Ka Nupepa Kuokoa, Volume XXI, Number 9, 4 March 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA Kuokoa me ke Au Okoa I HUIIA.

 

No ka Makahiki, $2.  Eono Mahina, $1.  Dala Kuike ka Eula.

 

POAONO, MARAKI 4, 1882.

 

JESUS, Only JESUS.  Gospel Hymns, No 286.

 

1 Eia no kuu mele e, Iesu, Iesu, Iesu, Kani no kau lira nei.  Iesu, Iesu, Iesu, Mele mai ka po a ao ae no, Mele hele io i o.

 

2 Oia no kuu Lama lai, Iesu, Iesu, Iesu, Oia hoi kuu alakai.  Iesu, Iesu, Iesu.  Ina ae e auwana'e, Nana e hoihoi mai, Oia mau la kuu kiai, Iesu, Iesu, Iesu.

 

3 Oia kuu Kahuna e, Iesu, Iesu, Iesu, Lapaau, hoola mai, Iesu, Iesu, Iesu.  Mana Kona koko e.  Pau kuu hewa, a maemae, Mau e mau kuu mele nei, Iesu, Iesu, Iesu.               HAWAII.

 

Haawina Kula Sabati.

HELU 12.  SABATI, MAR 19.

KUMUIINA.

Ka mana o Iesu maluna a na mai, a me ka make.  Pauku Baibala, Mareko 5;21-43.

            21 I ka hoi ana o Iesu ma ka moku, a hi ki i kela kapa, nui loa iho la na kanaka i akoakoa mai la i Ona la, a aia no Ia ma kapa o ka moanawai.

            22 Aia hoi, hele mai la kekahi luna halehalawai, o laero kona inoa, a ike oia ia Ia, haule iho la ia ma Kona mau wawae.

            23 A nonoi nui ae la ia la, i ae la, Ke wa iho la kuu kaikamahine i ka welau o ka make, e hele ae Oe, e kau iho i Kou lima maluna ona, a e ola no ia.

            24 A hele pu aku la Iesu me ia, he nui loa na kanaka i hahai pu aku la, a hooke iho la ia la.

            25 Aia hoi he wahine heekoko, he umi na makahiki a me kumamalua;

            26 A ua nui kona kaumaha no na kahuna lapaau he nui loa, a ua hoopau loa i kona waiwai, aole nae i maha iki, u amahuahua no ka mai.

            27 A lohe aku la ia no Iesu, alaila, hele mai la ia mahope, a iloko o ka ahakanaka, hoopa aku la ia i Kona kapa.

            28 No ka mea, ua nalu iho no ia, Ina paha e hoopa au i Kona kapa wale no, e ola au.

            29 Maloo koke ae la ke kumu o kona koko, a ike iho la ia iloko o kona kino, ua ola ia i kela mai.

            30 Alaila, ike koke iho la o Iesu iloko Ona ua puka aku kekahi mana, mai Ona aku la, huli ae la Ia maloko o ka ahakanaka, i mai la, Owai la ka mea hoopa mai i kuu aahu?

            31 I aku la Kana poe haumana ia Ia, Ke ike mai nei no Oe i ka ahakanaka, e hooke ana ia oe, a ke ninau mai nei anei oe, Owai kai hoopa mai Ia'u?

            32 Alawa ae ia ia e nana i ka mea nana hana ia mea.

            33 Aka, o ua wahine la, hele mai la ia me ka makau, a me ka haalulu, no ka mea, ua ike pono ia i ka mea i hanaia'e iloko ona, a hai pololei aku la ia la.

            34 I mai la Oia ia ia, E kuu kaikamahine, ua ola oe i kou manaoio!  e hele pomaikai oe, me ke ola ana o kou mai.

            35 A i Kana olelo ana, hele mai la kekahi mea, no ka luna halehalawai, i mai la, Ua make kou kaikuahine, no ke ala la oe e hooluhi hou aku ai i ke Kumu?

            36 A lohe Iesu ia olelo i oleloia'e, i mai la ia i ka luna halehalawai, Mai makau oe, e manaoio wale mai no.

            37 Aole la i ae mai i kekahi kanaka e ae e hahai aku ia la, o Petero wale no, a me Iakobo a me Ioane, ke kaikaina a Iakobo.

            38 A hiki ae la Ia i ka hale o ua luna halehawai la, ike ae la Ia i ka haunaele, a me ka poe alala, e uwe nui ana.

            39 A i Kona komo'na iloko, i mai la Oia ia lakou, No ke aha la oukou e makena'i me ka uwe'ho?  Aole i make ke kaikamahine, aka e hiamoe ana no.

            40 Hoowahawaha aku la lakou ia la; aka, kipaku ae la Oia ia lakou a pau iwaho, alaila lawe ae la la i ka makuakane a me ka makuahine o ua keiki la, a me kona poe iho, a komo ae la iloko o kahi i moe ai ke keiki.

            41 Lalau ae la ia i ka lima o ua keiki la, i mai la ia ia, Tahitakoumi, oia hoi keia ma ka hoohalike ana.  E ke kaikamahine, ke ole lo aku nei Au ia oe, e ala ae iluna.

            42 Ala koke ae la ke kaikamahine a hele ae la; no ka mea he umikumamalua kona mau makahiki, a kahaha nui loa iho la ko lakou naau.

            43 Papa ikaika mai la Oia ia lakou, ma hai aku i keia i kekahi; alaila, kauoha mai la ia, e haawiia kekahi mea Nana e ai ai.

Pauku Gula. p 36.

            Manao nui.  Ka manaoio ia Iesu ka mea e ola'i na pono kino me na pono uhane.

            Na heluhelu la.  1. Mar. 5;21-43.  2.Mat. 8;10-20.  3. Luk 8;41-56.  4. Mat 15;21-28.  5.Luk 7;1-17.  6.Io 11;1-19.  17.Io 11;20-45.

            Ka manawa, Ke ahiahi o ka la i hoola ia'i ke kanaka daimonio ma Gadara.

            Kahi i hana ia'i.  Kaperenauma ma ka hale o Mataio, a ma ka hale o Iaero.

            Na wahi like.  Mat. 9;18-26.  Luk 8;41-56.

            Na hana mawaena.  Haalele Iesu ia Gadara, a hoi i Kaperenauma.  Ma ko Mataio kono ana, hele Oia i ka ahaaina ma ka hale o Mataio.  Malaila Oia i kamailio ai me kekahi poe Parisaio a me kekahi mau haumana a Ioane Bapetite.  Hoea mai Iaero, a noi ia Ia e hele a hoola i kana kaikamahine.  Ma ke alanui, hoola Oia i ka wahine e heekoko.

            Ka wehewehe me ka ninau ana.

            P. 21-24.  I ka hoi ana o Iesu mai hea mai?  A i hea?  Pehea iho la kanaka?  Akoakoa mahea?  Owai kai hoea mai?  Aha iho la Iaero?

            Heaha kana i noi mai ai ia Iesu no kana kaikamahine?  Ae anei Iesu e hele?  Owai kai hele pu?  No ke aha ko lakou hele pu ana? 

            P. 25-34.  Ia Iesu ma ke alanui heaha Kana i hana'i i kekahi wahine hookoko?

            Pehea a loihi o kona mai ana?  Ua lapaau ia anei oia e na kauka maoli?  Ola anei?  Ua lilo kona waiwai a pau ia lakou.  Aole nae i ole.  ua aha kona mai?

            Mau ole, ea, na kauka kanaka i kekahi manawa.

            A lohe keia wahine, Eia Iesu ke maalo ae la pehea kona manao ke hiki e hoopa'ku i ko Iesu aahu?  Ma ka hoopa ana ko anei kona manao?  Ae ola koke no.

            Heaha ka Iesu i ike ai?  Hele wale anei ko Iesu mana mai Ona aku me Kona ike ole?

            Aole paha.  Heaha kana i ninau aku ai?  Ninau anei oia no kona ike ole?  Aole paha.  No ke aha la?  A pane na haumana pehea?  He pane aha keia?  He pane ano pakike.  Aho nui nae Iesu.

            Nana Iesu a kau Kona maka maluna o ua wahine nei, a pehea iho la oia?  No ke aha kona makau me ka haalulu?  Makau o hoahewa mai Iesu no kana hana malu ana.  Hoole anei oia, aole oia ka mea i hoopai ko Iesu aahu?  Aole, hai pololei no.

            Heaha na olelo hooluolu a Iesu?  Ola oia ma kona manaoio ia Iesu.

            P. 35-43.  Mahope iho o ko Iesu hoola ana i keia wahine, he elele kai hoea mai.  Heaha kana i hai mai ai no ke kaikamahine a Iaero?  A pehea Iesu i hoolana'i i ka manao o Iaero?  Kono Iesu ia wai wale no e hele pu me ia?  A puka lakou i ka hale o Iaero, e aha ana lakou maloko?

            A ninau aku Iesu pehea?  A hoole aku aole i aha ke kaikamahine?  A aha mai lakou?

            Hoomaloka ea.  A pehea Iesu i hana'i i na kanaka?  Owai kai komo pu me Iesu iloko o ka hale?  A lalau Iesu i ka lima o ua kaikamahine nei, a olelo pehea?

            A pehea koke ae la oia?  Ala koke.  Ua make no Ola nae ma ka manaoio o Iaero.  Ehia ona ma'i makahiki?  Pehea iho la kana ka?  Heaha Kana i papa ikaika ai?  Heaha Kana i kena aku ai?

            Ma keia mau hana elua, ua akaka, he mana ko Iesu maluna o na mai, a me ka make.

Ma ka hoopili ana.

            1.  Mai noi ia Iesu a haalele ia Hawaii nei Mai ala a kipaku aku ia Iesu me na misionasi mai Hawaii nei aku, e like me ka paipai ana a Poepoe (Kuokoa helu 5,) o ae lakou e ku a hele aku, a lawe pu i na pono kino, na pono uhane a lakou i lawe mai ai, a lawe pu aku i ka Moi, kekahi hua a lakou Naaupo ko Gedara no ke kipaku ana ia Iesu me Kana mau haumana mai ko lakou aina aku.  Naaupo Hawaii ke kipaku aku ia Iesu me Kana mau haumana.

            2.  A kipaku ia Iesu me kana mau haumana, ae no lakou, ku no a hele i kahi e hookipaia'i.  A hoomau no i ka lakou hana maikai ana.

            3  E noi aku ia Iesu e lapaau i ka poe mai.  He kahuna mana Oia, he kahuna aloha.  Lapaau wale me ka uku ole.  Mai makau i ka hoopii aku ia la.  Mai makau i ka hoopa aku i Kona aahu.  Mai olelo ua ma ke ke kaikamahine.  Makehewa ke noi ia Iesu e hoala.  Hiki no ia Iesu ke hoala.  Heluhelu Epe. 5;14.

            Nui na mea make iloko o ka hewa, iloko o ka lealea.  E kahea aku ia Iesu e hoala.

            4.  E hanai i ka poe i ole mai i ka ai ukane, i ka olelo a ke Akua.  Lalau, apo, alakai hanai pono.  E hookomo iloko o na aha Karisetiano opiopio.

 

KE KUMU O KA MAKE.

"Nau iho kou make, e ka Iseraela.  Aka, iloko O'u kou kokua."  Hosea 13;9.

            Owai ka Iseraela?  o Iseraela kekahi inoa o Iakoba ke keiki a Isaaka, no ka aneia mai ia inoa, hakoko Iakobo me ka aneia, a ikaika loa, nolaila kona inoa hou, o Iseraela.

            Mahope iho, ua kapa ia na mamo a Iakaba o ka Iseraela, a o ka poe Isaraela, oia ko lakou inoa a hiki i ka wa i kipi ai na ohana he 10, a kukulu i aupuni kuokoa malalo ae o Ierusilema, a kapa ia keia aupuni, ka Iseraela, a o ke aupuni o ka Iseraela, na ohana elua i koe malalo ae o Rehoboama, oia ke aupuni o ka luda.

            Hoomaka koke ke aupuni o ka Iseraela, ke lii me na kanaka,  e haalele ia Iehova, a hele mamuli o ka hoomana kii, mahuahua ko lakou mau hewa, kaua kuloko, kaua kuwaho, ala mai na enemi, pilikia loa i kekahi manawa.

            Kii aku i na aupuni e ae, na aupuni hoomanakii, e hele mai e kokua, kokua mai no, aka, i kekahi manawai, kipi ka Iseraela i na aupuni i kokua mai.

            Ua ao ia no ka Iseraela e na kauia Hosea no kekahi kaula.  Paipai oia ia lakou e haalele i ko lakou hewa.  ko lakou hoomana kii, ko lakou paulele ana maluna o na aupuni e, na aupuni hoomana kii, a e paulele ia Iehova.

            Aole nae lakou i hoole, a no ia hoole ole ana, ua kau mai ka pilikia nui maluna ona, a auwe oia no kona make ana.

            Alaila, hai aku Hosea ke kaula.  Nau iho kou make, e ka Iseraela, ke ano o keia.  Nau i pepehi ia oe iho.

            Nau iho no i lawe i keia pilikia nui malu na o kou aupuni.

            Ka hope o keia pilikia nui, ka lawe pio ia ana o na kanaka i na aina e, a hoonohoia na kanaka e maloko o ko lakou aina ponoi.

            Ua make no ka Iseraela ia ia iho, aka aia iloko o ke Akua kona kokua.

Ma ka hoopili ana.

            Hawaii nei ka Iseraela, naaupo no ia mamua hele mamuli o ka hoomana kii, e like me ka Iseraela.

            Hele mai na misionari, me ka baibala, a hoonaauao i na lii me na kanaka, lilo keia lahui, na lii me na kanaka, i poe naauao, i poe hoomana ia Iehova, lawe na lii i na kanawai he 10 o Mose i kumu kanawai no keia lahui.

            Kau i na kapu maikai no ka la Sabati, no ka mare ana, no ka rama me ka ona, no ka hoomanakuu, &c.

            Hai aku no na misionari i keia olelo a ke Akua, ina malama oukou i ke Akua me Kona kanawai, alaila, e nui ana ka pomaikai, a e hooloihiia ka mau ana o ko oukou aupuni, me kona maluhia, aka ina haalele oukou ia Iehova me Kona kanawai, alaila e pau auanei oukou i ka make, na lii a me na kanaka.

            Holo maikai na hana mamua, nui na pono, loaa ke Kuokoa ana o ke aupuni, ke kui kahi ana me na aupuni e ae, me ke kuikahi panailike, mamua nui na kanaka hana, na paahana iwaena o na kanaka Hawaii, aole hemahema na mahiko, me na hana e ae, no ka loaa ole o na kanaka hana Hawaii.

            Aka, aole liuliu a hoomaka ka uwe ana, pilikia, ua emi na kanaka hana.  A emi hou no, weliweli ka emi ana?

            Ala mai ka ninau, hea@ ka pono?  Pehea la e ulu hou ai keia lahui?  Pehea e loaa ai na paahana i hoomau ia na hana e waiwai ai?

            E kii i na kanaka e, a ua kii ia aku no, a lawe ia mai a piha ke aupuni i na kanaka e, kela me keia ano, kela hoomana me keia hoomana, a ana kekahi poe, a auwe ae, auwe!  ua poino Hawaii, ua make!

            Alia, aole paha ia i make loa, a ina e make auanei ia, make oia ia wai?  Ia oe iho no.  Nau no e pepehi ia oe iho.

            A ke makemake nei anei oe e ma e, e pepehi ia oe iho?  Ke pane mai nei anei oe, na misionari, me na haole kai makemake e make au, aole au i makemake e make, e ola au a kau i ka pua aneane kuu makemake.

            Ae, pela no paha kou makemake, aole makemake ke kanaka hewa e make, aka ina e make oia, make oia iaia iho.

            Pela hoi oe e Hawaii, aole ou makemake e make.  Ina nae oe e make, e make oe ia oe iho.  Koena mahope.

 

HEMAU LETA MAHALO I KA MOOLELO O NELEKONA A ME KONA UNUHI OLELO,

THOMAS P. SPENCER.

            O makou o ka poe o Koloa nei, e lawe'na i ka hanohano o ke Kuokoa mau loa, no na makahiki loihi, ke haawi aku nei makou me ka walohia i ko makou aloha no ka muumuu mai kuhihewa e ko Honolulu poe ko oukou muumuu, aole ia, o k@ Haku Nelekona, ka kakou nanei o na la li'u wale i nalohia.

            A ke hui pu hou aku nei makou i ke aloha a olioli pu, me ka Unuhi Moolelo o ko kakou nanea, ke haawi ae nei makou i mau kalokalo, e ola oe, no kahi-koo, a me kou mau hoa paahana pu, nana i wehe i ka papa konane o Nelekona, e lea ai ka olelo ana, kui kawa o ka holo keia, kapala ka nuku na ke kea ka ai.

W H Maunakapu.  Koloa, Kauai, Feb 17 1882.

 

            Ke haawi aku nei keia peni i ka.  Unuhi Moolelo kaulana o Nelekona, ke kaena aenei keia makapeni, "o ka helu 1 o na moolelo kaulana loa i hoopukaia ma keia aupuni."

            Me ka eehia a me ka walohia maoli, nolaila, ua komo mai ke aloha iloko o ka puuwai o keia makapuni me ka hialaa, ua anu anu i ka iwihilo ka ike ana iho.

            Ma ka la 21 o Oct 1805, ma ka hooili kaua ma ka lae Tarapalaga.  I hoouka kaua ai mawaena o ka mokukaua Lanakila a me Kekukapela, i ike ia iho ai ke anuanu ana o ka poka a na koa Farani i ka puuwai o ua Nelekona nei, a waiho aku la iloko o ka eha eha nui, a no na hora pokole mahope iho, a make aku la oia.

            Nolaila, me keia wahi o keia moolelo, ua hu mai ke aloha i keia makapeni, ke koa nana i rula a i kau kanawai na ale ahiu o ka moana.

            O ka helu I o na moolelo kaulana loa o Europa i hoopuka ia ma keia aupuni, a me ka loea o ka Unuhi Moolelo nana i hoopuka iho nei.

            Nolaila, ke haawi aku nei keia makapeni i ka mahalo ia Thomas P Spencer, me ke aloha i na Keiki Hoonoho hua Metala o ke Keena Kuokoa ko'u aloha hope, Good-bye.  Owau me ka haahaa.

James W Akona.  Kaneohe, Feb. 22, 1882.

 

            Ke haawi aku nei ko'u puuwai a me ko'u pulima i ka mahalo paha i ko kakou Kilohana Pookela a me ka Unuhi Moolelo walohia o ka Haku Nelekona i pau iho nei, a ke hui pu aku nei au me ka manao hope loa o ka mea nana i unuhi mai ka mua a ka hope, a ke noi aku nei au i ko olua lokomaikai, e haawi hou iho i mea hoonanea walohia e like me ko ka Haku Nelekona i napoo aku la kona la.

            A ina oia ka makana o keia mh 1883 ae a ko kakou Kilohana o kona kii, a i ole ia o kahi mea e pili ana iaia, good loa.

            Huro!  huro!!  huro!!!  ke Kilohanana Pookela.  He maha@ paha keia imua ou e Pareka e kala mai ia'u.

Mose Manu.  Lawe Kilohana.  Kipahulu, E Maui, Feb. 17,1882.

 

HE MANAO ALOHA.

            O Alapaki, ko makou hoa opiopio i haule hia iloko o kekahi hewa i kulama i ko ke ao nei, o ko makou puuwai ua piha i ke aloha nona, a pela no paha ka opu o ka mea nona ka rumi i komo ia ai e ko makou hoa opio no ko mea, ua lohe mai makou ua naue kino aku oia imua o ka makai keikie e hoike i ka piha o kona kiaha i ke aloha no Alapaki.

            A ua oluolu io no ka hoopai ana.  Eia hoi ka ka Hawaii Paeaina, he manau ano hoonani koloka.

            Pehea la i lohe ole ai keia hipa a ka leo e kona kahu, eia, he wa ko na mea a pau, aole i ke kanaka ka ike i na wa a me na kau, aole no ke ao ole ia e kona kahu, ua kahe mai ka auwai ao mai luna mai o ka awai, no wai ka hewa, no ke kahu anei?  aole no ka hoolohe ole no o ka hipa.

            Pela no, ina kakou e nana mai, he wa ko na mea a pau, pehea hoi i kekahi wa e ike ia ana kekahi e lawe hele ana i ke eke e kioe ana iwaena o ke anaina eehia o Kawaiahao i na kokua manawalea, eia o kekahi hipa no ia a keia kahiu hookahi no.

            Heaha ka mea i lohe ole ai i ka leo o kona kahu, a olelo mai ia Alapaki i kona hoa hipa o ka pu a hookahi a me ke kahu hookahi no, a me ka pa hookahi, oia haawina hookahi no, he wa ko na mea a pau.

            Eia ka mea nui iloko o keia manao, kaa ke alakai i ka ili ano e, hele imua o ke kanawai e uwao ai i oluolu ka hoopai o ke kanawai Hawaii, eia hoi ka Hawaii, he ku a keana iho, heaha la ka mea i lohe ole ai i ka leo o kona kahu?                        J N Kona.

 

PILIPO NAONE.

            Ma ka la 16 o Feberuari i hala ae nei i hookuu aku ai o Naone i kona hanu hope loa, a hoi aku la ke kanaka i ka Haku ana i aloha nui ai, ana hoi i hookauwa aku ai maloko o na hana pono he lehulehu wale, ua make o Naone iloko o ke kanawalu a keu o kona mau makahiki.  Ua hanau ia oia ma Pauoa ae nei o Kakou.  O Mahi kona makuakane, a o Han@ kona makuahine, no Kauai na makua a pho i Pauoa, ekolu keiki a keia mau makua, o Pokuakua he wahine,  o P Naone a me D L@, ui make mua o Pakaukua a me Lima, a o Naone wale no kai ola loihi a oi wale aku na la mamua o ke 80 makahiki.

            O Naone kekahi o na hua mua o ka pono maloko o keia lahui kanaka, a he hua maikai maopopo e hilanila ole ai ka mahiai, ua huli ole i ka pono i kona wa opiopio, a mai ia wa mai a hiki wale i ka hopena, ua kupaa oia me ka hoi ole i hope, imua wale no oia, me ka makaala, me ka hooikaika mau i na hana pono a loaa ka pahu hopu, a kau ka lei, ua noho pu oia a hana pu i na hana a ka Haku me Kaahumanu, me Binamu, Lunaikaika, Kalaka a me a'u nei no hoi e kakau nei i keia wahi kanaenae aloha nona.  Oia kekahi o na lima kokua ikaika o ka eka lesia o Kawaiahao, a hiki wale i kona wa i palupalu ai a hiki ole ka hana.  Oia ke poo o ka papa luna, a he ano makua no na hoaha ia'u a pau.  He kanaka aloha nui oia i na kamalii, a me e a kula Sabati.

            Ua hai ia mai ia'u ua hanau ia o Naone iloko o ka malama o Maraki o ka makahiki 1785, ina pela, ua aneane piha ke 97 o kona mau makahiki i kona wa i make ai, elua a Naone mau wahine, o Pele wahine ka mua, a make ia, o Emelia Kaneholu iho, ke ola nei oia.  Ma o keia mau wahine a elua ua hanau ia he 31 keiki, he 21 na ka wahine mua a he 11 na kuni hope, he ekolu o keia mau keiki i hanau ia iloko o ka wa ai kapu.

            Ua hilinai na alii ia Naone, pela no o Kauka a me Limaikaika.  Ua noho oia he kumu kula i kekahi wa ma Kamanuwai, a he Lunaalanui no kekahi mau makahiki no Honolulu nei, na laua me kona kaikaina o D Lima, me na kanaka hana malalo o laua i pahola na kuauna o ke alanui Ema, a me ke alanui Kula me ke alanui Papu, a he Lunaauhau no hoi oia ko kekahi mau makahiki no keia apana, ua noho no hoi oia iloko o ka Hale Ahaolelo no kekahi mau kau, make ano he Lunamakaaianana no ka aoana o Honolulu, ua haawiia iaia e ka Ahahui Euanelio o Oahu he paiapala haiole o,' a ua lawelawe pono oia ma ia hana iwaena o na ekalesia o Oahu nei, no na makahiki he umi, ua malama oia i ka halawai ma na la Sabati iloko o ka hele paahao me Kawa.

            He kanaka o Naone i aloha i na'lii a me kona lahui.  Nui kona mahalo a me kona aloha ia Kaahumanu, ua hai mai oia ia'u na Kaahumanu i kanu ke kumu hau kahiko e ulu nei maloko o ka pa o Kawaiahao, ma ka aoao mauka o ka luakini.  Wahi ana malaila o Kaahumanu i paipai ai i na kane a me na wahine ma na hana pono.

            Nui ko Naone aloha i ka Pono a me ka Olelo a ke Akua.  Ua paanaau nui no hoi iaia ka Olelo.  I kona wa i palupalu loa ai a hiki ole ke hele i ka Luakini, maalo aku la au ma kona hale i kekahi la, he Poakolu ia.  I ka pau ana o ko maua mau kamailio ana a ku au e hoi olelo aku la au"o ka Poakou keia."  Pane mai la kela, 'ae, aloha ka halawai o keia ahiahi. aole au e hiki aku, i ka nawaliwali no o ke kino.'  Pane aku la au, aole no oe e hiki kino ana, aka, ina he manao kou, na'u e hai aku.  Pane koke mai la o Naone me ka hakalia ole, "e hai aku oe i ko'u aloha, a eia ka olelo a Iehova, 'e nana mai oukou ia'u a e hoola ia no oukou,' pela oe e hai aku ai i na hoahanau."  A ua hoi aku no au pela; no ka mea he oiaio ia.  Ua ike maopopo o Naone i ka hoola ana o ke Akua.  O ka Halelu 23 kekahi o na olelo punahele loa iaia.  Eia o hoi kekahi olelo i paanaau a i hoike pinepine ia e Naone iloko o na halawai, oia keia: 1 paa ko oukou manaoio, ma ka mana o ke Akua, aole ma ke akamai o kanaka."  O ka Paulo olelo keia ma 1 Korineto 11:5.  A he nui wale na olelo e ae i paanaau iaia.  Ua kamaaina iaia na olelo a ko Haku.

            Aloha na keiki i hoonele ia i ka makuakane maikai; aloha na luna ame na hoahana a pau o keia kauwa o ka Pono.  Aloha wale oe, e Naone, ka hoa kuka a hoahele ma na hana a ka Haku o keia mau alanui, mai Wailupe a hiki i Kalihi.

            Maanei aole hiki ia'u ke uumi i ko'u aloha a me ka mahalo no John Naone a me kana wahine, kekahi o na keiki a Naone, no ko laua malama pono ana i ka makuakane iloko o koa mau la palupalu.  Na keia mau keiki i lawe ia Naone ma ko laua home ponoi, a na laua i malama akahele iaia a hiki o ka hopena, a ma ko la a hale makou i lawelawe aloha ai no na hana hope loa e pili i ko ke kino.

            Ua kakau au i keia no kuu aloha ia Naone a me kona poe hoahanau, a i mea e ike ai ka lehulehu o kona lahui i ka pomaikai o ke kanaka pono, a me ka maluhia o kona hopena.       PALEKA.  Kawaiahao, Feberuari 28, 1882.

 

E. Cook Webb, M.D.  HOMEOPATIKA.

            (Kauka o ka Halemai Homeopatika, ma ka Mokupuni Ward's. N. Y.)

            KEENA OIHANA.  -Helu 60, Alanui Papu.  Makaukau mau e lawelawe i na pilikia mai o na wahine a me na kamalii.

            HORA HANA.  -Mai kakahiaka a hora 10am.  -2 a i ka 4pm.                                                         967 4m

 

C.C Coleman.

Amara a he mea hana Mekini Kapili kapuai hao lio.  A ME KA Hana ana i na Kaa Lio & c. Hale Hana ma Alanui Alii, e kokoke la i ke Alanui Papu.                             905 tf

 

RICHARD F. BICKERTON.  [PEKETONA.]  LOIO a he KOKUA ma ke KANAWAI!

            E HELE ANA OIA IMUA O NA AHA HOOKOLOKOLO  a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

            Ua makaukau mau oia i ka hana ana i na Palapala pili kanawai o kela a me keia ano.

            Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa.

            E hanaia na hana me ka hikiwawe a ma ka uku haahaa.

            Keena hana, Helu 23 Alanui Kalepa, elua puka ma o aku o ka hale kauka o Kauka Minuteole.       840 1y

 

PAPA KUHIKUHI MANAWA HOLO O KA MOKUMAHU HAWAII "LIKELIKE," KAPENA KING.  AOLE AIE NO NA UKU OHUA!

            Ke hooleia aku nei ka aie no ka uku ohua, a ke hoikeia aku nei i ke akea, ina he mau paiki, ukana a ponio hooili ko lakou, e pono e hoailona ia me ka moakaka loa.  Aole no e ae ia ka lawe ana i na ukana, paiki a ponio i hoailona @ ia ke ole e kakouia ka loaa ana mai.

HE KUIKE KA UKU UKANA.

            Ma na ukana a pau o na makanaka, e pono e uku mua ia.  A e hookoia no na kauoha no ka lawe a hiki i kahi i makemake ia.  A e malama ia @ me ka makaala na apana, paiki a me na puolo, lio, pipi ame ka hoki.

E hoailona ia me ka moakaka na Puku Rama a me Waina.

            O ka poe no lakou na akana o kela ano, e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

            O na koina no na pilikia a me na poho, e pono e hoike koke ia mai iloko o ka malama hookahi.

            Aole e aeia au hookole kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale au a pau na ohua @ i ka @.

            No ka aku nui e hoopomaikai ia ka lehulehu kaahele, ua hoolioli ae nei na Ona o Likelike i ka Papa Hoike Manawa oia Mokuahi e like me ma ua.

Ma ka Hale Oihana e loaa'i na Palapala.

            Aole Keena a hope e lilo, aia wale no e kaa mua mai ka uka moku.  Aole e lii ka hewa no na poiki, ukana a puole paha @ole e kakauia ka loaa ana mai.  K heokaaia ka uku ukai i ka wa e @ aku ai.  WAILA MA.

 

LOLE MAKEPONO Ke Kuike E LOAA NO IA MA KAHI O KAKELA ME KUKE!  E LAA NA Ahinahina, Kalakoa, Keokeo, Leponalo, Pena, Aila, Aniani, HA MEA PUILA!  KOPA, AILA HONUA, AILA HOOMALOO.

Kui Kakia, Pakeke, Tabu, Kaula, Noho Lio, Hulu Palaki, na Pulumi.  A HE AGENA NO HOI NO NA MOKUPUNI O HAWAII NEI NO NA

Lainakini-nao, Lainakini Maoli, Palule Kalakoa, Alapio, Kelepa, Kilika, Na lole kapono i ka wawae, Palule Huluhulu, Na Lole Huluhulu, Na Lole no ka hooheluhelu ana Lipini, Lihilihi, &c. LIPINE, LIHILIHI, &c.

A ME NA Mikini Humuhumu Makepono Loa!  A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, A he Laau Lapaau Kaulana Loa A DR. JAYNES.

Laau Kunu.  Laau Hoomaemae Koko.  Laau Hoopau Naio.  Penikala, Huaale A ME NA LAAU HAMO, A PELA KU.                 840 tf

 

PAPA, PAPA AIA MA KAHI O LEWERS & COOKE!  (O LUI MA.)  MA KE KAHUA KAHIKO MA Alanui Papu a me Moi E LOAA AI NA Papa Nouaiki o kela a me keia ano.  Na Papa Nani a Paa no ke Kukulu ana i na Hale!

Na Pani Puka, Na Puka Aniani.  Na Olepelepe, Na Pou, Na O-a, Na Papa Hele, Na Papa Ku, A me na Papa Moe nui loa.

NA PILI O NA HALE O NA ANO A PAU.

Na Pepa Hoonani Na Pena O na Wai a pau, Na Kui mai ke Nui a ka Makalii, Na Ami Puka, Na Ami Puka Aniani.  Na Ami o na ano a pau, Na Aila Pena, o kela me keia ano, Na Aila Hoomaloo, he lehulehu wale, Na Aila e ae o na ano a pau.

 

NA WAIVANIKI A ME NA WAI HOOHINUHINU NANI o na ano a pau loa. 

NA BALAKI ANO NUI WALE A ke hai i aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA UKU NAAHAA LOA!  E like me ka mea e holo ana mawaena o LAUA a me ka MEA KUAI.

E hele mai!  E na Makamaka A e lawa no hoi ko oukou makemake me ka oluolu a me ka maikai!     845 tf.