Ka Nupepa Kuokoa, Volume XXI, Number 11, 18 Malaki 1882 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE  XXI. HELU  II I       POAONO.  MARAKI 18,1862  {NA  HELU  A  PAU  1059.

 

KA  NUPEPA

Kuokoa me ke Au Okoa

I  HUHA

 

HE  MOOLELO  KAAO

-N O-

KEANINIULAOKALANI !

 

KA  NANI  LUA  OLE

- O NA -

Moku o Kuaihelani

KA MEA NANA I HOONAUEUE

KUKULU  O  KAHIKI,

A  O  KE  PUKONAKONA

O  NA  LA  I  AU  WALE  AKU  LA.

 

MAHELE  II.

 

I AU no na olelo a na kaikamahine nei, ku aku la no kela pii ana.  la manawa @ aku la ua kaikamahine nei,  Alia @ka, o ala mai auanei kuu makua@ ke make no ia.

 Ke haohao mai nei paha oukou no ka hai @ aku o ka moa o keia kaikamahine. Ae peia no  O ka moi o keia kaikamahine. Ae pela no O Hoonanaikapakaakaua, oia no ke kaikamahine hiapo a Kuahailo.

 A@, ua ike mai la ua kaikamahine nei o @ haku kaikunane no keia; nolaila, hai @ ke kaikuahine i ko laua makuakane, A'a no ka makuakane o kaua la ke moe kau a hoono la, in@ ua ike mai la ia oe, alaila e make ana oe.

 Pane aku ia o Keaniniulaokalani, Kai no hoi, hele mai no hoi kan@ no ka make, he make aku no hoi ka'u; ina no hoi no ka maikai he maikai aku no hoi ka'u.

  Na ka paakiki lea o Keaniniuliokalani i ka hele, nolailo, ua holopono ole ka ke kaikuahine mau kuhikuhi, oiai.  ua hooko aku la o Keaniniulaokalani:  mamuli o ke aloha makua. Kai no la hoi he pono, eia ka aole.

 Ina nae e pii 'la, ua ike e mai l@  o Kuahailo, nolaila, hoohuli ae la oia i kona alo iluna, a puhi ne la i ka makani o kona mau puka ihu nunui i ka lewa.  Ia manawa koke no i pu ae ai ka makani a kiekie iluna a hoomaka mai e p@ pololei mai ma ko ia nei wahi e pu aku nei.  He manawa ole, ua @ a mai la ka lau laau me ka nahelehele, o ka iepo, ku ka ea, pouli ka lewa.

 I@e iho la nae o Keaniniulaokalani, ua pololei na ele'o a Hoonanaikapakaakaua, nolaila oleia iho ia o Keaniniu aokalani penei: Kai no hoi o ka ike mai ko ka makua o ka pono he keiki he ohaoha mai hoi, o kuu keiki ae keia he waimaka ka mea haawi mai, eia ka e na opala o ka lepo ka mea haawi mai.  Peli wale iho la no keia e olelo nei.

 I@ manawa no ana e hoomau la i ka pii a keko@e ioa i ke kumu o ka anuu, he wahi kapa ia no Kuahailo, ia manawa koke no i @e aku ai oia i ka huelo o Kuahailo e kii ai ana iaia nei e make; nolaila, hoomanao @ i ke oli a Keauki i kona manawa iwaena o ka moana, a na ia mea i hoohauoia mai i kona manao e hukaka pu no ia me kona makuakane a hiki i kona make ana. No@, hookokoke aku ia oia ma ka aoao luiu o ua laau nei a ke kaikuahine i o'elo mai ai i ko laua manawa i kahakai.  Iaia  no e ku ana malaila, o k@ manawa no ia i hookokoke loa mai ai o ka huelo o Kuahailo e uhau mai iaia nei.  O ko ia nei manawa no ia i hou iho ai i kana palau i ka honua. Ia wa koke no i kak@ ai ka honua holeokoa o Kalewanuu, a kaa ae la o Kalewanuu me he huia wai la, a ua @ ae la ke ahi a puai o Ke niniulaokalaui, aohe uae loaa mai i ka hue@ o Kuahailo.

 Ia ike ana mai o Kuahailo ua hiki ole i kona kino moo ke pepehi ia Keaniniulaokalani, o kona manawa no @ i hookahe mai ai i kona kino koko, me kona manao e kinai i ke ahi o kahi a Keaniniulaokalani e ku aku nei.

 Ia Keaniniulaokalani hoi i ike aku ai i ke kahe ana mai o ke koko mai loko mai o ka waha o Kuahailo, o ko ia nei manawa no ia i unuhi hou ae ai i kana palau, a ia umoki hou ana iho, naueue ke kumu o Kalewanuu, a kahuli iho la ke alo o Kalewanuu ilalo. Ia wa i alake ae ai o Keaniniulaokalani ma ke kua o ka aina, kau ana keia; ko ia nei houhou iho la no ia i ka palau ana, o ka wa no ia i hoomaka hou mai ai ka a ana a ke ke ahi, me ka manao nae hoi ua make o Kuahailo, eia ka aole.

 I nana aku auinei ka hana, e hamama mai ana ka waha o Kuahaile, o ka hele o ke a-luna a pa i ka lani, o ke a-lalo hoi ne e hele mai ana imua oia nei.  o ke alelo hoi, oia no o ka lala kukui la ka manamana, o loko aku hoi o ka puu, koho halau kau waa, ina no e ale ia ana kona wahi kino, aole e puua, no ka mea he oi aku o ka nui.  Aka, o Keaniniulaokalani ia manawa, aohe maka'u iki i ka panee mai a ke alelo me he aina 'la; ko ia nei manawa no ia i unuhi ae ai i kana laau palau a oniu ae la ma kona lima hema, me ka manao la hoi e ike mai ka makuakane, he ole hoi ka ike mai.  Ke hele aku nei keia @ne ke ano o ke koa, me he mea la ua aoia i ke koa mamua, kona hele ana e ike i kona makuakane.

 I keia manawa no ana e kokoke uku nei e komo pono iloko o ka waha, o kona wa no ia i hou iho ai i kana palau ma kahi kokoke i ke a lalo, oia hoi ka wa i a koke ae ai o ke ahi.  Ia ike ana o Kuahailo ua komo pono kona hoa paio iloko o kona waha palaualelo, h ooni ka@ho la oia e upoi i kona waha; e uhau ae ana o Keaniniulaokalani i kana palau, pa no ma ka hono poo, moku pu; a ma kahi o kana laau i komo i ka honua, ua noha ae la ka honua, a kaawale kahi aoao, pela no hoi kahi anao; o ke kino moo hoi o Kuahailo, ua lilo i lehu a nalowale iho la.

 Manao iho la hoi keia ua make, eia ka aole; he kino hou aku no ka kekahi, oia ke enuhe.  O keia kino hoomaka'uka'u o Kuahailo, he mea ole loa iaia nei; a pau keia kino i ke kiola ia i o a ianei. me ka manao ole ia, alaila, hoea mai la he koko; oia no na kino hookalakupua o Kuahailo i ka wa i loaa ai ia Hiilei iloko o kona la lealea.  he mea kahili wale ia no ia e ko ia nei mau wawae. A pau keia, meha iho la ka ain , aohe mea koe, oiai ua lilo ka p@hu hopu o ka lanakila ma ko ia nei @o@o.

 A mahope iho oia manawa, hoea mai la keia kanaka maikai, me kona mau helehelena ahiu, me ka ninau ole mai hoi i ke kumu o keia keiki o ka hiki ana ilaila, aole no hoi he manao ae o kana keiki no paha keia ana e hana ino nei.  Oia hoea no ko i ala me kona lima kakauha a hopu no ia Keaniniulaokalani, me ka manao ole ae ua hoka oia ma kekahi mea, oia hoi ka haawi ana o ua Kuahailo la i kana laau mana loa, oia no keia laau ana i haawi ai ia Hiilei.  O ka hoomaka no ia o laua e hakoko me na lima; kapae ue la hoi o Keaniniulaokalani i kana laau, a me na lima laua i hakaka ai a hiki i ke kokoke ana o ka makuakane e palupalu.  Ia wa i pane mai ai o Kuahailo penei:  E ke keiki, e pau ka huhu, e pau ka inaina, e ike kaua e kuu keiki.

 Ia wa i pane aku ai o Keaniniulaokalani penei:  Aole au e ike ia oe, oi hoi he hana pono kau.  Kai no no ko'u aloha ia oe, hele mai nei au e ike au ia oe.  pela hoi oe e ike mai ai ia'u, eia hoi kau he hana ino mai; nolaila. ho aku hoi kaua i ke ino.  Nau hoi i waiho ko'u iwi opiopio iloko o kahakaakaea, i popopulu na kou mau kino i lehu iho nei.  Na'u hoi, lilo oe i hai no ka heiau o kuu mau makua e noho mai la i ke kapu o Nuumealani; malia hoi e noa ke kapu e makou ia oe.

 Ia wa no a laua e noke nei i ke kupapa, ua ike iho la o Keaniniulaokalani ua ano palupalu kona makuakane; ia wa no oia i kaikai ae ai i kona makuakane iluna a hahau iho la iluna o kona kuli, a haki pu ae la o Kuahai'o, a make iho la o Kuahailo ia Keaniniulaokalani.  O na kapu o Kuahailo, pau iho la ia Keaniniulaokalani i ka lu ia; a pau keia mau mea iaia. ku ae la no keia hoi ana waiho iho la keia aina me ka neoneo; no ka mea, i ka manawa no a Hoonanaikapakaakaua i ike i ko Keaniniulaokalani hoomaka ana e hakaka me ka makuakane o laua, o kona w@ no ia i hoi ai i Kalewalani.

  Ia Keaniniulaokalani nae e hoi nei ma kona al@hele moana, e @amoe ana no Nuumealani, ike e mai la no na makuakane i ka uhi a ka noe iluna o ka ilikai, hoomanao ae la laua, aule i make ka laua keiki; nolaila, olelo aku la o Keauka i kona kaikuaana.  Kau mai la ka hoi ka weli i ke keiki a kaua.

 I ke aha hoi ? wahi a Keaumiki i ninau aku ai.

 I ke aha mai ka hoi kau; akahi wale no kupu nana i pepehi o Kuahailo, no ka mea, o Kuahailo, aohe ona makuakane, aohe no hoi ona makuahine, he hapa i ke 'kua, hapa i kanaka; ka kaua keiki hoi, akahi wale no mea nana i kapai kona poo; hoi mai paha auanei kela ia kaua, pepehi, mamamake keua, oia ka'u e maka'u nei, wahi a Keauka.

 Pane aku la o Keaumiki, Kahaha, o kau kuko ka ia, kai no o ka mea ia e ola ai ko kaua mau iwi, ku kaua i ka moku i ka ikaika o ka kaua keiki.

 He uku maoli ia ke nana ia iho ko kona mau iwi, wahi a Keauka.

 I ka manawa nea a Keaniniulaokalani i hiki mai ai imua o kona mau makua.  he oi aku ke aloha o Keaniniulaokalani. no ko mea, akahi no ia a ike hou i ka maka o kona mau makua, no ka moa he mau anahulu la ke kaawale.

 He mau la mahope iho o ko Keaniniulaokalani hoi ana mai mai kana huakai imi makua, a i ka po o Kane, loaa iho la iaia ma ka moeuhane keia wahine maikai loa.  O Keaniniulaokalani nae, ua ano owi mai kona mau hiona, haikea mai la kona mau papalina, a ano mai mai la kona kino.  ono ole mai la ka awa iaia, lilo loa aku la kona manao ma ka hoowalewale a ka uhane palaualelo.

 Ia manawa, ninau aku la o Keauka kona makuakane iaia,  Heaha la kou mea e mai nei, no ka mea, ua hanai puu ole ia oe e maua, i keia mau la hoi, ke ano e mai nei oe e ke keiki.

 Aole nae he olelo aku o Keaniniulaokalani i kona makuakane no ia mea.

 Aole i pau.

 

KA  MOOLELO

- O -

ONILA  MAKA !

KA  MAKAI  KIU  KAULANA

- O -

ENELANI !

- A  O  KA  MEA -

POHIHIHI  O  KA  1868.

 

MOKUNA  III.

 

Na niele -- Ka hoike ana i ka moolelo o ka

palapala kauoha -- Kohu mea hupo ka

makai kiu -- Ike ana i kekahi hana

aloha -- Ka wehewehe ana i

ka mea huna -- Ka niele

hope loa.

 

I KA WA a ka makai kiu i ninau aku ai i ka ninau i hoi@eia ma ka helu i hala aku la, ua noho mumule hou iho la ua kama la no kekahi manawa me ka pane ole mai.

 Aole no hoi ua makai nei i koikoi aku iaia, aka, kaii malie iho la no keia.

 He oiaio, he kanaka hoomanawanui keia, a he akamai lua ole hoi i ka ike nana ouli o ke kanaka.

 Aole no hoi he pauaho a awiwi e like me ka heluna nui o kona lahui, aku, he kanaka nae oia, i hanauia ma Irelani, a he kupa hoi no ia aina.

 Mahope iho, pane mai la ua wahine opio nei i ka ia nei ninau:

 Ke kumu no kekahi i hoakakaia maloko o ua palapala kauoha la, aole hoi he kumu ano e e like me kau e manao nei.

 Mai ia wai mai ka loaa ana o keia waiwai ?

 Mai ka makuakane mai o ua wahine opio la.

 Alaila, he kane wahine make oia i kona wa i make ai ?

 Ae.

 Pahea ka nui o na makahiki o ua kaikamahine la. i ka wa i make aku ai kona makuakane ?

 Ua piha ka umi o kona mau makahiki.

 Alaila, ua noho pu ua kaikamehine la me kona kahu hanai mai ia wa mai a hiki i keia wa ?

 Ae.

 Heaha na kumu aelike o loko o ua palapala kauoha la ?

 E lilo na ke kahu hanai e malama ua waiwai la, a e loaa pu hoi iaia hookahi hapalua o na loaa makahiki o ua mau aina la, a hiki i ka wa e mare ai kana hanai, alaila, e hoihoi ia aku ua mau waiwai la a pau malalo o kona mana, ke piha nae kona mau makahiki he 21.

 A ina hoi oia e mare ana mamua ae o ka piha ana o kona mau makahiki he 21 ?

 Alaiila, e lilo no ua waiwai la malalo o ka hooponopono ana a ua kahu hanai la ona a hiki i kona wa e oo ai.

 He kuleana no anei ko keia kahu hanai iloko o ka hapa o ua waiwai la ?

 Ioa e make ana ua kaikamahine ia, alaila, e lilo no oia [kahu hanai] ka hooilina oiaio o ua waiwai la.

 A heaha hoi kona kuleana i oko o ka waiw i ke lawa na makahiki he 21 o ua kaikamahine la ?

 Aohe ona kuleana, koe wale iho no kekahi. puu dala i hookaawale mua ia, no kona malama ana i ua waiwai i@ ma ke ana kahu malama waiwai no ua kaikamahine ia.

 Alaila, i ka wa e lilo mai ai ua waiwai la malalo o ka muna o ua wahine opio la, alaila, pau kona kuleana iloko o na loaa makahiki o ua waiwai la, nolaila, haawi ia mai la i@a kela puu dala i hookaawaleia no kona pono ?

 Ae

 Pehea ka loihi o ka manawa i koe, a'aila, hiki aku ua wahine opio la i ka 21 o kona mau la hanau ?

 Ekolu.

 Alaila, o ka 18 no keia o kona mau makahiki ?

 Ae.

 Nani wale keia inau mea hou, wahi a ua makai la i na.nuna@u iho ai, a pane hou mai la,

 He kumu ano nui kekahi iloko o keia hana, a aia pu hoi kekahi mea manao ino iloko o keia hana.

 No kekahi manawa pokole i kulou iho ai ua makai kiu nei, a ea hou ae la iluna a pane ae la,

 Ano, e kamailio kaua no ka nalowale ana o ua kanaka opio la.

 I hea kona wahi i ike hope ia ai ?

 Maloko o kona keena hana.

 Aole paha i loaa kekahi mea i hiki ke hai mai ua ike iaia mahope o kona haalele ana i kona keena hana ?

 Aohe i loaa kekahi mea i ike iaia a hiki i keia wa.

 He la aha ua ia ala ona i ike hope ia ai ma kona keena hana ?

 Oia no ka la oia e mare ai.

 Owai ka mea i manao wale ia ua ike hope iaia ?

 O kona keiki malama keena.

 Aohe paha i ike iki ia oia a lohe ia mai hoi kekahi mea e pili ana nona ?

 Ua loaa mai i ka wahine opio la mai iaia mai kekahi palapala i kakau ia mamua iho o kona ia i nalowale ai.

 Ua maopopo anei ia oe na mea o loko o ua palapala la ?

 Ae.

 Aia anei ia oe ua palapala la ?

 Ua haawi mai no hoi ua wahine opio la ia'u.

 Ia wa, mino aka iho la ua makai kiu nei a puana ae la.

 Mai lilo paha au i mea hupo ma ka lawewe ana i keia hana e Rahela Kekona, ina  aole au i ike mua he mea makehewa wale no ke  kamailio ana no kekahi mea okoa aku.

 Aole maopopo ia'u kau mea e kamaiho nei.

 He oiaio ia, o oe no ua wahine opio la i manao ia ai e mare ma ka la 20 o ka malama i hala, a ua like hoi oe me kekahi wahine puuwai wiwo ole, e hoao ana e imi i ke kumu o ka nalowale ana o kau kane hoopalau.

 Loli ae la a haikea na helehelena o Rahela Kekona, a pane mai la,

 Me he la, ua maopopo wale no ia oe.

 Ae.

 Owau io no ua wahine opio la.

 Ua maopopo ia'u ia mea mai mua loa mai ano, ua hiki loa ia kaua ke kuka me ka holopono ma ka imi ana i keia mea kupaianaha. Aia no nae paha ia oe ka palapala hope a Hale Keleneka i kakau mai ai ?

 Haawi aku la o Rahela i ua palapala la i ka makai kiu, a penei kona heluhelu ana:

 

 E KUU ALOHA-- E haalele iho ana au ma ke kaa ahi o ka hora 3:20 o ka auina la o ka la apopo.  Ina au i kuka mua me ko'o noonoo iho, ina u@ hala aku au i keia po; aka, oiai au e li-a ana no na mea aku o mua, no ko'u lilo ana aku nau a mau lo@ mahope aku o ka la apopo, nolaila, halia hou ae la, aole au e pono e keakea aku i na hora hope loa o kou mau la opio.  I ka wa e loaa aku ai ia oe keia palapala, e hoomanao iho, ua lanakila oe mai ko'u mana aku. aka, ina au e hiki io aku ana ilaila ma ka la apopo.  he hookapaa wale ana ako no ia ia oe me na kaulahao o ka ehaeha, aole hoi me ka manaolana o ka hauoli.

 Aole au e hoonui wale aku ana i na olelo, e kuu aloha, aka ao'e e hoea aku kekahi mau mapuna leo o ke aloha oiaio ma na paepae eehia o na lani kiekie, e like me na mapuna wainohia o ko'u mau lehelehe i awiliia me ke aloha pumehana o ko'u puuwai ke hoea aku imua o kou alo ma ka la apopo, oia hoi ko kaua wa e ku aku ai imua o ke kuahu o ka Mea Mana Loa, e hoohui ia kaua i hookahi.  Na na lani e kiai mai ia oe e k@ aloha.

 Me ka awiwi,

      Hale.

 Ua heluhelu malie iho la ua makai kiu nei i ua palapala la mai ka mua a ka hope, me ka noonoo ana no na olelo o loko o ua palapala la.

 Ia wa pane mai la ua kaikamahine nei:

 Ma kou hoomaopopo ana, o kena anei ke ano o na huaolelo a ka mea lunakaia ?

 Leha ae la na maka o ua makai la iluna a pane aku la :

 E noonoo aua au i ke ano o ka lima kakau.

 Ia wa pii ino ae la ka inaina o Rahela Kekona, a pane mai la me ka leo kalakala:

 E kala mai ia'u, ke ike nei au, aole i hiki aku kou akamai i ke ana kiekie o kau oihana e paa nei.

 Mino aka iho ia ua makai kiu nei, a pane aku la.

 O ka hana mamua, e ka wahine opio maikai, a mahope aku ka manao.

 Iaia i pane aku ai pela, hoihoi hou aku la oia i ka palapala i ua wahine opio la.

 Ua paanaau uku la paha ia oe na manao a me ke ano o ka lima kakau wahi a ua kaikamahine nei i pane aku ai.

 Ae, a oi loa aku; ua hoomaopopo iho nei au i ke ano o ka mea nana i kakau.

 Pela io anei. Ua hiki anei ia oe ke hoike koke mai i kou manao ?

 Ae.

 Heaha koa manao no ka mea nana i kakau ?  O keia auei na huaolelo a ka mea kumakaia ?

 Pela io paha.  No ka mea, aole he poe naaupo ka poe manao ino ka haku ana i na manao ku i ka iini.

 No keia pane a ka makai kiu, ua hiki loa ke ikeia aku ma na helehelena o Rahela Kekona na hiona o ka inaina, a ua ano haalulu iaia i pane mai ai:

 Ina oia io kou manao, alaila, aole o oe ka mea kupono e kokua mai ia'u ma ka imi ana i keia mea huna.

 Aole au i olelo aku nei , oia io maoli ko'u manao.  Aka, ua pane pololei aku nei au i ka haina o kau niuau.  Ua ninau mai nei oe ia'u. ina he mea hiki i kekahi mea manao ino ke kakau i kekahi leta o like me kena, a pane aku nei au, he hiki no; aole hoi au i olelo aku nei, ua manaoio au he mea kumakaia kela kanaka opio; ma ko'u noonoo ana, he okoa loa ko'u manao.

 A heana kou manao:

 Aohe o'u manaoio, o ka mea nana i kakau kena palapala ua hoopunipuni oia e like me na manao o loko o kena palapala, nolaila, o ko'u manaoio maoli, aole oia i haalele mai ia oe.  Me he la, ua hiki ia'u ke hoomaopopo iho i ke ano o kona kulana, a ia'u hoi e noonoo nei pela.  ke ike nei au i na ouli, aole oia i hana i kekahi mea e "wehe ai i ka pili hooko-o ia loko."

 Ke mahalo aku nei au ia oe, wahi a Rahela Kekona.

 Aohe au mahalo ana mai ia'u. no @ka mea, ua noonoo wale ae no au i ke ano o keia hana, me he la, ua ike pono maoli ko'u mau maka.  Aole au e hooia aku no na mea a'u i ike ole ai, nolaila, ua hookahua au i ko'u manao maluna o na mea oiaio wale no.

 Alaiila; ua lana kou manao, no ka hiki ole ana mai o Hale Keleneka ma ka la mare i oleloia, alaila, manaopaa oe ua pepehiia oia ?

 Aohe o'u manao pela.

 I ka pane ana aku a ua makai la pela, hohola ae la na manao ohohia o ka hauoli ma kona mau helehelena, a pane mai la.

 Alaila, ua manaoio loa oe, ke ola nei no o Hale ?

 Pela paha, aole pah@; oia wale iho la no ko'u manao.

 Ua ehaeha kuu naau no kau mau olelo, wahi a Rahela Kekona.

 Aohe o'u makemake e hoeha aku i kou naau, aka. hookahi nae mea i maopopo, oia hoi keia, ua loaa ia'u na moali e hehi aku ai ko'u mau wawae, a ina ua makemake oe ia'u e lawelawe i keia hana, alaila ua makaukau au e hooko i kou iini.  a ke hai paa nei hoi au, ina io au e lawelawe ana i keia hana pohihihi, e ike auanei oe i ka pau poko o keia mea huna i ka imi e a'u.

 He kanaka kupaianaha oe.  aka, ma kau mau olelo ua hoikeia mai kou ano hoopono, nolaila, ua hauoli hoi au i ka lawe ana mai ia oe i kokua no'u ma keia hana.

 Alaila, e pono oe e hilinai mai ma ka'u mau lawelawe ana a pau, a o oe pu hoi kekahi e kokua mai ia'u ma keia hana.

 Ua hiki loa ia oe ke hilinai mai maluna o'u aka, e pane mai oe i keia ninau:

 He manaolana maoli a nei kou aole i make o Hale ?

 Aia ko'u kahua maluna o ka oiaio, aole maluna o ka manaolana.  Aia a hoi hou mai au, alaila, hiki ia'u ke hai pono aku ia oe no keia mea.

 Ahea oe hele hou mai e ike ia'u ?

 Aole au i ike, aka, e hai mai oe ia'u, pehea la e hiki ai ia kaua ke hui hou ?

 Noho iho la o Rahela Kekona. me ka manao kanalua a pane mai la,

 Ke manao nei au he mea kupono ole ia'u ka huna ana i ko'u hale noho.

 He oiaio ia.  Ina aole oe e hoike mai an@ ia'u i kou wahi. alaila, e hooluhiia ana au i ka imi i kou wahi.

   Aole i pau.

 

MAIKAI  KA  HOI  KA  PAPA

- A  ME -

KA  LAAU  O  KOU  HALE !

NO  HEA  LA ?

KAI  NO  HOI  NO  KAHI  O

 

WAILA  MA !

 

Nana aku no hoi ia la

Uhi ka lo o ka Laau o Makawao

I ka ua mea hoi o ka nani

Na  Papa !  Na  Papa !

- A  ME -

NA  PONO  KUKULU  HALE

O  NA  ANO  NO  A  PAU

 

Aia ma ke kihi o na

ALANUI  PAPU  me  MOIWAHINE

HONOLULU

MALAILA  E  LOAA  AI
E  LIKE  me ka  MAKEMAKE

- NO  KE-

KUMKUAI  MAKEPONO  LOA

 

PAPA,PAPA,PAPA.

 

 Na Papa Huluhulu.

 Na Papa Manoanoa.

 Na Papa i kahiia

 Na Papa Kepa.

 Papa Hole Keokeo.

 Papa Hole Ulaula.

 

NA  LAAU,  NA LAAU

 

 Na Kua,

 Na Kaola.

 Na Aaho,

 Na Molina

 Na Peapea

Pine Huluhulu,

 Pine i kahiia

 

NA Papa a me na Laau Ulaula

 

Pili ulaula,

Pili Keokeo,

Pani Puka.

 Pani Puka Aniani,

 Ipuka Aniani,

 Puka Olepelepe.

 

PENA  O  NA  ANO  A  PAU

 

Hulu Pena mai ka Liilii a ke Nui.

Aila Pena.

Aila Hoomaioo,

Waniti, Pate.

 

NA  LAKO  O  KELA  A  ME  KEIA  ANO

 

Na Ami Puka Hale.

Na Ami Puka P@

ANIANI !

 

Pepa  Hale  a  me  na  Lihilihi

E  LOAA  NO  MALAILA.

PAAKAI  HELU  I  O  KAKAAKO  me  PUULOA

 

 No ke Dala Kuike, e loaa no na mea a pau i hai ia ae la, no ke Kumukuai Emi loa.  O na kauoha mai Hawaii a Niihau, e loaa aku no ia lakou.  e hooko koke ia no ia me ka lawa pone.  E kipa nui ilaila i ike i ka oiaio.        905 tf