku o kona ekeeke oiai oia malalo o ka hoomaluhil@hi ia e ka waiona. Ua kuhi aku oia ua lilo kana mau dala i kona kokoolua e noho p@ ana ma ka rumi hookahi. M@ na o@o hope u@e ua hoike ia, aole i lilo kana mau dala i kona kokoolua, aka ua huni oia malalo o kona uluna a mahope o kona imi ana ua loaa.

 

            Maluna mai o ka mokuahi Iwalani i lohe ia ai, ua pephi iho la kekahi Pake i kona wahine me ka mainoino loa. Ma Kona Hema kahi i hana ia ai keia hana. Ua ano like keia lono i lohe @a iho nei, me na loaa e pili ana no ka pepehi mai@oi@o ana o kekahi Pake ma Kai@ua ae nei i Kana wahine, a makou i hoolaha mua aku ai. Weliweli maoli, pau ole maoli keia hana mawaena o kakou.

 

            He hauoli ko makou i ka hoike mau aku i na hana a ke poe mikiala. Pela kekahi mau makamaka, ua wehe ne lakou i ki Poaono i hala iho nei he hale hookipa no ka poe houpo lewalewa, he Hale Inu Kope Hou, ma Alanui Moi, ma Ewa o Kawaiaha o, malalo o ka inoa hui o Akika & Co. Ua kono ia na makamaka e naue ae, a e ike no lakou i na ono ku i ka mahalo i hoomakaukau ia.

 

            Ma ke ahiahi o ka Poaono i hala, ua hoohaiia ma ke @@@ @@l@ a @@ @@@@@ @@@ @ Rev. H H Paleka, o Mr. Thomas Poka Spencer ka loea nana i unuhi iho nei i ka moolelo kaulana o ka Haku Nelekona, me Miss Hattie Kelupaina Hoolulu, ma ka home o Mr. H L Sheldon ma ke alanui Ema. He nui ka poe hanohano i konoia, a malaila pu no hoi na Ulele hua metala. Ua maluhia a maikai na hana ma ia ahiahi a hoi aku la kela me keia me ka hauo@. Muanei ke haawi nei ke KUOKOA i na manaolana maikai me ke aloha i na paa @a@e, a ke puana nei me ka hauoli, "E ola aku no a kau i ka puaneane."

 

            Ma ke ahiahi o ka Poalua i loaa ai ka wai a nui loa o ka luawai a eliia nei ma Mililani, aka, aole i ikaika loa ka pii ana o ka wai iluna a i ka Poakolu nei. O ka hohonu o ka luawai i keia wa a loaa iho la ka wai, he 745 kapuai. O ke kiekie o ka pii ana o ka wai mai ka paipu ae, he 5 kapuai me 6 iniha. O ka loihi o ka eli ia ana o keia luawai he ekolu mahina a oi. Ua olelo@ o ka luawai o ka Moi ma Kehaulani Makiki, ka oi o ka ikaika o ka pii ana o ka wai iluna, aka, ua haole kona ikaika malalo o keia luawai. O ka luawai oi loa keia o ka ikaika o ka pii ana o ka wai iluna; a o ka luawai oi ola o ka hohonu e eli ia nei i keia wa a puni o Oahu nei, oia no ka luawai e eliia nei ma Leahi, no Kimo o Lahaina.

 

UA MAKEMAKE IA

            NA ILI BIPI,

                        NA KIWI BIPI,

                                    NA IWI BIPI,

            E haawi ia no ke kumuku@@ kiekie o ko kakou makeke nei e

H. Hackfeld & Co.

Honolulu Mei 22, 1880                                                    ly@@@

 

HALEPAI HOU.

 

            No ke pai ana i na ano a pau i makema keia e na kanaka, oia hoi:

            NA PALAPALA, NA BALOTA,

                        NA LIPINE I PAIIA ME NA HUA,

                                    NA PALAPALA KUHIKUHI HAAWINA,

                                                A ME NA OLELO HOOLAHA.

            O na ano Humuhumu Buke o kela a me keia ano, e humu ia me ka eleu a me ka maiau, ke hoounaia mai na kauoha ia

                                                Thos. G. Thrum,

                                                              (Kalamu)

1029 6m          Ma Alanui Kalepa, Honolulu.