Ka Nupepa Kuokoa, Volume XXI, Number 10, 11 Malaki 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA Kuokoa me ke Au Okoa I HUIIA.

No ka Makahiki, $2.  Eono Mahina, $1.  Dala Kuike ka Rula.

POAONO, MARAKI 11, 1882.

 

WHEN JESUS COMES.  Gospel Humns, No 52.

1  E hoomanao a mau ia, Eia'e Iesu, E noho makaukau la, Eia'e Iesu. 

Cho.  E oli a hauoli, Eia'e Iesu. Paa ka manao, mai loli, Eia'e Iesu, E nana i ka @, Eia'e Iesu, E mele a hoonani, Eia'e Iesu.

2  Ho-a i na kukui, Ela'e Iesu., E mau ke ahonui, Eia'e Iesu. 

Cho. 

3  E pau ke kanikau ia, Eia'e Iesu., E lana ka manao la, Eia'e Iesu.

Cho.

4  E hee ae na makau la, Eia'e Iesu., Ke wehe nei ke alaula, Eia'e Iesu.

Cho.

5  E mau, e mau ka hana, Eia'e Iesu., E pau ka luhi ana, Eia'e Iesu.

Cho

6  Nauwewe ae na aina, Eia'e Iesu., He leo ke hai mai la, Eia'e Iesu.

Cho.                Hawaii.

 

Haawina Kula Sabati.  HELU 13.  MARAKI 26, KUMUHANA. 

KA HOI HOPE ANA.

Paiku Baibala.  Mai Mareko mok. 1, a i ka mok 5.

            Pauku Gula.  Iakobo 1;22.  "E lilo oukou i poe malama i ka olelo aole i poe lohe wale no. e hoopunipuni ana ia oukou iho." 

            Manao nui.  Ma ka hoi pinepine i hope e paa pono ai ka olelo a ke Akua.

            Na heluhelu la.  1.  Mar.1;1-28.  2. Mat. 1;29-45.  3. Mar 2;1-28.  4 Mar. 3;1-35.  5. Mar. 4-25.  6. Mar. 4;26-41.  7. Mar. 5;1-43.

            Ka manawa.  A.D. 30 a hiki A.D. 32.  Kahi i hana ia'i.  Galilaia me na wahi ma ka hikina o Ioredane.

            He haawina hoi hope keia.  Na ke kahu e hoopuka aku i na ninau.

            E mahele ia ke kula i mau mahele ekolu, mahele makua, mahele keiki, ke kula a pau.

            Ke kula a pau.  Ku a himeni.  Lei Alii aoao 7.  Pau ka @, pule iho k kahu.  Noho ilalo, Ninau ke kahu, Ka helu ehia keia?

            Heaha ke kumuhana?  Ka pauku baibala?  Ka pauku gula?  Ka manao nui?  Ka manawa?  Kahi i hana ia'i?

            Ku ke kahu me ka mahele makua pualu like.  Mar 1;1-4.

            Noho ilalo ka mahele makua, a ku ka mahele keiki me ke kahu a pualu like.  Mar 1;9-13, a himeni, Lei Alii, aoao 11.

            Noho ilalo, a ku ke kahu me ka mahele makua, a hoomaka i ka ninau ana.

            Mahele makua.  Owai ka buke kula ma keia hapaha?

            Nawai i kakau?  Owai Mareko?  Owai kekahi inoa?  Oia anei  kekahi o na haumana he 12 a Iesu?

            Eia haawina ma ka mok 1?  Owai na kumuhana?  Owai na pauku gula?

            Mahele keiki.  Owai ke Keiki a ke Akua?  Owai ka elele ma Melaki 3;1?  Owai na makua o Ioane?

            Heaha ka oihana a Ioane?  Nohea kona inoa Bapetite?  Mahea kona bapetizo ana?  Heaha, a mahea Ioredane?

            Owai ka poe i bapetizeia e Ioane?  Owai kekahi Mea nui a Ioane i bapetizo ai? Me ka wai ko Ioane bapetizo ana, me ke aha ko Iesu bapetizo ana?  Ua bapetizo ia paha kekahi poe o oukou me ka wai; a pehea?  ua bapetizo ia anei oukou me ka Uhane Hemolele?  Ina aole, e noi aku ia Iesu i loaa ia bapetizo ana, i maemae, a i komo iloko o ka lani.

            Ke kula a pau.  Owai kai hemo e hoowalewale ia Iesu i hina O a?  Ehia hoao ana?  Heaha ia mau hoao ekolu?  Owai kai lanakila?  Ma ke aha ko Iesu lanakila ana?  Ke mau nei no ko Satana hoowalewale ana.  Pela 1 Pet 5;8.  Pehea e hiki ai ke lanakila maluna Ona?  E kuuo, e makaale, e pale mau aku ma ka hoopuka ana, i na pauku baibala.

            Himeni ke kula a pau.  Lei Alii, aoao 14.  Mahele makua.  Paa Ioane iloko o ka ha lopaahao, no ke aha?  Heaha hoi kona hope? 

            @ Iesu i hele mua ai e haiolelo?  Mahea Galilaia?  Heaha ka Iesu kauoha mua?  Ua kauoha ia hoi oukou nei a pau, e mihi.  Ua mihi anei?  Ina mihi pehea?  Ina mihi ole pehea?

            Owai na haumana @ a Iesu?  Heaha ka Simona ma oihana ia wa?

            A lilo lakou i poe lawaia aha?  He poe lawaia kanaka anei oukou?  Heaha ka maunu, ka mea e loaa ai kanaka?  Ka olelo paha a Iesu.

            Mahele keiki.  Hai mai i kekahi mau hana mana a Iesu  Heaha Kana hana i ka poe i loohia i ka uhane ino?  He uhane ino anei iloko o oukou?  Pela ma ka nana aku. a ma ka lohe ana.  Hakaka kekahi, kui aku, kui mai, kulai, kuamuamu, olelo ino, hoopuka i na olelo hailiili, hoohiki ino i ka inoa o ke Akua e like me na haole hewa.  Eha loa ka pepeiao o ka poe pono io ke lohe He uhane ino iloko oia poe.  E noi aku ia Iesu, e mahiki aku.

            Ina aole e mahikiia, e hoomainoino ia ou kou me na daimonio ma ka luaahi pio ole.

            Mahele kula a pau.  Heaha ka Iesu hana i kekahi lapero?  A i kekahi kanaka lolo?  A i ka lima maloo?  Nui anei ia poe maanei?

            Ehia ano o ia poe?  Elua paha, He lepero kono, lolo kino, maloo kino.  He hapa nae ia poe.  Ka lepera uhane, lolo uhane, maloo uhane, weliweli ka nui.

            Aia lakou iloko o na hale, ka poe hoomaloka, palaka, hiamoe, lolo ke paipai ia e hele i ka halawai, a i ke kula Sabati.  E lawe ia lakou imua o wai?  Hiki anei ia Iesu ke hoola ia lakou ke makemake ole lakou e ola Pehea la e loaa ai ka makemake?

            Himeni.  Make Iesu no'u.

            Mahele makua.  Owai na inoa o na haumana he 12 a Iesu?  Owai kai kapa ia Petero?  Heaha ke ano, Pohaku.  He pohaku aha Simona?  He mau pohaku aha oukou?

            He mau pohaku poepoe omolemole, paa ole ka nui.  E lilo ea i mau pohaku paa, mai wiwo ke hoopilikia ia a hana ino ia.  Owai ka haumana i kumakaia aku ia Iesu?  Mai hoohalike me Iuda Isekariota.  Mai kuai aku i ka pono uhane no ke dala, a no ka lealea, a uwe mahope no ka make mainoino ana.

            A lilo oukou i mau haumana na Iesu, hea ha ka oukou hana?

            Mahele keiki.  Ehia mahele o ka poe lohe i ka Iesu olelo?  Hai mai i ke ano o ua mau mahele la.  Ehia mahele lohe pono ole? 

            Ke lohe nei oukou, ua loihi ka lohe ana ua malama anei?  A malama ole, lilo ko oukou lohe i mea aha?

            I mea e make ai ea.  Mai kuhihewa, aole o ka poe lohe wale ke ola, aka o ka poe lohe me ka malama pu.

            He kaikamahine mai make, nawai ia kaikamahine?  Kii oia ia wai e hoola?  ua hoolaia anei?  Nui na kaikamahine me keikikane, me na ui i make iloko o ka hewa, iloko o ka lealea.

            Ia wai ka mana e ola'i?  Pehea e loaa'i ia mana?  Ma ke noi aku paha.

            A ola, e aha?  E ai i ka ai, i ka olelo a Iesu.

            Ke kula a pau.  Ehia mahele o na kanaka Owai ia mau mahele elua?  No ka mahale hea oukou?  no ka mahele makamaka anei?  No ka mahele enemi paha?  Pehea e maopopo ai ko oukou mahele?

            Pehea ka hale ke mokuahana a kue kekahi hapa i kekahi hapa?  Pehea ke kula Sabati ke kue kekahi hapa i kekahi hapa?  Pela anei ka ekalesia ke mokuahana?  Pehea hoi ke aupuni mokuahana?

            He moku kai loohia i ka ino nui a mai ka huli, ma ka loko hea?  Owai na ohua?  Owai kekahi Mea nui maloko o iamoku?

            Ma ke aha i pau ai ka ino, a pakele lakou a pau i ka make?

            Heaha ko kakou moku e hooluliluliia nei e na makani ino?  Pehea e hoomalu ia'i a pakele i ka make?

            Owai kai noi aku ia Iesu e haalele i ko la kou aina?  No ke aha?  Owai ka poe i keia wa e hoohalike ana  me ko Gadara?  Heaha ka hope ke haalele Iesu me na misionari ia Hawaii nei? 

            Nawai i hoonaauao i keia lahui me keia aupuni?

            Na manao paipai,  Himeni.  Lei Alii, aoao 16.  Pule me ka hookuu aku Haawina no Ap 2.  Mar 6;1-13.

 

HOOLAHA EUANELIO.

            E halawai ana ka ahahai euaneli o Hawaii hikina ma Laupahoehoe Hilo akau, ke Iuka aku ma ka la 21 o Aperila Poalima 3 1882.

            Nolaila e makaala e na lala mau o ka ahahui me na elele, na keiki hoi, a ka aha.  A e liuliu hoi i na kumumanao a me na hoike kihapai.  Ma ke kauoha.                         J S Kalana.

 

KA PUUWAI O RAOUL-DE COURCY A ME KA LEDE GABERIELA.

            O Raoul-de Courcy oia kekahi o na Naita kaulana a he Haku hoi no kekahi hale kakela nani i kukulu ia maluna o kekahi wahi mauna e kiai iho ana maluna o Valeed 'Or; a o ko lakou olelo kaulana mai ka mua mai:  "Aole au he Moi, Alu, Duke, a Earl hoi, aka he Haku au no Courcy"-a me kekahi olelo ana hoi, he mea nui maluna o lakou a pau.

            Ua haule ia i na @ e ke aloha me ka lede Gabariela ka wahine a kona hoa e noho k@ mai ana @ o Haku Faela.  I kekahi pa hele mau @ e hui me ia ma kahi a @ e hoi mau ai ma ka @ (tower) o ke kakela o Faeta; a aia i hiki aku ai ua hui aku la ia he ala a he alo me ka Haku Faela, a me ka lede hoi, a loaa pono iho la ke kolohe.  Aka, e like me ka olelo ia kahiko, "ao no i ke koa ao i ka holo, a pela iho la i pakele ai o Raoul, a kiai makaala ia iho la hui ka lede Gaberiela.  Aka e like me ka mea maa mau i na mea a pau, he loaa no he manawa no laua e hui ai ma kahi malu, a pela iho la hoi keia mau ipo e hoohala ai i kahi mau minute me ka ike ole mai o ka mea waiwai.

            He wa mahope iho, e like me na Naita oiaio, hele aku la ia e hakaka ana malalo o ka hae o ke Kea no ka Palesetina, ka "Aina Hemolele."  Iaia i makaukau ai e hele, hele mua aku la ia e haawi i ke aloha hope loa i ka lede Gaberiela, a oiai laua e hooninipo ana i ke aloha, huki ae la o Raoul mai kona pakeke ae he wahi owili o kona mau lauoho i wili maiau ia me na maawe lopi silika pahee, a ua nipuu ia ae a paa a makana aku la ia Gaberiela; wehe ae la hoi ka lede i kekahi komo kumukuai nui mai kona manamanalima ae a makana aku la ia Raoul-de-Courcy, hoohiki mai la ia e komo no au i keia a hiki i no'u hanu hope loa.

            Nani ka nui o na waimaka i hookahi ia-na honi pua rose i kukaiia ia mau minute hope, -no kamea, he mamao loa aku ka Aina Hemolele mai Farani aku.

            I kona hiki ana aku i Suria ua ikeia ae ia "Ka Naita o kekahi mau hana nui."  Iloko o na hoouka kaua ana a pau, ua kaulana ae ia no ke koa, ikaika, a wiwo ole, aka, ma ka hoouka o Eka, ua ku mai la kona aoao i kekahi pua a eha iho iho la ia.  o ka Moi o Enelani pahola mai la ia i na kokua a me na olelo hoola na manao hoi no kona oluolu ae, aka o ka pua i ku ai ia, ua hana ia o mua me ka laau make, a o kona hoola ana ae, he mea paakiki ia.  Ike iho la ia e emi iho ana kona ikaika i na la a pau a e ano pilikia ana hoi kona ola.  Hohola ae la ia i kona mau lima a kuhi aku la i Farani, E Farani, Farani!  E Gaberiela, Gaberiela!

            No kona ike ke nee hikiwawe mai nei kona mau hora hope, nolaila kauoha koke ae la ia e hoihoi ia aku ia i kona home ma Farani, aka aole ia i kau aku iluna o ka hale aukai no ke alanui moana, kauoha aku la ia i kona mea nana e hoihoi ana e hele mai imua ona, a olelo aku la ia:       

            "Mahope iho o kuu make ana, e kaha oe ia'u a lawe ae oe i kuu puuwai, hana oe me ka hoomiko ana, a i ole me kekahi mau mea e inoino ole ai, wahi ae oe a paa me keia mau apana silika, a lawe aku oe a haawi i ka lede Gaberiela ma ke aupuni o Farani, a e lawe pu aku hoi i kuu mau pohaku nani e laa ke gula, da imana, na mea e pili nei ia'u a haawi'ku oe iaia wale no, aole i kahi mea e.

            I ka hiki ana aku hoi o ua mea nei e paa nei i ua waiwai makamae nei i Farani, hoano e ae la ia i kona ano ma kona komo ana i kekahi ano loke okoa ae i like ole hoi me kona kulana i hiki aku ai, a hele aku la i kahi o ka haku Faela kahi hoi a ka lede Gaberiela e lia ana iloko o na aina moeuhane no ka Naita Raoul ka mea hoi nona ka puuwai e imi aku la i wahi e pili hou ai.

            Iaia nei mawaho o ke kakela o Faela e imi ana i wahi e komo ai iloko o ua ka kela nei, hui pu iho la keia me ka haku Faela, a no ko ia nei ike ole o ka haku Faela keia, ninau aku la keia i ua haku nei i na he mea hiki iaia ke komo iloko o ke kakela e haawi aku ai i ka puolo i haawi ia mai ai iaia na lede Gaberiela?  Ia wa lalau mai la ka haku Faela i ua kanaka nei, pepehi iho la a lawe ae la i ua wahi puolo nei.  Ia wehe ia ana ae, aia ka o ka puuwai o Raoul-de Courcy, ka waiwai o loko, a o ka makana hoi i ka wahine ana ka lede Gaberiela Faela.

            Hoi wikiwiki aku la ia i ka hale a haawi aku la i ke kuke e hana ia a ono loa, a e waiho ia maluna o ke pakaukau a o ka ia hoiia a kana wahine ia aina ae.

            I ka hiki pono ana mai hoi i ka wa e paina ai, ua hele mai la ka lede Gaberiela a noho iho la i ka papaaina me ka ai ana i ka puuwai o ka mea ana i aloha nui ai, a o ka mea hoi ana e papahi mau nei i ka lei o ke aloha ku hohonu.

            I ka pau ana ae o kana ai ana i ua puu wai nei, ana hoi e kuhihewa nei he io ho loholona miko, ia wa ninau mai la o haku Faela.

            "E ka lele, he maikai anei ka mea au i ai iho la?"  Ae, wahi a Gaberiela.

            O ke kumu i hana ia ai a ono i ai ai oe a pau, aka aole ia he mea e ae, o ka puuwai no ia o Raoul-de-Courcy.

            "E haku Faela," wahi a Gaberiela, o na hana ino au i hookau mai nei maluna o'u, i hui pu ia hoi me na hooko ana mai a kou puuwai eleele, au hoi i hana mai nei i kekahi mea, i mea no'u e ai ai i kona puuwai, heaha la hoi, ma keia hope aku, aole loa au e ai i kekahi mea, mahope iho o kuu @ ana ia @, oia @ ka puuwai o kuu mea i aloha ai.

            P@ ae la ia i kona puuwaai.  Haule a make aku la he "puuwai@."               J. P.

 

KA HOOMAKAUKAU KAUA ANA O NA AUPUNI NUI O EUROPA.

            Ke hoemakaukau nei na aupuni nui o Europa i na mea kaua i keia wa me ka pupuahulu nui.

            Ua hoike ae kekahi nupepa ua hoolilo'ku ke aupuni o Farani he 50,000,000 dala mawaho ae o na @ mau o ke aupuni no ka hoolako ana i kona mau aumoku me na pukuniahi nunui kaulana a Hotchkiss. ua kaulana a puni o Farani no na pukuniahi a keia haule i hana ai a he hiki ke k@ ia na poka he 80 iloko o ka minute hookahi, ke liki nei o Farani no keia pukuniahi maikai i loaa ia lakou a ke noke nei i ke kaena aole he hiki i kekahi moku kaua ke hoaano mai a kaua me kekahi moku kaua o lakou oiai ua piha lakou me na mea make.

            Aole oia wale no aka ke hana ia na moku kaua hao i hoolako ia me na mea kaua o kela me keia ano. na moku lawe torpedo hoopahu, a he nui wale aku.

            Ke kukulu hou ia nei na papu ma na palena a pau a ke hoolako ia nei me na pukuniahi a lakou e kaena nei.

            Ke haohao loa nei a Enelani no keia hana a Farani a ke ninau nei heaha la keia ano hana a Farani?

            A ke ninau nei na aupuni nui e ae, heaha la ke ano o keia, ahea la e ihoiho ai na omamalu uahi pauda maluna e Europa holo okoa nei?

            No keia mau houluulu hoolako kaua a Farani, na okala a kunahihi m @ o Geremania a kauoha ae la oia i kona Mana kaua Holookoa e ku me ka makaukau, e hana hou ia na papu, e hoolako ia me na lakou kaua, e kauoha hou ia e hana hou ia i mau mea kaua hou, e ohi hou ia i mau koa hou.  No keia leo wawalo okalakala, ua ala like mai na makaainana a hooko aku la i keia leo.

            Ma keia hoeueu kaua a Farani ua kaena ae oia, aole oia e haulehia hou malalo o ka mana o kekahi aupuni e aku.

            Pehea la kakou ke upu ia nei e hookomo mai iloko o ko kakou aupuni he p@uu dala nui, heaha auanei la ka hana nui e hoohana ia keia puu dala?  Ke lono ia nei e kukulu ia ana he manawa no kakou, e hana ia ana he papu ma Kawaihoa a pela aku; ina pela o ko kakou aupuni kekahi e komo pu ana ma keia hoomakaukau nui no ke kaua.

 

E COOK WEBB, M.D.  HOMEOPATIKA.  (Kauka o ka Halemai Homeopatika, ma ka Mokupuni Ward's. N. Y.)

            KEENA OIHANA.  -Helu 60, Alanui Papu.  Makaukau @ e lawelawe i na pilikia mai o na wahine a me na kamalii.

            HORA HANA.  -Mai kakahiaka a hora 10 am.-2 a i ka 4pm.                       967 4m

 

C.C. COLEMAN.  Amara a he mea hana Mekini Kapili kapuai hao lio.  A ME KA Hana ana i na Kaa Lio & c.  Hale Hana ma Alanui Alii, e kokoke la i ke Alanui Papu.                                                      905 tf

 

PAPU KUHIKUHI MANAWA HOLO O KA MOKUMAHU HAWAII  "LIKELIKE,"KAPENA KING.

AOLE AIE NO NA UKU OKOA.

            Ke hooleia aku nei ka aie no ka uku uhea, a ke hoikeia aku nei i ke akea, ina he mau paiki, ukana a puolu hooili ko lakou, e pono e hoailona ia me ka moakaka lea.  Aole no e ae ia ka lawe ana i na ukana, paiki a puolo i hoailona ole ia ke ole e kakouia ka loaa  ana mai.  

HE KUIKE KA UKU UKANA.

            Ma na ukana a pau o na makamaka, e pono e uku mea ia.  A e hookoia no na kauoha no ka lawe a hiki i kahi i makemake ia.  A e malama ia no me ka makaala na ukana, paiki a me na poolo, lio, pipi ame ka hoki.

E Hoailona ia me ka moakaka na Pahu Rama a me Waina.

            O ka poe no lakou na ukana o keia anu e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

            O na kona no na pilikia a me na pono, e pono e hoike koke ia mai iloko o ka malama hookahi.

            Aole e aeia ua hookela kaa, na keiki a me na mea like e pili @ o ka mokuahi i ka wa e pili mai ai i ka uapo, aia wale no a paa ua ohua @ i ka @.

            No ka aku mai e hoopomaikai ia ka @ kaahele, ua hooluli ae nei ua Ona o Likelike i ka Papu Hoike Manawa oia Mokuahi e like @ @.

Ma ka Hale Oihana e loaa'i na Palapala.

            Aole Keena e hope e lilo, aia wale no a kaa nea nai ka @ moku.  Aole e lii ka hewa ao na paiki, ukana a puolo paha waole e kakauia ka loaa ana mai.  E hookaaia ka uku ukai i ka wa e nolaila aku ai.       WAILA MA.

 

JOHN RUSSELL.  LOIO A HE KOKUA MAKE KANAWAI. 

@ @ sentence @ @

 

JNO.  LOTA KAULUKOU.  LOIO  a ME @.

            UA makaukau au e h@ i na hihia a pau o kela a me keia ano iloko o na aha i@ aoio a pau o keia Aupuni.  Ua hiki no @ @ i na palapala a pau e pili ana i ka Oihana L@ me ka @.  E @ no au mea @ K@ a me Honolulu @ @ manawa.

 

S. B. DOLE.  HE LOIO A HE LUNA HOOIAIO PALAPALA.

            E hiki no laia ke lawelawe i na hihia o kela a me keia anu imua o na Ahahookolokolo a pau o keia aupuni.

            Keena hana ma Alanui Papu, maluna ae o ka Halekuai o Likini.  Honolulu, Oahu Iulai 10, 1880.  971 tf.

 

RICHARD F. BICKERTON. [PEKETONA]  LOIO  a he KOKUA  ma ke KANAWAI!

            E HELE ANA OIA INOA O NA AHA HOOKOLOKOLO a pau o keia Aupuni ma na ana ihia a pau, ina paha ma Oahu nei, a ma na Mokupuni e ai.

            Ua makaukau mau oia i ka hana ana i na Palapala pili ka nawai o kela a me keia ana.

            Ua hiki no hoi iaia ke hoale dala aku ma ka moraki ana ina aina, ma ka ukupanee haahaa loa.

            E hanaia na hana me ka hikiwawe a ma ka uku haahaa.  Keena hana, Helu 23 Alanui Kalepa, elua puka ma o aku e ka hale kauka o Kauka M@.

 

JAMES M. MONSARRAT. [MAUNAKEA]  Loio a he Kokuu ma ke Kanawai.

            IMUA O NA AHA HOOKOLOKOLO A PAU o keia Aupuni.  E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai.  Hoolimalima a me ka hoaie lala ana.

A HE LUNA HOOIAIO PALAPALA.

Keena hana helu 9 alanui Kaahumanu.  Jan. 3, 1880.                                    944 1v

 

KO BIHOPA MA BANAKO MALAMA DALA.

E MALAMA NO MAUA I KE DALA O na kanaka maloko o ka Banako, penei:

            Ina hoomoe nu ai ke kanaka hookahi i na dala $300 a emi mai paha, alaila, e uku maua i eono hapahaneri ukupanee ma kahiki, mai ka la o ka lawe ana mai a hiki i ka la o kona ohi ana, ke waihoia ke dalal hoomoe i ekolu malama a keu paha.  Aole ukupanee e helu ia no ka hakina e ke dala hookahi aole no hoi no ka hapa malama.

            Ina ohi koke oia i kana dala, aole i hala na malama ekolu aole ukupanee.

            Ina i manao ke kanaka e ohi i kana dala. e pono ke hoike mai oia ma ka Banako i kona manao ohi. i kanakolu la mamua o kona ohi ana, a o kana buke kekahi kelaweia mai.

            Ma ke kikoo wale no a ka mea dala e haawi ai kana, ka Buke kekahi ke lawe mai.

            Ma ka la mua o Sepatemaba keia makahiki a i keia, e houluulu ai i ke dala, a e huipuia ka ukupanee me ke kimupaa ke kumupaa o na dala o hoomoeia no na malama ekolu a keu, a mahuahua ke kumupaa e loaa i ka ukupanee.

            Ina oi aku ke dala hoomoe mamua o $300, alaila, hooholo pu ka olelo.

            E weheia ka Hale Banako i na la hana a pau.            BISHOP & CO.         851 tf

 

He Nui anei Kou Makemake i na MEKINI HUMUHUMU LOLE!  Ina pela, alaila, e kipa mai no ma ka Halekuai o KAKELA & KUKE.  A malaila oukou e ike ai a makaikai i na ano MEKINI A WHEELER a me WILSON mai ke $40 a hiki i ke $50 ke kumukuai o ka mea hookahi.  NA MEINI A SINGER, ma ke $50 pakahi, me ke ano MEKINI  a WILCOS me GIBBS, ma ke $30 hiki i ke $50 ke kumukuai. mea e pau ai ko oukou kanalua e na Makamaka no ae k pono o'keia mau Mekini, e naue mai no me ke kuihe ole, a e ike no oukou iho.                         628 tf

 

PAPA !  PAPA !  NO ALLEN & ROBINSON.

UA WEHE AE NEI MAUA I PA KUAI PAPA MA KA UWAPO O PAKAKA.

            Na Papa Ulaula o na ano a pau., Na Papa Paina o na ano a pau., Na Pili Hale Ulaula., Na Pili Hale Keokeo., Na Pepa Hoonani Hale., Na Pepa Molina.

Na Pena a me na Aila Pena!  NA KUI O NA ANO A PAU.

NA PANI PUKA  a me, NA PANI PUKA'ANIANI., NA PANI PUKA a me, NA OLEPELEPE.

NA LAKO KUKULU HALE O NA ANO A PAU!  E KUAIIA MA KE KE KUMUKUAI HAAHAA LOA  O keia Makeke.

ALLEN & ROBINSON    Honolulu, Ian. @

 

LOLE MAKEPONO ke Kuike E LOAA MA NA @ KAKELA ME KUKE.  E LAA NA

Ahinahina, Kalakoa, Keokeo, Leponalu, Pena, Aila, Aniani.

NA MEA PIULA!  KOPA.  AILA HONUA.  AILA HOOMANAO  Kui Kakia, Pakeke Tabu, Kaula, Noho @, Hulu Palaki, na Fulumi.

A HE AGENA NO HOI NO NA MOKUPUNI HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka @, Palule Huluhulu, Na Lole Huluhulu, Na Lole no ka hooh@ Lipini, Lihilihi, & c. LIPINE LIHILIHI, & c.

A ME NA Mikini Humuhumu Makepono Lua!  A HE MAU MEA AI KAHI Ka Palana, Kopaa, Raiki, Pia, Hoohu, Paakai, Huaala, Pia Ku@, A he Laau Lapaau Kaulana Loa A DR. JAYNES.  Laau Kunu., Laau Hoomaemae Koko, Laau Hoopau Naio.  Penikila. H@  A ME NA LAAU HAMO.  A PELA 'KU

 

PAPA, PAPA AIA MA KAHI O LEWERS & COOKE! (O LUI MA.)

MA KE KAHUA KAHIKO MA Alanui Papu a me Moi E LOAA AI NA Papa Nouaiki o kela a me keia ano.

Na Papa Nani a Paa no ke kukulu ana i na Hale!  Na Pani Puka, Na Puka Aniani., Na olepelope, Na Pou, Na O-a, Na Papa Hale, Na Papa Ku, A me na Papa Moe Nui @

 

            NA PILI O NA HALE O NA ANO A PAU.

Na Pepa Hoonano, Na Pena o na Wai a iau, Na Kui mai ke Nui a ka Makalii, Na Ami Puka, Na Ami Puka, Aniani.  Na Ami o na ano a i@ Na Aila Pena, o kela me keia ana, Na Aila Hoomaloo, he lehulehu wale Na Aila e ae o na ano a pau.

NA WAI VANIKI A ME NA WAI HOOHINUHINU NANI o na ano a pau loa.  NA BALAKI ANO NEUI WAIE NA BALAKI ANO NUI WALE  A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana.

            UKU NAANAA LOA ! E like me ka mea e holo ana mawaena o LAUA a me ka MEA KUAI E hele Mai!  E na Makamaka.  A e lawa no hoi ko oukou makemake me ka oluolu a me ka maikai.