Ka Nupepa Kuokoa, Volume XXI, Number 14, 8 ʻApelila 1882 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

KA HUI

LOLE AAHU NUI O KA HONUA NEI.

NU IOKA, LADANA, PARISA.

O KA HUINA PUU WAIWAI,

$3,000,000.

ARNOLD FITZGERALD, Peresidena.

A.M. MELLS, (MELEKI)

O KA

HALEKUAI LOLE AAHU NUI, OIA KA AGENA NO KA PAEAINA HAWAII

 

Ua hoomakaukau a ua hoopaa ka mea nona ka inoa malalo iho nei me ka Hui Nui i

@ ae ia, e hoolawa i na makamaka o Hawaii nei a puni me na lako aahu i hana mua

@ a ke kono aku nei i ka lehulehu e hele mai e nana a ike maka i na waiwai i loaa

@ mai nei ma ka moku D.C. Murray-oia hoi na Lole Paina o na kane, a me na Aahu

@ a me ka a ano.

                        NA AAHU SEKOTIA-NA KUKA.

                        NA AAHU SEKOTIA-NA LOLEWAWAE.

                        NA AAHU KUKA O KE ANO HOU LOA. HE MEA NUHOU.

            Na aahu na kanaka maka a me na kamalii o kela a me keia ano, maikai loa, a he

@ hou. Ua hanai keia mau aahu a pau no ka manao nui ia e hoolawa i na mea a pau

 @ Kulanakauhale a me na apana mawaho aku. He mau aahu no ka maemae a me ka nani a ua kii pololei @a aku a loaa mai ka hale hana lole mai; A HE MAKEPONO

LOA MALALO O NA MAKEPONO A PAU KE KUMUKUAI. malalo o na halekuai

e ae a pau o keia Kulanakauhale.

            N. B. He mau aahu a me na ano waiwai e ae o kela a me keia ano. ke waiho nei no @e kuai aku me ka

 

Uku Haahaa Loa!

A.M. MELEKI.

 

Halekuai Lole Nui o ke Kaona, ma ka Halepohaku Nui o Burua Ma,

            Helu 104. Alanui Papu. Jan 18t

 

KUAI HOEMI NUI, KUAI HOEMI NUI.

MA KA HALEKUAI O

CHARLES J. FISHEL !

KIHI O NA ALANUI PAPU ME HOTELE.

 

UA HIKI IA’U KE KUAI I KO’U MAU WAIWAI HOU A NANI I KO’U MAU

MAKAMAKA ME KA EMI I OI AE MAMUA O KEKAHI

MAU HALEKUAI E AE O HONOLULU NEI.

 

EIA MA KO’U HALEKUAI

He Heluna Nui o na Lako Aahu o na Kane a me na Kamaiki,

NA KAMAA

PAPALE

PAPALE-KAPU,

AKAHI NO A HOIKEIA MA HONOLULU NEI.

Eia ke Kumukuai o kekahi mau Waiwai;

            Paa Lole Huluhulu o na Kane, $10 wale no, a ma kekahi mau Halekuai e ae he $18

                        Pahoehoe, $1 o ka I-a.

                                    Palemai, he 50 keneta wale no.

                                                Palule kalakoa hou a nani me na Pulima elua me elua

                                                            A-i kala, he $1.50 wale no.

 

E Kilohi Mua i Ko’u Mau Waiwai

MAMA O KE KILOHI ANA I KO HAI HALEKUAI. [1055 tf]

NU HOU                    NU HOU.

NA WAIWAI HOU LOA.

NA PAIKINI O KEIA AU,

E Loaa no ma ka Halekuai o

DILINAHAMA MA !

MA ALANUI PAPU,

OIA NA WAIWAI MALALO IHO NEI;

 

            Na Palau, Kaa Huilapalala, Kopala, Piki, Oo, Koi, Koilipi, Na hamare Kamana o na ano

a pau, Na Mea Hana a na Kamana, Poe Hamo Puna, na Amara a me na mea hana o ka Poe Akeakamai a pau.

            Pena, Aila, Vaniki a me na Palaki, Pauda, Poka a me na Kukaepele, Palaki hamo Puna, Pulumi, Pakeke, Kapu Holoi Lole a me na Papa Holoi Lole, na Ipu ti, na Pa Palai, Na Makau Lawaia, na Ano Lawaia o na ano a pau, na Kaula o na ano a pau, na Pahi, O, a me na Puna.

 

A HE NUI AKU NO NA MEA i KOE,

I KUPONO NO KA HOOHIWAHIWA ANA I NA HALE.

I hiki ole ia makou ke huai pau aku, aka, na oukou no e hele mai a e hoonuu iho. O keia maluna ae, e loaa no ma ka halekuai o

                                    DILINAHAMA MA,

                                                1036 3ms Ma ka Helu 37, Alanui Papu.

 

W. R. KAKELA.

 

UA NEE aku maua ko oukou mau loio mai ka pili pu ana me ke Keena Kuokoa a i ke Alanui Kaahumanu Helu 15, ma o mai o ka Banako o Bihopa ma.

            Ua makaukau mau maua e lawelawe i na hihia a pau ma Honolulu a me ko na mokupuni. E hooku ia na Palapala Kuai, Hoolimalima a me ka Moraki me ka eleu. He Luna Hooiaio Palapala no hoi o W R Kakela. 9@ tf

 

A@A KAULIA,

Loio a Kokua ma ke Kanawai.

 

            Ua makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma Koolaupoko, Heeia, a ma Honolulu i kekahi wa Hooko ia na kauoha mai na wahi a pau o ka mokupuni me ka eleu a me hikiwawe.

 

CECIL BROWN.

 

LOIO A HE KOKUA MA KE KANAWAI

 

            A HE AGENA no ka Hooiaio ana i na Palapala no ka Mokupuni o Oahu.

Helu 5, Alanui Kaahumanu. Honolulu, H. P. A. 2Y.

 

KALE KULIKA,

 

Luua Hooiaio Palapala Kuai,

MOLAKI A ME NA PALAPALA OIA ANO.

Luna Hooiaio Palapala Aelike mawaena o na Hak@ a me na Ka@wa.

Luna Haawi Palapala Mare.

Ma ke kihi o ke Alanui Moiwahine me Kaahumanu, kulana kauhale o Honolulu, ko Hawaii Pae Aina. 906 tf

 

HOOLAHA HOOPAU HUI.

 

            O ka Hui malalo o ka inoa Hui o J M Alexander & Co., i keia la ua hoopauia ma ka aelike ana. O W D Alexander kai waiho mai a na J M Alexander e hoomau aku i na hana o ka mahiko ma Paia, Hamakuapoko, a iaia na hooponopono ana o na Aie o ka Hui.

J M ALEXANDER,

W D ALEXANDER

Paia, Hamakuapoko. Mar. 31 1882

1062 3t

 

OLELO HOOLAHA.

 

            E ike auanei na mea a pau, owau o ka mea nona ka inoa malalo, ke papa a ke hookapu loa aku nei au i na ano kanaka a pau aole e mahi hou ia, aole hoi e oki i na mea kanu o ulu ana i keia wa, ma ka apana aina o Paohi ma Lahaina Maui: oia hoi ka apana aina o C Kanaina, i lilo ia makou na keiki a Kilinahe, kekahi koko o C Kanaina. O ka mea kue i keia, e hoopii ia no ma ke Kanawai.

MRS. KAHIKIKUA.

Lahaina Mar. 18 1882.

1061 4t

 

KUAI A KA ILAMUKU

 

            Mamuli o ka mana o kekahi palapala hoomalu i hoopuka ia e ka Aha Kiekie o ko Hawaii Paeaina no no ka pono o J P Meudonc@ ka mea hoopii kue ia Kaaiahua mea hoopii ia e uku $298.50 no ka pomaikai o Mendoc@, ua ohi au a kuai kudala aku ma ke akea i ka mea oi o ke koho ana ma ka Poalua ka la 25 o Aperila o ka m@ 1882 ma ka hora 12 o ke awakea ma ke alo iho o Aliiolani Hale i na pono a me na pomaikai o Kaaiahua iloko o ka aina i hoike ia malalo:

            E waiho la ma Kamananui ma ka apana o Waialua penei: Palapala Sila nui Helu 271 nona na eka he 50 oi a emi he aina maikai i ka hanai holoholona ke ole nae e hookaa mua ia ka hoopai na koina a me ko’u mau lilo.

W C PARKE

Ilamuku Nui.

Honolulu, Maraki 22 1882.

1060 4t.

 

HOOLAHA A KA LUNA HOOPONOPONO WAIWAI.

 

            UA hookohu pono ia mai ka mea nona ka inoa malalo iho nei, e ka Mea Hanohano A F Judd: ka Lunakauawai Nui o ka Aha Kiekie i Lunahooponopono no ka waiwai o Puhipaka k, i make ma Honolulu, Oahu. Ke hoike aku nei i na mea a pau, o ka poe a pau he mau koina ko lakou i ka waiwai o ka mea i make, a me ka poe ua ale mai, e hoike koke mai lakou i kuu Lolu ma Honolulu W L Holokahiki, a ia'u no hoi ma Lihue i Kauai, i hooiaio kupono ia, i loko o na mahina eono mai keia wa aku, o hoole loa ia.

J B HANAIKE.

Lunahooponopono Waiwai no ka Waiwai o Puhipaka i make

Honolulu, Mar. 20, 1882. 1060 4tf

 

HOOLAHA HOOKAPU AINA.

 

            E ike auanei na kanaka a pau ma keia palapala, owau o ka mea nona ka inoa malalo iho nei, ua lilo ia'u ma ka hoolimalima ka Aina Mahi Kalo o ka Hui Mahiko o Waihee, Maui. Nolaila, ke papa a ke hookapu aku nei au i na kanaka a pau, aole e uhuki i na Kalo maluna o ua mau aina la, mai Waihee, wahikuli a me Waiehu; aole hoi e mahiai. a au kapu pu hoi ke kii ana i na mea ulu a pau e ulu ana maluna o ua mau aina la, oia na La-i a mau mea e ae. O ka mea a mau mea e kue ana i keia, e hoopii ia no ia e like me na Kanawai e kau nei. E lilo keia i olelo paa mai kona la aku e puka ai. C B MAKEE, Waihee, Maui, Mar. 18, 1882. 1060 4t

 

HOOLAHA A KA LUNAHOOPONOPONO WAIWAI.

 

            UA hookohuia ka mea nona ka inoa malalo i Luna Hooponopono no ka Waiwai o W A Markham i make o Honolulu, Oahu. Ma keia ke hoikeia aku nei ka lohe i ka poe a pau i aie i ua waiwai nei e hookaa koke mai; o ka poe hoi he kuleana ko lakou i ka waiwai i oleloia ma ka moraki a moraki ole paha a ma kekahi ano e ae paha. e hoike koke mai i na palapala hooiaio iloko o na mahina eono o hoole mau ia lakou. ALEX, J CARTWRIGHT, Lunahooponopono. Honolulu, Maraki 4, 1882. 1058 4t

 

HOOLAHA HOOKAPU AINA.

 

            KE haiia aku nei ka lohe i na kanaka a pau, ua kapu loa ke kii wale ana o kekahi mea a mau mea paha i na mea ulu a pau maluna o kuu mau aina e waiho nei ma ke awawa o Palolo. Kona, Oahu; oia hoi o Kaea, Kekio, a me ka Lele o Wailupe o Kalelona. A ua kapu pu no hoi ka hele wale ana o na holoholona o kela a me keia ano maluna o keia mau aina i olelo ia maluna; a ua kapu no hoi ke kii wale ana i na piha a maloo i wahie. O ka mea a mau mea paha e kue ana i keia hookupu ana, a i loaa pono aku i kuu Luna oia hoi o John Guser (Kaisa), alaila he mana no kona e hoopii in a ke Kanawai, i aoia ke kolohe. "He kuli ka make, a o ka hoolohe ke ola." Owau no. P. MILTON (Pilipi). Kulaokahua, Maraki 16, 1882. 1059 4t

 

MRS. A. M. MELEKI,

 

MEA HUMU LOLE MAIKAI A ME

Na Koloka, Holoku ano hou.

104 Alanui Papu, Kuea o Burua.

Honolulu, Jan. 15, 1881. 998 1yr

 

HOOLAHA HOOKAPU AINA.

 

            Ua papa loa ia na Lio, Bipi, Palahu a me ke ki manu ana aole hoi e hele wale aole hoi e ki ia maluna o na aina o Waianae-uka, Waikakalaua, Pouhala. Waipio a me Namakuli ma Waianae, a ua hookohuia o Kahao e nan@ i keia mau mea a e hooko e like me ke Kanawai. C. H. JUDD. 1053 2m. H. E. WHITNEY.

 

HALEKUAI MA HANAKAPO.

 

            E na Lede maka palupalu a me na Keonimana paukani o ua Lai Ulu nei o Hauola, a me kona mau eheu, ma ka Akua a me ka Hema,-E naue mai oukou ma ko'u Halekuai Hoopahee, a e wae no oukou iho, i na mea a ka manao e hoohihi ai. E kuai aku ana au i na Waiwai a pau ma ke Kumukuai Emi a Waipa-he hoi, ma ke Dala Kuike; anolaila, e na Makamaka aloha, e kipa mua mia oukou e ike ia'u, mamua o ko oukou kipa ana aku ma kahi e.

            E loaa no au ma ka Helu 155, ma Lahaina , Maui. C. ATONG. Lahaina, Ian. 10, 1882. 105 3ms

 

E Nana, E Nana,

A E IKE

I KA MEKINI HOU,

HE HIKI KE HANA MA NA AOAO ELUA.

 

O ka Mekini Humuhumu

ST. JOHN, ST. JOHN,

Oia wale no ka Mekini maikai a kupono i na Kanaka Hawaii, no ka mea,

AOLE E LOAA KEKAHI ULIA O KA MEKINI

 

E HELE MA KA

HALEKUAI MEA KANI O

GEO. F. WELLS.

 

            A e Kuai i keia ano Mekini hou, ae loaa no ke GITA Makana wale.

            O na Kauoha mai na Mokupuni e ae, e hoolawaia no ia me ka eleu.

GEO. F. WELLS,

Helu 66 me 68 Alanui Papu    1044 tf

 

HOOPUNIPUNI NUI.

 

E ka Nupepa Kuokoa e. Aloha oe:-

            I ka Poakahi, Mar 27, ma Koko Maunalua, ua eleu ae na kane me na wahine, kamalii, no ke kuu i ka ia, akule, aka, ua hele mai o Moluhi k, he kanaka malihini no Waianae mai, a hoike i kana mau olelo hoopunipuni, aole e kuu ka ia i keia la, apopo ka Poalua, alaila, kuu ka ia, nui ka loaa mai, ku ka pilau i kahakai.

            No ka mea, hele mai nei no au mai Waianae mai, hele pu mai no me ke akule, a ma keia kamailio ana a ua hoopunipuni nei, pane koke aku la kekahi kanaka kamaaina, aole paha keia he ia hou mai, he mea mau no paha ia no Maunalua nei, i na wa a pau.

            A ma keia mau paleo ana a ka malihini me na kamaaina,ua loaa ka kanalua ma ka aoao o na kamaaina, no ka mea, o keia kaula wahahee, aia oia ma ka hale o Kanealauahine k, ka mea nana e malama nei ka aina o na ’lii, nolaila ulu ka manao i ka poe i lohe pono i na olelo a keia haukae nui.

            Ano keia lohe ia ana, ua lilo ia mea i waena o ka lehulehu o na kanaka e papau nei, i mea e hoomanao ai no ka manawa i olelo ia ae nei, a ma ke kakahiaka nui Poalua ae, ua piha pu mai la na kanaka o Kuliouou, Niu a me ko Wailu pe mai, e ike i ka oiaio o ka mea i wananaia e kahi eepa, hilahila ole no hui i kana mau alakai hoopunipuni i ke au malamalama o ka noho'na pono.

            A i ka hiki ana mai o ka lehulehu o na kanaka, ua piha-u ke kahakai o Maunalu i na kane, wahine, kamalii, no ke ake o ka makapehu ia o ka uka, e loaa kahi ia hoi ana me ka pomaikai, aka ku e i ka puu i kai o kahua, eia ka mea nui i ka waha o ka lehulehu.

                        Auhea ke akule! auhea ke akule!! kahana, kupanaha ka hoopunipuni, mai hea mai no ia keia eepa o ka hele ana? e hoopunipuni hele ai.

            A ma keia lohe ana mai o ua kanaka lalau nei, a me ka poe a pau o loko o ua hale nei, aole o lakou mea puka iki iwaho, papani ka puka, noho maile iloko, no ka hilahila i ka mea i kamailio ai me ka io ole, o ke kahu malama aina hoi, lilo wale aku no ma na mea e pomaikai ole ai ka aina o ka poe mea aina.

            Nolaila, ke hoike aku nei au i ka laau e ola ai kona mai nui, he hoopunipuni, e huli a e nana aku i ka Baibala ma kanohi 4;22-31, alaila e ike koke no ia, aole o ke kanaka ka mea nana i hana i na mea a pau, o ke Akua wale no, mai ke kahi o ka la a hiki i ke ono o ka la, pau Kana hana ana.

            Nolaila, e na makamaka a pau,mai noho a hoohalike me ka hana uko ole a keia kanaka pegana e haukae hele nei.

Owau no o

IKEPONO

 

E Holoohe !

 

            O D. W. AIWOHI wale no kai aeia e Kakauinoa no na Dala i Hookaaia mai ma ke Keena o ka NUPEPA KUOKOA.

 

NU HOU KULOKO.

 

            Ua hiki loa ae nei ke alanui kaa ahi ma Kakaako

 

            Ma ka Poakahi iho nei ka noho ana o ke kau kiure ma Honolulu nei,

 

            Ma ka auina la Sabali nei i ku mai ai ka moku kaua Geremania Elisabeth ma ko kakou nei

awa.

            Ma ka Poalima o kela pule i loaa ai ka wai o ka lua e eli ia nei ma Kahuiki Waianae.

 

            Ua lohe mai makou iloko ae nei o ka mahina o Iune e hoike ai ke kula ao loio a W R

Kakela.

            Ke haawi nei makou i na mahalo maikai ia Josiah Kua no kona mikiala mau i na hana a ka Ilamuku e hoouna mau ia nei, a me kona kokua pu ana mai ia makou ma kahi mau mea.

 

            Ua nee aku nei o S B Dole i kona keana oihana ma ke alanui Kaahumanu, ma ke keena mua iho nei o Painapa opio.

 

            Ua kuai iho nei o Shipman ma o Hilo he mokuahi 150 tona ma Kapalakiko no ka hoolilo ana i mokuahi holo piliaina. O ka la 20 iho nei a Maraki e haalele ai ia Kapalakiko no Hilo.

 

            I ka Poakolu nei i wehe ia ai ka hale kuai o na Hawaii ponoi ma Moanalua, he wahi paina kai malama ia ma ia la.

 

            I ka Poaha iho nei ka hoomoe ia ana o ka pohaku kihi o ka hale pule Moremona ma Laie.

 

            I ka auina la o ka Poakahi nei ka hele makaikai ana o ka Moi ia Oahu nei i ukali ia e ka

Elele Alii Iapana a me kona mau ukali ponoi a i ka Poalima nei ka hiki hou ana i ke taona nei:

 

            Ua laulaha ae he lono ma ke taona nei no ka ike ia ana o na hiona o ka mai i kuluma mau mawaena o na lio i kapaia he pink eye, e hoolohe e na makamaka a e alawa hoi ma na kolamu o ke Kauoha i ka hoolaha a ka Papa Ola.

 

            Ma ke awakea o ka Poakolu nei ua kouo'ku o H H No@e i kona mau hoa'loha a me na makamaka e paina ma kona hale inu ti a inu kope hou ma ke alanui Papu, ma kekahi o na keena o ka hale ui@ihapa hou o Kimo. Ua kono pu ia na Ulele Hua o na Halepai a elua e luana pu malaila.

 

            Ma ke ahiahi Poalua nei i ku mai ai ka mokuahi Anjer Head me na paahana pake, o ka makuahi keia i ku mua iho nei ia nei a i ki ia ai kekahi pake i ka pu e ka Hulipahu.

 

            Ke kono nui ia aku nei na opio a pau o ke kula Sabati o Kawaiahao e akoakoa ae ma ka pa o ka luakini ma ka hora 4 o keia auina la, he mau lealea ke malama ia ano.

 

            Ua hookalua ia ka moolelo o ka Aha Euanelio o Hawaii komohana a loaa ka manawa kupono.

 

            Ma ka Poaha o ka pule i hala ua haule aku la kekahi lio kauo kaa papa mai ka uapo aku a poholo iho la ka lio a make, ua olelo ia mamuli o ka hawawa o ke kahu kaa ke kumu i poino ai ka lio.

 

            Eia ke hoomuu ia nei ma Kakaako na pono hao o ke ala huki moku o Honolulu nei, maluna mai o ka moku Lizzie Belle.

 

            Ua lohe ia ke hoala nei kekahi poe o Kona Hawaii he hui kana halakahiki a ua pau mai nei kekahi mau eka i ke kanu ia, o ko lakou manao e hana ia keia mau halakahiki iloko o na tini.

 

            Mai ke kapena mai o ka moku Dalhousie i lohe ia ai, aia ma ka mokupuni o Falakana kahi i noho ai o Mr Weller, e hoomanao ia o ka haole hana wati keia i noho iho nei ia nei a mahuka ai.

 

            Ke kukulu ia nei he mau halekula hou ma Koolau ma ae nei ma ke kauoha a ka Papa Hoonaauao, he mau hiona keia o ka holomua e hooikaika ia nei e hoopalahalaha loa a puni na kuaaina.

 

            Ua paa iho nei na hoolala ana o ke alanui hou e manao ia nei e hana ma ka pali o Nuuanu, a ua waiho ia aku ke ano o ka hoolala ana i ke Keena Kalaiaina, ma keia mua iho e ike ia ai ka hoolaha a ke Kuhina no ka poe hoopaa.

 

            E malama ia ana ma ke ahiahi o keia la ma ka hale mele hou he aha hoolealea e ka hui paele o keia kulanakauhale, no ka pomaikai o na olulo o ka moku hao Norval i pau i ke ahi.

 

            O na hana ma na pali uapo i keia mau la iho nei ua ike ia ke ana holomua a me ka paa o na lima o na paahana i ka hana ua komo mai na waiwai he nui wale mai na kiapa me na moku hao i ku mau, a ua hoike ia ua lehulehu na waiwai i hiki ke kii aku me ke kaulua ole a kali hoi no kekahi manawa aku alaila haea mai ia nei.

 

            Ke kukulu ia nei he hale laau hou ma ka uapo o Pa@aka no Kamu Alani ma.

 

            MAI a Hon. S W Aiwohi o Kohala ua hoike mai oia i ka maalahi loa o ko Kohala poe i ke kaa ahi a Waila. Ua olelo mai oia i ka wa mamua, he 2 a 3 dala ka uku o ka ohua mai Mahukona a hiki i Kohala; i keia wa ina e kau maluna o ke kaa ahi he 1 dala wale no.

 

            Ma ka Poakahi nei no ka manawa mua loa i kau ia ai ma ka paia o ke Keena Ahaolelo ma Aliiolani Hale, ke kii pena o ka Lunakanawai Kiekie C C Harris i make. O keia

 kii malalo no ia o ka lawelawe ana a Mr. Furneaux, a malalo o kana hulu pena mikioi ua hoike ia mai na hiona nani o ua kii la. Ke haawai nei ke KUOKOA i na mahalo maikai no keia loea pena kii.

 

            Ua ike pono iho nei makou i na hoolala ana o kekahi mau opio Hawaii o ke kulanakauhale nei, oia ko lakou ae pakahi ana e hoolilo i hookahi ma ke ano he hui, o ke kumuhana ano nui i hoike ia mai ia makou oia no ko lakou hookaawale ana i kekahi hapa o ko lakou dala ponoi i luhi ai a hookomo aku ma ka baneko o Bibopa ma no ka hoomahuahua ana, ke manao nei makou he kumuhana waiwai loa keia i hoala ia e keia mau opio, a i pau pono na hemahema a maikai hoi na hookele ana a lokahi like na manao o kela a me keia pakahi, o na manaolana no ka holomua na mahalo maikai ana a me na manao hiipoi o ke aloha, oia ka ke Kilohana e ake nei no ko oukou pomaikai. E hookanaka oia ka makou panai hope.

 

            Ke hoolala ia nei e kukulu i hele uinihapa hou ma ke alanui Hotele no Kimo, ma ke kahua hana wai momona mua.

 

            I keia Poakahi iho ke upu ia aku nei i halulu mai ana ka mokuahi lawe leta mai na Panalaau mai o ka hema.

 

            He bele ka mea nana e kahea nei i na ohua o na kaa kenikeni o Kimo Doda, a ua pau ka pu-pu ana o na o-le.

 

            Ua lohe mai makou ua hoea ae kekahi mai ulalii mawaena o kakahi ohana ma Kapauhi, a eia lakou malalo o ka hoomalu ana.

 

            Ke upu ia aku nei e hahi hou ana o Halana@eka i na lepo o Hawaii nei ma keia mua koke iho, ke manao ia nei ma ka mokuahi o ka malama o Mei oia e hiki mai ai.

 

            A hiki i keia la aole he lono i lohe ia no ka waapa nalowale o ka moku pauahi Norval, ua manao wale ia ua loaa i kekahi moku oiai oia ma kona ala moana hikina a ua palekana.

 

            Mai Koolau mai ua hoike ia mai he lono no ka hulihia ana o kekahi kaa ma ka pali o Nuuanu ae nei a pau ke kaa i ka nohaha me ka loaa ana o na poino maluna o kekahi mea o ke kaa.

 

            Ke kauoha ia aku nei na lala a pau o ka "Hui Hauoli" e akoakoa ae ma ka rumi o ka Hooks & Ladder ma ka hora 7.30 o keia ahiahi. E hoolohe a e uleu.

 

            O ka huina io o na waiwai Hawaii i hoouna ia no na makeke o Kapalakiko mai ke awa aku o Kahului mai ka mahina mai o Ianuari a hiki i ka la 31 o Maraki, he 233, 828.51 dala.

 

            HE lono kai hiki mai i o makou nei mai Kilauea Kauai mai, e hoike ana no ka maikai ole o ka malama ia ana o na leta a me na nupepa ma ko laila hale leta. Ua waihoia na leta a me na nupepa maloko o kekahi pahu mawaho o ka hale leta i ke ao a me ka po, a me he mea la o ke kumu ia o ko nalowale ana o ka leta a anupepa paha a kekahi mea ina pela iho la ka hanaia ana.

 

            MA ke kakahiaka o ka Poaha nei ua kiia i ka pu kekahi wahine ma Kailua ae nei, o Mauika ka inoa o ka wahine. He Pake ka mea nana i ki ke pu, o Ah Young kona inoa. Ekolu ki ana a ka Pake, hala elua pok@, a i ke kolu o ke ki ana ua ku ka wahine ma ka aoao. He wahine manuahi keia na ua Pake nei; ma hope o ke ki ana i ka pu ua puhi ua Pake nei i ka hale kahi a laua i noho ai a pau i ke ahi. He kanaka ma ia wahi o Kauwela ka inoa, nana i hopu ka Pake a nakinaki ia a paa i ke kaula. I ka aui ana iho o ka la, aloha iho la o Kauwela i ka Pake no kona ano paupauaho i ka paa loa i ke kaula, a wehe ae la oia i na kaula me ka manao e hooluolu aku iaia. Ia wa huli mai ka Pake a hou ia Kauwela i ka pahi. Ua ku a moku e Kauwela ma ka aoao hema ma ka iwi aoao malalo. Ua holoi ka Hope Ilamuku a me Kauka Emekona i Koolau ma ka auina la Poaha nei mamuli o keia poino, a ko laua wa e hoi mai ai e lohe hou auanei kakou i na mea i koe e pili ana i keia hihia.

 

            HE MOEUHANE IO ANIE? AOLE PAHA? HE OLALAU MAOLI:

 

            Ke kalaau hou mai nei ka Elele Poakolu, e hoike mai ana i ko lakou minamina i ke kahi Hawaii opio i aoia i ka naauao e hana ana i kekahi hana naaupo e like ma keia. A ke olelo nui mai nei i ko'u hoike ana i ka papau o ko'u noonoo.

            Ua papau anei ko'u noonoo no kuu hoike ana i ko'u kuleana oiaio maluna o kahi i hoolilo hewa ia? Kahaha; ma ka noonoo maikai i loaa ia'u, o ka Ona o ka Elele Poakolu, a o lakou no a pau na i-a i hei mua i ka upena a ka lawaia nui o ka papau.

            Ma na rula o ka poe maikai, ina ua lohe ia ka poino-ulia maluna o kekahi hoa'loha maikai, eia ka hana mua, e hele koka aku e hoike i kona manao kaumaha no ka poino i loaa iaia &c. Pela no hoi au i hele aku a e ninau i ka mea e noho nei ma ka malumalu o Halaaniani, ma hope iho o kuu ike ana au okiia ka laau o luna o ka aina; aole au i kamailio ma ke kua, ma ke alo no au i kamailio ai iaia. Ua manao au he hana ia na ka poe naauao, ka hele ana aku e hoike i ka pono o na mea i hanaia, he alo he alo.

            Mahope mai hoolaha ia mai nei e lakou nei ma, ua lilo i kekahi o ia poai hookahi, puka pu mai la no me ka olelo kipaku, a ina aole e hele iloko o na la elua, kiloiia ka ukana i ke alanui, a i ole kii ia W C Parke, e hele mai e kipaku, oia anei ka hana a ka loea ma ke kalaimanao, o ka hoopuiwa i ka noonoo o ka poe e noho naaupo ana?

            Ke hoole mai nei o Olekukahi, aole loa ia ha hana na ka poe oia poai hookahi. E hoike mai ka olelo mamua, a ina aole e hele a hala na la he umi, alaila, e hoopii kipaku.

            He Aupuni Kumukanawai keia, aole he aupuni no ka Huhup@okee. Ke hoole mai nei o Olekulua. Ina paha he hana naauao kau, pau no mawaena o kaua iho, oiai, eia no kaua i ke kaona nei; o ka hoolaha ana mahope iho o ka launa maikai ana, aole ia he hana naauao, he alalau maopopo @.

            Aole au e hoemi i ko'u pulima a hiki imua o na Aha Hookolokolo Kiekie.

Owau no me ka oiaio, W L B MoEHONUA, Honolulu, Apr. 6, 1882.